Baaghi TV

Author: Ayesha Rehmani

  • بچوں کے مسائل ترجیحی بنیادوں پر حل کرنا ہمارا نصب العین ہونا چاہیے،راجہ پرویز اشرف

    بچوں کے مسائل ترجیحی بنیادوں پر حل کرنا ہمارا نصب العین ہونا چاہیے،راجہ پرویز اشرف

    اسلام آباد: اسپیکر قومی اسمبلی راجہ پرویز اشرف کا پارلیمنٹ ہاؤس میں بچوں کے پارلیمانی کاکس کے رسمی افتتاح کے سلسلے میں منعقدہ تقریب سے خطاب۔

    باغی ٹی وی : اسپیکر قومی اسمبلی راجہ پرویز اشرف نے پیر کے روز پارلیمنٹ ہاؤس میں پارلیمانی کاکس برائے چائلڈ رائٹس کے رسمی افتتاح کی منعقدہ تقریب سے خطاب کرتے ہوئے کہا کہ میرے لیے باعث اعزاز کی ہے کہ میں پاکستان کے بچوں کے مستقبل کے بارے میں بات کر رہا ہوں۔انہوں نے کہا کہ مہناز اکبر عزیز اور ان کی ٹیم نے بڑی محنت اور لگن سے بچوں کے کاکس کے لیے کام کیا ہے۔مہناز اکبر عزیز کی سربراہی میں کام کرنے والے کاکس نے آنے والی اسمبلی کے لیے بڑی حد تک کام کو آسان بنا دیا ہے بچے ہمارا مستقبل ہیں۔انہوں نے کہا کہا کہ پوری دنیا کی صرف پانچ پارلیمانو ں میں چلڈرن پارلیمنٹری کاکس قائم ہیں جس میں پاکستان بھی شامل ہے۔انہوں نے کہا کہ یہ بات ہمارے لیے باعث فخر ہے کہ ہم خواتین کاکس کےبعد بچوں کےحقوق کے تحفظ کے لیے پارلیمانی کاکس قائم کرنے میں کامیاب ہوئے ہیں۔انہوں نے کہا کہ بچوں کے مسائل ترجیحی بنیادوں پر حل کرنا ہمارا نصب العین ہونا چاہیے۔انہوں نے کہا پارلیمان میں بچوں کے کے لیے سمر انٹرن شپ پروگرام کا انعقاد کرکے ان کو پارلیمان ہونےوالی قانون سازی کے طریقہ کار اور پارلیمان میں سرانجام دیئے جانے والے دیگر امور سے روشناس کیا گیا ۔

    سویلینزکے فوجی عدالتوں میں ٹرائل کیخلاف کیس کی سماعت کاحکمنامہ جاری

    اسپیکر نے کہا کہ گزشتہ دنوں پاکستان کی پارلیمان میں بچوں کی موک اسمبلی منعقد ہوئی جس میں بچوں نے حقیقی پارلیمان کے ایوان کی کارروائی کی طرح سوالات و جوابات اور قانون سازی سے متعلق اجلاس منعقد کیا۔انہوں نے کہا کہ بچوں کی موک پارلیمنٹ کی کارروائی کو دیکھ کر دلی خوشی محسوس ہوئی۔انہوں نے کہا کہ پارلیمان پاکستان کی عوام کی دانشگاہ ہےہم نے پارلیمان کے دروازے عوام کے لیے کھول دیے ہیں انہوں نے کہا کہ پارلیمان کی ڈائمنڈ جوبلی کے موقع پر خواتین اور بچوں کو اپنے خیالات کا اظہار کرنے کا موقع فراہم کیا گیا۔انہوں نے کہا کہ پارلیمان سے عوام اور بلخصوص بچوں کا رابطہ آنے والی نسلوں کو قانونی سازی میں آگاہی فراہم کرنے میں معاون ثابت ہو گا۔

    الیکشن کمیشن کی عمران خان کو پارٹی عہدے سے ہٹانے کی خبروں کی تردید

    قبل ازیں کنوینر پارلیمنٹری کاکس برائے چائلڈ رائٹس محترمہ مہناز اکبر عزیز نے تقریب سے خطاب کرتے ہوئے بچوں کیلئے پارلیمانی کاکس کے قیام میں اسپیکر قومی اسمبلی راجہ پرویز اشرف اور قومی اسمبلی سیکرٹریٹ کے کردار کو سراہا۔انہوں نے کہا کہ پاکستان کے پارلیمان نے خواتین اور بچوں کے حقوق کے تحفظ کے لیے قانون سازی کی ہے۔پاکستان میں بچوں اور خواتین کو بہت مسائل کا سامنا رہا ہے۔انہوں نے کہا کہ موجودہ قومی اسمبلی میں قائم پارلیمانی کاکس نے اپنے 13 ماہ کے قلیل عرصے میں بچوں اور خواتین سے متعلق اہم قانون سازی کی ہے۔انہوں نے کہا کہ پاکستان کے بچوں کو بہترین مستقبل فراہم کرنا ہم سب کی مشترکہ زمہ داری ہے۔

    بجلی کی فی یونٹ قیمت 59 روپے تک کی بلند ترین سطح پر پہنچ گئی

  • کوئٹہ میں جرمنی اور پاکستان کے درمیان 70 سالہ دوستی کی نشانی ”بڈی بیر“ نصب

    کوئٹہ میں جرمنی اور پاکستان کے درمیان 70 سالہ دوستی کی نشانی ”بڈی بیر“ نصب

    کوئٹہ میں جرمنی اور پاکستان کے درمیان 70 سالہ دوستی کی نشانی ”بڈی بیر“ نصب کرکے جی پی او چوک کو ”برلن کوئٹہ فرینڈ شپ اسکوائر“ کے نام سے منسوب کردیا گیا۔

    باغی ٹی وی: بڈی بیئر کو برلن، واشنگٹن اور نیویارک سمیت مختلف شہروں میں امن کا پیغام سمجھا جاتا ہےاس موقع پر جرمن قونصل جنرل روڈیگر لاٹز نے میڈیا سے گفتگو کرتے ہوئے کہا کہ بڈی بیئر برلن کی علامت ہے،پاکستان میں پہلا بڈی بیئر نصب کیا گیا ہے بڈی بیر کے پھیلے ہوئے ہاتھ امن اور تعاون کی علامت ہیں ہمیں خوشی ہے دوستی کی نشانی بڈی بیئر یہاں نصب کیا گیا ہے-


    انہوں نے کہا کہ ہمیں موسمیاتی تبدیلیوں کے چیلنجز کا سامنا مشترکہ طور پر کرنا ہے۔ بڈی بیئر کی تنصیب پر ایڈمنسٹریٹر کوئٹہ کے شکر گزار ہیں، ہم شکر گزار ہیں کہ چوراہے کا نام کوئٹہ برلن سکوائر رکھا ہے بڈی بیئر کی کوئٹہ میں تنصیب پاک جرمن دوستی کے لیے اہمیت کا حامل ہے بڈی بیئر چھ ہزار کلو میٹر کا طویل سفر طے کر کے کوئٹہ پہنچا ہے۔

    سویلینزکے فوجی عدالتوں میں ٹرائل کیخلاف کیس کی سماعت کاحکمنامہ جاری


    اعزازی قونصل جنرل مراد بلوچ نے میڈیا سے بات چیت کرتے ہوئے کہا کہ کوئٹہ میں بڈی بیرنصب کرنے کا مقصد امن و دوستی کے فروغ کا پیغام ہے، پاکستان اور جرمنی کے درمیان سفارتی تعلقات کو ستر سال ہوچکے ہیں۔

    اس موقع پر ایڈمنسٹریٹر کوئٹہ جبار بلوچ نے میڈیا سے بات چیت میں کہا کہ پاک جرمن 70 سالہ تقاریب کے بعد بڈی بیئر کی تنصیب اہم ہے، ہمیں فخر ہے پاکستان کا پہلا بڈی بیئر کوئٹہ میں نصب کیا گیا، بڈی بیئر کوئٹہ کی خوبصورتی اور دونوں ممالک کی دوستی میں اضافہ کرے گا بڈی بیئر کی تزئین و آرائش کوئٹہ کے طلبعلم محمد شہاب سے کرائی گئی۔

    ترکی کی ڈیرنس بندرگاہ کے قریب اناج کے سائلوز میں دھماکا

  • ترکی کی ڈیرنس بندرگاہ کے قریب اناج کے سائلوز میں دھماکا

    ترکی کی ڈیرنس بندرگاہ کے قریب اناج کے سائلوز میں دھماکا

    ترکی کی ڈیرنس بندرگاہ کے قریب اناج کے سائلوز میں ہونے والے دھماکے میں کم از کم 12 افراد زخمی ہوگئے ۔

    باغی ٹی وی: ترکی کے صوبے ”کوکیلی“ کے گورنر یاووز نے پیر کو بتایا کہ اناج بورڈ کے سائلوس کے قریب تقریباً دو بجکر 40 منٹ پر ایک دھماکہ ہوا گورنر کے مطابق ابتدائی جائزے سے پتہ چلا ہے کہ دھماکا ایک جہاز سے سائلو میں گندم کی منتقلی کے دوران گندم کی دھول کے کمپریشن کی وجہ سے ہوا سوشل میڈیا پر وائرل ویڈیو میں دھوئیں کے ایک بڑے بادل کو دکھایا گیا ہے۔


    گورنر نے کہا کہ ہمیں بتایا گیا تھا کہ تکنیکی طور پر یہ ممکن ہے کہ گندم کی دھول کے کمپریشن کی وجہ سے دھماکا ہوسکتا ہے، لیکن ہم ہر ممکنہ وجہ کی چھان بین کر رہے ہیں ہم نے اپنے ساتھیوں کو جائے وقوعہ سے فوری طور پر بچایا اور فوری طور پر ایمبولینسوں کے ذریعے اسپتال منتقل کیا گیا ہمارے پاس اب تک 10 زخمی ہیں، جن میں سے دو کی حالت قدرے زیادہ سنگین ہے۔

    بھارت چاند کے بعد سمندر میں بھی مشن بھیجے گا

    تاہم ترکی کی سرکاری خبر رساں ایجنسی ”انادولو“ نے پیر کو بتایا کہ زخمی ہونے والے 12 افراد میں سے تین کی حالت تشویش ناک ہے پولیس کا کہنا ہے کہ انہوں نے واقعے کی تحقیقات شروع کر دی ہیں ترک حکام نے بتایا کہ واقعے میں 13 سائلوز اور آؤٹ بلڈنگز کو نقصان پہنچا وزارت نقل و حمل کا کہنا ہے کہ دھماکے سے کسی جہاز کو نقصان نہیں پہنچا۔

    برطانیہ: غیر قانونی تارکین وطن کو نوکری دینے والے مالکان کوتین گنا زیادہ جرمانہ ہوگا

  • سویلینزکے فوجی عدالتوں میں ٹرائل کیخلاف کیس کی سماعت کاحکمنامہ جاری

    سویلینزکے فوجی عدالتوں میں ٹرائل کیخلاف کیس کی سماعت کاحکمنامہ جاری

    اسلام آباد: سپریم کورٹ آف پاکستان نے سویلینز کے فوجی عدالتوں میں ٹرائل کے خلاف کیس کی گزشتہ سماعت کا حکم نامہ جاری کردیا۔

    باغی ٹی وی: عدالت عظمیٰ نے فوجی عدالتوں کے کیس میں فل کورٹ تشکیل دینے کی درخواست مسترد کرنے کا تحریری حکم نامہ جاری کیاحکم نامے میں کہا گیا کہ سپریم کورٹ 2021 میں قرار دے چکی بینچز کی تشکیل کا اختیار صرف چیف جسٹس کا ہے، چیف جسٹس بطور ماسٹر آف روسٹر بینچ کی تشکیل پر فیصلہ کرچکے۔

    تحریری فیصلے میں کہا گیا ہےکہ ایڈووکیٹ فیصل صدیقی نے فل کورٹ بنانےکی درخواست دی، فل کورٹ بنانےکی استدعا مستردکی جاتی ہے، اٹارنی جنرل نےکہا کہ بینچ کی تشکیل عدالت کی صوابدید ہے، سپریم کورٹ قرار دے چکی ہےکہ بینچ کی تشکیل واحد چیف جسٹس کی صوابدید ہے۔

    فیصلےمیں کہا گیا ہےکہ موجودہ حالات فوجی عدالتوں کے کیس میں فل کورٹ بینچ تشکیل دینا ممکن نہیں، چیف جسٹس پاکستان کا موقف ہےکہ اس وقت موسم گرما کی تعطیلات کے باعث فل کورٹ بنانا ممکن نہیں، ملٹری کورٹس کے کیس کی سماعت کے لیے 9 رکنی بینچ میں سے جسٹس قاضی فائز عیسٰی اور جسٹس سردار طارق مسعود بینچ میں بیٹھنے سے انکار کرچکے، جسٹس منصور علی شاہ نےکیس سننے سے معذرت کی، فل کورٹ بنانا اس وقت تکنیکی بنیادوں پر ممکن نہیں ہے، لہٰذا درخواست خارج کرنےکی بنا پر نمٹائی جاتی ہے۔

    اگست کا مہینہ جیل میں، بشریٰ بی بی زمان پارک سے غائب

    واضح رہے کہ حکومت نے 9 مئی کے واقعات کے بعد فوجی تنصیبات کو نقصان پہنچانےوالوں کے خلاف مقدمات ملٹری کورٹ میں چلانے کا فیصلہ کیا تھا اور متعدد افراد کے مقدمات فوجی عدالت میں بھجوائے جا چکے ہیں اس فیصلے سے قبل آرمی چیف جنرل عاصم منیر کی سربراہی میں ہونے والی فارمیشن کمانڈرز کانفرنس کے دوران اس عزم کا اظہارکیا گیا تھا کہ نو مئی کے واقعات میں ملوث افراد اوران کے سہولت کاروں اورماسٹرمائنڈز کو کٹہرے میں لایا جائے گافوجی عدالتوں میں سویلین مقدمات کیخلاف درخواستیں سابق چیف جسٹس جواد ایس خواجہ، سینیئر وکیل اعتزاز احسن، کرامت علی اور چیئرمین تحریک انصاف عمران خان نے دائر کر رکھی ہیں۔

    بجلی کی فی یونٹ قیمت 59 روپے تک کی بلند ترین سطح پر پہنچ گئی

  • بھارت چاند کے بعد سمندر میں بھی مشن بھیجے گا

    بھارت چاند کے بعد سمندر میں بھی مشن بھیجے گا

    نئی دہلی: بھارت جلد ہی اپنے پہلے سمندری مشن سمندریان کے تحت گہرے سمندر میں ایک انسان بردار آبدوز بھیجے گا-

    باغی ٹی وی: بھارتی میڈیا کے مطابق یہ آبدوز تین افراد کو سمندر میں 6000 میٹر کی گہرائی تک لے جائے گی۔ آبدوز کا نام ‘متسیا 6000’ رکھا گیا ہے۔ اس آبدوز کے پہلے مرحلے کی جانچ مارچ 2024 تک مکمل ہو جائے گی۔ جس کا مطلب ہے کہ سال 2026 تک ‘متسیا 6000’ تین ہندوستانیوں کو سمندر میں 6000 میٹر تک لے جائے گا۔

    یہ مشن مرکزی حکومت کے بلیو اکانومی پہل کے تحت شروع کیا گیا تھا یہ بھارت کا پہلا سمندری مشن ہے جس میں انسان سمندر کی گہرائیوں میں جاتے ہیں۔ اس مشن کا مقصد گہرے سمندر میں وسائل اور حیاتیاتی تنوع پر تحقیق کرنا ہے۔ مشن کی خاص بات یہ ہے کہ اس میں آبدوز کو صرف تلاش کے لیے استعمال کیا جائے گا، تاکہ ماحولیاتی نظام کو کم سے کم یا صفر نقصان پہنچے۔ اس وقت چنئی کا نیشنل انسٹی ٹیوٹ آف اوشین ٹیکنالوجی اس مشن پر کام کر رہا ہے۔

    واٹس ایپ میں وائس چیٹس کا اضافہ

    سمندری مشن کے تحت تین افراد کو سمندر کی 6000 میٹر کی گہرائی میں بھیجا جائے گا۔ ان تینوں کو وہاں بھیجنے کے لیے جو گاڑی تیار کی جا رہی ہے اس کا نام ‘متسیا 6000’ رکھا گیا ہے ورلڈ بینک کے مطابق، بلیو اکانومی سمندری وسائل کا پائیدار استعمال ہے جبکہ اقتصادی ترقی، بہتر معاش اور ملازمتوں کے لیے سمندری ماحولیاتی نظام کی صحت کو برقرار رکھنا ہے۔

    اس مشن کو مکمل کرنے کے لیے 6000 کروڑ کا بجٹ بنایا گیا ہے اور یہ سمندری مشن کا ایک حصہ ہے۔ ‘ڈیپ اوشین مشن’ یعنی سمندری گاڑیوں کے مشن پر ارتھ سائنسز کی وزارت کی تجویز کو کابینہ کمیٹی برائے اقتصادی امور نے 16 جون 2021 کو منظوری دی تھی۔

    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ

  • الیکشن کمیشن کی عمران خان کو پارٹی عہدے سے ہٹانے کی خبروں کی تردید

    الیکشن کمیشن کی عمران خان کو پارٹی عہدے سے ہٹانے کی خبروں کی تردید

    اسلام آباد: الیکشن کمیشن آف پاکستان نے پاکستان تحریک انصاف کے چیئرمین عمران خان کو پارٹی عہدے سے ہٹانے کی خبروں کی تردید کردی۔

    باغی ٹی وی: ترجمان الیکشن کمیشن کے مطابق میڈیا اور سوشل میڈیا پر پی ٹی آئی چیئرمین کو پارٹی عہدے سے ہٹانے کی چلنے والی تمام خبروں کی الیکشن کمیشن سختی سے تردید کرتا ہےالیکشن کمیشن میں آج اس موضوع پر نہ تو کوئی اجلاس ہوا ہے اور نہ ہی یہ موضوع زیر غور رہا ہے۔

    قبل ازیں خنریں تھیں کہ الیکشن کمیشن نے چئیرمین کو پارٹی صدارت سے ہٹانے کا فیصلہ کر لیا، الیکشن کمیشن کچھ دیر میں باضابطہ اعلان کرے گا، چیئرمین تحریک انصاف کو پارٹی صدارت سے ہٹانے کی فائل تیار کر کے کمیشن کو بھجوا دی گئی-

    پاکستانی روپے کے مقابلےمیں امریکی ڈالرمہنگا، اسٹاک ایکسچینج میں بھی کاروبار کا منفی رجحان

    واضح رہے کہ 5 اگست کو ایڈیشنل سیشن جج ہمایوں دلاور نے توشہ خانہ کیس میں چیئرمین پاکستان تحریک انصاف عمران خان کو 3 سال قید اور ایک لاکھ روپے جرمانے کی سزا سنائی تھی عدالت کی جانب سے سزا سنائے جانے کے بعد پولیس نے عمران خان کو لاہور میں ان کی رہائش گاہ سے گرفتار کر کے اٹک جیل منتقل کیا تھا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے-

    برطانیہ: غیر قانونی تارکین وطن کو نوکری دینے والے مالکان کوتین گنا زیادہ جرمانہ ہوگا

  • بجلی کی فی یونٹ قیمت 59 روپے تک کی بلند ترین سطح پر پہنچ گئی

    بجلی کی فی یونٹ قیمت 59 روپے تک کی بلند ترین سطح پر پہنچ گئی

    گھریلو صارفین کو اوسطً فی یونٹ قیمت 59 روپے کی بلند ترین سطح پر پہنچ گئی۔

    باغی ٹی وی: وفاقی حکومت کی جانب سےبجلی کی قیمتوں میں مسلسل اضافہ جاری ہے بجلی کے بنیادی ٹیرف اورٹیکسزشامل ہونے سے یونٹ قیمت 59 روپے تک پہنچ چکی ہے، حکومت نے کچھ روز قبل بجلی کے بنیادی ٹیرف میں 7 روپے فی یونٹ کا اضافہ کیا تھا۔

    فیول پرائس ایڈجسٹمنٹ، الیکٹرک سٹی ڈیوٹی شامل کرنےسےقیمت میں ہوشربااضافہ ہوا،فیول پرائس ایڈجسٹمنٹ کی رقم پر بھی اضافی ٹیکس لگا کر بلز میں شامل کیا گیا،کوارٹرٹیرف ایڈجسٹمنٹ، انکم ٹیکس، پی ٹی وی فیس کے علاوہ ایف سی سرچارج کو بلوں میں شامل کیا ہے، جنرل سیلز ٹیکس سمیت دیگر چارچز شامل کرنے کی وجہ سے قیمت میں اضافہ ہواہے،صارفین کو رواں ماہ کی بلنگ نئے ٹیرف کے مطابق شروع ہو چکی ہے۔

    برطانیہ: غیر قانونی تارکین وطن کو نوکری دینے والے مالکان کوتین گنا زیادہ جرمانہ ہوگا

    واضح رہے کہ حکومت نے بجلی صارفین پر 144 ارب 69 کروڑ پر اضافی بوجھ ڈالنے کی تیاری کر لی ہے، بجلی کی تقسیم کار کمپنیوں نے صارفین پر اضافی بوجھ کے لئے نیپرا سے رجوع کر لیانیپرا سے سہ ماہی ایڈجسٹمنٹ کی مد میں 144 ارب 69 کروڑ روپے اضافے کی درخواست کی گئی ہے، نیپرا اتھارٹی ڈسکوز کی درخواست پر 23 اگست کو سماعت کرے گی۔

    دوسری جانب بجلی کی قیمتوں میں اضافے کے خلاف سپریم کورٹ کے ہیومن سیل میں درخواست دائر کردی گئی ہے سپریم کورٹ میں درخواست مقامی وکیل مدثر چوہدری نے دائر کی ہے جس میں مؤقف اپنایا گیا کہ بجلی کی قیمتوں میں بے انتہا اضافہ کرکے فی یونٹ 50 روپے کردیا گیا ہے۔

    پاکستانی روپے کے مقابلےمیں امریکی ڈالرمہنگا، اسٹاک ایکسچینج میں بھی کاروبار کا منفی رجحان

  • پاکستانی روپے کے مقابلےمیں امریکی ڈالرمہنگا، اسٹاک ایکسچینج میں بھی کاروبار کا منفی رجحان

    پاکستانی روپے کے مقابلےمیں امریکی ڈالرمہنگا، اسٹاک ایکسچینج میں بھی کاروبار کا منفی رجحان

    اسلام آباد: پاکستان اسٹاک ایکسچینج میں آج کاروبار کا منفی رجحان رہا اور 100 انڈیکس 199 پوائنٹس کم ہوکر 48386 پر بند ہوا۔

    باغی ٹی وی : کاروباری دن میں 100 انڈیکس 758 پوائنٹس کےبینڈ میں رہا، بازار میں 38 کروڑ شیئرز کے سودے 14.52 ارب روپے میں طے ہوئے، مارکیٹ کیپٹلائزیشن 32 ارب روپے سے کم ہو کر 7257 ارب روپے ہے۔

    دوسری جانب کاروباری ہفتے کے پہلے روز انٹر بینک میں پاکستانی روپےکے مقابلےمیں امریکی ڈالرمہنگا ہو گیا انٹربینک میں کاروبارکے اختتام پر امریکی ڈالر 287.43 روپے پر بند ہوا اوپن مارکیٹ میں ڈالر کی قیمت یک دم تین روپے بڑھ گئی اور امریکی کرنسی کے ریٹ 295 روپے پر پہنچ کر بند ہوگئےانٹر بینک میں گزشتہ روز امریکی ڈالر 286.97 پر بند ہوا تھا، آج انٹر بینک میں ڈالر 46 پیسے مہنگا ہوا۔

    ملک میں سونےکی فی تولہ قیمت میں مزید اضافہ

    سعودی ریال 76.61 روپے، اماراتی درہم 78.25 روپے، قطری ریال 78.60 روپے، کویتی دینار934.27 روپے اور بحرینی دینار 762.41 روپے کا رہاانٹربینک میں آسٹریلین ڈالر کی قدر 189 روپے 02 پیسے، کینیڈین ڈالر 214 روپے 86 پیسے اور برطانوی پاؤنڈ 366 روپے 17 پیسے ریکارڈ کی گئی۔

    پاکستانی کرنسی کی قدر میں 2 روپے 18 پیسے اضافہ

  • برطانیہ: غیر قانونی تارکین وطن کو نوکری دینے والے مالکان کوتین گنا زیادہ جرمانہ ہوگا

    برطانیہ: غیر قانونی تارکین وطن کو نوکری دینے والے مالکان کوتین گنا زیادہ جرمانہ ہوگا

    برطانیہ میں امیگریشن کے لیے نئے کریک ڈاؤن کے تحت غیر قانونی طور پر تارکین وطن کی خدمات حاصل کرنا "مالی طور پر تباہ کن” ہو گا۔

    باغی ٹی وی: غیر قانونی طور پر برطانیہ میں تارکین وطن کو ملازمت دینے والے مالکان کے لیے جرمانہ فی ملازم 60,000 پونڈ تک تین گنا ہو جائے گا، جس سے یہ عمل معاشی طور پر اتنا نقصان دہ ہو جائے گا کہ یہ ان کو کاروبار سے باہر کر سکتا ہے-

    اس اقدام کا اعلان اتوار کو امیگریشن کے وزیر رابرٹ جینرک نے کیا، اس کا مقصد تارکین وطن کے لیے برطانیہ کے بارے میں اس رابطے کے تصور کو ختم کرنا ہے جو یہ سمجھتے ہیں کہ وہ برطانیہ کی بلیک مارکیٹ میں آسانی سے کام حاصل کر سکتے ہیں۔

    ہاؤس مالکان کو بھی جرمانے میں دس گنا اضافے کا سامنا کرنا پڑے گا اگر وہ تارکین وطن کو جائیدادیں دیں یا ان کے امیگریشن کاغذات کی جانچ پڑتال کے بغیر انہیں رہائش گاہ پر لے جائیں وزراء کا خیال ہے کہ اس اقدام سے "کشتیوں کو روکنے”میں مدد ملے گی، جو رشی سنک کے پانچ اہم وعدوں میں سے ایک ہے۔

    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ

    یہ اس وقت سامنے آیا ہے جب وزراء مبینہ طور پر ایسنشن آئی لینڈ اور افریقہ کے پانچ دیگر ممالک کو جلاوطن تارکین وطن کے لیے غور کر رہے ہیں اگر رواں موسم خزاں میں سپریم کورٹ کی جانب سے روانڈا اسکیم کو غیر قانونی قرار دیا جاتا ہےہوم آفس سے پیر کے روز توقع ہے کہ پناہ گزینوں کو ان کے ٹیکس دہندگان کی مالی اعانت سے چلنے والے ہوٹلوں سے ڈورسیٹ کے بیبی اسٹاک ہوم بارج میں منتقل کیا جائے گا۔

    ایک ذریعےنے بتایا کہ کریک ڈاؤن کا مقصد اسے "مکمل طور پر معاشی طور پر ناقابل قبول اور مالی طور پر تباہ کن” بناناتھا تاکہ کارکنوں کو غیر قانونی طور پر ملازمت دینے کا خطرہ لاحق ہو۔ ذریعہ نے کہا کہ یہ بنیادی طور پر لوگوں کو کاروبار سے باہر کر رہا ہے اگر وہ ایسا کرتے ہیں۔

    نئی حکومت کے نفاذ میں کار واش، تعمیرات، سماجی نگہداشت اور مہمان نوازی کو نشانہ بنایا جائے گا کیونکہ وہ اہم کاروبار جو تارکین وطن کا استحصال کرتے ہیں جو اکثر چھوٹی کشتیوں پر غیر قانونی طور پر برطانیہ میں داخل ہوئے ہیں۔

    ہر بارفرد جرم عائد ہونے کے بعد ڈونلڈ ٹرمپ کی مقبولیت میں مزید اضافہ ہوا،برطانوی …

    جرمانے کی اسکیم کے تحت، جس کا سب سے پہلے دی ٹیلی گراف نے انکشاف کیا تھا، آجروں کے لیے شہری جرمانے پہلی بار خلاف ورزی پر 15,000 پونڈ سے45,000 پونڈ فی غیر قانونی کارکن تک تین گنا ہو جائیں گے، اور دوبارہ خلاف ورزی پر 20,000 پونڈ سے بڑھ کر 60,000 پونڈ ہو جائیں گے۔

    مالک مکان کے لیے، جو کبھی کبھی ان کمپنیوں کے ساتھ ملے ہوتے ہیں جو انہیں ملازمت دیتی ہیں، جرمانہ 80 پونڈ فی رہائشی اور £1,000 فی کرایہ دار سے بڑھ کر £5,000 فی رہائشی اور £10,000 فی کرایہ دار تک ہو جائے گا۔ بار بار کی خلاف ورزیاں بالترتیب £500 اور £3,000 سے بڑھ کر £10,000 فی رہائشی اور £20,000 فی کرایہ دار تک ہوں گی۔ زیادہ سزائیں 2024 کے آغاز سے لاگو ہوں گی۔

    پاکستان میں انتخابات میں تاخیر ہو سکتی ہے،غیر ملکی ماہرین

    مسٹر جینرک کا کہنا ہے کہ یہ "صرف صحیح” ہے جرمانہ "جرم کی شدت” کے مطابق ہونا چاہیے جہاں وہ لوگوں کے اسمگلروں کے ساتھ "شریک” تھےغیر قانونی تارکین سے یہ وعدہ کرنا کہ وہ برطانیہ میں آسانی سے کام کر سکتے ہیں اور رہ سکتے ہیں، ان بہت سے جھوٹوں میں سے ایک ہے جو لوگ سمگلر تارکین وطن کو چھوٹی کشتیوں کو عبور کرنے پر آمادہ کرنے کے لیے کہتے ہیں بے ایمان آجروں کی اقلیت جو غیر قانونی کام کرنے اور کرایہ پر لینے کی اجازت دیتے ہیں اس لیے لوگوں کے اسمگلروں کے کاروباری ماڈل کو فعال کر رہے ہیں اور چھوٹی کشتیوں کے بحران سے برطانیہ میں کمیونٹیز کو پہنچنے والے نقصان میں شریک ہیں۔

    چین میں 5.5 شدت کا زلزلہ.عمارتئں منہدم متعدد افراد زخمی

  • سیاستدان جب تک مل کر نہیں بیٹھیں گے تب تک پاکستان آگے نہیں جائے گا،سعد رفیق

    سیاستدان جب تک مل کر نہیں بیٹھیں گے تب تک پاکستان آگے نہیں جائے گا،سعد رفیق

    لاہور: وزیرر یلوے خواجہ سعد رفیق نے ہزارہ ایکسپریس حادثے کو وسائل کی کمی کا شاخسانہ قرار دے دیا-

    باغی ٹی وی : وزیر ریلوے و ہوا بازی خواجہ سعد رفیق نے لاہور کالج فار ویمن یونیورسٹی میں منعقدہ تقریب میں شرکت اور 1200 طالبات میں لیپ ٹاپ تقسیم کیےاس موقع پر اپنے خطاب میں کہا کہ پاکستان انٹرنیشنل ائیرلائنز (پی آئی اے) بحران کی بڑی وجہ میرٹ پر فیصلوں کا نہ ہونا ہے، انہوں نے ڈنکے کی چوٹ پر سب کو بتا دیا ہے کہ پی آئی اے نے ایسے نہیں چلنا اس کو بدلنا ہو گا،ٹرین حادثے کی تحقیقات کی جارہی ہیں، چند روز بعد نگران حکومت آجائے گی مگر پھر بھی اس حادثے کی تحقیقات چلتی رہیں گی ملکی ترقی کیلئے سیاسی استحکام ازحد ضروری ہے، مارشل لاز نے ملک کے حالات بہت خراب کیے، سیاست دان جب تک مل کر نہیں بیٹھیں گے تب تک پاکستان آگے نہیں جائے گا۔

    ہمارے دو تین دن رہ گئے، ڈر تھا کہ کوئی حادثہ نہ ہو جائے اور …

    وزیر ریلوے خواجہ سعدرفیق نے نیوز کنفرنس میں کہا کہ خصوصی حکومتی دلچسپی کے باعث تاریخی سبی ہرنائی ریلوے سیکشن پر ریلوے ٹرین کا آغاز ہو گیا ہےعوام کو سفری سہولیات کے ساتھ تجارتی سرگرمیوں کو بھی فروغ ملے گاسبی ہرنائی ریلوے ٹریک سترہ سال بعد مکمل ہو ا کوشش ہے کہ ایم ایل ون منصوبے پر جلد کام شروع ہو گا ریلوے ہزارہ ایکسپریس حادثے کی ابتدائی رپورٹ آچکی ہے تاہم تفصیلی رپورٹ ایک ہفتےمیں آئے گی۔

    مکافاتِ عمل ، یہ وہ ہی لوگ ہیں جو میاں نواز شریف کی نااہلی پر …

    دوسری جانب وزیراعلیٰ سندھ نے ٹھٹھہ میں انٹرنیشنل میڈیکل اینڈ ٹیکنیکل کالج کا افتتاح کیا اور اس موقع پر وزیراعلیٰ سندھ مراد علی شاہ نے نواب شاہ ٹرین حادثے کے متاثرین کی مالی معاونت کا اعلان کیا ہےانہوں نے کہا کہ جاں بحق افراد کے لواحقین کو فی کس 10 لاکھ اور زیر علاج زخمیوں کو 2 سے 5 لاکھ روپے دیئے جائیں گے۔

    مراد علی شاہ نے کہا کہ اگلی حکومت پیپلز پارٹی بنائے گی پنجاب میں اکثریت کا دعویٰ نہیں لیکن پیپلزپارٹی کی سیٹیں ہوں گی۔ بلوچستان اور کے پی میں پیپلزپارٹی کی اکثریت ہوگی سندھ حکومت نے ہر شعبے میں عوام کی خدمت کی ہے، عوام میں جاکر اپنی غلطیوں کا بھی معلوم کریں گے۔

    عمران خان اٹک جیل میں قید ہونے والے پہلے سابق وزیراعظم