Baaghi TV

Author: Ayesha Rehmani

  • گوگل سرچ انجن میں تبدیلی کا اعلان

    گوگل سرچ انجن میں تبدیلی کا اعلان

    کیلیفورنیا: گوگل سرچ انجن میں جلد انقلابی تبدیلی کا اعلان کر دیا۔

    باغی ٹی وی: وال اسٹریٹ جرنل (WSJ) کی ایک رپورٹ کے مطابق گوگل کے سی ای او سندر پچائی نے اپنے ایک انٹرویو میں کہا کہ گوگل سرچ انجن بہت جلد مختلف محسوس ہو گا اور اے آئی جیسی ٹیکنالوجی سے گوگل کو بہت بہتر بنایا جا سکے گا بہت جلد لوگ گوگل سے سرچ کے علاوہ سوالات بھی پوچھ سکیں گے۔

    واٹس ایپ میں نیوی گیشن ٹول بار کا اضافہ

    اگرچہ، آؤٹ لیٹ کے مطابق، مسٹر پچائی نے اس خیال کو مسترد کر دیا کہ چیٹ بوٹس نے گوگل کے سرچ کاروبار کو خطرہ لاحق ہے، جس سے اس کے والدین الفابیٹ انکارپوریشن کی نصف سے زیادہ آمدنی ہوتی ہے۔ چیف ایگزیکٹو نے انٹرویو میں کہا کہ موقع کی جگہ، اگر کچھ بھی ہے، پہلے سے زیادہ ہے۔

    واضح رہے کہ بڑے لینگویج ماڈلز (LLMs) ایسے کمپیوٹر پروگرام ہیں جو لوگوں کے سوالات کے جوابات فراہم کر سکتے ہیں اور گوگل اس شعبے میں پیش پیش رہا ہے۔ ٹیک دیو اب ٹیکنالوجی کا استعمال کرتے ہوئے اپنے سرچ انجن پر صارف کے تجربے کو بہتر بنانے کی کوشش کرے گا کیا لوگ گوگل سے سوالات پوچھ سکیں گے اور تلاش کے تناظر میں ایل ایل ایم کے ساتھ مشغول ہوں گے؟-

    پورا چاند خودکشیوں کے رجحان میں اضافہ کردیتا ہے،تحقیق

    لاگت میں کمی کے لیے سرمایہ کاروں کے دباؤ کے علاوہ، مسٹر پچائی برسوں میں گوگل کے مرکزی کاروبار کے لیے سب سے بڑے خطرے سے نمٹ رہے ہیں کیونکہ مائیکروسافٹ نے حال ہی میں بنگ سرچ انجن کا اپنا بہتر ورژن متعارف کرایا ہے-

    واضح رہے کہ چیٹ جی پی ٹی کے اضافے کے بعد گوگل نے اپنے چیٹ بوٹ بارڈ کو متعارف کرانے کا اعلان کیا تھا جسے رواں سال مارچ میں امریکہ اور برطانیہ میں محدود صارفین کے لیے متعارف کرا دیا گیا تھا بارڈ چیٹ بوٹ گوگل کے لینگوئج ماڈل فار ڈائیلاگ ایپلیکیشنز (ایل اے ایم ڈی اے) پر مبنی ہے تاہم ابھی تک اسے گوگل سرچ کا حصہ نہیں بنایا گیا۔

    آخر کچھ گانے ذہن سے چپک کیوں جاتے ہیں اور ان کو نکالنا کیسے ممکن …

    سندر پچائی نے یہ نہیں واضح کیا کہ نئے اے آئی فیچرز کب تک گوگل سرچ میں دستیاب ہوں گے تاہم انہوں نے بتایا کہ گوگل کی جانب سے اے آئی ٹیکنالوجی پر مبنی کئی سرچ پراڈکٹس کی آزمائش کی جاری ہے۔

  • نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ

    نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ

    نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ ہوگیا۔

    باغی ٹی وی: نیوزی لینڈ کا ٹی ٹوئنٹی اسکواڈ کرائسٹ چرچ سے پاکستان کے لیے روانہ ہوا،نیوزی لینڈ ٹیم دورہ پاکستان میں پانچ ٹی ٹوئنٹی میچز کی سیریز کھیلے گی-

    نیوزی لینڈ کرکٹ ٹیم کا دورہ پاکستان،اسلام آباد پولیس کی سکیورٹی فراہم کرنے سے معذرت

    پاکستان اور نیوزی لینڈ کے درمیان پہلا ٹی ٹوئنٹی 14 دوسرا اور تیسرا ٹی ٹوئنٹی بالترتیب 15 اور 17 اپریل کو لاہور میں کھیلا جائے گا چوتھا اور پانچواں ٹی ٹوئنٹی بالترتیب 20 اور 24 اپریل کو راولپنڈی میں کھیلا جائے گا –

    اس کے بعد پانچ میچز کی ون ڈے سیریز شروع ہوگی، پہلا اور دوسرا ون ڈے 27 اور 29 اپریل کو راولپنڈی میں کھیلا جائے گا تیسرا ، چوتھا اور پانچواں ون ڈے بالترتیب تین ، 5 اور 7 مئی کو کراچی میں کھیلا جائے گا۔

    برطانوی شاہی خاندان نے تحائف میں ملے گھوڑے بیچ دیئے

  • وفاقی کابینہ کا اجلاس آج وزیراعظم ہاؤس میں ہوگا

    وزیراعظم شہباز شریف کی زیر صدارت وفاقی کابینہ کا اجلاس آج دوپہر 2 بجے وزیراعظم ہاؤس میں ہوگا۔

    باغی ٹی وی: ذرائع کےمطابق وفاقی کابینہ قومی سلامتی کمیٹی کے فیصلوں کی توثیق کرے گی،اجلاس میں قانونی مشاورت اورسپریم کورٹ کے فیصلے سے متعلق حکمت عملی پربات ہوگی، عدالتی اصلاحات بل پارلیمنٹ کے مشترکہ اجلاس سے منظورکرانے پر بھی بات ہوگی۔

    وفاقی حکومت کا ازخود نوٹس اختیارمیں ترمیم کا بل دوبارہ پارلیمنٹ سے منظور کرانے کا …

    واضح رہے کہ قومی اسمبلی نے چند روز قبل عدالتی اصلاحات کا بل منظور کر کے توثیق کے لیے صدر پاکستان کو بھیجا تھا تاہم صدر عارف علوی نے بل نظر ثانی کے لیے واپس پارلیمنٹ کو بھیج دیا ہے۔

    خیال رہے کہ صدر کی جانب سے اعتراض کے بعد وفاقی حکومت نے سپریم کورٹ کے ازخود نوٹس اختیار میں ترمیم کا بل دوبارہ پارلیمنٹ سے منظور کرانے کا فیصلہ کیا ہےقانون کی رو سےاگر صدرکوئی بل نظرثانی کیلئے پارلیمان کوواپس بھیجےتوحکومت پارلیمنٹ کامشترکہ اجلاس بلا کر بل منظور کراکر صدر کو بھیج سکتی ہے اگر بل کی دوبارہ منظوری کے بعد بھی صدر دستخط نہ کریں تو یہ بل 10 دن بعد خود بخود ایکٹ بن جائے گا۔

    پارلیمنٹ کی قرار داد پاکستان کے آئین اور عدلیہ کی آزادی کے منافی ہے،سپریم کورٹ …

  • گیس اور اسٹریٹ کرائم پر بیان دینے پر لوگ مجھ پر تنقید کرتے ہیں،گورنر سندھ

    گیس اور اسٹریٹ کرائم پر بیان دینے پر لوگ مجھ پر تنقید کرتے ہیں،گورنر سندھ

    کراچی: گورنر سندھ کامران ٹیسوری کا گیس کی جاری شدید لوڈ شیڈنگ کے حوالے سے کہنا ہے کہ بڑے سپلائرز کہہ رہے ہیں کہ گیس موجود ہے، ہم دے سکتے ہیں۔

    باغی ٹی وی: گورنر سندھ کامران خان ٹیسوری سحری کے وقت کھارادر پہنچے تھے اس موقع پر انہوں میڈیا سے گفتگو کرتے ہوئے کہا کہ یہ سچی بات ہے کہ شہر میں کوئی کچھ نہیں کر رہا ہےگیس اور اسٹریٹ کرائم پر بیان دینے پر لوگ مجھ پر تنقید کرتے ہیں، تاہم میں ہر اس چیز پر بیان دوں گا جس سے لوگوں کو حق نہیں مل رہا ہے۔

    ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

    گورنر سندھ کامران ٹیسوری نے میڈیا سےگفتگو میں یہ بھی کہا کہ میں چاہتا ہوں کہ اس صوبے اورشہرکےلوگوں کا کاروبار چلےوہ سحری میں نمائش بھی پہنچے جہاں انہوں نے جے ڈی سی کی عوامی سحری میں موجود نابینا شخص محمد ابراہیم کو پلاٹ کا تحفہ بھی دیا۔

    گورنر سندھ کامران ٹیسوری نے وہاں موجود لوگوں کو افطار پر گورنر ہاؤس آنے کی دعوت بھی دی۔

    پیپلز پارٹی چیف جسٹس پاکستان سے محاذ آرائی نہیں چاہتی،قمر زمان کائرہ

  • ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

    ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

    عوامی نیشنل پارٹی (اے این پی) خیبر پختونخوا کے صدر ایمل ولی خان نے صدرِ مملکت عارف علوی اور سابق وزیرِ اعظم عمران خان کو گرفتار کرنے کا مطالبہ کیا ہے-

    باغی ٹی وی: سماجی رابطے کی ویب سائٹ ٹوئٹر پر جاری کیے گئےبیان میں صدر اے این پی کے پی کے نےکہا ہےکہ‏ تخت پنجاب کی لڑائی میں مصروف سیاستدانوں کو علم ہی نہیں ہوگا کہ آج ضلع خیبر اور تحصیل تیارزہ (جنوبی وزیرستان) میں پی ٹی آئی کے عسکری ونگ ٹی ٹی پی کے دہشتگردوں نے ہمارے بھائیوں کو شہید کیا۔ہم ایک بار پھر دہراتے ہیں کہ دہشتگردوں کو واپس لینے والوں کو فوری طور پر گرفتار کیا جائے-


    صدر اے این پی نے کہا کہ قومی سلامتی کمیٹی کے اجلاس میں آپریشن کے فیصلوں سے پہلے ان افراد کو قانون کے کٹہرے میں لایا جائے جو ان دہشتگردوں کی واپسی کے ذمہ دار ہیں۔ عمران نیازی، عارف علوی، محمودخان، جنرل فیض اور بیرسٹر سیف کو گرفتار کرکے ان سے پوچھا جائے کہ دہشتگردوں کی آبادکاری کہاں ہوئی ہے۔


    اے این پی کے صوبائی صدر نے لکھا ہے کہ ہم ایک بار پھر دہراتے ہیں کہ دہشت گردوں کو واپس لینے والوں کو فوری طور پر گرفتار کیا جائے قومی سلامتی کمیٹی کے اجلاس میں آپریشن کے فیصلوں سے پہلے ان افراد کو قانون کے کٹہرے میں لایا جائے جو ان دہشت گردوں کی واپسی کے ذمے دار ہیں۔


    ایمل ولی نے کہا کہ آپریشن آخری آپشن ہوتا ہے۔ آخری آپشن سے پہلے دہشتگردوں کے حمایتی اور لانیوالوں کے خلاف کیا کارروائی ہوئی؟ پشتونوں کو جنگی اقتصاد کا ایندھن بنانے کی اجازت ہرگز نہیں دیں گے۔ جب تک دہشتگردوں کو واپس لانیوالوں کو سزا نہیں دی جاتی، کسی آپریشن کی اجازت نہیں دیں گے۔


    ایمل ولی خان نے کہا کہ اے این پی واحد جماعت ہے جنہوں نے عام انتخابات کیلئے اپنے امیدواران کا اعلان تک کردیا ہے۔ 8اکتوبر 2023ء کو انتخابات ایک ہی دن ہونے چاہئیے۔ پنجاب میں جو انتخابات جیتے گا، کیا وہ عام انتخابات پر اثرانداز نہیں ہوگا؟ ہم کبھی بھی جمہوریت کی بنیاد پنجاب کو نہیں مانیں گے-


    انہوں نے کہا کہ ہم نے اس ملک اور اپنی قوم کیلئے قربانیاں دی ہیں۔ انگریزوں کے زمانے سے آج تک اس جمہوریت کیلئے اپنی زندگیاں داؤ پر لگادی ہیں۔ کوئی اگر اس نظام کو درہم برہم کرنے کا سوچے گا، تو ہم چپ نہیں رہیں گے۔ ہم نے اس نظام کو بچانے کیلئے اعلان کیا ہے چیف جسٹس صاحب عید تک استعفیٰ دیں-


    2013ء میں ٹی ٹی پی کی حمایت سے اور 2018ء میں فیضیابی کے نتیجے میں پی ٹی آئی کو پختونخوا پر مسلط کیا گیا۔ آج ایک بار پھرپی ٹی آئی نے ٹی ٹی پی کے ساتھ معاہدہ کیا، ان کو واپس لایا گیا تاکہ انہیں سیاسی سپورٹ دے سکیں۔ اس بار انشاء اللہ یہ نہیں ہونے دیں گے

  • بزدل وہ ہوتا ہےجو عورتوں اور بچوں کو ڈھال بنا کر خود چارپائی کے نیچے چھپ جائے،مریم اورنگزیب

    بزدل وہ ہوتا ہےجو عورتوں اور بچوں کو ڈھال بنا کر خود چارپائی کے نیچے چھپ جائے،مریم اورنگزیب

    وفاقی وزیراطلاعات مریم اورنگزیب نے عمران خان کے بیان پر ردعمل دیتے ہوئےکہا کہ بزدل وہ ہوتا ہے جو عورتوں اور بچوں کو ڈھال بنا کر خود چارپائی کے نیچے چھپ جائے۔

    باغی ٹی وی:وزیراطلاعات مریم اورنگزیب نے عمران خان کو تنقید کا نشانہ بناتے ہوئے کہا کہ غیر ملکی لابی فرمز کے غلام حقیقی آزادی کی جنگ لڑ رہے ہیں، اقتدار کی خاطر اپنی بیٹی کو قبول نہ کرنے والا بزدل ہے-

    پاکستان میں ہماری جنگ حقیقی آزادی کیلئے ہے،عمران خان

    وفاقی وزیر نے کہا کہ آزادی کی جنگ لڑنے والا پہلا بزدل ہے جو کالے ڈبے منہ پر پہن کر باہر نکلتا ہے، بزدل وہ ہوتا ہے جو عورتوں اور بچوں کو ڈھال بنا کر خود چارپائی کے نیچے چھپ جائے۔

    مریم اورنگزیب کا مزید کہنا تھا کہ عمران خان نے اپنی کرسی کی خاطر ملک کےخلاف سازش کی۔

    وفاقی حکومت کا ازخود نوٹس اختیارمیں ترمیم کا بل دوبارہ پارلیمنٹ سے منظور کرانے کا …

    واضح رہے کہ گزشتہ شام لاہور میں افطار کے موقع پر کارکنوں سے خطاب میں عمران خان نے کہا تھا کہ کلمہ طیبہ انسانوں کو غیرت مند بناتا ہے، لیڈر ہوتا ہی غیرت مند ہے،جو بھی لیڈر بنے وہ غیرت مند بنے، لیڈر سچا اورایماندار ہوتا ہے، جو لیڈر ہوتا ہے وہ خوفزدہ نہیں ہوتا، بزدل آدمی لیڈر نہیں بنتا نواز شریف بن جاتا ہے۔

    پارلیمنٹ کی قرار داد پاکستان کے آئین اور عدلیہ کی آزادی کے منافی ہے،سپریم کورٹ …

    عمران خان نے کہا تھا کہ پاکستان میں ہماری جنگ حقیقی آزادی کیلئےہےمیں نے انصاف لینا ہےاس کیلئے ساری قوم کو تیار ہونا ہے میرے گھر پر حملہ کیا گیا، پی ٹی آئی رہنما علی امین کو گرفتار کر لیا، یہ بتانا چاہتے ہیں کہ ہم ان کے غلام ہیں۔

  • پیپلز پارٹی چیف جسٹس پاکستان سے محاذ آرائی نہیں چاہتی،قمر زمان کائرہ

    پیپلز پارٹی چیف جسٹس پاکستان سے محاذ آرائی نہیں چاہتی،قمر زمان کائرہ

    پاکستان پیپلز پارٹی کے رہنما قمر زمان کائرہ کا کہنا ہےکہ پیپلز پارٹی چیف جسٹس سے محاذ آرائی میں انتہائی اقدام نہیں چاہتی۔

    باغی ٹی وی: قمر زمان کائرہ کا کہنا تھا کہ پیپلز پارٹی کے رہنما قمر زمان کائرہ نے میڈیا سے گفتگو کرتے ہوئے کہا کہ ہم پاکستان تحریک انصاف (پی ٹی آئی) سے ڈیڈ لاک نہیں بلکہ ڈائیلاگ چاہتے ہیں اور پیپلز پارٹی بس اتنا چاہتی ہے کہ چیف جسٹس فل کورٹ بنائیں۔

    کراچی: ایس ایچ اوز کو باڈی وارن کیمرے یونیفارم کے ساتھ منسلک رکھنے کا حکم

    انہوں نے کہا کہ پیپلز پارٹی چیف جسٹس پاکستان سے محاذ آرائی نہیں چاہتی اور ججز کے خلاف ریفرنس دائر کرنے کے لیے حکومت نے پیپلز پارٹی سے سرکاری سطح پر کوئی بات نہیں کی۔

    قبل ازیں پیپلز پارٹی کی مرکزی رہنما شیری رحمان نے کہا تھا کہ صدر مملکت پارلیمنٹ کو قانون سازی نہ سکھائیں۔ انہوں نے بل نظر ثانی کے لیے واپس بھیج کر ثابت کر دیا کہ وہ پی ٹی آئی کے سیکرٹری جنرل ہیں۔

    بیرونی دشمن کے ساتھ اندرونی سازشیں بھی ملک کوعدم استحکام کاشکارکررہی ہیں،مولانا احمد لدھیانوی

    شیری رحمان کا کہنا تھا کہ صدر کہہ رہے ہیں کہ یہ بل پارلیمنٹ کے اختیار سے باہر ہےاور ساڑھے 3 سال صدر ہاؤس کو آرڈیننس فیکٹری کی طرح چلاتے رہے، وہ پارلیمنٹ کے اختیارات سے کیسے واقف ہو سکتے ہیں۔

  • واٹس ایپ میں نیوی گیشن ٹول بار کا اضافہ

    واٹس ایپ میں نیوی گیشن ٹول بار کا اضافہ

    سان فرانسسكو:دنیا بھر میں مقبول میسجنگ ایپ واٹس ایپ کی جانب سے آئی او ایس کے بعد اینڈروئڈ پلیٹ فارم کے لیے نیچے کی جانب نیوی گیشن ٹول بار کا اضافہ کیا جارہا ہے۔

    باغی ٹی وی : میڈیا رپورٹس کے مطابق ایک جانب واٹس ایپ کو بصری طور پر بہتر بنایا جارہاہے تو دوسری جانب اس کے ٹول میں اضافہ ہورہا ہےاب اس کے نئے آزمائشی ورژن 2.23.8.4 میں نئی نیوی گیشن بار کا اضافہ کیا گیا ہے جو سب سےنیچے دکھائی دے رہی ہے۔

    پورا چاند خودکشیوں کے رجحان میں اضافہ کردیتا ہے،تحقیق

    نیوی گیشن بار میں چار شعبے ہوں گے جو چیٹس، کمیونٹیز، اسٹیٹس اور کالز کو ظاہر کرتے ہیں۔ اگرچہ یہ پہلےبھی موجود تھے لیکن انہیں اب ری ڈیزائن کیا گیا ہے۔ عین اسی طرح کی نیوی گیشن بار آئی او ایس میں پہلے ہی رائج ہے اوراب اینڈروئڈ پلیٹ فارم کےلیےپیش کی گئی ہے۔

    لیکن کمپنی نے حتمی طور پر نہیں بتایا کہ یہ سہولت پوری دنیا میں کب پیش کی جائے گی۔ تاہم تجزیہ کاروں کا اصرار ہے کہ اگلے چند ہفتوں میں واٹس ایپ کے انٹرفیس پر اسے دیکھا جاسکے گا۔

    آخر کچھ گانے ذہن سے چپک کیوں جاتے ہیں اور ان کو نکالنا کیسے ممکن …

  • تیزرفتار بلیک ہول دریافت، زمین سے چاند تک کا مفاصلہ محض 14 منٹ میں طے کر سکتا ہے

    تیزرفتار بلیک ہول دریافت، زمین سے چاند تک کا مفاصلہ محض 14 منٹ میں طے کر سکتا ہے

    ناسا ماہرین نے خلا میں سورج سے دو کروڑ مرتبہ بڑے ایک نئے اور تیز رفتار بلیک ہول کی موجودگی کا انکشاف کیا ہے-

    باغی ٹی وی : ناسا کے ماہرین نے تیزی سے سفر کرتے ہوئے اس نئے دریافت ہونے والے بلیک ہول کو ’انوزیبل مونسٹر‘ کا نام دیا ہے یہ بلیک ہول کائنات میں غیر معمولی رفتار سے بڑھ رہا ہے انوزیبل مونسٹر کی رفتار اتنی تیز ہے کہ یہ زمین سے چاند تک کا مفاصلہ محض 14 منٹ میں طے کر سکتا ہے-

    سعودی عرب : پہلی مرتبہ خاتون اور مرد خلابازآئندہ ماہ خلائی مہم پرروانہ ہوں گے

    ماہرین کا کہنا ہے کہ نیا دریافت ہونے والا یہ بلیک ہول جہاں سے گذر رہا ہے وہاں اپنے پیچھے نئے پیدا کیے ہوئے ستاروں کی ایک قطار چھوڑ رہا ہے یہ بلیک ہول اپنےسامنے آنے والے ستاروں کو کھانے کے بجائے اپنے راستے میں آنے والی گیسوں سے نئے ستاروں کو جنم دے رہا ہے بلیک ہول کی غیر معمولی رفتار کے باعث ستاروں کی دو لاکھ نوری سال طویل قطار کو دیکھا جا سکتا ہے۔

    ماہرین نے بتایا کہ نیا دریافت ہونے والا بیلک ہول اپنی پیرینٹ گیلکسی کےکالم کے اختتام پر موجود ہے اور اس کی بیرونی ٹپ کے گرد آئیو نائیزڈ آکسیجن کا روشن حلقہ موجود ہے ہم جسے دیکھ رہے ہیں وہ ’نتیجہ‘ (Aftermath) ہے، جیسے سمندری جہاز کے گذر جانے کے بعد کی اٹھتی لہر کو دیکھتے ہیں، ہم بلیک ہول کی گذرگاہ میں اس لہر کو دیکھ رہے ہیں جہاں گیسیں ٹھنڈی ہوکر ستارے بنا رہی ہیں۔

    ناسا کے ماہرین کے کہنا ہے کہ ایسی صورتحال کا اس سے قبل کبھی بھی مشاہدہ نہیں کیا گیا اور ٹیلی اسکوپ نے ’انوزیبل مانسٹر‘ کو اتفاق سے دریافت کرلیا تھا۔

    پورا چاند خودکشیوں کے رجحان میں اضافہ کردیتا ہے،تحقیق

    بلیک ہول کیا ہوتا ہے؟

    بلیک ہول کسی ستارے کی زندگی کے خاتمے کے قریب بنتے ہیں۔ یہ ستارے اپنے حجم کی وجہ سے مرتے ہیں تو اپنے وزن اور دباؤ کی وجہ سے اندر سے ہی تباہ ہو جاتے ہیں بلیک ہول خلا میں ایک ایسا علاقہ ہوتا ہے جہاں مادہ لامحدود حد تک کثیف ہو جاتا ہے یہاں کششِ ثقل اتنی زیادہ ہوتی ہے کہ کوئی بھی چیز یہاں تک کہ روشنی بھی یہاں سے فرار نہیں ہو سکتی۔

    بلیک ہولز کچھ انتہائی بڑے ستاروں کی زندگی کے دھماکہ خیز اختتام سے وجود میں آتے ہیں۔ کچھ بلیک ہولز ہمارے سورج سے اربوں گنا بڑے ہو سکتے ہیں سائنسدان وثوق سے نہیں کہہ سکتے کہ کہکشاؤں کے مرکز میں پائے جانے والے یہ بلیک ہولز کیسے بنے مگر یہ واضح ہے کہ یہ کہکشاں کو توانائی فراہم کرتے ہیں اور متحرک رکھتے ہیں اور ان کی ارتقا پر اثرانداز ہوتے ہیں۔

    جعلی مکھیوں سےاصلی مکھیوں کواپنی طرف راغب کرنے والا پھول

  • انتخابات نہ کروانے کے حوالے سے تنقیدی تبصرہ، جرمن سفیر کو ملک چھوڑنے کا حکم

    انتخابات نہ کروانے کے حوالے سے تنقیدی تبصرہ، جرمن سفیر کو ملک چھوڑنے کا حکم

    افریقی ملک چاڈ کی فوجی حکومت نےانتخابات نہ کروانے کے حوالے سے تنقیدی تبصرہ کرنے پر جرمن سفیر کو ملک چھوڑنے کا حکم دے دیا۔

    باغی ٹی وی: برطانوی خبر رساں ایجنسی کی رپورٹ کےمطابق چاڈ کی وزارت اطلاعات نے اس حوالے سے ایک مختصر سا بیان ٹویٹر پر جاری کیا ہے بیان کے مطابق چاڈ کی فوجی حکومت نےجرمن سفیر گورڈن کرک کونامناسب رویے اور سفارتی روایات کی خلاف ورزی کرنے پر ملک چھوڑنے کیلئے 48 گھنٹوں کی مہلت دے دی گورڈون کرک 2021 سے اس ملک میں تعینات ہیں-

    قونصل خانے کی دوبارہ بحالی کیلئےسعودی تکنیکی وفد ایران پہنچ گیا

    چاڈ کے حکومتی ذرائع کا کہنا تھا کہ جرمن سفیر گورڈن کرک کو انتخابات میں تاخیر کے حوالے سے فوجی ڈکٹیٹر میہمت ادریس ڈیبی پر تنقیدی تبصرہ کرنے پر ہٹانے کا فیصلہ کیا گیا ہے۔

    جرمن دفتر خارجہ کے مطابق سفیر کی بے دخلی کی وجوہات واضح نہیں ہیں لیکن اعلیٰ سطحی حکام چاڈ میں حکومت کے ساتھ رابطے میں ہیں۔ جرمن دفتر خارجہ کے ایک ترجمان کے مطابق چاڈ حکومت نے دارالحکومت نجامینا میں ہمارے سفیر کو ایک غیر مہذب شخصیت قرار دینے کے جواز کے طور پر، جو وجوہات پیش کیں، وہ مکمل طور پر سمجھ سے بالاتر ہیں۔

    ایرانی حکومت کا بےحجاب خواتین کی نگرانی کرنے کیلئے کیمرے نصب کرنے کا فیصلہ

    واضح رہےکہ اپریل 2021 سے اس ملک میں ایک عبوری فوجی حکومت قائم ہےاورملک کےصدر محمد ادریس دیبی ہیں انہوں نے ابتدائی طور پر گزشتہ برس اکتوبر تک نئے انتخابات کروانے اور اقتدار نئی حکومت کو سونپنے کا وعدہ کیا تھا لیکن اس کے بعد انہوں نے مزید دو سال تک ڈیڈ لائن بڑھا دی ہے حکومت نے اپوزیشن کے مظاہروں کو طاقت سے کچل رکھا ہے انتخابات میں تاخیر پر نہ صرف جرمنی بلکہ فرانس، اسپین اور نیدرلینڈز کے سفارت خانوں نے بھی تشویش کا اظہار کیا تھا۔

    چین نے تائیوان کے اطراف میں جنگی جہاز تعینات کر دیئے