Author: Ayesha Rehmani

دبئی:کرکٹ کی دنیا میں آنے والی نئی لیگ آئی ایل ٹی ٹونٹی لیگ کا آفیشل ترانہ ریلیز کر دیا گیا جسے مشہور بھارتی ریپر بادشاہ نے تیار کیا ہے-

باغی ٹی وی : تفصیلا ت کے مطابق آئندہ برس جنوری میں اپنےافتتاحی سیزن کے آغاز کے لئےآئی ایل ٹی ٹونٹی نے اپنا آفیشنل ترانہ یوٹیوب سمیت دیگر ڈیجیٹل پلیٹ فارمز پر ریلیز کر دیا ہے جسے شائقین کرکٹ سمیت موسیقی کے مداح بہت پسند کررہےہیں دو منٹ اور چودہ سکینڈ پر مشتمل اس گانے میں اسٹیڈیم کے ماحول کو مدنظر رکھتے ہوئے بنایا گیا ہے تاکہ شائقین کرکٹ کھیل ساتھ میوزک سے بھی لطف اندوز ہو سکیں-

اس حوالے سے امارات کرکٹ بورڈ کے جنرل سیکرٹری مبشر عثمانی کا کہنا تھا کہ شائقین کرکٹ کےلئے کرکٹ اور میوزک سے بیک وقت لطف اندوز ہونے کے لئے اس گانے کو تیار کیا گیا ہے تاکہ شائقین کرکٹ میچز کے یادگار مواقعوں پر گانے کی دھنوں پر رقص کریں اور آئی ایل ٹی ٹونٹی کے افتتاحی سیزن کو یادگار بنائیں یہ ایک شاندار ترانہ ہے جو شائقین کرکٹ میں جوش و ولولہ پیدا کرئے گا ۔

سپر اسٹار بادشاہ کا اس حوالے سے کہنا تھا کہ آئی ایل ٹی کے ساتھ وابستگی ایک اعزاز ہے اور میرے لئے اس بین الاقوامی معیار کے ایونٹ کا ترانہ بنانا اہمیت حامل ہے مجھے امید ہے کہ گانے کی دھنیں شائقین کرکٹ کو پسند آئیں گے کیونکہ ہم نے ان دھنوں کو شائقین کرکٹ کے حوالے سے خاص طور پر ترتیب دیا ہے اور یقینا یہ ترانہ ایک منفرد ثابت ہو گا-

سرکاری اورنجی سکولز میں پاکستان کا سب سے بڑاسپورٹس ٹیلنٹ ہنٹ پروگرام جاری

واضح رہے کہ بھارتی گلوکاربادشاہ تیرہ جنوری کو دبئی کرکٹ اسٹیڈم میں افتتاحی تقریب میں خصوصی طور پر پرفارم کریں گے جس میں گلوکار جیسن ڈیرولو بھی اپنے فن کا مظاہرہ کریں گے آئی ایل ٹی ٹونٹی کے افتتاحی سیزن کا آغاز تیرہ جنوری کو دبئی کرکٹ اسٹیڈیم سے ہوگا جس میں چھ ٹیموں میں چوراسی بین الاقوامی اور چوبیس مقامی کھلاڑی شامل ہیں لیگ کے میچز دبئی ، شارجہ اور ابوظبی میں کھیلے جائیں گے جبکہ فائنل بارہ فروری کو کھیلا جائے گا ۔

ملتان اسٹیڈیم میں بابراعظم کیخلاف نامناسب نعروں پر سوشل میڈیا صارفین برہم

پرتگال کے کپتان کرسٹیانو رونالڈو کی گرل فرینڈ جورجینا روڈریگوز نے ورلڈ کپ کوارٹر فائنل میں مراکش سے ہارنے اور ورلڈ کپ سے باہر ہونے کے بعد ٹیم کے کوچ فرنینڈو سانتوس کو شدید تنقید کا نشانہ بنا ڈالا۔

باغی ٹی وی : ہفتہ کےروز مراکش کی ٹیم نے قطر کے التھمامہ سٹیڈیم میں میچ کے پہلے ہاف کے اختتام سے تین منٹ قبل یوسف النصیری کے واحد گول کی بدولت پرتگال کو شکست دے کر سیمی فائنل میں پہنچنے والی پہلی افریقی ٹیم بن گئی ۔

مراکش سے شکست کے بعد رونالڈو جذبات پر قابو نہ رکھ سکے:آنسوبہانے کا منظرساری دنیا نے دیکھا

جورجینا نے اپنے انسٹاگرام اسٹوری میں کہا کہ آج آپ کے دوست اور کوچ کے فیصلے بہت خراب تھے۔ وہ دوست جس کے بارے میں میں نے تعریف اور احترام کے بہت سےالفاظ کہے ہیں جب میں سٹیڈیم میں داخل ہوئی تو میں نے دیکھا کہ سب کچھ کیسے بدل گیا ہے، لیکن بہت دیر ہو چکی تھی۔

انہوں نے مزید کہا آپ دنیا کےبہترین کھلاڑی اوراپنے سب سے طاقتور ہتھیار کی توہین نہیں کرسکتے ہم کسی ایسے شخص دفاع نہیں کر سکتے جو اس کا مستحق نہیں ہے۔

انہوں نے کہا زندگی ہمیں سبق دیتی ہے آج ہم ہارے نہیں، ہم نے سیکھا ہے، کرسٹیانوہم تم سے محبت کرتے ہیں.

فیفا ورلڈ کپ: فرانس نے انگلینڈ کو شکست دے کر سیمی فائنل میں جگہ بنالی

پرتگال کے کوچ سانتوس نے میچ کے بعد پریس کانفرنس میں کہا کہ مجھے رونالڈو کے متبادل کے طور پر بیٹھنے پر افسوس نہیں ہے۔ میں کچھ بھی تبدیل کرنے والا نہیں تھا۔ جب ٹیم کی بات آتی ہے تو میرا دل ناقابل تصور ہوتا ہے۔

سانتوس نے کہا میں نے اس ٹیم پر بھروسہ کیا جس نے سوئٹزرلینڈ کے خلاف شاندار کارکردگی کا مظاہرہ کیا لہذا میرے لیے مراکش کے خلاف تبدیلی کی کوئی وجہ نہیں تھی۔ میں نے جو سٹریٹجک فیصلہ کیا وہ سب سے مشکل فیصلوں میں سے ایک تھا۔ لیکن میں اپنے دل سے نہیں سوچ سکتا اور مجھے اپنے دماغ سے سوچنا چاہیے اب ایسا نہیں رہا کہ رونالڈو عظیم کھلاڑی نہیں ہیں ایسا بالکل بھی نہیں ہے۔

مراکش نے پرتگال کو شکست دے کر ورلڈ کپ سے باہر کردیا