خضدار میں زلزلے کے جھٹکے محسوس کیے گئے-
باغی ٹی وی: بلوچستان کے ضلع خضدار میں زلزلے کے جھٹکے محسوس کیے گئے ،زلزلے کے جھٹکے محسوس ہونے کے سبب لوگوں میں خوف و ہراس پھیل گیا اور کلمہ شریف کا ورد کرتے ہوئے گھروں اور دفاتر سے باہر نکل آئے-
زلزلہ پیما مرکز کے مطابق زلزلے کا مرکز خضدار کے شمال 45 کلومیٹر کی دوری پرتھا زلزلے کی گہرائی 5 کلومیٹرریکارڈ ہوئی اور اس کی شدت ریکٹراسکیل پر 4.2 ریکارڈ ہوئی۔
اسلام آباد میں غیر ملکی خاتون سے زیادتی کے ملزم کو عدالت نے عمر قید کی سزا سنا دی۔
باغی ٹی وی: اسلام آباد کی مقامی عدالت کے ایڈیشنل سیشن جج ہمایوں دلاور نے وقوعہ کے 9 ماہ بعد کیس کا فیصلہ سنایا، فیصلے میں کہا گیا ہے کہ عمر قید کا دورانیہ ملزم کے زندگی کے ختم ہونے تک ہوگا پبلک پراسیکیوٹر رانا حسن عباس نے کیس کی پیروی کی۔
خاتون نے تفتیشی کے دوران اور مجسٹریٹ کے سامنے بیان بھی ریکارڈ کرایا تھا جبکہ ملزم کا ڈی این اے بھی میچ کر گیا تھا خاتون سے زیادتی کرنے والا ملزم محمد سفیر نجی سیکیورٹی کمپنی کا گارڈ اور غیرملکی خاتون کے گھر پر ڈیوٹی کرتا تھا جس نے گزشتہ برس 6 جون کو غیر ملکی خاتون سے اس کے گھر میں زیادتی کی تھی۔
متاثرہ غیر ملکی خاتون اسلام آباد میں اقوام متحدہ کے ذیلی ادارے سے منسلک ہیں جنہوں نے گھر کے سیکیورٹی گارڈ پر ریپ کا الزام عائد کیا تھا۔ سویڈش خاتون کے مطابق سکیورٹی گارڈ نے رات کو خاتون کے بیڈ روم میں زیادتی کی تھی۔
کراچی: مقامی اور بین الاقوامی مارکیٹ میں سونے کی قیمتوں میں مزید اضافہ ہوگیا۔
باغی ٹی وی: بین الاقوامی بلین مارکیٹ میں ہفتہ کو فی اونس سونے کی قیمت 3 ڈالر کے اضافے سے 1866 ڈالر کی سطح پر آنے کے باعث مقامی صرافہ مارکیٹوں میں بھی فی تولہ اور فی دس گرام سونے کی قیمتوں میں بالترتیب 1200 روپے اور 1029 روپے کا اضافہ ہوگیا۔
رمضان المبارک کا پہلا روزہ کب ہو گا؟
صرافہ مارکیٹوں میں فی تولہ سونے کی قیمت بڑھ کر 198700 روپے اور فی دس گرام سونے کی قیمت بڑھ کر 170353 روپے کی سطح پر آگئی جبکہ فی تولہ چاندی کی قیمت بغیر کسی تبدیلی کے 2120روپے اور دس گرام چاندی کی قیمت بھی بغیر کسی تبدیلی کے 1817.55 روپے کی سطح پر مستحکم رہی۔
واضح رہے کہ بین الاقوامی بلین مارکیٹ میں گزشتہ روز جمعہ کو فی اونس سونے کی قیمت 15 ڈالر کے اضافے سے 1834 ڈالر کی سطح پر آگئی تھی لیکن اسکے باوجود مقامی صرافہ مارکیٹوں میں جمعہ کو فی تولہ اور فی دس گرام سونے کی قیمتوں میں بالترتیب 200 روپے اور 172 روپے کی کمی واقع ہوئی تھی۔
خیبر پختونخوا حکومت نے موجودہ کمزور مالی صورت حال کے پیش نظر بعض سخت اقدامات اٹھانے کا فیصلہ کیا ہے۔
باغی ٹی وی: تفصیلات کے مطابق اس حوالے سے جاری سمری میں کہا گیا ہے کہ کفایت شعاری اقدامات پر نظر ثانی کی جائے اور اس میں مزید اقدامات کا اضافہ کیا جائے۔
سمری میں جن نئے اقدامات کی سفارش کی گئی ہے ان میں نئی اسامیوں پر مکمل طور پر پابندی عائد کی گئی ہے چاہے وہ اسامیاں ترقیاتی بجٹ سے ہوں یا غیر ترقیاتی بجٹ سے سیلاب اور زلزلہ سے متاثرہ علاقوں میں تعمیر و مرمت کے کام پر پابندی ہوگی۔
سمری کے مطابق ترقیاتی یا غیر ترقیاتی بجٹ سےنئی گاڑیوں کی خریداری پر پابندی ہوگی روزانہ کی بنیاد پر عملے کی بھرتی پر مکمل طور پر پابندی ہوگئی سرکاری دفاتر میں کاغذ کے دونوں طرف استعمال کئے جائیں گئے سرکاری محکموں میں جو اسامیاں فائدہ مند نہیں انہیں ختم کیا جائے گا۔
علاوہ ازیں سرکاری ملازمین جمعہ کے روز گھر سے کام کریں گے جس کے لئے سرکاری دفاتر کو چار کیٹگریز میں تقسیم کیا گیا ہے ان میں کیٹگری اے کے دفاتر جن میں محکمہ صحت، داخلہ ریسکیو 1122 اور جیل خانہ جات کا 25 فیصد انتظامی اور 100 فیلڈ سٹاف عملہ حاضر ہو گا۔
اس حوالے سے جاری سمری میں مزید کہا گیا کہ تمام دفاتر میں بھی منرل واٹر کے استعمال پر پابندی ہوگئی، پنج ، ڈنر اور ہائی ٹی پر پابندی ہو گی چاہے اس میں غیر ملکی وفد کیوں نہ ہوں، ٹی اے ڈی اے پیٹرول اور سٹیشنری پر چالیس فیصد کٹ لگایا جا رہا ہے۔
کہا گیا کہ سرکاری اجلاس ویڈیو لنک کے ذریعے ہوں گئے ہر قسم کی مشینری اور فرنیچر ماسوائے شعبہ صحت کے خریداری پر پابندی ہوگئی توانائی کی بچت کے لئے دفتری اوقات کا ر صبح 8 سے 3 بجے تک کئے جائیں گے صوبائی محاصل کے طریقہ کار پر بھی نظر ثانی کی جائے گی غیر ملکی قرضوں کے حصول سے اجتناب کیا جائے گا۔
لاہور: رویت ہلال ریسرچ کونسل کے ماہرین کا کہنا ہے بدھ 22 مارچ کی شام ہلال کی رویت کا امکان انتہائی کم ہے-
باغی ٹی وی: رویت ہلال ریسرچ کونسل کے سیکرٹری جنرل خالد اعجاز مفتی کا کہنا ہے کہ پاکستان میں پہلا روزہ 23 مارچ کو ہونے کے امکانات انتہائی کم ہیں، نیا چاند منگل 21 مارچ 2023 کو پاکستانی وقت کے مطابق رات 10 بج کر 23 منٹ پر پیدا ہوگا۔
29 شعبان المعظم یعنی بدھ 22 مارچ 2023ء کی شام غروبِ آفتاب کے وقت چاند کی عمر جو کم از کم 19 گھنٹوں سے زائد ہوگی تاہم دیگر موسمی کیفیات کے باعث پاکستان میں بدھ 22 مارچ کی شام ہلال کی رویت کو آنکھ سے بہ آسانی دیکھنا ممکن نہیں ہوگا، اِس طرح پاکستان میں یکم رمضان المبارک 23مارچ 2023ء کو ہونے کا امکان انتہائی کم ہے۔
چودھری سرور نے مسلم لیگ ق میں شمولیت اختیار کر لی
خالد اعجاز مفتی نے مزید کہا کہ اگر کسی علاقے میں مطلع انتہائی شفاف ہوا تو وہاں ہلال کی رویت کا امکان رد نہیں کیا جا سکتا البتہ پہلا روزہ جمعتہ المبارک 24 مارچ کو ہونے کا قوی امکان ہے۔
کراچی: سندھ حکومت نے کچے کے علاقے میں ڈاکوؤں کے خلاف مشترکہ آپریشن کا فیصلہ کرلیا۔
باغی ٹی وی: وزیراعلیٰ سندھ کی زیرصدارت سندھ کابینہ کا اجلاس ہوا جس میں سیکرٹری داخلہ اور آئی جی نے کچے کے علاقے میں ڈاکوؤں کے خلاف آپریشن سے متعلق بریفنگ دی۔
انہوں نے بتایا کہ کچے کے علاقے میں پولیس کو ملٹری گریڈ کے اسلحے کی خریداری کی سفارش ایپکس کمیٹی کے 5 جنوری 2023ء کو ہونے والے اجلاس میں کی گئی تھی ملٹری گریڈ کے اسلحے کی خریداری کے لیے 2.7 بلین روپے کی ضرورت ہے تاہم اس حوالے سے وزارت داخلہ سے بھی این او سی لی جائے گی۔
سندھ کابینہ نے پولیس کے لیے فنڈز منظور کرکے اسلحہ خریدنے کی منظوری دے دی-
سندھ کابینہ نے کچے کے علاقے میں ڈاکوؤں کے خلاف مشترکہ آپریشن کا فیصلہ کیا جس میں سندھ، پنجاب اور بلوچستان کی پولیس کے رینجرز اور فوج بھی حصہ لے گی۔
وزیرِ اعلیٰ سندھ سید مراد علی شاہ کا کہنا تھا کہ یہ ایک مشترکہ اور پری پلان آپریشن ہوگا جب کہ آپریشن آئی جی پولیس اپنی منصوبہ بندی سے شروع کریں گے۔
موسمیاتی تبدیلیوں سے ہماری زمین پرمتعدد نقصان دہ اثرات مرتب ہو رہے ہیں تاہم سائنسدانوں نےایک حیران کن انکشاف کیا ہے سائنسدانوں کا کہنا ہے کہ آرکٹک کی برفانی سطح میں ہزاروں سے خوابیدہ وائرسز موسمیاتی تبدیلیوں کے باعث درجہ حرارت بڑھنے سے دوبارہ زندہ ہو سکتے ہیں۔
باغی ٹی وی: ماہرین نے ایک تحقیق میں بتایا ہے کہ موسمیاتی تبدیلیوں کے نتیجے میں آرکٹک خطے کی برفانی سطح میں چھپے ہزاروں سال پرانے وائرس پھر زندہ ہو سکتے ہیں، سائنسدانوں نے انہیں زومبی وائرسز قرار دیا ہے زومبی یعنی ایسا مردہ جاندار جو زندہ ہوجائے-
سائنسدانوں کا کہنا ہے کہ آرکٹک کی برفانی سطح میں ہزاروں سے خوابیدہ وائرسز موسمیاتی تبدیلیوں کے باعث درجہ حرارت بڑھنے سے دوبارہ زندہ ہوسکتےہیں درحقیقت فرانس کے Aix-Marseille یونیورسٹی اسکول آف میڈیسن کےماہرین نے ہزاروں سال سےخوابیدہ وائرسز کو دوبارہ جگانے میں کامیابی بھی حاصل کی ہے۔
ماہرین کی تحقیق میں بتایا گیا کہ موسمیاتی تبدیلیوں کے نتیجے میں آرکٹک کے خطے میں درجہ حرارت میں دوگنا تیزی سے اضافہ ہورہا ہے موسمیاتی تبدیلیوں کے نتیجے میں ہزاروں یا لاکھوں برسوں سے برف کی تہوں میں محفوظ جراثیم متحرک ہو سکتے ہیں۔
ماہرین نے بتایا کہ اگرچہ اس طرح کے وائرسز کے پھیلنے کا خطرہ کم ہے مگر صورتحال پر نظر رکھنے کی ضرورت ہے اور آرکٹک کی سطح کو منجمد رکھنے کی ہر ممکن کوشش کرنی چاہیے۔
شمالی نصف کرے کا 25 فیصد حصہ برف سے ڈھکا ہوا ہے اور اس کے اندرونی سطح میں آکسیجن موجود نہیں جبکہ روشنی بھی وہاں تک نہیں پہنچ پاتی، جس کےباعث زمانہ قدیم سے وائرسز وہاں خوابیدہ حالت میں محفوظ ہیں ایسے زومبی وائرسز اب بھی ممکنہ طور پر انسانوں یا جانوروں کو بیمار کرنے کی صلاحیت رکھتے ہیں۔
سائنسدانوں نے جن زومبی وائرسز کو پھر سے متحرک کیا ہے وہ انسانوں کے لیے خطرہ نہیں بلکہ ننھے جانداروں کو ہی بیمار کرسکتے ہیں مگر مستقبل میں برف پگھلنے سے دیگر جراثیم ضرور انسانوں کے لیے خطرہ ثابت ہوسکتے ہیں۔
یہ کچھ اسی طرح کا خیال ہے جو 1993 کی فلم جراسک پارک میں بھی دکھایا گیا جس میں سائنسدان ایک جگہ محفوظ ڈی این اے سے ڈائناسور کا کلون تیار کرتے ہیں جو تباہی مچا دیتے ہیں
امریکا نے سعودی انجینئر کو 21 سال بعد گوانتاناموبے سے رہا کردیا۔
باغی ٹی وی: غیر ملکی میڈیا کے مطابق امریکی محکمہ دفاع نے 48 سالہ سعودی انجینئر غثان الشبری کو گوانتاناموبے سے رہا کیے جانے کی تصدیق کی ہے،سعودی انجینئر الشربی تقریباً 21 سال سے گوانتاناموبے میں قید تھا –
سعودی انجینئر غثان الشبری کی سعودی عرب واپسی سے متعلق ریویو بورڈ نے گزشتہ ماہ فیصلہ کیا تھا جس میں کہا گیا تھا کہ امریکی قومی سلامتی کے تحفظ کو لے کر الشربی کو مزید قید میں رکھنے کی ضرورت نہیں ہے۔
امریکی محکمہ دفاع نے سعودی انجینئر کو واپس سعودب عرب بھیجے جانے کی تصدیق کی ہے۔
پینٹاگون ریویو بورڈ نے گزشتہ سال یہ تصدیق کی تھی کہ الشربی کی القاعدہ میں اب کوئی اہم ذمہ داری نہیں اور نہ ہی وہ اس کا سہولت کار ہے۔
نیویارک: آسکر ایوارڈ یافتہ ہالی ووڈ ہدایتکار ایلکس گبنی نے دنیا کے امیر ترین شخص، ٹیسلا، اسپیس ایکس اور ٹوئٹر کے سی ای او ایلون مسک کی زندگی پر فلم بنانے کا اعلان کر دیا۔
باغی ٹی وی :"دی گارڈین” کی رپورٹ کے مطابق مذکورہ دستاویزی فلم امریکی پروڈکشن کمپنی ’Jigsaw Productions‘ کے بینر تلے بنائی جارہی ہے جس کی شوٹنگ کا آغاز بھی کیا جا چکا ہے۔
ہالی ووڈ ہدایتکار نے اس فلم کے حوالے سے میڈیا سے بات کرتے ہوئے انکشاف کیا کہ فلم کی شوٹنگ کا آغاز کئی ماہ پہلے ہی کردیا گیا تھا اور وہ کچھ عرصے سے اس فلم پر کام کر رہے ہیں جس کیلئے وہ کافی پُرجوش بھی ہیں وہ اس غیر معمولی گروپ سے بہت خوش ہیں جو ان کے ساتھ کام کر رہا ہے۔
فلم کے پروڈیوسر نے اپنے پیغام میں کہا کہ اب ایلون مسک کی ایک سخت تصویر پیش کرنے کا لمحہ ہے، جو بلاشبہ ہمارے وقت کی سب سے زیادہ بااثر شخصیات میں سے ایک ہیں۔ تاہم ایلون مسک کا کہنا ہے کہ انہیں خدشہ ہے کہ آنے والی دستاویزی فلم ان کی ساکھ کو نقصان پہنچا سکتی ہے۔
It’s a hit piece
— gorklon rust (@elonmusk) March 7, 2023
دوسری جانب ایلون مسک نے ٹوئٹر پر اس خبر پر اپنا ردِعمل دیتے ہوئے اس فلم کو’ہٹ‘ قرار دے دیا۔
واضح رہے کہ ہدایتکار گبنی اپنی 2007 کی فلم ٹیکسی ٹو دی ڈارک سائیڈ کے لیے آسکر ایوارڈ حاصل کر چکے ہیں۔
ترکیہ و شام کے لیے امدادی سامان کی بڑی کھیپ بذریعہ سول بحری جہاز روانہ کردی گئی۔
باغی ٹی وی: این ڈی ایم اے پاکستانی عوام کی جانب سے زلزلہ زدہ ترک و شامی بھائیوں کی مدد کیلئے مسلسل مصروف عمل ہے-
ترجمان این ڈی ایم اے کےمطابق وزیراعظم پاکستان کی ہدایت پرترکیہ وشام کےلیےامدادی سامان کی مذید کھیپ سول بحری جہازکے ذریعے روانہ کردی گئی ہے –
#NDMApk sailed off 65 Containers with 1221 tons of load through Civ Ship for Quake-hit Turkiye & Syria
Shipment carrying 41 containers of 8200 winterized tents for Turkiye & 24 containers with 15000 ration bags for Syria. pic.twitter.com/myNEuwQ6UG— NDMA PAKISTAN (@ndmapk) March 8, 2023
ترجمان این ڈی ایم اے کےمطابق امدادی سامان سےلدے 65 کنٹینرز سول بحری جہاز کےذریعے روانہ کئے گئے ہیں جس میں زلزلہ متاثرین کے لیے 8 ہزار 200 لگ بھگ خیمے، 15 ہزار راشن بیگز اور دیگر ضروری اشیا شامل ہیں۔
ترجمان این ڈی ایم اے کےمطابق امدادی سامان لے کر روانہ ہونے والا سول بحری جہاز 15 دنوں میں منزل پر پہنچے گا۔
واضح رہے کہ ترکیہ اورشام میں قیامت خیز زلزلے کے نتیجے میں اب تک 50 ہزار سے زائد افراد ہلاک ہوچکے ہیں، زلزلے سے ہزاروں عمارتیں منہدم ہونے سے بڑے پیمانے پر تباہی ہوئی جبکہ اربوں ڈالر کا نقصان ہوا ہے ۔