فلوریڈا: امریکی کمپنی کے کسی پنکھے کے بغیر آئن پروپلشن ڈرون نے کامیاب آزمائشی ابتدائی پرواز بھری،مکمل طور خاموش ڈرون نے چار سے زائد منٹ کی اڑان بھری ہے۔
باغی ٹی وی: ان ڈیفائنڈ ٹیکنالوجی نامی کمپنی نے اسے ’سائلنٹ وینٹس‘ ڈرون کا نام دیا ہے فلوریڈا میں قائم ایک سٹارٹ اپ، Undefined Technologies، نے اعلان کیا ہے کہ اس کے eVTOL آئن پروپلشن ڈرون، سائلنٹ وینٹس نے اپنی متوقع پرواز کے وقت اور اٹھانے کی طاقت سے زیادہ کامیابی کے ساتھ ایک اہم آزمائشی پرواز مکمل کر لی ہے۔
بوڑھی جلد کو جوان کرنے کا سائنسی طریقہ دریافت
کمپنی کے مطابق یہ دوہری استعمال کارگو ڈیلیوری ڈرون تیار کرنے کے لیے ایک اہم کامیابی ہے ڈرون نے ساڑھے 4 منٹ کی پرواز کے دوران 75 ڈی بی کے نیچے زیادہ موثر پاور ڈیلیوری سسٹم اور شور کی سطح کے ساتھ مستحکم حالت کے حصول کے علاوہ اپنی اڑان بھرنے کی صلاحیت کا مظاہرہ کیا۔
ڈرون کی پرواز کا طریقہ کار بہت ہی دلچسپ ہے۔ اس میں دو منزلہ قطاریں لگائی گئی ہیں جس میں برقیروں (الیکٹروڈز) کی قطاریں لگائی گئی ہیں اس میں بلند وولٹیج دوڑایا گیا ہے۔ یہ کرنٹ ہوا میں موجود آکسیجن اور نائٹروجن سالمات (مالیکیول) کو آئیونائز کرتا ہے اور یوں ان پر مثبت چارج آگیا ہے۔ جب مثبت چارج نیچے بہتا ہے تو گویا آئن کی ایک ہوا چلتی ہے اور ڈرون اوپر اٹھتا ہے۔
ایک ہفتہ قبل جرائم کی پیش گوئی کرنیوالے مصنوعی ذہانت کے الگورتھم کا کامیاب تجربہ
اگرچہ خلائی سواریوں میں آئن پروپلشن پر کام ہوا ہے لیکن ڈرون میں اب تک اسے استعمال نہیں کیا گیا تھا۔ کمپنی کے مطابق اب تک آئن تھرسٹر کے بہترین نظام سے بھی اس کی کارکردگی 150 فیصد بہتر ہے۔
سب سے پہلے 2020 میں پہلی مرتبہ 25 سیکنڈ کے لئے آئن پروپلشن ڈرون اڑایا گیا تھا۔ اس کا سب سے بڑا فائدہ یہ ہے کہ ڈرون بہت ہی خاموش ہے اور مشکل سے 90 ڈیسی بل کے برابر شور پیدا کرتا ہے جو ہیئرڈرایئر کے برابر ہی آواز نکالتا ہے۔
کمپنی نے اب 75 ڈیسی بل کی آواز کے ساتھ ساڑھے چار منٹ تک ماڈل ڈرون آڑایا ہے۔ اگلے مرحلے میں اس کے بہترین ماڈل کا عملی مظاہرہ کیا جائے گا۔ اس سے تجارتی پیمانے پر آئن پروپلشن ڈرون کی راہیں کھلیں گی۔
خاموش ڈرون کو خفیہ منصوبوں اور مصروف شہروں میں بھی استعمال کیا جاسکتا ہے کیونکہ آج نہیں تو کل ڈرون عام ہوں گے اور ان کا شورہمارے لیے ایک نیا مسئلہ بن جائے گا۔
