سینیٹ کی قائمہ کمیٹی برائے تجارت میں حکام نے بتایا کہ چین پاکستان سے گدھے اور کتے درآمد کرنے کا خواہشمند ہے۔

باغی ٹی وی : سینیٹ کی قائمہ کمیٹی برائے کامرس کا اجلاس سینیٹر ذیشان خانزادہ کی زیر صدارت منعقد ہوا جس میں وزارت تجارت حکام نے برامدات اور درآمدات پر بریفنگ کے دوران بتایا کہ چین پاکستان سے گدھے درآمد کرنے کا خواہاں ہے۔

کسان اتحاد دھرنا:اتنی راتیں ہم نے یہاں گزاری ہیں ایک اور سہی،ہم صبح تک انتظار کریں گے،چیئرمین کسان…

انہوں نے کہا کہ چین گوشت برآمد کرنے کی ایک بڑی مارکیٹ ہے ، قائمہ کمیٹی کے رکن دنیش کمار کا کہنا تھا چین کہتا ہے پاکستان گدھے اورکتے برآمد کرے،سینیٹر عبدالقاد نےکہا کہ چینی سفیرکئی بار گوشت برآمد کرنےکا کہہ چکے ہیں-

کمیٹی رکن مرزا محمد آفریدی نے کہا کہ افغانستان میں جانور سستے ہیں، خریدار نہیں ہے، افغانستان سے جانور امپورٹ کرکے گوشت برآمد کیا جا سکتا۔

سینیٹ میں پی ایم ڈی سی کی تشکیل نو کا بل کثرت رائے سے منظور

وزارت تجارت کے حکام نے بتایا کہ لمپی اسکن بیماری کی وجہ سے افغانستان سے وقتی طورپر جانور درآمد کرنےکی اجازت نہیں ہے قائمہ کمیٹی نے پانچ برآمدی شعبوں پر دی جانے والی بجلی سبسڈی واپس لینے پر اپنے تحفظات کا اظہار کیا۔

وزارت تجارت کے حکام کا کہنا تھا کہ سبسڈی واپس دینےکے لیے وزرات خزانہ کے سامنے معاملہ اٹھایا ہے، برآمدی شعبوں کو مختلف مشکلات کا سامنا ہے قائمہ کمیٹی نے سفارش کی کہ حکومت برآمدی صنعت کو بجلی کی سبسڈی کا معاملہ جلد حل کرے۔

آزادکشمیر کی قانون ساز اسمبلی میدان جنگ بن گئی، حکومتی اور اپوزیشن ارکان گتھم گتھا

اسلام آباد: وفاقی وزیر خزانہ اسحاق ڈار نے کہا ہے کہ ڈالرکی اصل قدر200 روپےسے کم ہے اور آئندہ دنوں میں ڈالر 200 روپےسےکم ہوجائے گا۔

باغی ٹی وی : نجی ٹی وی سے گفتگو کرتے ہوئے وفاقی وزیر خزانہ سینیٹر اسحاق ڈار نے کہا ہے کہ آئی ایم ایف کو ہینڈل کرنا میرا کام ہے مفتاح اسماعیل کا نہیں، آئی ایم ایف کو 25 سال سے ڈیل کررہا ہوں، قیمتیں کم کرنے کے معاملے پر وزیراعظم کو بتایا تھا، وزیراعظم کو بتایا تھا کہ آئی ایم ایف کو ڈیل کرنے کا پرانہ تجربہ ہے، ہم نے عوام کے اوپر سے بوجھ اتارا ہے۔

ڈیل سے متعلق عمران خان کے الزام کو یکسر مسترد کرتے ہوئے اسحاق ڈار نے کہا کہ عمران خان اپنا منہ بند رکھیں اور اخلاقی دائرے میں رہیں۔ انہوں ںے خبردار کرتے ہوئے کہا کہ اگر آپ خاموش نہیں ہوئے تو آپ کی تمام چیزیں پبلک کردوں گا۔

انہوں نے واضح طور پر کہا کہ نہ ڈیل کی ہے اور نہ ہی کسی این آر او کا حصہ ہوں، میرے خلاف ایک بھی کیس نہیں ہے ، عمران خان کتنے ایماندار اور بہادر ہیں؟ مجھے سب پتہ ہے، این آر او عمران خان نے اپنی فیملی کو دیا ہوا ہے عمران خان نے ملک کی معیشت کو تباہ کیا، عمران خان وہ شخص ہے جو میرے دفتر کے باہر آدھا آدھا گھنٹہ کھڑا ہوا کرتا تھا۔

وفاقی وزیر خزانہ اسحاق ڈار نے کہا کہ عمران خان کی تقریر سے لگ رہا ہے کہ وہ فرسٹریشن کا شکار ہیں، ڈیل اور ڈھیل صرف عمران خان کی قسمت میں ہیں، عمران خان کے دھرنے کے باعث چینی صدر کا دورہ پاکستان ملتوی ہو گیا-

پاکستان فیٹف کےمعیار پرعمل کرنیوالے ٹاپ 10 ممالک میں شامل،گرے لسٹ سے نکلنے کا قوی امکان

انہوں نے کہا کہ عمران خان نے ڈیل کے ذریعے الیکشن لڑا، عمران خان نے ڈیل کے تحت دھرنا دیا، 126 دن کا دھرنا دے کر اسلام آباد کو یرغمال کیاعمران خان جھوٹا او بزدل شخص ہے، عمران خان کی وجہ سے سی پیک ایک سال کے لیے تاخیر ہوا۔

اسحاق ڈار کا کہنا تھاکہ ڈالر کی اس وقت جو قدر ہے، وہ حقیقی نہیں ہے ڈالر کی اصل قدر200 روپے سے کم ہے اور ڈالر 200 روپے سے کم ہوجائے گا اِس وقت ڈالربین الاقوامی طورپرمضبوط ہے لیکن اپنی پالیسیوں کے تحت ڈالر کو 200 روپے سےکم پرلائیں گے۔

ان کا مزید کہنا تھاکہ ادارہ شماریات آزاد ادارہ ہے اور وہ ہیرا پھیری نہیں کرتا اپوزیشن کوماضی میں بھی کہتا رہا کہ آئیں میثاق معیشت کریں، عمران خان اوراس کی پوری ٹیم کے اعصاب پرمیں سوارہوں۔

کسان اتحاد دھرنا:اتنی راتیں ہم نے یہاں گزاری ہیں ایک اور سہی،ہم صبح تک انتظار کریں گے،چیئرمین کسان…

خیال رہے کہ ملک میں ڈالر کے مقابلے میں روپے کی قدر میں اضافے کا سلسلہ جاری ہے اور انٹر بینک میں آج ڈالر ایک روپے 16 پیسے سستا ہوکر 227 روپے 29 پیسے کا ہوگیا ہے جبکہ اوپن مارکیٹ میں ڈالر کا بھاؤ 230 روپے پر برقرار ہے۔

اسلام آباد: وزیر خزانہ اسحاق ڈار نے کہا ہے کہ حکومت مشکل کی اس گھڑی میں عوام کے ساتھ کھڑی ہے اور سیلاب متاثرین کی امداد اور ریسکیو کے لیے تمام دستیاب وسائل بروئے کار لائے گی۔

باغی ٹی وی : وزیر خزانہ اسحاق ڈار کی زیر صدارت سیلاب متاثرین کی بحالی سے متعلق اجلاس ہوا جس میں وفاقی وزیر خزانہ اسحاق ڈار نے 90 فیصد سیلاب متاثرین کو ادائیگیوں میں بے ضابطگیوں پر تشویش کا اظہار کرتے ہوئے اس بات پر زور دیا کہ حکومت سیلاب متاثرین کی امداد اور ریسکیو کے لیے تمام دستیاب وسائل بروئے کار لائے گی۔

قومی اداروں کے خلاف عمران خان کی مہم ،وزیراعظم نے کی مذمت

سیکرٹری بے نظیر انکم سپورٹ پروگرام نے شرکاء کو بتایا کہ 90 فیصد سیلاب متاثرین کو نقد امداد فراہم کی جاچکی ہے، باقی ماندہ سیلاب متاثرین کواگلے 5 دن میں نقد امداد موصول ہوجائےگی اے ٹی ایم اور پی او ایس کے ذریعےادائیگی میں بدعنوانی کےحوالےسےچند شکایات موصول ہوئی ہیں۔

اجلاس میں گورنر اسٹیٹ بینک اور ایچ بی ایل کے صدر نے بریفنگ دیتے ہوئے بتایا کہ سیلاب متاثرین میں ریلیف کیش کی ایک بڑی مقدار تقسیم کی گئی ہے اور شکایات کے ازالے کے لیے اقدامات اٹھائے جارہے ہیں۔

وزیر خزانہ نے اسٹیٹ بینک آف پاکستان اور ایچ بی ایل پر زور دیا کہ وہ سیلاب کے اثرات کی شکایات کا ازالہ کریں اور متاثرین میں نقد امداد کی ہموار اور حقیقی تقسیم کے لیے ہر ممکن اقدام کریں تمام ڈسٹری بیوشن پوائنٹس پر نقدی کی دستیابی کو یقینی بنایا جائے، سائبر سے متعلقہ مسائل کو حل کیا جائے تاکہ کیش ڈسٹری بیوشن سسٹم کو مضبوط بنا کر سیلاب متاثرین کو امدادی رقم کی بروقت ادائیگی کو یقینی بنایا جا سکے۔

ایک ماہ میں بلوچ طلباء کی ہراسگی روکنے سے متعلق کمیشن رپورٹ پیش کرے ،عدالت

دوسری جانب کھانا اور دوائیاں نہ ملنے پر سپرہائی وے اور نیشنل ہائی کو ملانے والی لنک روڈ کو سیلاب متاثرین نے احتجاج کے دوران بند کردیا جس کی وجہ سے ٹریفک جام ہوگیا۔

مظاہرین کا کہنا تھا کہ ہمیں نہ تو کھانا اور پانی مل رہا ہےاور نہ ہی بچوں کی ادویات اوردیگر اشیا دی جا رہی ہیں جس کی وجہ سے ہمارے بچے بھوک سے بلبلا رہے ہیں حکومت کے نمائندے آتے ہیں مگر وعدے کرکے چلے جاتے ہیں، ہمیں رات کا کھانا بارہ سے 2 بجے کے درمیان دیتے ہیں جب تمام بچے بھوک سے سو جاتے ہیں۔

پولیس نے موقع پر پہنچ کر مظاہرین کو یقین دہانی کرائی وہ حکومت سے بات کریں گے جس پر مظاہرین منتشر ہوگئے اور سڑک ٹریفک کے لیے بحال کردی گئی۔

یہ دارالحکومت ہے تورا بورا نہیں ہے،کس کو ذمہ دار ٹھہرائیں،چیف جسٹس اسلام آباد ہائیکورٹ

اسلام آباد: پاکستان ایف اے ٹی ایف کے معیارات پر عمل درآمد کرنے والے ٹاپ 10 ممالک میں شامل ہوگیا-

باغی ٹی وی : میڈیا ذرائع کے مطابق پاکستان کا گرے لسٹ سے نکلنے کا مضبوط امکان پیدا ہوگیا ہے 17 اکتوبر سے 21 اکتوبر تک ایف اے ٹی ایف کا اجلاس منعقد ہوگا۔

پاکستان کی طرف سے ایف اے ٹی ایف کے ایکشن پلانز کی تکمیل بڑی کامیابی ہے۔آرمی چیف

ذرائع کے مطابق 21 اکتوبر کو پاکستان کا فیٹف کی گرے لسٹ سے نکلنے کا قوی امکان ہے کیوں کہ پاکستان ایف اے ٹی ایف کی تمام شرائط پوری کرچکا ہے۔

فیٹف ٹیم نے اگست کے آخری اور ستمبر کے پہلے ہفتہ تک پاکستان کا دورہ کیا تھا ذرائع کےمطابق پاکستان کے اقدامات پر فیٹف کی ٹیکنیکل ٹیم مطمئن ہوکر واپس گئی تھی اور ٹیم نے تمام متعلقہ حکام سے ملاقاتیں کی تھیں۔

ذرائع کا کہنا ہے کہ فیٹف جائزہ ٹیم کا مقصد قوانین پر عمل درآمد کے لیے پولیٹیکل وِل کو سمجھنا تھا۔ فیٹف اجلاس کے اختتام پر 21 اکتوبر کو پیرس میں پریس کانفرنس ہوگی۔

پاکستان کو گرے لسٹ میں کب شامل کیا گیا؟

فنانشل ایکشن ٹاسک فورس نے پاکستان کو جون 2018ء میں گرے لسٹ میں شامل کیا تھا۔ اس فہرست میں ان ممالک کو شامل کیا جاتا ہے، جو منی لانڈرنگ اور دہشت گردی کے لیے مالی معاونت کی روک تھام کے لیے مناسب اقدامات کرنے میں ناکام رہتے ہیں ۔

بڑی امید ہے پاکستان ایف اے ٹی ایف کی گرے لسٹ سے نکل جائے گا:جرمن سفیر

ایف اے ٹی ایف کیا ہے؟

فنانشل ایکشن ٹاسک فورس ایک عالمی ادارہ ہے، جس کا قیام 1989ء میں جی ایٹ سمٹ کے دوران ترقی یافتہ ممالک کے ایما پر پیرس میں عمل میں آیا تھا، جس کا بنیادی مقصد عالمی سطح پر منی لانڈرنگ کی روک تھام تھا۔ تاہم 2011 میں اس کے مینڈیٹ میں اضافہ کرتے ہوئے اس کا دائرہ کار وسیع کر دیا گیا۔ اس کے اختیارات میں بین الاقوامی مالیاتی نظام کو دہشت گردی، کالے دھن کو سفید کرنے اور اس قسم کے دوسرے خطرات سے محفوظ رکھنے اور اس حوالے سے مناسب قانونی، انضباطی اور عملی اقدامات کرنا بھی شامل ہے۔ اس ادارے کے کُل 38 ارکان میں امریکا، برطانیہ، چین اور بھارت بھی شامل ہیں جبکہ پاکستان اس کا رکن نہیں۔ ادارے کا اجلاس ہر چار ماہ بعد، یعنی سال میں تین بار ہوتا ہے، جس میں یہ دیکھا جاتا ہے کہ اس کی جاری کردہ سفارشات پر کس حد تک عمل کیا گیا ہے۔

ایف اے ٹی ایف کے آئندہ اجلاس میں گرے لسٹ سے نکل جائیں گے،وزیر خزانہ

امریکا میں 11 ستمبر 2001ء کے حملوں کے بعد یہ ضرورت محسوس ہوئی کہ دہشت گردی کی فنڈنگ کی روک تھام کے لیے بھی مشترکہ اقدامات کی ضرورت ہے، جس کے بعد اکتوبر 2001ء میں ایف اے ٹی ایف کےمقاصد میں منی لانڈرنگ کے ساتھ ساتھ دہشت گردی کی مالی معاونت کو بھی شامل کر لیا گیا۔ اپریل 2012ء میں بڑے پیمانے پر ہتھیاروں کی فنانسنگ پر نظر رکھنے اور اس کی روک تھام کے اقدامات پر عمل درآمد کرانے کی ذمہ داری بھی اسی ٹاسک فورس کے سپرد کر دی گئی۔

ایف اے ٹی ایف منی لانڈرنگ اور دہشت گردی کی فنانسنگ کے حوالے سے دنیا بھر میں یکساں قوانین لاگو کرانے اور ان پر عمل درآمد کی نگرانی کا فریضہ انجام دیتی ہے۔ اس کی کوشش ہے کہ اس کے ہر رکن ملک میں مالیاتی قوانین کی تعریف یکساں ہو اور ان پر یکساں طور پر عمل بھی کیا جائے تاکہ دنیا میں لوٹ کھسوٹ سے حاصل کردہ دولت کی نقل و حمل کو مشکل ترین بنا دیا جائے۔

ایف اے ٹی ایف کا اہم اجلاس:پاکستان کی کوششوں کوکامیابی ملنےکا امکان

چیئرمین کسان اتحاد خالد حسین باٹھ کا کہنا ہے کہ وزیر اعظم سے ملاقات کیلئے تھوڑا وقت دیا جارہا تھا ہم تھوڑے وقت کیلئے نہیں ملیں گے-

باغی ٹی وی : چیئرمین کسان اتحاد خالد حسین باٹھ نے میڈیا سے گفتگو کرتے ہوئے کہا کہ رانا ثنا اللہ نے کہا ہے صبح ہمارامسئلہ حل کریں گےہم صبح تک انتظار کریں گے،اتنی راتیں ہم نے یہاں گزاری ہیں ایک اور سہی-

حکومت اور کسانوں کے درمیان مذاکرات میں ڈیڈ لاک برقرار، احتجاج پانچویں روز میں داخل

چیئرمین کسان اتحاد خالد حسین باٹھ نے کہا کہ رانا ثنا اللہ نے کہا آپ کے مسئلے کے حل کیلئے کام کررہے ہیں،وزیر اعظم سے ملاقات کیلئے تھوڑا وقت دیا جارہا تھا،ہم نے کہا کہ تھوڑے وقت کیلئے نہیں ملیں گے، وزیراعظم کےکل کےشیڈول میں ہماری ملاقات کےبارےمیں آگاہ کیا جائے گا-

کسان اتحاد کا دھرنا وفاقی دارلحکومت میں خیابان چوک پر کئی روز سے جاری ہےابھی تک ان کے مطالبات نہیں مانے گئے ہیں اس حوالے سے مظاہرین کا کہنا ہے کہ مطالبات نہ ماننے کی صورت میں ریڈ زون کی جانب مارچ کریں گے جبکہ خیابان چوک کے گرد پولیس کی بھاری نفری تعینات کردی گئی ہے خیابان چوک سے ریڈ زون کی جانب جانے والے راستے بھی سیل کیے گئے ہیں-

چیئرمین کسان اتحاد خالد حسین باٹھ نےاتوار کو اسلام آباد میں میڈیا سےگفتگو میں کہا تھا کہ امید ہے کل حکومت مطالبات مان کر نوٹیفکیشن جاری کر دے گی، حکومت نے اگر بدنیتی سے کام لیا تو پورا ملک بند کر دیں گے، میری کال پر ملک بھر سے لاکھوں کسان اسلام آباد کا رخ کریں گے۔

منظوروسان کی ملکی سیاسی صورتحال کےحوالےسےنئی پیشگوئیاں،کونسے مہینے زیادہ خطرناک؟

دوسری جانب گزشتہ پانچ روز سے اپنے مطالبات کے لیے وفاقی دارالحکومت اسلام آباد میں سراپا احتجاج کسان اتحاد حکومت کی جانب سے ٹال مٹول کے رویے پر کافی برہم ہے اور انہوں نے پی ٹی آئی چیئرمین وسابق وزیراعظم عمران خان کو احتجاج میں شامل ہونے کی دعوت دے دی ہے۔

واضح رہے کہ مزاکرات کی ناکامی کے بعد وزیر داخلہ رانا ثناء اللہ نے کہا تھا کہ کسانوں کا دھرنا بلا جواز ہے۔ آج کسان اتحاد سے ملاقات میں ان کو صورتحال سے آگاہ کر دیا گیا. زرعی ٹیوب ویل کےبجلی کےبلوں میں کمی کے لیے کابینہ کی قائم کمیٹی کام کر رہی ہے حکومت کسانوں کے جائز مطالبات کو سنجیدہ لے رہی ہے۔

انہوں نے مزید کہا کہ نوٹیفیکیشن بھی جاری کردیا گیا اور کسان یا کسی بھی گروہ یا جماعت کو ریڈ زون میں احتجاج یا دھرنے کے اجازت نہیں ہے، ریڈ زون کی طرف مارچ کرنے والوں کے خلاف قانون حرکت میں آئے گا۔

کسان اتحاد دھرنا؛ حکومت کو آج تک کی ڈیڈلائن اسکے بعد ریڈزون کی جانب مارچ