Baaghi TV

Author: Ayesha Rehmani

  • پاکستان میں بلاک ہونے پر وکی پیڈیا کا بیان سامنے آ گیا

    پاکستان میں بلاک ہونے پر وکی پیڈیا کا بیان سامنے آ گیا

    پاکستان ٹیلی کمیونیکیشن (پی ٹی اے) کی جانب سے توہین آمیز اور غیر قانونی مواد نہ ہٹانے پر بلاک ہونے والی آن لائن سروس وکی پیڈیا کا بیان بھی سامنے آ گیا ہے۔

    باغی ٹی وی : سوشل میڈیا پر وکی پیڈیا کے آفیشل اکاؤنٹ سے جاری بیان میں تصدیق کی گئی ہے کہ پی ٹی اے نے ہماری سروس اور تمام پراجیکٹس کو پاکستان میں بلاک کر دیا ہے۔

    وکی پیڈیا توہین آمیز مواد نہ ہٹانے پر پاکستان میں بلاک


    ویب سائٹ کی جانب سے ٹوئٹر پر بتایا گیا ہے کہ ہمیں پی ٹی اے کی جانب سے یکم فروری کو بتایا گیا کہ وکی پیڈیا کی سروس کو 48 گھنٹوں کے لیے ڈی گریڈ کر دیا گیا ہے اور پھر 3 فروری کو غیر قانونی مواد کا جواز بنا کر ہماری سروس کو پاکستان میں مکمل طور پر بلاک کر دیا گیا۔

    مونس الہی کا ایک اور دوست غائب

    آن لائن سروس نے بتایا کہ ہم ’معلومات سب انسانوں کے لیے‘ پر یقین رکھتے ہیں اور وکی پیڈیا کی سروس کو پاکستان میں بلاک کرنے کا مطلب ہے کہ دنیا کی پانچویں بڑی آبادی کو بلا معاوضہ معلومات کی رسائی سے محروم کر دیا گیا ہے، اگر یہ سلسلہ جاری رہا تو ہر کوئی پاکستان کی تاریخ اور ثقافت تک رسائی سے محروم ہو جائے گا۔


    ویب سائٹ کا مزید کہنا ہے ہمیں امید ہے کہ حکومت پاکستان ہر کسی کو معلومات تک رسائی کے حق میں ہمارا ساتھ دے گی اور وکی پیڈیا سروس اور پراجیکٹس کو فوری بحال کرے گی تاکہ پاکستان کے لوگ دنیا بھر میں اپنے معلومات کو شیئر کر سکیں۔

    پنجاب میں سی ٹی ڈی کی کارروائیاں، کالعدم تنظیموں کے 9 دہشت گرد گرفتار

  • وزیر خارجہ بلاول کے خلاف نازیبا زبان ،شیخ رشید کے خلاف ایک اور مقدمہ درج

    عوامی مسلم لیگ کے سربراہ شیخ رشید کے خلاف صدر تھانہ حب میں مقدمہ درج کرلیا گیا۔

    باغی ٹی وی: عوامی مسلم لیگ کے سربراہ شیخ رشید کے خلاف چیئرمین پیپلزپارٹی بلاول بھٹو زرداری کے لیے نازیبا الفاظ کے استعمال پر پیپلزپارٹی کے کارکن نے مقدمہ درج کرایا۔

    شیخ رشید کا کراچی منتقلی روکنے کے لیے ہائیکورٹ سے رجوع

    درخواست گزار نے کہا کہ شیخ رشید ملک میں امن و امان کو خراب کرنے اور خون ریزی کرانے کی سازش کررہا ہے، ان کے نازیبا الفاظ سے پاکستان پیپلز پارٹی اور عوام میں اشتعال پھیل گیا ہے۔

    درخواست گزر نے کہا کہ عوامی لیگ کا سربراہ شیخ رشید احمد پولی کلینک ہسپتال اسلام آباد میں میڈیا نمائندوں سے چئیرمین پیپلز پارٹی بلاول بھٹو کے خلاف انتہائی غلیظ نازیبا اور غیر اخلاقی زبان استعمال کر رہا تھا جبکہ دھمکیاں بھی دے رہا تھا جس کو سننے کے بعد میرے ساتھ بیٹھے ہوئے اور حب چوکی کے رہائشی پاکستان پیپلز پارٹی کے ہزاروں کارکنوں میں اشتعال پھیل گیا اور لوگوں کی بڑی تعداد باہر روڈ پر آ گئی میں نے اور میرے ساتھیوں نے بڑی مشکل سے تمام لوگوں کو روکا اور ان کو سمجھا کر اپنے گھروں کو بھیجا-

    وکی پیڈیا توہین آمیز مواد نہ ہٹانے پر پاکستان میں بلاک

    درخواست گزار نے مزید کہا کہ ہمارے ضلع کے تمام عہدیداران کی میٹنگ ہوئی جس میں فیصلہ لیا گیا کہ ہمیں شیخ رشید کے خلاف لازمی مقدمہ درج کرانا چاہیئے شیخ رشید جان بوجھ کر امن و امان تباہ کو خراب تصاویر دے کر خون ریزی کرانے اور اشتعال پھیلانے کی سازش کر رہا ہے-

    پولیس کے مطابق شیخ رشید کے خلاف 506۔504۔500۔186اور 153 کے تحت مقدمہ درج کیا گیا ہے۔

    واضح رہے کہ شیخ رشید کے خلاف کراچی اور مری کے تھانوں میں بھی مقدمات درج کیے گئے ہیں۔

    عمران خان نے جب بھی خط لکھا نفرت کے انداز میں لکھا،گورنر خیبرپختونخو

  • مونس الہی کا ایک اور دوست غائب

    مونس الہی کا ایک اور دوست غائب

    سابق وزیرِ اعلیٰ پنجاب چوہدری پرویز الہٰی کے بیٹے اور سابق صوبائی وزیر مونس الہٰی کا ایک اور دوست غائب ہو گیا۔

    باغی ٹی وی : سماجی رابطے کی ویب سائٹ ٹوئٹر پر مونس الہٰی نے لاپتہ ہونے والے اپنے دوست کی تصویر شیئر کرتے ہوئے لکھا کہ کئی دنوں سے میرا دوست عامر سعید راں غائب ہے۔

    وکی پیڈیا توہین آمیز مواد نہ ہٹانے پر پاکستان میں بلاک


    مونس الہٰی کا کہنا ہے کہ میرے والد سے مل کے نکلا تھا تو اسے اٹھا لیا گیا تھا، نہ پولیس نہ ایف آئی اے مانتی ہے کے ان کے پاس ہے۔

    مونس الہٰی کا مزید کہنا ہے کہ عدالت نے بھی پوچھا ہے پر کوئی جواب نہیں دے رہا۔مسلم لیگ ق کے رہنما نے یہ بھی کہا کہ آج اس کی سالگرہ ہے، اس کی سالگرہ کا ہی لحاظ کر کے اسے پولیس، ایف آئی اے، نیب یا کسی کی حوالے کر دیں۔

    عمران خان نے جب بھی خط لکھا نفرت کے انداز میں لکھا،گورنر خیبرپختونخو

    واضح رہے کہ 7 جنوری کو بھی مونس الہٰی نے اپنے ایک دوست کے لاپتہ ہونے کے بارے میں بتایا تھا، ٹوئٹر پر جاری بیان میں پاکستان مسلم لیگ ق کے رہنما مونس الہٰی نے کہا تھا کہ کل میرے ایک دوست کو کچھ لوگوں نے لاہور سے 2 گاڑیوں میں اٹھا لیا ہے، ایف آئی اے والے قسمیں کھاتے ہیں انہوں نے نہیں اٹھایا۔

    سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری

  • دنیا کی سب سے بڑی جیل

    دنیا کی سب سے بڑی جیل

    وسطی امریکہ کے ملک ایل سواڈور میں دنیا کی سب سے بڑی جیل کی تعمیر مکمل کر لی گئی۔

    باغی ٹی وی: غیر ملکی خبر رساں ایجنسی کے مطابق ایل سلواڈور میں 410 ایکڑ پر قائم جیل میں 40 ہزار قیدیوں کو رکھنے کی گنجائش ہے جبکہ جیل کی حفاظت پر 600 فوجی اور 250 پولیس اہلکار تعینات کیے جائیں گے۔

    تین سالہ بچی سے اجتماعی زیادتی

    دنیا کی سب سے بڑی جیل 62 ہزار جرائم پیشہ افراد کی ممکنہ گرفتاری کے پیش نظر بنائی گئی ہے۔ یہ جیل دارالحکومت سان سلواڈور سے 73 کلومیٹر کے فاصلے پر واقع ایک دیہی علاقے تعمیر کی گئی ہے۔

    ایل سواڈور کے صدر نجیب بوقیلہ نے توکولوکا وادی میں اس جیل کا افتتاح کیا صدر نے اپنی ٹویٹ میں بتایا کہ اس کی تعمیر کا مقصد مختلف جتھوں کی ملک میں شرپسندیوں کو روکنے میں مدد کرنا ہے جو کہ براعظم امریکہ کی سب سےبڑی جیل بھی ہو گی،ہم نے یہ جیل انسداد دہشتگردی کےمرکز کے طور پر کھولی ہے جو کہ سات ماہ کے قلیل عرصے میں تعمیر کی گئی ہے ۔

    کمرہ امتحان میں 500 لڑکیاں اکیلا لڑکا غش کھا کر گر پڑا

    نائب وزیر برائے انصاف و تحفظ عامہ اوسیریس لونا نے بھی بتایا کہ اس قید خانے میں جدید ٹیکنالوجی کا استعمال کیا جائے گا جہاں 600 فوجی اور ڈھائی سو پولیس اہلکار مامور ہوں گے۔

    واضح رہے کہ ایل سلوا ڈور وسطی امریکہ میں 21 ہزار مربع کلومیٹر رقبے پر محیط براعظم کا سب سے چھوٹا ملک ہے جس کی آبادی بہ مشکل 66 لاکھ ہے۔ ایل سلوا ڈور کے صدر فلسطینی نژاد نجیب بوقیلہ ہیں جنہوں نے ملک میں دنیا کی سب سے بڑی جیل بنائی ہے۔

    اس سے قبل یہ سب سے بڑی جیل کا اعزاز ترکیہ کے پاس تھا جس کی “مرمرہ سیزاوی” جیل کو گینز بک میں سب سے بڑی عالمی جیل قرار دیا گیا تھا۔

    بھارتی فوج اور خفیہ ایجنسی را منشیات اسمگلنگ میں بھی ملوث نکلی

  • ایلون مسک کا تخلیق کاروں کے لیے معاوضے کا اعلان

    ایلون مسک کا تخلیق کاروں کے لیے معاوضے کا اعلان

    کیلیفورنیا: ایلون مسک نے تخلیق کاروں کے لیے معاوضے کا اعلان کردیا۔

    باغی ٹی وی: جمعے کے روز سربراہ ٹوئٹر نے ایک ٹویٹ میں کہا کہ آج سے ٹوئٹر اشتہارات کی مد میں کمائی جانے والی آمدنی سے تخلیق کاروں کو ان اشتہارات کے دِکھائے جانے کی مد میں حصہ دے گا جو ان کے رپلائی تھریڈ میں موجود ہوں گے۔

    دنیا کے امیر ترین افراد ، 20 ویں نمبر کی فہرست سے بھی اڈانی غائب


    ایلون مسک کا کہنا تھا کہ معاوضے کے لیے وہ لوگ اہل ہوں گے جو ٹوئٹر بلیو ویریفائیڈ کے سبسکرائبر ہوں گے۔


    واضح رہے ٹوئٹر بلیو ویریفائیڈ فیچر کی مدد میں صارفین سے آٹھ ڈالرز معاوضہ وصول کر رہا ہے۔

    ٹویٹر تخلیق کار کی معیشت کو سرگرم کرنے میں سست تھا، لیکن زیادہ تر ٹیکسٹ پر مبنی سوشل ایپ بالآخر بورڈ میں آ گئی۔ کمپنی نے حالیہ برسوں میں مواد کے تخلیق کاروں کو پیسہ کمانے میں مدد کرنے کے لیے چند خصوصیات متعارف کروائیں، جن میں Super Follows، Ticketed Spaces اور ایک خصوصی منیٹائزیشن ڈیش بورڈ شامل ہیں۔

    واٹس ایپ کا ایک ماہ میں 36 لاکھ 77 ہزار اکاؤنٹ معطل کرنے کا دعویٰ

    یو ٹیوب نے طویل عرصے سے اپنے تخلیق کاروں کے ساتھ آمدنی کو تقسیم کیا ہے اور اسے عام طور پر ویڈیوز سے قابل اعتماد طریقے سے پیسہ کمانے کے لیے بہترین جگہ سمجھا جاتا ہے۔ کمپنی آن چینل اشتہارات کے ذریعے حاصل ہونے والی آمدنی کا 55% ادا کرتی ہے اور حال ہی میں اپنے مختصر فارم ٹک ٹاک کے مدمقابل، YouTube Shorts کے لیے آمدنی کا اشتراک متعارف کرایا ہے۔

    دیگر کمپنیاں، خاص طور پر میٹا، اس منیٹائزیشن ماڈل کو اپنانے میں سست روی کا مظاہرہ کر رہی ہیں۔ ٹک ٹاک نے صرف ٹک ٹاک Pulse کے ساتھ پچھلے سال کے وسط میں اپنے اشتھاراتی ریونیو شیئرنگ پروگرام کا اعلان کیا تھا، حالانکہ اس پیشکش کو صرف کم از کم 100,000 فالورز والے اکاؤنٹس تک بڑھایا گیا تھا اشتہارات کی آمدنی کا اشتراک ماڈل ان پلیٹ فارمز پر بھی کم عام ہے جو ویڈیو کے بجائے متن پر زور دیتے ہیں۔

    تین سالہ بچی سے اجتماعی زیادتی

  • شیخ رشید کا کراچی منتقلی روکنے کے لیے ہائیکورٹ سے رجوع

    شیخ رشید کا کراچی منتقلی روکنے کے لیے ہائیکورٹ سے رجوع

    اسلام آباد:سابق وزیر داخلہ شیخ رشید نے اسلام آباد سے کراچی اپنی منتقلی روکنے کے لیے ہائیکورٹ سے رجوع کرلیا۔

    باغی ٹی وی: سابق وزیر شیخ رشید نے اسلام آباد سے کراچی اپنی منتقلی روکنے کے لیے ہائی کورٹ اسلام آباد ہائیکورٹ میں درخواست دائر کی جس میں اسلام آباد ، سندھ اور پنجاب کے آئی جیز سمیت سیکرٹری داخلہ کو بھی فریق بنایا گیا ہے۔

    سپریم کورٹ کی سکیورٹی مزید سخت کردی گئی

    وکیل سردار عبدالرازق خان کے ذریعے دائر درخواست مؤقف اختیار کیا گیا ہےکہ عمران خان نے آصف زرداری پر قتل کا الزام لگایا جس کا میں نے حوالہ دیا، مقدمات میں مدعی متاثرہ فریق نہیں ہے۔

    درخواست میں استدعا کی گئی ہےکہ سیاسی بیان بازی کی بنا پر مزید مقدمات درج کرنے سے روکا جائےجبکہ آبپارہ ، مری اور کراچی کے مقدمات غیر قانونی قرار دےکر کالعدم قرار دیئے جائیں اور کراچی کا مقدمہ اختیار سے تجاوز قرار یا اسلام آباد منتقل کیا جائے اور کیس کے حتمی فیصلے تک کراچی منتقلی سے روکا جائے-

    شیخ رشید کو گرفتار کرنے مری اور کراچی پولیس بھی اسلام آباد پہنچ گئی

    واضح رہے کہ گزشتہ روز مری اور کراچی پولیس کے اہلکار بھی شیخ رشید کو حراست میں لینے کے لیے اسلام آباد پہنچے تھے تاہم اسلام آباد پولیس نے انہیں کہا کہ عدالت کی اجازت کے بعد ہی شیخ رشید کو لے جانے کی اجازت دے سکتے ہیں۔

    دوسری جانب شیخ رشید کے بھتیجے شیخ راشد شفیق نے میڈیا سے گفتگو کرتے ہوئے دعویٰ کیا ہے کہ شیخ رشید آبپارہ تھانے میں ہیں نا تھانہ سیکرٹریٹ میں، شیخ رشید اس وقت اسلام آباد کےکسی تھانےمیں موجود نہیں ہیں کل ہماری تھانہ سیکرٹریٹ میں شیخ رشید سے ملاقات کرائی گئی، ملاقات کرا کے شیخ رشید کو گاڑیوں میں کہیں منتقل کر دیا گیا۔

    راشد شفیق نے کہا کہ شیخ رشید نے بتایا ان کی آنکھوں پر پٹیاں باندھ کر لے جایا جاتا ہے، اس وقت کراچی پولیس بھی اسلام آباد موجود ہے شیخ رشید نے پیغام دیا ہے کہ انہیں قتل کرانے کے لیے کراچی بھیجا جا رہا ہےمجھےکچھ ہوا تو ایف آئی آر شہباز شریف، آصف زرداری، بلاول بھٹو اور رانا ثنا اللہ کے خلاف کاٹی جائے۔

    سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری

  • وکی پیڈیا توہین آمیز مواد نہ ہٹانے پر پاکستان میں بلاک

    وکی پیڈیا توہین آمیز مواد نہ ہٹانے پر پاکستان میں بلاک

    آن لائن ویب سائٹ وکیپیڈیا کو توہین آمیز مواد نہ ہٹانے پر پاکستان میں بلاک کر دیا گیا۔

    باغی ٹی وی: پاکستان ٹیلی کمیونیکیشن اتھارٹی (پی ٹی اے) حکام نے تصدیق کی ہے کہ انتباہ کے باوجود توہین آمیز اور غیر قانونی مواد نہ ہٹانے پر وکی پیڈیا سروس کو گزشتہ روز بلاک کیا گیا۔

    حکام کے مطابق وکی پیڈیا کو بلاک کرنے سے قبل عدالتی احکامات پر ویب سائٹ سے توہین آمیز مواد نہ ہٹانے پر اسے ڈی گریڈ کیا گیا اور 48 گھنٹے کے لیے اس کی سروس کو آہستہ بھی کیا گیا۔

    وکیپیڈیا کو پورا موقع فراہم کیا گیا کہ وہ اس حوالے سے اپنا مؤقف سامنے رکھتے ہوئے توہین آمیز مواد ویب سائٹ سے ہٹائے لیکن نہ تو مواد ہٹایا گیا اور ناہی وکیپیڈیا کے حکام پی ٹی آئی کے سامنے پیش ہوئے۔

    پنجاب میں سی ٹی ڈی کی کارروائیاں، کالعدم تنظیموں کے 9 دہشت گرد گرفتار

    پی ٹی اے حکام کا کہنا ہے کہ وکیپیڈیا کی سروس کو پاکستان میں دوبارہ بحال کرنے کے حوالے سے توہین آمیز اور غیر قانونی مواد ہٹانے کے بعد غور کیا جائے گا،پی ٹی اے ملک کے مقامی قانون اور ضوابط کے مطابق تمام پاکستانی شہریوں کے لیے محفوظ آن لائن تجربے کو یقینی بنانے کے لیے پر عزم ہے۔

    یاد رہے کہ پاکستان ٹیلی کمیونیکیشن نے چند روز قبل وکی پیڈیا کو انتباہ جاری کیا تھا کہ اگر ویب سائٹ سے توہین آمیز مواد نہ ہٹایا گیا تو وکی پیڈیا سروس کو ڈی گریڈ کرتے ہوئے اسے بلاک کر دیا جائے گا-

    سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری

  • بھارتی فوج اور خفیہ ایجنسی را منشیات اسمگلنگ میں بھی ملوث نکلی،پاکستانی ایجنسیوں نے ہندوستانی ایجنسیوں کا منصوبہ ناکام بنا دیا

    بھارتی فوج اور خفیہ ایجنسی را منشیات اسمگلنگ میں بھی ملوث نکلی،پاکستانی ایجنسیوں نے ہندوستانی ایجنسیوں کا منصوبہ ناکام بنا دیا

    بھارتی فوج اور خفیہ ایجنسی را منشیات اسمگلنگ میں بھی ملوث نکلی،پاکستان کی انٹیلی جنس ایجنسیوں نے ہندوستانی ایجنسیوں کا منصوبہ ناکام بنا دیا-

    باغی ٹی وی: بھارتی فوج اور خفیہ ایجنسی را منشیات اسمگلنگ میں بھی ملوث نکلی ،بھارتی فوج اپنی ہی عوام کو چونا لگانے میں پیش پیش ہے،بھارتی فوج اپنے ہی سینئر افسران کو دھوکہ دینے لگی،جھوٹ، جعلی مقابلے اور ماورائے عدالت قتل ہندوستانی فوج کی پہچان ہے-

    بھارتی فوج، را اورمقبوضہ جموں کشمیر پولیس میں مودی سرکار کے سامنے نمبر بنانے کامقابلہ جاری ہے ،بھارتی فوج مودی سرکار کی خوشامد کے چکر میں ہتھیار اسمگل کر کے آزادی پسندوں کے سر منڈھنے لگی-

    ابتدائی طور پر اسلحہٰ اور منشیات کی چھوٹی کھیپ کو کشمیر پولیس سے خفیہ رکھ کر سمگل کیا جاتا۔ کامیابی کی صورت میں ایک بڑی کھیپ) 50 رائفل، 30 پستول، 20 دستی بم، 50 کلوگرام منشیات (کا آزاد کشمیر سے سمگلنگ کا ڈرامہ رچایا جاتا)۔


    بھارتی فوجی افسران پروموشن، تمغوں اور رپورٹ کے چکر میں کشمیریوں کے خون سے کھیلنے لگ گئے،منصوبے کے مطابق مجبور کشمیریوں کو پیسے کا لالچ دے کر اسمگلنگ پر آمادہ کیا جاتا،موقع ملنے پر بے خبر ’اسمگلر‘ کو جعلی آپریشن میں مار دیا جاتا-

    آپریشن کارنگ دے کر ذاتی تشہیرکی جاتی اور الزام پاکستان کے سر تھوپ دیا جاتا،اسلحہٰ اور منشیات کی چھوٹی کھیپ کو کشمیر پولیس سے خفیہ رکھ کر اسمگل کیا جاتا،آزاد کشمیر سےا سمگلنگ کا ڈرامہ رچایا جاتا،جعلی اسمگلرزکوبھارتی فوج کےہاتھوں مروا دیاجاتا،آپریشن میں ملوث افسران کو انعام کے طور پر ہتھیار اور آوٹ اسٹینڈنگ رپورٹ سے نوازا جاتا-

    سی آئی ڈی کشمیر کا جموں و کشمیر پولیس کے سر براہ کو مراسلہ منظر عام پر۔مراسلے میں سی آئی ڈی کشمیر کا سربراہ جموں و کشمیر پولیس کے سربراہ کو منصوبے سے آگاہ کرتے ہوئے اسے نظر اندازکرنے کی ہدایات دے رہا ہےمراسلے میں 3راجپوت کے حاجی پیر سیکٹر، 12جاٹ کے اڑی سیکٹر اور لیفٹیننٹ کرنل اکشنت کا ضلع کپواڑہ میں جعلی آپریشن کا ذکر ہے۔

    ایک اورمراسلے میں CID ‘K’فورس کا اہلکار کمانڈنگ آفیسر کے غیر آمادہ رویے کو مبینہ طور پرایس پی بارہ مولا اور 12جاٹ رجمنٹ کے درمیان ہونے والے آپریشن کی ناکامی کی وجہ بتا رہا ہے۔ مراسلے میں مزید یہ بھی کہا گیا کہ کمانڈنگ آفیسر کے چھٹی جانے کی صورت میں سیکنڈ ان کمانڈ اس جعلی آپریشن پر رضا مند ہے۔

    بھارت تحریکِ آذادی کے کشمیر کو دبانے اور پاکستان کو بدنام کرنے کے لیے پہلے بھی یہ حربے آزما چکا ہے۔ 26 فروری 2019 کو بی جے پی کی انتخابات میں جیت یقینی بنانے کیلئے جعلی سرجیکل سٹرائیک کا ڈرامہ رچایا گیا۔

    16جنوری2021کو "دی وائر” کی رپورٹ میں ارناب گوسوامی کی لیک واٹس ایپ چیٹ کے مطابق پلوامہ حملے میں مودی سرکار خود ملوث تھی 18 جولائی 2020 کو بھارتی فوج نے تین کشمیریوں کو دہشت گرد قرار دے کر شہید کر ڈالا۔شور مچنے پر نام نہاد انصاف کا پرچار کیا۔لیکن جنوری 2021میں اسی واقعے میں ملوث بریگیڈیر کٹوچ کو ’یدھ سیوا میڈل‘ سے نوازا گیا۔

    3 فروری 2022کو بھارتی فوج نے شبیر احمد کو چند گیر، بانڈی پورہ سے اسلحہ سمیت گرفتار کیا جبکہ کشمیرسی آئی ڈی کے مطابق شبیر احمد 19 جنوری سے زیرِ حراست تھا2010 میں مچھل میں تین نوجوانوں کو جعلی مقابلوں میں شہید کر ڈالا 14مارچ 2022کو جعلی مقابلے میں ابرار نامی شخص کو اسلحہ سمیت زخمی حالت میں گرفتار کرنے کا دعویٰ کیا۔

    28نومبر 2022 کو بھارتی فوج نے ضلع کپواڑہ کے گاؤں پنج ترن میں ایک گھر کے نزدیک اسلحہ چھپایا۔ جسے مکان مکین نے فون میں ریکارڈ کر لیا ویڈیومیں بھارتی فوجیوں کو اسلحہ چھپاتے ہوئے دیکھا جاسکتا ہے30نومبر کو بھارتی فوج نے چھاپہ مار کر وہی ہتھیار برآمد کرلیے اور الزام پاکستان پر لگا دیا۔

    ہندوستانی فوج کے افسران، سینئر افسران کی چاپلوسی کے لئے منشیات اور اسلحہ اسمگل کررہے ہیں کشمیر میں 1279 دن کے غیر قانون محاصر ے کے باوجود بہادر کشمیری آج بھی آزادی کی جنگ لڑ رہے ہیں کشمیریوں کی تحریک آزادی سے توجہ ہٹانے اور2023 میں 9 ریاستوں کے انتخابات جیتنے کے لئے، ہندوستانی فوج ان ہتھکنڈوں کا استعمال کررہی ہے۔

    باراک اوباما نے اپنی کتاب، The Promised Land میں لکھا تھا کہ پاکستان مخالف موقف پر ہندوستانی انتخابات جیتتا ہےعالمی میڈیا کئی بار ان جعلی مقابلوں پر آواز اٹھا چکا ہے۔

    2010 اور 2015میں بی بی سی نے کشمیر میں ہونے والے جعلی مقابلوں پر سوال اٹھایا تھا۔ رپورٹ کے مطابق 25مارچ 2020کو کابل میں سِکھ گُردوارے پر حملے میں بھی بھارتی دہشتگرد ملوث تھے اور بھارتی قوانین ایسے جرائم میں ملوث فوجیوں کا تحفظ بھی کرتے ہیں۔

    امریکی جریدے فارن پالیسی نے بھی بھارتی دہشت گردی کے حوالے سے بھارت کو بے نقاب کیا تھا جس میں داعش اور بھارتی روابط کو دُنیا کے سامنے لایا گیاتھا اور اس گٹھ جوڑ کو عالمی اور علاقائی خطرہ قرار دیا گیا جبکہ 30دسمبر 2020 کوٹی آر ٹی ورلڈ نے بھی بھارتی جعلی مقابلوں کا پردہ چاک کیا تھا۔

    سکھ یاتریوں کی بھارت میں ہی مودی کے خلاف نعرے بازی

    بھارتی ہٹ دھرمی، ایک بار پھرپاکستان آنیوالے سکھ یاتریوں کوروک دیا گیا

    خالصتانی ہوں،حکومت مودی کے دباؤ کا شکارہے، گوپال سنگھ چاولہ کی باغی ٹی وی سے گفتگو

    سکھ برادی کا خالصتان بارے ریفرنڈم 2020، وینا ملک نے بڑا اعلان کر دیا

    آسٹریلوی حکومت نے میلبرن میں خالصتان ریفرنڈم رکوانے سے انکار کردیا۔

     علیحدگی پسند گروپ سکھس فار جسٹس (SFJ) نے میلبورن آسٹریلیا میں خالصتان ریفرنڈم مہم کا آغاز کیا ج

    انٹرپول نے خالصتان کے رہنما کے ریڈ وارنٹ جاری کرنے کی بھارت کی درخواست مسترد کردی

    ٹورنٹو:کینیڈا میں خالصتان ریفرنڈم کے حوالے سے تاریخ رقم ، خالصتان ریفرنڈم میں ایک لاکھ 10 ہزار سکھوں نے ووٹ کاسٹ کی

  • سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری

    اسلام آباد: سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری

    باغی ٹی وی: روسٹر کے مطابق آئندہ ہفتے پرنسپل سیٹ پر پانچ بینچ مقدمات کی سماعت کریں گے،بینچ ایک چیف جسٹس عمر عطا بندیال،جسٹس عائشہ ملک اور جسٹس اطہر من اللہ پر مشتمل ہوگا-

    اسپیکر پنجاب اسمبلی نےپنجاب میں انتخابات کی تاریخ سے متعلق گورنرپنجاب کے خط کا جواب دے دیا

    روسٹر کے مطابق بینچ دو میں جسٹس قاضی فائز عیسی اور جسٹس محمد علی مظہر شامل ہوں گے جبکہ بینچ تین جسٹس سردار طارق،جسٹس امین الدین اور جسٹس سید حسن اظہر رضوی پر مشتمل ہوگا-

    پنجاب پولیس میں بڑے پیمانے پر تبادلے

    اسی طرح بینچ چار میں جسٹس اعجازالاحسن،جسٹس منیب اختر اور جسٹس مظاہر علی اکبر نقوی شامل ہوں گے جبکہ بینچ پانچ جسٹس منصور علی شاہ،جسٹس جمال خان مندوخیل اور جسٹس شاہد وحید پر مشتمل ہوگا-

  • عمران خان نے جب بھی خط لکھا نفرت کے انداز میں لکھا،گورنر خیبرپختونخو

    عمران خان نے جب بھی خط لکھا نفرت کے انداز میں لکھا،گورنر خیبرپختونخو

    گورنر خیبرپختونخواغلام علی نے پشاور دھماکے کے زخمیوں کی عیادت کی-

    باغی ٹی وی: گورنر خیبرپختونخواغلام علی نے کہا کہ پشاور سانحے پر سب غمزدہ ہیں،قانون نافذ کرنے والے اداروں کی قربانیاں ہیں،دھماکے کرنے والے چاہتے تھے کہ پولیس کا مورال گرے-

    اسپیکر پنجاب اسمبلی نےپنجاب میں انتخابات کی تاریخ سے متعلق گورنرپنجاب کے خط کا جواب دے دیا

    گورنر خیبرپختونخواغلام علی نے کہا کہ لیڈی ریڈنگ اسپتال کو مزید ڈائلسز مشینیں فرا ہم کریں گے،صحت کی سہولتوں میں بہتری کی کوشش کریں گے ،وزیرصحت ایک 2 روزمیں عہدے کا حلف لیں گے-

    گورنر خیبرپختونخوا نے کہا کہ خیبرپختونخوا میں سانحے ہورہے ہیں ،وزیراعلیٰ اعظم خان اور ہم ایک پیج پر ہیں،اے پی سی میں تمام جماعتوں کوشرکت کی دعوت دی گئی ہے ،ایپکس کمیٹی میں ایک سیاسی جماعت نے شرکت نہیں کی،ملک میں حکمرانی کا بھی ایک انداز ہوتاہے،عمران خان نے جب بھی خط لکھا نفرت کے انداز میں لکھا-

    پنجاب میں سی ٹی ڈی کی کارروائیاں، کالعدم تنظیموں کے 9 دہشت گرد گرفتار

    گورنر خیبرپختونخواغلام علی نے کہا کہ میں نے الیکشن کے لیے مشاورت کی بات کی ،میں نے کہا تھاکہ الیکشن کرائیں لیکن مشاور ت ضروری ہے ،ضمنی الیکشن خیبرپختونخوا کے کچھ حلقوں میں ہورہے ہیں،الیکشن کمیشن کو بھی مشاورت کے لیے خط لکھا-