Baaghi TV

Author: Ayesha Rehmani

  • تھر میں 5 ہزار میگا واٹ بجلی پیداکرنے کی صلاحیت ہے،مشاہد حسین سید

    تھر میں 5 ہزار میگا واٹ بجلی پیداکرنے کی صلاحیت ہے،مشاہد حسین سید

    سینیٹ کی قائمہ کمیٹی برائے دفاع کے چیئرمین اور مسلم لیگ (ن) کے رہنما سینیٹر مشاہد حسین سید کا کہنا ہے کہ تھر میں 5 ہزار میگا واٹ بجلی پیدا کرنے کی صلاحیت ہے-

    باغی ٹی وی: سینیٹرمشاہد حسین سید نے سینیٹ اجلاس میں اظہار خیال کرتے ہوئے کہا کہ تھر کے ذخائر ملک کو معاشی ترقی کی راہ پر کھڑا کرسکتے ہیں،اگر واہگہ بارڈر کھل سکتا ہے تو موناباؤ کیوں نہیں،مونا باؤ اور کھوکھرا پار بارڈر کو کھول دینا چاہیے-

    تحریک انصاف کے مزید9ممبران نے پارلیمنٹ لاجز خالی کرادیئے

    قبل ازیں ایٹمی بجلی گھر تھرکی افتتاحی تقریب سے خطاب کرتے ہوئے وزیراعظم شہباز شریف کا کہنا تھا کہ پاکستان میں ہائیڈل پاور سے 60 ہزار میگاواٹ بجلی پیدا کرنے کی صلاحیت موجود ہے کوئلے سے توانائی حاصل کرکےاربوں ڈالرکی بچت کی جاسکتی ہےتھر کا کوئلہ سینکڑوں برس پاکستان کی ترقی میں کردار ادا کر سکتا ہے۔

    ان کا کہنا تھا پاکستان 27 ارب ڈالر کا ایندھن درآمد کر رہا ہے، اربوں ڈالر کا ایندھن درآمد کرنا بہت مشکل ہوتا ہے، پاکستان کو سستے ایندھن کی ضرورت ہے، شمسی توانائی بجلی کی ضرورت پوری کرنے میں بہت مددگار ہو سکتی ہے۔

    محکمہ ریلوے میں کرپشن کے ملزم کی درخواست ضمانت مسترد

    ان کا کہنا تھا نواز شریف کے دور حکومت میں اس منصوبے کو حتمی شکل دی گئی تھی، اس منصوبے سے 1100میگاواٹ ایٹمی بجی حاصل ہو سکے گی، امید ہے دوست ملک چین فی میگا واٹ کی قیمت کم کرے گا، دیامر بھاشا اور داسو ڈیم کی تکمیل میں پانچ سال لگ سکتے ہیں۔

    ان کا کہنا تھا ایندھن کی درآمد میں اربوں ڈالر کی بچت سے پاکستان آگے بڑھ سکتا ہے، پاکستان میں ہائیڈل پاور سے 60 ہزار میگاواٹ پیداوار کی صلاحیت ہے، اگلے منصوبوں کے لیے چین کے ساتھ اور آگے بڑھیں گے۔

    ٹریک کو ٹھیک نہ کیا تو 2،4سال میں بند ہو جائیں گے،وزیر ریلوے

  • تحریک انصاف کے مزید9ممبران نے پارلیمنٹ لاجز خالی کرادیئے

    تحریک انصاف کے مزید9ممبران نے پارلیمنٹ لاجز خالی کرادیئے

    پی ٹی آئی کے ڈی نوٹیفائی ہونے والے ممبران سے پارلیمنٹ لاجز خالی کرانے کا سلسلہ جاری ہے-

    باغی ٹی وی: تفصیلات کے مطابق تحریک انصاف کے مزید 9 ممبران نے پارلیمنٹ لاجز خالی کرادیئے،شیخ راشد شفیق، ڈاکٹر نوشین حامد،تاشفین صفدرنے لاجز خالی کردیئے-

    جس نے جرائم کیے اسے حساب تو دینا پڑے گا،مریم نواز

    آفتاب صدیقی، عالمگیر خان اور راجہ خرم شہزاد نے بھئ لاجز بھی خالی کر دیئے،مجموعی طور پر خالی ہونے والے پارلیمنٹ لاجز کی تعداد 24 ہوگئی-

    قبل ازیں کیپٹل ڈیولپمنٹ اتھارٹی (سی ڈی اے) نے پارلیمنٹ لاجز میں الیکشن کمیشن کی جانب سے ڈی نوٹیفائی کیے جانے کے بعد پی ٹی آئی کے اراکین قومی اسمبلی کے کمرے خالی کرانے کے لیے آپریشن کیا،پی ٹی آئی کے سابق رکن اسمبلی فرخ حبیب، ظہور احمد قریشی، شاندانہ گلزار، شاہد احمد خٹک، گل داد خان اور ارباب عامر ایوب نے پالیمنٹ خالی کئے تھے-

    سابق وفاقی وزیر تعلیم شفقت محمود، علی حیدر زیدی، علی امین خان گنڈا پور، ملیکہ علی بخاری اور فہیم خان نے رضاکارانہ طور پر اپنے کمرے خالی کردیے تھے۔

    ایسی چیزوں سے اجتناب کرنا ہو گا جس سے ملکی سالمیت کو خطرہ ہو،امیر مقام

    پی ٹی آئی کے 131 ارکان اسمبلی نے گزشتہ برس اپریل میں سابق وزیراعظم عمران خان کے خلاف تحریک عدم اعتماد کامیاب ہونے کے بعد اجتماعی طور پر استعفیٰ دے دیے تھے۔

    پی ٹی آئی نے پارلیمنٹ کا حصہ نہ بننے کا فیصلہ کیا تھا کیونکہ ان کا دعویٰ تھا کہ پی ٹی آئی حکومت کو عالمی سازش کے ذریعے ہٹایا گیا تھا تاہم موجودہ حکومت کا مؤقف ہے کہ وزیر اعظم کو تحریک عدم اعتماد کے ذریعے ہٹانا آئینی اقدام ہے۔

    جن 131 ارکان اسمبلی نے استعفے جمع کرائے تھے ان میں سے 120 کے قریب ارکان اسمبلی کے استعفے اسپیکر قومی اسمبلی راجا پرویز اشرف نے منظور کر لیے قوانین کے مطابق الیکشن کمیشن کی جانب سے اراکین قومی اسمبلی کو ڈی نوٹیفائی کیےجانے کے بعد وہ پارلیمنٹ لاجز میں رہنے کے حقدار نہیں ہیں۔

    ٹریک کو ٹھیک نہ کیا تو 2،4سال میں بند ہو جائیں گے،وزیر ریلوے

  • امریکا:چڑیا گھر سے چوری ہونے والے بندروں کی جوڑی بازیاب

    امریکا:چڑیا گھر سے چوری ہونے والے بندروں کی جوڑی بازیاب

    امریکی ریاست ٹیکساس کے ڈلاس چڑیا گھر سے چوری ہونے والے بندروں کی جوڑی کو بازیاب کروالیا گیا۔

    باغی ٹی وی : غیر ملکی میڈیا کے مطابق پولیس کی جانب سے بتایا گیا ہے کہ چڑیا گھر سے بندر کے ایک جوڑے کو چرانے کے الزام میں ایک 24 سالہ مشتبہ شخص کوگرفتارکیا گیاہےاس بندر کی نسل کو تمرین بندر کہتے ہیں اور یہ قد میں ایک گلہری جتنے ہوتے ہیں ان بندروں کا نام بیلا اور فن ہے اور انہیں بازیاب کرواکر چڑیا گھر میں دوبارہ منتقل کردیا گیا ہے۔

    چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور 979 زخمی

    پولیس کے مطابق گرفتار ملزم پر جانوروں پر ظلم کرنے کا الزام عائد کیا گیا ہے اور اس کی ضمانت 25 ہزار ڈالر مقرر کی گئی ہے،جبکہ اس سے قبل چڑیا گھر سے چوری ہونے والے تیندوے اور لنگور کا بھی الزام اسی ملزم پر لگایا گیا ہے۔


    دوسری جانب ڈلاس چڑیا گھر کی انتظامیہ کی جانب سے ٹوئٹر پر بندروں کی تصویر شیئر کرتے ہوئے لکھا گیا کہ بیلا اور فن کل رات چڑیا گھر میں اپنے بوری نما گھونسلے میں آکر بہت خوش تھے ہمارے ڈاکٹر اور جانوروں کی دیکھ بھال کرنے والی ٹیموں نے دونوں بندروں کا طبی معائنہ کیا ہے، بندروں کا تھوڑا سا وزن کم ہونےکے علاوہ ان پر چوٹ کے کوئی آثار نہیں دکھائی دیئے ہیں۔

    دنیا کی سب سے بڑی جیل


    انتظامیہ نے بتایا کہ معائنے کے فوراً دونوں نے تقریباً فوراً کھانا پینا شروع کر دیا۔ وہ تھوڑی دیر کے لیے مسکن پر واپس نہیں آئیں گے کیونکہ انھیں باہر لے جایا گیا تھا، اس لیے انھیں اپنے چڑیا گھر میں دوبارہ داخل ہونے سے پہلے قرنطینہ کی مدت ختم کرنی ہوگی۔

    امریکہ کیجانب سے چین کا "جاسوسی غبارہ” گرا نے پر چین کا ناراضگی کا اظہار

  • اسٹربیری پھل کی حقیقت جسے جان کر دنگ رہ جائیں

    اسٹربیری پھل کی حقیقت جسے جان کر دنگ رہ جائیں

    اسٹرابیری پھل دیکھنے میں بہت خوبصورت ہوتا ہے اور ذائقے کے لحاظ سے بھی بہترین ہے اسٹرابیری، موسم بہار اور موسم گرما میں ایک پسندیدہ پھل اپنی مزیدار میٹھی خوشبو اور ذائقے کی بدولت سب کا پسندیدہ بھل ہے اور اسکے ساتھ ساتھ، وٹامن اے، پوٹاشیم، کیلشیم، میگنیشیم اور فولیٹ سمیت غذائی اجزاء کا ایک شاندار ذریعہ ہیں۔ مزید برآں ان کا شمار وٹامن سی اور مینگنیز سے بھرپور پھلوں میں بھی ہوتا ہے

    پھلوں اور سبزیوں کےاستعمال سے ذیابیطس اور موٹاپے پرقابوپایا جا سکتا ہے ،تحقیق

    اسٹرابیری اینٹی آکسیڈنٹس سے بھرپور ہوتی ہے، جو دل کی صحت اور بلڈ شوگر کو کنٹرول کرنے کے لیے فوائد رکھتی ہیں عام طور پر سٹرابیری کچی اور تازہ کھائی جاتی ہیں، مگر اس کی علاوہ ان کو مختلف قسم کے جیمز، جیلیوں اور میٹھوں میں بھی استعمال کیا جا سکتا ہے اسٹرابیری بنیادی طور پر %91 پانی اور %7.7 کاربوہائیڈریٹ پر مشتمل ہوتی ہے۔ ان میں معمولی مقدار میں چربی (0.3%) اور پروٹین (0.7%) بھی موجود ہوتی ہے۔

    اکثر خیال کیا جاتا ہے کہ اس کے اوپر ‘بیج’ پھل کے اندر ہونے کی بجائے اوپر موجود ہیں آپ یہ جان کر حیران رہ جئیں گے کہ اسٹرابیری کے اوپر جو بیج نظر آتے ہیں وہ حقیقت میں بیج نہیں اور جو سرخ رنگ کا پھل ہم کھاتے ہیں وہ تکنیکی طور پر پھل ہی نہیں،اسٹرابیری کے اوپر جو بیج جیسی چیز نظر آتی ہے اسے ایچین کہا جاتا ہے۔

    ذیا بیطس کے مریضوں کیلئے بہترین ناشتہ جو خون میں شکر کی مقدار کم رکھتا ہے

    یہ جان کر آپ دنگ رہ جائیں گے کہ ایچین درحقیقت اسٹرابیری پودے کا پھل ہوتا ہے اور ہر ایچین کے اندر ایک بیج ہوتا ہےجہاں تک سرخ گودے کی بات ہے جسے ہم اسٹرابیری پھل تصور کرتے ہیں وہ حقیقت میں ایسا ٹشو ہے جو پھول کو پودے سے جوڑنے کا کام کرتا ہے۔

    جب اسٹرابیری کے ایک پھول کی تخم کاری ہوتی ہے تو یہ ٹشو نشوونما پاکر بدل جاتا ہے تو اسٹرابیری کی سطح پر جو متعدد بیج نظر آتے ہیں وہ درحقیقت پھل ہوتے ہیں، مگر یہ معلوم نہیں کہ آخر وہ چھوٹے اور خشک پھل اس سرخ میٹھے حصے کے باہر کیوں ہوتے ہیں۔

    بس یہ معلوم ہے کہ دیگر پھلوں کے برعکس اسٹرابیری کے پھول میں پھل نہیں پھولتا بلکہ اس کا ٹشو پھول جاتا ہے جبکہ حقیقی پھل چھوٹی خشک شکل میں نظر آتا ہےدلچسپ بات یہ ہے کہ اسٹرابیری کے بیشتر پودوں کو اگنے کے لیے بیجوں کی ضرورت نہیں ہوتی بلکہ وہ اپنی نقول بناکر پھیلتے رہتے ہیں۔

    دہی خواتین کی صحت کیلئے بے حد مفید قرار

  • ماتھے پر تلک لگانے سے انکار،بھارتی مسلمان کھلاڑیوں پربھارتیوں کی تنقید

    ماتھے پر تلک لگانے سے انکار،بھارتی مسلمان کھلاڑیوں پربھارتیوں کی تنقید

    بھارتی بولرز محمد سراج اور عُمران ملک ہوٹل استقبالیے کے دوران ماتھے پر تلک لگانے سےمنع کرنے پر تنقید کی زد میں آگئے۔

    باغی ٹی وی : سوشل میڈیا پر بھارتی اسکواڈ کی ہوٹل استقبال کی ویڈیو سوشل میڈیا پر گردش کر رہی ہے ویڈیو میں دیکھا جا سکتا ہے کہ ہوٹل انتظامیہ سے ایک خاتون بھارتی کھلاڑیوں کی ہوٹل میں انٹری کے وقت ان کے ماتھے پر تلک لگا رہی ہے-

    ایشیا کپ: نجم سیٹھی کے بیان کے بعد اب بھارتی کرکٹ بورڈ کا بیان بھی سامنے آگیا


    ویڈیو میں دیکھا جاسکتا ہے اس دوران محمد سراج اور عُمران ملک سمیت دیگر بھارتی کھلاڑیوں وکرم راٹھور اور ہری پرساد موہن نے ماتھے پر تلک لگانے سے گریز کیا لیکن بھارتی سوشل میڈیا اکاؤنٹ سے بالخصوص مسلمان بولرز کو ہی تنقید کا نشانہ بنایا جاتا رہا۔

    سوشل میڈیا پر بھارتی ٹی وی چینل کے ایڈیٹر نے محمد سراج اور عُمران ملک کو بالخصوص تنقید کا نشانہ بناتے ہوئے ہندی میں لکھا کہ ’استقبال کے دوران محمد سراج اور عُمران ملک نے ماتھے پر تلک نہیں لگوایا دونوں پاکستان نہیں بلکہ بھارتی ٹیم کے کھلاڑی ہیں، عالمی سطح کے کھلاڑی بننے کے بعد بھی وہ اپنے مذہب کے متعلق سخت گیر ہیں’۔

    کوہلی سے جھگڑا کیوں ہوا،سہیل خان نے وجہ بتادی

    https://twitter.com/AvinashArya09/status/1621516684694802432?s=20&t=-L-FVDXsfxjUKSTrrnsGNA
    بھارتی ٹی وی چینل کے ایڈیٹر کے جواب میں نہ صرف پاکستانی بلکہ بھارتی صارفین بھی پاکستانی بولرز کی حمایت میں میدان میں کود پڑے-

    پاکستانی سوشل میڈیا صارف نے ردعمل کا اظہار کرتے ہوئے کہ وکرم راٹھور اور ہری پرساد موہن نے بھی تلک نہیں لگوائے لیکن سریش اور دیگر دائیں ہاتھ کے بھارتی اکاؤنٹس نے مسلمان کھلاڑیوں محمد سراج اور عُمران ملک کو تنقید کا نشانہ بنایا۔

    بھارت نے اپنی ٹیم پاکستان نہ بھیجی تو پاکستانی ٹیم بھی بھارت نہیں جائے گی،نجم سیٹھی

  • ایم کیو ایم کے سابق ایم این اے خواجہ سہیل منصور نے پیپلز پارٹی میں شمولیت اختیار کرلی

    ایم کیو ایم کے سابق ایم این اے خواجہ سہیل منصور نے پیپلز پارٹی میں شمولیت اختیار کرلی

    کراچی: متحدہ قومی موومنٹ (ایم کیو ایم) پاکستان کے سابق ممبر قومی اسمبلی (ایم این اے) خواجہ سہیل منصور نے پیپلز پارٹی میں شمولیت اختیار کرلی۔

    باغی ٹی وی: کراچی میں سعید غنی کے ہمراہ پریس کانفرنس کرتے ہوئے خواجہ سہیل منصور کا کہنا تھا کہ میں سعید غنی و دیگر قیادت کا شکریہ ادا کرتا ہوں کہ مجھ پراعتماد کا اظہار کیا، میری خواہش پر مجھے پارٹی میں ویلکم کیا گیا۔

    باتیں ،نعرے نہیں کشمیر کاذ کیلئے عملی اقدام کرنا ہوں گے،وزیر اعظم

    خواجہ سہیل منصورکاکہناتھا کہ پیپلزپارٹی نےمشکل وقت دیکھامگر ملک کی ترقی کےلیےکوشش کرتی رہی،پیپلز پارٹی پاکستان بالخصوص کراچی کی ترقی کے لیےکوشاں ہے جب کہ متحدہ 35 سال میں کراچی کو ترقی نہیں دے سکی، پیپلز پارٹی نے بلدیاتی انتخابات میں مینڈینٹ حاصل کیا ہے۔

    فواد خان اور وسیم اکرم کی فلم ’منی بیک گارنٹی‘ کا ٹیزر جاری

    یاد رہے کچھ عرسے پہلے ہی خواجہ سہیل منصور نے اپنی قومی اسمبلی رکنیت سے استعفی دینے کے بعد ایم کیو ایم کی رابطہ کمیٹی سے استعفی دے دیا تھا۔انہوں نے میڈیا کو بتایا تھا کہ پارٹی کی کچھ غلط پالیسیوں کی وجہ سے نالاں ہوں تاہم انہوں نے واضح نہیں کیا تھا کہ وہ کس سیاسی جماعت میں شمولیت اختیار کریں۔

    پرویزمشرف کی میت پاکستان لانےکیلئے خصوصی طیارہ دبئی جائے گا

  • حضرت علیؓ کا یوم ولادت آج عقیدت واحترام سے منایا جا رہا ہے

    خلیفہ چہارم حضرت علیؓ کا یوم ولادت آج عقیدت واحترام سے منایا جا رہا ہے۔

    باغی ٹی وی: خلیفہ چہارم مولود کعبہ امیر المومنین علی ابن ابی طالب کرم اللہ وجہہ کایوم ولادت (آج) اتوار13رجب المرجب کو نہایت عقیدت و احترام سے منایا جا رہا ہے۔

    اس سلسلے میں مساجد، امام بارگاہوں سمیت مختلف مقامات پر خصوصی محافل و تقاریب کا اہتمام کیا گیا جن میں علما و خطیب حضرات خلیفہ چہارم حضرت علیؓ کے فضائل بیان کرتے ہوئے دین ا سلام کی آبیاری کیلیے پیش کی گئی عظیم قربانیوں کو خراج عقیدت پیش کریں گے، سرکاری و نجی ٹی وی چینلز سے خصوصی پروگرام نشر کیے جائیں گے۔

    آپ نبی کریم حضرت محمد مصطفیٰ صلی علیہ وآلہ وسلم کے چچا زاد بھائی اور داماد تھے اورامت مسلمہ کےخلیفہ راشد چہارم تھے۔حضرت علی ؓ 13 رجب کو ہجرت سے 24 سال قبل مکہ میں پیدا ہوئے آپ کی پیدائش سے متعلق تواریخ میں لکھا گیا ہے کہ آپ بیت اللہ کے اندر پیدا ہوئے، آپ کا شماراسلام قبول کرنے والے اولین افراد میں ہوتا ہے۔

    آ پ بارے میں عام روایت ہے کہ آپ نے 13 سال کے سن میں اسلام قبول کیا، حضرت علی ؓ کی امتیازی صفات اور خدمات کی بنا پر رسول کریم ان کی بہت عزت کرتے تھے او اپنے قول اور فعل سے ان کی خوبیوں کو ظاہر کرتے رہتے تھے۔ جتنے مناقب حضرت علی کرم اللہ وجہہ کے بارے میں احادیث نبوی میں موجود ہیں، کسی اور صحابی رسول کے بارے میں نہیں ملتے۔

    19حضرت علی رضی اللہ تعالیٰ عنہ پر 19 رمضان 40 ہجری میں شام سے آئے ایک شقی القلب شخص عبد الرحمن بن ملجم نامی شخص نے قطامہ نامی خارجی عورت کی مدد سے مسجد کوفہ میں حالتِ سجدہ میں پشت سے سر پر زہر بجھی تلوار سے وار کرکے زخمی کردیا، زخمی ہونے پر آپ کے لبوں پر جو پہلی صدا آئی وہ تھی کہ ’’ربِ کعبہ کی قسم آج علی کامیاب ہوگیا۔

    دو روز تک حضرت علیؓ بستر بیماری پر انتہائی کرب اور تکلیف کے ساتھ رہے آخرکار زہر کا اثر جسم میں پھیل گیا اور 21 رمضان کو نمازِ صبح کے وقت آپ کی شہادت ہوئی۔

  • باتیں ،نعرے نہیں کشمیر کاذ کیلئے عملی اقدام کرنا ہوں گے،وزیر اعظم

    باتیں ،نعرے نہیں کشمیر کاذ کیلئے عملی اقدام کرنا ہوں گے،وزیر اعظم

    مظفرآباد: وزیراعظم شہبازشریف کاآزادکشمیر کی قانون سازاسمبلی سے خطاب میں کہا کہ جب کسی قوم میں اتفا ق و اتحاد پیدا ہوتا تو وہ اپنے اہداف آسانی سے حاصل کرتے ہیں-

    باغی ٹی وی : خطاب میں وزیر اعظم نے کہا کہ قائداعظم نے کہا تھا کہ کشمیرپاکستان کی شہ رگ ہے،مجھے فخر ہے میں آج وہاں کھڑا ہوں جہاں قائد اعظم نے یہ الفاظ ادا کئے تھے-


    وزیر اعظم شہباز شریف نے کہا کہ ہمارے معاشرے میں تقسیم در تقسیم پیدا ہوئی جو افسوسناک ہے، جب کسی قوم میں اتفا ق و اتحاد پیدا ہوتا تو وہ اپنے اہداف آسانی سے حاصل کرتے ہیں،کشمیر کے اندر 75سال سے لاکھوں مسلمانوں کو ظلم کا نشانہ بنایا جارہا ہے،مودی سرکار نے مقبوضہ کشمیر کااسپیشل اسٹیٹس تبدیل کیا،بظاہر لگ رہاہے کہ کشمیر کامسئلہ دب گیا ہے-

    انہوں نے کہا کہ مذہبی بنیادوں پرعالمی طاقتوں نے سوڈان کو تقسیم کیا،پاکستان نے ہمیشہ کشمیریوں کوسپورٹ کیا،کشمیر کی وادی بے گناہ مسلمانوں کے خون سے رنگ گئی ہے،پاکستانیوں نے ہمیشہ اپنے کشمیریوں بھائیوں کو یادرکھا-

    وزیر اعظم پاکستان نے کہا کہ بوسنیا کے مسلمانوں پرظلم ڈھائے گئے،بھارت نےمقبوضہ کشمیر کو جیل میں تبدیل کررکھا ہے،مودی نے 2019میں مقبوضہ کشمیر کے اسپیشل اسٹیٹس کو تبدیل کیا-


    وزیراعظم شہبازشریف نے خطاب میں کہا کہ کشمیرپالیسی میں مزید جدت اور وسعت پیداکرنا ہوگی،پاکستانی حکومتوں اور عوام نے ہمیشہ کشمیریوں کو سپورٹ کیا،75سالوں میں کشمیر میں لاکھوں مسلمانوں کو شہید کیا گیا،باتیں ،نعرے نہیں کشمیر کاذ کیلئے عملی اقدام کرنا ہوں گے،کشمیریوں کی آزادی کی جدوجہد ضرور رنگ لائی گی،اگرکشمیر کو آزادی دلانی ہے تو معاشی طاقت کیساتھ دلانی ہوگی،پاکستان کو اللہ نے اس لیے بنایا تھا کہ دنیا کو لیڈ کرے،کشمیریوں کو ان کاحق مل کررہے گا،نوازشریف نے ایٹمی دھماکے کرکے ملک کو ناقابل تسخیر بنایا،نوازشریف نے امریکا کی 5ارب ڈالر کی آفر کو ٹھکرایا،ایک دن کشمیرضرور آزاد ہوگا،پاکستان کو کشمیر کی آزادی میں کلیدی کردار اداکرنا ہوگا،کشمیر کے عوام 22کروڑ پاکستانیوں کی طرف دیکھ رہے ہیں،

  • چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور 979 زخمی

    چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور 979 زخمی

    چلی کے جنوب وسطی حصے میں ہیٹ ویو کے باعث متعدد مقامات پرلگی جنگلات کی آگ مزید پھیل گئی-

    باغی ٹی وی: "روئٹرز” کے مطابق خوفناک آگ نےامریکی شہر فلاڈیلفیا کے بھی بڑے حصے کو اپنی لپیٹ میں لے رکھا ہے، مختلف حادثات میں 23 افراد ہلاک اور 979 افراد زخمی ہوگئے ہیں جب کہ رہائشی علاقوں سے 1100 افراد کا انخلاکرایا گیا ہے-

    حکام کے مطابق جنگلات کی آگ کے باعث متاثرہ حصوں میں 88 گھرتباہ اور ایک لاکھ 16 ہزارایکڑ اراضی جل کرراکھ ہوگئی ہے۔

    وزیرداخلہ کا کہنا ہے کہ درجہ حرارت 40 ڈگری سینٹی گریڈ ہونے کے باعث مزید 76 مقامات پر آگ بھڑک اٹھی ہے اور شدید گرمی کی وجہ سے آگ بجھانے میں مشکلات کا سامنا ہے جو پھیل رہی ہے اور ہنگامی صورتحال مزید خراب ہوتی جا رہی ہے۔

    غیر ملکی میڈیا کے مطابق حکومت نے آفت زدہ صورتحال کا دائرہ کار جنوبی ریجن تک بڑھا دیا ہے،کیونکہ جنوبی نصف کرہ کے موسم گرما میں مقامی درجہ حرارت 104 ڈگری فارن ہائیٹ (40 سیلسیس) سے تجاوز کر گیا تھا۔

    یاد رہے کہ گزشتہ روز ہی شدید گرمی کے باعث جنگلات میں آگ لگنے کے بعد حکام نے ریڈ الرٹ جاری کردیا تھا اور آگ چلان نامی علاقے میں لگی تھی حکام کے مطابق آگ ارجنٹائن سے آنے والی خشک اور گرم ہواؤں کی وجہ سے لگی حکام کے مطابق خطرے کے پیش نظر جنوبی علاقوں میں سات پارکوں کو بھی عارضی طور پر بند کر دیا تھا۔

  • فواد خان اور وسیم اکرم کی فلم ’منی بیک گارنٹی‘ کا ٹیزر جاری

    فواد خان اور وسیم اکرم کی فلم ’منی بیک گارنٹی‘ کا ٹیزر جاری

    کراچی: پاکستان کے سپر اسٹار فواد خان اور وسیم اکرم کی فلم ’منی بیک گارنٹی‘ کا ٹیزر جاری کر دیا گیا۔

    باغی ٹی وی: یوٹیوب سمیت سوشل میڈیا پلیٹ فارمز پر جاری کئے گئے ایکشن اور کامیڈی سے بھرپور فلم ’منی بیک گارنٹی‘ کے ٹیزر میں فواد خان کو وسیم اکرم کی اہلیہ شنیرا اکرم کے ساتھ مزاحیہ انداز میں رقص کرتے دیکھا جا سکتا ہے۔

    ٹیزر کی جھلک وسیم اکرم نے اپنے سوشل میڈیا اکاؤنٹس پر بھی شیئر کی، جسے رواں برس عید الفطر پر سنیما گھروں کی زینت بنایا جائے گا۔


    قبل ازیں گزشتہ دنوں جاری کئےگئے فلم کےٹریلر میں سب ہی اداکاروں کو پیسے لوٹتے، ایک دوسرے کےخلاف سازش کرکےایک دوسرے سے دولت کو چھیننے کی کوشش کرتے دکھایا گیا جبکہ ایک گینگ کو بڑی مہارت کے ساتھ بینک میں جمع دولت کو چراتے دیکھایا گیا تھا۔

    منی بیک گارنٹی کی ہدایت کاری فیصل قریشی نے دی ہے فلم کی میگا کاسٹ میں وسیم اکرم اور ان کی اہلیہ سمیت جاوید شیخ، فواد خان، عائشہ عمر، فیصل قریشی، میکال ذوالفقار، جان ریمبو، حنا دلپزیر، گوہر رشید، علی سفینا، مانی، کرن ملک سمیت دیگر اداکار شامل ہیں۔