Baaghi TV

Author: Ayesha Rehmani

  • قانون خود منظور کیا تو عدالت کیا لینے آئے ہیں؟ کیا یہ جے یو آئی کی ذمہ داری نہیں تھی کہ جائزہ لیکر قانون بناتے،وفاقی شرعی کورٹ

    قانون خود منظور کیا تو عدالت کیا لینے آئے ہیں؟ کیا یہ جے یو آئی کی ذمہ داری نہیں تھی کہ جائزہ لیکر قانون بناتے،وفاقی شرعی کورٹ

    جمیعت علمائے اسلام (جے یو آئی) کے وکیل نے ٹرانس جینڈر قانون کی حمایت کا اعتراف کیا ہے-

    باغی ٹی وی : وفاقی شریعت کورٹ کے قائم مقام چیف جسٹس سید محمد انور نےجمعیت علمائے اسلام کی درخواست پر ریمارکس دیئے ہیں کہ قانون خود منظور کیا تو عدالت کیا لینے آئے ہیں؟ کیا یہ جے یو آئی کی ذمہ داری نہیں تھی کہ جائزہ لیکر قانون بناتے؟ پانچ سال بعد جے یو آئی کو ٹرانس جینڈر بل میں خامیاں یاد آئیں۔

    چار شادیوں بارے درخواست وفاقی شرعی عدالت سے خارج

    وفاقی شریعت عدالت میں ٹرانس جینڈر ایکٹ کے خلاف جے یو آئی کی درخواست پر سماعت قائم مقام چیف جسٹس سید محمد انور اور جسٹس خادم حسین شیخ نے کی جے یو آئی کے وکیل کامران مرتضیٰ نے کہا کہ قانون کیخلاف دیگر درخواستیں پہلے سے زیر سماعت ہیں۔

    قائم مقام چیف جسٹس شریعت کورٹ نے پوچھا کہ کیا جے یو آئی قانون کی منظوری میں شامل تھی؟ کامران مرتضیٰ نے جواب دیا کہ جے یو آئی نے ٹرانس جینڈر ایکٹ کی حمایت کی تھی چار سالوں میں قانون کا علم نہ ہونا ہماری نااہلی ہے لیکن اب ہم نے جنس تبدیلی کے اختیار کی شق چیلنج کی ہے۔

    قائم مقام چیف جسٹس شریعت کورٹ نے استفسار کیاکہ آپ کی درخواست میں نیا کیا ہے؟ وکیل کامران مرتضی نے کہاکہ اپنی جماعت کی نمائندگی چاہتے ہیں۔

    چیف جسٹس شریعت کورٹ نے ریمارکس دیے کہ جس شق کا حوالہ دے رہے ہیں وہ غلط ہے، لگتا ہے آپ نے قانون پڑھا ہی نہیں، کیا یہ جے یو آئی کی ذمہ داری نہیں تھی کہ جائزہ لے کر قانون بناتے؟ 5 سال بعد جے یو آئی کو ٹرانس جینڈر بل میں خامیاں یاد آئیں 5سال پہلے آپکو نہیں پتا تھا کہ قانون کا غلط استعمال ہوگا؟-

    سندھ پولیس نے بلدیاتی انتخابات میں سکیورٹی دینے سے معذرت کر لی،انتخابات ایک بار پھر ملتوی ہونے کا…

    وکیل کامران مرتضیٰ نے کہا کہ اندازہ ہے کہ عدالت آنے میں تاخیر ہوگئی ہے،پارلیمنٹ میں ترمیمی بل بھی جمع کروا دیا ہے، آج پرائیویٹ ممبر ڈے پر بل پیش کیا جائے گا۔

    قائم مقام چیف جسٹس نے کہا کہ عدالت آنے کے بجائے پارلیمان میں بولنا چاہیے تھا۔

    وفاقی شریعت عدالت نے ٹرانس جینڈر ایکٹ کے خلاف جے یو آئی کی درخواست دیگر درخواستوں کے ساتھ منسلک کرتے ہوئے سماعت 18 اکتوبر تک ملتوی کر دی۔

    قبل ازیں ایک پریس کانفرنس میں مولانا فضل الرحمان کا کہنا تھا کہ ,ٹرانس جینڈر بل کیسے پاس ہوا ؟ اس پر پہلے کوئی توجہ کیوں نہیں ہوئی ؟ ہم نے 2018 میں بھی یہ بل کمیٹی میں بھیجنے کا کہا تھا,ٹرانس جینڈر بل کی اصلاح کی طرف جا رہے ہیں. پارلیمنٹ ہی اصلاح کا راستہ ہے,رانا ثناءاللہ لانگ مارچ کا علاج کرنے کے لیے بیٹھے ہیں-

    حکومت پر دباؤ ڈال رہے ہیں کہ عمران خان کو گرفتار کریں، مولانا فضل الرحمان

  • یہ مذاق ہورہا ہے،یہ کیسا ڈیش بورڈ ہے؟،وزیراعظم ڈیش بورڈ سے ناخوش،افتتاح کرنے سے انکار کر دیا

    یہ مذاق ہورہا ہے،یہ کیسا ڈیش بورڈ ہے؟،وزیراعظم ڈیش بورڈ سے ناخوش،افتتاح کرنے سے انکار کر دیا

    وزیراعظم شہباز شریف نے ڈیش بورڈ کا افتتاح کرنے سے انکارکر دیا-

    باغی ٹی وی : وزیراعظم سیلاب متاثرین کیلئے بنائے گئے ڈیش بورڈ کی تیاریوں سے ناخوش کہا آج ڈیش بورڈ کا افتتاح نہیں کرسکتا،انہوں نے کہا کہ یہ مذاق ہورہا ہے،یہ کیسا ڈیش بورڈ ہے؟ٹیم کی کاوشوں پر کوئی اعتراض نہیں، لیکن یہ ڈیش بورڈ وہ نہیں جو قوم چاہتی ہے-

    سندھ پولیس نے بلدیاتی انتخابات میں سکیورٹی دینے سے معذرت کر لی،انتخابات ایک بار پھر ملتوی ہونے کا امکان

    وزیراعظم شہباز شریف نے کہا کہ ڈیش بورڈ پر ریئل ٹائم اپ ڈیٹ کرنے کی ضرورت ہے،وزیراعظم نے وفاقی وزیر احسن اقبال سے کہا کہ کھربوں کا نقصان ہوگیا اور ہم ڈیش بورڈ بہتر نہیں کرسکے،ڈیش بورڈ پر بجلی، این ایچ اے اور بحالی کے دیگر منصوبوں کی رئیل ٹائم انفارمیشن ہونی چاہئے-

    وزیراعظم نے پوچھا کہ ڈیش بورڈ کے اعداد و شمار رئیل ٹائم اپ ڈیٹڈ نہیں، رضائیاں کہاں جارہی ہیں؟ بے بی فوڈ کہاں تقسیم ہورہا ہے؟اس کی تفصیل کہاں ہے؟ وقت ضائع کیا گیا۔

    وزیر اعظم کے سوالات پر وفاقی وزیر امین الحق اور احسن اقبال کی وزیراعظم کو وضاحتیں دیں لیکن وزیر اعظم نے مزید کہا کہ کھربوں کا نقصان ہو گیا اور ہمارا ڈیش بورڈ رئیل ٹائم انفارمیشن نہیں دے رہا،اس ڈیش بورڈ کو مجموعی نقصان اور ریلیف اقدامات کا اندازہ نہیں لگایا جا سکتا یہ معلوم ہونا چاہئے کہ امدادی سامان کہاں کہاں جا رہا ہے،یہ ڈیش بورڈ تو اس معیار کا ہےہی نہیں جو ہمیں چاہیے،میں کلاؤڈ برسٹ کے امکانات کا پوچھ رہا ہوں ان کے پاس اس کا کوئی جواب نہیں ہے-

    ملک میں جدید ترین واٹر منیجمنٹ اینڈ ریسرچ سینٹر کے قیام کا فیصلہ

    وفاقی وزیر امین الحق نے کہا کہ معیار کو بہتر کرتےہیں وزیراعظم نے کہا کہ میں کلاؤڈ برسٹ کے امکانات کا پوچھ رہا ہوں اس کا کوئی جواب ہی نہیں ہے ان کے پاس، امین الحق صاحب اور کتنا ٹائم چاہئے آپ کو؟ جس پر امین الحق نے کہا کہ میری گزارش یہ تھی کہ آپ آج اس کا افتتاح کر دیں ہم اس کو بہتر کر لیں گے-

    وزیراعظم نے ڈیش بورڈ اپ ڈیٹ کرنے کیلئے ایک ہفتے کا وقت دے دیا اور کہا کہ خامیاں دور کردیں افتتاح کرنے آجاؤں گا۔

    اس سے قبل وفاقی وزیر احسن اقبال نے کہا کہ وزیراعظم کی ہدایت کے مطابق ڈیش بورڈ تیار کیا گیا ہے، پاکستان موسمیاتی تبدیلی کا شکار ہوا ہے،سیلاب متاثرین کیلئے دیئے گئے فنڈز کی تفصیلات ڈیش بورڈ پر دستیاب ہوں گی، ہماری دعا ہے پاکستان آنے والے وقت میں ایسے خطرات سے محفوظ رہے،ڈیش بورڈ کے ذریعے قدرتی آفات سے نمٹنے کیلئے مربوط کاوشیں ممکن ہو سکیں گی-

    حکومت پر دباؤ ڈال رہے ہیں کہ عمران خان کو گرفتار کریں، مولانا فضل الرحمان

    علاوہ ازیں حکام نے وزیر اعظم کو سیلاب متاثرہ اضلاع کے حوالے سے بریفنگ میں بتایا کہ پنجاب اور خیبرپختونخوا میں حالات بہتر ہیں،بلوچستان کے چار اضلاع میں سے 2اضلاع میں پانی اتر گیاہے،سندھ کی صورتحال کافی خراب ہے-

  • سندھ پولیس نے بلدیاتی انتخابات میں سکیورٹی دینے سے معذرت کر لی،انتخابات ایک بار پھر ملتوی ہونے کا امکان

    سندھ پولیس نے بلدیاتی انتخابات میں سکیورٹی دینے سے معذرت کر لی،انتخابات ایک بار پھر ملتوی ہونے کا امکان

    سندھ پولیس نے سندھ کے صوبائی دارالحکومت کراچی میں ہونے والے بلدیاتی انتخابات میں سکیورٹی دینے سے معذرت کر لی۔

    باغی ٹی وی:سندھ پولیس کی جانب سے ایڈیشنل سیکرٹری محکمہ داخلہ کو لکھے گئے خط میں کیا گیا کہ 23 اکتوبر کو کراچی میں بلدیاتی انتخابات کے تیسرے مرحلے کا انعقاد ہونا ہے لیکن نفری کی کمی کے باعث بلدیاتی انتخابات کیلئے فوری طور پر نفری فراہم کرنا نا ممکن ہے ۔

    مونس الہیٰ کو ایک اور بڑی خوشخبری مل گئی

    خط میں کہا گیا ہےکہ کراچی پولیس کی اپنی نفری سیلاب زدہ علاقوں میں خدمات انجام دے رہی ہے، اس کے ساتھ ساتھ جو اندرون سندھ سے نفری ملنی تھی، نجی سکیورٹی گارڈز ممکن نہیں ہیں کہ وہ کراچی پولیس کو مل سکیں۔

    خط میں مزید کہا گیا ہےکہ سکیورٹی کے لیے جو منصوبہ بندی کی گئی تھی اس کے لیے کم از کم ساڑھے 16 ہزار اہلکاروں کی کمی ہے جس کے باعث کراچی پولیس کے لیے انتظامات کرنا نا ممکن ہے۔

    خط میں محکمہ داخلہ سندھ سے درخواست کی گئی ہے کہ کم از کم 3 ماہ کے لیے انتخابات کو آگے بڑھایا جائے اور اس سلسلے میں متعلقہ کوارٹرز سے یہ معاملہ اٹھائیں۔

    حکومت پر دباؤ ڈال رہے ہیں کہ عمران خان کو گرفتار کریں، مولانا فضل الرحمان

    واضح رہے کہ الیکشن کمیشن نے بلدیاتی الیکشن کیلئے 23 اکتوبر کی تاریخ مقرر کی ہے کراچی میں بلدیاتی انتخابات اس سے قبل دو بار ملتوی ہو چکے ہیں دوسرے مرحلے میں کراچی اور حیدرآباد کے 16 اضلاع میں پولنگ ہونی تھی۔

    24 جولائی کو ہونے والے بلدیاتی انتخابات 20 جولائی کو ممکنہ بارشوں کے پیش نظر ملتوی کرکے 28 اگست کو کرانے کا اعلان کیا تھا، تاہم بارشوں اور سیلاب کی وجہ سے 28 اگست کو ہونے والے بلدیاتی انتخابات بھی ملتوی کردیے گئے تھے رواں سال جون میں ہونے والے سندھ کے بلدیاتی انتخابات کے پہلے مرحلے میں پاکستان پیپلز پارٹی کا پلڑا بھاری رہا۔

    چار شادیوں بارے درخواست وفاقی شرعی عدالت سے خارج

  • سائنسدانوں نے زمین پر نیا سمندر دریافت کر لیا؟

    سائنسدانوں نے زمین پر نیا سمندر دریافت کر لیا؟

    زمین پر5 سمندر بحر ہند، بحر اوقیانوس، بحر الکاہل، آرکٹک اوشین اور سدرن اوشین (بحر منجمد جنوبی) ہیں تاہم اب سائنسدانوں نے چھٹے سمندر کو دریافت کیا ہے جو زمین کی سطح سے سیکڑوں کلومیٹر نیچے موجود ہے-

    باغی ٹی وی : زمین کی اندرونی ساخت اورحرکیات کو مینٹل ٹرانزیشن زون اور لوئر مینٹل کے درمیان 660 کلومیٹر کی باؤنڈری سے تشکیل دیا گیا ہے تاہم، اس گہرائی سے قدرتی نمونوں کی کمی کی وجہ سے، اس حد کی نوعیت اس کی ساخت اور اس میں اتار چڑھاؤ کے بہاؤ پر بحث ہوتی رہتی ہے-

    مریخ پر پانی کی موجودگی کے نئے شواہد

    660 کلومیٹر کا وقفہ، کثافت اور زلزلہ کی لہر کی رفتار میں اچانک تبدیلیوں کے ذریعے نشان زد کیا گیا، ہمارے سیارے کے عالمی ڈھانچے میں سے ایک ہے جو سطح اور گہرے اندرونی حصوں کے درمیان حرارت اور بڑے پیمانے پر تبادلے کو کنٹرول کرتا ہے۔

    جرنل نیچر جیو سائنس میں شائع ایک تحقیق میں سائنسدانوں نے زمین کی اوپری اور نچلی پرت کے درمیان پانی کے بہت بڑے ذخیرے کو دریافت کرنے کا دعویٰ کیاپانی کا یہ ذخیرہ زمین کی سطح سے 410 سے 660 کلومیٹر گہرائی میں موجود ہوسکتا ہے۔

    اس بات کا انکشاف افریقی ملک بوٹسوانا میں ملنے والے ایک ہیرے پر تحقیق کے دوران ہوا جس کے کیمیائی مجموعے سے عندیہ ملا کہ یہ زمین کی سطح سے 660 کلومیٹر نیچے پانی کے ماحول میں تشکیل پایا قدرتی ہیرے زمین کی سطح سے 150 سے 250 کلومیٹر کی گہرائی میں تشکیل پاتے ہیں مگر کچھ بہت زیادہ گہرائی میں ہوتے ہیں۔

     

    سیاروی دفاع کی پہلی کامیاب آزمائش،ناسا کا تجرباتی خلائی جہاز سیارچے سے ٹکرا گیا

    تحقیق کے مطابق زمین کے اندر چھپا یہ سمندر سطح تک تو نہیں پہنچتا مگر اس میں ایسے منرلز موجود ہیں جو اس خطے کو بہت زیادہ دلدلی بناتے ہیں اس سے فرانس کے 19 ویں صدی کے معروف ناول نگار Jules Verne کے پیش کردہ خیال کو تقویت ملتی ہے کہ زمین کے اندر بھی ایک سمندر چھپا ہوا ہے۔

    محققین اس سمندر کو دیکھنے یا محسوس کرنے میں تو کامیاب نہیں ہوئے مگر انہوں نے ایسے شواہد پیش کیے جن سے عندیہ ملتا ہے کہ زمین کی گہرائی میں پانی کا بہت بڑا ذخیرہ موجود ہے۔

    محققین کا کہنا تھا کہ تحقیق میں ہم نےثابت کیا کہ زمین کی گہرائی میں وہ حصہ خشک نہیں بلکہ وہاں بہت زیادہ مقدار میں پانی موجود ہےتو اس جگہ پانی کی کتنی مقدارہوسکتی ہے؟مصدقہ طور پر کچھ کہنا تو ممکن نہیں مگرمحققین کےخیال میں اس حصےمیں زمین کے سمندروں میں موجود پانی سے 6 گنا زیادہ پانی جذب ہوسکتا ہے۔

    انہوں نےکہا کہ ہم جانتے ہیں کہ زمین کی اوپری اور نچلی تہہ کےدرمیان پانی ذخیرہ کرنے کی بہت زیادہ گنجائش ہے مگر ہم یہ نہیں جانتے کہ واقعی ایسا ہے یا نہیں۔

    ناسا کا پہلا سیاروی دفاعی اسپیس کرافٹ،26 ستمبر کو خلائی چٹان سے ٹکرائے گا

  • قومی کرکٹرکائنات امتیاز کی والدہ کےہمراہ ایشیا کپ ٹی ٹوئنٹی میں پاکستان کی نمائندگی

    قومی کرکٹرکائنات امتیاز کی والدہ کےہمراہ ایشیا کپ ٹی ٹوئنٹی میں پاکستان کی نمائندگی

    قومی ویمنز کرکٹ ٹیم کی آل راؤنڈر کائنات امتیازنے والدہ سلیمہ امتیاز کے ہمراہ ایشیا کپ ٹی ٹوئنٹی میں ایک ساتھ پاکستان کی نمائندگی کرنے پر خوشی کا اظہار کیا ہے-

    باغی ٹی وی : قومی کرکٹر کائنات امتیاز نے گزشتہ روز انسٹاگرام پربین الاقوامی سطح پر امپائرنگ میں ڈیبیو کرنےوالی اپنی والدہ کے لیے اعزازی پوسٹ شیئر کی جس میں انہوں نے لکھا کہ میری والدہ ویمنز ایشیا کپ 2022 میں بطور امپائر فرائض سرانجام دیں گی، انہوں نے جو کچھ حاصل کیا، مجھے بے حد فخر ہے اور یہ لمحہ قابلِ فخر ہے۔

    ویمن ایشیا کپ میں پاکستانی ٹیم نے ملائیشیا کوہرادیا

    کائنات نے لکھا کہ ہمیشہ سے میری والدہ کا خواب تھا کہ وہ پاکستان کی نمائندگی کریں، آج تک میں ان کے خواب کی تعبیر تھی لیکن اب بہت انتظار کے بعد یہ خود پاکستان کی نمائندگی کرنے جا رہی ہیں بلکہ ہم دونوں پاکستان کی نمائندگی کرنے جا رہے ہیں۔

    تھوڑا ہلکا ہاتھ رکھیں،ہارنا ہمارا آپشن نہیں لیکن ہم دنیا کی بہترین ٹیم نہیں،رمیز راجہ

    پاکستانی کرکٹر نے اپنی پوسٹ میں والد اور شوہر کو بھی مینشن کیا اور انہیں اپنی والدہ اور اپنی کامیابی کی وجہ قرار دیا۔

    کائنات کی والدہ اور والد امتیاز علی اسکول میں اسپورٹس ٹیچر ہوا کرتے تھے، تاہم 2006 میں سلیمہ امتیاز نے امپائرنگ کرنا شروع کی تھی سلیمہ امتیاز نے گزشتہ روز بھارت اور سری لنکا کے درمیان کھیلے جانے والے ایشیا کپ کے پہلے ٹی ٹوئنٹی میچ میں ڈیبیو کیا ہے-

    پاکستان اور انگلینڈ کے درمیان ٹی ٹوئنٹ سیریز کا فیصلہ کن میچ آج کھیلا جائے گا

  • مناسلو کا بیس ایک اور برفانی طوفان کی زد میں آگیا،کوہ پیماؤں کے درجنوں کیمپ تباہ

    مناسلو کا بیس ایک اور برفانی طوفان کی زد میں آگیا،کوہ پیماؤں کے درجنوں کیمپ تباہ

    نیپال میں واقع دنیا کی آٹھویں بلند ترین چوٹی مناسلو کا بیس ایک اور برفانی طوفان کی زد میں آگیا، جس کے باعث کوہ پیماؤں کے درجنوں کیمپ تباہ ہوگئے۔

    باغی ٹی وی : غیر ملکی میڈیا کے مطابق مناسلو اسکائنگ کے شوقین کوہ پیماؤں کی پسندیدہ جگہ ہے جہاں دنیا بھر سے کوہ پیما آتے ہیں سوشل میڈیا پر وائرل ویڈیو میں دیکھا جا سکتا ہے مناسلو بیس کیمپ پر کوہ پیماؤں کے درجنوں کیمپ لگے ہوئے ہیں۔

    امریکی کوہ پیما دنیا کی آٹھویں بلند ترین چوٹی سرکرکے واپس آنے کے دوران گہری کھائی…


    ویڈیو میں برفانی طوفان کو تباہی مچاتے دیکھا جاسکتا ہے جبکہ ویڈیو میں ایک کوہ پیما کو بھی بھاگتے ہوئے اور طوفان کو اپنے کیمرے میں ریکارڈ کرتے دیکھا جاسکتا ہے۔


    غیر ملکی میڈیا کے مطابق اس واقعے کی تصدیق کوہ پیما تاشی شیرپا نے کی، جو 8,163 میٹر بلند مناسلو کو سر کرنے کی کوشش کر رہے تھے۔
    https://twitter.com/UkhrulPulse/status/1576492673409593344?s=20&t=t-covAq4KSsG0k5zEhryEw


    گزشتہ ہفتے ماؤنٹ مناسلو پر شدید برفانی تودہ گرنے کے بعد ہیلی کاپٹر کے ذریعے علاقے میں پہنچ گئےتاہم خراب موسم کے باعث ریسکیو آپریشن میں بھی مشکلات کا سامنا ہے۔ ایورسٹ پر چڑھنے والے کوہ پیماؤں کے لیے بیس کیمپ قائم کیے گئے ہیں جو برفانی تودے کی زد میں آ کر مکمل طور پر تباہ ہو چکے ہیں۔

    فلوریڈا میں طوفان آئی این سے ہلاکتوں کی تعداد 77 ہو گئی

    جمعہ تک نیپال حکومت نے 58 مختلف ٹیموں کے 506 کوہ پیماؤں کو کوہ پیمائی کی اجازت دی تھی۔ تاہم برف باری کی وجہ سے سڑکیں مکمل طور پر ٹوٹ گئیں اور کئی نئی سڑکوں پر بھی برف پڑ گئی جس سے پھسلن میں نمایاں اضافہ ہوا۔

    امیجن نیپال ٹریکس ٹیم کے پانچ افراد برفانی تودے کی زد میں آ گئے جبکہ دو کی حالت تشویشناک ہے۔ ستاری ایڈونچرز ٹیم کے تین افراد زخمی اور ایک کی حالت تشویشناک ہےبھارتی کوہ پیما بلجیت کور اور اس کی گائیڈ کو بھی شدید چوٹیں آئیں، حالانکہ دونوں محفوظ ہیں۔

    واضح رہے کہ ہلاری نیلسن بھی گزشتہ ہفتے اپنے شوہر کے ساتھ مناسلو کو سر کرنے گئیں تھیں واپسی پر برفانی تودہ گرنے سے انہیں حادثہ پیش آگیا تھا اور وہ کھائی میں جاگری تھیں جس سے ان کی موت واقعہ ہوئی، ہلاری نیلسن امریکا کی مشہور کوہ پیما تھیں۔

    گزشتہ ہفتے برفانی تودہ کرنے سے ہلاری کے علاوہ ایک اور کوہ پیما بھی اپنی زندگی سے ہاتھ دھو بیٹھا تھا جبکہ درجنوں افراد زخمی بھی ہوئے تھے۔

    تباہ کن طوفان آئی این امریکی ریاست فلوریڈا سے ٹکرا گیا

  • پنجاب حکومت نے 3 نئے اضلاع کی حتمی منظوری دے دی،احساس راشن رعایت پروگرام کا افتتاح

    پنجاب حکومت نے 3 نئے اضلاع کی حتمی منظوری دے دی،احساس راشن رعایت پروگرام کا افتتاح

    لاہور: پنجاب حکومت نے بزدار دور میں بنائے گئے 2 نئے اضلاع سمیت 3 اضلاع کی حتمی منظوری دے دی۔

    باغی ٹی وی : پنجاب حکومت نے نئے اضلاع میں تونسہ شریف اور کوہسار کو ضلع بنانے کی منظوری دے دی پنجاب حکومت نے وزیر آباد کو بھی ضلع بنانے کی حتمی منظوری دے دی۔

    سوئی سدرن گیس کمپنی کا متبادل توانائی سے صارفین کی توانائی کی ضرورت پوری کرنے کا…

    تونسہ، کوہسار اور وزیر آباد کو اضلاع بنانے کے بارے میں سمری متعلقہ محکموں کو ارسال کر دی گئی تونسہ اور کوہسار کو اضلاع بنانے کا عمل سابق وزیراعلیٰ عثمان بزدار کے دور میں شروع کیا گیا تھا۔

    دوسری جانب وزیراعلیٰ پنجاب چودھری پرویز الہٰی نے احساس راشن رعایت پروگرام کا افتتاح کر دیا۔

    چودھری پرویز الہیٰ نے احساس راشن رعایت پروگرام کے افتتاح کے موقع پر کہا کہ پنجاب احساس راشن رعایت پروگرام کا آج آغاز کر دیا ہے اور عمران خان کے ویژن کے مطابق یہ 4 سال سے چل رہا ہےثانیہ نشتر نے اس پروگرام کے لیے بہت محنت کی ہے اور اس پروگرام میں کسی قسم کی گڑ بڑ نہیں ہو سکتی۔

    چودھری پرویز الہیٰ نے کہا کہ وزیر داخلہ رانا ثنا اللہ کو ماڈل ٹاؤن کیس میں عمر قید کی سزا ہو گی۔ عمران خان کو کچھ نہیں ہو گا اور ہمارا کام رکا نہیں بلکہ بہتر طور پر چل رہا ہے۔

    پرویز الہیٰ نے کہا کہ یہ صرف بڑھکیں مارتے ہیں ان سے کچھ نہیں ہونا اور انہوں نے عام لوگوں کے لیے کبھی کچھ نہیں کیا۔ جب سے یہ آئے ہیں کسی غریب کا کام نہیں ہوا اور رانا ثنا اللہ کو سنجیدہ نہ لیا کریں

    پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

  • شیریں مزاری کی شرمناک حرکت پر مریم اورنگزیب کا شدید ردعمل

    شیریں مزاری کی شرمناک حرکت پر مریم اورنگزیب کا شدید ردعمل

    وفاقی وزیر اطلاعات مریم اورنگزیب نے شیریں مزاری کی طرف سے مسلم لیگ ن کی نائب صدر مریم نواز کی عمران خان کے ساتھ فوٹو شاپ تصویر لگانے پر کہا کہ مریم نواز کی عمران خان کے بارے میں رائے بالکل درست ہے،عمران خان نے ثابت کیا وہ عورتوں کی توہین اور تحقیر کرتے ہیں۔

    باغی ٹی وی : سماجی رابطے کی ویب سائٹ ٹوئٹر پر وفاقی وزیر اطلاعات مریم اورنگزیب نے کہا کہ مریم نواز کی عمران خان کے بارے میں رائے بالکل درست ہے بدقسمتی سے ہمیں یہ معذرت خواہانہ عذر بیان کرنا پڑتا ہے کہ ایک ایسے شخص کا نام مجبوراً لینا پڑتا ہے جو خواتین کو کم تر مخلوق سمجھنے کی ذہنی بیماری میں مبتلا ہے اور ہر روز کم ظرفی کے ایک نئے پاتال میں اتر جاتا ہے۔

    خیبرپختونخواہ پولیس کا منشیات کی سپلائی اور فروخت میں ملوث ملزمان کےخلاف کریک ڈاؤن


    مریم اورنگزیب نے کہا کہ عمران خان نے ہر بار یہی ثابت کیا کہ وہ عورتوں کی توہین اور تحقیر کرتے ہیں۔ اُن کی عزت واحترام سے نابلد ہے اور خواتین کو محض اشیا سمجھ کر بدکلامی ہی نہیں بلکہ ہراساں بھی کرتے ہیں۔ انہوں نے اپنی جماعت اور حامیوں میں یہی بیمار ذہنیت پھیلائی اور اُس کی حوصلہ افزائی کی۔


    وزیر اطلاعات نے کہا کہ یہ امر خاص طور پر نہایت مایوس کُن اور افسوسناک ہے کہ پی ٹی آئی کی خواتین لیڈرز اور حامی اِس رویے کو درست قرار دے کر نہ صرف اس پر کاربند بلکہ جشن بھی منارہی ہیں یہ نہایت شرمناک اور اس امر کی حقیقی جھلک ہے کہ عمران خان درحقیقت کس قدر چھوٹا آدمی ہے۔


    واضح رہے کہ پاکستان تحریک انصاف کی رہنما شیریں مزاری نے شرمناک اقدام اٹھاتے ہوئے مسلم لیگ ن کی نائب صدر مریم نواز کی تضحیک کے لیے اپنے سوشل میڈیا پر ان کی ایک ٹیمپرڈ تصویر شیئر کی تھی-

    پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

    عمران خان کے وارنٹ گرفتاری جاری ہونے کے بعد شبلی فراز نے ٹوئٹ کیا کہ عمران خان اس وقت اپنے کتے کو کھانا کھلا رہے ہیں، ساتھ عمران خان کی تصویر بھی لگائی-

    تاہم شیریں مزاری نے شبلی فراز کا ٹوئٹ شیئر کیا اور ساتھ مریم نواز کی تضحیک کرنے کے لیے ایک ٹیمپرڈ تصویر بھی لگا دی، ساتھ لکھا کہ جب آپ خوف کے بت توڑ دیں تو حکومت اور اس کی پُتلیاں نچانے والے کامیاب نہیں ہو سکتے، مریم کو رونا بند کر دینا چاہیے۔

    کچھ دیر بعد شیریں مزاری نے اپنا ٹویٹ ڈیلیٹ کر دیا اور نئے ٹوئٹ میں لکھا کہ وہ غلط تصویر پوسٹ کرنے پر مریم نواز سے معافی مانگتی ہیں مگر ساتھ یہ بھی کہا کہ وہ اپنے تبصرے پر قائم ہیں۔


    شیریں مزاری کی اس شرمناک حرکت پرمعروف صحافی سلیم صافی نے بھی شدید ردعمل دیا کہا کہ مریم نوازکی ذات اور سیاست میں ہزار خامیاں ہیں لیکن کم ازکم انہوں نے کبھی عمران نیازی کےسامنےسر تسلیم خم نہیں کیا۔شیریں مزاری کوبہت شوق ہے تو یہاں ان پی ٹی آئی رہنماوں کی تصویرلگا دیں جونیازی صاحب کےغلام بن کران کےقدموں میں بیٹھےہیں اوردن رات انکے یوٹرنزاور جھوٹ کی وکالت کرتے ہیں۔

    35 کروڑ روپےتاوان کا مطالبہ کرنےوالے ملزمان گرفتار

  • خیبرپختونخواہ پولیس کا منشیات کی سپلائی اور فروخت میں ملوث ملزمان کےخلاف کریک ڈاؤن

    خیبرپختونخواہ پولیس کا منشیات کی سپلائی اور فروخت میں ملوث ملزمان کےخلاف کریک ڈاؤن

    خیبر: معاشرے کو منشیات سے پاک کرنے کیلئے پولیس اور نارکوٹکس ایریڈیکیشن ٹیم کا گرینڈ آپریشن جاری ہے-

    باغی ٹی وی : ڈسٹرکٹ پولیس آفیسر عمران خان کی قیادت میں پولیس کا منشیات کیخلاف کریک ڈاؤن جاری ہے پولیس نے کاروائی کرتے ہوئے 30 کلوگرام چرس اور 300 گرام ہیروئن برآمد کر لی ملزمان کے خلاف مقدمات درج کرکے مزید تفتیش کی جارہی ہے-

    پنڈی بھٹیاں موٹروے پولیس سیکٹر ایم 4 کی بڑی کارروائی کروڑوں روپے مالیت کی 18…


    ایبٹ آباد تھانہ میرپور پولیس نے منشیات فروشوں کے خلاف کاروائیوں کے دوران گیسٹ ہاوسسز اور ہوٹلوں میں شراب کی ترسیل کرنے والا ملزم کو 80 بوتل شراب سمیت گرفتار کرلیا، دوسری کاروائی میں منشیات فروش کو 02 کلو سے زائد چرس سمیت گرفتار کیا ملزمان کے خلاف مقدمات درج کرکے مزید تفتیش کی جارہی ہے-


    علاوہ ازیں ڈیرہ اسماعیل خان میں بھی آئی جی پی خیبرپختونخوا معظم جاہ انصاری کے احکامات ، آر پی او ڈیرہ شوکت عباس اور ڈی پی او ڈیرہ کیپٹن (ر) نجم الحسنین لیاقت کی ہدایات پر ڈیرہ پولیس ہمراہ نارکاٹکس ایریڈکشن ٹیم (NET) کا گزشتہ روز منشیات کے خلاف کامیاب کریک ڈاؤن کیا گیا-


    صوابی میں معاشرے کو منشیات سے پاک کرنے کیلئے پولیس اور نارکوٹکس ایریڈیکیشن ٹیم کا گرینڈ آپریشن کیا گیا گزشتہ 24 گھنٹوں کے دوران 11 منشیات فروش گرفتار,11.951 کلو گرام چرس، 1.255 کلو گرام آئس اور 0.145 کلو گرام ہیروئن برآمد کی-

    روجھان کے نواحی علاقہ شاہ والی میں منشیات فروشوں کے خلاف کریک ڈاؤن جاری۔


    قبل ازیں خیبر پختنوخوا میں نارکوٹکس ایریڈیکشن ٹیم (NET) اور تھانہ لنڈی کوتل پولیس نے منشیات کیخلاف کامیاب کاروائی، افغان مہاجر کے حجرے سے 9600 گرام آئس، 11 کلوگرام ہیروئن اور 5 کلوگرام کیمیکل برآمد ہوئی ملزمان کے خلاف مقدمات درج کرکے مزید تفتیش کی جارہی ہے-


    گزشتہ روز کرک پولیس نے مختلف علاقوں میں سرچ اینڈ سٹرائیک آپریشنکیا، 8 اشتہاریوں سمیت 5 سہولت کار، 6 منشیات فروشان اور 13 مشتبہ گان کو گرفتار کیا۔ آپریشن کے دوران 1 کلاشنکوف، 6 رپیٹر، 3 بندوقیں، 12 پستول، 25 میگزین، 340 مختلف بور کے کارتوس، 8090 گرام چرس اور 75 گرام آئس برآمد کی گئی۔

    کراچی: منشیات کی سپلائی اور فروخت میں ملوث ملزمان کےخلاف کریک ڈاؤن:6 ملزمان گرفتار

  • پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

    پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

    پشاور : محکمہ پولیس میں تعینات لیڈی پولیس کانسٹیبل کا کہنا ہے کہ بھائی کے قاتلوںنے جینا دو بھر کر دیا ہے-

    باغی ٹی وی: خواتین پولیس اہلکاروں نے آئی جی کے پی پولیس معظم جاہ انصاری کو خط لکھا کہ ہم 9 بہنیں ہیں اور ہمارے اکلوتے بھائی کو پانچ ماہ قبل قتل کیا گیا تھا، بھائی صفت اللہ محکمہ ایریگیشن کا ملازم تھا جسے بھتہ نہ دینے پر شہید کیا گیا۔

    روجھان کے نواحی علاقہ شاہ والی میں منشیات فروشوں کے خلاف کریک ڈاؤن جاری۔

    خط میں لکھا کہ مقدمہ اندراج کے باوجود اجرتی قاتل اوربھتہ خور دندناتے پھر رہےہیں، ملزم عابد، وہاب اور ارشد کے خلاف درجنوں مقدمات بھی درج ہیں لیکن وہ تاحال آزاد گھوم پھر رہے ہیں۔

    لیڈی پولیس کانسٹیبل نے آئی جی پولیس کو خط میں لکھا کہ میری کسی بہن کا جہاں رشتہ طے ہونے لگے تو وہاں یہ ملزمان جا کر انہیں ڈراتے دھمکاتےہیں اور گھر سے ڈیوٹی کے لیے باہر نکلنے پر قاتل ہم پر فائرنگ کرتے ہیں، نقصان کے ڈر سے ہم بچوں کو اسکول بھی نہیں بھیج سکتے۔

    رینجرزاوراینٹی نارکوٹیکس فورس مشترکہ کارروائی11 کلو گرام سے زائد چرس برآمد کر لی۔

    لیڈی کانسٹیبلز نے اعلیٰ حکام سے تحفظ کا مطالبہ کرتے ہوئے بھائی کے قاتلوں کی جلد گرفتاری اور انصاف کا مطالبہ کیا ہے۔

    دوسری جانب سی سی پی او پشاور محمد اعجاز خان نے نجی ٹی وی سے گفتگو کرتے ہوئے کہا کہ ملزمان علاقے میں موجود نہیں ہیں تاہم ان کی گرفتاری کے لیے کوششیں جاری ہیں-

    سی پی او پشاور نے کہا کہ ملزمان کی گرفتاری کے لیے پشاور پولیس نے پنجاب میں بھی چھاپے مارے ہیں، ملزمان کو گرفتار کرکے جلد قانون کے کٹہرے میں لائیں گے۔

    آر پی او ڈی جی خان سید خرم علی کا تھانہ بیٹ میرہزار کی حدود میں17 سالہ لڑکی کی…