Baaghi TV

Author: Ayesha Rehmani

  • پنجاب حکومت نے 3 نئے اضلاع کی حتمی منظوری دے دی،احساس راشن رعایت پروگرام کا افتتاح

    پنجاب حکومت نے 3 نئے اضلاع کی حتمی منظوری دے دی،احساس راشن رعایت پروگرام کا افتتاح

    لاہور: پنجاب حکومت نے بزدار دور میں بنائے گئے 2 نئے اضلاع سمیت 3 اضلاع کی حتمی منظوری دے دی۔

    باغی ٹی وی : پنجاب حکومت نے نئے اضلاع میں تونسہ شریف اور کوہسار کو ضلع بنانے کی منظوری دے دی پنجاب حکومت نے وزیر آباد کو بھی ضلع بنانے کی حتمی منظوری دے دی۔

    سوئی سدرن گیس کمپنی کا متبادل توانائی سے صارفین کی توانائی کی ضرورت پوری کرنے کا…

    تونسہ، کوہسار اور وزیر آباد کو اضلاع بنانے کے بارے میں سمری متعلقہ محکموں کو ارسال کر دی گئی تونسہ اور کوہسار کو اضلاع بنانے کا عمل سابق وزیراعلیٰ عثمان بزدار کے دور میں شروع کیا گیا تھا۔

    دوسری جانب وزیراعلیٰ پنجاب چودھری پرویز الہٰی نے احساس راشن رعایت پروگرام کا افتتاح کر دیا۔

    چودھری پرویز الہیٰ نے احساس راشن رعایت پروگرام کے افتتاح کے موقع پر کہا کہ پنجاب احساس راشن رعایت پروگرام کا آج آغاز کر دیا ہے اور عمران خان کے ویژن کے مطابق یہ 4 سال سے چل رہا ہےثانیہ نشتر نے اس پروگرام کے لیے بہت محنت کی ہے اور اس پروگرام میں کسی قسم کی گڑ بڑ نہیں ہو سکتی۔

    چودھری پرویز الہیٰ نے کہا کہ وزیر داخلہ رانا ثنا اللہ کو ماڈل ٹاؤن کیس میں عمر قید کی سزا ہو گی۔ عمران خان کو کچھ نہیں ہو گا اور ہمارا کام رکا نہیں بلکہ بہتر طور پر چل رہا ہے۔

    پرویز الہیٰ نے کہا کہ یہ صرف بڑھکیں مارتے ہیں ان سے کچھ نہیں ہونا اور انہوں نے عام لوگوں کے لیے کبھی کچھ نہیں کیا۔ جب سے یہ آئے ہیں کسی غریب کا کام نہیں ہوا اور رانا ثنا اللہ کو سنجیدہ نہ لیا کریں

    پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

  • شیریں مزاری کی شرمناک حرکت پر مریم اورنگزیب کا شدید ردعمل

    شیریں مزاری کی شرمناک حرکت پر مریم اورنگزیب کا شدید ردعمل

    وفاقی وزیر اطلاعات مریم اورنگزیب نے شیریں مزاری کی طرف سے مسلم لیگ ن کی نائب صدر مریم نواز کی عمران خان کے ساتھ فوٹو شاپ تصویر لگانے پر کہا کہ مریم نواز کی عمران خان کے بارے میں رائے بالکل درست ہے،عمران خان نے ثابت کیا وہ عورتوں کی توہین اور تحقیر کرتے ہیں۔

    باغی ٹی وی : سماجی رابطے کی ویب سائٹ ٹوئٹر پر وفاقی وزیر اطلاعات مریم اورنگزیب نے کہا کہ مریم نواز کی عمران خان کے بارے میں رائے بالکل درست ہے بدقسمتی سے ہمیں یہ معذرت خواہانہ عذر بیان کرنا پڑتا ہے کہ ایک ایسے شخص کا نام مجبوراً لینا پڑتا ہے جو خواتین کو کم تر مخلوق سمجھنے کی ذہنی بیماری میں مبتلا ہے اور ہر روز کم ظرفی کے ایک نئے پاتال میں اتر جاتا ہے۔

    خیبرپختونخواہ پولیس کا منشیات کی سپلائی اور فروخت میں ملوث ملزمان کےخلاف کریک ڈاؤن


    مریم اورنگزیب نے کہا کہ عمران خان نے ہر بار یہی ثابت کیا کہ وہ عورتوں کی توہین اور تحقیر کرتے ہیں۔ اُن کی عزت واحترام سے نابلد ہے اور خواتین کو محض اشیا سمجھ کر بدکلامی ہی نہیں بلکہ ہراساں بھی کرتے ہیں۔ انہوں نے اپنی جماعت اور حامیوں میں یہی بیمار ذہنیت پھیلائی اور اُس کی حوصلہ افزائی کی۔


    وزیر اطلاعات نے کہا کہ یہ امر خاص طور پر نہایت مایوس کُن اور افسوسناک ہے کہ پی ٹی آئی کی خواتین لیڈرز اور حامی اِس رویے کو درست قرار دے کر نہ صرف اس پر کاربند بلکہ جشن بھی منارہی ہیں یہ نہایت شرمناک اور اس امر کی حقیقی جھلک ہے کہ عمران خان درحقیقت کس قدر چھوٹا آدمی ہے۔


    واضح رہے کہ پاکستان تحریک انصاف کی رہنما شیریں مزاری نے شرمناک اقدام اٹھاتے ہوئے مسلم لیگ ن کی نائب صدر مریم نواز کی تضحیک کے لیے اپنے سوشل میڈیا پر ان کی ایک ٹیمپرڈ تصویر شیئر کی تھی-

    پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

    عمران خان کے وارنٹ گرفتاری جاری ہونے کے بعد شبلی فراز نے ٹوئٹ کیا کہ عمران خان اس وقت اپنے کتے کو کھانا کھلا رہے ہیں، ساتھ عمران خان کی تصویر بھی لگائی-

    تاہم شیریں مزاری نے شبلی فراز کا ٹوئٹ شیئر کیا اور ساتھ مریم نواز کی تضحیک کرنے کے لیے ایک ٹیمپرڈ تصویر بھی لگا دی، ساتھ لکھا کہ جب آپ خوف کے بت توڑ دیں تو حکومت اور اس کی پُتلیاں نچانے والے کامیاب نہیں ہو سکتے، مریم کو رونا بند کر دینا چاہیے۔

    کچھ دیر بعد شیریں مزاری نے اپنا ٹویٹ ڈیلیٹ کر دیا اور نئے ٹوئٹ میں لکھا کہ وہ غلط تصویر پوسٹ کرنے پر مریم نواز سے معافی مانگتی ہیں مگر ساتھ یہ بھی کہا کہ وہ اپنے تبصرے پر قائم ہیں۔


    شیریں مزاری کی اس شرمناک حرکت پرمعروف صحافی سلیم صافی نے بھی شدید ردعمل دیا کہا کہ مریم نوازکی ذات اور سیاست میں ہزار خامیاں ہیں لیکن کم ازکم انہوں نے کبھی عمران نیازی کےسامنےسر تسلیم خم نہیں کیا۔شیریں مزاری کوبہت شوق ہے تو یہاں ان پی ٹی آئی رہنماوں کی تصویرلگا دیں جونیازی صاحب کےغلام بن کران کےقدموں میں بیٹھےہیں اوردن رات انکے یوٹرنزاور جھوٹ کی وکالت کرتے ہیں۔

    35 کروڑ روپےتاوان کا مطالبہ کرنےوالے ملزمان گرفتار

  • خیبرپختونخواہ پولیس کا منشیات کی سپلائی اور فروخت میں ملوث ملزمان کےخلاف کریک ڈاؤن

    خیبرپختونخواہ پولیس کا منشیات کی سپلائی اور فروخت میں ملوث ملزمان کےخلاف کریک ڈاؤن

    خیبر: معاشرے کو منشیات سے پاک کرنے کیلئے پولیس اور نارکوٹکس ایریڈیکیشن ٹیم کا گرینڈ آپریشن جاری ہے-

    باغی ٹی وی : ڈسٹرکٹ پولیس آفیسر عمران خان کی قیادت میں پولیس کا منشیات کیخلاف کریک ڈاؤن جاری ہے پولیس نے کاروائی کرتے ہوئے 30 کلوگرام چرس اور 300 گرام ہیروئن برآمد کر لی ملزمان کے خلاف مقدمات درج کرکے مزید تفتیش کی جارہی ہے-

    پنڈی بھٹیاں موٹروے پولیس سیکٹر ایم 4 کی بڑی کارروائی کروڑوں روپے مالیت کی 18…


    ایبٹ آباد تھانہ میرپور پولیس نے منشیات فروشوں کے خلاف کاروائیوں کے دوران گیسٹ ہاوسسز اور ہوٹلوں میں شراب کی ترسیل کرنے والا ملزم کو 80 بوتل شراب سمیت گرفتار کرلیا، دوسری کاروائی میں منشیات فروش کو 02 کلو سے زائد چرس سمیت گرفتار کیا ملزمان کے خلاف مقدمات درج کرکے مزید تفتیش کی جارہی ہے-


    علاوہ ازیں ڈیرہ اسماعیل خان میں بھی آئی جی پی خیبرپختونخوا معظم جاہ انصاری کے احکامات ، آر پی او ڈیرہ شوکت عباس اور ڈی پی او ڈیرہ کیپٹن (ر) نجم الحسنین لیاقت کی ہدایات پر ڈیرہ پولیس ہمراہ نارکاٹکس ایریڈکشن ٹیم (NET) کا گزشتہ روز منشیات کے خلاف کامیاب کریک ڈاؤن کیا گیا-


    صوابی میں معاشرے کو منشیات سے پاک کرنے کیلئے پولیس اور نارکوٹکس ایریڈیکیشن ٹیم کا گرینڈ آپریشن کیا گیا گزشتہ 24 گھنٹوں کے دوران 11 منشیات فروش گرفتار,11.951 کلو گرام چرس، 1.255 کلو گرام آئس اور 0.145 کلو گرام ہیروئن برآمد کی-

    روجھان کے نواحی علاقہ شاہ والی میں منشیات فروشوں کے خلاف کریک ڈاؤن جاری۔


    قبل ازیں خیبر پختنوخوا میں نارکوٹکس ایریڈیکشن ٹیم (NET) اور تھانہ لنڈی کوتل پولیس نے منشیات کیخلاف کامیاب کاروائی، افغان مہاجر کے حجرے سے 9600 گرام آئس، 11 کلوگرام ہیروئن اور 5 کلوگرام کیمیکل برآمد ہوئی ملزمان کے خلاف مقدمات درج کرکے مزید تفتیش کی جارہی ہے-


    گزشتہ روز کرک پولیس نے مختلف علاقوں میں سرچ اینڈ سٹرائیک آپریشنکیا، 8 اشتہاریوں سمیت 5 سہولت کار، 6 منشیات فروشان اور 13 مشتبہ گان کو گرفتار کیا۔ آپریشن کے دوران 1 کلاشنکوف، 6 رپیٹر، 3 بندوقیں، 12 پستول، 25 میگزین، 340 مختلف بور کے کارتوس، 8090 گرام چرس اور 75 گرام آئس برآمد کی گئی۔

    کراچی: منشیات کی سپلائی اور فروخت میں ملوث ملزمان کےخلاف کریک ڈاؤن:6 ملزمان گرفتار

  • پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

    پشاور:لیڈی کانسٹیبلز بھائی کے قاتلوں کی دھمکیوں کے سامنے بے بس

    پشاور : محکمہ پولیس میں تعینات لیڈی پولیس کانسٹیبل کا کہنا ہے کہ بھائی کے قاتلوںنے جینا دو بھر کر دیا ہے-

    باغی ٹی وی: خواتین پولیس اہلکاروں نے آئی جی کے پی پولیس معظم جاہ انصاری کو خط لکھا کہ ہم 9 بہنیں ہیں اور ہمارے اکلوتے بھائی کو پانچ ماہ قبل قتل کیا گیا تھا، بھائی صفت اللہ محکمہ ایریگیشن کا ملازم تھا جسے بھتہ نہ دینے پر شہید کیا گیا۔

    روجھان کے نواحی علاقہ شاہ والی میں منشیات فروشوں کے خلاف کریک ڈاؤن جاری۔

    خط میں لکھا کہ مقدمہ اندراج کے باوجود اجرتی قاتل اوربھتہ خور دندناتے پھر رہےہیں، ملزم عابد، وہاب اور ارشد کے خلاف درجنوں مقدمات بھی درج ہیں لیکن وہ تاحال آزاد گھوم پھر رہے ہیں۔

    لیڈی پولیس کانسٹیبل نے آئی جی پولیس کو خط میں لکھا کہ میری کسی بہن کا جہاں رشتہ طے ہونے لگے تو وہاں یہ ملزمان جا کر انہیں ڈراتے دھمکاتےہیں اور گھر سے ڈیوٹی کے لیے باہر نکلنے پر قاتل ہم پر فائرنگ کرتے ہیں، نقصان کے ڈر سے ہم بچوں کو اسکول بھی نہیں بھیج سکتے۔

    رینجرزاوراینٹی نارکوٹیکس فورس مشترکہ کارروائی11 کلو گرام سے زائد چرس برآمد کر لی۔

    لیڈی کانسٹیبلز نے اعلیٰ حکام سے تحفظ کا مطالبہ کرتے ہوئے بھائی کے قاتلوں کی جلد گرفتاری اور انصاف کا مطالبہ کیا ہے۔

    دوسری جانب سی سی پی او پشاور محمد اعجاز خان نے نجی ٹی وی سے گفتگو کرتے ہوئے کہا کہ ملزمان علاقے میں موجود نہیں ہیں تاہم ان کی گرفتاری کے لیے کوششیں جاری ہیں-

    سی پی او پشاور نے کہا کہ ملزمان کی گرفتاری کے لیے پشاور پولیس نے پنجاب میں بھی چھاپے مارے ہیں، ملزمان کو گرفتار کرکے جلد قانون کے کٹہرے میں لائیں گے۔

    آر پی او ڈی جی خان سید خرم علی کا تھانہ بیٹ میرہزار کی حدود میں17 سالہ لڑکی کی…

  • امریکہ اور ایران کے درمیان منجمد اثاثوں کے بدلے میں قیدیوں کی رہائی کا معاہدہ طے

    امریکہ اور ایران کے درمیان منجمد اثاثوں کے بدلے میں قیدیوں کی رہائی کا معاہدہ طے

    امریکہ اور ایران کے درمیان منجمد اثاثوں کے بدلے میں قیدیوں کی رہائی معاہدہ طے پا گیا-

    باغی ٹی وی: "العربیہ” کے مطابق ایرانی نور نیوز ایجنسی کے مطابق میڈیا رپورٹس میں کہا گیا ہےکہ خطے کے ایک ملک نے قیدیوں بیک وقت رہائی کے لئے ایران اور امریکہ کےدرمیان ثالثی کرائی ہے۔ حالیہ ہفتوں میں ایرانی اور امریکی قیدیوں کی رہائی کے لیے ایک علاقائی ملک کی ثالثی میں گہری بات چیت ہوئی ہے۔

    ٹیسلا کا تیار کردہ انسان نما روبوٹ متعارف

    محکمہ خارجہ کے ترجمان نیڈ پرائس نے ایک بیان میں کہا کہ ہمیں آج اقوام متحدہ کے سکریٹری جنرل سے یہ جان کر بہت خوشی ہوئی ہے کہ ایران نے باقر نمازی پر عائد سفری پابندی ہٹا دی ہے محکمہ خارجہ شکر گزار ہے کہ سیاماک نمازی کو انسانی بنیادوں پر اپنے والد باقر کے ساتھ رہنے کے لیے اجازت دی گئی ہے۔

    خیال رہےایران نے 2016 میں 85 سالہ باقر نمازی کو ایک دشمن حکومت کے ساتھ تعاون کا مجرم قرار دیا اور 10 سال قید کی سزا دی تھی۔ ایرانی حکام نے 2018 میں باقر کو طبی بینادوں پر رہا کیااور 2020 میں اس کا مقدمہ بند کردیا اوراس کی سزا کو بھی جیل میں گزارے گئے وقت تک محدود کردیا تھا۔ تاہم ایران نے باقر کے ملک چھوڑنے پر پابندی لگا دی تھی ۔

    باقر کا 51 سالہ بیٹا سیامک 2015 سے جیل میں ہے ۔ اسے بھی 2016 میں والد کی طرح کی سزا سنائی گئی ۔ اس وقت امریکہ نے دونوں پر لگائے گئے الزامات کو بے بنیاد قرار دیا تھا۔

    بھارت میں تیز ترفتار فائیو جی انٹرنیٹ سروس کا آغاز ہو گیا

    مہینوں پہلے امریکہ اور ایران کے درمیان غیر معمولی قیدیوں کے تبادلے کے حوالے سے مشترکہ حل تک پہنچنے کی کوشش شروع کی گئی تھی۔ یہ مذاکرات بالواسطہ تھےاور 2015 کے جوہری معاہدے کو بحال کرنے کی کوشش کے لیے ہوئے تھے اعداد و شمار کے مطابق 16 ایرانی امریکہ میں قید ہیں یا انہیں وفاقی جرائم کے ثابت ہونے پر مقدمہ سے پہلے ہی رہا کردیا گیا۔

    قابل ذکر ہے کہ ان ایرانی نژاد امریکیوں کی شہریت کو تہران تسلیم نہیں کرتا اور یہی ایرانی نژاد امریکی دونوں ملکوں کے درمیان تنازعات میں یرغمالیوں کی طرح ہوتے ہیں ذرائع نے اس بات کی تصدیق کی ہےکہ امریکی پابندیوں کے نتیجے میں ایران کے اربوں ڈالر بیرون ملک منجمد ہیں۔ ایران کے یہ ڈالر چین، بھارت ، جنوبی کوریا، عراق اور جاپان اور دیگر ملکوں میں پڑے ہیں ۔

    انڈونیشیا میں زلزلے کے شدید جھٹکے، 2 افراد ہلاک، 15 زخمی،درجنوں گھر تباہ

    کئی ماہ قبل تہران نے ان اثاثوں کو جاری کرانے کیلئے مذاکرات کا قدم اٹھایا تھا کیونکہ اسے اپنی کرنسی کے خاتمے اور امریکی پابندیوں کے باعث معیشت کی مکمل ناکہ بندی اور زرمبادلہ کی شدید کمی کا سامنا تھا۔

  • سوئی سدرن گیس کمپنی کا متبادل توانائی سے صارفین کی توانائی کی ضرورت پوری کرنے کا اعلان

    سوئی سدرن گیس کمپنی کا متبادل توانائی سے صارفین کی توانائی کی ضرورت پوری کرنے کا اعلان

    سوئی سدرن گیس کمپنی نے مستقل میں توانائی کی بڑھتی ہوئی ضروریات کو پورا کرنے کے لیےمتبادل اور قابل تجدید توانائی کے ذرائع سے صارفین کی توانائی کی ضرورت پوری کرنے کا اعلان کر دیا۔

    باغی ٹی وی : اس مقصد کے لیے سوئی سدرن گیس کمپنی نے ایک ذیلی ادارہ قائم کر دیا ہے سوئی سدرن گیس کمپنی کےترجمان کے مطابق ایس ایس جی سی آلٹرنیٹ انرجی (پرائیوٹ) لمیٹڈ کے نام سےمکمل طور پراپنی ملکیت کے ایک ذیلی ادارے کو کمپنیز ایکٹ 2017 کے تحت ایک پرائیویٹ لمیٹڈ کمپنی کے طور پر پاکستان اسٹاک ایکسچینج میں رجسٹر کرا دیا گیا ہے-

    منظوروسان کی ملکی سیاسی صورتحال کےحوالےسےنئی پیشگوئیاں،کونسے مہینے زیادہ خطرناک؟

    ترجمان کے مطابق بنیادی طور پر اس ذیلی ادارے کا کاروباری ماڈل متبادل توانائی کے منصوبوں کی تکمیل کرنا ہوگاان منصوبوں میں قابل تجدید یا ماحول دوست ایندھن، جیسے کہ بایوگیس/ بائیو میتھین، تھرمل انرجی سے بجلی کی پیداوار، کوئلےسےگیس کی پیداواراور ہائیڈروجن کی پیداوار جیسے منصوبے شامل ہیں۔

    ترجمان کے مطابق یہ منصوبے مستقبل میں توانائی کی بڑھتی ہوئی ضروریات کو پورا کرنے میں درکار ہوں گے۔

    قبل ازیں ترجمان نے کہا تھا کہ گزشتہ تین سال کے دوران سوئی سدرن کو قدرتی گیس کی دستیابی میں 26 سے 27 فیصد تک کمی واقع ہوئی ہے جب کہ گھریلو صارفین کی تعداد میں خاطر خواہ اضافہ ہوا ہے-

    حکومت اور کسانوں کے درمیان مذاکرات میں ڈیڈ لاک برقرار، احتجاج پانچویں روز میں داخل

  • تھوڑا ہلکا ہاتھ رکھیں،ہارنا ہمارا آپشن نہیں لیکن ہم دنیا کی بہترین ٹیم نہیں،رمیز راجہ

    تھوڑا ہلکا ہاتھ رکھیں،ہارنا ہمارا آپشن نہیں لیکن ہم دنیا کی بہترین ٹیم نہیں،رمیز راجہ

    لاہور: پاکستان کی شکست پر چیئرمین پی سی بی رمیز راجہ نے کہا ہے کہ ہارنا ہمارا آپشن نہیں لیکن ہم دنیا کی بہترین ٹیم نہیں۔

    باغی ٹی وی: چیئرمین پاکستان کرکٹ بورڈ رمیز راجہ نے نجی ٹی وی چینل سے گفتگو کرتے ہوئے کہا کہ ٹیم کے حوالے سے تھوڑا ہلکا ہاتھ رکھیں، ہم سے غلطیاں ہورہی ہیں کیوں کہ ہم دنیا کی بہترین ٹیم نہیں مگر ٹیم خوشیاں دے رہی ہے۔

    پاکستان اور انگلینڈ کے درمیان ٹی ٹوئنٹ سیریز کا فیصلہ کن میچ آج کھیلا جائے گا

    رمیز راجہ کا کہنا تھا کہ پاکستانی کرکٹ ٹیم ایک میچ ونر نہیں کئی میچ ونرز ہیں لہذا ان کی حمایت کریں ٹیم کو مایوس نہ کریں اب فینز نے ٹیم کی آنر شپ لینا شروع کر دی ہے، یہی وجہ ہے کہ فینز کرکٹ ٹیم کو دیکھنے کے لیے اسٹیڈیمز آرہے ہیں کیونکہ کرکٹ سب کو جوڑ رہی ہے اور چہروں پرخوشیاں لا رہی ہے۔

    چیئرمین پی سی بی نے کہا کہ سنسنی خیز میچز ہورہے ہیں اسی لیے دلچسپی آخری میچ تک بڑھ رہی ہے کیوں کہ میچز کا فیصلہ آخری آخری اوور میں ہورہا ہے۔

    واضح رہے کہ چھٹے ٹی 20 میچ میں پاکستان کا 170 رنز کا ہدف انگلینڈ نے 15ویں اوور میں 2 وکٹ سے جیت لیا تھا 170 رنز ہدف کے تعاقب میں انگلینڈ کی جانب سے فل سالٹ اور الیکس ہیلز نے اننگز کا آغاز کیا جبکہ محمد نواز نے پاکستان کی جانب سے پہلا اوور کرایا۔

    انڈونیشیا:فٹبال میچ کے دوران ہنگامہ آرائی،129 افراد ہلاک ،سینکروں زخمی

    الیکس ہیلز 1 چھکے اور 4 چوکوں کی مدد سے 12 گیندوں پر 27 رنز بناکر شاداب خان کی گیند پر شاہنواز دھانی کے ہاتھوں کیچ آؤٹ ہوگئے دوسرے آؤٹ ہونے والے بیٹر ڈیوڈ ملان تھے جنہوں نے 5 چوکے مار کر 18 گیندوں پر 26 رنز بنائے اور شاداب خان کی گیند پر ایل بی ڈبلیو ہوگئے۔

    ، اوپنر فل سالٹ نے 3 چھکوں اور 13 چوکوں کی مدد سے 41 گیندوں پر 87 رنز کی ناقابل شکست اننگز کھیلی، بین ڈکٹ بھی 26 سکور بناکر ناٹ آؤٹ رہے پاکستان کی جانب سے نائب کپتان شاداب خان نے ہی دونوں کھلاڑیوں کو پویلین کی راہ دکھائی۔

    ٹی20 ورلڈکپ سے قبل اہم بھارتی کھلاڑی ایونٹ سے باہر

  • عمران خان کا ساتھ دیا، دے رہے ہیں اور دیتے رہیں گے،پرویز الٰہی

    عمران خان کا ساتھ دیا، دے رہے ہیں اور دیتے رہیں گے،پرویز الٰہی

    لاہور: وزیر اعلیٰ پنجاب پرویز الہیٰ نے کہا ہے کہ عمران خان کا ساتھ دیا، دے رہے ہیں اور دیتے رہیں گے۔

    باغی ٹی وی : وزیر اعلیٰ پنجاب چودھری پرویز الہٰی سے ہمایوں اختر خان نے ملاقات کی جس میں باہمی دلچسپی کے امور، سیاسی صورتحال اور فلاح عامہ کے پروگرام پر بات چیت کی گئی۔

    حکومت اور کسانوں کے درمیان مذاکرات میں ڈیڈ لاک برقرار، احتجاج پانچویں روز میں داخل

    اس موقع پر چوہدری پرویز الٰہی کا کہنا تھا ہماری سیاست کا محور عام آدمی کے حالات میں بہتری لانا ہے، ہمیشہ غریب کو ریلیف دینے کے لیے خلوص نیت سے کام کیا-

    انہوں نے کہا کہ ہم ایسے کام کر رہے ہیں جو عوام ہمیشہ یاد رکھیں اور مسلم لیگ ن کی طرح انتقامی سیاست کبھی نہیں کی بلکہ ہمیشہ مثبت سیاسی روایات قائم کی ہیں ، ون مین شو کی بجائے پوری ٹیم کو ساتھ لے کر چلتا ہوں۔

    پنجاب حکومت نے 2 موبائل ہیلتھ یونٹ سندھ کے سیلاب متاثرہ علاقوں میں بھیج دیئے

    چودھری پرویز الہیٰ نے کہا کہ عمران خان پاکستان کے مقبول ترین لیڈر ہیں۔ عمران خان کا ساتھ دیا، دے رہے ہیں اور دیتے رہیں گے۔ ون مین شو کے بجائے پوری ٹیم کو ساتھ لے کر چلتا ہوں۔

    اس موقع پر ہمایوں اختر نے وزیر اعلیٰ پنجاب سے کہا کہ آپ کا سابقہ دور پنجاب کی تاریخ کا ریکارڈ ڈویلپمنٹ کا دور تھا اور اب بھی مختصر مدت میں آپ نے فلاح عامہ کے لیے شاندار اقدامات کیے ہیں-

    منظوروسان کی ملکی سیاسی صورتحال کےحوالےسےنئی پیشگوئیاں،کونسے مہینے زیادہ خطرناک؟

  • آڈیو لیکس: وفاقی کابینہ نے عمران خان کیخلاف کارروائی کی منظوری دے دی

    آڈیو لیکس: وفاقی کابینہ نے عمران خان کیخلاف کارروائی کی منظوری دے دی

    وفاقی کابینہ نے آڈیو لیکس معاملے پر چیئر مین پی ٹی آئی عمران خان کیخلاف کارروائی کی منظوری دے دی۔

    باغی ٹی وی : وفاقی کابینہ نے 30ستمبر کو عمران خان کی سائفر سے متعلق آڈیو لیک پر کابینہ کمیٹی بنائی تھی، کابینہ کمیٹی نے یکم اکتوبر کے اجلاس میں قانونی کارروائی کی سفارش کی تھی۔

    سائفر کسی جادوگر نے جن کے پاس رکھا ہوگا واپس مل جائے حکومت اعظم خان کو ڈھونڈے جو…

    وفاقی کابینہ نے آڈیو لیکس کیس میں عمران خان، ان کے ساتھی وزرا اور اعظم خان کے خلاف قانونی کارروائی کی باضابطہ منظوری دے دی کابینہ کمیٹی کی سفارشات کو سمری کی شکل میں کابینہ کی منظوری کیلئے پیش کیا گیا تھا-

    وفاقی کابینہ نے سرکولیشن کے ذریعے کابینہ کمیٹی کی سفارشات کی منظوری دی جس میں فیصلہ کیا گیا ہے کہ سفارتی سائفر سے متعلق آڈیو لیک پر تحقیقات ہوں گی، سائفر سے متعلق تحقیقات ایف آئی اے سے کرائی جائے گی۔

    کابینہ کمیٹی کا کہنا ہے کہ یہ قومی سلامتی کا معاملہ ہے جس کے قومی مفادات پر سنگین مضر اثرات ہیں، قانونی کارروائی لازم ہے۔

    آڈیو لیکس، تحریک انصاف سپریم کورٹ پہنچ گئی

    کابینہ کمیٹی کی جانب سے سمری میں سفارش کی گئی ہے کہ ایف آئی اے سینئر حکام پر مشتمل کمیٹی تشکیل دے۔ایف آئی اے دیگر اداروں سے بھی اہلکاروں کو ٹیم میں شامل کر سکتی ہے-

    واضح رہے کہ دو روز قبل وزیراعظم شہباز شریف کی زیر صدارت ہونے والے وفاقی کابینہ کے اجلاس میں امریکی سائفر اور آڈیو لیکس کے معاملے پر تفصیلی تبادلہ خیال کیا گیا تھا۔

    دوسری جانب حکومت کے اس قدام پر پی ٹی آئی رہنما فواد چوہدری نے ہے کہا کہ عمران خان کی حکومت ایک سازش کے تحت ہٹائی گئی،سائفر کی تحقیقات پرحکومتی آمادگی درست سمت میں قدم ہے-

    فواد چوہدری نے کہا کہ اسی طرح کا کمیشن آڈیو لیکس کی تحقیقات کیلئے چاہیے،تحقیقات ایف آئی اے کے بجائے سپریم کورٹ کا بنایا کمیشن کرے-

    جج دھمکی کیس:عمران خان کی حفاظتی ضمانت کا تحریری حکم نامہ جاری

  • بھارت میں تیز ترفتار فائیو جی انٹرنیٹ سروس کا آغاز ہو گیا

    بھارت میں تیز ترفتار فائیو جی انٹرنیٹ سروس کا آغاز ہو گیا

    نئی دہلی: بھارتی وزیر اعظم نریندر مودی نے ملک میں تیز ترفتار فائیو جی انٹرنیٹ سروس کا افتتاح کر دیا۔

    باغی ٹی وی : بھارتی میڈیا کے مطابق بھارتی وزیر اعظم نے فائیو جی انٹرنیٹ سروس کا افتتاح نئی دہلی میں منعقد ہونے والے چھٹے انڈیا موبائل کانگریس 2022 کے موقع پر کیا اور آئندہ چند سالوں میں فائیو جی انٹرنیٹ سروس بھارت بھر میں فراہم کر دی جائے گی۔

    ٹیسلا کا تیار کردہ انسان نما روبوٹ متعارف

    وزیر اعظم نریندر مودی نے 5جی ٹیلی فونی خدمات کا آغاز اور انڈیا موبائل کانگریس کا افتتاح کرتے ہوئے کہا کہ اگرچہ سربراہی اجلاس عالمی تھا، لیکن اس کے پیچھے سوچنے کا عمل اور آواز یقینی طور پر مقامی تھی۔

    تقریب میں اپنے خطاب کے دوران،مودی نے کہا کہ جی 3 جی اور 4جی کے ساتھ، ہندوستان دیگر ممالک پر منحصر تھا۔ تاہم، 5جی کے ساتھ، ہندوستان نے ٹیلی کام ٹیکنالوجی میں عالمی معیار قائم کیا ہے۔

    بھارتی وزیر اعظم نے کہا کہ فائیو جی انٹرنیٹ معاشی مواقع اور معاشرے کو بہت سے فوائد کی فراہمی کا سبب بنے گا اور بھارتی معاشرے کے لیے تبدیلی کی قوت ثابت ہو گا۔

    انہوں نے کہا کہ یہ ملک کو ترقی کے راستے میں حائل روایتی رکاوٹوں کو عبور کرنے، کاروباری کمپنیوں، اسٹارٹ اپس میں جدت اور ڈیجیٹل انڈیا کے ویژن کے فروغ کا سبب بنے گا۔

    زیادہ تر ٹیلی کمیونیکیشن سروسز کے رول آؤٹ کی طرح، چند مہینوں میں مرحلہ وار رول آؤٹ دیکھیں گے، جس میں بہت سے نئے شہروں اور قصبوں کو 5جی سروسز تک رسائی حاصل ہوتی نظر آئے گی۔

    امریکا نے بھارتی کمپنی پر پابندی عائد کر دی

    بھارتی انٹرنیٹ کمپنی کے مطابق انٹرنیٹ فائیو جی سروس ملک کے13 شہروں میں فوری طور پر فراہم کر دی جائے گی جن شہروں میں 5 جی نیٹ ورک پہلے آئیں گے ان میں احمد آباد، بنگلورو، چندی گڑھ، چنئی، دہلی، گاندھی نگر، گروگرام، حیدرآباد، جام نگر، کولکتہ، لکھنؤ، ممبئی اور پونے شامل ہیں-

    ریلائنس انڈسٹریز کے چیئرمین اور ایشیا کے امیر ترین شخص مکیش امبانی کا کہنا ہے کہ جیو دسمبر 2023 تک دیہی علاقوں سمیت پورے ملک میں جی5 لائے گا یہ خوش کن ہے کیونکہ 5جی اگلی نسل کی کنیکٹیویٹی ٹیکنالوجی سے کہیں زیادہ ہے۔ یہ ایک بنیادی ٹیکنالوجی ہے

    موبائل کمپنیوں کے عالمی ادارے کی ایک رپورٹ کے مطابق 2023 سے 2040 کے دوران فائیو جی انٹرنیٹ سے بھارتی معیشت کو 455 ارب ڈالر کا فائدہ ہو گا۔

    موبائل کمیونیکیشن نیٹ ورکس کی اگلی نسل ہے 5 جی ، جس کے بارے میں سمجھا جاتا ہے کہ وہ 4 جی کے مقابلے میں بہت تیز رفتار اور وسیع استعمال کے معاملات پیش کرتا ہے۔

    اینٹی ڈپریسنٹ کا دیر پا استعمال قلبی امراض کے خطرات میں اضافہ کر سکتا ہے،تحقیق