Baaghi TV

Author: Ayesha Rehmani

  • ایران اپنے ملک میں احتجاج کرنیوالی خواتین کو قائل کرے،طالبان کا خواتین معاملہ پر تنقید کا جواب

    ایران اپنے ملک میں احتجاج کرنیوالی خواتین کو قائل کرے،طالبان کا خواتین معاملہ پر تنقید کا جواب

    افغانستان میں خواتین کی تعلیم کو روکنے پر ایرانی حکومت کی تنقید کے جواب میں طالبان کی وزارت خارجہ نے ردعمل دیا ہے-

    باغی ٹی وی : ایرانی وزارت خارجہ نے افغان یونیورسٹیوں میں خواتین کو تعلیم حاصل کرنے سے روکنے کی خبریں شائع ہونے پر افسوس کا اظہار ایک ایسے وقت میں کیا تھا جب مہسا امینی کے قتل کی وجہ سے شروع ہونے والی عوامی بغاوت میں خود ایرانی حکام خواتین اور طالب علموں پر پر تشدد کارروائیوں کا نشانہ بنانے ملوث ہیں۔

    خواتین کے فلاحی تنظیموں میں کام کرنے پر پابندی افغان عوام کیلئے تباہ کن ہو سکتا…

    جمعرات کو ایرانی وزارت خارجہ کے ترجمان ناصر کنانی نے کہا کہ اسلامی جمہوریہ ایران ہمسایہ ہونے کے ناطے افغانستان میں امن، استحکام اور ترقی میں دلچسپی رکھتا ہے۔ یہ سن کر افسوس ہوا کہ افغانستان میں لڑکیوں کی اعلیٰ یونیورسٹیوں کی تعلیم میں رکاوٹیں پیدا کی جارہی ہیں۔

    ایرانی وزیر خارجہ نے یہ امید بھی ظاہر کی کہ طالبان جلد رکاوٹوں کو دور کریں گے اور اس ملک کے مرد اور خواتین طلبہ کے لیے تعلیم کی تمام سطحوں پر تعلیم کی بحالی کی راہ ہموار کریں گے۔

    ایرانی حکومت کی تنقید پر افغانستان کی وزارت خارجہ نے اپنی ٹوئٹ میں ردعمل دیا ہے-

    تائیوان اور امریکا کے عسکری تعاون کے جواب میں چین کا اپنی ’جنگی‘ طاقت کا مظاہرہ

    وزارت نے کہا کہ ان کے لیے بہتر ہے کہ وہ اپنے ملک میں احتجاج کرنے والی خواتین کو قائل کریں اور ہمدردی کے نام پر اپنے ملک کے اندرونی مسائل توجہ ہٹانے کی کوشش نہ کریں۔

    طالبان کے ہائر ایجوکیشن کے وزیر نے خواتین کی یونیورسٹی میں تعلیم عارضی طور پر روکنے پر عالمی رد عمل کے جواب میں کہا تھا کہ ہم پر ایٹم بم بھی گرا دیا جائے تو ہم خواتین سے متعلق فیصلے سے پیچھے نہیں ہٹیں گے۔

    اتوار کو ایک ٹویٹ میں طالبان کی وزارت خارجہ نے اس فیصلے کو تعلیمی عمل میں عارضی تاخیر دیا تھا۔

    خواتین کے کام کرنے پر عارضی پابندی پر ترجمان ذبیح اللہ مجاہد نے امریکی حکام کی تنقید کی مذمت کردی اور اسے افغانستان کے داخلی معاملات میں مداخلت قرار دیا ذبیح اللہ مجاہد نے کہا امریکی حکام کو افغانستان کے اندرونی معاملات میں مداخلت نہیں کرنی چاہیے۔

    ایٹم بم بھی گرا دیا جائے، خواتین سے متعلق فیصلے سے پیچھے نہیں ہٹیں گے،افغان وزیر…

  • یوکرین نے روس کو فروری میں مشروط امن مذاکرات کی پیشکش کر دی

    یوکرین نے روس کو فروری میں مشروط امن مذاکرات کی پیشکش کر دی

    یوکرین نے روس کو فروری میں مشروط امن مذاکرات کی پیشکش کر دی ۔

    باغی ٹی وی : غیر ملکی میڈیا رپورٹس کے مطابق یوکرینی وزیرخارجہ کا کہنا ہے کہ امن مذاکرات کیلئے اقوام متحدہ میں سربراہی اجلاس بلایا جائےجبکہ سیکرٹری جنرل انتونیوگوتریس ثالث بن سکتے ہیں۔

    یوکرین کا مطالبہ ہے کہ مذاکرات سے پہلے روس عالمی عدالت انصاف میں جنگی جرائم کا سامنا کرے۔

    دوسری جانب روسی وزیر خا رجہ نے کہا ہے کہ یوکرین اور روس میں شامل 4 نئے علاقے غیر فوجی ہوں اور نازیوں سے پاک کیا جائے اور روس کی سلامتی کو لاحق خطرات ختم کیے جائیں۔

    غیر ملکی میڈیا رپورٹس کے مطابق اقوام متحدہ کے سیکرٹری جنرل نے روس یوکرین جنگ میں ثالث بننے پر آمادگی کا اظہار کیا ہے۔

    واضح رہے کہ اس سے قبل روسی صدر ولادیمیر پیوٹن کہہ چکے ہیں کہ یوکرین تنازع پر روس تمام فریقین سے بات چیت کے لیے تیار ہے، روس نے کبھی امن مذاکرات سے انکار نہیں کیا، یوکرین اور مغربی ممالک ہی بات چیت سے پیچھے ہٹتے رہے ہیں۔

    صدر ولادیمیر پیوٹن نے کہا تھا کہ یوکرین کے معاملے پر تمام فریقوں کے ساتھ بات چیت کے لیے تیار ہیں لیکن مغربی ممالک مذاکرات سے انکار کررہے ہیں ولادیمیر پیوٹن نے یوکرین کے صدر وولودیمیر زیلنسکی کو تنقید کا نشان بناتے ہوئے کہا تھا کہ زیلنسکی بھی اپنے مغربی اتحادی ممالک کی طرح مذاکرات کے لیے تیار نہیں۔

    صدر پیوٹن نے مزید کہا تھا کہ روس یوکرین جنگ میں شامل تمام فریقوں کے ساتھ بات چیت کے لیے تیار ہے لیکن ہمیں مثبت ردعمل دیکھنے کو نہیں ملا اس کے باوجود ہم جنگ کے خاتمے کے قابل قبول حل کے لیے تیار ہیں۔

    امریکا کی جانب سے یوکرین کو جدید فضائی سسٹم پیٹریاٹ کی فراہمی کے فیصلے پر کڑی تنقید کرتے ہوئے روسی صدر نے کہا تھا کہ مجھے 100 فیصد یقین ہے کہ روسی افواج پینٹاگون کے جدید ترین فضائی دفاعی نظام کو تباہ کر دیں گی۔

  • تمہارا لہجہ بتا رہا ہے تمہاری دولت نئی نئی ہے،معروف شاعرہ شبینہ ادیب کا یوم پیدائش

    تمہارا لہجہ بتا رہا ہے تمہاری دولت نئی نئی ہے،معروف شاعرہ شبینہ ادیب کا یوم پیدائش

    تمہارا لہجہ بتا رہا ہے تمہاری دولت نئی نئی ہے

    معروف شاعرہ شبینہ ادیب 27 دسمبر 1974ء کو کانپور، اترپردیش میں عزیز احمد اور ریبو بیگم کے ہاں پیدا ہوئیں ان کی شادی جوہر کان پوری سے ہوئی ان کے ہاں ایک بیٹی طوبیٰ جوہر پیدا ہوئی ان کی تصنیف میں تم میرے پاس رہو“ (شعری مجموعہ) شامل ہے-

    غزل
    ۔۔۔۔۔
    خموش لب ہیں جھکی ہیں پلکیں، دلوں میں اُلفت نئی نئی ہے
    ابھی تکلف ہے گفتگو میں، ابھی محبت نئی نئی ہے

    ابھی نہ آئے گی نیند تمکو، ابھی نہ ہمکو سکوں ملے گا
    ابھی تو دھڑکے گا دل زیادہ، ابھی یہ چاہت نئی نئی ہے

    بہار کا آج پہلا دن ہے، چلوچمن میں ٹہل کے آئیں
    فضا میں خوشبو نئی نئی ہے، گلوںمیں رنگت نئی نئی ہے

    جو خاندانی رئیس ہیں وہ مزاج رکھتے ہیں نرم اپنا
    تمہارا لہجہ بتا رہا ہے تمہاری دولت نئی نئی ہے

    ذرا سا قدرت نے کیا نوازا، کہ آ کے بیٹھے ہو پہلی صف میں
    ابھی سے اڑنے لگے ہوا میں، ابھی تو شہرت نئی نئی ہے

    بموں کی برسات ہو رہی ہے،پُرانے جانباز سو رہے ہیں
    غلام دُنیا کو کر رہاہے، وہ جسکی طاقت نئی نئی ہے

    ۔۔۔۔۔۔۔۔۔۔۔۔۔۔۔۔۔۔۔

    تمہارا چہرہ چراغوں میں کون رکھتا ہے
    مری طرح تمہیں آنکھوں میں کون رکھتا ہے

    خدا کی ذات پہ ہم کو یقین ہے ورنہ
    دئیے جلاکے ہواؤں میں کون رکھتا ہے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    تلاش و ترسیل : آغا نیاز مگسی

  • ہنڈا ، سوزوکی اور یاماہا موٹر سائیکلوں کی قیمت میں ریکارڈ اضافہ

    ہنڈا ، سوزوکی اور یاماہا موٹر سائیکلوں کی قیمت میں ریکارڈ اضافہ

    ہنڈا ، سوزوکی اور یاماہا موٹر سائیکلوں کی قیمت سال 2022 میں آسمان پر جا پہنچی۔

    باغی ٹی وی: اس سال 70 سی سی کے سستے موٹر سائیکل ہوں یا 150 سی سی موٹر سائیکل سب کی قیمتوں میں ہر کچھ ہفتے بعد اضافہ کیا جاتا رہا۔

    امریکی ڈالر کی قدر میں اضافے کا سلسلہ جاری

    سب سے زیادہ اضافہ یاماہا کی موٹر سائیکلز کی قیمتوں میں کیا گیا۔ یاماہا کمپنی نے سال میں 11 بار قیمتوں میں اضافہ کیا۔ اسی طرح ہونڈا اٹلس کی قیمتوں میں 7 بار جبکہ سوزوکی کے موٹر سائیکلز کی قیمتوں میں 5 بار اضافہ کیا گیا۔

    یاماہا کی وائی بی 125زیڈ کی قیمت میں ایک لاکھ 3 ہزار 500 روپے اضافہ ہوا۔ قیمت 2 لاکھ 93 ہزار 500 روپے ہو گئی۔ وائی بی 125زیڈ ڈی ایکس کی قیمت میں ایک لاکھ 9 ہزار اضافہ کیا گیا یہ اب 3 لاکھ 14 ہزار500 کی ہو گئی ہے۔ اسی طرح وائی بی آر 125 جی کی قیمت میں ایک لاکھ 15ہزار 500 کا اضافہ ہوا اور یہ 3 لاکھ 36ہزار کی ہو گئی ہے۔

    ہونڈا اٹلس کی 70 سی سی بائیک، کی قیمت میں سال کے اندر اندر 26 ہزار سے زائد کا اضافہ ہوا۔ ہونڈا سی ڈی 70 کی قیمت میں26 ہزار 600 روپے کا اضافہ ہوا اور اس کی قیمت ایک لاکھ 21 ہزار 500 روپے تک پہنچ گئی۔ اسی طرح سی ڈی 70 ڈریم کی قیمت 28 ہزار 400 روپے کے اضافے سے ایک لاکھ 29 ہزار 900 روپے تک پہنچ گئی۔

    سونے کی فی تولہ قیمت میں ایک بار پھر معمولی اض

    ہونڈا کی 100 سی سی موٹرسائیکل، ہونڈا پرائیڈر کی قیمت 31 ہزار 400 روپے بڑھی اور اس کی مجموعی قیمت ایک لاکھ 61 ہزار 900 روپے ہو گئی۔ سی جی 125 کی قیمت33 ہزار 400 روپے اضافے سے ایک لاکھ 85 ہزار 900 روپے ہو گئی جبکہ سیلف اسٹارٹ 125 ایس ای، کی قیمت 2 لاکھ 19 ہزار 500 روپے ہو گئی۔ سی بی 125 ایف کی قیمت 2 لاکھ 83 ہزار 900 روپے جبکہ سی بی 150 ایف کی قیمت 3 لاکھ 53 ہزار 900 روپے ہو گئی۔

    سوزوکی جی ڈی110ایس کی قیمت میں اس سال 45 ہزار روپے کا اضافہ ہوا۔ قیمت 2 لاکھ 44 ہزار روپے ہو گئی۔ سوزوکی جی ایس 150 کی قیمت 51 ہزار بڑھنے کے بعد 2 لاکھ 66ہزار ہو چکی ہے جبکہ جی آر 150 کی قیمت 70ہزار روپے بڑھی جو کہ اب 3 لاکھ 85 ہزار روپے تک پہنچ گئی ہے۔

    پاک سوزوکی نے بھی اپنا پلانٹ بند کردیا

  • لاہور:عدالت کا اسموگ کے باعث اسکولوں اور کالجوں کی چھٹیاں مزید بڑھانے کا حکم

    لاہور:عدالت کا اسموگ کے باعث اسکولوں اور کالجوں کی چھٹیاں مزید بڑھانے کا حکم

    لاہور ہائیکورٹ نے اسموگ کے باعث اسکولوں اور کالجوں چھٹیاں مزید بڑھانے کا حکم دے دیا۔

    باغی ٹی وی : لاہور ہائیکورٹ میں اسموگ کے تدارک کے لیے دائر درخواستوں پر سماعت ہوئی جس میں عدالت نے لاہور میں اسکولوں اور کالجوں کو مزید7 روز بند کرنے کی ہدایت کردی۔عدالت نے سیکریٹری تعلیم اور ہائر ایجوکیشن کمیشن کو نوٹیفکیشن جاری کرنے کی ہدایت کردی۔عدالتی حکم میں لاہورمیں 2 جنوری تک ہونے والی چھٹیوں کے بعد اس میں مزید ایک ہفتے کی توسیع کا کہا گیا ہے عدالت نے کہا کہ اسموگ کی وجہ سے چھٹیاں بڑھائی جائیں، اسموگ کو کافی حد تک کنٹرول کیا ہوا ہے، اس کی روک تھام حکومت کی ذمہ داری ہے۔

    عدالت نے اسموگ کے خاتمے کے لیے کیمروں پر آنے والی لاگت کی رپورٹ طلب کر لی۔ کہا گیا ہے کہ محکمہ زراعت تخمینہ لگا کر رپورٹ پیش کرے۔عدالت نے اگلی سماعت پر پی ڈی ایم اے کے ڈی جی کو ریکارڈ سمیت طلب کر لیا۔ عدالت نے کمرہ عدالت میں موجود ڈی سی لاہور کو اپنے اختیارات استعمال کرنے کی ہدایت بھی کی۔لاہور ہائیکورٹ کی جانب سے کہا گیا ہے کہ اسموگ کی روک تھام سے متعلق ہم قانون سازی کروا رہے ہیں سموگ کے تدارک کے لیے بڑے شہروں میں انڈسٹریل ایریاز بنائے جائیں۔عدالتی کمیشن نے کہا ہے کہ حکومت کو ماحولیات کے بارے ترجیحی بنیادوں پر کام کرنا چاہیے۔حکومت دانستہ رقم نہیں دے رہی۔بعد ازاں عدالت نے ڈی جی پی ڈی ایم اےکو آئندہ سماعت پرطلب کرتے ہوئے سماعت جمعہ تک ملتوی کردی۔

    پنجاب حکومت کی جانب سے صوبے بھر کے تعلیمی اداروں میں 24 دسمبر 2022ء سے 2 جنوری 2023ء تک موسم سرما کی چھٹیوں کا اعلان کیا گیا تھا۔عدالتِ عالیہ کے حکم کے بعد لاہور کے تعلیمی اداروں میں موسمِ سرما کی تعطیلات اب 9 جنوری تک ہو گئی ہیں۔

    دوسری جانب وزیراعلیٰ پنجاب چودھری پرویز الہیٰ کا کہنا ہے کہ پنجاب بھر میں فصلوں کی باقیات کو آگ لگانے پر پابندی عائد ہے، پرویز الہٰی نے اسموگ میں کمی کیلئے وضع کردہ پلان پر موثر انداز میں عملدرآمد یقینی بنانے کا حکم دیا اور کہا کہ اسموگ کا سبب بننے والے عوامل پر قابوپانے کیلئے کارروائی عمل میں لائی جائے،محکمہ تحفظ ماحول،ٹرانسپورٹ، انڈسٹریز اور انتظامیہ کے افسران فیلڈ میں خود جائیں،اسموگ میں کمی کیلئے جاری ایس او پیز پر عملدرآمدمیں کوتاہی برداشت نہیں کی جائے گی، فصلوں کی باقیات کو آگ لگانے والے افراد کیخلاف بلا امتیاز کارروائی عمل میں لائی جائے، دھواں دینے والی گاڑیوں کے خلاف بلاتفریق قانونی کارروائی جاری رکھی جائے،

    واضح رہے کہ پنجاب کے صوبائی دارالحکومت لاہور نے آلودگی میں سب کو پیچھے چھوڑ دیا ہے، لاہور آلودہ ترین شہروں میں پہلے نمبر پر آ گیا ہے، لاہور کا اوسط ائیر کوالٹی انڈیکس 321 تک پہنچ گیا ہے، لاہور کے علاقے گلبرگ میں اے کیو آئی 527 ریکارڈ ، کوٹ لکھپت میں اے کیو آئی 340 پایا گیا، طبی ماہرین نے شہریوں کو دوران سفر ماسک کا استعمال یقینی بنانے کی ہدایت کی ہے ،لاہور میں سموگ کا راج ہونے کی وجہ سے شہری بارش کے لئے دعائیں کر رہے ہیں تا ہم بارش کب ہو گی اس حوالہ سے محکمہ موسمیات لاہوریوں کو کوئی نوید نہیں سنا رہا

    راہ چلتی طالبات کو ہراساں اور آوازیں کسنے والا اوباش گرفتار

    طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

    پولیس کا قحبہ خانے پر چھاپہ،14 مرد، سات خواتین گرفتار

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    نرسری وارڈ میں 4 بچوں کے جاں بحق ہونے پر وزیراعلیٰ کا نوٹس

    پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا

  • رونالڈو کو ضائع کردیا گیا، ورلڈکپ میں اس پر سیاسی پابندی لگائی گئی،ترک صدر

    رونالڈو کو ضائع کردیا گیا، ورلڈکپ میں اس پر سیاسی پابندی لگائی گئی،ترک صدر

    ترکیہ کے صدر رجب طیب اردوان کا کہنا ہے کہ پرتگال کے اسٹار فٹبالر کرسٹیانو رونالڈو کو فیفا ورلڈ کپ میں ‘سیاسی پابندی’ کا سامنا کرنا پڑا۔

    باغی ٹی وی : فیفا ورلڈکپ میں رونالڈو کو راؤنڈ آف 16 میں سوئٹزرلینڈ کے خلاف میچ میں ٹیم کی ابتدائی لائن اپ سے باہر کر دیا گیا تھا، ان کے متبادل گونکالو راموس نے ہیٹ ٹرک کی تھی اس کے علاوہ مراکش کے خلاف کوارٹر فائنل میں بھی وہ پرتگال کی فرسٹ الیون کا حصہ نہیں تھے ۔

    غیر ملکی میڈیا رپوٹس کے مطابق اتوار کو نوجوانوں کی ایک تقریب سے خطاب کے دوران ترک صدر نے کہا کہ رونالڈو کو ضائع کردیا گیا، ورلڈکپ میں اس پر سیاسی پابندی لگائی گئی۔

    انہوں نے کہا کہ رونالڈو جیسے فٹبالر کو میچ میں صرف 30 منٹ باقی رہ جانے پر میدان پر بھیجنے کی وجہ سے اس کی نفسیات تباہ ہو گئی اور ان کی توانائی چھین لی گئی رونالڈو ایسا کھلاڑی ہے جو فلسطین کے لیے کھڑا ہوتا ہے۔

    واضح رہے کہ 37 سالہ کھلاڑی مراکش کے خلاف ورلڈ کپ کوارٹر فائنل کھیل کے دوسرے ہاف میں متبادل کے طور پر آئے جس میں پرتگال کو 1-0 سے شکست کا سامنا کرنا پڑا۔مانچسٹر یونائیٹڈ اور ریال میڈرڈ کے سابق فٹبالر بھی اس بینچ پر موجود تھے جب پرتگال نے راؤنڈ آف 16 میں سوئٹزرلینڈ سے مقابلہ کیا۔

  • ایلون مسک امریکا کے صدر بنیں گے، روس کی قومی سلامتی کے نائب سربراہ کی نئے سال کے حوالے سے پیشگوئیاں

    ایلون مسک امریکا کے صدر بنیں گے، روس کی قومی سلامتی کے نائب سربراہ کی نئے سال کے حوالے سے پیشگوئیاں

    پاکستان پیپلز پارٹی کے رہنما منظور وسان کی طرح روس کی قومی سلامتی کے نائب سربراہ کو خواب آنے لگے۔

    باغی ٹی وی : روس کی قومی سلامتی کونسل کے نائب سربراہ دیمتری میدودیف نے سوشل میڈیا پر بیان جاری کرتے ہوئے کہا کہ سال نو پر ہر شخص مفروضے پیش کرتا ہے،کیوں نہ میں بھی ان میں شامل ہوجاؤں۔


    دیمتری میدودیف کی جانب سے 10 پیشگوئیاں کی گئیں ہیں۔


    روس کی قومی سلامتی کونسل کے نائب سربراہ کا کہنا ہے کہ اگلے برس پیٹرول کی قیمتیں 150 ڈالر فی بیرل تک بڑھ جائیں گی اور گیس کی قیمت 5 ہزارڈالر فی ایک ہزار کیوبک میٹر ہو جائے گی۔


    دیمتری میدودیف کے مطابق برطانیہ ایک بار پھر یورپی یونین کا حصہ بن جائےگا برطانیہ کی واپسی کے بعد یورپی یونین ٹوٹ جائے گی۔ یورو سابق EU کرنسی کے طور پر استعمال سے باہر ہو جائے گا۔


    اس کے علاوہ یوکرین کے مغربی علاقوں پر پولینڈ،ہنگری قابض ہو جائیں گے جبکہ جرمنی پر دائیں بازو کے انتہا پسند حکمرانی حاصل کر لیں گے یعنی پولینڈ، بالٹک ریاستیں، چیکیا، سلوواکیہ، جمہوریہ کیف وغیرہ-

    فرانس اور جرمنی کے درمیان جنگ چھڑ جائے گی۔ یورپ تقسیم ہو جائے گا، پولینڈ اس عمل میں تقسیم ہو جائے گا، شمالی آئرلینڈ برطانیہ سے الگ ہو کر جمہوریہ آئرلینڈ میں شامل ہو جائے گا۔


    امریکہ، کیلیفورنیا میں خانہ جنگی چھڑ جائے گی۔ اور اس کے نتیجے میں ٹیکساس آزاد ریاست بن رہا ہے۔ ٹیکساس اور میکسیکو ایک اتحادی ریاست بنائیں گے۔ ایلون مسک کئی ریاستوں میں صدارتی انتخاب جیتیں گے جو کہ نئی خانہ جنگی کے خاتمے کے بعد جی او پی کو دے دی جائیں گی۔


    تمام بڑی اسٹاک مارکیٹیں اور مالیاتی سرگرمیاں امریکہ اور یورپ کو چھوڑ کر ایشیا میں چلی جائیں گی بریٹن ووڈزکامانیٹری مینجمنٹ سسٹم منہدم ہو جائے گا، جس سے آئی ایم ایف اور ورلڈ بینک کریش ہو جائیں گے۔ یورو اور ڈالر عالمی ریزرو کرنسیوں کے طور پر گردش کرنا بند کر دیں گے۔ اس کی بجائے ڈیجیٹل فیاٹ کرنسیوں کو فعال طور پر استعمال کیا جائے گا۔


    ان کے مطابق امریکی ریاستیں کیلیفورنیا اور ٹیکساس آزاد ممالک بن جائیں گی جبکہ ایلون مسک امریکا کے صدر بننے میں کامیاب ہو جائیں گے اور یورو اور ڈالر کو عالمی سطح پر مسترد کر دیا جائے گا۔


    دمیتری کی پیشگوئیوں پر ایلون مسک نے حیرانی کا اظہار کرتے ہوئے کہا کہ یہ سب ایک سال میں ہوگا-

  • دانش کنیریا کا شاہد آفریدی پر طنز،فہد مصطفیٰ نے دیا کرارا جواب

    دانش کنیریا کا شاہد آفریدی پر طنز،فہد مصطفیٰ نے دیا کرارا جواب

    پاکستان کرکٹ ٹیم کے سابق لیگ اسپنر دانش کنیریا کی قومی کرکٹ ٹیم کے چیف سلیکٹر شاہد آفریدی کے خلاف طنزیہ ٹوئٹ کرنے پر اداکار فہدمصطفیٰ نے انہیں آڑے ہاتھوں لے لیا-

    باغی ٹی وی : گزشتہ دنوں پاکستان کرکٹ بورڈ کی منیجمنٹ کمیٹی کے چیئرمین نجم سیٹھی نےعبوری سلیکشن کمیٹی کا اعلان کرتے ہوئے سابق کپتان شاہد آفریدی کو نیوزی لینڈ کے خلاف ہوم سیریز کے لیے عبوری سلیکشن کمیٹی کا چیئرمین مقرر کیا۔

    سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    شاہد آفریدی کو عبوری سلیکشن کمیٹی کا چیئرمین مقرر کیے جانے پر دانش کنیریا نے طنز کرتے ہوئے 2010 میں آسٹریلیا کے خلاف ون ڈے میچ میں آفریدی کی گیند چبانے کی تصویر اپ لوڈ کرتے ہوئے ہنسنے والے ایمو جی کے ساتھ’چیف سلیکٹر’ لکھا۔


    تاہم دانش کنیریا کے طنزیہ ٹوئٹ پر جہاں سوشل میڈیا صارفین نے انہیں آڑے ہاتھوں لیا وہیں اداکار ومیزبان فہد مصطفیٰ بھی سابق کپتان کی حمایت میں بول پڑے۔

    فہد مصطفیٰ نے سوشل میڈیا پر آفریدی کے خلاف ٹوئٹ کرنے پر دانش کنیریا کو کرا جواب دیتے ہوئےلکھا کہ آفریدی آپ کی طرح فکسر نہیں ہیں ۔

    واضح رہے کہ 2010 میں دورہ آسٹریلیا کے دوران ون ڈے میچ میں قومی ٹیم کے کپتان شاہد آفریدی کو فیلڈنگ کے دوران گیند کو دانتوں کے ساتھ چباتے ہوئے دیکھا گیا تھا آفریدی کے اس عمل پر ایکشن لیتے ہوئے آئی سی سی کی جانب سے بال ٹیمپرنگ کے الزام میں شاہد آفریدی پر 2 ٹی ٹوئنٹی میچز کی پابندی لگائی گئی تھی-

    قومی ٹیم کے کپتان نے 16 برس بعد محمد یوسف کا ریکارڈ توڑ دیا

    یاد رہے کہ انگلش کرکٹ بورڈ نے 2012 میں دانش کنیریا کو کرکٹر ویسٹ فیلڈ کو فکسنگ پر اُکسانے کے جرم میں تاحیات پابندی عائد کی تھی فکسنگ کیس میں تاحیات پابندی کے بعد قومی کرکٹ ٹیم کے سابق لیگ اسپنر دانش کنیریا نے 6 سال بعد غلطی کا اعتراف کیا تھا۔

    دانش کنیریا نے کہا کہ ویسٹ فیلڈ دولت کمانا چاہتا تھا اور میرا فرض تھا کہ اسے خبردار کرتا لیکن میں نے ایسا نہیں کیا اور میں نے جان بوجھ کر میرون ویسٹ فیلڈ کو مشکوک شخص انوبھٹ سے ملوایا۔

    دانش کنیریا نے معافی مانگتے ہوئے کہا کہ میں اپنے تمام مداحوں، پاکستانیوں اور ایسیکس کاؤنٹی کے ساتھیوں سے معذرت خوا ہوں، میں اپنی غلطی پر شرمندہ ہوں اور جو کچھ ہوا اس پر مجھے سخت ندامت ہے-

    ورلڈ کپ 2023،بھارت جانے کی اجازت حکومت دیگی تو ٹیم بھیجیں گے،نجم سیٹھی

  • آئی ایم ایف کے کچھ مطالبات عوام کے لیے ناقابل برداشت ہیں،وفاقی وزیر احسن اقبال

    آئی ایم ایف کے کچھ مطالبات عوام کے لیے ناقابل برداشت ہیں،وفاقی وزیر احسن اقبال

    اسلام آباد: وفاقی وزیر برائے منصوبہ بندی احسن اقبال کا کہنا ہے کہ آئی ایم ایف کے کچھ مطالبات عوام کے لیے ناقابل برداشت ہیں-

    باغی ٹی وی : نجی خبررساں ادارے کے پروگرام میں گفتگو کرتے ہوئے احسن اقبال نے کہا کہ آئی ایم ایف پروگرام کے ساتھ چلنا ہے لیکن آئی ایم ایف کے کچھ مطالبات عوام کے لیے ناقابل برداشت ہیں آئی ایم ایف سے شرائط نرم کرنےکی کوشش کررہے ہیں۔

    عمران خان نے واپس آنا سیاسی جماعتوں کے پاس ہی ہے،خواجہ سعد رفیق

    احسن اقبال کا کہنا تھا کہ ملک میں دہشتگردی پی ٹی آئی حکومت گھسا کر گئی، ٹی ٹی پی سے بات چیت پی ٹی آئی کے دور میں ہوئی اور انہیں خیبرپختونخوا میں داخلہ دیا گیا لیکن ہم ماضی کی طرح دوبارہ دہشتگردی کا قلع قمع کریں گے۔

    انہوں نے مزید کہا کہ الیکشن نئی حلقہ بندیوں کے بعد اکتوبر میں ہوں گے۔

    قبل ازیں گزشتہ روز وفاقی وزیر ریلوے خواجہ سعد رفیق نے کہا تھا کہ ہم صرف کاغذوں میں آزاد ہوئے ہیں ہمیں آئین اور قانون کی بات کرنی چاہیے،ہم اپنی ہر ناکامی کاالزام اسٹیبلشمنٹ پر نہیں لگا سکتے ،جنہوں نے ملک میں مارشل لا لگایا انہوں نے جرم کیا ،سیاسی جماعتیں کیوں خود اپنے پاوں پر کھڑی نہیں ہونا چاہتیں ،کسی بھی سیاسی جماعت میں جمہوریت نہیں ہے،نظریہ ضرورت کے تحت متنازعہ فیصلے کیے جاتے ہیں-

    سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    انہوں نے کہا تھا کہ 22کروڑ کاملک ایک دوسرے سے بدلے لینے کیلئے نہیں بنا،جھوٹ ہی جھوٹ کیا یہ ہے نیا پاکستان ؟عمران خان اور ان کے لانے والوں سے سوالات تو ہونگے سیاسی جماعتیں رحم کریں، جماعتوں میں الیکشن کروائیں، عدم اعتماد کی تحریک کو اون کرتے ہیں

    سعد رفیق کا کہنا تھا کہ اقتدار میں رہنے کی دلچسپی ختم ہوگئی ہے،ذمہ داری اب سیاستدانوں پر 100فیصد پڑگئی ہے،سمجھ نہیں آتی کہ عمران خان کو اب کس بات کاڈر ہے،ملک کو ترقی کی طرف لے جانا کیا نوازشریف کا قصورتھا ؟عمران خان نے واپس آنا سیاسی جماعتوں کے پاس ہی ہے-

    وفاقی وزیر نے کہا تھا کہ یہ بڑی خوش بختی ہے کہ ایک اتحادی حکومت بنی ہے اب سیاست دانوں پر ذمہ داری 100فیصد پڑ گئی ہے اگلوں نے ثابت کردیا ہے ہم غیر سیاسی ہیں، خان صاحب جمہوریت اور سیاست کی ریڈ لائن کراس نہ کریں خان صاحب آنا آپ نے ہمارے پاس ہی ہے لیکن آئیں گے آپ ٹکریں کھا کر ، عمران خان صاحب آپ کہتے ہیں کسی کی عیب جوئی نہیں کرنی چاہیے آپ کو اب یاد آیا ہے بیٹی کو باپ کے سامنے پکڑتے تھے-

    چوہدری سالک حسین مسلم لیگ ق کے سینیئرنائب صدر مقرر

  • ترک کرنسی کی قدر میں کمی،ایک ڈالر 18.75 لیرا کا ہوگیا

    ترک کرنسی کی قدر میں کمی،ایک ڈالر 18.75 لیرا کا ہوگیا

    ترکی کے لیرا کی قدر میں پیر کوڈالر کے مقابلے ریکارڈ کمی واقع ہوئی ہے-

    باغی ٹی وی : غیر ملکی میڈیا کے مطابق انقرہ حکومت نے رواں سال شرح مبادلہ کو سختی سے کنٹرول کرنے کی پالیسی پرعمل کیا ہے لیکن اس کے باوجود لیرا کی قدر میں کمی کا سلسلہ جاری ہے ایک ڈالر 18.75 لیرا کا ہوگیا ہے اس طرح اس سال کے دوران میں لیرا کی قدرمیں قریباً 30 فی صد تک کمی واقع ہوچکی ہے۔

    امریکی ڈالر کی قدر میں اضافے کا سلسلہ جاری

    پیر کو گرینچ معیاری وقت 0518 جی ایم ٹی تک لیراکی قدر میں جمعہ کے مقابلے میں 0۰35 فی صد کمی واقع ہوئی تھی۔جمعہ کو ایک ڈالر کے مقابلے میں لیرا کا 18۰6850پر کاروباربند ہواتھا۔

    2021ء میں لیراکی قدر میں 44 فی صد کمی واقع ہوئی تھی اور یہ افراطِ زر میں اضافے کے بعدغیرروایتی شرح تبادلہ کا نتیجہ تھا۔ترکی نے ڈالر کے مقابلے میں لیرا کوگرنے سے بچانے کے لیے ایک اسکیم بھی متعارف کرائی تھی۔

    سونے کی فی تولہ قیمت میں ایک بار پھر معمولی اضافہ

    اس اسکیم کی وجہ سے کرنسی پالیسی فیصلوں پر کم رد عمل کا اظہارکرتی ہے جوکرنسی کی قدر میں کمی ، انقرہ کی مارکیٹ میں بالواسطہ غیرملکی زرمبادلہ کی فروخت اورمعیشت میں کریڈٹ کے خلاف لیرا کے ذخائر کی حفاظت کرتی ہے۔

    اس سال ایک اورنرمی کے چکرکے باوجود اگست کے بعد سے لیرانسبتاً مستحکم رہا ہے اور85 فی صد کے قریب افراطِ زر کے باوجود پالیسی کی شرح 500 بیس پوائنٹس کم ہوکر9 فی صد ہوگئی ہے۔

    پاک سوزوکی نے بھی اپنا پلانٹ بند کردیا