وزیراعظم شہباز شریف نے سکھر حیدرآباد موٹروے کا سنگِ بنیاد رکھ دیا۔
باغی ٹی وی : وزیراعظم شہباز شریف موٹروے ایم 6 کا سنگ بنیاد رکھنے سکھر پہنچے جہاں وفاقی وزیر اطلاعات مریم اورنگزیب، وفاقی وزیر مواصلات مولانا اسعد محمود، وزیر منصوبہ بندی احسن اقبال، وزیر آئی ٹی امین الحق، قمر زمان کائرہ اور وزیراعلیٰ سندھ بھی ان کے ہمراہ تھے۔
سکھر پہنچنے پر سکھر ایئر پورٹ پر وفاقی وزیرِ آبی وسائل سید خورشید شاہ اور وزیرِ اعلی سندھ سید مراد علی شاہ نے وزیر اعظم اور انکے ہمراہ وفد کا استقبال کیا-
وزیراعظم نے وفاقی وزرا اور وزیراعلیٰ سندھ کے ہمراہ منصوبے کا سنگ بنیاد رکھا۔
این ایچ اے حکام کے مطابق 306 کلومیٹر کے ایم 6 منصوبے پر 3 کھرب 7 ارب روپے کا تخمینہ لگایا گیا ہے۔
پشاور کراچی موٹروے (PKM) کے اس آخری حصے کی تعمیر کے بعد پاکستان کے تمام بڑے اور اہم شہر موٹروے سے منسلک ہوجائیں گے-
اس موقع پر خطاب کرتے ہوئے وزیر اعظم شہباز شریف نے کہا کہ سکھر حیدرآباد موٹروے سے ملک بھرکے شہر منسلک ہوں گے، موٹر وے کے منصو بے سے زمینی فاصلے کم ہوجائیں گے ،آج خوشی کا موقع ہے وہ منصوبہ جوتاخیر کا شکار تھا اس کا سنگ بنیاد رکھ دیاگیا ،سکھر حیدرآباد موٹروے کا سنگ بنیاد کیوں نہیں رکھا گیا وجوہات بتانے کے لیے موقع مناسب نہیں –
انہوں نے کہا کہ سکھر حیدرآباد موٹروے کا منصوبہ 30ماہ میں مکمل ہوجائے گا،سکھر حیدرآباد موٹروے میں طویل تاخیر کی وجہ بتادی تو رنگ میں بھنگ پڑ جائے گا،سکھر حیدرآباد موٹروے کے سنگ بنیا دکی ذمہ داری مخلوط حکومت کے حصے میں ذمہ داری آئی،منصوبے سے سکھر کراچی حیدرآباد کے عوام کو بے پناہ فائدہ ہوگا-
وزیر اعظم شہباز شریف نے کہا کہ موٹروے بہترین معیار کا ہوگا جس طرح ملک کے دیگر موٹرویز ہیں، سکھر حیدرآباد موٹروے 306 کلومیٹر 307 ارب روپے کی لاگت سے یہ مکمل ہوگا،سکھر حیدرآباد موٹروے منصوبہ پبلک پرائیویٹ پارٹنر اسے مکمل کرے گا،سکھر حیدرآباد موٹروے منصوبے پرمراد علی شاہ کو مبارک دیتاہوں-
انہوں نے کہا کہ ملک کے باقی منصوبوں میں پبلک پرائیویٹ پارٹنر شپ کو پروموٹ کرنے کو ترجیح دی جائے ،خورشید شاہ علیل ہیں ،ان کی صحت کےلیے دعا کریں، وہ سندھ کی شان ہیں،بلوچستان ملک کا اہم صوبہ ہے، اس کی ترقی کےبغیر پاکستان کی ترقی نامکمل ہے،میں نے گوادر پورٹ کے کام کو آگے بڑھانے کا کہا تو کہا گیا کہ خرچہ بڑھے گا-
وزیر اعظم شہباز شریف نے کہا کہ فریٹ کاسٹ بڑھنے کا کہا گیا میں نے کہا کہ اسی بنیاد پر ہم صوبے کو نظر انداز کر دیں گے،افسر شاہی کو اس سے کوئی غرض نہیں کہ ان صوبوں کو بھی آگے لے کر بڑھنا ہے،میں نے کہا کارٹلز نہیں چاہتے کہ اس صوبے میں ترقی ہو،گندم کی قیمتیں لیں، سب سے کم بولی دینے والے سے بھی ہم نے بات کی-
وزیر اعظم شہباز شریف نے کہا کہ بطور وزیر اعظم میرے نزدیک پاکستان کی ترقی پسماندہ علاقوں کی ترقی سے جڑی ہے اچھی عادت ہے یا بری ،میں مجبور ہوں ،معیار کا معائنہ کرنے اچانک پہنچ جاتاہوں ،معیار پر کوئی سمجھوتہ نہیں ہوگا-
وزیر اعظم شہباز شریف نے کہا کہ دادو، کمبر شہداد کوٹ میں پانی کھڑا ہے، بے پناہ کام کیا گیا، دادو، کمبر شہداد کوٹ میں بے پناہ کام باقی ہے، ابھی بھی لاکھوں لوگ بےسروسامان ہیں،اگلےہفتےسیلابی علاقوں میں جائیں گےسیلاب زدگان کے لیے بہت کچھ کریں گے،سیلاب متاثرین کے لیے جو بس میں ہوا کریں گے، اکیلا نہیں چھوڑیں گے، گھروں کی تعمیر کریں گے آخری وسائل اور پیسے متاثرین کے قدموں میں نچھاور کریں گے،کشتی کو خوشحالی اور ترقی کے کنارے پر لگائیں گے-
