Baaghi TV

Author: Ayesha Rehmani

  • صوبائی وزیر سے مسلح افراد موبائل فون اور نقدی چھین کر فرار

    صوبائی وزیر سے مسلح افراد موبائل فون اور نقدی چھین کر فرار

    کوئٹہ: بلوچستان کے پارلیمانی سیکریٹری برائے اقلیتی امور سنجے کمار سے مسلح افراد نے ڈکیتی کر کے موبائل فون اور نقدی چھین لی اور موقع سے فرار ہو گئے۔

    واقعے کے حوالے سے سنجے کمار نے بتایا کہ حملہ آوروں کی تعداد تقریباً 15 کے قریب تھی، جنہوں نے اچانک انہیں گھیر کر واردات کی، ملزمان اسلحے سے لیس تھے اور مختصر وقت میں ڈکیتی کرکے فرار ہونے میں کامیاب ہو گئے خوش قسمتی سے واقعے میں کوئی جانی نقصان نہیں ہوا، تاہم واقعے کے بعد علاقے میں خوف و ہراس پھیل گیا۔

    پولیس نے اطلاع ملتے ہی موقع پر پہنچ کر شواہد اکٹھے کیے اور ملزمان کی تلاش شروع کر دی ہے، حکام کا کہنا ہے کہ واقعے کی مکمل تحقیقات کی جا رہی ہیں اور جلد ملزمان کو گرفتار کر لیا جائے گا،پولیس نے علاقے میں ناکہ بندی بھی کر دی ہے تاکہ ملزمان کی گرفتاری ممکن بنائی جا سکے۔

    ملک بھر سے 40 ماحولیاتی نمونوں میں پولیو وائرس کی تصدیق

    ، پنجاب میں لوگ بے خوف ہو کر گھروں میں رہتے اور سفر کرتے ہیں، طلال چودھری

    امریکہ .گرین لینڈ معاملہ :ٹرمپ نے ساتھ نہ دینے والے ممالک پر 10 فیصد ٹیرف عائد کر دیا

  • ملک بھر سے 40 ماحولیاتی نمونوں میں پولیو وائرس کی تصدیق

    ملک بھر سے 40 ماحولیاتی نمونوں میں پولیو وائرس کی تصدیق

    دسمبر 2025 میں ملک بھر میں 40 ماحولیاتی نمونوں میں پولیو وائرس کی تصدیق ہوئی۔

    رپورٹ کے مطابق ملک بھر سے 127 سیوریج نمونے ٹیسٹ کیے گئے جن میں سے 87 منفی نکلے، سندھ میں 23 ماحولیاتی نمونوں میں پولیو وائرس پایا گیا، خیبر پختونخوا میں 8، پنجاب میں 6 ماحولیاتی نمونے مثبت نکلے،علاوہ ازیں بلوچستان میں 2، اسلام آباد میں ایک ماحولیاتی نمونے میں پولیو وائرس کی تصدیق ہوئی آزاد کشمیر اور گلگت بلتستان میں پولیو وائرس کی تصدیق نہیں ہوئی، 2025 میں پولیو کے کل 31 کیسز رپورٹ ہوئے ہیں۔

    ، پنجاب میں لوگ بے خوف ہو کر گھروں میں رہتے اور سفر کرتے ہیں، طلال چودھری

    امریکہ .گرین لینڈ معاملہ :ٹرمپ نے ساتھ نہ دینے والے ممالک پر 10 فیصد ٹیرف عائد کر دیا

    پنجاب بارکونسل الیکشن:اعظم نذیر تارڑ گروپ کو برتری،56 امیدوار کامیاب

  • ، پنجاب میں لوگ بے خوف ہو کر گھروں میں رہتے اور سفر کرتے ہیں، طلال چودھری

    ، پنجاب میں لوگ بے خوف ہو کر گھروں میں رہتے اور سفر کرتے ہیں، طلال چودھری

    گوجرہ: وفاقی وزیر مملکت برائے داخلہ طلال چودھری نے کہا ہے کہ پنجاب میں کوئی کچے یا پکے کا ڈاکو نہیں بلکہ جو بھی جرم کرتا ہے وہ قانون کی گرفت میں آتا ہے-

    وفاقی وزیر مملکت برائے داخلہ طلال چودھری نے تقریب سے خطاب کرتے ہوئے کہا کہ پنجاب اس وقت ترقیاتی کاموں میں ملک کے دیگر صوبوں سے آگے ہے، پنجاب میں کوڑا کرکٹ باقاعدگی سے لوگوں کے گھروں سے اٹھایا جاتا ہے، جبکہ کراچی، پشاور اور کوئٹہ میں یہ صورتحال نظر نہیں آتی۔

    انہوں نے کہا کہ پنجاب میں کوئی کچے یا پکے کا ڈاکو نہیں بلکہ جو بھی جرم کرتا ہے وہ قانون کی گرفت میں آتا ہے صوبے کے ہر علاقے میں کارپٹ سڑکوں کا جال بچھا ہوا ہے جو دیگر صوبوں میں موجود نہیں، پنجاب میں امن و امان کی صورتحال بہتر ہے اور لوگ بے خوف ہو کر گھروں میں رہتے اور سفر کرتے ہیں،موجودہ حکومت نے اپنی سیاست نہیں بلکہ ریاست بچانے کو ترجیح دی۔

    امریکہ .گرین لینڈ معاملہ :ٹرمپ نے ساتھ نہ دینے والے ممالک پر 10 فیصد ٹیرف عائد کر دیا

    انہوں نے دعویٰ کیا کہ پنجاب میں تھانے نہیں بکتے اور شہری بلاخوف سوشل میڈیا پر اپنی رائے کا اظہار کر سکتے ہیں، طلال چودھری نے اعتراف کیا کہ پی ڈی ایم کی حکومت کے دوران مہنگائی میں اضافہ ہوا، تاہم گزشتہ دو سے اڑھائی برسوں میں ملکی معاشی حالات میں نمایاں بہتری آئی ہے اور مستقبل میں مزید بہتری متوقع ہے،طلال چودھری نے عوام سے اپیل کی کہ وہ نعروں کے بجائے کارکردگی اور موازنہ کی بنیاد پر فیصلے کریں اور ووٹ دیں۔

    پنجاب بارکونسل الیکشن:اعظم نذیر تارڑ گروپ کو برتری،56 امیدوار کامیاب

  • امریکہ .گرین لینڈ معاملہ :ٹرمپ نے ساتھ نہ دینے والے ممالک پر 10 فیصد ٹیرف عائد کر دیا

    امریکہ .گرین لینڈ معاملہ :ٹرمپ نے ساتھ نہ دینے والے ممالک پر 10 فیصد ٹیرف عائد کر دیا

    واشنگٹن: امریکی صدر ڈونلڈ ٹرمپ نے گرین لینڈ کے معاملے پرامریکا کا ساتھ نہ دینے والے ممالک پر 10 فیصد ٹیرف عائد کرنے کا اعلان کردیا ہے۔

    میڈیا رپورٹس کے مطابق یکم جون کو ٹیرف میں 10 سے بڑھ کر 25 فیصد تک اضافہ ہو جائیگا، گرین لینڈ کی خریداری کیلئے معاہدہ ہونے تک ٹیرف نافذ رہے گا امریکی صدرنے واضح کیا ہے کہ جوممالک گرین لینڈ کے معاملے پرامریکی مؤقف کی حمایت نہیں کریں گے، انہیں اضافی تجارتی محصولات کا سامنا کرنا پڑے گا۔

    ٹرمپ کے مطابق فرانس، جرمنی، برطانیہ، نیدرلینڈزاورفن لینڈ کوگرین لینڈ کے معاملے پرامریکا کا ساتھ نہ دینے پر 10 فیصد ٹیرف عائد کیا جائیگا اس کے علاوہ ڈنمارک، ناروے اورسویڈن بھی امریکی ٹیرف کی زد میں ہوں گے،یہ فیصلہ امریکی مفادات کے تحفظ اورعالمی معاملات میں واشنگٹن کے مؤقف کو مضبوط بنانے کیلئے کیا گیا ہے، امریکا اپنے اسٹریٹجک اوراقتصادی مفادات پرکسی قسم کا سمجھوتہ نہیں کریگا، ٹیرف کا نفاذ یکم فروری سے عمل میں آئے گا۔

    پنجاب بارکونسل الیکشن:اعظم نذیر تارڑ گروپ کو برتری،56 امیدوار کامیاب

    تجزیہ کاروں کے مطابق اس فیصلے سے امریکا اور یورپی ممالک کے درمیان تجارتی اورسفارتی کشیدگی میں اضافہ ہو سکتا ہے جبکہ عالمی منڈیوں پر بھی اس کے اثرات مرتب ہونے کا امکان ہے۔

    دوسری جانب گرین لینڈ اور ڈنمارک میں امریکی صدر ڈونلڈ ٹرمپ کے خلاف مظاہرے کیے گئےگرین لینڈ کے دارالحکومت میں مظاہرین نے امریکی قونصل خانے کے سامنے احتجاج کیا جس میں بڑی تعداد میں شہریوں نے شرکت کی مظاہرین نے کہا کہ وہ امریکی صدر کی پالیسیوں اور بیانات کے خلاف احتجاج کر رہے ہیں، احتجاجی مظاہرے میں گرین لینڈ کے وزیراعظم نے بھی شرکت کی، جنہوں نے ٹرمپ مخالف جذبات کا اظہار کرتے ہوئے مظاہرین کے ساتھ یکجہتی کا اعلان کیا۔

    سولر پینل کی قیمتوں میں بڑا اضافہ

    اسی طرح ڈنمارک میں بھی ڈونلڈ ٹرمپ کے خلاف مختلف مقامات پر احتجاجی مظاہرے کیے گئے مظاہرین نے بینرز اور پلے کارڈز اٹھا رکھے تھے جس پر امریکی صدر کے خلاف نعرے درج تھے مظاہرین نے کہا کہ وہ عالمی سیاست میں امریکی پالیسیوں پر عدم اطمینان کا اظہار کر رہے ہیں اور مستقبل میں بھی ایسے مظاہرے جاری رکھے جائیں گے۔

  • پنجاب بارکونسل الیکشن:اعظم نذیر تارڑ گروپ کو برتری،56 امیدوار کامیاب

    پنجاب بارکونسل الیکشن:اعظم نذیر تارڑ گروپ کو برتری،56 امیدوار کامیاب

    لاہور: پنجاب بارکونسل کے حالیہ انتخابات میں اعظم نذیر تارڑ گروپ نے شاندار کامیابی حاصل کی، جہاں ان کے 56 امیدوار کامیاب ہوئے۔

    انتخابات کے بعد اعظم نذیر تارڑ اوراحسن بھون گروپ نے اکثریت کی بنیاد پرپنجاب بار کونسل کے لیے کابینہ منتخب کرلی ہےوفاقی وزیر قانون نے اعظم نذیر تارڑ کی قیادت کو مبارکباد دی اور ساتھ ہی وزیر قانون نے خواجہ قیصر کو وائس چیئرمین منتخب ہونے پر بھی مبارکباد پیش کی۔

    اعظم نذیر تارڑ نے کہا کہ وکلا برادری کے مسائل کے حل اور آئین و قانون کی بالادستی کے لیے پنجاب بار کونسل کا کردار انتہائی اہم ہے انہوں نےامید ظاہر کی کہ نومنتخب قیادت مؤثر اقدامات کرے گی اور وکلا کے حقوق اور مسائل کے حل میں پیش رفت ہوگی –

    پنجاب بار کونسل پاکستان کی سب سے بڑی بار کونسل ہے اور اس میں اکثریت حاصل کرنے سے وکلا برادری میں اہم اثر و رسوخ حاصل ہو گیا ہے یہ انتخابات وکلا برادری میں شفافیت اور جمہوری عمل کو فروغ دینے کی اہم مثال ہیں، اور توقع کی جا رہی ہے کہ نئی قیادت قانون اور انصاف کے شعبے میں مثبت کردار ادا کرے گی۔

  • سولر پینل کی قیمتوں میں بڑا اضافہ

    سولر پینل کی قیمتوں میں بڑا اضافہ

    ملک میں سولر پینلز کی قیمتوں میں اچانک اور نمایاں اضافے کا رجحان سامنے آ گیا ہے۔

    مقامی مارکیٹوں میں 585، 645 اور 720 واٹ کے حامل درآمدہ چینی سولر پینلز کی قیمتوں میں اوسطا پانچ ہزار روپے کا اضافہ ہو گیا ہےقیمتوں میں اضافے کے بعد 585 واٹ کے سولر پینل کی قیمت 16 سے 17 ہزار تک بڑھ کر 20 سے 21 ہزار، 645 واٹ ، کی قیمت 20 ہزار سے بڑھ کر 24 سے 25 ہزار جبکہ 720 واٹ کے پینل کی قیمت بڑھ کر 30 سے 35 ہزار روپے کی سطح پر آ گئی ہے۔

    عالمی سطح پر چاندی، تانبے کی قیمت میں اضافہ سولر کمپنیوں کی پیداواری لاگت میں اضافے کی وجہ بتائی جا رہی ہے، یہی وجہ ہے کہ گزشتہ 5 ماہ میں فی واٹ سولر پینل کی قیمت 22 روپے سے بڑھ کر 33 روپے کی سطح پر آ گئی ہے۔

  • پاکستان آسٹریلیا ٹی 20 سیریز،ٹکٹوں کی فروخت کا آغاز ہو گیا

    پاکستان آسٹریلیا ٹی 20 سیریز،ٹکٹوں کی فروخت کا آغاز ہو گیا

    پاکستان اور آسٹریلیا کے درمیان 3 میچوں پر مشتمل ٹی ٹوئنٹی سیریز کے ٹکٹوں کی فروخت کا آغاز ہو گیا-

    پاک آسٹریلیا ٹی 20 کرکٹ سیریز کے ٹکٹوں کی آن لائن فروخت شروع ہو گئی۔ جبکہ فیزیکل ٹکٹیں 19 جنوری بروز پیر سے دستیاب ہوں گی ٹکٹیں ملک بھر کے ٹی سی ایس ایکسپریس سینٹرز پر دستیاب ہوں گی،تینوں ٹی ٹوئنٹی میچز 29، 31 جنوری اور یکم فروری کو قذافی سٹیڈیم لاہور میں کھیلے جائیں گے۔ میچز شام 4 بجے شروع ہوں گے۔

    پہلے میچ کی وی آئی پی انکلوژرز کی ٹکٹ 800 روپے جبکہ باقی دونوں میں 1000 روپے رکھی گئی ہے پریمیم انکلوژرز کا ریٹ پہلے میچ میں 600 روپے ہو گا دوسرے اور تیسرے میچ میں پریمیم انکلوژرز کا ٹکٹ 700 روپے میں خریدا جا سکتا ہے۔

    فرسٹ کلاس انکلوژرز کا ٹکٹ 500 روپے پہلے اور 600 روپے کا باقی دو میچز میں ملے گا اسی طرح جنرل انکلوژرز کے ٹکٹ کا ریٹ 400 اور 500 روپے ہو گااقبال اینڈ کے وی آئی پی ٹکٹ کی قیمت 1500 اور 2000 روپے مقرر کی گئی ہے جناح اینڈ وی آئی کا ٹکٹ 2000 اور آخری دو میچوں میں 2500 روپے کا ہو گاہاسپیٹیلٹی گیلری کا ریٹ 5000 اور 6000 روپے رکھا گیا ہے، اقبال اینڈ کے 24 سیٹر ہاسپیٹیلٹی باکس میں ایک سیٹ پہلے میچ میں 20000 جبکہ آخری دو میچوں میں 25000 روپے میں خریدی جا سکتی ہے۔

  • اے ٹی ایم فراڈ میں ملوث منظم گروہ کے 5 ارکان گرفتار

    اے ٹی ایم فراڈ میں ملوث منظم گروہ کے 5 ارکان گرفتار

    وفاقی تحقیقاتی ایجنسی (این سی سی آئی اے) سائبر کرائم سرکل نے اے ٹی ایم فراڈ میں ملوث منظم گروہ کے 5 ارکان کو گرفتار کر لیا،جن میں مطلوب خاتون سمیت 2 خواتین بھی شامل ہیں۔

    این سی سی آئی اے کے مطابق گینگ کی مرکزی ملزمہ عاصمہ منہاج کو چنیوٹ سے گرفتار کیا گیا جس کی نشاندہی پر اسلام آباد کے علاقے مہرآبادی سے دیگر ارکان پکڑے گئے، کارروائی کے دوران کئی اے ٹی ایم ، ڈیبٹ کارڈز اوردیگر مواد برآمد کر لیا گیا۔

    این سی سی آئی اے کے مطابق آپریشن کے دوران کئی اے ٹی ایم اور ڈیبٹ کارڈز،دیگر مواد برآمد ہوئے، گروہ اے ٹی ایم بوتھس پر اے ٹی ایم کارڈ کی تبدیلی میں ملوث تھا ملزمان متاثرین کے بینک کھاتوں سے بھی نقد رقم نکالتے تھے جبکہ گرفتار ملزمہ پہلے سے اشتہاری اور کئی مقدمات میں مطلوب تھی نیٹ ورک کے خلاف کریک ڈاؤن جاری اور مزید گرفتاریاں متوقع ہیں۔

  • ملک میں نئے صوبوں کا قیام ناگزیر ہے،مصطفیٰ کمال

    ملک میں نئے صوبوں کا قیام ناگزیر ہے،مصطفیٰ کمال

    وفاقی وزیر صحت مصطفیٰ کمال کا کہنا ہے کہ ملک میں نئے صوبوں کا قیام ناگزیر ہے۔

    کراچی کے علاقے جیکب لائن میں ہیلتھ کیئر ڈیجیٹل سینٹر کی افتتاحی تقریب سے خطاب کرتے ہوئے مصطفیٰ کمال کا کہنا تھا کہ آج نہیں تو کل ملک میں انتظامی معاملات بہتر کرنے کے لیے صوبے بنانے ہی پڑیں گے، لیکن صوبے بنانے کے باوجود نچلی سطح تک اختیارات دینا بھی لازم ہوگا۔

    مصطفیٰ کمال کا کہنا تھا کہ پاکستان میں صحت کا مسئلہ صرف علاج نہیں بلکہ ناقص نظام اور بڑھتی آبادی ہے جس کی وجہ سے اسپتالوں پر دباؤ بڑھتا جا رہا ہے پاکستان میں ہر سال 61 لاکھ سے زائد بچوں کی پیدائش ہو رہی ہے مگر 4 لاکھ بچے آج بھی ویکسین سے محروم ہیں ماں اور بچے کی صحت پر توجہ نہ دینے کے باعث 40 فیصد بچے اسٹنٹڈ گروتھ کا شکار ہیں، جب تک ملک میں فرٹیلیٹی ریٹ 2 فیصد پر نہیں آئےگا تب تک ملک ترقی نہیں کرسکتا۔

    قومی اسمبلی میں پاکستان، عدلیہ اور فوج کیخلاف بات کرنے کی اجازت نہیں دوں گا، ایاز صادق

    بھارتی کرکٹر نے بالی ووڈ اداکارہ پر ہتک عزت کا مقدمہ دائر کردیا

    غزہ بورڈ آف پیس میں کون کونسے اراکین شامل ؟نام سامنے آگئے

  • قومی اسمبلی میں پاکستان، عدلیہ اور فوج کیخلاف بات کرنے کی اجازت نہیں دوں گا، ایاز صادق

    قومی اسمبلی میں پاکستان، عدلیہ اور فوج کیخلاف بات کرنے کی اجازت نہیں دوں گا، ایاز صادق

    اسپیکر قومی اسمبلی سردار ایاز صادق نے کہا ہے کہ قومی اسمبلی میں پاکستان، عدلیہ اور فوج کیخلاف بولنے کی اجازت نہیں دوں گا۔

    نیشنل کالج آف آرٹس (این سی اے) کے دورے کے موقع پر گفتگو کرتے ہوئے سپیکر قومی اسمبلی سردار ایاز صادق نے کہا کہ نیشنل کالج آف آرٹس ایک بہترین یونیورسٹی ہے این سی اے نے قومی سطح پر شہرت حاصل کر لی ہے، جس کے طلبہ بہت کچھ حاصل کر رہے ہیں۔ یہاں کے نوجوان طلبہ ریسرچ کے بعد کام کرتے ہیں جو تخلیقی ہوتا ہے۔

    سردار ایاز صادق نے کہا کہ وہ نہ حکومت میں ہیں اور نہ ہی اپوزیشن میں بلکہ بطور اسپیکر اپنا کردار ادا کریں گےاحتجاج ضرور کیا جا سکتا ہے بشرطیکہ اس میں آگ نہ لگائی جائے اور جانوں کا ضیاع نہ ہو توڑ پھوڑ، ڈنڈوں اور بندوقوں کی موجودگی تشویش کا باعث بنتی ہے اگر کوئی پاکستان کے خلاف بات کرے گا تو اسے گفتگو کی اجازت نہیں دی جائے گی۔

    بھارتی کرکٹر نے بالی ووڈ اداکارہ پر ہتک عزت کا مقدمہ دائر کردیا

    انہوں نے کہا کہ قومی اسمبلی میں عدلیہ اور ججز کے کردار پر بات کرنے کی اجازت نہیں دی جائے گی، اسی طرح افواج پاکستان کے خلاف بات بھی نہیں کرنے دی جائے گی اور صرف اسی گفتگو کی اجازت ہو گی جو آئین کے دائرے میں ہو وہ وزیر اعظم پاکستان سے مشاورت کرتے ہیں اور وزیر اعظم انہیں کسی چیز سے نہیں روکتےمحمود اچکزئی اپوزیشن سے تعلق رکھتے ہیں، تاہم جو کوئی بھی پاکستان کے خلاف بات کرے گا اسے اجازت نہیں دی جا ئے گی، پاکستان کی معیشت مضبوط ہوتی جا رہی ہے زرمبادلہ کے ذخائر 40 ارب ڈالر تک پہنچ گئے ہیں پاکستان کے امریکا، چین، روس، ترکی اور سعودی عرب کے ساتھ دوستانہ تعلقات ہیں ہر ملک میں مافیا ہوتے ہیں اور ان سے لڑنا عوام کا کام ہے۔

    بھارتی کرکٹر نے بالی ووڈ اداکارہ پر ہتک عزت کا مقدمہ دائر کردیا