Baaghi TV

Author: Ayesha Rehmani

  • برطانوی نائب وزیراعظم عہدے سےمستعفی

    برطانوی نائب وزیراعظم عہدے سےمستعفی

    برطانیہ کی نائب وزیراعظم اور لیبر پارٹی کی ڈپٹی لیڈر انجیلا رینر نے اپنے عہدوں سے استعفیٰ دے دیا ہے۔

    برطانوی خبرایجنسیوں اورمیڈیا رپورٹس کے مطابق،برطانوی وزیرِاعظم کیئر اسٹارمر کی قریبی ساتھی اور نائب وزیراعظم انجیلا رینرنے حالیہ دنوں میں ایک نئے گھرکی خریداری پر مکمل ٹیکس ادا نہ کرنے کا اعتراف کیا، جس کے بعد ان پرسیاسی وعوامی دباؤ بڑھ گیا وہ ہاؤسنگ سیکریٹری کے منصب کے ساتھ ساتھ لیبر پارٹی کی ڈپٹی لیڈر بھی تھیں۔

    انجیلا رینر پر الزام تھا کہ انہوں نے ایسٹ سسیکس میں فلیٹ خریدتے وقت درست اسٹامپ ڈیوٹی ٹیکس ادا نہیں کیا 8لاکھ پاؤنڈز مالیت کے اس فلیٹ پر انہوں نے 30 ہزار پاؤنڈز ٹیکس جمع کرایا، حالانکہ دوسری جائیداد ہونے کے سبب انہیں 70 ہزار پاؤنڈز ٹیکس دینا چاہیے تھا معاملہ کھلنے پر انہوں نے تسلیم کیا کہ انہوں نے جائیداد کی خرید و فروخت کے دوران واجب الادا اسٹیمپ ڈیوٹی اوردیگرمتعلقہ ٹیکسز کی مکمل ادائیگی نہیں کی تھی۔

    پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری

    اس معاملے کے منظرعام پرآنے کے بعد ان پر اپوزیشن اور میڈیا کی جانب سے شدید تنقید کی جا رہی تھی، انہوں نے کہا کہ وہ نہیں چاہتیں کہ ان کی ذاتی غلطیوں کی وجہ سے حکومت یا پارٹی کی ساکھ کو نقصان پہنچے، اسی لیے وہ اپنے دونوں عہدوں سے مستعفی ہو رہی ہیں۔

    وزیراعظم کے مشیر برائے اخلاقی امور سر لاری میگنس کی رپورٹ موصول ہونے کے بعد رینر نے مستعفی ہونے کا اعلان کیا اس سے قبل کنزرویٹو رہنما کیمی بیڈناخ سمیت حزبِ مخالف کے کئی رہنماؤں نے ان کے استعفے کا مطالبہ کیا تھا۔

    لیبرپارٹی کے رہنماؤں نے ان کے فیصلے کو مشکل مگر اصولی قراردیا ہے، پارٹی کے قائد نے کہا کہ انجیلا نے ہمیشہ ایمانداری اورعوامی خدمت کو مقدم رکھا اوران کا استعفیٰ ان کی سیاسی دیانتداری کی علامت ہے،ان کے استعفے کے بعد لیبر پارٹی میں قیادت کے نئے ڈپٹی لیڈر کی تلاش کا عمل جلد شروع کیا جائے گا۔

    سونے کی قیمتوں میں اضافے کا سلسلہ جاری

    انجیلا رینر کا استعفیٰ لیبر حکومت کے لیے بڑا دھچکا قرار دیا جارہا ہے صرف 14 ماہ قبل اقتدار میں آنے والی اسٹرمر حکومت کو اب ڈپٹی لیڈر کے انتخاب اور نئے ہاؤسنگ سیکریٹری کی تقرری جیسے اہم فیصلوں کا سامنا ہےتجزیہ کاروں کے مطابق اگر ڈپٹی لیڈر کے عہدے پر بائیں بازو کا امیدوار منتخب ہوا تو یہ اسٹارمر کے لیے مزید مشکلات پیدا کر سکتا ہےپارٹی کے اندر یہ بحث بھی چل رہی ہے کہ آیا ڈپٹی لیڈر کو دوبارہ ڈپٹی وزیرِاعظم نامزد کیا جائے گا یا نہیں، بعض ذرائع کا کہنا ہے کہ کیئر اسٹارمر کابینہ میں وسیع ردوبدل پر بھی غور کرسکتے ہیں۔

    پاک بحریہ کے ڈی جی پی آر کموڈور احمد حسین کی رئیر ایڈمرل کے عہدے پر ترقی

  • انڈیکس 154,000 کی سطح عبور کر گیا

    انڈیکس 154,000 کی سطح عبور کر گیا

    اسٹاک ایکسچینج میں زبردست تیزی، انڈیکس 154,000 کی سطح عبور کر گیا-

    پاکستان اسٹاک ایکسچینج میں جمعہ کے روز بھی تیزی کا رجحان برقرار رہا، جبکہ مثبت معاشی اشاریوں اور سرمایہ کاروں کے پراعتماد رویے نے مارکیٹ کو نئی بلندیوں پر پہنچا دیا،بینچ مارک کے ایس ای 100 انڈیکس 1,545 پوائنٹس اضافے کے ساتھ 154,211 کی سطح پر پہنچ گیا۔

    سب سے زیادہ دلچسپی سیمنٹ، کمرشل بینکنگ، آئل اینڈ گیس ایکسپلوریشن، او ایم سیز، پاور جنریشن اور ریفائنری کے حصص میں دیکھی گئی، انڈیکس کو سہارا دینے والے بڑے حصص میں اے آر ایل، حبکو، او جی ڈی سی، پی او ایل، پی پی ایل، پی ایس او، ایچ بی ایل، ایم سی بی، میزان بینک اور این بی پی شامل رہے۔

    سونے کی قیمتوں میں اضافے کا سلسلہ جاری

    اسٹاک ماہرین کے مطابق مارکیٹ رواں سال میں 30 فیصد اور گزشتہ 2 برسوں میں تقریباً 4 گنا بڑھی ہے، توقع ہے کہ کارپوریٹ سیکٹر کے منافع میں 8 تا 10 فیصد اضافہ ہوگا اور ڈیوڈنڈ ییلڈ بھی 8 فیصد رہے گی،تاہم انہوں نے خبردار کیا کہ کمزور معاشی حالات یا ماحولیاتی چیلنجز اس رجحان کو متاثر کر سکتے ہیں۔

    گزشتہ روز یعنی جمعرات کو بھی پاکستان اسٹاک ایکسچینج میں ریکارڈ ساز تیزی دیکھی گئی تھی اور انڈیکس 152,665 پوائنٹس پر بند ہوا تھا، جو اب تک کی بلند ترین سطح ہے۔

    پاک بحریہ کے ڈی جی پی آر کموڈور احمد حسین کی رئیر ایڈمرل کے عہدے پر ترقی

  • سونے کی قیمتوں میں اضافے کا سلسلہ جاری

    سونے کی قیمتوں میں اضافے کا سلسلہ جاری

    آج بھی سونا مہنگا ہو کر ملکی تاریخ میں بلند ترین سطح پر پہنچ گیا۔

    کاروباری ہفتے کے پانچویں روز فی تولہ سونا 1200 روپےمہنگا ہوکر نئی تاریخی بلندی پرپہنچ گیا،فی تولہ سونے کی نئی قیمت 3لاکھ 77ہزار900 روپے ہو گئی،10گرام سونا 1ہزار29 روپےمہنگا ہوکر 3لاکھ 23ہزار988 روپےکا ہوگیا۔دوسری جانب عالمی بازار میں سونے کا بھاؤ 12 ڈالر اضافے سے 3552 ڈالر فی اونس پر پہنچ گیا۔

    عالمی سطح پر معاشی بے یقینی اور جغرافیائی تنازعات کے باعث سونے کی منڈی میں ریکارڈ تیزی دیکھنے میں آ رہی ہے،ماہرین کے مطابق سرمایہ کار ایسے حالات میں زیادہ تر محفوظ اثاثوں کی تلاش کرتے ہیں اور سونا ہمیشہ سے ان کی اولین ترجیح رہا ہے آسٹریلیا میں کے سی ایم ٹریڈ کے چیف مارکیٹ اینالسٹ ٹم واٹرر کا کہنا ہے کہ ’’مالیاتی منڈیاں غیر یقینی کو پسند نہیں کرتیں، اور ایسے حالات میں سرمایہ کاروں کے لیے سونا سب سے موزوں آپشن بن جاتا ہے۔

    پاک بحریہ کے ڈی جی پی آر کموڈور احمد حسین کی رئیر ایڈمرل کے عہدے پر ترقی

    گزشتہ دو برسوں کے دوران سونے کی قیمت میں غیر معمولی اضافہ دیکھا گیا ہے۔ یوکرین اور غزہ کی جنگوں کے ساتھ ساتھ امریکی صدر ڈونلڈ ٹرمپ کی تجارتی پالیسیوں نے عالمی ماحول کو مزید غیر یقینی بنا دیا، جس کے نتیجے میں سرمایہ کاروں نے بڑی تعداد میں سونے کا رخ کیا،سونا نہ صرف اپنی مستحکم حیثیت کے باعث سرمایہ کاروں کو بھاتا ہے بلکہ وہ افراد بھی اسے ترجیح دیتے ہیں جو حکومتوں اور مالیاتی اداروں پر مکمل اعتماد نہیں رکھتے،ماہرین کہتے ہیں ڈالر کمزور ہوتا ہے تو سونے کی قیمت بڑھتی ہے، اور جب ڈالر مضبوط ہو تو سونے کی طلب میں کمی آتی ہے۔

    اوکاڑہ:اولمپئن مظہر ساہی کا گورنمنٹ کالج کا دورہ، کالج کی بہتری کے لیے اہم اعلانات

  • پاک بحریہ کے ڈی جی پی آر کموڈور احمد حسین کی رئیر ایڈمرل کے عہدے پر ترقی

    پاک بحریہ کے ڈی جی پی آر کموڈور احمد حسین کی رئیر ایڈمرل کے عہدے پر ترقی

    پاک بحریہ کے ڈائریکٹر جنرل پبلک ریلیشنز کموڈور احمد حسین ستارہ امتیاز (ملٹری) کو رئیر ایڈمرل کے عہدے پر ترقی دیدی گئی۔

    پاک بحریہ کے ترجمان کے مطابق ریئر ایڈمرل احمد حسین اپنے شاندار کیریئر کے دوران مختلف تقرریوں کا وسیع تجربہ رکھتے ہیں۔ اس وقت وہ ڈائریکٹر جنرل پبلک ریلیشنز (نیوی) کے فرائض سرانجام دے رہے ہیں،ریئر ایڈمرل احمد حسین جہازوں کی کمانڈ سمیت بحرین میں کمبائنڈ ٹاسک فورس 151 کی کمان بھی کر چکے ہیں،انہوں نے پاک بحریہ اور عوام کے درمیان شفافیت اور رابطے کو برقرار رکھنے میں اہم کردار ادا کیا ہے۔ ان کی اعلیٰ خدمات کے اعتراف میں ستارہ امتیاز (ملٹری) سے نوازا جا چکا ہے۔

    اوکاڑہ:اولمپئن مظہر ساہی کا گورنمنٹ کالج کا دورہ، کالج کی بہتری کے لیے اہم اعلانات

    علیمہ خان کو انڈا پھینک کر مارنے کا واقعہ، پولیس کا بیان سامنے آ گیا

    نارنگ منڈی: سرکاری ہسپتال نااہل ٹھیکیداروں کے حوالے، شہریوں کا احتجاج

  • علیمہ خان کو انڈا پھینک کر مارنے کا واقعہ، پولیس کا بیان سامنے آ گیا

    علیمہ خان کو انڈا پھینک کر مارنے کا واقعہ، پولیس کا بیان سامنے آ گیا

    علیمہ خان پر انڈا پھینکنے کا واقعہ پیش آیا، عمران خان ہی کی جماعت پی ٹی آئی سے تعلق رکھنے والی خواتین نے مارا تھا۔

    بانی پی ٹی آئی کی بہن علیمہ خان کو میڈیا سے گفتگو کے دوران انڈا پھینک کر مارنے کا واقعہ پیش آیا، جس پر پولیس نے کا بیان سامنے آ گیا ہے،اڈیالہ جیل کے قریب داہگل کے مقام پر میڈیا کے نمائندوں سے گفتگو کے دوران علیمہ خان پر انڈا پھینک کر مارا گیا، اس موقع پر پولیس نے 2 مشتبہ خواتین کو حراست میں لیا جب کہ علیمہ خان صحافیوں کے سوالات لیے بغیر ہی واپس روانہ ہو گئیں۔

    بعد ازاں ترجمان راولپنڈی پولیس کی جانب سے بیان جاری کیا گیا، جس میں انکشاف کیا گیا ہے داہگل کے مقام پر پریس کانفرنس کے دوران علیمہ خان پر انڈا پھینکنے کا واقعہ پیش آیا، جو حیران کن طور پر عمران خان ہی کی جماعت پی ٹی آئی سے تعلق رکھنے والی خواتین نے مارا تھا۔

    پولیس کے مطابق کے پی سے آل گورنمنٹ ایمپلائزگرینڈ الائنس اور آل پاکستان کلرک ایسوسی ایشن کے افراد اپنے مطالبات کے سلسلے میں احتجاج کرنے آئے تھے، اس موقع پر خواتین کے سوالات پر علیمہ خان کی جانب سے جواب نہ دینے پر انڈہ پھینکنے کا واقعہ پیش آیا، جس میں ملوث خواتین کو پولیس نے تحویل میں لے لیا ہے۔

  • نیپال میں فیس بک، یوٹیوب اور ایکس بند کرنے کا اعلان

    نیپال میں فیس بک، یوٹیوب اور ایکس بند کرنے کا اعلان

    نیپال کی حکومت نے بڑے سوشل میڈیا پلیٹ فارمز جیسے فیس بک، انسٹاگرام، یوٹیوب اور ایکس تک رسائی بند کرنے کا اعلان کر دیا ہے۔

    حکام کا کہنا ہے کہ ان کمپنیوں نے لازمی رجسٹریشن کے تقاضے پورے نہیں کیے،وزارتِ مواصلات کے ترجمان گجیندرا کمار ٹھاکر کے مطابق جن پلیٹ فارمز نے رجسٹریشن نہیں کرائی، ان کی سروسز فوری طور پر بند کر دی جائیں گی،حکومت نے ان کمپنیوں کو مقامی نمائندہ اور شکایات کے ازالے کے لیے رابطہ کار مقرر کرنے کی ہدایت دی تھی۔

    وزیرِ مواصلات پرتھوی سبا گرونگ نے کہا کہ کمپنیوں کو بار بار موقع دیا گیا مگر انہوں نے تعاون نہیں کیا، جس کے بعد یہ قدم اٹھانا پڑاابھی صرف چند پلیٹ فارمز جیسے ٹک ٹاک اور وائبر نے رجسٹریشن مکمل کی ہے جبکہ باقی کمپنیوں نے حکم نظر انداز کیا،جبکہ،ڈیجیٹل رائٹس نیپال کے صدر بھولا ناتھ دھنگانا نے حکومت کے اقدام پر تنقید کرتے ہوئے کہا کہ اچانک بندش عوام کے بنیادی حقوق کو متاثر کرتی ہے۔

    سپریم کورٹ میں انتظامی سائیڈ پر فل کورٹ اجلاس 8 ستمبر کو طلب

    واضح رہے کہ اس سے قبل بھی نیپال نے آن لائن فراڈ کے باعث ٹیلی گرام اور دیگر ایپس پر پابندیاں لگائی تھیں،دنیا کے کئی ممالک سوشل میڈیا پر سخت قوانین لا رہے ہیں تاکہ غلط معلومات، سائبر کرائم اور سیکیورٹی خدشات پر قابو پایا جا سکے۔

    پنجاب میں بارشوں اور سیلاب کا خدشہ، ڈیرہ غازیخان میں رودکوہیوں پر فلیش فلڈنگ الرٹ

  • خواجہ آصف نے نئے صوبے بنانے کی حمایت کر دی

    خواجہ آصف نے نئے صوبے بنانے کی حمایت کر دی

    وزیر دفاع خواجہ آصف نے نئے صوبے بنانے کی حمایت کر دی-

    وزیر دفاع خواجہ آصف نے کہا کہ نئے صوبے بنانے کی بحث چل رہی ہے ، صوبے بنانے پر قومی بحث اچھی بات ہے ، قومی بحث کے بعد صوبوں سے متعلق فیصلہ ہونا چاہیے، ساری دُنیا صوبے بناتی ہےمُلک میں نئےصوبے بن جائیں توکوئی مضائقہ نہیں، بڑے ڈیم بنانے میں کم سے کم سات سال لگیں گے، سیلاب کا خدشہ ہر سال ہو گا-

    وفاقی وزیر کا کہناتھا کہ بڑے ڈیم بنانے پر تنازع چل رہا ہے، ہمیں چھوٹے ڈیم بنانے چاہیے جو جلدی ہوں گے اور زیادہ علاقہ کور کریں گے، آبی ذخائر تمام دنیا میں بنائے جاتے ہیں، بارانی علاقوں میں جہاں بارشیں آتی ہیں وہاں ڈیم بنانے چاہیں سیالکوٹ میں بنانےچاہیے، اگرماہرین ضروری سمجھتے ہیں تو بڑے ڈیم بنانے چاہیے،

    فیلڈ مارشل نے 78 سال میں معرکہ حق کی صورت میں فخر کرنے کا موقع دیا ،رانا ثنا اللہ

    دوسری،جانب،بھارتی ڈیمز میں پانی کی سطح میں مسلسل اضافہ ہو رہا ہے جس کے حوالے سے اہم تفصیلات سامنے آگئیں،ڈی جی پی ڈی ایم اے پنجاب عرفان علی کاٹھیا کا کہنا ہے کہ پی ڈی ایم اے پنجاب لمحہ بہ لمحہ تمام تر صورتحال کو مانیٹر کر رہا ہے۔

    پونگ ڈیم (بیاس) پر پانی کی سطح 1394.51 فٹ ہے اور سطح مسلسل بلند ہو رہی ہے۔ پونگ ڈیم میں پانی کی آمد 132,595 کیوسک اور اخراج 100,000 کیوسک ریکارڈ کیا جا رہا ہے،دریائے ستلج پر واقع بھاکرا ڈیم میں پانی کی سطح 1679 فٹ ہے، جو زیادہ سے زیادہ سطح کے قریب ہے، بھاکرا ڈیم میں پانی کی آمد 95,400 کیوسک اور اخراج 73,459 کیوسک ہے،ہریکے ہیڈ ورکس (ستلج و بیاس سنگم) پر پانی کی آمد 347,500 کیوسک ہے اور مسلسل اضافہ ہو رہا ہے۔ ہریکے ہیڈ ورکس سے پانی کا اخراج 330,677 کیوسک ہے اور بہاؤ میں اضافہ جاری ہے۔

    یمنی فوج کے میزائل حملے ، اسرائیل کا بن گوریون ایئرپورٹ بند

  • سموسے نہ کھلانے پر بیوی نے شوہر کی پٹائی کر دی

    سموسے نہ کھلانے پر بیوی نے شوہر کی پٹائی کر دی

    نئی دہلی: بھارتی ریاست اترپردیش میں سموسے نہ کھلانے پر بیوی نے شوہر کی پٹائی لگا دی۔

    غیر ملکی خبر رساں ایجنسی کے مطابق بھارتی ریاست اترپریش کے گاؤں میں بیوی سنگیتا نے اپنے شوہر سے سموسمہ کھلانے کی فرمائش کی۔ لیکن شوہر نے بیوی کو سموسہ نہ لا کر دیا،سموسہ نہ لاکر دینے پر بیوی اور اس کے گھر والوں نے شوہر کو تشدد کا نشانہ بنایا۔

    بیوی سنگیتا سموسہ نہ لاکر دینے پر اپنے شوہر شیوم سے ناراض ہو گئی اور اس نے اگلے روز اپنے گھر والوں کو شکایت کی جس پر سنگیتا کے والدین اور ماموں شیوم کو گاؤں کی پنچایت میں لے گئےسنگیتا کے گھر والوں نے پنچایت میں ہی شیوم کو تشدد کا نشانہ بنا ڈالا جس پر شیوم کی والدہ نے بہو سمیت اس کے گھر والوں کے خلاف تھانے میں شکایت درج کرا دی۔

    فیلڈ مارشل نے 78 سال میں معرکہ حق کی صورت میں فخر کرنے کا موقع دیا ،رانا ثنا اللہ

    مقامی پولیس کے مطابق شیوم کی والدہ کی شکایت پر مقدمہ درج کر لیا گیا ہے اور زخمی شوہر شیوم کو اسپتال لے جا کر طبی امداد فراہم کی گئی۔

    دوسری،جانب،بھارت میں ایک اوردلچسپ واقعہ پیش آیا جہاں ایک نوجوان نے گرل فرینڈ سے بات نہ ہونے پر پورے گاؤں کی بجلی معطل کردی نوجوان اپنی گرل فرینڈ سے فون پر بات کرنا چاہتا تھا، تاہم جب بار بار رابطہ کرنے کے باوجود لڑکی کا فون مصروف رہا تو وہ شدید برہم ہوگیا غصے میں آکر نوجوان بجلی کے کھمبے پر چڑھ گیا اور تاریں کاٹ کر پورے گاؤں کو اندھیرے میں دھکیل دیا۔

    پیوٹن سے ملاقات کے بعد کم جونگ کی کرسی کی صفائی کرکے ڈی این اے کے ثبوت مٹا دیئے گئے

    واقعے کی ویڈیو سوشل میڈیا پر وائرل ہوگئی جس میں واضح طور پر دیکھا جاسکتا ہے کہ کس طرح نوجوان نے کھمبے پر چڑھ کر بجلی بند کی صارفین اس ویڈیو پر دلچسپ تبصرے کررہے ہیں جبکہ بعض افراد نے نوجوان کے اس عمل کو انتہائی غیر ذمے دارانہ قرار دیا واقعے میں نوجوان یا لڑکی کی شناخت ظاہر نہیں کی گئی-

  • فیلڈ مارشل نے 78 سال میں معرکہ حق کی صورت میں فخر کرنے کا موقع دیا ،رانا ثنا اللہ

    فیلڈ مارشل نے 78 سال میں معرکہ حق کی صورت میں فخر کرنے کا موقع دیا ،رانا ثنا اللہ

    وزیراعظم کے مشیر رانا ثنا اللہ نے کہا ہے کہموسمیاتی تبدیلی پوری دنیا میں آرہی ہے، ستلج اور راوی خشک ہوچکے تھے وہاں پانی بہت آیا ہے، حکومت نے اس مرتبہ ٹیم ورک کیا ہے اس لیے جانی نقصان کم سے کم ہوا ہے-

    پنجاب اسمبلی میں میڈیا سے گفتگو کرتے ہوئے انہوں ںے کہا کہ موسمیاتی تبدیلی پوری دنیا میں آرہی ہے، ستلج اور راوی خشک ہوچکے تھے وہاں پانی بہت آیا ہے، حکومت نے اس مرتبہ ٹیم ورک کیا ہے اس لیے جانی نقصان کم سے کم ہوا ہے، حکومت کے تمام اداروں نے ایک ٹیم کے طور پر کام کیا ہے، لاکھوں افراد کو نکالا ہے اگر حکومت الرٹ نہ ہوتی تو نقصان بہت زیادہ ہوتاسول وار کی کوشش ہورہی ہے، 9مئی کو یہ کوشش ہوئی 24 اور 26 تاریخ کو بھی کوشش کی گئی، سول وار کی کسی صورت اجازت نہیں دی جاسکتی اس سے پاکستان کی سالمیت کو نقصان ہوسکتا ہے، کوئی بھی دھڑا ہو اس کو سختی سے روکنا چاہیے۔

    رانا ثنااللہ سے سوال کیا گیا کہ خواجہ آصف کس وجہ سے حکومت پر تنقید کررہے ہیں؟ جواب میں رانا ثنااللہ نے کہا کہ خواجہ آصف ہمارے سینیئر دوست ہیں، حنیف عباسی کو جو غلط فہمی ہوئی ہے وہ بیٹھ کے دور کرلی جائے گی، حنیف عباسی نے جو اسمبلی میں بات کی وہ انہیں خواجہ آصف کے ساتھ بیٹھ کے کرنی چاہیے تھی، ہم حنیف عباسی کی خواجہ آصف سے صلح کروا دیں گے،حنیف عباسی کو اسمبلی میں خواجہ آصف سے متعلق بات نہیں کرنی چاہیے تھی-

    سندھ حکومت کی اولین ترجیح ہے کہ لوگوں کی قیمتی جانوں کو بچایا جائے،شرجیل میمن

    انہوں ںے کہا کہ کسی زمانے میں آرمی چیف کی مدت چار سال ہوتی تھی پھر تین سال ہوگئی اب آرمی چیف کی مدت پانچ سال ہوگئی ہے، فیلڈ مارشل سید عاصم منیر کی مدت ملازمت 2027ء میں پوری ہوگی اس کے بعد ایکسٹینشن کا سوال پیدا ہوگا، فیلڈ مارشل عاصم منیر نے 78 سال میں اس قوم کو معرکہ حق کی صورت میں فخر کرنے کا موقع دیا ہے۔

    بلوچستان: سیاسی جماعتوں کا 8 ستمبر کو صوبے بھر میں پہیہ جام اور شٹر ڈاؤن ہڑتال کا اعلان

  • یمنی فوج کے میزائل حملے ، اسرائیل کا بن گوریون ایئرپورٹ بند

    یمنی فوج کے میزائل حملے ، اسرائیل کا بن گوریون ایئرپورٹ بند

    یمن کی مسلح افواج نے اسرائیل کے معروف بن گوریون ایئرپورٹ پر بیلسٹک میزائل حملے کا دعویٰ کیا ہے –

    یمنی فوج کے ترجمان بریگیڈیئر جنرل یحییٰ سریع نے ایک بیان میں کہا کہ یہ کارروائی فلسطینی عوام اور مزاحمتی قوتوں سے اظہارِ یکجہتی کے طور پر کی گئی، ان کے مطابق حملے میں ذوالفقار بیلسٹک میزائل استعمال کیا گیا جس نے مقبوضہ لُد میں واقع بن گوریون ایئرپورٹ کو نشانہ بنایا،یحییٰ سریع نے دعویٰ کیا کہ اسرائیلی فضائی دفاع، جسے امریکہ کی پشت پناہی حاصل ہے، میزائل کو روکنے میں ناکام رہا۔

    انہوں نے کہا کہ خدا کے فضل سے میزائل نے اپنے ہدف کو نشانہ بنایا، جس کے بعد لاکھوں صہیونی باشندے خوف و ہراس کے عالم میں پناہ گاہوں کی طرف بھاگے اور ایئرپورٹ کو اپنی سرگرمیاں معطل کرنی پڑیں،غزہ کے مظلوم عوام جن حالات کا سامنا کررہے ہیں، وہ تمام اقوام پر فرض کرتے ہیں کہ وہ مذہبی، اخلاقی اور انسانی ذمہ داری کو نبھاتے ہوئے تمام پابندیوں کو توڑ دیں اور اسرائیل کے بے مثال جرائم کے خاتمے کے لیے عملی قدم اٹھائیں،انہوں نے واضح کیا کہ یمن غزہ کی حمایت اس وقت تک جاری رکھے گا جب تک اسرائیلی حملے بند نہیں ہوتے اور محاصرہ مکمل طور پر ختم نہیں کر دیا جاتا۔

    پیوٹن سے ملاقات کے بعد کم جونگ کی کرسی کی صفائی کرکے ڈی این اے کے ثبوت مٹا دیئے گئے

    مزید برآں یمنی افواج نے گزشتہ رات مقبوضہ فلسطین میں مزید اہداف کو کامیابی سے نشانہ بنانے کا بھی دعویٰ کیا،یحییٰ سریع کے مطابق یمنی میزائل فورس نے ایک نیا ہائپرسانک بیلسٹک میزائل مقبوضہ القدس کے مغرب میں ایک حساس اسرائیلی فوجی مرکز پر داغا اور میزائل نے مکمل کامیابی سے ہدف کو نشانہ بنایا ایک یمنی ڈرون نے مقبوضہ حیفا کے علاقے میں اسرائیل کے ایک اہم مقام کو بھی نشانہ بنایا اور دعویٰ کیا کہ یہ حملہ بھی بالکل اپنے ہدف پر لگا۔

    اسرائیل کی جانب سے ان دعووں پر تاحال کوئی تصدیق یا ردعمل سامنے نہیں آیا۔ تاہم اگر یہ حملے ثابت ہو جاتے ہیں تو مشرق وسطیٰ میں جاری کشیدگی ایک نئے اور خطرناک مرحلے میں داخل ہوسکتی ہے۔

    بلوچستان: سیاسی جماعتوں کا 8 ستمبر کو صوبے بھر میں پہیہ جام اور شٹر ڈاؤن ہڑتال کا اعلان