ڈنمارک دنیا کا پہلا ملک بن گیا ہے جہاں خط و کتابت میں غیر معمولی کمی کے باعث سرکاری ڈاک سروس مکمل طور پر بند کر دی گئی ہے چار سو ایک سال پر محیط اس تاریخی سروس کا باقاعدہ اختتام اُس وقت ہوا جب تجربہ کار ڈاکیے برائن راسموسن نے ملک کا آخری خط منزل تک پہنچایا۔
نارڈک ملک میں ریاست کے زیرِ انتظام ڈاک ادارہ پوسٹ نارڈ اس وقت دنیا کا واحد ادارہ ہے جس نے خطوط کی ترسیل کا عمل مکمل طور پر ختم کرنے کا فیصلہ کیا حکام کے مطابق جدید ڈیجیٹل دور میں اس سروس کو پرانا اور غیر مؤثر سمجھا جانے لگا تھا۔
اعداد و شمار کے مطابق گزشتہ 25 برسوں میں ڈنمارک میں خطوط بھیجنے کا رجحان 90 فیصد تک کم ہو چکا ہے 2000 میں پوسٹ نارڈ نے تقریباً ڈیڑھ ارب خطوط پہنچائے تھے، جبکہ گزشتہ برس یہ تعداد صرف 11 کروڑ رہ گئی ایک عام خط بھیجنے کے لیے شہریوں کو 2.15 پاؤنڈ فی ٹکٹ ادا کرنا پڑتا تھا، جسے عوام نے مہنگا قرار دیا۔
مہنگائی سے متعلق دسمبر 2025 کی ماہانہ رپورٹ جاری
ادارے کی بندش کے ساتھ ہی ملک بھر میں نصب 1,500 پوسٹ باکسز ہٹائے جا رہے ہیں، جن میں سے کئی کو فروخت کر دیا گیا، حیران کن طور پر بعض پوسٹ باکسز 200 پاؤنڈ سے زائد قیمت میں فروخت ہوئے، جبکہ چند کو عجائب گھروں میں محفوظ کر لیا گیا ہے تاکہ آنے والی نسلیں اس نظام کو دیکھ سکیں۔
ڈاک سروس کے خاتمے سے تقریباً 1,500 ملازمین بے روزگار ہو گئے، جو ادارے کی مجموعی افرادی قوت کا ایک تہائی حصہ تھے۔ تاہم پوسٹ نارڈ اب صرف پارسل ڈیلیوری سروس پر توجہ دے گا، جو آن لائن خریداری کے بڑھتے رجحان کے باعث منافع بخش ثابت ہو رہی ہے۔
بنگلہ دیش کا بوئنگ سے 14 نئے طیارے خریدنے کا فیصلہ
پوسٹ نارڈ کے ترجمان کا کہنا ہے کہ اب زیادہ تر رابطہ الیکٹرانک ذرائع سے ہوتا ہے اور عوام کی بڑی تعداد اس فیصلے کو سمجھتی ہے، ترجمان کے مطابق اکثر لوگوں کو یاد ہی نہیں کہ انہوں نے آخری بار خط کب بھیجا تھا، ڈاک سروس کے خاتمے پر کئی شہریوں نے سوشل میڈیا پر افسوس کا اظہار کیا ایک صارف نے پوسٹ باکس کی تصویر شیئر کرتے ہوئے لکھا کہ چند سال بعد ہمیں بچوں کو بتانا پڑے گا کہ کبھی خط ڈالنے کے لیے یہ باکس استعمال ہوتے تھے۔
