Author: Ayesha Rehmani

واشنگٹن: امریکی ارکان کانگریس نے بھارت کو خصوصی تشویش کا حامل ملک قرار دینے کا مطالبہ کر دیا۔

عالمی خبر رساں ادارے کے مطابق ری پبلکن رکن کانگریس اور امریکی کمیشن برائے عالمی مذہبی آزادی (USCIRF) کی چیئرپرسن وکی ہرزلر اور نائب چیئرمین ڈاکٹر آصف محمود نے وزیر خارجہ مارکو روبیو کو مخاطب کرتے ہوئے کہا کہ بھارت میں مذہبی اقلیتوں کی صور ت حال مسلسل بگڑ رہی ہے اور اس پر خاموشی اختیار نہیں کی جا سکتی۔

امریکی اخبار میں شائع ہونے والے ایک مشترکہ آرٹیکل میں ان رہنماؤں نے لکھا کہ چین میں مذہبی پابندیوں سے دنیا واقف ہے مگر افسوسناک پہلو یہ ہے کہ دنیا کی سب سے بڑی جمہوریت کہلانے والا بھارت بھی اب مذہبی آزادی کے حوالے سے سنگین سوالات کی زد میں ہے بھارتی حکومت مختلف ریاستوں میں نافذ مذہب تبدیلی کے خلاف قوانین کو مذہبی اقلیتوں کے خلاف استعمال کر رہی ہے جن کے نتیجے میں سیکڑوں افراد کو گرفتار کیا گیا اور مذہبی رہنماؤں پر بے بنیاد الزامات عائد کیے گئے۔

امریکی رہنماؤں نے کہا کہ بھارت کی 12 ریاستوں میں مذہب تبدیلی کے خلاف قوانین موجود ہیں جنھیں مسیحی اور مسلم برادری کے خلاف استعمال کیا جاتا ہے ایسے کئی واقعات میں مذہبی کشیدگی اور تشدد بھی سامنے آیا جس میں حکومت اور مقامی انتظامیہ کا کردار مثبت نہیں تھا۔

امریکی ارکان نے اپنے آرٹیکل میں گوا کی مثال دیتے ہوئے اس حقیقت کو اجاگر کیا کہ ’لو جہاد‘ جیسے متنازع تصورات کو بنیاد بنا کر سخت قوانین کی بات کی گئی جوکہ محض ہندو قوم پرستانہ پروپیگنڈا ہے اتر پردیش میں بھی ایک مسیحی پادری اور ان کی اہلیہ پر الزام عائد کیا گیا کہ وہ تعلیمی اور فلاحی سرگرمیوں کے ذریعے لوگوں کو زبردستی مذہب تبدیل کروانے کی کوشش کر رہے تھے جو کہ بے بنیاد الزام تھا۔

امریکی ارکان اسمبلی نے اس امر پر بھی تشویش کا اظہار کیا کہ مسلم لڑکوں سے ہندو لڑکیوں سے شادی کو غلط رنگ دیا جا رہا ہے، مدھیہ پردیش میں جبری مذہب تبدیلی کے الزام پر سزائے موت تجویز کی جا رہی ہے جو انسانی حقوق کے عالمی اصولوں کے منافی ہےاگر بھارت واقعی امریکا کے ساتھ قریبی تعلقات کا خواہاں ہے تو اسے چا ہیے کہ اقلیتوں کیخلاف قوانین کو ختم کرے اور عملی طور پر مذہبی آزادی کے عالمی اصولوں کی پاسداری کرے مذہبی حقوق کا احترام نہ صرف بھارت کے اندرونی استحکام بلکہ عالمی سطح پر اس کی ساکھ کے لیے بھی ناگزیر ہے۔

بیجنگ: چین نے دنیا کی سب سے طویل ٹنل تعمیر کرنے کے منصوبے کی باضابطہ منظوری دے دی جس کے بعد 6 گھنٹے پر مشتمل سفر محض 40 منٹ میں طے ہو گا۔

چینی میڈیا کے مطابق چین کا بوہائی اسٹریٹ ٹنل نامی یہ منصوبہ دو متوازی سرنگوں پر مشتمل ہو گا۔ جن میں تیز رفتار ٹرینیں چلیں گی،یہ ٹنل چین کے دو اہم صنعتی شہروں ڈالیان اور یان تائی کو آپس میں ملائے گی ٹرینیں 150 میل فی گھنٹہ سے زائد رفتار سے چل سکیں گی، جو یورواسٹار ٹرینوں سے بھی زیادہ ہے۔

منصوبہ سازوں کے مطابق ٹنل کی مجموعی لمبائی تقریباً 75 سے 76 میل ہو گی جن میں سے 56 میل حصہ سمندر کی تہہ کے نیچے تعمیر کیا جائے گا اس طرح یہ ٹنل زیر سمندر حصے کے لحاظ سے برطانیہ کی چینل ٹنل اور جاپان کی سیکان ٹنل دونوں کو پیچھے چھوڑ دے گی، اس میگا پراجیکٹ کی تکمیل میں 10 سے 15 سال لگ سکتے ہیں جبکہ موازنہ کیا جائے تو چینل ٹنل کی تعمیر میں تقریباً 6 سال لگے تھے۔

حکام کے مطابق ٹنل میں جدید ترین حفاظتی نظام نصب کیا جائے گاجن میں جدید وینٹی لیشن، واٹر پروفنگ، اسٹرکچرل سینسرز اور ایمرجنسی ایگزٹ شامل ہوں گے خاص طور پر اس لیے کہ یہ علاقہ زلزلہ خیز خطے میں واقع ہےماہرین کے مطابق یہ منصوبہ نہ صرف چین کے انفراسٹرکچر میں انقلاب لائے گا بلکہ خطے کی معاشی سرگرمیوں کو بھی نئی رفتار دے گا۔

ترک صدر رجب طیب اردوان نے کہا ہے کہ ترکیہ اور پاکستان کی دوستی قیامت تک جاری رہے گی۔

رجب طیب اردوان کا کہنا تھا کہ ہماری مشترکہ تاریخ صدیوں کے امتحان سے گزری ہے، پاک ترک دوستی آئندہ برسوں میں مزید فروغ پائے گی اور مضبوط ہوگی، پاکستان نیوی کو پی این ایس خیبر فراہم کر رہے ہیں، پی این ایس خیبر نے تمام آزمائشی مراحل کامیابی سے مکمل کر لیے ہیں،پی این ایس بدر جون 2026 کے اختتام تک مہیا کریں گے،اس کے علاوہ پی این ایس طارق 2027 کی پہلی سہ ماہی میں پاکستان کو فراہم کئے جائیں گے۔

رجب طیب اردوان نے کہا کہ ترکیہ جنگی طیارے بنانے والے 10 ممالک میں شامل ہے، ہم ہر ملک کی خودمختاری اور سالمیت کا احترام کرتے ہیں، کسی بھی ملک کے ساتھ کشیدگی، لڑائی یا تصادم نہیں چاہتے، ہمسایہ ممالک کے ساتھ امن اور استحکام کے خواہاں ہیں۔