نئی دہلی: بھارتی اداکارہ راکھی ساونت نے مسلم خاتون کا نقاب کھینچنے کے واقعے پر بہار کے وزیر اعلیٰ نتیش کمار کو شدید تنقید کا نشانہ بناتے ہوئے ان سے معافی مانگنے کا مطالبہ کر دیا۔

بالی ووڈ اداکارہ راکھی ساونت نے سوشل میڈیا پر جاری اپنے ویڈیو پیغام میں کہا کہ نتیش کمار نے ایک مسلمان خاتون کو ایوارڈ دینے کے بہانے اس کی بے حرمتی کی وزیر اعلیٰ کو مسلم ثقافت اور روایات کا کوئی علم نہیں، اسلام میں خواتین کو نقاب کرنے کا حکم دیا گیا ہے اور کسی کو یہ حق حاصل نہیں کہ وہ کسی خاتون کے نقاب کو ہاتھ لگائے نتیش کمار ایک سینئر سیاستدان ہیں اور ان سے اس طرح کی حرکت کی توقع نہیں کی جا سکتی تھی۔

راکھی ساونت نے اپنے پیغام میں سخت الفاظ استعمال کرتے ہوئے کہا کہ اگر کوئی ان کے ساتھ ایسا سلوک کرے تو انہیں کیسا محسوس ہو گا ایک طرف عزت دینے کی بات کی جاتی ہے اور دوسری طرف ایک خاتون کی تذلیل کی جاتی ہے جو ناقابل قبول ہے۔

انہوں نے وزیر اعلیٰ نتیش کمار سے مطالبہ کیا کہ وہ میڈیا کے سامنے اس مسلمان خاتون کو بلا کر بہن قرار دیں اور عوامی طور پر معافی مانگیں،میں یوپی اور بہار کا احترام کرتی ہوں لیکن خواتین کے ساتھ ظلم، بے عزتی اور برقعے کی تذلیل کسی صورت برداشت نہیں کی جا سکتی۔

دوسری جانب سابق بالی ووڈ اداکار زائرہ وسیم نے بھی واقعے کی شدید مذمت کی، کہا کہ کسی عورت کی عزت اور حیا کوئی کھلونا نہیں کہ اس کے ساتھ کھیلا جائے اور وہ بھی کسی عوامی اسٹیج پر، ایک مسلمان خاتون کی حیثیت سے، کسی دوسری خاتون کا نقاب اس قدر بے پروائی سے کھینچا جانا اور اس کے ساتھ وہ لاپروائی بھری مسکراہٹ دیکھنا انتہائی غصے اور تکلیف کا باعث تھا۔

زائرہ وسیم نے کہا کہ اختیار کسی کو حدود پامال کرنے کی اجازت نہیں دیتا،وزیر اعلیٰ کو متاثرہ خاتون کو بلا مشروط معافی مانگنی چاہیے۔

برطانیہ کے دفاعی جریدے ایرو کی ایک تحقیقاتی رپورٹ میں بتایا گیا ہے کہ رواں برس مئی میں پاکستان اور بھارت کے درمیان 52 منٹ کی فضائی جنگ کے دوران بھارتی فضائیہ کے چار رافیل جنگی طیارے تباہ ہوئے تھے۔

رپورٹ میں ان طیاروں کے سیریل نمبرز (BS-001, BS-021, BS-022, BS-027) بھی ظاہر کیے گئے پاکستان کے “ملٹی ڈومین آپریشنز” نے بھارتی فضائیہ کو شدید نقصان پہنچایا، جس میں رافیل کے علاوہ MiG-29، Su-30 اور Heron ڈرونز کے بھی نقصانات شامل تھے۔

’تھینک یو جناح‘سوشل میڈیا پر ٹرینڈ میں کیوں؟

رپورٹ میں کہا گیا کہ 10 مئی کو جے ایف 17 سی بلاک 3 نے ادھم پور میں دفاعی نظام ایس 400 اور برنالا میں بھارتی کمانڈ اینڈ کنٹرول سسٹم تباہ کیا،پاکستانی سائبر یونٹس نے بھارت کے تقریباً 96 فیصد سوشل نیٹ ورکس، ڈیجیٹل نظام کو مفلوج کیا، پہلی بار کسی فضائیہ نے سائبر اور روایتی عسکری اقدامات یکجا کرکے کارروائی کی۔

واضح رہے کہ بھارتی چیف آف ڈیفنس اسٹاف جنرل انیل چوہان نے بلومبرگ کو دیے گئے انٹرویو میں بھارتی طیاروں کی تباہی تسلیم کی تھی۔

’تھینک یو جناح‘سوشل میڈیا پر ٹرینڈ میں کیوں؟

سعودی عرب نے ایک ہی سال میں سب سے زیادہ سزائے موت دینے کا اپنا ہی ریکارڈ توڑ دیا ہے۔

خبر رساں ادارے اے ایف پی کے مطابق پیر کے روز مزید تین افراد کو پھانسی دی گئی، جس کے بعد رواں سال اب تک مجموعی طور پر 340 افراد کو سزائے موت دی جا چکی ہے حالیہ برسوں میں سعودی عرب سزائے موت دینے والے ممالک میں چین اور ایران کے بعد تیسرے نمبر پر رہا ہے یہ مسلسل دوسرا سال ہے کہ مملکت نے ایک سال میں دی جانے والی پھانسیوں کا اپنا سابقہ ریکارڈ خود ہی توڑا ہے اس سے قبل 2024 میں 338 افراد کو سزائے موت دی گئی تھی۔

سعودی وزارتِ داخلہ کی جانب سے سرکاری خبر رساں ادارے سعودی پریس ایجنسی (ایس پی اے) کے ذریعے جاری بیان میں بتایا گیا کہ مکہ ریجن میں قتل کے مقدمات میں مجرم قرار دیے گئے تین افراد کو پھانسی دی گئی-

2025 کے آغاز سے اب تک دی جانے والی 340 سزاؤں میں سے 232 سزائیں منشیات سے متعلق مقدمات میں دی گئی ہیں، جو مجموعی پھانسیوں کی اکثریت بنتی ہیں۔ یہ اعداد و شمار وزارتِ داخلہ اور ایس پی اے کے جاری کردہ بیانات کی بنیاد پر مرتب کیے گئے ہیں۔

تجزیہ کاروں کا کہنا ہے کہ سزاؤں میں اس غیر معمولی اضافے کی بڑی وجہ سعودی عرب کی جانب سے 2023 میں شروع کی گئی “وار آن ڈرگز” ہے، جس کے تحت ابتدائی طور پر گرفتار کیے گئے کئی ملزمان کو طویل قانونی کارروائی اور عدالتی فیصلوں کے بعد اب سزائے موت دی جا رہی ہے۔

واضح رہے کہ سعودی عرب نے تقریباً تین سال تک منشیات کے مقدمات میں سزائے موت پر عملدرآمد معطل رکھنے کے بعد 2022 کے اختتام پر دوبارہ ان سزاؤں کا آغاز کیا تھا،ایمنسٹی انٹرنیشنل کے مطابق سعودی عرب 2022، 2023 اور 2024 میں دنیا بھر میں سزائے موت پر عمل درآمد کرنے والے ممالک میں چین اور ایران کے بعد تیسرے نمبر پر رہا۔

بین الاقوامی جریدے کی رپورٹ کے مطابق افغانستان میں امریکی انخلا کے بعد چھوڑا گیا بھاری مقدار میں فوجی اسلحہ پاکستان میں دہشتگردی کے پھیلاؤ کا ایک اہم اور خطرناک سبب بن چکا ہے۔

بین الاقوامی جریدے دی ڈپلومیٹ نے اپنی تازہ رپورٹ میں انکشاف کیا ہے کہ 2021 میں امریکی افواج کے انخلا کے دوران تقریباً 7.1 ارب ڈالر مالیت کا فوجی سازوسامان افغانستان میں رہ گیا تھا، جس میں 4 لاکھ 27 ہزار سے زائد ہلکے ہتھیار، نائٹ ویژن ڈیوائسز، تھرمل آلات اور دیگر جدید جنگی سامان شامل تھا۔

دی ڈپلومیٹ کے مطابق امریکی محکمہ دفاع نے بھی تصدیق کی ہے کہ یہ جدید آلات طالبان کے قبضے میں آ گئے، جو اب ان کی بنیادی عسکری طاقت بن چکے ہیں، 2021 میں طالبان نے تقریباً 10 لاکھ کے قریب فوجی سازوسامان پر قبضہ کیا تھا، تاہم طالبان نمائندوں کے مطابق اس ذخیرے کا کم از کم نصف حصہ اب لاپتا ہے،ماہرین کا کہنا ہے کہ یہ اسلحہ فروخت، اسمگل یا ضائع ہو چکا ہے، جس نے خطے میں سلامتی کے خطرات کو کئی گنا بڑھا دیا ہے۔

رپورٹ میں انکشاف کیا گیا ہے کہ کابل اور قندھار میں اسلحہ کی غیرقانونی منڈیاں اس غیرقانونی پھیلاؤ کی واضح علامت بن رہی ہیں، جبکہ یہ ہتھیار سرحد پار شدت پسند گروہوں تک بھی پہنچ رہے ہیں، پاکستان اس صورتحال کے سب سے زیادہ فوری اور مہلک اثرات کا سامنا کر رہا ہے،جدید ہتھیاروں تک رسائی کے بعد کالعدم تحریک طالبان پاکستان (ٹی ٹی پی) کے حملوں کی شدت اور مہارت میں نمایاں اضافہ دیکھا گیا ہے، پاکستان میں ضبط ہونے والے متعدد ہتھیاروں کے سیریل نمبر افغان فورسز کو دیے گئے امریکی ہتھیاروں سے مطابقت رکھتے ہیں۔

رپورٹ کے مطابق زمینی حملوں کے ساتھ ساتھ ڈرونز اورمسلح کواڈ کاپٹرزکے استعمال کے خطرات بھی بڑھ چکے ہیں جبکہ نائٹ ویژن اور تھرمل صلاحیتوں نے دہشتگردوں کی کارروائیوں کو مزید مہلک بنا دیا ہےپاک فوج دہشتگردی کے خلاف فرنٹ لائن پر بھرپور مزاحمت کر رہی ہے، تاہم رپورٹ میں یہ بھی دعویٰ کیا گیا ہے کہ ٹی ٹی پی کو کابل کی ڈی فیکٹو اتھارٹیز سے لاجسٹک اور ٹھوس معاونت ملتی رہی ہے،افغانستان میں شدت پسندوں کے محفوظ ٹھکانے اوراسلحہ کی کھلی دستیابی پاکستان کے لئے ایک سنگین چیلنج بنی ہوئی ہے۔

رپورٹ کے آخر میں عالمی برادری پر زور دیا گیا ہے کہ افغانستان میں اسلحہ کے پھیلاؤ اور دہشتگردی کے خطرات پر مؤثر توجہ دی جائے، ہتھیاروں کی ٹریکنگ، غیر قانونی اسلحہ منڈیوں کے خلاف کارروائی اور طالبان پر دباؤ خطے کے امن و استحکام کے لیے ناگزیر قرار دیا گیا ہے۔