Baaghi TV

Author: Ayesha Rehmani

  • ڈیفالٹرز سے بجلی بلز کی ریکوریاں ڈسکوز کیلئے بدستور بڑا چیلنج ،480 ارب روپے کی وصولی کرنے میں ناکام

    ڈیفالٹرز سے بجلی بلز کی ریکوریاں ڈسکوز کیلئے بدستور بڑا چیلنج ،480 ارب روپے کی وصولی کرنے میں ناکام

    آڈیٹر جنرل آف پاکستان نے مالی سال 25-2024 کی آڈٹ رپورٹ جاری کردی جس کے مطابق ڈسکوز ڈیفالٹرز سے 480 ارب روپے کی وصولی کرنے میں ناکام ہوگئے۔

    آڈٹ رپورٹ کے مطابق ڈیفالٹرز سے بجلی بلز کی ریکوریاں ڈسکوز کیلئے بدستور بڑا چیلنج ہے، ڈسکوز نے 4 لاکھ 76 ہزار 488 نادہندگان سے ریکوریاں نہیں کیں، بجلی کے بلز کے بقایاجات میں 6 سال میں 828 ارب روپے کا اضافہ ہوگیا، 22-2021 میں ریکوریوں کی مد میں بقایاجات 1189 ارب روپے تھے۔

    آڈیٹر جنرل کی رپورٹ کے مطابق 2024 میں یہ رقم 2017 ارب روپے تک پہنچ گئی، 22-2021 میں عدم وصولی میں341 ارب روپے کا اضافہ ہوا، ریکوریز کی مد میں بقایاجات 1189 ارب سے بڑھ کر 1530 ارب تک پہنچے، 23-2022 میں 197 ارب اور 23-2024 میں 290 ارب روپے کا اضافہ ہوا۔

    بارشوں میں کراچی ڈوبنے کی وجہ چاند کی تاریخیں ہیں ،سعید غنی کاانوکھاجواز

    دوسری،جانب،سرکاری بجلی تقسیم کارکمپنیوں کی نااہلی اورچوری کی مد میں کیے گئے نقصانات میں بڑی کمی نہ لائی جاسکی جس کے باعث قومی خزانے کو کھربوں روپے کا نقصان پہنچا ہےگذشتہ مالی سال کے دوران ڈسکوز کی نااہلی اور چوری کی مد میں نقصانات صرف 11 ارب روپےکم ہونے کے بعد 265 ارب روپے رہے، تاہم وفاقی حکومت کو بجلی وصولیوں کے نقصانات 183 ارب روپے کم کرنے میں بڑی کامیابی ملی ہے۔

    مالی سال 24-2023 کے دوران بجلی چوری اور ڈسکوز کی نااہلی کے نقصانات 276 ارب روپے تھے جو گذشتہ مالی سال 25-2024 میں 11 ارب روپے کی کمی سے 265 ارب روپے پر آگئے ہیں۔

    سندھ میں کوئی دوسرا صوبہ نہیں بنایا جائے گا۔شرجیل میمن

    پاور ڈویژن کی دستاویز کے مطابق گذشتہ مالی سال ڈسکوز کی انڈر ریکوریز میں 183 ارب روپےکی کمی ہوئی جس کے بعد گذشتہ مالی سال کے دوران ڈسکوز کی انڈر ریکوریز 132 ارب روپے رہی اور مالی سال 24-2023 میں یہ نقصانات 315 ارب روپےتھے، گذشتہ مالی سال ڈسکوز کے مجموعی نقصانات 397 ارب روپے رہے جومالی سال 24-2023 میں 591 ارب روپے تھےیعنی مالی سال 25-2024 میں سالانہ بنیادوں پر ڈسکوز کے مجموعی نقصانات 194 ارب روپےکم ہوئے ڈسکوز کے نقصانات اور انڈر ریکوریز پاور سیکٹر کے سرکلر ڈیٹ کا حصہ ہے۔

    واضح رہے کہ شبہاز حکومت نے گذشتہ مالی سال کے دوران بجلی کے بنیادی ٹیرف میں 7 روپے 12 پیسے فی یونٹ تک کااضافہ کیا تھا۔

    مشترکہ مفادات کے اہداف کیلئے پاک – چائنہ کاکثیرالجہتی فورمز پر قریبی روابط اور تعاون جاری رکھنے پر اتفاق

  • بارشوں میں کراچی ڈوبنے کی وجہ چاند کی تاریخیں ہیں ،سعید غنی کاانوکھاجواز

    بارشوں میں کراچی ڈوبنے کی وجہ چاند کی تاریخیں ہیں ،سعید غنی کاانوکھاجواز

    کراچیی میں موسلا دھار بارشوں کے سبب ہونے والی سیلابی صورتحال کے پیشِ نظر سندھ کے وزیر بلدیات سعید غنی کے حالیہ بیان نے شہریوں کو حیرانی میں مبتلا کردیا۔

    سوشل میڈیا پر زیر گردش ویڈیو میں میڈیا سے گفتگو کے دوران سعید غنی کو یہ کہتے ہوئے سنا جا سکتا ہے کہ اگر چاند کی 14 تاریخ ہو تو بارش کا سارا پانی سمندر میں نہیں جاتا، جب بارش آئی گی تو آپ کیا توقع کرتے ہیں؟ میں کوئی سْپرمین تو نہیں ہوں اس پانی کو نیچے آکر روک لوں۔

    https://x.com/JavedMonis/status/1957519363168469084

    کراچی میں موسلا دھار بارشوں کے سبب ہونے والی سیلابی صورتحال کے پیشِ نظر وزیر بلدیات نے کراچی کی سڑکوں پر جمع پانی سے متعلق
    بیان،میں،کہاکہ.کراچی سے بارش کا سارا پانی سمندر میں جاتا ہے، ہماری پوری کوشش ہوتی ہے کسی طرح ہم جلد سے جلد پانی کو نکالیں،لیکن اگر چاند کی 14 تاریخ ہو اور ان دنوں آپ توقع کریں کہ سمندر میں سارا پانی چلا جائے گا تو وہ نہیں جاتا ہے-

    وزیراعظم شہبازشریف کے دورہ چین کے منتظرہیں،چینی وزیرخارجہ

    سعید غنی کے اس بیان پر سوشل میڈیا صارفین نے مذاق کا نشانہ بناتے ہوئے ڑے ہاتھوں لے لیا ایک صارف نے کہا کہ سعید غنی کو کوئی بتائے کہ بھائی اب تو 25 سفر ہے 14 تو چاند کی پتہ نہیں کب کی بیت گئی لیکن پانی جو ہے نا ابھی بھی کراچی میں کھڑا ہے اب یہ کہہ دیں گے زیادہ بارش ہوتی ہے تو زیادہ پانی اتا ہے بس عوام کا مقدر جو ہے نا وہ ذلیل و خوار ہونا ہی رہ جائیں حکمرانوں کے ہاتھوں-

    ایک اور صارف نے کہا کہ،ویسے ان موصوف کو یہ معلوم نہیں کہ یہ وزیر بلدیات ہیں انکو تو پھلجھڑیاں چھوڑنے کیلئے رکھا ہوا ہے،لیکن چاند کی تاریخ بتانے پہ جلد نئی وزارت رویت ہلال کا وزیر بنائے جانے کا امکان ہے-

    اسلام آباد میں پاکستان کے پہلے ون ونڈو کاروبار سہولت مرکز کا افتتاح

  • وزیراعظم شہبازشریف کے دورہ چین کے منتظرہیں،چینی وزیرخارجہ

    وزیراعظم شہبازشریف کے دورہ چین کے منتظرہیں،چینی وزیرخارجہ

    چینی وزیرخارجہ نے کہا کہ علاقائی امن واستحکام ہمارامشترکہ ہدف ہے، نائب وزیر اعظم کے ساتھ 6واں وزرا خارجہ ڈائیلاگ کے دوران بات چیت ہوئی، تمام پہلوؤں پر ہمارا موقف یکساں تھا، سی پیک کو ہائی کوالٹی تعاون میں لے کر جا رہے ہیں۔

    نائب وزیر اعظم اور وزیر خارجہ اسحاق ڈار اور چین کے وزیر خارجہ وانگ ژ ی نے اسلام آباد میں مشترکہ نیوز کانفرنس کی،اسحاق ڈار نے کہا کہ چین کے وزیرخارجہ کی پاکستان آمدکاخیرمقدم کرتے ہیں، چین کے وزیرخارجہ سے ساتھ مفید بات چیت ہوئی، ملاقات میں باہمی دلچسپی کے امورپربات چیت کی گئی، سی پیک سمیت پاک چین تعلقات کی تمام پہلوؤں کاجائزہ لیاگیا، تمام اہم معاملات پراتفاق رائے موجود ہے، خطے کے امن ،استحکام اور خوشحالی کیلئے ملکرکام کرنے کیلئےپرعزم ہیں، سی پیک فیز2،عوامی سطح پر روابط سمیت دوطرفہ تعاون کو مزید وسعت دینے کیلئے پرعزم ہیں۔

    اس موقع پر چینی وزیرخارجہ وانگ ژی نے کہا کہ شاندارمیزبانی پر شکرگزارہوں، پاکستان اور چین کے درمیان دوستانہ اور برادرانہ تعلقات ہیں، دونوں ملکوں کےدرمیان مختلف امورپر تفصیلی گفتگوہوئی، پاکستان اورچین کے درمیان تزویراتی شراکت داری مضبوط ہورہی ہے، دونوں ملکوں کے درمیان اعتماد اور محبت کارشتہ مزید مضبوط ہورہاہے، وزیراعظم شہبازشریف کے دورہ چین کے منتظرہیں۔

    مشترکہ مفادات کے اہداف کیلئے پاک – چائنہ کاکثیرالجہتی فورمز پر قریبی روابط اور تعاون جاری رکھنے پر اتفاق

    وانگ ژی نے کہا کہ سی پیک فیزٹوپر بھی ملاقات میں تفصیلی گفتگو ہوئی، پاکستان کے ساتھ تعلقات کو نئی بلندیوں تک لے جارہے ہیں، چین پاکستان کو اپناقابل اعتماد اتحادی تصورکرتاہے،انسداددہشتگردی کے شعبے میں تعاون مزید بڑھائیں گے، علاقائی امن واستحکام ہمارامشترکہ ہدف ہے، نائب وزیر اعظم کے ساتھ 6واں وزرا خارجہ ڈائیلاگ کے دوران بات چیت ہوئی، تمام پہلوؤں پر ہمارا موقف یکساں تھا، سی پیک کو ہائی کوالٹی تعاون میں لے کر جا رہے ہیں۔

    قبل ازیں چینی وزیر خارجہ وانگ ژی وزارت خارجہ پہنچے جہاں نائب وزیر اعظم و وزیر خارجہ محمد اسحاق ڈار نے مرکزی دروازے پر معزز مہمان کا خیر مقدم کیا۔

    ترجمان وزارت خارجہ کی جانب سے جاری بیان کے مطابق چینی وزیر خارجہ نائب وزیراعظم و زیر خارجہ محمد اسحاق ڈار سے ملاقات کریں گے، ملاقات میں دو طرفہ تعلقات اور باہمی دلچسپی کے اہم امور پر تبادلہ خیال کیا جائے گاچینی وزیر خارجہ کے دورے کے دوران چھٹا پاک -چین وزرائے خارجہ سٹریٹجک ڈائیلاگ بھی ہوگاپاک – چین سٹریٹجک ڈائیلاگ کی مشترکہ صدارت وانگ ژی اور اسحاق ڈار کریں گے، چینی وزیر خارجہ اسلام آباد میں ، پاک – چین سٹریٹجک ڈائیلاگ کے چھٹے دور میں اپنے ملک کی نمائندگی کریں گے۔
    اسلام آباد میں پاکستان کے پہلے ون ونڈو کاروبار سہولت مرکز کا افتتاح

  • اسلام آباد میں پاکستان کے پہلے ون ونڈو کاروبار سہولت مرکز کا افتتاح

    اسلام آباد میں پاکستان کے پہلے ون ونڈو کاروبار سہولت مرکز کا افتتاح

    وزیراعظم شہباز شریف نے اسلام آباد میں پاکستان کے پہلے ون ونڈو کاروبار سہولت مرکز کا افتتاح کر دیا۔

    ون ونڈو بزنس سہولت مرکز کے افتتاح کے موقع پر تقریب سے خطاب کرتے ہوئے وزیراعظم شہباز شریف نے کہا کہ سرمایہ کاروں کو مختلف محکموں میں جانا پڑتاتھا، بزنس سہولت مرکز کے قیام سے ایک چھت تلے سہولیات دستیاب ہیں، بزنس سہولت مرکز میں کسٹمر سے بات چیت کا انداز قابل ستائش ہے، بزنس سہولت مرکز میں ایچ آر کا شعبہ نہایت قابل ہے، امید ہے کہ نوجوان بی ایف سی کو کامیاب بنائیں گے۔

    شہباز شریف نے کہا کہ وقت کی ضرورت ہے کہ ہم کسٹمرز کو مطمئن کریں، بدقسمتی سے بزنس سہولت مرکز کے قیام میں تاخیر ہوئی، ابتدائی تجربات کتنے ہی مشکل کیوں نہ ہوں بڑی کامیابی کی بنیاد بن سکتے ہیں،بزنس سہولت مرکز کو دنیا کیلئے رول ماڈل ہونا چاہیے، ہم کاروباری مراکز کو پرکشش اور رول ماڈل بنا سکتے ہیں، بزنس سہولت مرکز کا دائرہ کار ملک بھر میں بڑھایا جائے گا۔

  • مشترکہ مفادات کے اہداف کیلئے پاک – چائنہ کاکثیرالجہتی فورمز پر قریبی روابط اور تعاون جاری رکھنے پر اتفاق

    مشترکہ مفادات کے اہداف کیلئے پاک – چائنہ کاکثیرالجہتی فورمز پر قریبی روابط اور تعاون جاری رکھنے پر اتفاق

    نائب وزیراعظم و وزیر خارجہ سینیٹر محمد اسحاق ڈار اور چین کے وزیر خارجہ وانگ ای کی مشترکہ زیر صدارت آج اسلام آباد میں وزرائے خارجہ کی اسٹریٹجک ڈائیلاگ کا چھٹا دور منعقد ہوا۔

    مذاکرات کے دوران دونوں فریقین نے پاک چین تعلقات کے تمام پہلوؤں کا جائزہ لیا اور اہم علاقائی و عالمی امور پر تبادلۂ خیال کیا اس موقع پر سی پیک فیز ٹو، تجارتی و معاشی روابط، کثیرالجہتی تعاون اور عوامی روابط کے مختلف پہلوؤں پر بھی تفصیلی بات چیت کی گئی۔

    فریقین نے اس امر پر زور دیا کہ پاکستان اور چین کے درمیان سدا بہاراسٹریٹجک کواپریٹو پارٹنرشپ نہ صرف دونوں ممالک کی ترقی و خوشحالی کے لیے ناگزیر ہے بلکہ خطے میں امن و استحکام کو برقرار رکھنے کے لیے بھی کلیدی حیثیت رکھتی ہےوزرائے خارجہ نے اس بات پر اتفاق کیا کہ دونوں ممالک دوطرفہ سطح پر اور کثیرالجہتی فورمز پر قریبی روابط اور تعاون جاری رکھیں گے تاکہ مشترکہ مفادات کے اہداف حاصل کیے جا سکیں۔

    ملائیشیا میں جمعہ نہ پڑھنے والے مردوں کو قید اور بھاری جرمانے

    خیبرپختونخو اسیلاب،نقصانات بہت زیادہ ہیں،قوم مدد کو آگے بڑھے،شفیق الرحمان وڑائچ

    شوہرنورا فتحی جیسی دلکش نظر آنےکیلئے 3،3 گھنٹے ورزش کرواتا ہے ، بیوی شکایت لے کر تھانے پہنچ گئی

  • ملائیشیا میں جمعہ نہ پڑھنے والے مردوں کو قید اور بھاری جرمانے

    ملائیشیا میں جمعہ نہ پڑھنے والے مردوں کو قید اور بھاری جرمانے

    ملائیشیا کی ریاست ترنکگا نور نے بغیر شرعی عذر کے نماز جمعہ نہ پڑھنے والے مردوں کیلئے 2 سال قید اور 3ہزار رنگٹ ( 2 لاکھ پاکستانی روپے) کے جرمانے کی سزا کا اعلان کر دیا۔

    العربیہ اردو کی ایک رپورٹ کے مطابق ملائیشین اسلامی پارٹی (پی ایس اے) کے زیر انتظام ریاست ترنکگا میں رواں ہفتے اعلان کیا گیا کہ ایک مرتبہ بھی جمعے کی نماز چھوڑ دینا قابل سزا جرم تصور کیا جائے گا ایسے شخص کو شریعت کے تحت سزا کے طور پر 2 سال قید اور 3 ہزار رنگٹ کا بھاری جرمانہ یا دونوں میں سے کوئی بھی ایک سزا سنائی جائے گی، اس سے قبل اس ریاست میں 3 مرتبہ نماز جمعہ چھوڑ دینے والے افراد کو سزا دی جاتی تھی۔

    نماز چھوڑنے والے مردوں کے خلاف عوامی رپورٹس یا گشتوں کے ذریعے کارروائی عمل میں لائی جائے گی،اس حوالے سے ترنکگانو ریاستی ایگزیکٹو کونسل کے رکن محمد خلیل عبدالہادی کاکہنا ہے کہ سزا سے قبل یاددہانی اہم ہے کیونکہ جمعے کی نماز نہ صرف ایک مذہبی علامت ہے بلکہ مسلمانوں کے درمیان فرمانبرداری کا اظہار بھی ہے،جمعے کی نماز نہ پڑھنے والوں کو سزا صرف اس صورت دی جائے گی جب لوگوں کو جمعے کی نماز پڑھنے کی یاد دہانی دی جائے لیکن اس کے باوجود وہ نماز ادا نہ کریں-

    خیبرپختونخو اسیلاب،نقصانات بہت زیادہ ہیں،قوم مدد کو آگے بڑھے،شفیق الرحمان وڑائچ

    انہوں نے کہا کہ ریاستی حکومت مساجد پر بینرز لگائے گی تاکہ لوگوں کو جمعے کی نماز پڑھنے کی اہمیت یاد دلائی جا سکے، اور یہ مہم قانون کے بارے میں عوامی آگاہی بڑھانے کے لیے شروع کی گئی تھی،ترنگگانو میں یہ نفاذ پی ایس اے کی طرف سے ملائیشیا میں اسلامی قانون کی سخت تر تشریحات کو نافذ کرنے کی وسیع تر کوشش کی عکاسی کرتا ہے۔

    یہ پارٹی، جو ملائیشیا کی پارلیمنٹ میں سب سے بڑی جماعت ہے اور ملک کی 13 ریاستوں میں سے چار کی حکومتی جماعت ہے، نے طویل عرصے سے مذہبی سزاؤں کو سخت کرنے کی حمایت کی ہے اور ایک وقت میں حدود کے نام سے ایک مجرمانہ ضابطہ متعارف کرانے کی کوشش کی تھی، جس میں چوری کے لیے ہاتھ کاٹنے اور زنا کے لیے سنگسار کرنے جیسی سزائیں شامل تھیں۔

    امریکا :صارفین ائیرلائنز کے خلاف عدالت پہنچ گئے

    ملائیشیا کا قانونی نظام دو حصوں میں تقسیم ہے، شریعت مسلمانوں کے ذاتی اور خاندانی معاملات کو حل کرتی ہے، جبکہ سول قوانین بھی موجود ہیں،ملائیشیا کے نسلی مالے – جو کہ تمام لوگ ملائیشیا کے قانون کے مطابق مسلمان سمجھے جاتے ہیں، ملک کی تین کروڑ 30 لاکھ آبادی کا دو تہائی حصہ ہیں، اور اس میں بڑی چینی اور انڈین اقلیتیں بھی ہیں،شریعت اسلامی قانون ہے، جو قرآن اور حدیث پر مبنی ہے۔

    گذشتہ نومبر میں، جوہور ریاست کے اعلیٰ ترین اسلامی افسر نے کہا تھا کہ ریاست بھی اس بات کو یقینی بنانے کے لیے نفاذی اقدامات کرے گی کہ تمام مسلمان مرد جمعے کی نماز میں شریک ہوں۔

    ہربھجن سے شادی کی افواہوں کے سبب 4 فلموں سے ہاتھ دھونا پڑا،گیتابسرا

    ملائیشیا کی اعلیٰ عدالت نے فروری 2024 میں درجنوں شریعت پر مبنی ریاستی قوانین کو کالعدم قرار دے دیا تھا، جس سے اسلام پسندوں کی جانب سے ردعمل سامنے آیا، جنہیں خدشہ تھا کہ اس سے ملک بھر میں مذہبی عدالتوں کو نقصان پہنچ سکتا ہےمخالف حکومت والی کیلنتن ریاست کی حکومت نے جن 16 قوانین کو نافذ کیا تھا، ان میں ہم جنس پرستی، جنسی ہراسانی، قریبی رشتہ داری میں جنسی تعلقات، لباس کی تبدیلی اور جھوٹا گواہی دینے جیسے جرائم کے لیے سزائیں شامل تھیں۔

    عدالت نے کہا کہ ریاست ان موضوعات پر اسلامی قوانین نہیں بنا سکتی کیونکہ یہ ملائیشیا کے وفاقی قوانین کے تحت آتے ہیں،اس کے بعد پی اے ایس نے عدالت کے باہر بڑے پیمانے پر احتجاج کیا اور شریعت کے قوانین کے تحفظ کا مطالبہ کیا۔

    وزیراعظم کی،حکومت سندھ کو ہرقسم کی معاونت کی پیشکش

  • شوہرنورا فتحی جیسی دلکش نظر آنےکیلئے 3،3 گھنٹے ورزش کرواتا ہے ، بیوی شکایت لے کر تھانے پہنچ گئی

    شوہرنورا فتحی جیسی دلکش نظر آنےکیلئے 3،3 گھنٹے ورزش کرواتا ہے ، بیوی شکایت لے کر تھانے پہنچ گئی

    بھارتی ریاست اترپردیش کے شہر غازی پور میں ایک بیوی، نے تھانے میں شکایت درج کرائی کہ اس کا شوہر روزانہ 3،3 گھنٹے ورزش کرواتا ہے تاکہ وہ نورا فتحی جیسی دلکش نظر آئے۔

    بھارتی میڈیا رپورٹس کے مطابق مرادنگر کی 26 سالہ خاتون نے تھانے میں شکایت درج کرائی کہ اس کا شوہر روزانہ 3،3 گھنٹے ورزش کرواتا ہے تاکہ وہ نورا فتحی جیسی دلکش نظر آئے،خاتون شانو نے اپنے شوہراورسسرال پرسنگین الزامات لگاتے ہوئے کہا ہے کہ شادی کے بعد ان پر ذہنی، جسمانی اور جذباتی تشدد کیا گیا، ان کے شوہر شیوَم اُجوال، جو کہ ایک سرکاری اسکول میں پی ٹی ٹیچر ہیں، روزانہ انہیں 3 گھنٹے ورزش پر مجبور کرتے تھے،’اگر وہ ایسا نہ کرتیں تو کئی دن تک کھانے سے محروم رکھا جاتا شوہر کا کہنا تھا کہ وہ باآسانی نورا فتیحی جیسی حسین بیوی حاصل کر سکتا ہے۔

    شانو کے والدین نے شادی پر 76 لاکھ روپے سے زیادہ خرچ کیا، جن میں 16 لاکھ کے زیورات، 24 لاکھ کی گاڑی اور 10 لاکھ روپے نقد شامل تھے۔ اس کے باوجود سسرال والے مزید جہیز کا تقاضا کرتے رہے،سسر اور دیگر گھر والے ان کی ذاتی زندگی میں مداخلت کرتے، کمرہ بند کرنے کی اجازت تک نہ تھی، اور ذرا سی بات پر انہیں بدسلوکی کا نشانہ بنایا جاتا، ان کے مطابق شوہر نے کئی بار انہیں بدصورت اور موٹی کہہ کر طلاق کی دھمکیاں دیں، جبکہ دوسری عورتوں سے تعلقات بھی رکھے-

    امریکا :صارفین ائیرلائنز کے خلاف عدالت پہنچ گئے

    شانو نے بتایا کہ حمل کے دوران انہیں زبردستی گولی دی گئی جس سے اسقاط حمل ہوگیا انہوں نے دعویٰ کیا کہ ساس اور نند نے انہیں مخصوص کھانے کھلائے جن سے طبیعت بگڑ گئی اور بالآخر بچہ ضائع ہوگیا۔ بعدازاں، والدین انہیں میکے لے گئے اور سسرال نے نہ صرف گھر میں داخلے سے انکار کیا بلکہ ان کے زیورات اور کپڑے واپس کرنے سے بھی منع کردیا۔

    ہربھجن سے شادی کی افواہوں کے سبب 4 فلموں سے ہاتھ دھونا پڑا،گیتابسرا

    شانو نے 14 اگست کو پولیس میں باضابطہ شکایت درج کرائی ہے، جس میں جہیز کی ڈیمانڈ، جبری ورزش، ذہنی و جسمانی تشدد، زبردستی اسقاطِ حمل اور طلاق کی دھمکیوں کے الزامات شامل ہیں، انہوں نے تحقیقات اورانصاف کا مطالبہ کیا ہے، پولیس نے شوہر سمیت سسرالیوں کے خلاف مقدمہ درج کر کے تحقیقات شروع کر دی ہیں تاہم کوئی گرفتاری عمل میں نہیں لائی گئی۔

  • امریکا :صارفین ائیرلائنز کے خلاف عدالت پہنچ گئے

    امریکا :صارفین ائیرلائنز کے خلاف عدالت پہنچ گئے

    امریکا میں،صارفین ائیرلائنز کے خلاف ہرجانے کے لیے عدالت پہنچ گئے۔

    غیر ملکی میڈیا کے مطابق ڈیلٹا ائیر لائنز اور یونائیٹڈ ائیر لائنز میں سفر کرنے والے مسافروں نے عدالت میں مقدمہ دائر کیا ہے جن میں دعویٰ کیا گیا ہے کہ ائیر لائنز کی جانب سے ان سے کھڑکی والی نشست کے لیے اضافی رقم لی گئی مگر انہیں کھڑی کی طرف والی ایسی سیٹوں پر بٹھایا گیا جہاں کھڑی نہیں تھی اور صرف دیوار تھی۔

    ائیر لائنز کے خلاف نیو یارک اور سان فرانسسکو کی وفاقی عدالتوں میں درخواستیں دائر کی گئیں جن میں ہر ائیر لائن کے 10 لاکھ سے زائد صارفین کے لیے لاکھوں ڈالر ہرجانے کا مطالبہ کیا گیا ہےمقدمے میں کہا گیا کہ ائیر لائنز کے جہازوں میں ایسی سیٹیں ہیں جن میں ائیرکنڈیشننگ ڈکٹ، وائرنگ یا دیگر پرزوں کی پوزیشننگ کی وجہ سے کھڑکیاں نہیں ہیں۔

    عدالت میں دائر کی گئی دستاویزات کے مطابق بکنگ کے عمل کے دوران ڈیلٹا اور یونائیٹڈ ائیرلائنز کی طرف سے ان نشستوں سے متعلق کھڑکی نا ہونے کے بارے میں نہیں بتایا گیا جبکہ ان سے اضافی رقم بھی لی گئی۔

    ہربھجن سے شادی کی افواہوں کے سبب 4 فلموں سے ہاتھ دھونا پڑا،گیتابسرا

    سہیل وڑائچ صحافی، ذاتی فائدے کے لئے من گھڑت کہانی گھڑی، ڈی جی آئی ایس پی آر

    چینی وزیر خارجہ وانگ ژی نے دفتر خارجہ کا دورہ کیا

  • ہربھجن سے شادی کی افواہوں کے سبب 4 فلموں سے ہاتھ دھونا پڑا،گیتابسرا

    ہربھجن سے شادی کی افواہوں کے سبب 4 فلموں سے ہاتھ دھونا پڑا،گیتابسرا

    بھارت کی سابقہ اداکارہ گیتا بسرا نے انکشاف کیا ہے کہ انہوں نے اپنے شوہر اور سابق بھارتی اسپنر ہربھجن سنگھ سے شادی سے قبل 300 وکٹیں حاصل کرنے کی شرط رکھی تھی۔

    حال ہی میں دیئے گئے ایک پوڈکاسٹ کے دوران گیتا بسرا نے انکشاف کیا کہ’میں نے ہربھجن سے شادی سے قبل ایک شرط رکھی تھی جسے پورا کرنے پر ہی ہم دونوں کی شادی ہوئی،ہربھجن نےمیرا ایک پوسٹر دیکھاتھا اور اسی وقت ان کو مجھ سے محبت ہوگئی، بعد ازاں ہربھجن نے یووراج سنگھ سے میرا نمبر مانگا اور مجھے میسج کردیا لیکن میں نے اس میسج کا جواب نہیں دیا کیونکہ مجھے کرکٹ یا کرکٹرز میں کوئی دلچسپی نہیں تھی‘۔

    گیتا کے مطابق ’بھارت کے ورلڈکپ جیتنے کے بعد میں نے ہربھجن کو مبارکباد کے ساتھ اس میسج کا جواب دیا، بات آگے بڑھی تو ہربھجن نے پہلی ملاقات میں مجھ سے شادی کی خواہش کا اظہار کردیا، اس وقت میں 21 سال کی تھی اور بالی وڈ میں اپنے کیرئیرکی خواہشمند تھی،ہربھجن سے شادی کی افواہوں کے سبب 4 فلموں سے ہاتھ دھونا پڑا، آخر کار اس واقعے کے 10 ماہ بعد میں نے ہربھجن کو ایک شرط پر ’ ہاں ‘ کہہ دیا ، میں نے ہربھجن سے شادی کیلئے شرط رکھی تھی کہ جس دن وہ 300 وکٹیں حاصل کر لیں گے میں ان سے شادی کر لوں گی اور کچھ ہی دنوں میں انہوں نے 300 وکٹیں حاصل کرلیں اور اسی وقت میں نے انہیں ’ہاں‘ کہ دیا جس کے بعد ہماری شادی کی تیاریاں شروع ہوگئیں۔

    واضح رہے کہ گیتا اور ہربھجن ایک دوسرے کو ڈیٹ کرنے کے کچھ عرصے بعد بلآخر 2015 میں شادی کے بندھن میں بندھ گئے تھے جوڑے کے اب دو بچے بھی ہیں۔

  • وزیراعظم کی،حکومت سندھ کو ہرقسم کی معاونت کی پیشکش

    وزیراعظم کی،حکومت سندھ کو ہرقسم کی معاونت کی پیشکش

    وزیراعظم شہبازشریف نے مون سون بارشوں اور سیلابی صورتحال پر سیاسی قائدین سے رابطہ کیا ہے-

    وزیراعظم آفس کے مطابق وزیراعظم نے چیئرمین پیپلزپارٹی بلاول بھٹو زرداری، ایم کیو ایم کے کنوینر خالد مقبول صدیقی اور امیر جماعت اسلامی سے ٹیلفونک گفتگو کی،وزیراعظم شہباز شریف نے چیئرمین پیپلزپارٹی بلاول بھٹو زرداری سے ٹیلی فونک رابطےمیں جنوبی سندھ اور کراچی میں شہری سیلاب اور قیمتی جانوں کے نقصان پر اظہار افسوس کیا،وزیراعظم نے بارش اور سیلاب کی ہنگامی صورتحال سے نمٹنے کے لیےحکومت سندھ کو ہرقسم کی معاونت کی پیشکش کی۔

    وزیراعظم نے چیئرمین این ڈی ایم اے کوسندھ حکومت سےمکمل رابطے میں رہنے کی ہدایت کرتے ہوئے کہا کہ پی ڈی ایم اے کو ہر قسم کی معاونت اور لوگوں کو ممکنہ خطرات کی پیشگی آگاہی فراہم کی جائے۔

    وزیراعظم اور خالدمقبول صدیقی کے درمیان سندھ میں بارشوں اور سیلابی صورتحال پر گفتگو ہوئی، وزیراعظم نے کسی بھی ہنگامی صورتحال سے نمٹنے کے لیے بھرپور تعاون کی یقین دہانی کرائی۔

    وزیراعظم شہباز شریف نے امیر جماعت اسلامی حافظ نعیم الرحمٰن سے ٹیلیفونک گفتگو کی، اس موقع پر خیبرپختونخوا میں نقصانات اور امدادی سرگرمیوں پر تبادلہ خیال کیا گیا، وزیراعظم نے بارشوں اور سیلاب میں الخدمت فاؤنڈیشن کی ریسکیو اور امداری کارروائیوں کی تعریف کی۔