Author: Ayesha Rehmani

ایشیائی ترقیاتی بینک نے پاکستان کے لیے 80 کروڑ ڈالر کے مالیاتی پیکج کی منظوری دے دی ہے۔

رپورٹ کے مطابق پیکج ریسورس موبلائزیشن ریفارم پروگرام (سب پروگرام دوم) کے تحت فراہم کیا جائے گا،پیکیج میں 30 کروڑ ڈالر پالیسی بیسڈ لون (پی بی ایل) کی صورت میں اور 50 کروڑ ڈالر پروگرام پر مبنی گارنٹی (پی بی جی) کی صورت میں شامل ہیں۔

وزارت خزانہ نے کہا کہ یہ اہم پیشرفت وزارتِ اقتصادی امور اور وزارتِ خزانہ کی مشترکہ سفارتی کوششوں کا نتیجہ ہے، اس اقدام کا مقصد ملکی وسائل کو مؤثر طریقے سے متحرک کرنا اور مالیاتی اصلاحات کے ذریعے معیشت کو استحکام دینا ہے،اس مالی تعاون سے ٹیکس نظام کو بہتر بنانے، محصولات میں اضافے اور معاشی نظم و ضبط کو فروغ دینے میں مدد ملے گی، اس پروگرام کے ذریعے نہ صرف آمدنی کے ذ رائع میں وسعت آئے گی، پروگرام معاشی خودمختاری کی سمت ایک اہم قدم ہے۔

بدلنا ہے تو زندوں سے کہو اپنا چلن بدلیں،ساقی بدلا دینے سے میخانہ نہ بدلے گا،،(کیچ لائن)
ملکی بقاء،سلامتی،جمہوریت کا اصل قوم کو کون بتائے گا؟
الیکشن جنرل ہوں یا ضمنی شکست تسلیم کرنے کیلئے کوئی تیار نہیں،جمہوریت کہاں گئی
ملاوٹ،ہلڑبازی،افراتفری ،گدی نشینی،وڈیرا ازم عام،معاشرے میں گند پھیلا دیا گیا
پنجاب میں کبھی پی پی کا طوطی بولتاتھا،اب نواز شریف اور مریم نواز عوام کے ’’راجہ‘‘ ٹھہرے

تجزیہ،شہزاد قریشی

پاکستان کی سیاسی جماعتوں کا ماضی عالمی دنیا سے الگ تھلگ ہے، الیکشن قومی ہوں یا ضمنی شکست کو تسلیم نہیں کیا جاتا،بلاشبہ کسی زمانے میں پنجاب بھٹو کا تھا ،پھر پنجاب میں نواز شریف کا طوطی بولنے لگا تادم تحریر پنجاب نواز شریف اور اُن کی بیٹی مریم نواز کا طوطی بولتا ہے،پی ٹی آئی نے نوجوان بچوں اور بچیوں کو انقلا ب اور حقیقی آزادی کا نام نہاد نعرے کے پیچھے لگا کر گمراہ کیا، مریم نواز نے کالجوں ،یونیو رسٹیوں میں جا کر تقسیم نوجوانوں کو ایک جھنڈے تلے اکٹھا کیا، بطور وزیراعلیٰ پنجاب مریم نواز نے صوبے میں گڈ گورننس ، میرٹ ، چٹ سسٹم کا خاتمہ ، ترقیاتی کاموں کا جال بچھا دیا،جس سے مریم نواز پنجاب کی عوام کی توجہ کا مرکز بن گئی،ضمنی الیکشن میں ن لیگ کی واضح اکثریت مریم نواز کی عوام دوست پالیسیاں ہیں، پی ٹی آئی اور پیپلز پارٹی دھاندلی ،دھاندلی کا واویلا ڈوبتے ہوئے کسی شخص کا نوحہ ہی قرار دیا جا سکتا ہے، ملکی سیاسی گلیاروں میں مسخرے پن کی حدوں کو کراس کیا جا رہاہے،قومی فریضہ کیا ہے،قومی سلامتی کیا ہے ،ملکی بقاء کیا ہے ،معاشرے میں ایسا گند پھیلایا جا رہا ہے خدا کی پناہ، سیاسی جماعتوں نے جو جمہوریت کا نعرہ بلند کرتی ہیں جمہوریت کے لئے کونسی خدمات سر انجام دی ہیں، کیا لکھا جائے جس ملک میں ملاوٹ شدہ خوراک ،ملاوٹ شدہ ادویات ،وہاں سیاست بھی ملاوٹ اورجمہوریت میں ملاوٹ شدہ ہو چکی ہے،سیاسی گلیاروں میں ہلڑ بازی ،افراتفری ،جاگیرداری ،سرمایہ داری ،گدی نشین سیاستدانوں کے کردار اور نفسیات کو بے نقاب کررہی ہے، موجودہ دور کی سیاست کی حقیقت تلاش کرنے کی ضرورت نہیں ان کی گفتگو، حرکات و سکنات سب کچھ عیاں کر رہی ہے بلکہ انسانوں کو تعفن زدہ کر رہی ہے، اس تعفن زدہ سیاست میں ملک و قوم کیونکر ترقی کرے اور کیسے کرے، یاد رکھیئے پاکستان کی شناخت اور عوام کو ناقابل تلافی نقصان پہنچ چکا ہے، مزید ان کی گنجائش نہیں ،ملکی اورقومی مفادات کو ترجیح دی جائے، لینڈ مافیا سے اپنے محلات فارم ہائوس کروانے، ٹھیکیداروں سے کمیشن وصول کرنے والے بس کریں ، ملک کو ا س وقت مستحکم معیشت اور تعمیر ومضبوطی کی ضرورت ہے،ماضی کی غلطیوں سے سبق سیکھیں ،ترقی کے سفر میں اپنا کردار ادا کریں ، بقول شاعر،بدلنا ہے تو زندوں سے کہو اپنا چلن بدلیں،ساقی بدلا دینے سے میخانہ نہ بدلے گا-

تجزیہ:شہزاد قریشی

اسلام آباد:پاکستان تحریک انصاف میں عمران خان کو نیا عہدہ دے دیا گیا، بانی پی ٹی آئی کو پیٹرن انچیف بنا دیا گیا –

چیئرمین پی ٹی آئی بیرسٹر گوہر نے اڈیالہ جیل میں صحافیوں سے غیر رسمی بات چیت کرتے ہوئے پاکستان تحریک انصاف کے ملک گیر احتجاج کے حوالے سے تفصیلات سے آگاہ کیا بانی پی ٹی آئی کو پیٹرن انچیف بنا دیا گیا ہے اور احتجاج کے دوران عمران خان کی نمائندگی عمر ایوب اور سلمان اکرم راجا کریں گے جب کہ علی امین گنڈا پور خیبر پختونخوا گورننس کے معاملات پر فوکس کریں گے، احتجاج کے دوران مجھے بطور چیئرمین ڈپلومیٹک رابطوں کہ ذمے داری ملی ہے۔ میں ہی پارٹی کا چیئرمین ہوں اور ہائیکورٹ میں پارٹی کے کیسز لے کر چلوں گا۔

آئی ایم ایف انکم ٹیکس کی شرح میں کمی پر آمادہ ہو گیا ہے۔

ذرائع کے مطابق آئی ایم ایف انکم ٹیکس کی شرح میں کمی پر آمادہ ہو گیا ہے تمام سلیبز پر انکم ٹیکس کی شرح میں نرمی کا امکان ہے جبکہ انکم ٹیکس ایکٹ کی شق 129 میں ترمیم پر بھی غور کیا جا رہا ہے۔ ذرائع کے مطابق سالانہ ٹیکس فری آمدن کی حد موجودہ 6 لاکھ رو پے سے بڑھائی جا سکتی ہے اور ماہانہ 83 ہزار روپے تنخواہ تک ٹیکس فری کرنے پر اتفاق ہو گیا ہے۔

ممکنہ نئی شرح کے مطابق ایک لاکھ روپے ماہانہ تنخواہ پر ٹیکس 2.5 فیصد ہونے کا امکان ہے، ایک لاکھ 83 ہزار روپے پر انکم ٹیکس 12.5 فیصد ہو سکتا ہے، دو لاکھ 67 ہزار روپے ماہانہ تنخواہ پر ٹیکس 22.5 فیصد مقرر کیے جانے کا امکان ہے، تین لاکھ 33 ہزار روپے تک کی تنخواہ پر ٹیکس 27.5 فیصد ہو سکتا ہے، جبکہ تین لاکھ 33 ہزار روپے سے زائد تنخواہ پر انکم ٹیکس 32.5 فیصد تک ہو سکتا ہے۔

عید کے دوران ٹرینوں پر 20 فیصد خصوصی رعایت کا اعلان

ذرائع کا کہنا ہے کہ پاکستان نے بجٹ مذاکرات میں دفاعی ضروریات مؤخر نہ کرنے کا دو ٹوک مؤقف اپنایا ہے، جس پر آئی ایم ایف نے دفاعی بجٹ میں ضروری اضافے پر رضامندی ظاہر کر دی ہے، بجٹ مذاکرات کے دوران پاکستان کی دفاعی ترجیحات کو تسلیم کر لیا گیا ہے۔

پنجاب کابینہ کی صحافی کالونی فیزٹو کیلئے 40کروڑ روپے گرانٹ کی منظوری