Author: Ayesha Rehmani

محکمہ موسمیات نے ملک کے مختلف علاقوں میں تیز ہواؤں کے ساتھ بارش کی پیشگوئی کی ہے۔

محکمہ موسمیات کے مطابق آج سندھ، جنوبی پنجاب، کشمیر، شمال مشرقی و جنوبی بلوچستان اور بالائی خیبر پختونخوا میں تیز ہواؤں اور گرج چمک کے ساتھ بارش کی توقع ہےاس دوران گلگت بلتستان اور شمال مشرقی پنجاب میں چند مقامات پر تیز ہواؤں اور گرج چمک کے ساتھ بارش ہونے کا امکان ہے، ملک کے دیگر علاقوں میں موسم گرم اور حبس رہنے کا امکان ہے۔

کراچی میں بھی آج سے پیر تک بارش ہونے کا امکان ہے، موجودہ بارش برسانے والا سسٹم جنوبی پنجاب کی جانب منتقل ہوا ہے، اس وجہ سے آئندہ 24 سے 48 گھنٹوں کے دوران جنوبی پنجاب، بلوچستان اور سندھ کے بیشتر علاقوں میں درمیانے سے ہلکے درجے کی بارش کی توقع ہے20 جولائی سے ایک اور مضبوط سسٹم ملک میں داخل ہوگا، اس سے اسلام آباد، خیبرپختونخوا،بالائی پنجاب،کشمیر گلگت بلتستان میں تیز بارش کا امکان ہے، بارشو ں کا یہ سلسلہ 25 جولائی تک جاری رہے گا جس بارے میں پی ڈی ایم اے نے الرٹ جاری کر دیا ہے۔

پشاور،: ایکسائز گاڑی کو حادثہ، انسپکٹر جاں بحق، 4 سپاہی شدید زخمی

محکمہ موسمیات کے مطابق آج اسلام آباد میں چند مقامات پر بارش کا امکان ہے،راولپنڈی، مری، گلیات، چکوال، جہلم، گوجرنوالہ ، سیالکوٹ، بہاولپور، وہاڑی، مظفر گڑھ، کوٹ ادو، رحیم یار خان، بہاولنگر، لودھراں،راجن پور، پاکپتن، اوکاڑہ، ساہیوال، ڈیرہ غازی خان ، ملتان، خانیوال ، خوشاب، سرگودھا، نارووال، منڈی بہاؤالدین، لاہور اور شیخوپورہ میں بھی بارش کا امکان ہے۔

بارکھان، سبی، کوہلو ، موسیٰ خیل، قلعہ سیف اللہ، لورالائی، ڈیرہ بگٹی، نصیر آباد، ژوب، قلات ، خضدار، آواران اور لسبیلہ میں گرج چمک کے ساتھ بارش کی پیشگوئی کی گئی ہے کراچی، ٹھٹھہ، گھوٹکی، سکھر، کشمور، شکار پور، جیکب آباد، لاڑکانہ، میر پور خاص، مٹھی، تھر پارکر، بدین، سجاول، عمر کوٹ، نوشہرو فیروز، سانگھڑ، دادو، حیدر آباد، ٹنڈو اللہ یار، ٹنڈو محمد خان، مٹیاری اور بینظیر آباد میں تیز ہواؤں اور گرج چمک کے ساتھ بارش کا امکان ہےدیر، سوات، کوہستان، مالاکنڈ، مانسہرہ، ایبٹ آباد، کرم ، وزیرستان اور ڈیرہ اسماعیل خان میں چند مقامات پر تیز ہواؤں اور گرج چمک کے ساتھ بارش ہونے کی توقع ہے، آزاد کشمیر، گلگت بلتستان میں چند مقامات پر تیز ہواؤں اور گرج چمک کے ساتھ بارش ہونے کی توقع ہے۔

پشاور،: ایکسائز گاڑی کو حادثہ، انسپکٹر جاں بحق، 4 سپاہی شدید زخمی

پشاور ہائی کورٹ نے مسلم لیگ ن کی جانب سے مخصوص نشستوں پر حلف نہ لینے کے کیس کا تفصیلی فیصلہ جاری کر دیا۔

پشاور ہائی کورٹ نے مسلم لیگ ن کی خواتین اور اقلیتوں کے مخصوص نشستوں پر منتخب نمائندوں کے حلف نہ لینے سے متعلق کیس کا پانچ صفحات پر مشتمل تفصیلی فیصلہ جاری کر دیا فیصلے میں کہا گیا ہے کہ درخواست گزاروں کا تعلق خیبرپختونخوا کے مختلف علاقوں سے ہے اور وہ مخصوص نشستوں پر منتخب ہونے والے نمائندے ہیں۔

عدالت نے قرار دیا کہ آئین پاکستان کے تحت منتخب اراکین سے حلف لینا لازمی ہے۔ عدالت نے اسپیکر اسمبلی کو حلف لینے کی ہدایت کی تھی لیکن وہ مختلف وجوہات کی بنا پر اس میں ناکام رہے حلف نہ لینا اختیارات کا غلط استعمال اور درخواست گزاروں کو ان کے آئینی حق سے محروم کرنے کے مترادف ہے۔

ایڈووکیٹ جنرل نے عدالت کو بتایا کہ اسپیکر خیبرپختونخوا اسمبلی اجلاس طلب کرنے کے لیے اقدامات کر رہے ہیں، جبکہ الیکشن کمیشن کی جانب سے چیف جسٹس کو کسی کو نامزد کرنے کی درخواست اب غیر مؤثر ہو چکی ہےعدالت نے تمام نکات سننے کے بعد قرار دیا کہ اجلاس بلانے کے اقدامات کیے جا رہے ہیں، اس لیے یہ درخواست غیر مؤثر ہو چکی ہے اور اسے نمٹا دیا گیا ہے۔

ادارہ شماریات نے مہنگائی سے متعلق ہفتہ وار رپورٹ جاری کردی-

رپورٹ کے مطابق نئےمالی سال کے تیسرے ہفتے میں بھی مہنگائی میں اضافہ ہوگیا، ہفتہ وار بنیاد پر مہنگائی کی شرح 0.38 فیصدبڑھنے کے بعد مجموعی سالانہ شرح منفی 1.61 فیصد پر آگئی، ایک ہفتے میں 22 اشیائے ضروریہ کی قیمتوں میں اضافہ ہوا، 9 اشیا سستی ہوئیں، 20 اشیا کی قیمتوں میں استحکام رہا حالیہ ہفتے ڈیزل 4.15 اور پیٹرول کی قیمت 2 فیصد بڑھ گئی، ایک ہفتے میں چکن 8.31 اور انڈے5.87 فیصد مہنگے ہوئے جبکہ پیاز 1.76 اور آلوکی قیمت میں1.46 فیصد کا اضافہ ہوا، ایک ہفتے میں لہسن کی قیمت میں 1.70 فیصد کا اضافہ ہوا تاہم ٹماٹر، آٹا، کوکنگ آئل، چینی اور ایل پی جی کی قیمتوں میں کمی ہوئی۔

عوام کے جان و مال کا تحفظ مریم نواز کی پہلی ترجیح ہے،عظمیٰ بخاری

26 ارکان کی معطلی کا معاملہ: پنجاب حکومت اور اپوزیشن کے درمیان مذاکرات کامیاب

لیبیا کے مسلح افواج کے کمانڈر کا جی ایچ کیو کا دورہ ،فیلڈ مارشل عاصم منیر سے ملاقات