Baaghi TV

Author: Ayesha Rehmani

  • عیدا لفطر کب منائی جائے گی؟

    عیدا لفطر کب منائی جائے گی؟

    لاہور: رویت ہلال ریسرچ کونسل نے کہا ہے کہ اس سال 29 روزوں کے بعد عیدالفطر پیر 31 مارچ 2025 کو منائی جائے گی۔

    باغی ٹی وی : رویت ہلال ریسرچ کونسل کے سیکرٹری جنرل خالد اعجاز مفتی کے مطابق اتوار 30 مارچ کی شام پاکستان کے جس علاقے میں بھی مطلع صاف ہوا وہاں چاند کی رویت بہ آسانی ہو جائے گی تاہم اس کا حتمی فیصلہ رویت ہلال کمیٹی کی جانب سے ہی کیا جا ئے گا۔

    خالد اعجاز مفتی کے مطابق نیا چاند 29 مارچ کو دوپہر تین بجکر 58 منٹ پر پیدا ہو گا ، 29 رمضان المبارک 30 مارچ کی شام غروب آفتاب کے وقت چاند کی عمر جو رویت ہلال کیلیے 18 گھنٹوں سے زائد ہونی چاہیے وہ تمام علاقوں میں 26 گھنٹوں سے بھی زائد ہو چکی ہو گی۔

    کروڑوں روپے کرپٹو کرنسی کےفراڈ کے الزام پرتمنا بھاٹیہ کا ردعمل

    اداکارہ ریشم کی فٹنس کا راز کیا؟

    رمضان المبارک کی آمد پروینا ملک کا نیا کلام جاری

  • کروڑوں روپے کرپٹو کرنسی کےفراڈ کے الزام پرتمنا بھاٹیہ کا ردعمل

    کروڑوں روپے کرپٹو کرنسی کےفراڈ کے الزام پرتمنا بھاٹیہ کا ردعمل

    ممبئی: بالی وڈ اداکارہ تمنا بھاٹیہ نے 2کروڑ 40 لاکھ بھارتی روپے کے کرپٹو کرنسی فراڈ کیس میں ملوث ہونے کی خبروں کی تردید کردی۔

    باغی ٹی وی :ادکارہ تمنا بھاٹیہ نے 2 کروڑ40 لاکھ بھارتی روپے کے مبینہ فراڈ میں ملوث ہونے کی سختی سے تردید کی ہےکرپٹو کرنسی فراڈسے متعلق خبروں پر اداکارہ نے مایوسی کا اظہار کرتے ہوئے کہا کہ میرا اس اسکینڈل سے کوئی تعلق نہیں،اسطرح کی غلط معلوما ت پھیلانے والوں کے خلاف قانونی کارروائی کا ارادہ رکھتی ہوں، میری ٹیم ضروری قانونی کارروائی کے لیے صورتِ حال کا جائزہ لے رہی ہے۔

    اداکارہ نے کہا کہ مجھے معلوم ہوا ہے کہ میرے کرپٹو کرنسی فراڈ میں ملوث ہونے کے حوالے سے افواہیں پھیلائی جا رہی ہیں، میری میڈیا اور اپنے دوستوں سے گزارش ہے کہ براہ مہربانی ایسی کوئی بھی جعلی، گمراہ کن اور جھوٹی خبریں نہ پھیلائیں‘ ۔

    اسرائیل اور فلسطینی فلم سازوں کی مشترکہ فلم نے آسکرایوارڈ جیت لیا

    واضح رہے کہ بھارتی میڈیا پر حال ہی میں خبریں سامنے آئی تھیں کہ پولیس نے اداکارہ تمنا بھاٹیہ اور کاجول اگروال کو کرپٹو کرنسی فراڈ کے سلسلے میں پوچھ گچھ کے لیے تھانے طلب کیا ہے جب کہ اداکارہ تمنا بھاٹیہ 2کروڑ 40 لاکھ روپے کے کرپٹو کرنسی فراڈ کیس میں ملوث ہیں۔

    یاد رہے کہ تمنا بھاٹیہ کو آخری مرتبہ اویناش تیواری اور جمی شیرگل کے ساتھ فلم ’ سکندر کا مقدر ‘میں دیکھا گیا تھا تاہم اداکارہ اب جلد ہی ہارر تھرلر فلم’ اوڈیلا 2 ‘ میں نظر آئیں گی۔

    اداکارہ ریشم کی فٹنس کا راز کیا؟

  • اسرائیل اور فلسطینی فلم سازوں کی مشترکہ فلم نے آسکرایوارڈ جیت لیا

    اسرائیل اور فلسطینی فلم سازوں کی مشترکہ فلم نے آسکرایوارڈ جیت لیا

    اسرائیل اور فلسطینی فلم سازوں کی مشترکہ فلم No Other Land نے اتوار کو بہترین دستاویزی فلم کا آسکرایوارڈ جیت لیا-

    باغی ٹی وی : فلم کی کہانی باسل اڈرا کی زندگی پر مبنی ہے، جو اپنے آبائی شہر یاتا کی تباہی کو دستاویز کرنے کے لیے خطرات مول لیتا ہے۔ اس کے بعد، اس کی ملاقات اسرائیلی صحافی یوول ابراہم سے ہوتی ہے جو اس کی کہانی کو عالمی سطح پر پہنچانے میں اس کی مدد کرتا ہے۔

    اڈرا نے ایوارڈ کی تقریب میں کہا کہ ”No Other Land“ فلسطینی عوام کی تلخ حقیقت کی عکاسی کرتی ہے جو دہائیوں سے اسرائیلی قبضے کے تحت جھیل رہے ہیں ان کا کہنا تھا کہ وہ اپنی بیٹی کے لیے امید رکھتے ہیں کہ وہ ایسی زندگی نہ گزارے جو وہ خود گزار رہے ہیں۔

    ایرانی صدر کے مشیر اپنے عہدے سے مستعفی

    ابراہم نے اس تعاون کو ایک مثبت قدم قرار دیتے ہوئے کہا کہ ان کی آوازیں ایک ساتھ ہونے پر زیادہ طاقتور ہیں اور فلسطینیوں اور اسرائیلیوں کے لیے ایک منصفانہ سیاسی حل ممکن ہےانہوں نے اسرائیلی حکومت پر تنقید کی اور کہا کہ اس صورت حال کا حل نسل پرستی کے بغیر اور دونوں قوموں کے حقوق کے ساتھ ممکن ہے۔

    بالی وڈ ریپر اور سنگر یو یو ہنی سنگھ کا شراب چھوڑنے کا انکشاف

  • ایرانی صدر کے مشیر اپنے عہدے سے مستعفی

    ایرانی صدر کے مشیر اپنے عہدے سے مستعفی

    تہران: ایرانی صدر کے مشیر برائے تزویراتی امور محمد جواد ظریف اتوار کو اپنے عہدے سے مستعفی ہو گئے۔

    باغی ٹی وی :”العربیہ” کے مطابق محمد جواد ظریف کا استعفیٰ 2 مارچ کو اقتصادی و مالی امور کے وزیر عبدالناصر ہمتی سے پوچھ گچھ کے بعد سامنے آیا،اس سے قبل بعض ذرائع کی جانب سے خبر سامنے آئی تھیں کہ ظریف پر استعفیٰ دینے کا دباؤ ڈالا جا رہا ہے ان میں ایرانی پارلیمنٹ کے اسپیکر محمد باقر قالیباف شام ہیں جنہوں نے ظریف کی برطرفی کے بجائے استعفے کی تجویز دی۔

    مخالفین کے نزدیک ایرانی صدر کے مشیر برائے تزویراتی امور کے طور پر ظریف کا تقرر غیر قانونی تھا اس لیے کہ ان کے دو بیٹے امریکی شہریت رکھتے ہیں اس معاملے نے حالیہ ہفتوں کے دوران میں میڈیا اور اپوزیشن حلقوں کے بیچ وسیع تنازع پیدا کر دیا تھا۔

    رمضان المبارک کی آمد پروینا ملک کا نیا کلام جاری

    محمد جواد ظریف اس سے قبل حسن روحانی کی حکومت (2013 سے 2021) میں بطور وزیر خارجہ فرائض انجام دے چکے ہیں وہ ان مذاکرات کی اہم ترین شخصیات میں سے ہیں جن کے نتیجے 14 جولائی 2015 کو ایران اور بڑی طاقتوں کے درمیان جوہری معاہدے پر دستخط ہوئے ظریف ایران اس معاہدے کے منصوبہ ساز قرار دیئے جاتے ہیں، سال 2024 میں ہونے والے آخری صدارتی انتخابات میں ظریف ، مسعود پزشکیان کے حمایتی رہے انہوں نے موجودہ صدر کے لیے اصلاح پسندوں اور اعتدال پسندوں کی تائید حاصل کرنے میں اہم کردار ادا کیا تھا۔

    اداکارہ ریشم کی فٹنس کا راز کیا؟

  • اداکارہ ریشم کی فٹنس کا راز کیا؟

    اداکارہ ریشم کی فٹنس کا راز کیا؟

    لاہور:پاکستانی معروف اداکارہ ریشم نے کہا ہے کہ وہ ذاتی لنگر خانہ کھولنا چاہتی ہیں-

    باغی ٹی وی : اداکارہ ریشم نے حال ہی میں ایک نجی نیوز چینل کو دیئے گئے انٹرویو میں فٹنس سے متعلق پوچھے گئے سوال کے جواب میں بتایا کہ میری فٹنس کا راز میرے غم ہیں، بھائی کی وفات کے بعد روٹی میرے گلے سے نہیں اترتی تھی، میں نے 8 سے 9 ماہ صرف چائے اور کیک رسک پر گزارا کیا۔

    اداکارہ نے بتایا کہ بھائی کی وفات سے قبل بھی میں انٹرمیٹنٹ فاسٹنگ کر رہی تھی مگر بھائی کے دنیا سے چلے جانے کے بعد 16 گھنٹے کی فاسٹنگ 24 گھنٹے تک بھی چلی جاتی تھی، بھائی کی موت کے غم سے نکلی تو بہت قریبی دوست کا انتقال ہو گیا، یکے بعد د یگرے غم ہی میری فٹنس کا راز ہیں۔

    خاتون نے سوکن کو قتل کر کے لاش بوری میں چھپا دی

    دوران انٹرویو اداکارہ ریشم نے کہا کہ میری خواہش ہے کہ میں اپنا ذاتی لنگر خانہ کھولوں تاکہ میرے دنیا سے چلے جانے کے بعد میرا لنگر خانہ میرے لیے صدقۂ جاریہ بنے، میں ایک جگہ خرید کر وہاں لنگر خانہ کھولنا چاہتی ہیں ساتھ ہی انہوں نے اپنے مداحوں سے بھی اپنی اس خواہش سے متعلق دعا کرنے کی اپیل کی۔

    بالی وڈ ریپر اور سنگر یو یو ہنی سنگھ کا شراب چھوڑنے کا انکشاف

  • رمضان المبارک کی آمد پروینا ملک کا نیا کلام جاری

    رمضان المبارک کی آمد پروینا ملک کا نیا کلام جاری

    کراچی: پاکستانی معروف فلم و ٹی وی اداکارہ وینا ملک نے رمضان المبارک کے حوالے سے نیا پیغام جاری کیا ہے-

    باغی ٹی وی : اداکارہ وینا ملک اپنے حوالے افئیرز اور انٹرویوز کی وجہ سے میڈیا کی زینت بنی ہوئی ہیں نت نئے فیشن فوٹو شوٹس کے بعد اب وینا ملک اپنی مکمل البم ریکارڈ کر وا رہی ہیں جس کے گانے اداکارہ کی مادری زبان سرائیکی میں ہوں گے،وینا ملک نے رمضان المبارک کی آمد پر اپنا نیا کلام بھی جاری کیا ہے۔

    انہوں نے سوشل میڈیا اکاؤنٹ انسٹاگرام پر نئی ویڈیوز شیئر کی ہیں جن میں انہیں اپنے نئے کلام کی ویڈیو میں دیکھا جا سکتا ہے جس کا عنوان ’میں بھی روزے رکھوں گی‘ ہے،وینا ملک کے اس کلام پر صارفین اپنی اپنی رائے کا اظہار کر رہے ہیں۔

    showbiz

    دوسری جانب اداکارہ نے پہلے روزے کے دوران ایک اسٹوری کے ذریعے مداحوں کو بتایا کہ انہیں روزہ لگ رہا ہے۔

    مصطفیٰ عامر اغوا اور قتل کیس کی مکمل تفصیلات سامنے آ گئیں

    عمران خان سے ملاقات بارے درخواست پر فیصلہ محفوظ

    اسلام آباد ہائیکورٹ،عمران خان کے سابق سکیورٹی انچارج کا نام پی سی ایل سے نکالنے کا حکم

  • ایم کیو ایم کے کنوینراس وقت بلکل بے بس ہیں،سعید غنی

    ایم کیو ایم کے کنوینراس وقت بلکل بے بس ہیں،سعید غنی

    کراچی: پاکستان پیپلز پارٹی کے سینئر رہنما اور وزیر بلدیات سندھ سعیدغنی نے ایم کیو ایم پاکستان کو شدید تنقید کا نشانہ بنایا ہے-

    باغی ٹی وی :رپورٹ کےمطابق صوبائی سعید غنی اور میئر کراچی مرتضیٰ وہاب نے گذری کےعلاقے میں اکبری فٹبال گراونڈ کا افتتاح کردیا، ان کے ہمراہ پیپلزپارٹی کے ایم این اے مرزا اختیار بیگ، وقار مہدی دیگرموجود تھے۔

    اس موقع پر میڈیا سے گفتگو کرتے ہوئے سعید غنی نے کہا کہ آج ہم نے اکبری فٹبال گراونڈ کا افتتاح کیا ہے، پیپلزپارٹی نے جو ترقیاتی منصوبوں کا پلان کیا تھا وہ پورا ہورہا ہے، رمضان میں بھی اور رمضان کے بعد بھی کئی منصوبوں کےافتتاح ہونے ہیں، اس فٹبال گراونڈ کی حالت بہت خراب تھی ،اس فٹبال گراونڈ میں چھوٹا سا پارک بھی بنایا گیا ہے، گورنر سندھ کومزید سیکیورٹی کی ضرورت ہے تو ہم فراہم کریں گے، صرف دھمکیوں کی بناپرصوبےکی امن کےصورتحال پربات نہیں کرسکتے۔

    وزیراعظم کی چینی کی قیمتوں پر کنٹرول کے حوالے سے سخت اقدامات کی ہدایت

    پیپلز پارٹی کے رہنما نے کہا کہ حکومت کی ذمہ داری ہے لوگوں کو روزگار دے لیکن یہ نہیں ہوسکتاکہ سڑکوں کو بند کرکے روزگارفراہم کیاجائے، اگر ریڑی والے روڈ پر دکان بنا کر روزگار کریں گے تو یہ غلط ہے، ہمیں لوگوں کو سہولیات دینی ہے امید ہے اس علاقے کے لوگ کھیلیں گے،صلاحیتوں کو اجاگر کریں گے،امید ہے یہاں سے بڑے کھلاڑی نکلیں گے-

    وزیر بلدیات نے کہا کہ سندھ حکومت نے جتنا کھیلوں میں کام کیا ہے شاید اتنا کسی اور نے نہیں کیا ہو، ہاکی، فٹبال اور دیگر کھیلوں کے گراونڈ بنائے ہیں، ہم کوشش کرتے ہیں ہر سہولت فراہم کریں، ایم کیو ایم والےفارغ ہوگئے، ایم کیو ایم پی ایس پی کے قبضے میں ہے، ایم کیو ایم کے کنوینراسوقت بلکل بے بس ہے کے ایم سی،واٹر کارپوریشن کےواجبات ہیں،وہ ایم کیو ایم کے دورمیں رہے ہیں،کے ڈی اے نے ہم سے 3 ارب مانگے ہیں وہ ہم ان کو دے رہے ہیں۔

    مسجد الحرام اور مسجد نبوی ﷺ میں اعتکاف کیلئے رجسٹریشن کا آغاز 5 مارچ سے

    اس موقع پر میڈیا سے گفتگو کرتے ہوئے میئر کراچی مرتضیٰ وہاب نے کہا کہ شہر میں بلکل پانی کا مسئلہ ہے، لیکن اب پانی ضائع نہیں ہورا ہے پانی شہرمیں ٹھیک طرح سےآرہاہے، یونیورسٹی روڈ پر کچھ لیکیج تھے آج بہتر ہوگیا ہے۔

  • ٹرمپ سے کشیدگی کے بعد یوکرینی صدر کا برطانیہ میں پر تپاک خیر مقدم

    ٹرمپ سے کشیدگی کے بعد یوکرینی صدر کا برطانیہ میں پر تپاک خیر مقدم

    لندن:ٹرمپ سے کشیدگی کے بعد یوکرینی صدر ولادیمیر زیلنسکی کا برطانیہ پہنچنے پر تپاک خیر مقدم کیا گیا۔

    باغی ٹی وی: جمعہ کو وائٹ ہاؤس میں یوکرینی صدر زیلنسکی اور امریکی صدر ٹرمپ کی ملاقات میں دونوں کے درمیان سخت جملوں کا تبا دلہ ہوا تھاٹرمپ اور نائب صدر جے ڈی وینس نے زیلنسکی پر تنقید کرتے ہوئے کہا تھا کہ وہ امریکی امداد کا مناسب شکریہ ادا نہیں کر رہے ٹرمپ نے کہا کہ یوکرین کو آئندہ کسی بھی امداد کے لیے امریکی شرائط کو تسلیم کرنا ہوگا-

    امریکا کے دورے کے بعد زیلنسکی برطانیہ پہنچے جہاں برطانوی وزیراعظم کیئر اسٹارمر نے 10 ڈاؤننگ اسٹریٹ میں انہیں گرمجوشی سے خوش آمدید کہا زیلنسکی کی لندن آمد پر ڈاؤننگ اسٹریٹ کے باہر بڑی تعداد میں لوگوں نے ان کا استقبال کیا برطانوی وزیراعظم نے یوکر ین کے لیے اپنی غیر متزلزل حمایت کا یقین دلاتے ہوئے کہا کہ برطانیہ یوکرین کے ساتھ ہے اور جتنا وقت بھی لگے، اس کی حمایت جاری رہے گی۔

    وزیراعظم کی چینی کی قیمتوں پر کنٹرول کے حوالے سے سخت اقدامات کی ہدایت

    یہ ملاقات اتوار کو ہونے والے یورپی سربراہی اجلاس سے پہلے ہوئی، جہاں یوکرین کی حمایت اور یورپی سیکیورٹی کے معاملات پر غور کیا جائے گا،برطانیہ اور یوکرین نے 2.26 بلین پاؤنڈز کی نئی مالی امداد کا بھی اعلان کیا جو یوکرین کی دفاعی صلاحیتوں کو مضبوط بنانے کے لیے استعمال ہوگی ،زیلنسکی نے برطانیہ کے تعاون کا شکریہ ادا کیا اور امید ظاہر کی کہ یہ حمایت آئندہ بھی جاری رہے گی۔

    زیلنسکی نے وائٹ ہاؤس میں کشیدگی کے باوجود امریکہ کے ساتھ مذاکرات کے دروازے کھلے رکھنے کا عندیہ دیا اور کہا کہ یوکرین امریکہ کے ساتھ تعلقات کو اہمیت دیتا ہے۔

    مسجد الحرام اور مسجد نبوی ﷺ میں اعتکاف کیلئے رجسٹریشن کا آغاز 5 مارچ سے

  • وزیراعظم کی چینی کی قیمتوں پر کنٹرول کے حوالے سے سخت اقدامات کی ہدایت

    وزیراعظم کی چینی کی قیمتوں پر کنٹرول کے حوالے سے سخت اقدامات کی ہدایت

    اسلام آباد: وزیراعظم نے کہا ہے کہ عوام کو اشیائے خور و نوش کی ارزاں نرخوں پر فراہمی حکومت کی اولین ترجیح ہے-

    باغی ٹی وی: وزیراعظم شہباز شریف کی زیر صدارت ملک میں چینی کی سپلائی اور قیمت کے کنٹرول کے حوالے سے اجلاس ہوا جس میں انہوں نے حکام کو چینی کی قیمتوں پر کنٹرول کے حوالے سے سخت اقدامات اٹھانے کی ہدایت کی۔

    رپورٹ کے مطابق اجلاس کو چینی کی پیداوار کے حوالے سے بریفنگ دی گئی جس میں بتایا گیا کہ اس وقت ملک میں چینی کاوافر اسٹاک موجود ہےصوبائی سطح پر چینی کی ارزاں نرخوں پرفروخت کیلئے فئیر پرائس شاپس قائم کی گئی ہیں چینی کی اسمگلنگ مکمل ختم کرنے کے لیے بھرپور اقدامات لئے جائیں گے اور اسمگلرز کے خلاف سخت کاروائی کی جائے گی۔

    چیمپئنز ٹرافی: نیوزی لینڈ کیخلاف بھارت کی بیٹنگ لائن مشکلات کا شکار، 3 کھلاڑی آؤٹ

    صوبائی چیف سیکرٹریز نے اجلاس کو بریفنگ دی کہ چینی کی غیر قانونی ذخیرہ اندوزی کے خلاف کارروائی یقینی بنائی جائے گی، اس حوالے سے انتظامیہ ضلع کی سطح پر مستعدی سے کام کرے گی۔

    اجلاس میں گفتگو کرتے ہوئے وزیراعظم نے کہا کہ عوام کو اشیائے خور و نوش کی ارزاں نرخوں پر فراہمی حکومت کی اولین ترجیح ہے، گزشتہ مہینوں میں حکومت نے چینی کی اسمگلنگ پر سخت کارروائی کی جس سے چینی کی اسمگلنگ کے خاتمے میں مدد ملی۔

    مسجد الحرام اور مسجد نبوی ﷺ میں اعتکاف کیلئے رجسٹریشن کا آغاز 5 مارچ سے

    وزیراعظم نے چینی کی قیمتوں پر کنٹرول کے حوالے سے سخت اقدامات اٹھانے کی ہدایت کی اور چینی کی ذخیرہ اندوزی میں ملوث عناصر کی خلاف سخت کارروائی کرنے کا کہا، وزیراعظم نے رمضان المبارک میں چینی اور دیگر اشیائے خور و نوش کی مناسب قیمتوں پر فراہمی کے حوالے سے حکمت عملی بنانے کی ہدایت کرتے ہوئے کہا کہ وفاقی اور صوبائی حکومتیں مل کر عام آدمی کو سستے داموں اشیائے خور و نوش کی فراہمی یقینی بنائیں، رمضان المبارک میں چینی اور دیگر اشیائے ضروریہ کی قیمتوں کے کنٹرول کے حوالے سے کوئی کوتاہی برداشت نہیں کی جائے گی۔

    عسکری کارروائیوں میں ملوث بلوچ ریپبلکن آرمی کا انتہائی مطلوب دہشتگرد گرفتار

    اجلاس میں نائب وزیراعظم و وزیر خارجہ اسحاق ڈار ، وفاقی وزیر منصوبہ بندی احسن اقبال ، وفاقی وزیر اقتصادی امور احد خان چیمہ ، وفاقی وزیر صنعت و پیداوار و قومی غذائی تحفظ رانا تنویر حسین ، اور متعلقہ اعلیٰ سرکاری افسران نے شرکت کی چاروں صوبوں کے چیف سیکرٹریز بذریعہ وڈیو لنک اجلاس میں موجود تھے۔

  • مسجد الحرام اور مسجد نبوی ﷺ میں اعتکاف کیلئے رجسٹریشن کا آغاز 5 مارچ سے

    مسجد الحرام اور مسجد نبوی ﷺ میں اعتکاف کیلئے رجسٹریشن کا آغاز 5 مارچ سے

    مکہ،مدینہ: مسجد الحرام اور مسجد نبوی ﷺ میں اعتکاف کیلئے رجسٹریشن کا آغاز 5 مارچ سے ہوگا۔

    باغی ٹی وی: حرمین شریفین انتظامیہ کے مطابق مقررہ تعداد مکمل ہونے تک اعتکاف رجسٹریشن جاری رہے گی انتظامیہ نے کہا ہے کہ اعتکاف کے خواہشمند 5 مارچ کو دن 11 بجے سے اتھارٹی پورٹل پرکوائف رجسٹرکراسکتے ہیں حرمین شریفین میں ہرمعتکف کو خصو صی کارڈ اور لاکر دیا جائے گا۔

    دوسری جانب سعودی وزارت صحت کی جانب سے عمر زائرین کے لیے ہدایت جاری کی گئی ہیں، سعودی وزارت صحت نے ’صحت مند زندگی‘ کے عنوان سے مہم کا آغاز کردیا، وزارت صحت کے مطابق عمرہ زائرین حفاظتی ٹیکے لگوا کر آئیں تاکہ وبائی امراض سے محفوظ رہیں، عمرہ کے سفر سے 10 روز قبل گردن توڑبخارکی ویکسین لگوانا ضروری ہے۔

    چیمپئنز ٹرافی: نیوزی لینڈ کیخلاف بھارت کی بیٹنگ لائن مشکلات کا شکار، 3 کھلاڑی آؤٹ

    سعودی وزارت صحت کے مطابق اس ویکسینیشن سے وبائی مرض سے محفوظ رہنے میں کافی مدد ملتی ہےاس کے علاوہ موسمی بخاراورانفلوئینزا سے بچاؤ کی بھی ویکسینیشن پر زور دیتے ہوئے کہا گیا ہے کہ معمر اور مریض افراد عمرہ روانگی سے 2 ہفتے قبل ویکیسنیشن ضرورکروائیں، ویکیسنیشن کروائیں تاکہ صحت مند رہ کر عمرہ آسانی اوریکسوئی سےکرسکیں۔

    عسکری کارروائیوں میں ملوث بلوچ ریپبلکن آرمی کا انتہائی مطلوب دہشتگرد گرفتار