Baaghi TV

Author: Ayesha Rehmani

  • حسینہ واجد کی حکومت نےے انسانیت کے خلاف جرائم کیے

    حسینہ واجد کی حکومت نےے انسانیت کے خلاف جرائم کیے

    جنیوا: اقوام متحدہ نے بنگلادیش کی سابق وزیراعظم شیخ حسینہ واجد کی حکومت کو انسانیت کے خلاف جرائم کا مرتکب قرار دیا ہے۔

    باغی ٹی وی : غیر ملکی میڈیا رپورٹس کے مطابق اقوام متحدہ کی فیکٹ فائنڈنگ رپورٹ میں کہا گیا ہےکہ بنگلادیش کی سابق وزیراعظم شیخ حسینہ واجد نے اقتدار میں رہنے کے لیے انسانیت کے خلاف جرائم کیے-

    یو این رپورٹ میں گزشتہ سال یکم جولائی سے 15 اگست تک بنگلادیش میں پیش آنے والے واقعات کا احاطہ کیا گیا ہے اور اس بنیاد پر اقوام متحدہ کے انسانی حقوق دفتر کا کہنا ہےکہ ان کے پاس یہ بات کہنے کی معقول وجوہات موجود ہیں کہ شیخ حسینہ حکومت انسانیت کے خلاف جرائم، قتل، تشدد، قید و بند اور بہت سے انسانیت سوز اقدامات میں ملوث رہی ہے۔

    کراچی میں حادثات،شرجیل میمن کا ایکشن،سڑکوں پر گاڑیوں کیلئے پالیسی آ گئی

    رپورٹ میں کہا گیا ہےکہ حکومت نے یہ جرائم شیخ حسینہ کی جماعت عوامی لیگ پارٹی کے پرتشدد عناصر کے ساتھ مل کر کیے جب کہ بنگلادیش کی سکیورٹی اور انٹیلی جنس سروسز بھی ان سب اقدامات میں شامل رہی ہیں جن میں ملک میں ہونے والے ایک بڑے احتجاج پر منصوبہ بندی کے تحت کریک ڈاؤن کیا گیا اور دیگر عام شہریوں کو بھی نشانہ بنایا گیا، یہ تمام اقدامات شیخ حسینہ نے اپنی حکومت کو برقرار رکھنے کے لیے کیے،بنگلادیش میں گزشتہ سال 45 دنوں تک ہونے والے احتجاج میں حکومتی کریک ڈاؤن کے نتیجے میں 1400 افراد جاں بحق ہوئے جن میں 12 سے 13 فیصد کم عمرشامل ہیں۔

    امریکا کےریویرامنصوبے پر اعتراض نہیں مگرفلسطینیوں کو غزہ سے نہ نکالاجائے،سعودی سفیر

    واضح رہےکہ بنگلادیش میں شدید احتجاج کے بعد 77 سالہ سابق وزیراعظم شیخ حسینہ واجد ملک چھوڑ کر بھارت فرار ہوگئی تھیں جب کہ انہیں پہلے ہی انسانیت کے خلاف جرائم پر بنگلادیش کی عدالتوں سے گرفتاری کے وارنٹس کا سامنا ہے۔

  • آئی سی سی نےشاہین شاہ آفریدی،سعود شکیل اور کامران غلام پر جرمانہ عائد کر دیا

    آئی سی سی نےشاہین شاہ آفریدی،سعود شکیل اور کامران غلام پر جرمانہ عائد کر دیا

    دبئی: انٹرنیشنل کرکٹ کونسل (آئی سی سی) نے قومی ٹیم کے فاسٹ بولر شاہین شاہ آفریدی، بیٹر سعود شکیل اور کامران غلام پر جرمانہ عائد کر دیا۔

    باغی ٹی وی : آئی سی سی کے مطابق تینوں کھلاڑیوں پر آئی سی سی کوڈ آف کنڈکٹ کی خلاف ورزی پر جرمانہ کیا گیاشاہین آفریدی پر میچ فیس کا 25 فیصد جرمانہ عائد کیا گیا جبکہ سعود شکیل اور متبادل کھلاڑی کامران غلام پر میچ فیس کا 10 فیصد جرمانہ عائد کیا گیا۔

    آئی سی سی کے مطابق شاہین آفریدی جان بوجھ کر جنوبی افریقا کے بیٹر میتھیو بریٹزکی کے راستے میں آئے اور غیر مناسب انداز سے باڈی کنٹیکٹ کیا اور مخالف ٹیم کے بیٹر سے بحث بھی کی جبکہ سعود شکیل اور کامران غلام نے ٹیمبا باووما کے آؤٹ ہونے کے بعد ان کے قریب جا کر غیر مناسب انداز میں سیلیبریٹ کیا، تینوں کرکٹرز کو ایک ایک ڈی میرٹ پوائنٹ بھی دیا گیا-

    امریکا کےریویرامنصوبے پر اعتراض نہیں مگرفلسطینیوں کو غزہ سے نہ نکالاجائے،سعودی سفیر

    واضح رہے کہ گزشتہ روز تین ملکی سیریز کے جنوبی افریقہ کے ساتھ میچ کے دوران دونوں ٹیموں کے کھلاڑیوں میں گرما گرمی ہوگئی تھی-

    پہلا واقعہ جنوبی افریقہ کی اننگز کے 28ویں اوور میں پیش آیا جب مہمان ٹیم کے نوجوان بیٹر بریٹزکی ایک رن لینے کےلیے نان اسٹرا ئیکنگ اینڈ کی جانب دوڑے اور فاسٹ بولر شاہین آفریدی سے ٹکرا گئے اس پر پاکستانی فاسٹ بولر غصہ ہوگئے اور اُنہوں نے بریٹزکی سے کچھ کہا جس پر دونوں کھلاڑی ایک دوسرے سے اُلجھ پڑے شاہین آفریدی زیادہ غصے میں دکھائی دیئے، بریٹزکی نے بھی اُن کو ترکی بہ ترکی جواب دیا لیکن پھر امپائرز نے آکر معاملہ رفع دفع کروایا۔

    مشی خان کا ڈکی بھائی کے خلاف ایکشن لینے کا مطالبہ

    دوسرا واقعہ اگلے ہی اوور میں پیش آیا جب سعود شکیل نے جنوبی افریقی کپتان ٹیمبا باووما کو رن آؤٹ کیااس پر اسکوائر لیگ سے کامران غلام جنوبی افریقی کپتان کے سامنے آکر جارحانہ انداز دکھانے لگے باووما کو ڈائرکٹ تھرو پر رن آؤٹ کرنے والے سعود شکیل نے تو حد ہی کردی، بالکل باووما کے سامنے آکر شور مچایا اور اُن کا راستہ روکا ایک لمحے کےلیے باووما رُک گئے مگر اُنہوں نے دونوں میں سے کسی کرکٹر کو جواب نہیں دیا اور فوراً ہی امپائرز نے آکر کامران غلام اور سعود شکیل کو سمجھایا۔

    سمندر میں تباہ ہونے والی آبدوز ’ٹائٹن‘ کے پھٹنے کی خوفناک آڈیو جاری

  • امریکا کےریویرامنصوبے پر اعتراض نہیں مگرفلسطینیوں کو غزہ سے نہ نکالاجائے،سعودی سفیر

    امریکا کےریویرامنصوبے پر اعتراض نہیں مگرفلسطینیوں کو غزہ سے نہ نکالاجائے،سعودی سفیر

    لندن: برطانیہ میں سعودی عرب کے سفیر شہزادہ خالد نے کہا ہے کہ فلسطینیوں کی کسی بھی ملک بشمول سعودی عرب منتقلی کےساتھ ٹرمپ کا ‘ریویرا’ (ساحلی تفریحی مقام) منصوبہ قابل قبول نہیں۔

    باغی ٹی وی: واضح رہے کہ رواں ماہ کے آغاز پر امریکی صدر نے اسرائیلی وزیراعظم سے نیتن یاہو واشنگٹن میں ملاقات کے بعد پریس کانفرنس میں اپنا منصوبہ پیش کیا تھا،کہا تھا کہ وہ غزہ کی تعمیر نو کریں گے تاہم فلسطینیوں کو وہاں سے دوسرے ممالک میں بسائیں گے ڈونلڈ ٹرمپ نے یہ تجویز بھی رکھی تھی کہ فلسطینیوں کو مصر اور اردن میں بسایا جائے گا کیوں یہ ممالک امریکا سے مالی امداد لیتے ہیں اس لیے آمادہ ہوجائیں گے، ڈونلڈ ٹرمپ کے اس منصوبے کو فلسطینی، حماس، عرب ممالک،پاکستان، اقوام متحدہ اور دیگر ممالک بھی مسترد کرچکے ہیں۔

    اب برطانیہ میں سعودی عرب کے سفیر شہزادہ خالد نے بھی ڈونلڈ ٹرمپ کے اس منصوبے کو سختی سے رد کیا ہے،شہزادہ خالد بن بندر نےکہا کہ سعودی عرب کو امریکا کےریویرا (ساحلی تفریحی مقام) منصوبے پر اعتراض نہیں مگرفلسطینیوں کو غزہ سے نہ نکالاجائے۔

    سمندر میں تباہ ہونے والی آبدوز ’ٹائٹن‘ کے پھٹنے کی خوفناک آڈیو جاری

    شہزادہ خالد کا کہنا تھا کہ سعودی حکومت کامؤقف ہے وہ غزہ میں ریویرا بنانےکا خیر مقدم کرے گا، میرا خیال ہے غزہ میں ریویرا بنانا زبردست بات ہوگی مگر یہ منصوبہ غزہ سے فلسطینیوں کی منتقلی کے بغیر بنایا جائے، فلسطینیوں کی کسی بھی ملک بشمول سعودی عرب منتقلی کے ساتھ’ریویرا’ قبول نہیں-

    انہوں نے کہا کہ سب جانتے ہیں فلسطین کی سرزمین فلسطینیوں کی ہے اور یہ ان کا علاقہ ہے، امریکاغزہ میں صورتحال تبدیل کرنا چاہتا ہے تو ہم اسے خوش آمدید کہتے ہیں مگر وہاں فلسطینیوں کا حق ہے کہ انہیں وہاں رہنے دیا جائے۔

    مشی خان کا ڈکی بھائی کے خلاف ایکشن لینے کا مطالبہ

  • سمندر میں تباہ ہونے والی آبدوز ’ٹائٹن‘ کے پھٹنے کی خوفناک آڈیو جاری

    سمندر میں تباہ ہونے والی آبدوز ’ٹائٹن‘ کے پھٹنے کی خوفناک آڈیو جاری

    امریکی سائنٹیفک ایجنسی نیشنل اوشینک اینڈ ایٹموس فیرک ایڈمنسٹریشن نے ٹائی ٹینک کے ملبے کی طرف سفر کے دوران تباہ ہونے والی آبدوز ٹائٹن کی تباہی کے وقت کی خوفناک آڈیو جاری کردی۔

    باغی ٹی وی: غیر ملکی میڈیا کے مطابق امریکی ادارے کی جانب سے جاری کردہ 20 سیکنڈ کی آڈیو میں کسی چیز کے پھٹنے کی آواز ہے اور پھر ایک شور سنائی دیتا ہے خیال کیا جاتا ہے کہ یہ ٹائی ٹینک کے ملبے کی جانب سفر کے دوران تباہ آبدوز ٹائٹن کی تباہی کے وقت کی آوازیں ہیں۔

    نیویارک پوسٹ کے مطابق اس ریکارڈنگ کو ایک مورڈ پیوسیو ایکوسٹک کے ذریعے حاصل کیا گیا جہاں سے تقریباً 900 میل دور اوشین گیٹ کی آبدوز پانی کے دباؤ میں پھنس گئی تھی اس حوالے سے امریکی کوسٹ گارڈ نے کہا اس کلپ سے پتا چلتا ہے کہ یہ ٹائٹن کے آبدوز کے پھٹنے کی آواز کے اخراج کے صوتی اخراج کا مجموعہ ہے۔

    امریکی بحریہ کا طیارہ سان ڈیاگو بے میں حادثے کا شکار

    واضح رہے کہ اوشین گیٹ Expeditions کی تیار کردہ یہ آبدوز گزشتہ سال18 جون کو بحر اوقیانوس میں ٹائی ٹینک کی جانب جاتے ہوئے حادثے کا شکار ہوئی تھی اس کے نتیجے میں ٹائٹن آبدوز میں سوار کمپنی کے چیف ایگزیکٹو اسٹاکٹن رش، دو پاکستانی شہری شہزادہ داؤد اور ان کے بیٹے سلیمان داؤد سمیت ہیمش ہارڈنگ اور پال ہنری نارجیولیٹ ہلاک ہو گئےتھےکئی دن کی تلاش کے بعد اس کا ملبہ دریافت ہوا تھا اور حکام نے بتایا تھا کہ اس بات کا قوی امکان ہے کہ آبدوز ٹائٹن لاپتا ہونے کے فوراً بعد ہی تباہ ہوگئی تھی۔

    شوبز چھوڑنے کیلئے مولانا طارق جمیل نے 3 کروڑ روپے کی آفر کی

  • شوبز چھوڑنے کیلئے مولانا طارق جمیل نے 3 کروڑ روپے کی آفر کی

    شوبز چھوڑنے کیلئے مولانا طارق جمیل نے 3 کروڑ روپے کی آفر کی

    لاہور: دین کی خاطر شوبز کو خیرباد کہنے والی پاکستان اسٹیج ڈراموں کی معروف سابقہ اداکارہ و ڈانسر نرگس نے انکشاف کیا ہے کہ ان کے دین کی جانب آنے میں اہم کردار معروف اسلامک اسکالر مولانا طارق جمیل کا ہے۔

    باغی ٹی وی: غزالہ ادریس المعروف نرگس نے حال ہی میں ایک نجی یوٹیوب چینل کو انٹرویو دیا ہے جس میں انہوں نے انکشاف کیا کہ میں کئی عمرے اور 4 حج ادا کر چکی ہوں، اللہ تعالیٰ نے اگر اس سال موقع دیا تو اس سال میرا یہ پانچواں حج ہو گا، میں ہر سال کسی نہ کسی کی حج پر جانے کے لیے مدد بھی کرتی ہوں۔

    نرگس کا کہنا ہے کہ میں 7 وقت کی پابندی سے نماز ادا کرتی ہوں، ایک وقت تھا میں گانے سنے بغیر میک اپ نہیں کرواتی تھی اور اب میں بغیر الارم کے تہجد کے لیے اٹھ جاتی ہوں، میں تہجد اور اشراق کے علاوہ 5 فرض نمازوں کی باقاعدگی سے پابندی کرتی ہوں، مجھے مذہب کی جانب لانے والے مولانا طارق جمیل ہیں، میں نے پہلا حج انہی کے ساتھ ادا کیا تھا۔

    مشی خان کا ڈکی بھائی کے خلاف ایکشن لینے کا مطالبہ

    انہوں نے بتایا کہ مولانا طارق جمیل نےمجھے حج پر جانے کے لیے کہا، میں نے انہیں بتایا کہ میں نے 3 کروڑ روپے بطور معاضہ لیے ہوئے ہیں، میں کیسے حج پر چلی جاؤں؟ مجھے پھر آ کر عبایا اتارنا پڑے گا اور کام کرنا ہو گا اس پر مولانا طارق جمیل نے کہا کہ وہ 3 کروڑ روپے تمہیں ہم دیتے ہیں مگر پہلے اس بات کا فیصلہ کر لو کہ ایک بار اس راہ پر چل پڑیں تو کبھی پچھتاوا یا دوبارہ انڈسٹری میں کام کر نے کا دل تو نہیں کرے گا؟

    کراچی، محسن نقوی نے ناظم آباد میں نئے پاسپورٹ آفس کا کیا افتتاح

    نرگس نے کہا کہ مولانا طارق جمیل نے مجھے کہا کہ پہلے دل سے تسلی کر لو، اس وقت بدلنا جب اندر سے بدل جاؤمولانا طارق جمیل نے مجھے تبلیغ میں بھی آنے کی دعوت دی، انہوں نے مجھے کہا کہ یہ جہاد ہے اس میں شامل ہو جاؤ اور دوسرے افراد کو بھی اس راہ پر لانے کی کوشش کرو۔

  • مشی خان کا ڈکی بھائی کے خلاف ایکشن لینے کا مطالبہ

    مشی خان کا ڈکی بھائی کے خلاف ایکشن لینے کا مطالبہ

    کراچی: پاکستانی اداکارہ و میزبان مشی خان نے بھارت میں ان دنوں جاری معروف پوڈکاسٹر رنویر الہ آبادیہ اور مقبول کامیڈین سمے رائنا کے تنازع کو پاکستانی یوٹیوبر سے جوڑا ہے۔

    باغی ٹی وی : کچھ دن قبل یوٹیوبر رنویر الہ آبادیہ نے شو انڈیاز گاٹ لیٹنٹ میں شرکت کی اور ایک امیدوار سے والدین سے متعلق تضحیک آمیز سوالات کیے اور نامناسب عمل کے بدلے 2 کروڑ روپے کی پیشکش بھی کی،اس واقعے کے بعد رنویر، سمے رائنا اور شو کے دیگر ججز، جن میں اشیش چنچلانی، جسپریت سنگھ اور اپوروا مکھیجا شامل ہیں، ان کے خلاف پولیس شکایت درج کروائی گئی۔

    بھارتی سوشل میڈیا پر سمے رائنا اور رنویر کے خلاف شدید ردعمل دیکھنے میں آیا، یہاں تک کہ مشہور بھارتی اداکاروں اور ہدایتکاروں نے بھی رنویر کی بات کی مخالفت کی،رنویر الہ آبادیہ کی گرل فرینڈ کی جانب سے بھی ان سے بریک اپ کرنے کا اشارہ دیا گیا ہے، سوشل میڈیا صارفین یہی دعویٰ کرتے نظر آرہے ہیں کہ رنویر کی گرل فرینڈ نے ان سے بریک اپ کرلیا ہے۔

    تاہم اس معاملے کے درمیان، رنویر کی گرل فرینڈ نکی شرما نے اپنے سوشل میڈیا اکاؤنٹ پر ایک پیغام جاری کیا ہے جس سے ظاہر ہو رہا ہے کہ وہ رنویر الہ آبادیہ کے فحش تبصرے سے بہت مایوسی ہوئی ہیں،اداکارہ نکی شرما نے انسٹاگرام پر شئیر کردہ ایک اسٹوری میں لکھا کہ ایک صحیح شخص آپ کے احساسات کی قدر کرتے ہوئے آپ کو یہاں حساس دلائے گا کہ آپ خاص ہیں جس سے آپ کو محبت اور اپنی قدر کا مکمل احساس ہوگا۔

    علاوہ ازیں رنویر الہ آبادیہ کے متنازع بیان کے بعد ہونے والی کانٹروورسی کے تناظر میں سمے رائنہ نے انسٹاگرام پر اپنے مداحوں کیساتھ اعلان کرتے ہوئے کہا کہ جو کچھ بھی اس وقت ہورہا ہے یہ میرے لیے کنٹرول سے باہر ہوچکا ہے اور اسی لیے میں نے اپنے شو انڈیاز گوٹ لیٹنٹ کی تمام ویڈیوز یوٹیوب سے ڈیلیٹ کردی ہیں۔

    اپنے خلاف شدید ردِ عمل کے بعد رنویر الہ آبادیہ نے ایک ویڈیو بیان جاری کیا اور اپنے متنازع بیان پر معذرت کی،یوٹیوبر کو ویڈیو میں پھوٹ پھوٹ کر روکر یہ کہتے سنا جا سکتا ہے کہ سب ختم ہو گیا اور مجھے اس لیے بُرا لگ رہا ہے کیونکہ میری وجہ سے جو شو بند ہوا ہے اس سے سب کا کام بند ہو گیا۔

    رنویر کا کہنا تھا کہ مجھے اب صرف یہ لگتا ہے کہ سب ختم ہونے کا قصوروار بس میں ہی ہوں، میں نے پوری ٹیم کو برباد کر دیا اور میری وجہ سے ان کا سارا کام بھی بند ہوگیا۔ ویڈیو میں انہیں گالم گلوچ کرتے ہوئے بھی دیکھا جا سکتا ہے۔

    اب حال ہی میں مشی خان نے ویڈیو پوسٹ کی جس میں انہوں نے کہا کہ ‘سمے رائنا اور رنویر الہ آبادیہ کے خلاف پورا بھارت کھڑا ہوگیا ہے، بھارت کے اول درجے کے ٹی وی شوز میں آرہا ہے کہ ان دونوں کا بائیکاٹ کیا جائے کیونکہ اس شو میں گالیاں اور غلیظ زبان استعمال کی جاتی ہے۔

    مشی خان نے کہا کہ ہمارے ہاں (پاکستان) بھی بہت سے یوٹیوبرز ہیں جو گندی زبان استعمال کرتے ہیں جو گندی گالیاں دے کر اپنا کیرئیر بنا کے بیٹھے ہیں اور اب وی لاگرز بن چکے ہیں، ان میں سب سے ٹاپ پر ڈکی بھائی ہیں جنہوں نے 13،14 سال کے بچوں کو گالیاں سکھائی ہیں، ان کے بارے میں کیا خیال ہے؟ پاکستان میں کوئی کھڑا ہوا ان کے خلاف؟-

    مشی خان نے وضاحت دی کہ ‘میرے کہنے کا مقصد یہ ہے کہ وہاں پر کتنا کھلا ماحول ہے لیکن پھر بھی اس کے خلاف سب کھڑے ہیں کہ یہ کیا تماشہ ہے، حالانکہ وہ کتنا مشہور پوڈکاسٹر ہے لیکن ہمارے ہاں کوئی آواز نہیں اٹھاتا’۔

  • پی ٹی آئی رہنما سیمابیہ طاہر کو پولیس نے ریلیز کر دیا

    پی ٹی آئی رہنما سیمابیہ طاہر کو پولیس نے ریلیز کر دیا

    راولپنڈی: پاکستان تحریک انصاف (پی ٹی آئی) کی رہنما سیمابیہ طاہر کو تھانہ نیو ٹاؤن پولیس نے ریلیز کر دیا-

    باغی ٹی وی:سیمابیہ طاہر کو پشاور ہائیکورٹ سے حاصل کی گئی ضمانت کی تصدیق کے لیے اڈیالہ جیل سے تحویل میں لے کر تھانہ نیو ٹاؤن منتقل کیا گیا تھاپولیس نے سیمابیہ طاہر کی ضمانت کی تصدیق ہونے پر انہیں ریلیز کیا، سیمابیہ طاہر نے پشاور ہائیکورٹ سے 26 فروری تک ضمانت حاصل کر رکھی ہے جس کی تصدیق کے لیے انہیں اڈیالہ جیل سے تحویل میں لے کر تھانہ نیو ٹاؤن منتقل کیا گیا۔

    سیمابیہ طاہر 26 نومبر احتجاج کے سلسلے میں درج مقدمہ میں مطلوب تھی، سیمابیہ طاہر جی ایچ کیو گیٹ حملہ کیس میں پیش ہونے کے لیے بدھ کے روز اڈیالہ جیل پہنچی تھیں جہاں سے انہیں تحویل میں لیا گیا، سیمابیہ طاہر کو نومبر 2024 میں درج کیے گئے کیسز میں حراست میں لیا گیا تھا۔

    پی ٹی آئی رہنما سیمابیہ طاہر کو تحویل میں لے لیا گیا

    وزارت ہوابازی کووزارت دفاع میں ضم کردیا گیا

    چیمپئنز ٹرافی 2025:وارم اپ میچز کے لیے پاکستان شاہینز کے تین اسکواڈز کا اعلان

  • وزارت ہوابازی کووزارت دفاع میں ضم کردیا گیا

    وزارت ہوابازی کووزارت دفاع میں ضم کردیا گیا

    اسلام آباد: وفاقی حکومت نے وزارت ہوا بازی کو بطور الگ وزارت ختم کردیا۔

    باغی ٹی وی: وزارت ہوابازی کووزارت دفاع میں ضم کردیا گیا اور وزارت دفاع نےکابینہ کے فیصلے اور کابینہ ڈویژن کے ایس آر اوپرعملدرآمد مکمل کرلیا وزارت دفاع نے وزارت ہوابازی کو ضم کرنے کا مراسلہ تمام وزارتوں اور ڈویژنز کوبھجوادیافیصلہ تمام صوبائی چیف سیکرٹریز بشمول آزادکشمیر اور گلگت بلتستان کوبھی بھجوادیا گیا۔

    مراسلے میں کہا گیا ہے کہ کابینہ نے14 جنوری2025 کو وزارت ہوابازی کو وزارت دفاع میں ضم کرنے کا فیصلہ کیا تھا اور کابینہ ڈویژن نے اس حوالے سے4 فروری2025 کو ایس آر او جاری کیا تھا،اب ہوابازی سے متعلقہ تمام امور کیلئے وزارت دفاع سے رجوع کیاجائے۔

    روس کی بھارت کو جدید ففتھ جنریشن لڑاکا طیارے فراہم کرنے کی پیشکش

    چیمپئنز ٹرافی 2025:وارم اپ میچز کے لیے پاکستان شاہینز کے تین اسکواڈز کا اعلان

    بجلی کے حوالے سے حکومت کی عوام کو بڑی خوشخبری

  • روس کی بھارت کو جدید ففتھ جنریشن لڑاکا طیارے فراہم کرنے کی پیشکش

    روس کی بھارت کو جدید ففتھ جنریشن لڑاکا طیارے فراہم کرنے کی پیشکش

    نئی دہلی: روس نے بھارت کو جدید ففتھ جنریشن لڑاکا طیارے فراہم کرنے کی پیشکش کردی۔

    باغی ٹی وی : روئٹرز کے مطابق روسی اور بھارتی حکام نے گزشتہ روز بتایا کہ روس کی جانب سے بھارتی فضائیہ کے لیے جدید ففتھ جنر یشن کا اسٹیلتھ لڑاکا طیارہ سکھوئی ایس یو 57 بھارت میں ہی تیار کرنے کی پیشکش کی گئی ہے، ماسکو نئی دہلی کے ساتھ دفاعی تعلقات کو فروغ دینے کے خواہاں ہے۔

    ہتھیار برآمد کرنے والے روس کے سرکا ری ادارے روسوبورون ایکسپورٹ کے ترجمان کے مطابق اگر بھارت یہ پیشکش قبول کرتا ہے تو بھارت میں طیاروں کی تیاری رواں سا ل سے ہی شروع ہوسکتی ہے۔

    چیمپئنز ٹرافی 2025:وارم اپ میچز کے لیے پاکستان شاہینز کے تین اسکواڈز کا اعلان

    خبررساں ایجنسی کے مطابق بھارتی وزارت دفاع نے فوری طور پر اس حوالے سے کوئی ردعمل نہیں دیا۔

    خبررساں ایجنسی نے روسی اور بھارتی ذرائع کا حوالہ دیتے ہوئے کہا ہے کہ بھارت کے سرکاری طیارہ ساز ادارے ہندوستان ایروناٹکس لمیٹڈ کے اہلکاروں کے ساتھ بات چیت میں روس کی جانب سے ایس یو 57 کی بھارت میں تیاری کی غیر رسمی پیشکش کی گئی۔

    وزیراعظم کی رمضان المبارک میں کم قیمت پر اشیا کی فراہمی کی حکمت عملی بنانے کی ہدایت

    روسوبورون ایکسپورٹ کے ترجمان نے بنگلورو میں ہونے والے ائیر شو کے موقع پر صحافیوں کو بتایا کہ ٹیکنالوجی کی مکمل منتقلی کے ساتھ بھارت میں ان طیاروں کی تیاری اس بات کو یقینی بنائے گی کہ روس پر مغربی پابندیوں سے طیارے کی پیداوار متاثر نہ ہو، ایس یو 30 طیاروں کی بھارتی پروڈکشن لائن میں بہتری کے بعد ایس یو 57 طیارے تیار کیے جاسکتے ہیں۔

    یہ اقدام اس وقت سامنے آیا ہے جب ہندوستانی فضائیہ اپنے لڑاکا سکواڈرن کو آگے بڑھانے کے خواہاں ہے، جو 42 کے ہدف سے کم ہو کر 31 پر آ گئے ہیں، ایسے وقت میں جب حریف چین اپنی فضائیہ کو بڑھا رہا ہے۔

    بجلی کے حوالے سے حکومت کی عوام کو بڑی خوشخبری

    روس کئی دہائیوں سے بھارت کو ہتھیار فراہم کرنے والا اہم ملک رہا ہے جو دنیا کا سب سے بڑا اسلحہ درآمد کنندہ ہے، اور اس کے لڑاکا طیارے بھارت کے فوجی بیڑے کا حصہ ہیں لیکن حالیہ برسوں میں ماسکو کی برآمدات کی صلاحیت کو یوکرین کی جنگ نے روک دیا ہے، جس سے نئی دہلی مغرب کی طرف نظر جمائے بیٹھا ہے۔

  • چیمپئنز ٹرافی 2025:وارم اپ میچز کے لیے پاکستان شاہینز کے تین اسکواڈز کا اعلان

    چیمپئنز ٹرافی 2025:وارم اپ میچز کے لیے پاکستان شاہینز کے تین اسکواڈز کا اعلان

    کراچی:آئی سی سی چیمپئنز ٹرافی 2025 کے وارم اپ میچز کے لیے پاکستان شاہینز کے تین اسکواڈز کا اعلان کردیاگیا۔

    باغی ٹی وی : 14 فروری کو افغانستان کے خلاف لاہور کے قذافی اسٹیڈیم میں ہونے والے میچ میں پاکستان شاہینز کی قیادت شاداب خان کریں گے،کراچی کےنیشنل اسٹیڈیم میں جنوبی افریقہ کے خلاف 17 فروری کو ہونے والے میچ میں محمد ہریرہ ٹیم کی قیادت کریں گے اس کے علاوہ 17 فروری کو دبئی میں پاکستان شاہینز کا مقابلہ بنگلہ دیش سے ہوگا جس میں محمد حارث کپتان ہوں گے۔

    افغانستان کےخلاف شاہینز کے اسکواڈ میں عبدالفصیح، عرفات منہاس،حسین طلعت، جہانداد خان، کاشف علی، محسن ریاض، محمد عباس آفریدی، عامر خان، محمد اخلاف، محمد عمران رندھاوا اور محمد عرفان خان شامل ہیں۔

    اوچشریف: یونین کونسل سیکریٹری رشوت لیتے رنگے ہاتھوں گرفتار

    کراچی میں شاہینز کا ٹکراؤ جنوبی افریقا سے ہوگا جس کے اسکواڈ میں عماد بٹ، فیصل اکرم، حسن نواز، امام الحق، خرم شہزاد، معاذ صداقت، مہران ممتاز، محمد غازی غوری، نیاز خان، قاسم اکرم اور سعد خان شامل ہوں گے۔

    دبئی میں بنگلادیش کے خلاف ہونے والے میچ کے اسکواڈ میں عامر جمال، عبدالصمد، علی رضا، اذان اویس، محمد وسیم جونیئر، مبشر خان، موسیٰ خان، عمیر بن یوسف، صاحبزادہ فرحان، صفیان مقیم اور اسامہ میر شامل ہوں گے۔

    دنیا کے کسی بھی آزاد ملک کی حریت کے لیے ہم لڑیں گے،فضل الرحمان

    پاکستانی شاہینز کے میچز کا شیڈول

    14 فروری کو شاہین قذافی اسٹیڈیم میں افغانستان کے خلاف میدان میں اتریں گے،17 فروری کو جنوبی افریقا کے خلاف کراچی کے نیشنل اسٹیڈیم میں میچ ہوگا،جبکہ 17 فروری کو ہی بنگلادیش کے خلاف آئی سی سی کرکٹ اکیڈمی میں دونوں ٹیمیں میدان میں نظر آئیں گی، اس کے علاوہ نیوزی لینڈ اور افغانستان کی ٹیموں کے درمیان 16 فروری 2025 کو نیشنل اسٹیڈیم میں وارم اپ میچ کھیلا جائے گا۔

    اشنا شاہ کی سالگرہ پر صنم سعید کے چرچے