Author: Ayesha Rehmani

لاہور: وزیر اطلاعات پنجاب عظمی بخاری نے عمر ایوب کے بیان پر ردعمل دیتے ہوئے کہا کہ پنجاب پولیس کچے کے ڈاکوؤں کو بھی پکڑ رہی ہے اور پکے کے ڈاکوؤں کو بھی پکڑے گی۔

باغی ٹی وی: عظمی بخاری نے کہا کہ پنجاب پولیس کسی بھی بے گناہ کو تنگ نہیں کرتی اور نہ ہی کسی ریکارڈ یافتہ مجرم کو چھوڑا جائے گا پنجاب پولیس کی سب سے بڑی خصوصیت یہ ہے کہ ان کا ڈنڈا بہت تگڑا ہے، اور وہ مجرموں کے خلاف بھرپور کارروائی کرنے میں کسی قسم کی کمیابی کا مظاہرہ نہیں کرتی۔

انہوں نے اس بات پر زور دیا کہ پنجاب میں انتقامی کارروائیوں یا سیاسی بنیادوں پر مقدمات درج کرنے کا سلسلہ اب مکمل طور پر ختم ہو چکا ہےانہوں نے یہ بھی واضح کیا کہ مریم نواز کی حکومت میں پنجاب پولیس مکمل طور پر غیر سیاسی اور غیر جانبدار طریقے سے کام کر رہی ہے، اور یہ کسی بھی صورت میں سیاسی لبادے میں چھپے ہوئے مجرموں کو بچنے کی اجازت نہیں دے گی جنہوں نے نو مئی کو شہداء کے مجسموں کی توہین کی، ان کے خلاف بلا امتیاز کارروائی کی جائے گی۔

علیزے شاہ کو ایک بار پھر بولڈ ویڈیوز پر تنقید کا سامنا

عظمی بخاری نے مزید کہا کہ پنجاب پولیس کی غیر جانبدار کارروائیوں کی وجہ سے عوام کا اعتماد بڑھا ہے اور اب کوئی بھی مجرم قانون سے بچنے کے لئے کوئی بھی چالاکی نہیں کر سکتا۔ وزیر اطلاعات نے یہ بھی کہا کہ پنجاب حکومت کی پختہ ارادی اور پولیس کے مضبوط اقدا مات کی وجہ سے صوبہ میں امن و امان کی صورتحال میں بہتری آئی ہے۔

واضح رہے کہ عمر ایوب نے حال ہی میں ایک بیان میں پنجاب پولیس کے کردار پر سوالات اٹھائے تھے جس پر وزیر اطلاعات پنجاب نے اپنے ردعمل میں واضح کیا کہ پنجاب پولیس اپنے فرائض بخوبی ادا کر رہی ہے اور کسی بھی سیاسی دباؤ کے بغیر مجرموں کے خلاف کارروائی کی جا رہی ہے۔

محکمہ جیل کی جانب سے سوشل میڈیا پالیسی جاری

لاہور: محکمہ جیل کی جانب سے سوشل میڈیا پالیسی جاری کر دی گئی –

باغی ٹی وی:محکمہ جیل کی جانب سے جاری پالیسی میں اس بات کی نشاندہی کی گئی ہے کہ سوشل میڈیا پر ڈیپارٹمنٹ کے متعلق مواد شئیر کرتے ہوئے احتیاط نہیں برتی گئی ، جیل کے اعلی اور ماتحت عملہ کی جانب سے مختلف ایکٹیویٹی ایس او پیز کی خلاف ورزی کے زمرے میں آئی –

نوٹیفکیشن کے مطابق سوشل میڈیا پر شئیر کیا گیا مواد محکمہ کی بدنامی کا باعث بنا، سوشل میڈیا پر جیل ایکٹیویٹی شئیر کرنے کے لئیے ایک سینٹرل گروپ تشکیل دے دیا گیا ،سینٹرل واٹس گروپ آئی جی جیل خانہ جات کی نگرانی میں کام کرے گا ، سی بھی جیل کی تمام ایکٹیویٹی کو سپرنٹنڈنٹ اور اسٹنٹ سپرنٹنڈنٹ کی نگرانی میں سنٹرل گروپ میں شئیر کیا جائے گا،سینٹرل گروپ سے مواد کو سوشل میڈیا پر شئیر کیا جائے گا،سوشل میڈیا کے حوالے سے نیا نوٹیفکیشن ڈی آئی جی ہیڈکوارٹرز جیل کی جانب سے گزشتہ روز جاری کیا گیا-

ثانیہ نے شعیب کا نام گھر سے ہٹاکر کس کا نام لکھوایا؟

پاکستان میں ہونیوالی سہہ ملکی ون ڈے سیریز ، میچ آفیشلز کا اعلان ہو گیا

پاکستان کیلئےمستقبل میں اچھے دن آرہے ہیں،وزیر داخلہ محسن نقوی

لاہور: سندھ کے بعد پنجاب حکومت نے بھی پانچ فروری کو یوم کشمیر پر عام تعطیل کا اعلان کر دیا ہے۔

باغی ٹی وی : حکومت پنجاب نے یوم یکجہتی کشمیر کے سلسلے میں پانچ5 فروری کو صوبے بھر میں عام تعطیل کا اعلان کیا ہے اس حوالے سے جاری نوٹیفکیشن کے مطابق 5 فروری کو تمام دفاتر اور ادارے بند ہوں گے۔

واضح رہے کہ اس سے قبل وفاقی حکومت کی جانب سے سال 2025 کیلئے 17 عوامی تعطیلات کا اعلان کیا جا چکا ہے، جن میں 5 فروری کی چھٹی بھی شامل ہے، 5 فروری بروز بدھ کشمیر یکجہتی دن کے طور پر منایا جائے گا۔

وسیم اکرم کے بیٹے نے ماڈلنگ کی دنیا میں قدم رکھ دیا

یاد رہے کہ بھارتی حکومت کے جبر کا شکار کشمیری عوام سے اظہار یکجہتی کے لیے پاکستان میں ہر سال 5 فروری کو یوم یکجہتی کشمیر منایا جاتا ہے، اس دن پاکستانی حکومت و عوام مقبوضہ كشمير کی آزادی اور کشمیری عوام سے اظہار یکجہتی کرتی ہے

پاکستان 5 فروری کو منقسم کشمیر کے سبھی حصوں میں بسنے والے کشمیریوں سے اظہارِ یکجہتی کا دن مناتا ہے یہ دن منانے کا سلسلہ گذشتہ کئی سال سے بلا تعطل جاری ہے جس میں پاکستان اور دنیا کے کئی ممالک میں بسنے والے پاکستانیوں کی سیاسی اور مذہبی جماعتیں احتجاجی جلسے منعقد کرتی ہیں اور سرکاری سطح پر تقریبات کا انعقاد ہوتا ہے۔

مری میں برف باری کا سلسلہ جاری ،محکمہ موسمیات کی نئی پیشگوئی جاری