Author: Ayesha Rehmani

واشنگٹن: امریکی حکومت اسرائیل کو 8 بلین ڈالرز کے ہتھیار فروخت کرے گی۔

باغی ٹی وی: عالمی میڈیا کے مطابق امریکی اہلکار کے حوالے سے بتایا کہ صدر جو بائیڈن کی انتظامیہ نے اسرائیل کو 8 بلین ڈالرز کے ہتھیار فروخت کرنے کا پروپوزل کانگریس کو بجھوا دیا، اسرائیل سے ہتھیاروں کی فروخت کا معاہدہ کانگریس اور سینیٹ کمیٹیوں کی منظو ر ی کے بعد کیا جائے گا۔

رپورٹ کے مطابق اسرائیل کو فروخت کیے جانے والے مجوزہ ہتھیاروں میں چھوٹے بم، جنگی طیاروں کے لیے اسلحہ، جنگی ہیلی کاپٹرز، گولہ بارود اور وارہیڈز شامل ہیں امریکی محکمہ خارجہ نے اسرائیل کو ہتھیاروں کی فروخت کے مجوزہ معاہدے سے متعلق کوئی تبصرہ نہیں کیا۔

چھوٹے اور درمیانے درجے کے کاروبار معیشت میں ریڑھ کی ہڈی کی حیثیت رکھتے ہیں،شہباز شریف

اس سے قبل غزہ میں فلسطینیوں کے قتل عام کیخلاف ہزاروں مظاہرین امریکا سے اسرائیل کو ہتھیاروں کی فروخت پر پابندی لگانے کا مطالبہ کرچکے ہیں تاہم امریکا کی اسرائیل سے متعلق پالیسی میں کوئی تبدیلی نہیں آئی ہے۔

اگست 2023 میں امریکہ نے اسرائیل کو 20 ارب ڈالر کے لڑاکا طیارے اور دیگر فوجی سازوسامان کی فروخت کی منظوری دی تھی، بائیڈن انتظامیہ کا کہنا ہے کہ وہ ایران کے حمایت یافتہ گروہوں جیسے حماس، حزب اللہ اور حوثیوں کے خلاف اپنے اتحادی کا دفاع کر رہی ہے۔

تربت میں ایف سی کی بس پر بم حملہ، کنڈکٹر سمیت 4 افراد جاں بحق، 35 زخمی

اسرائیل کی غزہ میں کارروائیوں کے نتیجے میں غزہ کے 2.3 ملین افراد نقل مکانی پر مجبور ہو گئے ہیں اور غذائی بحران پیدا ہو گیا ہےغزہ کی وزارتِ صحت کیمطابق شہادتوں کی تعداد 45 ہزار سے زائد ہو چکی ہے، امریکہ نے اقوامِ متحدہ کی سلامتی کونسل میں غزہ میں جنگ بندی کی قراردادوں کو ویٹو بھی کیا ہے صدر جو بائیڈن کی مدتِ صدارت 20 جنوری کو ختم ہو رہی ہے جب کہ ڈونلڈ ٹرمپ اپنی دو سری مدت کے لیے صدر کا عہدہ سنبھالیں گےدونوں رہنما اسرائیل کے مضبوط حامی تصور کیے جاتے ہیں۔

شیر افضل مروت کا پی ٹی آئی کیسز میں وکلا فیسوں کا آڈٹ کروانےکا مطالبہ

نئی دہلی: بھارت کے 1975 اور 1998 کے جوہری تجربات میں مرکزی کردار ادا کرنے والے نامور سائنسدان راجگو پالا چدمبرم انتقال کر گئے-

باغی ٹی وی : بھارتی جوہری توانائی کے اعلامیہ کے مطابق ہندوستان کے نامور ایٹمی سائنسدان ڈاکٹر راجگو پالا چدمبرم 4 جنوری 2025 کی صبح انتقال کر گئے، سائنس میں ان کی بصیرت اور ٹیکنالوجی کے حوالے سے ان کی خدمات کو ہمیشہ یاد رکھا جائے گا چدمبرم 1936 میں پیدا ہوئے، وہ چنائی کے پریذیڈنسی کالج اور انڈین انسٹی ٹیوٹ آف سائنس، بنگلورو کے سابق طالب علم تھے-

جوہری توانائی کے اہلکار نے بتایا کہ 88 سالہ چدمبرم جوہری ہتھیاروں کے پروگرام سے وابستہ تھے،ان کے قریبی لوگوں کے مطابق، چدمبرم نومبر میں بی اے آر سی میں گر گئے تھے اور ان کے سر میں چوٹ آئی تھی اور انہیں جسلوک ہسپتال میں داخل کرایا گیا تھا۔ انہیں ڈسچارج کر دیا گیا تھا، لیکن صحت کے مسائل کی وجہ سے دوبارہ داخل کر دیا گیا اور آج صبح ان کا انتقال ہو گیا۔

ورلڈ بینک سے پاکستان کو 40 ارب ڈالرز قرض ملنے کا امکان

اعلامیہ کے مطابق ،چدمبرم ملک کے مختلف اہم عہدوں پر فائز رہے، جن میں بھارت کے پرنسپل سائنسی مشیر (2001-2018)، بھابھا اٹامک ریسرچ سینٹر کے ڈائریکٹر (1990-1993) رہے۔چدمبرم اٹامک انرجی کمیشن کے چیئرمین اور ہندوستان حکومت کے سیکرٹری (1993-2000) بھی رہے انہوں نے انٹرنیشنل اٹا مک انرجی ایجنسی (IAEA) (1994–1995) کے بورڈ آف گورنرز کے چیئرمین کے طور پر بھی خدمات سرانجام دیں، چدمبرم نے ہندوستان کی جوہری صلاحیتوں میں اضافے کے لئے اہم کردار ادا کرتے ہوئے 1974 میں ملک کے پہلے جوہری تجربے میں اہم کردار ادا کیا، اور 1998 میں پوکھران-II جوہری تجربات کے دوران محکمہ جوہری توانائی کی ٹیم کی قیادت کی۔

68 سالہ شخص نے اپنی ہونے والی بہو سے شادی رچا لی

بھارتی جوہری توانائی کے اعلامیہ کے مطابق عالمی معیار کے ماہر طبیعیات کے طور پر ڈاکٹر چدمبرم کی تحقیق نے ہائی پریشر فزکس، کرسٹا لوگرافی اور میٹریل سائنس کے شعبوں نمایاں اضافہ کیا ڈاکٹر چدمبرم نے بھارت میں توانائی، صحت کی دیکھ بھال اور اسٹریٹجک خود انحصار ی جیسے شعبوں کی ترقی اور متعدد پروجیکٹوں کو مکمل کیا، انہوں نے ہندوستان کے سائنس و ٹیکنالوجی کے منظر نامے کو نمایاں طور پر آگے بڑھایا۔

اعلامیہ کے مطابق سپر کمپیوٹرز کی ہندوستان کی مقامی ترقی کی شروعات اور نیشنل نالج نیٹ ورک کو تصور کرنے میں بھی ان کا اہم کردار تھا، چدمبرم نے ملک میں تحقیق اور تعلیمی اداروں کو فروغ دیا،انہیں 1975 میں پدم شری اور 1999 میں پدم وبھوشن سمیت دیگر اہم ملکی اعزازات سے نوازا گیا ان کو کئی یونیورسٹیوں سے ڈاکٹریٹ کی اعزازی ڈگریاں ملیں، وہ ممتاز ہندوستانی اور بین الاقوامی سائنس اکیڈمیوں کے سربراہ تھے۔

چین میں پھیلنے والا وائرس 2 دہائیوں سے پاکستان میں موجود ؟

بھارتی وزیر اعظم نریندر مودی سمیت کئی سیاسی رہنماؤں نے ہندوستان کے جوہری ہتھیاروں کے پروگرام میں بھرپور کردار ادا کرنے پر ڈاکٹر چدمبرم کو خراج عقیدت پیش کیا ہے۔

بیجنگ: چین میں 68 سالہ شخص نے اپنے بیٹے کی منگیتر سے ہی شادی رچالی، اپنے بیٹے کی سابقہ منگیتر سے یہ اس کی چوتھی شادی ہے۔

باغی ٹی وی: چینی میڈیا کے مطابق بینک آف چائنا کے سابق چیئرمین لیو لیانج نے اپنے بیٹے کا رشتہ ختم کروا کر اس کی منگیتر سے شادی کرلی ہےلیولیانج کی عمر 68 سال ہے جب کہ وہ پہلے بھی تین بار شادی کرچکا ہے لیو لیانج نے اپنی پہلی بیوی کو طلاق دے دی تھی اور اس کے بعد مزید 2 شادیاں کم عمر خواتین سے کی تھیں۔

میڈیا کے مطابق لیو لیانج کے بیٹے نے اپنے والد کو گرل فرینڈ سے ملوا کر بتایا تھا کہ وہ اس لڑکی سے شادی کا خواہشمند ہے لیکن لیو اپنے بیٹے کی منگیتر پر دل ہار بیٹھا اور اس سے شادی کرنے کےلیے سازشیں کرنے لگاسازش کے تحت لیو لیانج نے جھوٹے الزاما ت لگا کر پہلے گرل فرینڈ کے خلاف اپنے بیٹے کو بھڑکایا اور پھر بیٹے کی دوستی اپنے دوست کی بیٹی کے ساتھ کروا دی بعد ازاں بیٹے کی سابقہ گرل فرینڈ کو مہنگے ترین تحائف دے کر اپنی محبت کے جال میں پھنسا لیا۔

چین میں پھیلنے والا وائرس 2 دہائیوں سے پاکستان میں موجود ؟

لیو کے بیٹے کو چھ ماہ بعد علم ہوا کہ اس کی سابقہ منگیتر اس کی تیسری سوتیلی ماں بن چکی ہے، جس کے بعد نوجوان شدید ڈپریشن کا شکار ہوگیا لیولیانج کی بدقسمتی کہ وہ اپنی چوتھی شادی کے بعد مشکلات میں پھنس گیا، اور اس پر رشوت اور بدعنوانی کے مقدمات سامنے آنے کے بعد عدالت سخت سزا سناچکی ہے۔

سویڈن ، بھیڑیوں کی آبادی کا تقریباً 10% شکار کرنے کی اجازت

رپورٹ کے مطابق گزشتہ برس نومبر میں لیو لیانج کو 17 ملین ڈالر رشوت لینے اور 450 ملین ڈالر سے زائد غیر قانونی قرضے جاری کرنے پر 2 سال کی مہلت کے ساتھ پھانسی کی سزا سنائی گئی لیکن غیر قانونی کاموں کے ساتھ لیو لیانج کا کردار بھی سرخیوں میں رہا-