Author: Ayesha Rehmani

نیویارک: نو منتخب امریکی صدر ڈونلڈ ٹرمپ کو ٹائم میگزین نے سال 2024 کا ’پرسن آف دی ایئر‘ قرار دے دیا۔

باغی ٹی وی: ٹائم میگزین کی جانب سے پرسن آف دی ایئر 2024 کے لیے شارٹ لسٹ کیے گئے امیدواروں میں موجودہ امریکی نائب صدر کملا ہیرس، برطانوی شہزادی کیٹ مڈلٹن، اسرائیلی وزیر اعظم نیتن یاہو، میکسیکو کی صدر کلاڈیا شین بام، اسپیس ایکس کے مالک ایلون مسک اور پوڈ کاسٹر جو روگن بھی شامل تھے۔

واضح رہے کہ ٹائم میگزین کی جانب سے ڈونلڈ ٹرمپ کو 2016 میں بھی پرسن آف دی ایئر قرار دیا گیا تھا،رہے کہ ڈونلڈ ٹرمپ نے 2013 میں میگزین کی جانب سے جاری کی جانے والی بااثر افراد کی فہرست کو ایک مذاق قرار دیتے ہوئے کہا تھا کہ یہ سلسلہ جلد ہی ختم ہوجائے گا۔

2015 میں ٹائم میگیزین کی جانب سے جرمن چانسلر اینجلا مرکل کو پرسن آف دی ایئر قرار دیا گیا تو ڈونلڈ ٹرمپ نے اس پر شکایت کی تاہم جب 2016 میں خود ڈونڈ ٹرمپ کو پرسن آف دی ایئر قرار دیا گیا تو ٹرمپ نے اسے اپنے لیے بڑا اعزاز قرر دیا، انہوں نے یہ بھی کہا کہ یہ بہت اہم میگزین ہے ڈونلڈ ٹرمپ کی تصویر رواں سال 3 مرتبہ ٹائم میگزین کے کور پر شائع ہوچکی ہے۔

اسرائیل نے جنوبی لبنان سے اپنے فوجی واپس بلانے کا عمل شروع کردیا ہے، یہ اعلان امریکا نے کیا ہے

۔ ایک قصبے سے اسرائیلی فوجی نکل گئے تو لبنانی فوج نے کنٹرول سنبھال لیا،دوسری طرف امریکا کی قومی سلامتی کونسل کے مشیر جیک سلیون کا کہنا ہے کہ اسرائیلی وزیرِاعظم بنیامین نیتن یاہو اسرائیلی یرغمالیوں کی رہائی اور غزہ میں جنگ بندی کے حوالے سے بات چیت کے لیے تیار ہیں۔

جنگ بندی معاہدے کے تحت جنگ بندی شروع ہونے کے بعد اسرائیل کو ساٹھ دن کے اندر اپنی فوج کو جنوبی لبنان سے مکمل طور پر نکال لینا ہے۔

اسرائیل کا دورہ کرنے والے جیک سلیون نے مقبوضہ بیت المقدس میں امریکی سفارت خانے میں پریس کانفرنس سے خطاب کرتے ہوئے کہا کہ ہم یرغمالیوں کو چھوڑنے کی ڈیل اور غزہ میں جنگ بندی کے بہت نزدیک ہے۔ معاملات کو نپٹانے اور تمام یرغمالیوں کو وطن واپس لانے کا وقت ہوگیا ہے۔ مجھے احساس ہوچلا ہے کہ اب نیتن یاہو کسی معاہدے تک پہنچ چکے ہیں۔

اس پریس کانفرنس سے قبل جیک سلیون نے اسرائیل کے وزیرِاعظم بنیامین نیتن یاہو سے گفت و شنید کی اب بہت سوں کو یقین ہوچلا ہے کہ یہ ڈیل کامیاب ہوگی جیک سلیون قطر مذاکرات کے کلیدی کردار رہے ہیں انہوں نے گزشتہ ہفتے غیر معمولی تحرک کی بات کہی تھی۔

اسرائیل میں اور اسرائیل سے باہر نیتن یاہو کے بہت سے ناقدین نے اُن پر فلسطینیوں سے مذاکرات کی راہ مسدود کرنے کا الزام عائد کیا ہے دوسری طرف اسرائیل بھی حماس پر یہی الزام عائد کرتا آیا ہے۔

جیک سلیون کا کہنا ہے کہ شام میں اپنے دوست یا حلیف بشارالاسد کی حکومت کا دھڑن تختہ ہو جانے کے بعد حماس نے بھی جنگ بندی پر آمادگی ظاہر کی ہےشام میں حکومت کے خاتمے کے بعد لبنان میں جنگ بندی نے بھی ایک مختلف تناظر پیدا کیا ہےحماس کے خلاف اسرائیلی فوج کی کامیابیوں نے یہ تناظر پروان چڑھایا ہے۔

جیک سلیوان نے کہا کہ مشرقِ وسطیٰ میں طاقت کا توازن بگڑ گیا ہے یہ سب کچھ ویسا نہیں ہے جیسا کہ یحیٰ سِنوار، حسن نصراللہ یا خود ایران نے سوچا تھا ہمیں اچانک مشرقِ وسطیٰ میں بڑی تبدیلی دکھائی دے رہی ہے اسرائیل طاقتور ہوکر ابھرا ہے اور ایران کمزور پڑگیا ہے۔

واشنگٹن: امریکی صدر جوبائیڈن نے امریکی تاریخ میں ایک دن میں سب سے بڑی معافی کا اعلان کیا ہے،امریکی صدر جو بائیڈن نے غیر متشدد جرائم کے مرتکب 39 امریکیوں کو صدارتی معافی جاری کی ہے، اور تقریباً 1500 دیگر افراد کی سزاؤں میں کمی کی ہے-

باغی ٹی وی :امریکی میڈیا کے مطابق وائٹ ہاؤس نے اسے ایک ہی دن میں جاری ہونے والی صدارتی معافی کی سب سے بڑی کارروائی قرار دیا، اس نے ملوث افراد کے نام نہیں بتائے ہیں،صدر جوبائیڈن نے 1500 مجرمان کی سزائیں تبدیل کردیں،امریکی آئین حکم دیتا ہے کہ صدر کے پاس "مواخذے کے معاملات کے علاوہ، امریکہ کے خلاف ہونے والے جرائم کے لیے معافی دینے کا وسیع اختیار ہے”۔

اس ماہ کے شروع میں ، بائیڈن نے اپنے بیٹے ہنٹر کو ایک متنازعہ معافی جاری کی ، جس نے صدر کے اپنے قریبی لوگوں کو معاف کرنے کے حالیہ رجحان کو جاری رکھا اس اقدام کا اعلان کرتے ہوئے، بائیڈن نے کہا کہ معاف کیے جانے والوں نے "کامیاب بحالی کا مظاہرہ کیا ہے اور اپنی برادریوں کو مضبوط اور محفوظ بنانے کے عزم کا اظہار کیا ہے”۔ ان کی غیر متشدد سزاؤں میں منشیات کے جرائم شامل تھے۔

جن مجرمان کی سزاؤں میں کمی ہوئی ان میں وہ قیدی شامل ہیں جو کورونا کےدوران اپنے گھروں میں کم از کم ایک سال قید رہےجبکہ معافی پانے والے 39 مجرمان وہ ہیں جو عدم تشدد کے جرائم کے مرتکب تھے،بائیڈن نے کہا کہ انہوں نے دکھایا ہے کہ وہ دوسرے موقع کے مستحق ہیں۔

کورونا وبا کے دوران امریکا میں ہر 5 میں سے ایک قیدی کورونا کا شکار رہا، قیدیوں کی سزاؤں میں کمی اور معافی صدر جوبائیڈن کے اپنے بیٹے ہنٹر بائیڈن کو گن اور ٹیکس کیس میں معافی دینے کے دباؤ کے باعث ہے۔

واضح رہے کہ جوبائیڈن انتقام سے بچنے اور ٹرمپ کے صدارت سنبھالنے سے پہلے کیپٹل ہل کے مجرمان کو بھی پیشگی معافی دینے پر غور کررہے ہیں۔

بھارت کے ایک گاؤں میں چائلڈ لیبر، گالم گلوچ اور بچوں میں موبائل فون کی لت کو روکنے کے لیے ایک منفرد اقدام شروع کیا گیا ہے۔

باغی ٹی وی :بھارتی میڈیا کے مطابق ریاست مہاراشٹرا کے گاؤں سونڈالہ میں اب اگر کوئی شخص گالی دیتے ہوئے پکڑا گیا، اسکول کے طالب علم کو گھر میں موبائل فون استعمال کرتے ہوئے دیکھا گیا یا گاؤں میں کسی نے بچوں سے مزدوری کرائی تو اس پر جرمانہ عائد کیا جائے گا۔

رپورٹ میں بتایا گیا ہے کہ یہ فیصلہ گاؤں میں پنچایت نےکیا ہے پنچایت کی جانب سے فیصلہ کیا گیا کہ گالم گلوچ کرنے والوں، بشمول ماں اور بہن کے خلاف زبان استعمال کرنے والوں پر 500 بھارتی روپے کا جرمانہ عائد کیا جائے گا ،گاؤں میں دیکھا گیا کہ موبائل فون کے ضرورت سے زیادہ استعمال کی وجہ سے اسکول کے طلبا کی کارکردگی پر منفی اثر پڑ رہا ہے۔ تاہم پنچایت کی جانب سے والدین سے کہا گیا کہ وہ اپنے بچوں کو موبائل فون استعمال نہ کرنے دیں۔

پنچایت کی جانب سے یہ فیصلہ کیا گیا کہ شام 7 بجے سے 9 بجے کے درمیان اسکول کے طلبا کو گھر میں موبائل فون استعمال کرنے کی اجازت نہیں ہوگی۔ اگر کسی بچے کو اس وقت کے دوران موبائل فون استعمال کرتے ہوئے پایا گیا تو اس کے خاندان پر 500 روپے کا جرمانہ عائد ہوگا اسکول کے اساتذہ پر مشتمل ایک ٹیم روزانہ شام 7 سے 9 بجے کے دوران گاؤں میں گشت کرے گی تاکہ موبائل فون کے استعمال کی نگرانی کی جا سکے۔

اس کے علاوہ گاؤں میں چائلڈ لیبر کے خاتمے کے لیے ایک مہم چلائی گئی ہے، جس کے تحت ایک منفرد نعرہ بنایا گیا ہے، ‘چائلڈ لیبر دکھائیں اور 1000 روپے انعام پائیں’۔ اگر کوئی بچہ مزدوری کرتا ہوا دکھائی دے تو اس کی تصویر کھینچ کر پنچایت کے دفتر لے آئیں۔ تصویر لانے والے شخص کو 1000 روپے انعام دیا جائے گا۔

گاؤں کے لوگوں کو پنچایت کے ان فیصلوں سے آگاہ کرنے کے لیے مختلف مقامات پر بینرز لگائے گئے ہیں،پنچایت کی جانب سے گاؤں میں گالم گلوچ کرنے والوں پر جرمانہ لگانے کا فیصلہ تو کیا گیا لیکن یہ ثابت کرنا مشکل ہوگا کہ کس نے گالی دی ہے،تاہم اس کے لیے گاؤں میں سی سی ٹی وی کیمرے نصب کیے گئے ہیں جن میں لوگوں کی آوازیں بھی ریکارڈ ہوتی ہیں۔