Author: ممتاز حیدر

اسلام آبا دہائیکورٹ کے چیف جسٹس اطہرمن اللہ نے کہا ہے کہ قانون کی بالادستی نہ ہو تو دشمن مضبوط ہو جاتا ہے

باغی ٹی وی کی رپورٹ کے مطابق اسلام آباد ہائیکورٹ کے چیف جسٹس اطہر من اللہ نے اسلام آباد ہائیکورٹ میں یوم آزادی کے موقع پر پرچم کشائی کی تقریب سے خطاب کرتے ہوئے کہا کہ قانون کی بالادستی کے ذریعے یہ آزادی حاصل کی گئی تھی،پاکستان بہت قربانیوں اور 100 سالہ غلامی کے بعد آزاد ہوا تھا،ہمارے دشمن پچھلے کئی سال سے ہمارے خلاف لڑ رہے ہیں، اس ملک کے عوام ہمارے اصل اسٹیک ہولڈر ہیں،وکلا نے کسی جج کو بحال کرنے کیلیے نہیں قانون کی بالادستی کی تحریک چلائی تھی، معاشرے میں قانون کی بالادستی نہ ہوتو دشمن بھی مضبوط ہو جاتا ہے ،

وزیراعظم کی مشیر برائے اطلاعات داکٹر فردوس عاشق اعوان نے کہا ہے کہ وہ دن دور نہیں جب کشمیری عوام پورے ولولے کیساتھ یوم آزادی منائیں گے.

باغی ٹی وی کی رپورٹ کے مطابق وزیراعظم کی مشیر برائے اطلاعات ڈاکٹر فردوس عاشق اعوان نے کہا ہے کہ پاکستان آج یوم آزادی کشمیریوں سے یکجہتی کے طورپرمنا رہا ہے،پاکستان کشمیریوں کی سیاسی، سفارتی اوراخلاقی حمایت جاری رکھے گا،کشمیر تقسیم ہند کا نامکمل ایجنڈا ہے،کشمیری عوام کوحق خودارادیت ملنے تک تقسیم ہند کا ایجنڈامکمل نہیں ہوسکتا،

فردوس عاشق اعوان کا مزید کہنا تھا کہ آج قائد کے فرمودات پرعمل پیرا ہونے کے عزم کا اعادہ کرنے کا دن ہے،کشمیرمیں بہنے والے لہو کے چھینٹے ہمارے دلوں پرگرتے ہیں،آج یوم آزادی پہلے سے کہیں زیادہ جوش وجذبے سے منانے کی ضرورت ہے،کشمیر کے مسئلے پر پاکستان کسی قسم کی لچک کامظاہرہ نہیں کرے گا،وہ دن دور نہیں جب کشمیری عوام پورے ولولے کیساتھ یوم آزادی منائیں گے،

صدر مملکت ڈاکٹر عارف علوی نے کہا ہے کہ کشمیریوں کے ساتھ تھے ،ہیں اور رہیں گے، پاکستان کی امن پسندی کو بھارت کمزوری نہ سمجھے

باغی ٹی وی کی رپورٹ کے مطابق اسلام آباد میں یوم آزادی کی تقریب سے خطاب کرتے ہوئے صدر مملکت ڈاکٹر عارف علوی نے کہا کہ آج کا دن قومی تاریخ میں اہمیت کا حامل ہے،ذاتی مفادات سےہٹ کرقومی مفادات کیلئےصلاحیتیں وقف کریں ،پوری قوم اپنے کشمیری بھائیوں کے ساتھ کھڑی ہے ،کشمیریوں کےساتھ تھے،ہیں اوررہیں گے،کشمیریوں کے دکھ کو اپنا دکھ سمجھتے ہیں،پاکستان کشمیرکی حیثیت تبدیل کرنےکےبھارتی فیصلےکوقبول نہیں کرتا،بھارتی اقدام شملہ معاہدےکی تمام شقوں کی نفی کرتاہے،

صدر مملکت کا مزید کہنا تھا کہ پاکستان ہر فورم پر کشمیریوں کا مقدمہ لڑے گا،پاکستان کبھی بھی کشمیریوں کی حمایت سے پیچھے نہیں ہٹے گا،بھارتی اقدام کی بعد معاملہ اقوام متحدہ میں لے جانے کا فیصلہ کیا ،مسلمان جنگ کی تمنا نہیں کرتےلیکن جنگ مسلط کی جائے تو پیچھے نہیں ہٹتے،پاکستان کی امن پسندی کو بھارت کمزوری نہ سمجھے ،بھارت کی اقلیتوں کو آج قائد اعظم کے دو قومی نظریے کی اہمیت سمجھ آرہی ہے

واضح رہے کہ آج ملک بھر میں یوم آزادی پاکستان یکجہتی کشمیر کے طور پر منایا جا رہا ہے، مودی سرکار نے کشمیر کی خصوصی حیثیت ختم کر دی ہے اس کے بعد پاکستان نے بھارت کے ساتھ سفارتی تعلقات ختم کر لئے اور یوم آزادی پاکستان کو یوم یکجہتی کشمیر کے طور پر منانے کا اعلان کیا

پاکستان اکانومی واچ کے صدر ڈاکٹر مرتضیٰ مغل نے کہا ہے کہ کشمیر کے مسئلے پر بھارت نے بڑی جارحیت کی ہے جسکی بھاری قیمت چکانا پڑے گا۔وزیر اعظم عمران خان اس بحران میں قوم کی امنگوں کی ترجمانی کر رہے ہیں۔ملک بھر کی عوام اورکاروباری برادری اس بحران میں حکومت اور فوج کے ساتھ کھڑی ہے اور کسی قسم کی قربانی سے دریغ نہیں کرے گا۔ضرورت بڑی تو ہم اپنے فوجی بھائیوں کے شانہ بشانہ لڑیں گے اور جانیں قربان کر دینگے۔ہمیں بھارت سے تجارتی یا ثقافتی تعلقات کی کوئی ضرورت نہیں ہے۔

ڈاکٹر مرتضیٰ مغل نے کہا کہ آزمائش کی اس گھڑی میں کشمیریوں کو تنہا نہیں چھوڑا جائے گا۔بھارتی مظالم اور کلسٹر بم کشمیریوں کی جزبہ حریت کو دبانے میں ناکام رہیں گے۔ بندوق کی نوک پر جہاد کے جزبہ کو ختم ناممکن ہے۔ بھارت کے مظالم اس حد تک بڑھ گئے ہیں کہ اقوام متحدہ کو بھی اپنی خاموشی توڑنا پڑی ہے اور پہلی باربھارت کو انتہائی واضع پیغام دیا گیا ہے جو پاکستان کی سفارتی فتح ہے۔انھوں نے کہا کہ مودی شاید یہ بھول گیا ہے کہ ظلم سے تحریکیں دبتی نہیں بلکہ مزید توانا ہو جاتی ہیں۔کئی ملک بھارت کے جنگی جنون پر تحفظات کا اظہار کر رہے ہیں جبکہ ہندو بنیاد پرست اسے اپنی فتح سمجھ رہے ہیں۔مودی کو ہٹلر کے راستے پر چلنے اور پورے کشمیر کو جیل بنانے سے کچھ نہیں ملے گا۔کشمیر کو ضم کرنے کے لئے آئین میں ٹمپرنگ سے بھارت کے ٹوٹنے کی عمل شروع ہو گیا ہے۔مسئلہ کشمیر کو عالمی امن کے لئے سب سے بڑا خطرہ بنا دیا گیا ہے۔دشمن بہت مکار ہے مگر ہمارے ادارے بھی چوکس ہیں اور انھیں ایڈونچر کی صورت میں منہ کی کھانا پڑے گی۔دو جوہری طاقتوں کو جنگ سے بچانے کے لئے دنیا کو اپنا کردار ادا کرنا پڑے گا۔ پاکستان اور بھارت کشمیر پر جنگیں لڑ چکے ہیں اور جھڑپیں معمول کا حصہ ہیں مگر اب اگر جنگ ہوئی تو بھارت کا وجود صرف تاریخ کی کتابوں رہ جائے گا۔

وزیراعظم عمران خان کے دورہ امریکا کے بعد پاکستان کو امریکا کی جانب سے 50 کروڑ ڈالر امریکی امداد کی پہلی قسط موصول ہو گئی

باغی ٹی وی کی رپورٹ کے مطابق وفاقی وزیر برائے اقتصادی امور حماد اظہر نے سماجی رابطے کی ویب سائٹ ٹوئٹر پر ٹویٹ کرتے ہوئے کہا کہ امریکی امداد کی 50 کروڑ ڈالر کی پہلی قسط پاکستان کو موصول ہو گئی ہے۔

The first tranche of USD 500 million has been received in this regard and this will add to boosting our forex reserves.

— Hammad Azhar (@Hammad_Azhar) August 10, 2019

وفاقی وزیرحماد اظہر کا کہنا ہے کہ امریکی امداد سے زرمبادلہ کے ذخائر میں اضافہ ہوگا۔

وفاقی وزیر حماد اظہر نے قوم کو خوشخبری سناتے ہوئے کہا کہ ایشیائی ترقیاتی بینک نے بھی دو سال سے معطل پاکستان کے لیے امدادی پروگرام بحال کر دیا ہے۔ یہ پروگرام سابقہ دور حکومت میں معاشی عدم توازن کی بنا پر معطل کیا گیا تھا۔

The Asian Development Bank has revived its program based financing for Pakistan that was suspended 2 years ago in the last govt's term due to extremly high 'macro-economic imbalances' that had arisen at that time.

— Hammad Azhar (@Hammad_Azhar) August 10, 2019

واضح رہے کہ وزیراعظم عمران خان نے امریکا کا دورہ کیا تھا جہاں ان کی امریکی صدر ڈونلڈ ٹرمپ سے ملاقات ہوئی تھی، اس موقع پر آرمی چیف جنرل قمر جاوید باجوہ اور وزیر خارجہ شاہ محمود قریشی بھی ان کے ہمراہ تھے، ٹرمپ نے کشمیر پر ثالثی کی پیشکش بھی کی تھی.امریکا پہنچنے پر ایئر پورٹ پر وزیر اعظم عمران خان کا پرتپاک استقبال کیا گیا، پھولوں کی پتیاں نچھاور کی گئیں، امریکہ میں مقیم پاکستانیوں کی بڑی تعداد ان کی ایک جھلک دیکھنے کیلئے موجود تھی۔