Baaghi TV

Author: ممتاز حیدر

  • کمسن فرشتہ قتل کیس، تحقیقات کہاں تک پہنچیں؟ اہم خبر آ گئی

    کمسن فرشتہ قتل کیس، تحقیقات کہاں تک پہنچیں؟ اہم خبر آ گئی

    وفاقی دارالحکومت اسلام آباد میں کمسن فرشتہ زیادتی و قتل کیس میں پولیس نے جیو فینسنگ رپورٹ مرتب کر لی ہے.

    باغی ٹی وی کی رپورٹ کے مطابق اسلام آباد پولیس نے فرشتہ کیس میں 8 لاکھ ٹیلی فون کالوں کی نگرانی کی، اب بھی پولیس 1587 مشکوک نمبرز کی نگرانی کر رہی ہے. پولیس نے گرفتار مرکزی ملزم کے علاو ہ چھ مشکوک اشخاص اور 50 مزید افراد سے تحقیقات کی. فرشتہ قتل کیس کے حوالہ سے جوڈیشل کمیشن انکوائری رپورٹ 28مئی کو مرتب کرے گی .

    واضح رہے کہ اسلام آباد کے علاقے چک شہزاد سے 15 مئی کو کمسن فرشتہ لاپتہ ہوئی تھی جسے قتل کر کے جنگل میں پھینک دیا گیا، پولیس کا کہنا ہے کہ نعش کو جنگل سے برآمد کر کے پوسٹ مارٹم کروایا گیا ہے جس میں کمسن فرشتہ کے ساتھ زیادتی کی بھی تصدیق ہوئی ہے. پولیس نے ملزمان کو گرفتار کر نے کے لئے ٹیمیں تشکیل دے دی ہیں.فرشتہ کا تعلق خیبر پختونخواہ کے قبائلی علاقے ضلع مہمند سے تعلق تھا.مقتولہ بچی مقامی سکول میں دوسری جماعت کی طالبہ تھی۔ علی پورفراش کے علاقے میں رہائش پذیر مقتولہ (ف) کے والد نے مقامی پولیس تھانے شہزاد ٹاون میں پانچ روز قبل بچی کی گمشدگی کی شکایت درج کروائی تھی۔ فرشتہ کے والد نے کمسن بیٹی کی لاش کو دھوپ میں رکھ کر احتجاج کیا .گذشتہ دو ماہ کے دوران وفاقی دارالحکومت اسلام آباد میں یہ دوسرا واقعہ ہے جس میں ایک کمسن بچی کو زیادتی کا نشانہ بنایا گیا ہے۔ اس سے پہلے بارہ کہو کے علاقے میں ایک دو سالہ بچی کو جنسی زیادتی کا نشانہ بنایا گیا تھا۔

    کمسن فرشتہ کی زیادتی کے بعد سماجی رابطےکی ویب سائٹ ٹویٹر پر #JusticeForFarishta ٹاپ ٹرینڈ رہا. شہریوں نے فرشتہ کے قاتلوں کو سزا دینے کا مطالبہ کیا ہے.

    میجر جنرل آصف غفور نے کہا کہ معصوم فرشتہ کا ظالمانہ قتل قابل مذمت ہے ،ذمہ داروں کو قانون کے کٹہرے میں لانے کے لیے فوج ہر ممکن تعاون کرنے کے لیے تیار ہے ۔ڈی جی آئی ایس پی آر کا مزید کہنا تھا کہ ہمیں معاشرتی ناسوروں سے اپنی آنے والی نسلوں کو محفوظ بنانے کے لیے ہر ممکن کوشش کرنی چاہیے۔

  • بی جے پی کی کامیابی کے بعد بھارت میں گائے کے گوشت کے نام پر مسلمانوں پر تشدد

    بی جے پی کی کامیابی کے بعد بھارت میں گائے کے گوشت کے نام پر مسلمانوں پر تشدد

    بھارتی الیکشن میں بی جے پی کی کامیابی کے بعد اقلیتوں پر تشدد کا سلسلہ شروع ہو گیا، گائے کے گوشت کے الزام میں خاتون سمیت مسلمان خاندان پر ہندو انتہا پسندوں نے شدید تشدد کا نشانہ بنایا.

    باغی ٹی وی کی رپورٹ کے مطابق بھارت کی ریاست مدھیہ پردیش کے ضلع سیونی میں بھارتی نتائج والے روز ایک مسلمان خاندان کو ہندو انتہا پسندوں نے یہ کہہ کر تشدد کا نشانہ بنایا کہ وہ گائے کا گوشت لے کرجا رہے تھے. شری رام سینا کے صدر شبھم بگھیل نے گائے کا گوشت لے جانے کا الزام لگا کر مسلمان نوجوانوں کو بہیمانہ تشدد کا نشانہ بنایا.شبھم بگھیل اپنے غنڈوں اور ہندو انتہا پسندوں کے ہمراہ مسلمان خاندان کے پاس گیا اور گاڑی میں موجود افراد پر تشدد کیا اور ان سے ’جے شری رام‘ کے نعرے بھی لگوائے۔ اس موقع پر لوگ جمع ہوئے لیکن وہ تماشا دیکھتے رہے. شبھم بگھیل کی جانب سے مسلمان خاندان پر تشدد کی ویڈیو سوشل میڈیا پر وائرل ہو چکی ہے. شبھم بگھیل مسلمانوں پر تشدد کے حوالہ سے مشہور ہے ماضی میں بھی وہ مسلمانوں پر تشدد کرتا رہا ہے اسی وجہ سے اسے 6 فروری کو ضلع بدر کیا گیا تھا لیکن وہ واپس آیا اور پھر مسلمان خاندان کو تشدد کا نشانہ بنایا.

    واضح رہے کہ مدھیہ پردیش سے دہشت گردی می نامزدسادھوی پراگیا نے الیکشن جیتا ہے جس کے بعد ہندو انتہا پسندوں نے مسلمانوں پر حملے شروع کر دئیے .

  • سوات میں سکول بس کھائی میں گرنے سے 31 طالبات زخمی

    سوات میں سکول بس کھائی میں گرنے سے 31 طالبات زخمی

    پاکستان کے صوبہ خیبرپختونخواہ کے ضلع سوات میں سکول بس کھائی میں گرنے سے اکتیس طالبات سمیت 34 افراد زخمی ہو گئے.

    باغی ٹی وی کی رپورٹ کے مطابق صوبہ خیبر پختونخواہ کے ضلع سوات کی تحصیل مٹہ میں ایک سکول کی بس کھائی میں گر گئی جس کے باعث 31 طالبات زخمی ہو گئیں، بس سکول کی طالبات کو واپس لے کر جا رہی تھی. پولیس کا کہنا ہے کہ بس کی بریکیں فیل ہونے کی وجہ سے حادثہ پیش آیا.حادثہ کی اطلاع ملنے پر ریسکیو ٹیمیں موقع پر پہنچ گئیں جنہوں نے زخمی طالبات کو ہسپتال منتقل کر دیا.

  • الیکشن میں شکست، راہل کی کانگریس صدارت سے استعفیٰ کی پیشکش رد کر دی گئی

    الیکشن میں شکست، راہل کی کانگریس صدارت سے استعفیٰ کی پیشکش رد کر دی گئی

    بھارتی الیکشن میں شکست کے بعد کانگریس کے‌ صدر راہل گاندھی نے پارٹی صدارت سے استعفیٰ دینے کی پیشکش کی جسے رد کر دیا گیا

    باغی ٹی وی کی رپورٹ کے مطابق بھارتی الیکشن میں کانگریس کی شکست کے بعد کانگریس کا پارٹی اجلاس ہوا جس میں راہل نے اخلاقی طور پر پارٹی صدارت سے استعفیٰ دینے کا کہا جسے پارٹی کے دیگر عہدیداران نے مسترد کر دیا.کانگریس کے پارٹی اجلاس میں سونیا گاندھی، سابق وزیر اعظم منموہن سنگھ، پارٹی جنرل سکریٹری کے سی وینوگوپال، سینئر لیڈر اے کے انٹونی، پرینکا گاندھی، پارٹی خزانچی احمد پٹیل، کیپٹن امریندر سنگھ ، شیلا دکشت سمیت تقریبا تمام اراکین موجود تھے. اجلاس میں الیکشن میں شکست کے حوالہ سے غوروخوض کیا گیا. اجلاس میں راہل نے الیکشن میں شکست پر پارٹی سے استعفیٰ دینے کے پیشکش کی جسے اراکین نے رد کر دیا.

    واضح رہے کہ بھارتی الیکشن میں مودی کی پارٹی اور ا ن کے اتحادیوں نے 350 سے زائد نشستیں حاصل کی ہیں جبکہ کانگریس کو ایک سو نشستیں بھی نہیں مل سکیں.

  • مقبوضہ کشمیر میں بھارتی فوجی کی خود کشی

    مقبوضہ کشمیر میں بھارتی فوجی کی خود کشی

    مقبوضہ کشمیر میں بھارتی فوجی نے اپنی ہی گن سے گولی چلا کر خود کشی کر لی

    باغی ٹی وی کی رپورٹ کے مطابق مقبوضہ کشمیر کے علاقے ہامرے پٹن میں ہفتہ کی صبح ایک بھارتی فوجی نے خود کشی کی ہے. 22انجینئرنگ ریجمنٹ سے تعلق رکھنے والے فوجی نے اپنی سرکاری گن سے خود کو گولی مار کر دوران ڈیوٹی خود کشی کی. گولی کی آواز آنے پر دیگر فوجی اس جانب بھاگے تو فوجی خون میں لت پت پڑا تھا جسے قریبی فوجی ہسپتال پہنچایا گیا لیکن وہ ہسپتال پہنچ کر ہلاک ہو گیا .فوجی اہلکار کی شناخت 22سالہ سپاہی بتینی تیرو پتی کے طور ہوئی.

    واضح رہے کہ سال 2018 کے دوران 80 بھارتی فوجی اہلکاروں نے خود کشی کی جبکہ بھارتی فضائیہ میں 16 اہلکاروں اور نیوی میں 8 اہلکاروں نے خود کشی کی۔ جنوری 2007 سے اب تک مقبوضہ کشمیر میں خود کشی کرنے والے بھارتی اہلکاروں کی تعداد 426 ہوگئی ہے.

  • شہباز شریف کو بھیک مانگتے دیکھا، شیخ رشید کا دعویٰ

    شہباز شریف کو بھیک مانگتے دیکھا، شیخ رشید کا دعویٰ

    وفاقی وزیر ریلوے شیخ رشید احمد نے دعویٰ کیا ہے کہ میں نے خود شہباز شریف کو این آر او کی بھیک مانگتے دیکھا ہے.

    باغی ٹی وی کی رپورٹ کے مطابق شیخ رشید احمد نے کہا کہ مسلم لیگ ن کی چیخیں نکل رہی ہیں،ن لیگ چیرمین نیب کوہٹانے کا مطالبہ اس لیے کررہی ہے کہ احتساب کا عمل رک جائے، شیخ رشید احمد نے مزید کہا کہ لاڑکانہ میں ایڈز کیسز پر وزیر صحت سندھ کو استعفیٰ دینا چاہیے یہ ڈوب مریں شرم سےلاڑکانہ میں بچوں کاایک اسپتال نہیں، اس سے بڑا ظلم کیا ہو گا کہ سندھ میں ایڈز کا مرض پھیل رہا ہے. شیخ رشید احمد نے مزید کہا کہ آصف زرداری اور نواز شریف اندر سے ملے ہوئے ہیں، پیپلز پارٹی میں اچھے لوگ بھی ہیں،گندے انڈے بھی ہیں .

     

    شیخ رشید کی جانب سے سندھ کو ایڈزستان کہنے پر بلاول نے کیا کام کیا؟.

    واضح رہے کہ سندھ میں ایڈز کی بیماری میں اضافہ ہو رہا ہے جسکی وجہ سے بلاول زرداری نے آج لاڑکانہ میں اجلاس بلایا ہوا ہے،.رتوڈیرو میں ایڈز کے مریضوں میں کافی اضافہ ہوا ہے.

     

     

  • عید کے موقع پر 3 خصوصی ٹرینیں، کرایہ کتنا ہو گا، شیخ رشید نے بڑا اعلان کر دیا

    عید کے موقع پر 3 خصوصی ٹرینیں، کرایہ کتنا ہو گا، شیخ رشید نے بڑا اعلان کر دیا

    وفاقی وزیر ریلوے شیخ رشید احمد نے کہا ہے کہ عید کے روز پورے پاکستان میں ریلوے کا کرایہ آدھا ہوگا ،عید پر 3 خصوصی ٹرینیں چلائیں گے .

    باغی ٹی وی کی رپورٹ کے مطابق شیخ رشید احمد نے لاہور میں میڈیا سے گفتگو کرتے ہوئے کہا کہ عید کے15دن تک کراچی میں ریلوے کی زمین واگزارکروانے کا اپنا ٹاسک مکمل کرلیں گے ،سرکلرریلوے سے متعلق سندھ حکومت مجھےبلاوجہ نشانہ بنارہی ہے ،ہم نےریلوے ٹریک کے دونوں طرف کی مقررہ جگہ خالی کروا کردینی ہے،شیخ رشید احمد نے مزید کہا کہ ہمارے پاس ایک بھی فریٹ ٹرین خالی نہیں ہے8ہزار بھرتیوں کی تیاری کر لی ہے، میرٹ سےہٹ کربھرتیاں کرنےوالوں کومعاف نہیں کیا جائے گا ،شیخ رشید احمد نے مزید کہا کہ ریلوے میں تقرریوں کے لیے قرعہ اندازی کا کہا ہے ریلوےلائنوں میں سرمایہ کاری کیلئے نجی کمپنیوں کودعوت دی ہے.

  • چیئرمین نیب کے استعفیٰ کے مطالبے پر مسلم لیگ ن میں اختلافات

    چیئرمین نیب کے استعفیٰ کے مطالبے پر مسلم لیگ ن میں اختلافات

    چیئرمین نیب کے استعفیٰ کے مطالبے پر مسلم لیگ ن میں اختلافات پید ا ہو گئے. مسلم لیگ نے کے رہنما ملک احمدخان نے چیئرمین نیب کے مستعفی ہونے کا مطالبہ کیا تو ن لیگ کی ترجمان میدان میں آ گئیں، مریم اورنگزیب نے کہا کہ ملک محمد احمد خان صاحب نے جو کہا، وہ ان کی ذاتی رائے ہے ،ملک محمد احمد خان کی رائے پارٹی موقف نہیں .

    باغی ٹی وی کی رپورٹ کے مطابق مسلم لیگ ن کے رہنما ملک احمد خان نے چیئرمین نیب کے استعفیٰ کا مطالبہ کرتے ہوئے کہا تھا کہ چیئرمین نیب اب احتساب کی پوزیشن میں نہیں رہے۔ نیب تحریک انصاف کا پلاننگ یونٹ ہے، نیب کی وجہ سے لوگوں نے خودکشیاں شروع کر دی ہیں، چیئرمین نیب نے کہا وزرا کیخلاف اس لیے کارروائی نہیں کر رہا کہ حکومت نہ گر جائے، نیب حکومت کا ایک ٹول ہے، نیب قانون کا غلط استعمال کر رہا ہے، چیئرمین نیب نے ملکی نظام کا تماشہ لگا دیا ہے، یقین ہے چیئرمین نیب ملکی مفاد میں استعفیٰ نہیں دینگے، قانون کو اس ملک میں کون بیان کرے گا؟۔

    چیئرمین نیب کے خلاف خبر نشر کرنے پر پیمرا نے نیوز ون چینل کو شوکاز نوٹس جاری کرتے ہوئے جواب طلب کر لیا.      چیئرمین نیب کی کردار کشی کرنیوالے سائبر کرائم کے ماہر، انڈیا اور افغانستان میں رابطے، حیران کن انکشافات.      چیئرمین نیب ویڈیو سیکنڈل، مسلم لیگ ن تقسیم ہو گئی، پہلے ذاتی معاملہ کہا پھر یوٹرن لے لیا.

     

    ملک احمد خان کی جانب سے چیئرمین نیب کے استعفیٰ کے مطالبے کے بعد مریم اورنگزیب میدان میں آ گئیں اور انہوں نے کہا کہ استعفیٰ کا مطالبہ ملک احمد خان کی ذاتی رائے ہے ، پارٹی کی نہیں.صدرمسلم لیگ ن شہباز شریف،سینیرنائب صدرشاہدخاقان چیرمین نیب پرواضح پارٹی موقف بیان کرچکے ہیں ،مریم اورنگزیب نے مزید کہا کہ پارلیمانی کمیٹی بنائی جائےجو چیرمین نیب کےسارے معاملےکی تحقیق کرے .

  • شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

    شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

    پیپلز پارٹی کے چیئرمین بلاول زرداری نے نوڈیرو ہاوس لاڑکانہ میں اہم اجلاس طلب کر لیا ہے.

    باغی ٹی وی کی رپورٹ کے مطابق بلاول زرداری کی زیر صدارت ہونے والے اجلاس میں صوبائی وزیرصحت،لاڑکانہ سےمنتخب ایم این ایز،ایم پی ایزشریک ہوں گے ،اجلاس میں ایچ آئی وائرس اورروک تھام پربلاول بھٹوزرداری کوبریفنگ دی جائے گی

    واضح رہے کہ اس سے قبل بلاول ہاوس کراچی میں ہونے والے اجلاس میں بلاول زرداری نے سندھ ایڈز کنٹرول پروگرام کی کارکردگی پر تشویش ظاہر کی تھی، تین گھنٹے تک جاری اجلاس میں بلاول نے سیکرٹری صحت سے بھی بریفنگ لی. اجلاس میں وزیراعلیٰ سندھ مراد علی شاہ، وزیر صحت عذرا پیچوہو، مشیراطلاعات مرتضی وہاب، سیکریٹری صحت ڈاکٹر سعید اعوان، اسپیشل سیکریٹری صحت پبلک ہیلتھ ڈاکٹر حفیط اللہ عباسی و دیگر حکام نے شرکت کی .سیکرٹری صحت نے اجلاس میں بلاول زرداری کو بریفنگ دیتے ہوئے بتایاکہ 9082 افرادکے ٹیسٹ کیے گئے جن میں سے393 افرادایچ آئی وی پازیٹو نکلے جن میں312 بچے اور81افراد شامل ہیں۔ بلاول نے حکام پر شدید برہمی کا اظہار کیا.

    وفاقی وزیر ریلوے شیخ رشید احمد کا کہنا ہے کہ دنیامیں اتنے ایڈز کے مریض کہیں نہیں جتنے سندھ میں ہیں،سندھ حکومت نے صوبے کو ایڈستان بنادیا ہے، دنیا میں ایڈز کے اتنے مریض کہیں نہیں ہوں گے جتنے لاڑکانہ میں ہیں. ایک دن سندھ کے ویزے پر پابندی لگ جائے گی.

    واضح رہے کہ پیپلز پارٹی کے چیئرمین بلاول زرداری کے حلقہ رتوڈیرو میں 617 افراد میں ایڈز کی تشخیص ہوئی .

  • نیب نے زرداری اور بلاول کو ایک ہی دن طلب کر لیا

    نیب نے زرداری اور بلاول کو ایک ہی دن طلب کر لیا

    نیب نے سابق صدر آصف زرداری کو 29 مئی کو طلب کر لیا، بلاول کو بھی نیب نے 29 مئی کو ہی طلب کیا ہوا ہے

    باغی ٹی وی کی رپورٹ کے مطابق نیب نیب راولپنڈی نے سابق صدرآصف زرداری کو 29 مئی کودوبارہ طلب کیا ہے .پیپلز پارٹی کے شریک چیئرمین آصف زرداری کو پاورپروجیکٹ،غیرقانونی ٹھیکوں کے کیس میں نیب نے طلب کیا ہے، زرداری کو نیب نے 29 مئی کو اولڈ نیب ہیڈکوارٹر پیش ہونے کی ہدایت کی ہے .نیب نے اسی روز پیپلز پارٹی کے چیئرمین بلاول زرداری کو بھی جے وی اوپل کیس میں طلب کر رکھا ہے .بلاول کو نیب نے 24 مئی کو بلایا تھا لیکن بلاول پیش نہ ہوئے اب نیب نے بلاول کو بھی 29 مئی کو ہی طلب کیا ہے.

    نیب پیشی کا نوٹس، بلاول کا وصول کرنے سے انکار