Baaghi TV

Author: ممتاز حیدر

  • اسلام آباد میں کمسن فرشتہ زیادتی کے بعد قتل

    اسلام آباد میں کمسن فرشتہ زیادتی کے بعد قتل

    وفاقی دارالحکومت اسلام آباد میں کمسن بچی کو زیادتی کے بعد قتل کر دیا گیا ہے

    باغی ٹی وی کی رپورٹ کے مطابق اسلام آباد کے علاقے چک شہزاد سے 15 مئی کو کمسن فرشتہ لاپتہ ہوئی تھی جسے قتل کر کے جنگل میں پھینک دیا گیا، پولیس کا کہنا ہے کہ نعش کو جنگل سے برآمد کر کے پوسٹ مارٹم کروایا گیا ہے جس میں کمسن فرشتہ کے ساتھ زیادتی کی بھی تصدیق ہوئی ہے. پولیس نے ملزمان کو گرفتار کر نے کے لئے ٹیمیں تشکیل دے دی ہیں.فرشتہ کا تعلق خیبر پختونخواہ کے قبائلی علاقے ضلع مہمند سے تعلق تھا.مقتولہ بچی مقامی سکول میں دوسری جماعت کی طالبہ تھی۔ علی پورفراش کے علاقے میں رہائش پذیر مقتولہ (ف) کے والد نے مقامی پولیس تھانے شہزاد ٹاون میں پانچ روز قبل بچی کی گمشدگی کی شکایت درج کروائی تھی۔ فرشتہ کے والد نے کمسن بیٹی کی لاش کو دھوپ میں رکھ کر احتجاج کیا ، وفاقی دارالحکومت ہونے کے باوجود کیس بھی حکومتی نمائندے نے ان سے رابطہ نہیں کیا.

    واضح رہے کہ گذشتہ دو ماہ کے دوران وفاقی دارالحکومت اسلام آباد میں یہ دوسرا واقعہ ہے جس میں ایک کمسن بچی کو زیادتی کا نشانہ بنایا گیا ہے۔ اس سے پہلے بارہ کہو کے علاقے میں ایک دو سالہ بچی کو جنسی زیادتی کا نشانہ بنایا گیا تھا۔

    کمسن فرشتہ کی زیادتی کے بعد سماجی رابطےکی ویب سائٹ ٹویٹر پر #JusticeForFarishta ٹاپ ٹرینڈ رہا. شہریوں نے فرشتہ کے قاتلوں کو سزا دینے کا مطالبہ کیا ہے.

  • پی سی گوادرپرحملے کے وقت چوتھا دہشت گرد کہاں تھا؟ اس کو کس نے ہلاک کیا؟ بڑی خبر

    بلوچستان کے علاقہ گوادر میں پی سی ہوٹل پر ہونے والے حملہ میں تین حملہ آور ہوٹل تک پہنچ گئے تھے جبکہ ان کے چوتھا ساتھی سمندر میں سفر نہ کر سکنے کی وجہ سے بیمار ہو گیا تھا جسے جھاڑیوں میں پھینک دیا گیا تھا

    باغی ٹی وی کی رپورٹ کے مطابق بلوچستان کے علاقے گوادر میں دہشت گردوں نے چند روز قبل حملہ کیا تھا ،سیکورٹی اداروں نے آپریشن کے بعد ہوٹل کو کلیئر قرار دیا اور حملہ کرنے والے تین دہشت گردوں کو ہلاک کر دیا، انکشاف ہوا ہے کہ دہشت گردوں کا ایک اور ساتھی بھی تھا جو سمندر میں سفر کرنے کی وجہ سے بیمار ہو گیا، دہشت گردوں نے اپنے ساتھی کو سمندر کے قریب جھاڑیون میں چھپا دیا، تاہم پی سی ہوٹل پر حملہ کرنے والے تینوں دہشت گرد مارے گئے. چوتھے دہشت گرد جسے جھاڑیوں میں چھوڑ دیا گیا تھا اس پر کتوں نے حملہ کیا اور بیماری کی وجہ سے وہ اپنا دفاع نہ کر سکا، کتوں کے حملے کے بعد چوتھا دہشت گرد بھی ہلاک ہو گیا، جس کی ڈیڈ‌ باڈی سیکورٹی اداروں کو ملی ہے اس کے پاس سے بھاری مقدار میں اسلحہ بھی ملا ہے. دہشت گرد کے پاس سے ایک ایس ایم جی، 22 ہیند گرنیڈ، دھماکہ خیز مواد، دس میگزین و دیگر اسلحہ بھی ملا ہے.

    واضح رہے کہ گوادر میں واقع پی سی ہوٹل میں افطاری سے قبل دہشت گردوں نے حملہ کیا تھا، پاک فوج کے شعبہ تعلقات عامہ ڈی جی آئی ایس پی آر کے مطابق دہشت گردوں نے پی سی ہوٹل میں داخلے کی کوشش کے دوران فائرنگ کی جس میں پاکستان نیوی کے اہلکار سمیت پانچ افراد شہید ہو گئے تھے، جوابی کاروائی میں تین دہشت گرد ہلاک ہوئے تھے .

  • آصف زرداری کو نیب نے کیا طلب، پہنچے ضمانت کروانے عدالت

    آصف زرداری کو نیب نے کیا طلب، پہنچے ضمانت کروانے عدالت

    سابق صدر آصف زرداری کو نیب نے ایک بار پھر طلب کر لیا تو گرفتاری کے ڈ ر سے اسلام آباد ہائیکورٹ میں درخواست ضمانت جمع کروا دی.

    باغی ٹی وی کی رپورٹ کے مطابق نیب نے جعلی اکاونٹس کیس میں آصف زرداری کو ایک بار پھرطلب کیا گیا ہے. نیب کی جانب سے آصف زرداری کو بھجوائے گئے نوٹس میں کہا گیا ہے کہ غیر قانونی ٹھیکوں سے نوڈیرو ہاؤس کے انچارج ندیم بھٹو کے اکاؤنٹ میں رقوم منتقل ہوئیں، ایک کروڑ 70 لاکھ روپے سے نوڈیرو ہاؤس کےمعاملات چلائے گئے، نوٹس میں مزید کہا گیا کہ آپ کے اور اہلخانہ کے فضائی اخراجات بھی اسی رقم سے منتقل ہوئے، آپ اہم معلومات رکھتے ہیں، پیش ہو کر جواب دیں۔ نیب نے 23 مئ کو آصف زرداری کو طلب کیا ہے ، اس سے قبل نیب آصف زرداری کو 7 انکوائریز میں پہلے طلب کر چکا ہے۔

    نیب کی جعلی اکاونٹس کیس میں طلبی کے بعد آصف زرداری نے اسلام آباد ہائیکورٹ میں‌ضمانت قبل از گرفتاری کی درخواست دے دی. جس میں چیئرمین نیب کو فریق بنیا گیا ہے. اور عدالت سے استدعا کی گئ ہے کہ عبوری ضمانت منظور کی جائے. واضح رہے کہ آصف زرداری سات مختلف مقدمات میں پہلے سے عبوری ضمانت پر ہیں ۔

  • ہاوسنگ سوسائٹیز کی این او سی منسوخ کی جائے، عدالت نے بڑا حکم دے دیا

    ہاوسنگ سوسائٹیز کی این او سی منسوخ کی جائے، عدالت نے بڑا حکم دے دیا

    لاہور ہائیکورٹ نے درخت نہ لگانے والی ہاوسنگ سوسائٹیز کا این او سی منسوخ کرنے کا حکم دے دیا

    باغی ٹی وی کی رپورٹ کے مطابق لاہور ہائیکورٹ میں آلودگی کے خلاف کیس کی سماعت ہوئی. درخواست گزار کی درخواست پر جسٹس جواد الحسن نے شیراز ذکا ایڈوکیٹ نے درخواست پر سماعت کی. دوران سماعت عدالت نے حکم دیا کہ ہرنئی ہاؤسنگ سوسائٹی میں گھر بنانے والے 2درخت لگائیں،درخت نہ لگانے والی ہاؤسنگ سوسائٹی کا این او سی منسوخ کردیاجائے،لاہور ہائیکورٹ نے درخت کاٹنے والوں کے خلاف بھی کاروائی کا حکم دیا.

  • چیئرمین نیب کے خلاف کاروائی کی جائے، زرداری

    چیئرمین نیب کے خلاف کاروائی کی جائے، زرداری

    پیپلز پارٹی کے شریک چیئرمین آصف زرداری نے چیئرمین نیب کیخلاف کارروائی کا مطالبہ کر دیا۔

    باغی ٹی وی کی رپورٹ کے مطابق اسلام آباد کی احتساب عدالت میں جعلی اکاونٹس کیس میں سابق صدر آصف زرداری اور فریال تالپور کو ریفرنس کی نقول نہیں دی جا سکیں جس پراحتساب عدالت نے کیس کی سماعت 30 مئی تک ملتوی کر دی. احتساب عدالت کے باہر میڈیا سے گفتگو کرتے ہوئے آصف زرداری نے کہا کہ چیئرمین نیب نے انٹرویو دے کر قانون کی خلاف ورزی کی ہے ، ان کے خلاف کاروائی کی جائے، آصف زرداری کا مزید کہنا تھا کہ بزرگوں‌کو ہتھکڑیاں لگانے اور جیلوں میں ڈالنے کے بعد معیشت نہیں چل سکتی.

  • داتا دربارایلیٹ فورس کی گاڑی پر خود کش حملے میں اہم پیشرفت،حملہ آور کون تھا؟

    داتا دربارایلیٹ فورس کی گاڑی پر خود کش حملے میں اہم پیشرفت،حملہ آور کون تھا؟

    صوبائی دارالحکومت لاہور میں داتا دربار کے قریب ایلیٹ فورس پر ہونے والے خود کش حملے کے حوالہ سے اہم پیشرفت ہوئی ہے

    باغی ٹی وی کی رپورٹ کے مطابق داتا دربار میں ایلیٹ فورس کی گاڑی پر خود کش حملے کے حوالہ سے اہم پیشرفت ہوئی ہے. سی ٹی ڈٰ کے مطابق بھاٹی گیٹ سے خود کش حملہ آور سہولت کار محسن خان کو گرفتار کیا گیا ہے.محسن خان کا تعلق شب قدر چارسدہ سے ہے اور خود کش حملہ آور کی شناخت بھی ہو گئی ہے. خود کش حملہ آورکی شناخت صادق اللہ مہمند کے نام سے ہوئی .

    واضح رہے کہ داتا دربار کے قریب ایلیٹ فورس کی گاڑی کے قریب جو داتا دربار کے گیٹ نمبر 2 کے پاس کھڑی تھی دھماکا ہواتھا ،جس سے گاڑی مکمل طور پر تباہ ہو گئی. داتا دربار کے قریب ہونے والے دھماکے میں پانچ پولیس اہلکار،ایک سیکورٹی گارڈ اور ایک راہگیر شہید ہواتھا.

  • وفاقی وزیر علی محمد خان مہر وفات پا گئے

    وفاقی وزیر علی محمد خان مہر وفات پا گئے

    وفاقی وزیر علی محمد خان مہر دل کا دورہ پڑنے کے باعث وفات پا گئے

    باغی ٹی وی کی رپورٹ کے مطابق وفاقی وزیر برائے اینٹی نارکو ٹکس علی محمد مہر کی طبیعت خراب ہونے پر انہیں ہسپتال منتقل کیا گیا لیکن انہوں نے دم توڑ دیا، وفاقی وزیر علی محمد خان کی موت دل کا دورہ پڑنے کی وجہ سے ہوئی ہے. وفاقی وزیر کی وفات پر وزیر اعظم عمران خان سمیت تحریک انصاف کے دیگر رہنمائوں نے گہرے رنج وغم کا اظہار کیا ہے. صدر مملکت ڈاکٹر عارف علوی نے بھی وفاقی وزیر علی محمد مہر کی وفات پر گہرے دکھ کا اظہار کیا۔ صدر مملکت نے مرحوم کی مغفرت اور بلندی درجات کے لیے دعا کی۔ صدر مملکت نے غمزدہ خاندان سے اظہار تعزیت کی.

    واضح رہے کہ وفاقی وزیر علی محمد خان مہر نے این اے 205 گھوٹکی سے الیکشن لڑا تھا اور جیتے تھے ، تحریک انصاف کی حکومت نے انہیں وفاقی وزیر بنایا تھا، سردار علی محمد خان پرویز مشرف دور میں 2002 سے 2004 تک سندھ کے وزیر اعلیٰ بھی رہ چکے ہیں.2018 کا الیکشن علی محمد خان مہر آزادانہ طور پر جیتے تھے بعد ازاں انہوں نے تحریک انصاف میں شمولیت اختیار کی تھی.

  • تلہ گنگ،چائلڈ پورن گرافی کیس، ایف آئی اے نے ایک اور ملزم گرفتار کر لیا

    تلہ گنگ،چائلڈ پورن گرافی کیس، ایف آئی اے نے ایک اور ملزم گرفتار کر لیا

    سوشل میڈیا پر عریاں تصویر دینے اور لڑکے کو بلیک میل کرنے کے جرم میں ایف آئی اے نے تلہ گنگ سے ایک اور ملزم کو گرفتار کر لیا

    باغی ٹی وی کی رپورٹ کے مطابق پنجاب کے شہر تلہ گنگ کے نواحی گاوں جھاٹلہ میں مبینہ طور پر چار ملزمان نے سولہ سالہ لڑکے کی عریاں تصاویر بنائیں اور انہیں فیس بک پر اپ لوڈ کر دیا، ملزمان طالب علم کو بلیک میل کرتے رہے اور دوستی و جنسی زیادتی کے لئے مجبور کرتے رہے. واقعہ کی اطلاع ملنے پر طالب علم کے والد نے ایف آئی اے کو درخواست دی جس پر ایف آئی اے تھانہ سرکل راولپنڈی نے جھاٹلہ میں چھاپہ مار کر چائلڈ پورن گرافی کیس کا تیسرا ملزم خبیب گرفتار کر لیا.ملزم کے دو ساتھیوں دانیال شیراز اور محمد زبیر کو ایف آئی اے دو ماہ قبل گرفتار کر چکی ہے. ایف آئی آر میں نامزد ایک اور ملزم معوذ فاروق تاحال ایف آئی اے کے شکنجے میں نہ آ سکا جس کی گرفتاری کے لئے چھاپے مارے جا رہے ہیں.مذکورہ ملزمان نے معصوم بچوں سے زیادتی کی ویڈیو بنا کر سوشل میڈیا پر اپ لوڈ کی تھیں۔ ملزمان کے خلاف دو جنوری 2019 کو مقدمہ درج کیا گیاتھا

    واضح رہے کہ ڈی جی ایف آئی اے سائبرکرائم ونگ کیپٹن ریٹائرڈ محمد شعیب نے انکشاف کیا تھا کہ پاکستان میں چائلڈ پورنوگرافی ایک منافع بخش کاروبار بن چکا ہے ، پاکستان میں چائلڈ پورنو گرافی کے سرے بین الاقوامی مافیا تک جاتے ہیں۔
    سینیٹ کی قائمہ کمیٹی برائے انسانی حقوق نے اسلام آباد میں چائلڈ پروٹیکشن بل 2018، ملک بھر میں جرائم پیشہ کم عمر بچوں کیلئے علیحدہ عدالتوں کے قیام اور چائلڈ پورنو گرافی کے قانون میں ترمیمی بل منظور کیا ہوا ہے.جس کے تحت چائلڈ پورنو گرافی پر 14 سال، جنسی ہراسگی پر7 سال قید و جرمانہ ہو گا.

  • #کباڑ_نہیں_کار، ٹویٹر پر ٹاپ ٹرینڈ، قاتل گاڑیاں بنانے والی کمپنیوں پر پابندی کا مطالبہ

    #کباڑ_نہیں_کار، ٹویٹر پر ٹاپ ٹرینڈ، قاتل گاڑیاں بنانے والی کمپنیوں پر پابندی کا مطالبہ

    سینئر صحافی و اینکر پرسن مبشر لقمان کی جانب سے پاکستان کی سڑکوں پر لاکھوں روپے مالیت کی انسانی جانوں کی قاتل گاڑیوں کے خلاف آواز بلند کرنے پر شہریوں نے سماجی رابطے کی ویب سائٹ ٹویٹر پر ٹویٹ کرنا شروع کئے جس کے بعد #کباڑ_نہیں_کار ٹویٹر پر ٹاپ ٹرینڈ بن گیا

    قاتل گاڑیاں سڑکوں پر، مبشر لقمان نے‌ آواز اٹھائی تو شہریوں نے دعائیں دیں

    باغی ٹی وی کی رپورٹ کے مطابق پاکستان میں ایسی گاڑیاں فروخت کی جا رہی ہیں جن میں ائیر بیگز سمیت انسانی جانوں کی حفاظت کے لئے دیگر سہولیات نہیں ہوتی اور ان گاڑیوں کی قیمت لاکھوں روپے ہوتی ہے. ان گاڑیوں کی وجہ سے پاکستان میں آئے روز حادثات میں اموات زیادہ ہوتی ہیں، پیپلز پارٹی کے رہنما قمرالزمان کائرہ کا بیٹا کار حادثے میں جاں بحق ہوا، مسلم لیگ ن کے رہنما بلیغ الرحمان کی بیوی اور بیٹے کی بھی کار حادثہ میں چند دن قبل موت ہوئی تھی. سینئر صحافی و اینکر پرسن مبشر لقمان کی جانب سے کار حادثوں میں اموات پر ناقص گاڑیوں کے خلاف آواز اٹھانے پر شہریوں کی طرف سے نہ صرف انہیں خراج تحسین پیش کیا گیا بلکہ سماجی رابطے کی ویب سائٹ ٹویٹر پر #کباڑ_نہیں_کار ٹاپ ٹرینڈ بن گیا جس میں شہریوں نے کار کمپنیوں کے خلاف اپنے جذبات کا اظہار کیا.

    ٹویٹر پر ایک صارف جویریہ صدیق لکھتی ہیں کہ پاکستان میں بیچی جانے والی مہنگی گاڑیوں میں ائیر بیگ اور دیگر سیفٹی فیچرز نہیں میری حکومت سے گزارش ہے اس پر فوری طور پر ایکشن لے اور مہنگی گاڑیوں کے ساتھ متوسط طبقے کی گاڑیوں مہران کلٹس ویگن آر دیگر میں یہ ائیر بیگ انسٹال کئے جائیں

    ایک شہری قاسم ظہور نے ایسی گاڑیوں جن میں ائیر بیگز نصب نہیں انکے بائیکاٹ کی اپیل کی

    ٹویٹر پر صارفین نے حکومت سے مطالبہ کیا کہ حکومت کار کمپنیوں کو اس بات کا پابند بنائے کہ گاڑیوں میں سیفٹی فیچرز کا خاص خیال رکھا جائے اور ایسی کمپنیز پر پابندی لگائے جائے جو گاڑیوں میں سیفٹی فیچرز کا خیال نہیں رکھتی.

  • قاتل گاڑیاں سڑکوں پر، مبشر لقمان نے‌ آواز اٹھائی تو شہریوں نے دعائیں دیں

    قاتل گاڑیاں سڑکوں پر، مبشر لقمان نے‌ آواز اٹھائی تو شہریوں نے دعائیں دیں

    قاتل گاڑیاں پاکستان کی سڑکوں پر پھر رہی ہیں لیکن کوئی پوچھنے والا نہیں، قمر الزمان کائرہ کے بیٹے کی گاڑی میں ائیر بیگ ہوتا تو اس کی جان بچ سکتی تھی.

    باغی ٹی وی کی رپورٹ کے مطابق پاکستان میں لاکھوں روپے مالیت کی گاڑیاں بیچی اور خریدی جا رہی ہیں لیکن ان گاڑیوں میں انسانی جان کی حفاظت کے لئے کوئی انتظامات نہیں . لاکھوں روپے کی گاڑیوں میں ائیر بیگ نہ ہونے کی وجہ سے حادثات میں اموات کی شرح زیادہ ہوتی ہے. پیپلز پارٹی کے رہنما قمر الزمان کائرہ کے بیٹے کی کار حادثے میں موت ہوئی تو پاکستان کے سینئر تجزیہ نگار، صحافی و اینکر پرسن مبشر لقمان نے گاڑیوں میں ائیر بیگ نہ ہونے کے معاملہ پر آواز بلند کی تو سوشل میڈیا پر ایک تحریک بن گئی. سوشل میڈیا پر لوگوں کا کہنا ہے کہ اگر گاڑی میں ائیر بیگ ہوتا تو اسامہ کائرہ اور اس کے دوست کی جان بچ سکتی تھی.

    سماجی رابطے کی ویب سائٹ ٹویٹر پر سینئر صحافی و اینکر پرسن مبشر لقمان کی جانب سے ناقص گاڑیوں کے حوالہ سے آواز بلند کرنے پر ایک صارف جاوید بدر نے لکھا کہ مُبشرلقمان بھائی نے اپنے صحافی ہونے کی ذمے داری پوری کر دی ہے ایک بھیانک مافیا کی طرف نشاندہی کر کے جو روز ہمارے اپنوں کو قتل کررہے ہیں اب یہ کام حکومت کا ہے اس مافیا کو قانون کے دائرے میں کس طرح لاتی ہے.

    ایک صارف حافظ حسن نے ٹویٹر پر لکھا کہ یہ اتنی کمزور اور فضول گاڑیاں ہیں جو گاڑی کا حال ہوا ہے اگر اس میں ائیر بیگز بھی ہوں بھی وہ نہیں بچ سکتا جب ساری گاڑی ہی کچلی جائے گی تو وہاں ائیر بیگز کیا کریں گے ۔

    ایک اور صارف اسامہ گجر نے لکھا کہ مبشر لقمان صاحب میں آپ کو سلام پیش کرتا ہوں آپ ہیں وہ پہلے اینکر جنہوں نے اس المیہ پر آواز اٹھاٸی اللہ پاک آپ کو اس مشن میں کامیاب کرے(آمین)

    ایک اور صارف عثمان نے ٹویٹر پر لکھا کہ یہاں بکنے والی مہنگی گاڑیوں میں ائیر بیگ , پچھلے حصوں میں حفاظتی بیلٹ بیک کیمرہ ABS آٹوبریک ریڈار نہیں ، گاڑی کے نام پر کباڑ فروخت ہورہا ہے حکومت کو چاہیے کہ وہ جاپانی گاڑیوں کی امپورٹ کی اجازت تاکہ عوام کم قیمت میں محفوظ اور معیاری گاڑی خرید سکیں.

    24 ٹی وی پر رات دس بجے ہونے والے پروگرام میں سینئر صحافی و اینکر پرسن مبشر لقمان نے ائیر بیگز اور ناقص گاڑیوں پر بات کی جسے باغی ٹی وی نے بھی ٹویٹر پر شئیر کیا.

    واضح رہے کہ گزشتہ دنوں پیپلز پارٹی کے رہنما قمر الزمان کائرہ کا 18 سالہ بیٹا اسامہ قمر جو لاہور کے مقامی کالج کا طالب علم تھا اپنے دوست کے ہمراہ کھاریاں سے گاڑی پرلالہ موسیٰ سفر کر رہا تھا کہ ٹراما سنٹر کے قریب نامعلوم موٹر سائیکل سوار کو بچاتے ہوئے گاڑی کو قابو میں نہ رکھ سکا اور ان کی گاڑی درخت سے جا ٹکرائی جس کے نتیجہ میں اسامہ قمر اور اس کے دوست حمزہ بٹ کی موت ہوگئی تھی.