وزیر پیٹرولیم عمر ایوب خان نے گیس کی قسیم کارکمپنیوں کوہدایت کی ہے کہ گیس چوروں کے ساتھ کوئی رعایت نہ کی جائے ،گیس چوروں کے خلاف ملک بھر میں کریک ڈاون تیزکیا جائے ،مئی میں اب تک دونوں کمپنیوں میں 2625چوروں نے1ارب95کروڑ98لاکھ سے زائدکی گیس چوری کی ،سب سے زیادہ گیس چوری صنعتی،انڈسٹری وکمرشل سیکٹرمیں ہورہی ہے .

باغی ٹی وی کی رپورٹ کے مطابق وفاقی وزیر پیٹرولیم عمر ایوب خان نے گیس کی تقسیم کارکمپنیوں کی کارکاردگی پرعدم اطمینان کا اظہار کرتے ہوئے حکام پر شدیدبرہمی کااظہارکیا. وزیر پٹرولیم نے کہا کہ روزانہ کی بنیاد پررپورٹ دی جائے لائن لاسز کے نام پرچوری برداشت نہیں کی جائے گی۔مئی میں اب تک دونوں کمپنیوں میں 2625چوروں نے1ارب95کروڑ98لاکھ سے زائدکی گیس چوری کی ،سب سے زیادہ گیس چوری صنعتی،انڈسٹری وکمرشل سیکٹرمیں ہورہی ہے ،سوئی ناردرن میں گیس چوری کاحجم اربوں میں چلاگیا۔ سوئی سدرن گیس میں720 گیس چور پکڑے ،713غیرقانونی کنکشن ختم کئے جو خزانہ کو50کروڑ89لاکھ روپے کانقصان پہنچارہے تھے اورسوئی ناردرن میں1905گیس چورپکڑے، گئے،3830 غیر قانونی کنکشن ختم کئے1ارب45کروڑ9لاکھ سے زائد کی گیس چوری کررہے تھے ۔جمعہ کووزیرپیٹرولیم عمرایوب خان کی زیرصدارت اعلیٰ سطحی اجلاس ہو ا جس میں گیس کی تقسیم کارکمپنیوں کے حکام نے شرکت کی ۔اجلاس میں وفاقی وزیرنے گیس کی چوری روکنے کے حوالے سے اقدامات پر عدم اطمینان کااظہارکرتے ہوئے تقسیم کارکمپنیوں کو چوروں کے خلاف کریک ڈاون تیر کرنے کی ہدایت کرتے ہوئے روزانہ کی بنیاد پر رپورٹ دینے کاحکم دیا۔تقسیم کارکمپنیوں نے مئی میں اب تک چوروں کے خلاف ہونے والے کارروائی کے حوالے سے بتایاکہ سوئی سدرن گیس نے صنعتی زمرے میں 71 گیس چور پکڑے جو 391.19 یونٹ گیس چوری کر رہے تھے جس سے قومی خزانے کو 277.77 ملین روپے کا نقصان پہنچا رہے تھے انڈسٹریل میں 50 گیس چور پکڑے گئے،کمرشل سیکٹر میں 223 گیس چور پکڑے گئے،جو 104یونٹ گیس چوری کر کے 97 ملین کا نقصان پہنچا رہے تھے گھریلو صارفین میں آٹھ گیس چور پکڑے گئے،جو کہ38.10 یونٹ گیس چوری کر رہے تھے اور26.34 ملین روپے کا نقصان پہنچا رہے تھے گھریلو کمرشل زمرے میں 368 چور پکڑے گئے جو کہ 104.60یونٹ گیس چوری کر رہے تھے۔107.82 ملین روپے کا نقصان پہنچا رہے تھے،گیس چوروں کے خلاف تقریبا 79 ایف آئی آر کٹوائی گئیں۔ڈسٹری بیوشن میں 713 غیر قانونی کنکشن ختم کئے گئے16 ایف آئی آر کاٹی گئی،جبکہ سوئی ناردرن گیس کے حکام نے بتایاکہ صنعتی زمرے میں 62 گیس چور پکڑے جو 749 یونٹ گیس چوری کر رہے تھے قومی خزانے کو 884 ملین روپے کا نقصان پہنچا رہاتھا، کمرشل زمرے میں1560 گیس چور پکڑے گئے، جو 88.49 یونٹ گیس چوری کر رہے تھے اور قومی خزانے کو 97 ملین روپے کا نقصان پہنچ رہے تھے، گھریلو صارفین کے زمرے میں 283 گیس چور پکڑے گئے، جو 1275 یونٹ گیس چوری کر رہے تھے،قومی خزانے کو 469.96 ملین روپے کا نقصان پہنچا رہے تھے،ڈسٹری بیوشن میں 3830 غیر قانونی کنکشن ختم کئے گئے،اس سلسلے میں 52 ایف آئی آر کاٹی ٹرانسمیشن میں 207 غیر قانونی کنکشن ختم کئے گئے،اس سلسلے میں 18 ایف آئی آر کاٹی گئی۔

محمد اویس ،اسلام آباد

وزیر اعظم عمران خان نے کہا ہے کہ تھر کو ماضی میں نظر انداز کیا جاتا رہا .

باغی ٹی وی کی رپورٹ کے مطابق وزیراعظم عمران خان کی زیر صدارت تھر میں کوئلے کے ذخائر اور ان کے استعمال کے متعلق اجلاس ہوا جس میں گفتگو کرتے ہوئے وزیر اعظم عمران خان نے کہا کہ تھرکاکوئلہ ملک کا ایک اہم اثاثہ ہے ،تھر کے کوئلےسےملکی توانائی کی ضروریات پوری کرنےمیں خاطرخواہ مدد ملےگی ،وزیر اعظم عمران خان نے مزید کہا کہ وفاقی حکومت قومی مفاد کے حامل تھرمنصوبے کو کامیاب بنانے میں ہرممکنہ مدد فراہم کریگی .

واضح رہے کہ وزیر اعظم عمران خان نے تھر کے دورہ کے دوران اہلیان تھر کے لئے صحت کارڈ کا اعلان کیا تھا اسکے ساتھ ہی وزیر اعظم عمران خان نے تھر والوں کے لئے سولر واٹر پروجیکٹ کا بھی اعلان کیا تھا.

تھر میں قحط سالی کی وجہ سے ہر سال سینکڑوں بچے فوت ہو جاتے ہیں. تھر سندھ میں گزشتہ پندرہ برس سے پیپلز پارٹی کی حکومت ہے .لیکن تھر کے رہنے والوں کی مشکلات میں کوئی کمی نہیں ہوئی، امریکہ و اقوام متحدہ کی جانب سے پابندی لگائے جانے کے بعد حال ہی میں جماعۃ الدعوۃ پر پاکستان میں پابندی لگائی گئی ،جماعۃ الدعوۃ نے تھر میں تین ہزار سے زائد واٹر پروجیکٹ مکمل کیے ہیں‌.

سابق وزیر اعظم نواز شریف کی بیٹی مریم نواز کو مسلم لیگ ن کا نائب صر بنائے جانے کے خلاف درخواست سماعت کے لئے مقرر کر دی گئی

باغی ٹی وی کی رپورٹ کے مطابق الیکشن کمیشن آف پاکستان نے مریم نواز کے خلاف دائر درخواست پر تحریک انصاف کی اراکین اسمبلی ملیکہ بخاری، جویریہ ظفر اور کنول کو بلا لیا ہے. الیکشن کمیشن میں تحریک انصاف کی تینوں خواتین رہنما مریم نواز کو نائب صدر بنائے جانے کے خلاف قانونی موقف پیش کریں گی ،الیکشن کمیشن کی جانب سے بھجوائے جانے والے نوٹس کے مطابق 27 مئی کو سماعت ہو گی .

مریم نواز کے لئے بڑی مشکل، حکومت نے انتہائی اہم فیصلہ کر لیا

واضح رہے کہ مسلم لیگ ن نے نئی باڈی تشکیل دی ہے جس میں مریم نواز کو نائب صدر کا عہدہ دیا گیا ہے. تحریک انصاف نے کہا ہے کہ سزا یافتہ کو پارٹی عہدہ دینا آئین کی خلاف ورزی ہے، الیکشن کمیشن مسلم لیگ ن کی رجسٹریشن ختم کرے.

وفاقی وزیرریلوے شیخ رشید احمد نے کہا ہے کہ روزے میں تسلیم کرتا ہوں کہ گیس ،پٹرول اور چینی کی قیمت میں اضافہ ہوا ہے

باغی ٹی وی کی رپورٹ کے مطابق شیخ رشید احمد نے مزید کہا کہ ڈالر نواز شریف اور آصف زرداری کی وجہ سے بڑھا ہے، ہمیں مہنگائی کرنے کی کیا ضرورت ہے.چیزوں کی قیمتیں نواز شریف اور آصف زرداری کی لوٹ مار کی وجہ سے بڑھی ہیں، شیخ رشید احمد نے مزید کہا کہ آصف زرداری سے گزارش ہے کہ لاڑکانہ کی طرف دیکھیں،سندھ کو ایڈستان بنا دیا ہے .آصف زرداری چاہتےہیں کہ ان کے ساتھ بھی شہبازشریف والافارمولااستعمال کیاجائے .

تحریک انصاف کی حکومت کے لئے ایک اور مشکل آ گئی، وفاقی وزیر کے کی الیکشن میں کامیابی کو عدالت میں چیلنج کر دیا گیا

باغی ٹی وی کی رپورٹ کے مطابق وفاقی وزیر مذہبی امور نورالحق قادری کی الیکشن میں کامیابی کے خلاف اسلام آباد ہائیکورٹ میں رٹ دائر کی گئی ہے .جس میں درخواست گزار نے موقف اختیار کیا کہ نور الحق قادری نے جب کاغذات نامزدگی جمع کروائے تھے اسوقت وہ ڈیفالٹر تھے. انہوں نے نامکمل کاغذات نامزدگی جمع کروائے ،الیکشن کمیشن نے ہم نے درخواست دی تو انہوں نے درخواست مسترد کر دی، درخواست گزار نے عدالت سے استدعا کی عدالت الیکشن کمیشن کو ہماری درخواست سننے کا حکم دے.

واضح رہے کہ پاکستان کے عام انتخابات، 2018ء میں نور الحق قادری نے تحریک انصاف کے ٹکٹ پر الیکشن میں حصہ لیا اور حلفہ این اے-43 (قبائلی علاقہ-4) سے الحاج شاہ جی گل آفریدی کو 33,243 ووٹ لے کر شکست دی تھی .نور الحق قادری اس وقت موجودہ حکومت کے وزیر برائے مذہبی امور اور بین المذاہب ہم آہنگی ہیں.