Author: ممتاز حیدر

قومی اسمبلی کا اجلاس ڈپٹی سپیکر کی زیر صدارت ہوا، اجلاس میں وزیر اعظم عمران خان نے بھی شرکت کی

باغی ٹی وی کی رپورٹ کے مطابق قومی اسمبلی کے اجلاس میں گوادر میں پی سی ہوٹل میں ہونیوالے دہشت گردی کے واقعہ میں دہشت گردوں کی فائرنگ سے شہید افراد کے لئے دعائے مغفرت کی گئی. ڈپٹی سپیکر کے کہنے پر مولانا عبدالاکبر چترالی نے دعا کروائی. اجلاس میں وزیر اعظم نے بھی شر کت کی اور جنوبی پنجاب کے حوالہ سے ترمیمی بل پیش کیا گیا جسے منظور کر لیا گیا، ن لیگ نے بل کی مخالفت کی، اسمبلی میں فاٹا کے حوالہ سے بھی بل پاس کر لیا گیا.سینیٹ میں بھی گوادر میں ہوٹل پر ہونے والے حملے کے شہداء کے لئے فاتحہ خوانی کی گئی۔ چیئرمین سینیٹر صادق سنجرانی کی ہدایت پر جمعیت علماء اسلام ف کے رہنما مولانا عبدالغفور حیدری نے فاتحہ خوانی کرائی۔
واضح رہے کہ گوادر میں پی سی ہوٹل پر دہشت گردوں نے حملہ کیا تھا جس میں پاکستان نیوی کے اہلکار سمیت پانچ افراد شہید ہو گئے تھے، سیکورٹی اداروں نے ہوٹل پر حملہ کرنے والے تین دہشت گردوں کو ہلاک کر دیا تھا.

وزیر اعظم عمران خان نے کہا ہے کہ فاٹا کی آواز اب ہر جگہ سنی جائے گی

باغی ٹی وی کی رپورٹ کے مطابق وزیر اعظم عمران خان نے اسمبلی اجلاس میں فاٹا کے حوالہ سے بل منظور ہونے کے بعد خطاب کرتے ہوئے کہا کہ فاٹا کی آواز اب ہر جگہ سنی جائے گی ،فاٹاکومرکزی دھارے میں لانے کیلئے نشستیں بھی بڑھائی جارہی ہیں ،فاٹا کی عوام نے بہت مشکلات کا سامنا کیا، فاٹاکو10سال کیلئےہرصوبہ این ایف سی ایوارڈسے3فیصد دے گا ، وزیر اعظم عمران خان نے مزید کہا کہ فاٹاکی تباہ کاریوں سےنمٹنے کیلئےت مام صوبوں کومالی طورپرسپورٹ کرناہوگا .

واضح رہے کہ فاٹا کے حوالہ سے قومی اسمبلی میں بل پیش کیا گیا تھا جسے کثرت رائے سے منظور کر لیا گیا، بل کے حق میں 278 ووٹ ڈالے گئے، اب یہ بل سینیٹ میں پیش کیا جائے گا، سینیٹ سے منظوری کے بعد صدر مملکت کے پاس منظوری کے لئے بھیجا جائے گا. بل کی منظوری کے بعد فاٹا میں قومی اسمبلی کی نشتیں 9 ہو گئی ہیں جبکہ صوبائی اسمبلی کی نشستیں 24 ہو گئی ہیں.

قومی اسمبلی اجلاس میں 26 ویں آئینی ترمیم کا بل متفقہ طور پر منظور کر لیا گیا ، بل کے تحت فاٹا کی نشستیں بڑھائی جائیں گی

باغی ٹی وی کی رپورٹ کے مطابق فاٹا کے حوالہ سے قومی اسمبلی میں بل پیش کیا گیا تھا جسے کثرت رائے سے منظور کر لیا گیا، بل کے حق میں 278 ووٹ ڈالے گئے، اب یہ بل سینیٹ میں پیش کیا جائے گا، سینیٹ سے منظوری کے بعد صدر مملکت کے پاس منظوری کے لئے بھیجا جائے گا. بل کی منظوری کے بعد فاٹا میں قومی اسمبلی کی نشتیں 9 ہو گئی ہیں جبکہ صوبائی اسمبلی کی نشستیں 20 ہو گئی ہیں. اس موقع پر وزیر اعظم عمران خان نے کہا کہ فاٹاکےعوام نےبہت مشکلات کاسامنا کیا ،پوری قوم فاٹاکی عوام کے ساتھ کھڑی ہے ،وزیر اعظم نے مزید کہا کہ فاٹا کی تباہ کاریوں سے نمٹنے کیلئے تمام صوبوں کومالی طورپرسپورٹ کرناہوگا.

قومی اسمبلی میں مسلم لیگ ن نے جنوبی پنجاب صوبہ کی مخالفت کر دی

باغی ٹی وی کی رپورٹ کے مطابق قومی اسمبلی کا اجلاس اسپیکرقومی اسمبلی اسد قیصر کی زیر صدارت ہوا، اجلاس میں تحریک انصاف کے رکن قومی اسمبلی مخدوم سید سمیع الحسن گیلانی نے جنوبی پنجاب صوبہ کی تحریک پیش کی جسے کثرت رائے سے منطور کر لیا گیا، قومی اسمبلی میں پیپلز پارٹی نے صوبہ جنوبی پنجاب کی حمایت کی جبکہ مسلم لیگ ن جنوبی پنجاب صوبہ کی مخالفت کی اور کہا کہ صرف جنوبی پنجاب نہیں بلکہ بہاولپور صوبہ بھی بننا چاہئے.

قومی اسمبلی اجلاس میں جنوبی پنجاب صوبہ کا بل پیش کر دیا گیا.

باغی ٹی وی کی رپورٹ کے مطابق اراکین قومی اسمبلی سید سمیع الحق گیلانی ، سردار نصراللہ دریشک اور ظہور قریشی نے جنوبی پنجاب صوبہ بنانے کے لئے آئینی ترمیمی بل نجی بل کے طور پر قومی اسمبلی میں پیش کیا ، حکومت نے بل کی مخالفت نہیں کی. اسمبلی اجلاس سے خطاب کرتے ہوئے وزیر خارجہ شاہ محمود قریشی نے کہا کہ پیپلزپارٹی کومل بیٹھ کر صوبہ جنوبی پنجاب کے حوالہ سے حل نکالنے کی دعوت دیتے ہیں .

واضح رہے کہ وزیرخارجہ شاہ محمود قریشی نے کہا تھا کہ حکومت جنوبی پنجاب صوبہ کا بل آج اسمبلی میں پیش کرے گی.