بھارت کی حکمران جماعت بی جے پی نے کہا کہ مودی وزیر اعظم بن گیا تو پاکستان کو گولی کا جواب گولوں سے دیا جائے گا
باغی ٹی وی کی رپورٹ کے مطابق بھارتی جنتا پارٹی کے صدر امت شاہ نے ایک انتخابی ریلی سے خطاب کرتے ہوئے کہا کہ مودی کو ایک بار پھر وزیر اعظم بناو اور پھر دیکھو پاکستان کی گولی کا جواب گولوں سے دیا جائے گا. امت شاہ نے مزید کہا کہ یہ پاکستان کو منہ توڑ جواب دینے کا الیکشن ہے۔
بھارت کے وزیر داخلہ راجناتھ سنگھ نے پاکستان کے خلاف ہرزہ سرائی کرتے ہوئے کہا ہے کہ پاکستان بھارت کے ساتھ اچھے تعلقات رکھنا چاہتا ہے تو بھارت کو مطلوب افراد ہمارے حوالہ کئے جائیں
باغی ٹی وی کی رپورٹ کے مطابق راجناتھ سنگھ نے بھارتی جریدے کو دئیے گئے ایک انٹرویو میں کہا کہ پاکستان اگر بھارت کے ساتھ تعلقات میں سنجیدہ ہے تو بھارت مخالف سرگرمیوں پر پابندی لگائے اور بھارت کو مطلوب افراد جو پاکستان میں ہیں وہ بھارت کے حوالہ کیے جائیں .راجناتھ سنگھ نے مزید کہا کہ عمران خان نئے نئے وزیر اعظم بنے ہیں ہم اسے وقت دینا چاہتے ہیں کہ وہ بھارت میں ہونے والے دہشت گردی کے واقعات میں ملوث تنظیموں کے ڈھانچوں کو بالکل ختم کریں اور کشمیر میں عسکریت پسندوں کی حمایت کرنا بند کریں. اس کے بعد ہی پاکستان سے بات چیت کی جا سکے گی .
واضح رہے کہ پاکستان پر الزام لگانا بھارت کی ریاستی پالیسی ہے، پاکستان میں ہونیوالی دہشت گری کی وادراتوں میں بھارت ملوث ہے. بھارتی نیوی کا حاضر سروس افسر کلبھوشن یادیو بھی پاکستان میں گرفتار ہے جو پاکستان میں دہشت گردی کا نیٹ ورک چلا رہا تھا
مقبوضہ کشمیر کے علاقے کولگام میں باردوی مواد پھٹنے سے دو بچے زخمی ہو گئے
باغی ٹی وی کی رپورٹ کے مطابق کولگام کے علاقے ہانچی پورہ میں باردوی شیل پھٹنے سے 12 سالہ شاہد اور 11 سالہ اخلاق زخمی ہو گئے جن کو طبی امداد کے لئے سرینگر کے ہسپتال میں منتقل کیا گیا، اخلاق کے منہ پر زیادہ زخم آئے ہیں. واقعہ کی اطلاع ملنے پر بھارتی پولیس نے علاقہ میں سرچ آپریشن شروع کر دیا ہے
سابق وزیر داخلہ پیپلز پارٹی کے رہنما رحمان ملک سے سری لنکن ہائی کمشنر نورالدین محمد نے ملاقات کی ہے
باغی ٹی وی کی رپورٹ کے مطابق سری لنکن ہائی کمشنر نورالدین محمد نے سینیٹر رحمان ملک سے ان کی رہائشگاہ میں ملاقات کی ہے. رحمان ملک نے ایسٹر کے موقع پر ہونے والے بم دھماکوں کی مذمت کی. اس موقع پر رحمان ملک نے کہا کہ سری لنکا کےچرچ وہوٹلوں میں دھماکوں سےقیمتی جانوں کےنقصان پردلی افسوس ہوا، مشکل گھڑی میں ہم سب پاکستانی سری لنکا کےعوام کےساتھ کھڑے ہیں، رحمان ملک کا مزید کہنا تھا کہ داعش کی بڑھتی ہوئی دہشت گردی پرتشویش ہے،سب کو مل کردہشتگردوں کوکچلنا ہوگا، اس موقع پر سی لنکن ہائی کمشنر نے کہا کہ پاکستان نے ہرمشکل گھڑی میں سری لنکا کا ساتھ دیا اورآج بھی ساتھ ہے،پاکستان کاشکرگزارہوں کہ مشکل وقت میں پوری قوم نےیکجہتی کااظہارکیا.
واضح رہے کہ ایسٹر کے موقع پر سری لنکا میں ہونے والے دہشت گردی کے واقعات میں 350 کے قریب افراد ہلاک ہو گئے تھے جبکہ 500 سے زائد زخمی ہوئے تھے. پاکستان سمیت دنیا بھر نے ان بم دھماکوں کی مذمت کی تھی، داعش نےا س وقعہ کی ذمہ داری قبول کی تھی.
وفاقی وزیر داخلہ اعجاز شاہ نے کہا ہے کہ جب تک زندگی ہے کسی کو حرام نہیں کھانے دوں گا
باغی ٹی وی کی رپورٹ کے مطابق ننکانہ صاحب میں تقریب سے خطاب کرتے ہوئے وفاقی وزیر داخلہ نے کہا کہ مزدوروں کی پارٹی نےمزدوروں کےساتھ کیا کیا ،مزدوروں کی پارٹی پیسا کہاں لےگئی لوگوں کوجلدپتا چلےگا،ننکانہ صاحب میں مزدور ڈے کے موقع پر ہونے والی تقریب میں وزیر اعلیٰ پنجاب عثمان بزدار مہمان خصوصی تھے، تقریب میں صوبائی وزراء عنصر مجید خان اور ڈاکٹر یاسمین راشد بھی موجود تھیں. وفاقی وزیر داخلہ اعجاز شاہ نے کہا کہ ننکانہ صاحب میں یونیورسٹی بنانے کی تجویز تھی،اس یونیورسٹی کےلیے کبھی کسی علاقے کا نام لیا جاتا ہے تو کبھی کسی علاقے کا،خوشی ہےکہ اب یونیورسٹی کےلیےرقم رکھی گئی ہے .
واضح رہے کہ وزیر اعلیٰ پنجاب عثمان بزدار نے یوم مزدور کے موقع پر پنجاب کے مزدوروں کو رہائشی سہولیات دینے کے لئے لیبر کالونی کا افتتاح کر دیا، وزیر اعلیٰ پنجاب وارڈ برٹن ننکانہ صاحب پہنچے جہاں کالونی کا افتتاح کیا گیا،پہلے مرحلے میں مزدوروں کے لئے 208 فلیٹس تعمیر کئے گیے ہیں،. وزیر اعلیٰ پنجاب نے دورہ کے دوران فلیٹس میں سہولیات کا جائزہ بھی لیا.
بھارت میں ہندو انتہا پسند تنظیم شیوسینا نے برقع پر پابندی کا مطالبہ کر دیا
باغی ٹی وی کی رپورٹ کے مطابق بھارت کی ہندو انتہا پسند تنظیم شیو سینا کے صدر وشنو گپتا نے وزارت داخلہ کو خط لکھا ہے جس میں مطالبہ کیا ہے کہ عوامی مقامات اور سرکاری و پرائیویٹ اداروں میں حجاب، برقع، نقاب پر مکمل پابندی عائد کی جائے، بھارتی انتہا پسند تنظیم کے صدر نے خط میں لکھا کہ دہشت گرد برقع یا نقاب کی وجہ سے بچ جاتے ہیں جب پابندی ہو گی تو سی سی ٹی وی فوٹیج میں دہشت گرد واضح نظرآئیں گے. بھارتی ہندو انتہا پسند شیو سینا نے بھارتی وزیر اعظم مودی سے سوال پوچھتے ہوئے کہا کہ اگر راون کی لنکا میں برقع پرپابندی لگ سکتی ہے تورام کے ایودھیا میں برقع پرپابندی کیوں نہیں لگ سکتی .
پاک فضائیہ نے ہر سال 27 فروری کو آپریشن سوفٹ ریٹارٹ منانے کا اعلان کر دیا
باغی ٹی وی کی رپورٹ کے مطابق پاک فضائیہ نے ہر سال 27 فروری کو آپریشن سوفٹ ریٹارٹ کے طور پر منانے کا اعلان کر دیا،ائیر چیف مارشل مجاہد انور خان نے ایئر ہیڈ کوارٹرز اسلام آباد میں ایک تقریب سے خطاب کرتے ہوئے کہا کہ دشمن کیخلاف پاک فضائیہ کی جوابی کارروائی تاریخ میں’’آپریشن سوفٹ ریٹارٹ‘‘کےنام سےیادرکھی جائیگی،ہم اللہ تعالیٰ کےحضورسجدہ شکربجالاتےہیں کہ اللہ نےہمیں قوم کی توقعات پرپورااترنےکا موقع دیا. انہوں نے کہا کہ ہم حالیہ پاک بھارت کشیدگی کےدوران دشمن کی جارحیت کابروقت اوربھرپورجواب دینے میں کامیاب رہے آیندہ بھی دشمن کی جانب سےکسی قسم کی جارحیت کاجواب پہلےسےزیادہ سخت اندازسےدیا جائیگا، انہوں نے مزید کہا کہ پاک فضائیہ کےتمام افرادکوسلام پیش کرتاہوں
واضح رہے کہ 27 فروری کو بھارت کے دو طیارے پاک فضائیہ نے گرائے تھے. پلوامہ حملے کے بعد بھارت کے طیارے بالا کوٹ پے رول گرا کر فرار ہو گئے تھے جس کے بعد اگلے روز پاکستان نے بھارت کے دو طیارے مار گرائےتھے اور بھارتی پائلٹ ابھی نندن کو گرفتار کر لیا تھا
وزیرا عظم کی مشیر برائے اطلاعات فردوس عاشق اعوان نے کہا ہے کہ ہم ریاست مدینہ کےاصولوں کی روشنی میں مزدوروں کو انکا حق دلانے کیلیےپرعزم ہیں.
باغی ٹی وی کی رپورٹ کے مطابق عالمی یوم مزدور پر فردوس عاشق اعوان نے اپنے پیغام میں کہا کہ تحریک انصاف کی حکومت مزدوروں کو ان کے حقوق دینا چاہتی ہے ، وزیر اعظم عمران خان کی خواہش ہے کہ مزدوروں کو ان کے حقوق ملیں. حکومت نے مزدوروں کے لئے احساس پروگرام شروع کیا ہے جس سے مزدوروں کے حقوق کا تحفظ ہو گا، انہوں نے مزید کہا کہ وہ وقت دور نہیں جب پاکستان کے مزدوروں کو خوشحال کریں گے.نئےپاکستان کی تعمیراورملکی ترقی میں مزدوروں کواہم شراکت دارسمجھتے ہیں
سابق گورنر سندھ رعشرت العباد کے بھائی نے الزام عائد کرتے ہوئے کہا کہ سابق گورنر مجھے ہراساں کر رہے ہیں،مجھے اغوا کرنے کی کوشش کی گئی، ایک پلاٹ پر ہمارا آپسی تنازعہ ہے جس میں اسلحہ دفن ہو سکتا ہے
باغی ٹی وی کی رپورٹ کے مطابق سابق گورنر سندھ عشرت العباد کے بھائی عامر العباد نے اپنے بھائی پر سنگین الزامات عائد کرتے ہوئے کہا کہ خاندانی پلاٹ کی وج سے بھائی ہراساں کر رہے ہیں، شارع فیصل تھانے سے مجھے اغوا کرنے کی بھی کوشش کی گئی، اغوا کے بعد یا ویسے مجھے قتل کروایا جا سکتا ہے. سابق گورنر کے بھائی نے پریس کانفرنس میں کہا کہ سابق گورنر سمیت تین بھائ اسرار العباد ، وقار العباد اور عشرت العباد خاندانی پلاٹ کی وجہ سے ہراساں کر رہے ہیں جو فیڈرل بی ایریا بلاک چودہ میں واقع ہے. جس پلاٹ پر تنازعہ چل رہا ہے، وہاں فیکٹری قائم ہے اور مبینہ طور پر اس فیکٹری میں اسلحہ دفن ہوسکتا ہے .عامر العباد کا مزید کہنا تھا کہ پلاٹ کے تنازعہ کی وجہ سے ایس ایچ او شارع فیصل نے مجھے اغوا کرنے کی کوشش کی، اگر مجھے اغوا کیا گیا تو اس کا مقدمہ ایس ایچ او کے خلاف درج ہونا چاہئے.
وزیر اعلیٰ پنجاب نے یوم مزدور کے موقع پر مزدوروں کے لئے لیبر کالونی کا افتتاح کر دیا
باغی ٹی وی کی رپورٹ کے مطابق وزیر اعلیٰ پنجاب عثمان بزدار نے یوم مزدور کے موقع پر پنجاب کے مزدوروں کو رہائشی سہولیات دینے کے لئے لیبر کالونی کا افتتاح کر دیا، وزیر اعلیٰ پنجاب وارڈ برٹن ننکانہ صاحب پہنچے جہاں کالونی کا افتتاح کیا گیا،پہلے مرحلے میں مزدوروں کے لئے 208 فلیٹس تعمیر کئے گیے ہیں،. وزیر اعلیٰ پنجاب نے دورہ کے دوران فلیٹس میں سہولیات کا جائزہ بھی لیا.