Author: ممتاز حیدر

وزیر پٹرولیم عمر ایوب خان نے کہا ہے کہ گیس بحران موجودہ حکومت کوتحفے میں ملا،گیس کمپنیوں کی حالت بہتربنانےکیلیے گیس قیمت میں اضافہ ناگزیرتھا ۔

باغی ٹی وی کی رپورٹ کے مطابق وزیرپٹرولیم عمر ایوب کی زیر صدارت پٹرولیم ڈویژن میں اجلاس ہوا جس میں عمر ایوب خان نے کہا کہ اوگرادونوں سوئی کمپنیوں کےمتوقع اخراجات پرمبنی گیس کی اوسط قیمت کاتعین کرتی ہے ،2015سےاوگراکی سفارش کےباوجودجان بوجھ کرگیس کی قیمت میں اضافہ نہیں کیا گیا ،2سال تک گیس کی قیمت نہ بڑھنےسےسوئی ناردرن 141.8ارب روپےکی رقم واپس نہیں لےسکی ،اضافہ نہ ہونے سےسوئی سدرن 38.6ارب روپے واپس نہیں لےسکی ہے ۔انہوں نے کہا کہ 30 جون2018 تک مجموعی طورپر180 ارب روپےکی نہ حاصل شدہ رقم جمع ہوچکی تھی،سابقہ حکومت نےخوداپنی غلطی 17مئی 2018کوای سی سی میں تسلیم کیاتھا ،سابقہ حکومت کو گیس کی قیمت بڑھانی چاہیے تھی

سابق وزیر اعظم نواز شریف نے سپریم کورٹ میں ضمانت میں توسیع کے لئے ایک اور درخواست دائر کر دی

باغی ٹی وی کی رپورٹ کےمطابق سپریم کورٹ میں دائر درخواست میں عدالت سے استدعا کی گئی ہے کہ طبی بنیادوں پر چھ ہفتے تک ملنے والی ضمانت میں توسیع کی جائے ،نواز شریف کی چھ ہفتوں کی ضمانت کی مدت 7 مئی کو ختم ہو رہی ہے۔

واضح رہے کہ نواز شریف کو سپریم کورٹ نے طبی بنیادوں پر چھ ہفتوں کے لئے ضمانت پر رہا کیا تھا

پیپلز پارٹی کے رہنما سید خورشید شاہ نے کہا کہ ہم نےاپنےدور میں قرضے لیےتو حکومت حفیظ شیخ سےپوچھےکیونکہ وہ اب آپ کاحصہ ہیں ،

باغی ٹی وی کی رپورٹ کے مطابق سید خورشید شاہ نے اسلام آباد میں پریس کانفرنس سے خطاب کرتے ہوئے کہا کہ اسدعمرکی تعریف کرتا ہوں انھوں نےکہا تھا آنےوالا وقت عوام کی چیخیں نکال دیگا ،خورشید شاہ نے مزید کہا کہ غریب کوگھر اور روزگار دینےکےسہانےخواب دکھائےگئے،ملک کوبھوک اورافلاس میں جھونکا جا رہاہے حکمران اقتدارمیں آتےہی وعدے بھول جاتےہیں ،انہوں نے کہا کہ پیپلزپارٹی نےاپنےدور حکومت میں پنشن میں سوفیصد اضافہ کیا،مسلم لیگ ن سےاتحادٹوٹاتوشوکت ترین نےاستعفا دےدیاتھا،انہوں نے کہا کہ موجودہ حکومت نےکشکول توڑنےاورقرض نہ لینےکادعویٰ کیاتھا لیکن اب کہتے ہیں کہ قرض لیں گے۔

یوٹیلٹی سٹور ملازمین نے رمضان سے قبل پارلیمنٹ ہاوس کے سامنے دھرنے کا اعلان کر دیا

باغی ٹی وی کی رپورٹ کے مطابق یوٹیلٹی سٹور کے ملازمین نے مطالبہ کیا ہے کہ کنٹریکٹ ملازمین کو ریگولر اور بقایا جات کی فوری ادایگی کی جائے، حکومت نے چھ ماہ پہلے مطالبات ماننے کا وعدہ کیا تھا لیکن ابھی تک وعدہ پورا نہیں ہوا۔ ملازمین کا کہنا تھا کہ ہم یکم مئی کو مزدور ڈے کے موقع پر پارلیمنٹ پاوس کے سامنے دھرنا دیں گے

وزیرخارجہ شاہ محمود قریشی نے کہا ہے کہ میں پاکستان اور افغانستان کی ٹیمیوں کے درمیان کرکٹ کی سیریز دیکھنا چاہتا ہوں،افغانستا ن کے مسئلہ کا حل سیاسی ہے

باغی ٹی وی کی رپورٹ کے مطابق تھنک ٹینک آر پی آئی کے زیراہتمام پاک افغان ٹریک ٹو ڈائیلاگ سیمینار سے خطاب کرتے ہوئے وزیر خارجہ شاہ محمود قریشی نے کہا کہ ہمارا مستقبل میں آگے بڑھنا ایک دوسرے کے ساتھ جڑا ہے۔ ہم نے آج اس بات کا فیصلہ کرنا ہے کہ ہم کیسا مستقبل چاہتے ہیں۔ جب افغانستان میں جنگ ہوئی تو پاکستان نے کھلے ہاتھوں سے افغان بھائیوں کو اپنایا۔ پھر وقت بدلا اور ایک دوسرے پر الزام تراشی کا سلسلہ شروع ہوا۔ کونسا افغان لیڈر ہے جس نے پاکستان میں اپنا گزر بسر نہ کیا ہو وقت آ گیا ہے کہ ہم سب ساتھ بیٹھیں۔ میں پاکستان اور افغانستان کی ٹیمیوں کے درمیان کرکٹ کی سیریز بھی دیکھنا چاہتا ہوں۔ انہوں نے کہا کہ میں شمال سے جنوب تک توانائی کے وسائل دیکھنا چاہتا ہوں جس سے پاکستان اور افغانستان دونوں فائدہ اٹھا سکیں۔ علاقائی کونیکٹیویٹی دیکھنا چاہتا ہوں، ہمیں اکٹھے تجارت کرنی ہے،اکٹھے پل اور سڑکیں بنانی ہے۔ انہوں نے کہا کہ ہم بدعنوانی کے خلاف مشترکہ جدوجہد کر نی ہے، میں چین کے دورے سے واپس آیا ہوں۔ میں چاہتا ہوں اگلے بی آر ایف میں میرے افغان ہم منصب ساتھ بیٹھے ہوں اور اس خواب اور روشن مستقبل کا حصہ بنیں۔

سانحہ ساہیوال کی جے آئی ٹی رپورٹ کو مقتول خیل کے بھائی نے سپریم کورٹ میں چیلنج کر دیا

باغی ٹی وی کی رپورٹ کے مطابق سپریم کورٹ میں مقتول خلیل کے بھائی جلیل کی جانب سے دائر درخواست میں وفاق، وزارت داخلہ، وزیر اعلیٰ پنجاب، آئی جی پنجاب اور دیگر کو فریق بنایا گیا ہے۔ سپریم کورٹ میں دائر درخواست میں کہا گیا کہ جے آئی ٹی تحقیقات نے کیس کی شکل بدل دی، سانحہ ساہئوال کی تفتیش حقائق کو مدنظر رکھ کی نہیں کی گئی۔ جے آئی ٹی نے ویڈیوز سمیت دیگر شواہد ملحوظ خاطر نہیں رکھا، اہم گواہوں کو بھی زیر غور نہیں لایا گیا۔ سپریم کورٹ میں مقتول کے بھائی کی جانب سے دائر درخواست میں مزید کہا گیا کہ ا استعمال شاہد اسلحہ گولیوں کے خول قبضے میں نہیں لیے گئے۔ درخواست میں استدعا کی گئی کہ سپریم کورٹ آف پاکستان واقعے کی تحقیقات کے لئے جوڈیشل کمیشن قائم کرے۔

واضح رہے کہ سی ٹی ڈی نے ساہیوال میں کارسواروں کو فائرنگ کا نشانہ بنایا تھا جس میں ایک فیملی سوار تھی ،کمسن بچوں کے سامنے ان کے والدین کو گولیاں ماری گئی تھیں،