صوبائی دارلحکومت لاہور میں پارک میں کھیلنے والی بچی درخت گرنے سے جاں بحق ہو گئی، پارک میں موجود دیگر افراد نے بھاگ کر جان بچائی

کمسن گھریلو ملازمہ پر تشدد کا ایک اور واقعہ

باغی ٹی وی کی رپورٹ کے مطابق لاہور کے معرور پارک باغ جناح میں درخت گرنے سے پانچ سالہ بچی جاں بحق ہو گئی، درخت گرنے کے باعث موقع پر موجود دیگر افراد نے بھاگ کر جان بچائی، نیو چوبرجی کی رہائشی پانچ سالہ حمنا اپنے والدین کے ہمراہ پار ک گئی تھی اور اچانک درخت گرنے کے باعث جاں بحق ہو گئی .

لاہور میں خاتون کو قتل کرنیکے بعد اس کی نعش کیسے گھر پہنچائی گئی؟

واضح رہے کہ باغ جناح لاہورمیں ایک تاریخی باغ ہے۔ یہ اس سے پہلے لارنس گارڈن یا لارنس باغ کہلایا کرتا تھا۔ جناح باغ جو 141 ایکڑ کے رقبے پر قائم ہے اس سے پہلے لاہور کے چڑیا گھر میں شامل تھا۔ اب یہاں صرف نباتاتی وسائل ہی دستیاب ہیں۔ یہ پاکستان کے چند انتہائی اہم اور خوبصورت ترین نباتاتی باغات میں شمار کیا جاتا ہے۔ اس باغ میں تقریباً 150 مختلف اقسام کے درخت، 140 اقسام کی جھاڑیاں، 50 قسم کی بیلیں، 30 قسموں کے یک سمتی درخت اور 100 مختلف قسم کے سرسبز پودوں کی اقسام ہیں۔

باغ جناح کی دیکھ بھال کے لئے عملہ بھی موجود ہے لیکن درختوں کے حوالہ سے کبھی کسی نے غور نہیں کیا کہ کونسے درخت کی حالت خطرناک ہے یہ کسی آندھی ،طوفان میں گر سکتا ہے کسی بھی حادثے سے بچنے کے لئے ایسے درخت کو کاٹ دیا جائے، پانچ سالہ حمنا کے درخت گرنے سے موت کا ذمہ دار کون ہے؟

صوبائی دارالحکومت لاہور میں ایک اور کمسن گھریلو ملازمہ کو شدید تشدد کا نشانہ بنایا گیا ہے .پولیس نے بچی کو علاج کے لئے ہسپتال منتقل کر دیا

لاہور میں خاتون کو قتل کرنیکے بعد اس کی نعش کیسے گھر پہنچائی گئی؟

باغی ٹی وی کی رپورٹ کے مطابق لاہور کے علاقہ واپڈا ٹاون میں کمسن گھریلو ملازمہ کو شدید تشدد کلا نشانہ بنایا گیا ہے، پندرہ سو روپے ماہانہ تنخواہ پر کام کرنے والی کمسن ملازمہ کو مالکن نے شدید تشدد کا نشانہ بننایا، بچی کو دو ماہ قبل والدین ملنے کے لئے آئے تو مالکن نے بہانہ بنا کر نہیں ملنے دیا، گزشتہ روز جب والدین اپنی بیٹی کو ملنے آئے تو اس کی حالت خراب دیکھ کرپولیس کو اطلاع دی، تھانہ ستو کتلہ پولیس نے بچی کو گھر سے علاج کے لئے ہسپتال منتقل کر دیا ہے، ملازمہ کا تعلق ٹوبہ ٹیک سنگھ سے ہے اور اس کی عمر دس برس ہے. والدین نے بچی پر تشدد کرنے والوں کے خلاف قانونی کاروائی کا مطالبہ کیا ہے.

واضح رہے کہ چائلڈ ایکٹ کے تحت کمسن بچوں سے کام کروانا قانونی طور پر جرم ہے .اس کے باوجود پاکستان میں ہزاروں نہیں بلکہ لاکھوں بچے کام کر رہے ہوتے ہیں، والدین غربت کے باعث کمسن بچوں کو کام پر بھیجنے پر مجبور ہیں،یہ پہلا واقعہ نہیں ماضٰ میں کمسن ملازمین پر تشدد کے کئی واقعات سامنے آئے ہیں ، پاکستان کے آئین کے آرٹیکل 11 کے تحت چودہ سال سے کم عمر بچے کو کسی کارخانے یا کان یا دیگر پرخطر بھی جگہ ملازمت میں نہیں رکھا جائے گا۔

صوبائی دارالحکومت لاہور میں سینئر فوٹو گرافر ٹریفک حادثے میں جاں‌ بحق ہو گئے

باغی ٹی وی کی رپورٹ کے مطابق سینئر فوٹو گرافر حسن جعفری کو مغلپورہ پل کے قریب تیز رفتار کار نے ٹکر ماری جس کے نتیجے میں وہ نہر میں جا گرے، اطلاع ملنے پر ریسکیو حکام موقع پہنچ گئے، صحافیوں کی بڑی تعداد بھی موقع پر پہنچی ، ڈی سی لاہور نے موقع کا دورہ کیا ، ریسکیو ٹیموں نے آپریشن کرتے ہوئے چار گھنٹے بعد ان کی نعش نہر سے نکالی، حسن جعفری کی عمر 50 برس تھی اور وہ روزنامہ دن کے ساتھ وابستہ تھے، حسن جعفری لاہور پریس کلب اور فوٹو گرافر ایسوسی ایشن کے سینئر رکن تھے،

صحافتی تنظیموں نے حکومت سے مطالبہ کیا ہے کہ حسن جعفری کے اہلخانہ کی امداد کی جائے اور لاہور پریس کلب کے کسی ایک ہال کو حسن جعفری کے نام سے منسوب کیا جائے .حسن جعفری 1995 سے شعبہ صحافت فوٹو گرافر کام سر انجام دے رہے تھے ،ریسکیو حکام نے جب ان کی لاش نہر سے نکالی تو کیمرہ ان کے کندھے پر لٹکا ہوا تھا.