Baaghi TV

Author: ممتاز حیدر

  • سندھ حکومت نے ایڈز پھیلایا میں ریل پھیلاوں گا، شیخ رشید احمد

    سندھ حکومت نے ایڈز پھیلایا میں ریل پھیلاوں گا، شیخ رشید احمد

    وفاقی وزیر ریلوے شیخ رشید احمد نے کہا ہے کہ نواز شریف اور شہباز شریف کی سیاست مختلف ہے، مجھے اب پتہ چلا کیہ چینی مافیا سبسڈی لے گیا ہے، پاک فوج کے جوانوں نے جانوں کا نذرانہ پیش کر کے ملکی سلامتی کو یقینی بنایا

    باغی ٹی وی کی رپورٹ کے مطابق شیخ رشید احمد نے لاہور میں ہفتہ وار اجلاس کے بعد میڈیا سے گفتگو کرتے ہوئے کہا کہ عمران خان نے جو کیا بہتر کیا، اس وقت دنیا کے نشانے پر پاکستان ہے، ہمیں اپنا راستہ بنانا ہے، لوگ ہماری اکانومی تباہ کر کے گئے ہیں. انہوں نے کہا کہ اسوقت ملک میں سب کچھ ہو سکتا ہے نواز شریف اور زرداری کی حکومت نہیں ہو سکتی، شہباز شریف کو چیئرمین پی اے سی بنانا ہماری بڑی غلطی تھی، عمران خان کی مخالفت میں تمام لٹیرے اکٹھے ہو گئے ہیں، مولانا فضل الرحمان ڈیرہ اسماعیل خان میں اپنی زمینوں کی حفاظت کریں. شیخ رشید احمد نے مزید کہا کہ میں نمبر ون سے دوستی اور دشمنی کرتا ہوں. میں اسد عمر کو وزیر دیکھنا چاہتا ہوں. اسد عمر کے گھر مٹھائی بھیجی تھی پتہ چلا کہ گھر خالی ہو گیا ہے. شیخ رشید احمد نے مزید کہا کہ ریلوے نے عید پر تاریخی ایک ارب روپے کمائے ہیں. ریلوے کےپاس 5 روز کے تیل کا ذخیرہ موجود ہے، شیخ رشید احمد نے مزید کہا کہ اضافی ٹرینیں چلانے کے باوجود ریلوے تاریخی خسارہ کم کرے گا ،لاہور کینٹ،کوٹ لکھپت اور رائیونڈ ریلوے اسٹیشن اپ گریڈ کریں گے ،اسٹیشنز کو اپ گریڈ کرنے کامقصد لاہور ریلوے اسٹیشن پر رش کم کرنا ہے،انہوں نے کہا کہ تھل ایکسپریس میں600کی جگہ تھی لیکن1700افراد سوار ہوئے،میں نہیں چاہتا پاکستان ریلوے بحران کا شکار ہو،شیخ رشید احمد نے مزید کہا کہ 28اگست کو اپنےآپ کو قوم کے سامنے پیش کروں گ اور بتاوَں گا خسارہ کتنا کم کیا ہے ،میں نے 30ٹرینیں چلائیں اور20لاکھ لٹر آئل بچایا.

     

    شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

    بلاول کے شہر لاڑکانہ میں مزید 617 افراد میں ایڈز کی تشخیص

    ایڈز سے متاثرہ افراد کو تنہا نہیں چھوڑیں گے، بلاول

     

    نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب

  • بلاول کے حلقہ میں ایڈزکیوں؟ عالمی ماہرین کی ٹیم نے خطرناک انکشاف کردئیے

    بلاول کے حلقہ میں ایڈزکیوں؟ عالمی ماہرین کی ٹیم نے خطرناک انکشاف کردئیے

    بلاول زرداری کے حلقہ میں ایڈز کی بڑھتی ہوئی بیماری کی روک تھام کے لئے عالمی ماہرین نے اپنی رپورٹ بنا کر ہیڈ کوارٹر بھجوا دی ہے

     

    لاڑکانہ میں ایڈز، عالمی تحقیقاتی ٹیم پاکستان پہنچ گئی

    باغی ٹی وی کی رپورٹ کے مطابق سندھ کے علاقے رتوڈیرو میں ایچ آئی وی ایڈز کی بڑھتی ہوئی صورتحال کا جائزہ لینے کے لئے عالمی ماہرین نے رتوڈیرو کا دورہ کیا، اور رپورٹ تیار کی، عالمی ماہرین کی جانب سے بنائی گئی رپورٹ میں انکشاف ہوا ہے کہ رتوڈیرومیں ایچ آئی وی سے متاثرہ مریضوں کی تعداد 751 ہے ،جن میں 604 بچے بھی شامل ہیں. اب تک صرف 43 فیصد افراد کو علاج مل سکا، 57 فیصد علاج کی سہولت سے محروم ہین. پاکستان کے پاس صرف 240 متاثرین بچوں کے علاج کے لیےادویات موجود ہیں،ایچ آئی وی ایڈز سے متاثرہ 364بچے علاج کے منتظر ہیں ،عالمی ماہرین نے تحقیقات اور متاثرین کے علاج کے لیے خطیر رقم کامطالبہ بھی کردیا ،ماہرین نے رپورٹ میں لکھا کہ ڈبلیو ایچ او کو تحقیقات اور کنٹرول کے لیے15 لاکھ ڈالر کی ضرورت ہے،ڈبلیو ایچ او کے پاس 2لاکھ ڈالرز موجود ہیں مزید 13 لاکھ ڈالرز فراہم کئے جائیں.عالمی ماہرین نے رپورٹ میں ایچ آئی وی اسکریننگ کے طریقہ کار پر بھی عدم اطمینان کا اظہار کر دیا .

     

    شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

    بلاول کے شہر لاڑکانہ میں مزید 617 افراد میں ایڈز کی تشخیص

    ایڈز سے متاثرہ افراد کو تنہا نہیں چھوڑیں گے، بلاول

     

    نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب

  • وزیراعظم کے معاون خصوصی نعیم الحق کی وزراء پر تنقید

    وزیراعظم کے معاون خصوصی نعیم الحق کی وزراء پر تنقید

    وزیراعظم عمران خان کے معاون خصوصی نعیم الحق نے کہا ہے کہ وزراء پولیس سکواڈ ساتھ رکھ کر وزیراعظم کے اقدامات کی نفی کر رہے ہیں

    باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے نعیم الحق نے کہا کہ وزرا اوروی آئی پیز ابھی بھی وی آئی پی کلچر کو فروغ دے رہے ہیں،وزرااور بعض افراد کے ساتھ ہر جگہ پولیس اسکواڈ ہوتا ہے ،پولیس اسکواڈ ساتھ رکھنا وزیراعظم عمران خان کی ہدایات کے خلاف ہے .نعیم الحق کا مزید کہنا تھا کہ پولیس اسکواڈ صرف ان افراد کے ساتھ ہونا چاہیے جن کی جانوں کوخطرہ ہے ،جن کی جان کو خطرہ نہیں ان کے ساتھ پولیس اسکواڈ نہیں ہونا چاہیے

  • وطن عزیز پاکستان کا دفاع مضبوط ہاتھوں میں ہے: پرویز خٹک

    وطن عزیز پاکستان کا دفاع مضبوط ہاتھوں میں ہے: پرویز خٹک

    وفاقی وزیر دفاع پرویز خٹک نے کہا ہے کہ وطن عزیز پاکستان کا دفاع مضبوط ہاتھوں میں ہے ، مسلح افواج وطن عزیز کے تحفظ اور سلامتی کے لیے کوئی بھی قربانی دینے کو تیار ہیں۔

    باغی ٹی وی کی رپورٹ کے مطابق وفاقی وزیر دفاع پرویز خٹک نے ان خیالات کا اظہارنوشہرہ میں مختلف وفود سے ملاقاتوں کے دوران کیا۔ پرویز خٹک نے مزید کہا کہ سابق فاٹا کے لوگوں کے خیبرپختونخوا میں انضمام کے بعد ان کے حقوق ملے ہیں اور اب ان علاقوں کے لوگ پاکستان کی ترقی اور خوشحالی میں زیادہ موثر اور فعال کردار ادا کرسکیں گے۔ وفاقی وزیر دفاع کا مزید کہنا تھا کہ تحریک انصاف کی حکومت پاکستان کی معیشت کو مستحکم بنانے اور ملک کو درپیش چیلنجوں سے چھٹکارہ دلانے کے لئے مشکل فیصلے کررہی ہے۔ انہوں نے مزید کہا کہ قومی اسمبلی کا اجلاس جلد بلایا جائے گا جس میں تحریک انصاف کی حکومت آئندہ مالی سال کے لئے اپنا پہلا بجٹ پیش کرے گی۔

  • شہباز شریف کی واپسی پر کارکنان کو کوئی کال نہیں دی ،پرویز ملک کا اعلان

    شہباز شریف کی واپسی پر کارکنان کو کوئی کال نہیں دی ،پرویز ملک کا اعلان

    شہباز شریف کی پاکستان واپسی پر مسلم لیگ ن نے کارکنان کو ائیر پورٹ پہنچنے کی کال نہیں دی

     

    شہباز شریف کی پاکستان واپسی کب ہو گی؟ سلیمان شہباز نے اعلان کر دیا

    شہباز شریف واپس ضرور آئیں، امید ہے وہ اپنے بیٹے اور داماد کو بھی ساتھ لائیں گے. فردوس عاشق اعوان

     

    باغی ٹی وی کی رپورٹ کے مطابق مسلم لیگ ن کے مرکزی پارٹی سیکرٹریٹ میں اجلاس ہوا جس میں شہباز شریف کی وطن واپسی کے پروگرام کوحتمی شکل دی گئی، اجلاس کے بعد مسلم لیگ ن لاہور کے‌صدر پرویز ملک نے میڈیا سے گفتگو کرتے ہوئے کہا کہ اجلاس میں تنظیم سازی کے حوالہ سے بات ہوئی، کارکنوں کی خواہش ہے کہ وہ شہباز شریف کے استقبال کے لئے ائیر پورٹ جائیں مسلم لیگ ن نے کارکنان کو ائیرپورٹ کے لئے کال نہیں دی، پرویز ملک نے مزید کہا کہ عید کے دنوں میں نواز شریف سے ملاقات کی اجازت نہ ملنے کے واقعہ کی مذمت کرتے ہیں. خواجہ عمران نذیر نے کہا کہ پارٹی کی تنظیم سازی حکومت کے خلاف احتجاج کے سلسلہ میں ہے، شہباز شریف کی واپسی فردوس باجی اور ان کے آقاوں کے لئے تشویشناک ہے.

     

     

  • پاکستان پوسٹ کے بعد پنجاب حکومت نے بھی ایسا کام کر دیا کہ شہری جان کر ہوں حیران

    پاکستان پوسٹ کے بعد پنجاب حکومت نے بھی ایسا کام کر دیا کہ شہری جان کر ہوں حیران

    پاکستان پوسٹ کے بعد پنجاب حکومت نے بھی ریسٹ ہاوس عوام کے لئے کھول دئیے

    باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیراعلیٰ پنجاب عثمان بزدار نے ٹویٹ کرتے ہوئے کہا کہ پنجاب میں مختلف محکموں کے 177 ریسٹ ہاؤسز کو، جو کہ پہلے سرکاری عہدیدار صرف اپنے ذاتی استعمال میں رکھتے تھے، عام عوام کے استعمال کے لئے کھول دیا گیا ہے، اس سےحاصل ہونے والی آمدن سے ناصرف ملحقہ علاقوں کی کمیونٹی ڈویلپمنٹ کےلیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی!.

    واضح رہے کہ اس سے قبل پاکستان پوسٹ نے بھی اپنے ریسٹ ہاوس عوام کے لئے کھولنے کا اعلان کیا تھا وفاقی وزیر مراد سعید کی ہدایت پر پوسٹل سروسز کے ریسٹ ہاوسز کے بارے میں باضابطہ نوٹفکیشن جاری کیا گیا تھا، وزارت پوسٹل سروسز کے اعلامیہ کے مطابق شہری تفریحی مقامات کی سیر کے دوران سرکاری ریسٹ ہاوسز میں قیام کر سکیں گے.

  • والد کو ملنے مریم نواز کس کے ساتھ جیل گئیں؟ بڑی خبر آ گئی

    والد کو ملنے مریم نواز کس کے ساتھ جیل گئیں؟ بڑی خبر آ گئی

    سابق وزیراعظم نواز شریف سے ملاقات کے لئے مریم نواز اپنے شوہر کیپٹن ر صفدرکے ہمراہ کوٹ لکھپت جیل پہنچیں

    عید کی چھٹیاں ختم، مریم آج کرے گی نواز شریف سے ملاقات

    باغی ٹی وی کی رپورٹ کے مطابق مریم نواز اپنے شوہر کے ہمراہ جیل گئیں جہاں انہوں نے اپنے والد سے ملاقات کی. مریم نواز کی جیل آمد کے موقع پر ن لیگی کارکنان نے مریم نواز کا جیل کے باہر استقبال کیا اور نعرے بازی کی، نواز شریف سے آج ملاقات کرنے والوں میں مریم نواز کیپٹں (ر) صفدر اور دیگر اہلخانہ شامل تھے۔ عید کے چھٹیوں کے باعث جمعرات کو ملاقات نہیں کروائی گئی تھی۔ نواز شریف سے انکے ذاتی معالج ڈاکٹر عدنان نے بھی ملاقات کی ہے .

  • بی جے پی لیڈر نے ایسا اعلان کیا کہ مسلمانوں میں خوف کی فضا پیدا ہو گئی

    بی جے پی لیڈر نے ایسا اعلان کیا کہ مسلمانوں میں خوف کی فضا پیدا ہو گئی

    بھارتی ہندو انتہا سپند تنظیم کے رہنما سریندر سنگھ نے اعلان کیا ہے کہ 2024 میں بھارت کے ہندوراشٹر ہونے کا اعلان ہو جائے گا

    باغی ٹی وی کی رپورٹ کے مطابق آر ایس ایس کے رہنما بلیا ضلع سے اسمبلی کی سیٹ جیتنے والے بی جے پی کے رکن اسمبلی سریندر سنگھ نے آر ایس ایس کارکنان کے ساتھ ایک اجلاس کے دوران گفتگو کرتے ہوئے کہا کہ رام کی شکل میں نریندر مودی اور ہنومان کی شکل میں یوگی آدتیہ ناتھ ہندوستان کے جمہوری نظام میں اوتار لے چکے ہیں۔ سریندر نے مزید کہا کہ 2024 میں آر ایس ایس کے 100 سال پورے ہونے جا رہے ہیں۔ آر ایس ایس کے 100 سال پورے ہونے پر ہندوستان ہندو راشٹر ہونے کا اعلان ہو جائے گا۔

    واضح رہے کہ سریندر سنگھ نے اس سے قبل کہا تھا کہ پچاس فیصد مسلمان ایسے ہیں جو اصل میں ہندو ہیں اور ان کا مذہب تبدیل کروا کر اسلام میں شامل کرایا گیا ہے جو خود کو پھر سے ہندو مذہب میں شامل کر لیں گے۔ ہندو کلچر اختیار کرنے والے مسلمان ہی بھارت میں رہ پائیں گے۔

    واضح رہے کہ بھارتی الیکشن میں بی جے پی ایک بار پھر جیتی اور مودی دوبارہ وزیراعظم منتخب ہو چکے ہیں.

  • سمندروں کا عالمی دن، پاکستان نیوی نے اہم پیغام جاری کر دیا

    سمندروں کا عالمی دن، پاکستان نیوی نے اہم پیغام جاری کر دیا

    پاکستان نیوی آج ہفتہ کو سمندروں کا عالمی دن منا رہی ہے

    باغی ٹی وی کی رپورٹ کے مطابق پاکستان نیوی کے ترجمان کا کہنا ہے کہ پاک بحریہ اقوام عالم کےساتھ آج سمندروں کاعالمی دن منارہی ہے ،سمندروں کےعالمی دن کیلئے اس سال اقوام متحدہ کا منتخب موضوع”صنف اورسمندر”ہے،جس کامقصد اس شعبہ میں خواتین کے کردارکی حوصلہ افزائی کرنا ہے ،ترجمان پاک بحریہ کے مطابق اس دن کومنانےکا مقصد سمندروں کی اہمیت کواجاگرکرنا ہے ،اس دن کا مقصدانسانی سرگرمیوں کےسمندرپراثرات سےعالمی برادری کوروشناس کرانا ہے ،پاکستان نیوی کے ترجمان کا مزید کہنا ہے کہ پاک بحریہ سمندری وسائل کے محفوظ،دیرپا استعمال کے فروغ میں مرکزی کرداراداکررہی ہے .

    واضح رہے کہ سمندروں کاعالمی دن 1992 میں ریوڈی جینرو میں ہونے والی زمین کے نام سے منعقد کی جانے والی کانفرنس سے منانے کا آغاز ہوا جبکہ یہ دن اقوام متحدہ کے تحت 2008 سے ہرسال سمندر کے تحفظ کا شعوراجاگر کرنے کے لئے منایا جاتا ہے۔اس دن کو منانے کا مقصد انسانی زندگی میں پانی کی اہمیت ، آبی جانوروں کا تحفظ اور سمندری آلودگی کم کرنا ہے۔

  • بھارتی فضائیہ کے لاپتہ طیارے کا ملبہ مل گیا

    بھارتی فضائیہ کے لاپتہ طیارے کا ملبہ مل گیا

    بھارتی فضائیہ کے لاپتہ طیارے کا ملبہ مل گیا ، سوار افراد کی لاشوں کی تلاش جاری ہے

    باغی ٹی وی کی رپورٹ کے مطابق بھارتی ریاست آسام کے جورہاٹ ائیر بیس سے اروناچل پردیش کیلئے اڑان بھرنے والے ہندوستانی فضائیہ کے تباہ ہونے والے طیارے آئی اے این ایف 32 کا ملبہ مل گیا ہے.بھارتی فضائیہ کے ایک ہیلی کاپٹر نے جو سرچنگ ٹیم میں شامل تھا، نے ہندوستانی فضائیہ کے تباہ شدہ طیارے کا ملبہ دیکھا ہے. طیارہ میں سوار لوگوں کی فی الحال تلاش کی جارہی ہے۔ تباہ ہونے والے طیارے میں‌ 13 افراد سوار تھے.

    اس سے قبل بھارتی فضائیہ کا 1986 میں بحیرہ عرب میں اے این 32 لا پتہ ہوا تھا جو سوویت یونین سے عمان کے راستے واپس آ رہا تھا ،اس طیارے کا کوئی سراغ ،ملبہ بھارت کو نہیں ملا. بھارت کا ایک اور اے این 32 طیارہ 2016 میں لاپتہ ہوا تھا جس میں بھارتی فضائیہ کے 29 اہلکار سوار تھے ،کافی تلاش کے بعد بھی بھارت کو اس طیارے کے بارے میں کچھ معلوم نہ ہو سکا، بھارتی فضائیہ کے اب تک دو اے این 32 طیارے گر کر تباہ ہوئے، ایک طیارہ 1989 اور دوسرا 2009 میں گر کر تباہ ہوا تھا. بھارت کے پاس اے این 32 طیاروں کی تعداد ایک سو سے زائد ہے ، بھارت نے یہ طیارے سوویت یونین سے خریدے تھے ،اے این 32 طیارے یوکرین میں بنائے گئے ہیں.