Baaghi TV

Author: ممتاز حیدر

  • ینگ ڈاکٹرز کی ہڑتال جاری، سرکاری ہسپتالوں میں مریضوں کا چیک اپ بند

    ینگ ڈاکٹرز کی ہڑتال جاری، سرکاری ہسپتالوں میں مریضوں کا چیک اپ بند

    لاہور میں ینگ ڈاکٹرز کی مطالبات کی منظوری کے لئے پانچ روز سے ہڑتال جاری ہے جس کی وجہ سے سرکاری ہسپتالوں میں آنے والے مریضوں کو شدید مشکلات کا سامنا ہے

    باغی ٹی وی کی رپورٹ کے مطابق ینگ ڈاکٹرزنے میڈیکل ٹیچنگ انسٹیٹیوٹ ایکٹ کے خلاف ہڑتال کی ہوئی ہے، آج ڈاکٹرز کی ہڑتال کو پانچواں دن ہے .سرکاری اسپتالوں میں ہڑتال کے باعث مریضوں کو چیک اپ کرانے میں مشکلات کا سامنا ہے .سرکاری ہسپتالوں میں نرسز اور پیرا میڈیکل سٹاف بھی ہڑتال پر پے. ینگ ڈاکٹرز نے دھمکی دی ہے کہ جب تک اسپتالوں کی نجکاری کا عمل نہیں رکتا احتجاج جاری رکھیں گے.

    واضح رہے کہ پنجاب حکومت کی جانب سے اسمبلی میں پیش ہونےو الے بل ،میڈیکل ٹیچنگ انسٹی ٹیوشنز ایکٹ کے خلاف ینگ ڈاکٹرز ، نرسز اور پیرامیڈیکس پانچ روز سے ہڑتال پرہیں، صوبائی دارالحکومت لاہور سمیت صوبہ بھر کے ٹیچنگ ہسپتالوں کے آؤٹ ڈور میں ہڑتال کی گئی ہے اور کام بند ہےجس کی وجہ سے ہزاروں مریض علاج کی سہولت سے محروم ہیں۔

  • وزیر اعلیٰ پنجاب سے فردوس عاشق اعوان کی ملاقات، شعبہ اطلاعات کو بہتر بنانے پر گفتگو

    وزیر اعلیٰ پنجاب سے فردوس عاشق اعوان کی ملاقات، شعبہ اطلاعات کو بہتر بنانے پر گفتگو

    وزیر اعلیٰ پنجاب عثمان بزدار سے وزیر اعظم کی مشیر برائے اطلاعات فردوس عاشق اعوان نے ملاقات کی ہے

    باغی ٹی وی کی رپورٹ کے مطابق ملاقات میں باہمی دلچسپی کے امور، سیاسی صورتحال پر تبادلہ خیال کیا گیا. ملاقات کے دوران شعبہ اطلاعات کے مابین کو آرڈینیشن کو بہتر بنانے پر گفتگو کی گئی، وزیر اعلیٰ پنجاب نے کہا کہ حکومت نے شفافیت کے نئے کلچر کو پروان چڑھایا ہے،کرپشن کے خلاف زیروٹالرنس کی پالیسی کےمثبت نتائج سامنے آئے ہیں ،وطن عزیز پاکستان کو لوٹنے والوں کا احتساب ضروری ہے. تحریک انصاف کی حکومت قومی اداروں کی پائیدار بحالی پر توجہ دے رہی ہے.وزیر اعلیٰ پنجاب نے مزید کہا کہ عوام کی خدمت ہی میرا مشن ہے ، اس موقع پر فردوس عاشق اعوان نے کہا کہ وزیراعلیٰ پنجاب عثمان بزدار نے صوبے کے عوام کی خدمت کییئے بے مثال اقدامات کیے ہیں،تحریک انصاف کی حکومت کے فلاح عامہ کیلیے اقدامات سے عوام کو ریلیف ملے گا

  • وزیراعظم کے خلاف درخواست، عدالت کا سماعت سے انکار

    وزیراعظم کے خلاف درخواست، عدالت کا سماعت سے انکار

    وزیر اعظم عمران خان کے بیرون ملک دوروں پر اخراجات کے حوالہ سے درخواست پر عدالت نے سماعت سے معذرت کر لی

    باغی ٹی وی کی رپورٹ کے مطابق پاکستان کے نامور وکیل، مسلم لیگ ن کے رہنما سابق وزیر اعظم نواز شریف کے سابق وکیل اے کے ڈوگر ایڈوکیٹ نے لاہور ہائیکورٹ میں درخواست دائر کی تھی جس میں کہا گیا تھا کہ عمران خان نےعوام سےوعدہ کیا تھا کہ وہ خصوصی طیاروں میں سفرنہیں کریں گے،تھر میں بچے غذائی قلت کا شکار ہیں اور وزیراعظم شاہانہ زندگی گزار رہے ہیں.معلومات تک رسائی کے قانون کے تحت معلومات حاصل کرنا ہر شہری کا حق ہے ،عدالت عمران خان کےخصوصی طیاروں پر9 ممالک کے سفرکےاخراجات کی تفصیلات طلب کرے، لاہور ہائیکورٹ میں عدالت کی سماعت ہوئے تو جسٹس عاطر محمود نے درخواست کی سماعت سے معذرت کر لی

  • تین کشمیریوں کی شہادت، شوپیاں میں مکمل ہڑتال

    تین کشمیریوں کی شہادت، شوپیاں میں مکمل ہڑتال

    مقبوضہ کشمیر کے علاقے شوپیاں میں تین کشمیریوں کو بھارتی فوج نے گزشتہ روز شہید کیا آج شوپیاں میں مکمل ہڑتال کی گئی

    باغی ٹی وی کی رپورٹ کے مطابق ہفتہ کو شوپیاں اور پلوامہ میں مکمل ہڑتال رہی ، دکانیں بند رہیں، سڑکوں پر ٹریفک بھی نظر نہ آئی، تین کشمیریوں کی شہادت پر کشمیریوں نے آج ہفتہ کو بھرپور احتجاج کیا.اور بھارت سرکار کے خلاف نعرہ بازی کی.

    مقبوضہ کشمیر کے علاقے شوپیاں میں بھارتی فوج کی فائرنگ سے شہید ہونے والے 3 کشمیریوں کی نماز جنازہ میں ہزاروں افراد نے شرکت کی. اس موقع پر عسکریت پسندوں نے شہیدوں کو سلامی دے کر بھارت سرکار کو پیغام دیا کہ کشمیری آزادی لے کر رہیں گے

    بھارتی فوج نے شوپیاں کے علاقے امام صاحب میں سرچ آپریشن کے د وران تین کشمیریوں کو شہید کیا تو کشمیری بڑی تعداد میں گھروں سے باہر نکل آئے اور بھارتی فوج کے خلاف احتجاج کیا، اھتجاج کے دوران بھارتی فورسز نے کشمیری مظاہرین کو منتشر کرنے کے لئے پہلے آنسو گیس کے شیل پھینکے کشمیری پھر بھی احتجاج کرتے رہے جس کے بعد بھارتی فوج نے کشمیریوں پر پیلٹ گن سے فائر کئے ،دوران احتجاج پیلٹ گن سے 17 کشمیری زخمی ہو گئے. جنہیں طبی امداد کے لئے سرینگر کے ہسپتال منتقل کر دیا گیا .ایک زخمی کی شناخت مدثر احمد نامی ایک نوجوان کے طور ہوئی ہے جس کی ٹانگ میں گولی لگی ہے

  • وزیراعلیٰ کو تھپڑ پڑ گیا، بڑی خبر آ گئی

    وزیراعلیٰ کو تھپڑ پڑ گیا، بڑی خبر آ گئی

    نئی دلی کے وزیراعلیٰ کیجری وال کوریلی کے دوران تھپڑ پڑ گیا

    باغی ٹی وی کی رپورٹ کے مطابق نئی دہلی کے وزیر اعلی کیجری وال کو ریلی کے دوران تھپڑ مارا گیا ہے، تھپڑ لگنے پر ریلی میں افرا تفری مچ گئی، بھارتی پولیس نے تھپڑ مارنے والے کو گرفتار کر لیا ہے .

    بھارت میں یہ پہلا تھپڑ نہیں ہے بلکہ اس سے پہلے کانگریس کے رہنما کو بھی تھپڑ پڑ چکا ہے اس کو بھی تھپڑ الیکشن مہم کے دوران ایک جلسہ میں خطاب کے دوران پڑا ہے. کانگریس میں چند ماہ قبل شامل ہونے والے رہنما ہاردک پٹیل اپنی آبائی ریاست گجرات میں جلسہ سے خطاب کر رہے تھے کہ ایک شخص نے اسٹیج پر آ کر ان کے منہ پر تھپڑ رسید کر دیا، تھپڑ مارنے والے شخص کو سیکورٹی اہلکاروں نے حراست میں لے لیا ہے.

  • عمران خان کا لہجہ وزیراعظم کا نہیں کینٹینر والا ہے، شیریں رحمان

    عمران خان کا لہجہ وزیراعظم کا نہیں کینٹینر والا ہے، شیریں رحمان

    پیپلز پارٹی کی رہنما سینٹر شیریں رحمان نے کہا ہے کہ عمران خان کا لہجہ اب بھی کنٹینروالاہے وزیراعظم والا نہیں

    باغی ٹی وی کی رپورٹ کے مطابق شیریں رحمان نے گفتگو کرتے ہوئے کہا کہ وزیراعظم معیشت اوراندرونی سیاسی بحران سےتوجہ ہٹانےکی کوشش نہ کریں ،عوام کی مہنگائی سےچیخیں نکال کرسیاسی بیان بازی کررہے ہیں. انہوں نے کہا کہ عمران خان کا بڑھتی بیروزگاری کا اعتراف تشویشناک ہے،عمران خان عوام کورمضان سےقبل پیٹرول کی قیمت بڑھانےکی خبربھی سنا دیتے .انہوں نے کہا کہ حکومت کے پاس ملکی مسائل کے حل کا کوئی پلان نہیں

  • سپریم کورٹ، آئندہ ہفتے کی کاز لسٹ جاری

    سپریم کورٹ، آئندہ ہفتے کی کاز لسٹ جاری

    سپریم کورٹ نےآیندہ ہفتے کا ججزروسٹراورکاز لسٹ جاری کردی

    باغی ٹی وی کی رپورٹ کے مطابق سپریم کورٹ آف پاکستان میں آئندہ ہفتے مقدمات کی سماعت کے لئے چھ بینچ تشکیل دئیے گئے ہیں.چاربینچز اسلام آباد رجسٹری ، ایک لاہوراور ایک پشاور رجسٹری میں مقدمات سنے گا، سپریم کورٹ کے اعلامیہ کے مطابق بینچ نمبر1 چیف جسٹس آصف سعید کھوسہ ،جسٹس سردارطارق ،جسٹس سجادعلی شاہ پرمشتمل ہوگا ،اعلامیہ کے مطابق بینچ نمبر2جسٹس عظمت سعید،جسٹس قاضی فائزعیسٰی ،جسٹس فیصل عرب پر مشتمل ہوگا ،اعلامیہ کے مطابق بینچ نمبر3 جسٹس مشیرعالم، جسٹس اعجازالاحسن ،جسٹس یحیٰٰ آفریدی پرمشتمل ہوگا ،اعلامیہ کے مطابق بینچ نمبر4 جسٹس عمرعطاءبندیال ،جسٹس مقبول باقر،جسٹس منیب اخترپرمشتمل ہوگا ،اعلامیہ کے مطابق لاہوررجسٹری میں بینچ جسٹس منظورملک،جسٹس منصورعلی شاہ ،جسٹس قاضی محمد امین پرمشتمل ہوگا ،اعلامیہ کے مطابق پشاوررجسٹری میں بینچ جسٹس گلزاراحمد اور جسٹس مظہرعالم پر مشتمل ہوگا ،آیندہ ہفتےاسکول فیس کیس، طیبہ تشدد کیس سنے جائیں گے

  • ن لیگ میں گینگ آف فور فیصلے کر رہا ہے، وزیر خارجہ

    ن لیگ میں گینگ آف فور فیصلے کر رہا ہے، وزیر خارجہ

    شاہ محمو دقریشی نے کہا کہ ن لیگ میں گینگ آف فور فیصلے کر رہا ہے، شاہد خاقان عباسی نون لیگ کے ایکٹنگ صدر ہوں گے

    باغی ٹی وی کی رپورٹ کے مطابق ملتان میں میڈیا سے گفتگو کرتے ہوئے وزیر خارجہ شاہ محمود قریشی نے کہا کہ گندم کی خریداری کا آغاز ہو گیا ہے ،باردانہ ملے گا،جہاں ضلعی انتظامیہ کو دقت آ رہی ہے اسکی نشاندہی کریں، ازالہ کیا جائے گا، انہوں نے کہا کہ ہر کاشتکار کی گندم خریدی جائے گی، انہوں نے کہا کہ وزیر اعلیٰ کی اراکین اسمبلی سے نشست ہوئی اس میں جو معاملات اٹھائے گئے ان پر اقدامات اٹھائے جائیں گے. وزیر اعلیٰ ہر ماہ اراکین اسمبلی سے ملیں گے. وزیر اعلیٰ آٹھ مئی کو دوبارہ اسلام آباد آئیں گے اور اراکین اسمبلی سے ملیں گے بلدیاتی نظام پر بریفنگ ہو گی. انہوں نے کہا کہ جب الیکشن ہوتا ہے تو ایک گورنمنٹ کو پانچ سال کا مینڈیٹ دیا جاتا ہے، اپوزیشن کو مینڈیٹ کا احترام کرنا چاہئے ،پی پی اور ن لیگ کے مینڈیٹ کا احترام کیا گیا. انہوں نے کہا کہ ن کی قیادت ہمیں بتائے کہ رات کو یہ تبدیلی لائی گئی ،جب ان کے اراکین سے رابطہ کیا گیا تو ان کو بھی علم نہیں تھا وہ بے خبر تھے. گینگ آف فور ن لیگ میں فیصلے کررہا ہے. شہباز شریف لیڈر آف اپوزیشن رہ سکتے ہیں ان کی صحت کو کچھ نہیں ہوتا تو پی اے سی جو منتوں سے حاصل کی تھی اس سے کیوں بھاگ گئے، پیپلز پارٹی ن لیگ کی اتحادی جماعت ہے وہ بھی کہہ رہی ہے کہ رانا تنویر کی نامزدگی پر کوئی رابطہ نہیں کیا گیا. ضروری نہیں کہ انہیں قبول کیا جائے.

  • شیخ رشید نے ایسا کیا اعلان کیا کہ ریلوے ملازمین دعائیں دینے لگے

    شیخ رشید نے ایسا کیا اعلان کیا کہ ریلوے ملازمین دعائیں دینے لگے

    وفاقی وزیر ریلوے شیخ رشید احمد نے کہا ہے کہ دس مئی کو ماں اور بچہ ہسپتال کا افتتاح وزیر اعظم عمران خان کرینگے

    باغی ٹی وی کی رپورٹ کے مطابق وفاقی وزیر شیخ رشید احمد نے کہا ہے کہ 10 مئی کو وزیر اعظم جس ہسپتال کا افتتاح کر رہے ہیں وہ صرف ماں بچہ کا نہیں بلکہ سب کا ہسپتال ہو گا، اس میں 14 آپریشن تھیٹر ہیں جنہیں بڑھا کر 17 کیا جائے گا، شیخ رشید نے مزید کہا کہ وہ خواتین کےلئے نرسنگ ہسپتال اور نرسنگ کالج بنا رہے ہیں، راولپنڈی میں متعدد گرلز کالج قائم کئے اور آج راولپنڈی نمبر ون ہے، شیخ رشید احمد نے مزید کہا کہ گورنر پنجاب 11مئی کو ریلویز مزدوروں کے اعزاز میں افطاری دینگے جبکہ دس مئی کو وزیر اعظم عمران خان ماں بچہ ہسپتال کے افتتاح کے لئے آئیں تو اس موقع پر وزیر اعظم اور میری طر ف سے ریلویز ملازمین کے اعزاز میں افطاری دی جائیگی . انہوں نے ریلوے ورکشاپ اور سی ڈی ایل مزدوروں کو عید سے قبل 3 ، 3 ہزار دینے کا اعلان کیا .

  • پاکستان میں اب گاڑیاں ہو گی تیار، وزیراعظم نے اہم اعلان کر دیا

    پاکستان میں اب گاڑیاں ہو گی تیار، وزیراعظم نے اہم اعلان کر دیا

    وزیراعظم عمران خان نے کہا کہ پہلی بار پاکستان میں مکمل طور پر گاڑی تیار ہو گی ،اس فیکٹری سے چالیس ہزار لوگوں کو روزگار ملے گا

    باغی ٹی وی کی رپورٹ کے مطابق لاہور میں ایک تقریب سے خطاب کرتے ہوئے وزیر اعظم نے کہا کہ حکومت کی نئی پالیسی میں سرمایہ کاروں کی تمام رکاوٹیں دورکردی ہیں، دو ڈھائی کنال کی جگہ پر چالیس ہزار لوگوں کو روزگار ملے گا، پہلی بار میں پاکستان میں مکمل طور پر گاڑی تیار ہو گی، اس فیکٹری سے لوگوں کو روزگار ملے گا، حکومت کی آمدنی بھی بڑھے گی اور یہ گاڑیاں ملک سے ایکسپورٹ بھی ہوں گی. انہوں نے کہا کہ ہماری پوری کوشش ہے کہ عوام کو ریلیف دیں،آسانیاں‌ پیدا کریں. انویسٹرز کے لیے آسانیاں پیدا کر دیں،