Baaghi TV

Author: News Editor

  • راولپنڈی: والی بال میچ کے دوران فائرنگ،1 کھلاڑی ہلاک، 1 زخمی

    راولپنڈی: والی بال میچ کے دوران فائرنگ،1 کھلاڑی ہلاک، 1 زخمی

    راولپنڈی والی بال میچ کے دوران کھلاڑیوں میں فائرنگ سے مقامی کھلاڑی جان کی بازی ہار گیا جب کہ ایک کھلاڑی شدید زخمی ہوگیا۔راولپنڈی پولیس کے مطابق فائرنگ کا واقعہ راولپنڈی کے تھانہ روات کے علاقے سمبل میں والی بال میچ کے دوران پیش آیا، ملزمان فائرنگ کے بعد جائے وقوعہ سے فرار ہونے میں کامیاب ہوگئے۔

     

    پولیس نے بتایا کہ دو مقامی ٹیموں کے درمیان فلڈ لائٹ والی بال میچ کھیلا جارہا تھا، میچ کے دوران معمولی تلخ کلامی پر عابد اور اعجاز نے دوسری ٹیم پر فائرنگ کردی، جس سے مقامی کھلاڑی جنید موقع پر جاں بحق ہوگیا اور ناصر شدید زخمی ہوا۔

    واقعے کی اطلاع ملتے ہی ایس پی صدر محمد نبیل نے پولیس کی بھاری نفری کے ساتھ موقع پر پہنچ کر لاش اور زخمی کو مقامی اسپتال منتقل کیا۔پولیس حکام کا کہنا تھا کہ ملزمان قانون کی گرفت سے نہیں بچ سکیں گے جلد گرفتار کرلیا جائے گا۔

    دوسری طرف کے پی کےعلاقہ پاراچنار میں چارنوجوانوں کو قتل کردیا گیا ہے ، گورنر خیبرپختونخوا حاجی غلام علی نے پارا چنار میں ٹرکوں سے قومی سطح پر ٹیکس لینے کے سلسلے میں پیدا ہونے والی کشیدہ صورتحال کو فوری کنٹرول کرنے اور امن کا قیام یقینی بنانے کی ہدایت کردی۔

    ترجمان گورنر کے پی کی طرف سے جاری اعلامیے کے مطابق حاجی غلام علی نے ضلع کرم کے علاقے پارا چنار میں چار نوجوانوں کی ہلاکت کا نوٹس لیتے ہوئے متعلقہ انتظامیہ سمیت ایف سی اور دیگر قانون نافذ کرنے والے اداروں کو اہم ہدایات جاری کردیں۔گورنر خیبرپختونخوا نے متعلقہ ڈپٹی کمشنر سے رابطہ کیا اور حالات سے مکمل آگاہی حاصل کرتے ہی صورت حال کنٹرول کرنے ہدایات جاری کیں

  • پارا چنار میں 4 نوجوانوں کے قتل پر گورنر خیبرپختونخوا کا نوٹس

    پارا چنار میں 4 نوجوانوں کے قتل پر گورنر خیبرپختونخوا کا نوٹس

    پشاور: پارا چنار میں 4 نوجوانوں کے قتل پر گورنر خیبرپختونخوا نےنوٹس لے لیا ہے اور یہ بھی اطلاعات ہیں کہ گورنر خیبرپختونخوا حاجی غلام علی نے پارا چنار میں ٹرکوں سے قومی سطح پر ٹیکس لینے کے سلسلے میں پیدا ہونے والی کشیدہ صورتحال کو فوری کنٹرول کرنے اور امن کا قیام یقینی بنانے کی ہدایت کردی۔

    اسلام آباد پولیس کے شہید عدیل حسین کو ‘تمغہ شجاعت’ دینے کا اعلان

    ترجمان گورنر کے پی کی طرف سے جاری اعلامیے کے مطابق حاجی غلام علی نے ضلع کرم کے علاقے پارا چنار میں چار نوجوانوں کی ہلاکت کا نوٹس لیتے ہوئے متعلقہ انتظامیہ سمیت ایف سی اور دیگر قانون نافذ کرنے والے اداروں کو اہم ہدایات جاری کردیں۔

    گورنر خیبرپختونخوا نے متعلقہ ڈپٹی کمشنر سے رابطہ کیا اور حالات سے مکمل آگاہی حاصل کرتے ہی صورت حال کنٹرول کرنے ہدایات جاری کیں۔ علاوہ ازیں انہوں نے وفاقی وزیر ساجد طوری مولانا عصمت احسان اللہ مولانا عبدالغفورسے ٹیلی فونک رابطہ کرتے ہوئے انہیں معاملے میں فوری کردار ادا کرنے اور مسئلے کا پُرامن حل نکالنے کی ہدایت بھی کی۔

    60 سالہ ملزم کی اندھا دھند فائرنگ میں 2 افراد ہلاک اور 4 زخمی

    چار نوجوانوں کی موت پر دکھ اور اسکو کو افسوسناک قرار دیتے ہوئے گورنر نے علما کرام، مشران اور قانون نافذ کرنے والے اداروں سے بھی رابطہ کیا اور کہا کہ حالات کو مزید کشیدگی سے بچانے کے لیے مذاکرات سمیت ہر پرامن آپشن کا استعمال کیا جائے۔

  • عدالت نے پرویز الٰہی کو عبوری ریلیف دیا، پابند کیا وہ کوئی اقدام نہیں اٹھائیں گے:رانا ثنااللہ

    عدالت نے پرویز الٰہی کو عبوری ریلیف دیا، پابند کیا وہ کوئی اقدام نہیں اٹھائیں گے:رانا ثنااللہ

    اسلام آباد:وفاقی وزیر داخلہ رانا ثناء اللہ نے کہا ہے کہ چودھری پرویزالٰہی کو عدالت نے عبوری ریلیف دیا ہے، یقین ہے عدالتی فیصلے پر انہیں اعتماد کا ووٹ لینا پڑے گا۔اپنے ایک بیان میں وزیر داخلہ رانا ثناء اللہ نے کہا کہ عدالت نے پرویزالہیٰ کوعبوری ریلیف دیا ہے، گیارہ جنوری کوعدالت دونوں فریقین کو سن کر فیصلہ دے گی، یقین ہے عدالت کے فیصلے پرانہیں اعتماد کا ووٹ لینا پڑے گا، اعتماد کا ووٹ لینے کے بعد بے شک اسمبلیاں تحلیل کر دیں، ہمیں اعتراض نہیں۔

    اسلام آباد پولیس کے شہید عدیل حسین کو ‘تمغہ شجاعت’ دینے کا اعلان

    رانا ثنا اللہ نے کہا کہ اگرچیف سیکرٹری نے دستخط نہ کرنا ہوتے توعہدے سے علیحدہ ہو جاتے، مراسلہ بھیجنے سے پہلے چیف سیکرٹری کو اعتماد میں لیا گیا، چیف سیکرٹری نے کہا تھا پہلے لیگل رائے لینا چاہتا ہوں، چیف سیکرٹری کو کمرے میں بند کرنے والی ایسی کوئی بات نہیں۔وزیر داخلہ نے مزید کہا کہ دہشت گردی کے واقعات تشویشناک ہیں، اسلام آباد پولیس نے گاڑی کو روک کر فرض شناسی کا ثبوت دیا، اسلام آباد میں دہشت گردی کا بڑا واقعہ ہونے جا رہا تھا۔

    کرکٹ بورڈ کا آئین منسوخ کیوں کیا گیا:کابینہ کی منظوری کے ساتھ ہی نیا آئین نافذ…

    یاد رہے کہ آج لاہور ہائیکورٹ نے چودھری پرویز الٰہی کو وزیر اعلیٰ پنجاب کے عہدے پر بحال کر دیا۔تفصیلات کے مطابق گورنر پنجاب کی جانب سے چودھری پرویز الٰہی کو وزارت اعلیٰ کے عہدے سے ڈی نوٹیفائی کرنے کا لاہور ہائیکورٹ نے نوٹیفکیشن معطل کر دیا۔

    این ڈی یو میں نیشنل سکیورٹی کورس 2023 کی گریجویشن تقریب

    لاہور ہائیکورٹ نے اسمبلی نہ توڑنے کے بیان حلفی پر گورنر کا نوٹیفکیشن معطل کیا، عدالت نے گورنر پنجاب بلیغ الرحمان ، اٹارنی جنرل اور دیگر کو نوٹس جاری کر دیا اور سماعت گیارہ جنوری تک معطل کر دی۔لاہور ہائیکورٹ کے پانچ رکنی لارجر بینچ نے دوبارہ سماعت کا آغاز کیا تو بیرسٹر علی ظفر نے پرویز الٰہی کا دستخط شدہ بیان حلفی جمع کرا دیا، مونس الہی بھی کمرہ عدالت میں موجود تھے۔

  • پاکستان کرکٹ بورڈ نےپاکستان سپرلیگ 8 کے میچز کوئٹہ میں کرانے کا اعلان کردیا

    پاکستان کرکٹ بورڈ نےپاکستان سپرلیگ 8 کے میچز کوئٹہ میں کرانے کا اعلان کردیا

    لاہور: پاکستان کرکٹ بورڈ (پی سی بی) کی مینجمنٹ کمیٹی نے پاکستان سپرلیگ سیزن 2023 کے میچز کوئٹہ میں کرانے کا اعلان کردیا۔پاکستان کرکٹ بورڈ کے ذرائع کے مطابق پاکستان سپر لیگ کے آٹھویں سیزن کے میچز بلوچستان کے دارالحکومت کوئٹہ میں کرانے کا اعلان کمیٹی سربراہ نجم سیٹھی نے مینجمنٹ کمیٹی کی پہلی مینٹنگ کے بعد نیشنل ہائی پرفارمنس سینٹر میں میڈیا سے بات کرتے ہوئے کیا۔

    پشاور میں اسٹیڈیم بن رہا ہے ،6ماہ تکمیل کے لیے درکارہے ،نجم سیٹھی

    انہوں نے کہا کہ سکیورٹی اداروں کی جانب سے کوئٹہ میں بھرہور سکیورٹی کی یقین دہانی کرادی گئی ہے، اسی لیے کوئٹہ میں میچز کرانے کا فیصلہ کیا۔نجم سیٹھی کا کہنا تھا کہ نئی سلیکشن کمیٹی کا اعلان کل کیا جاسکتا ہے جب کہ انہوں نے قومی ٹیم لیے لیے تجربہ کار غیرملکی کوچز بھی لانے کا عندیہ بھی دے دیا۔

    کرکٹ بورڈ کا آئین منسوخ کیوں کیا گیا:کابینہ کی منظوری کے ساتھ ہی نیا آئین نافذ…

    میڈیا سے گفتگو کرتے ہوئے کمیٹی سربراہ نے بتایا کہ ایجنڈے میں بہت کچھ تھا جو مکمل نہیں ہوسکا، اب ہفتے کو دوبارہ اجلاس ہوگا، فی الحال ہم نے سلیکشن کمیٹی سمیت تمام کمیٹیاں ختم کردی گئی ہیں۔انہوں نے یقین دہانی کرائی کہ ڈومیسٹک میں پاکستان کپ شیڈول کے مطابق ہوگا تاہم دوسرے تمام پروگرام روک دئیے گئے ہیں اور ڈومیسٹک کوچز کو بھی فارغ کیا جارہا ہے۔

    نجم سیٹھی کا کہنا تھا کہ چھ ریجنل ایسوسی ایشنز کو ختم کردیا گیا ہے، بورڈ ملازمین کی تنخواہوں پر نظر ثانی کریں گے جب کہ باقی پورے سسٹم کا از سر نو جائزہ لیا جائے گا۔انہوں نے واضح کیا کہ اسٹارز کرکٹرز ہمارا اثاثہ ہیں، ان کی خدمات سے فائدہ اٹھائیں گے تاہم قومی ٹیم کے لیے تجربہ کار غیرملکی کوچز کی تقرری کریں گے۔

    پی سی بی معاملات چلانے کیلئے کمیٹی تشکیل، نجم سیٹھی سربراہ، شاہد آفریدی ممبر

    کمیٹی سربراہ نجم سیٹھی نے پریس بریفنگ کے دوران مزید کہا کہ ماضی میں بھی غیرملکی کوچز کی تعنیاتی کا تجربہ کامیاب رہا تھا، کرکٹ کو درست سمت پر گامزن کریں گے۔

  • پنجاب اسمبلی میں خاتم النبیینؐ یونیورسٹی، قرآن ایکٹ ترمیمی بل منظور

    پنجاب اسمبلی میں خاتم النبیینؐ یونیورسٹی، قرآن ایکٹ ترمیمی بل منظور

    لاہور: پنجاب اسمبلی میں خاتم النبیینؐ یونیورسٹی، قرآن ایکٹ کا ترمیمی بل متفقہ طور پر منظور کر لیا گیا۔وزیر اعلیٰ چودھری پرویزالٰہی نے پنجاب اسمبلی کے اجلاس سے خطاب کرتے ہوئے کہا کہ خاتم النبیینؐ، یونیورسٹی اور قرآن ایکٹ کا بل پنجاب اسمبلی سے پاس ہونے پر اللہ تعالی کا شکر ادا کرتا ہوں، متفقہ طور پر بل کی منظوری پر سپیکر پنجاب اسمبلی سبطین خان، پی ٹی آئی، مسلم لیگ ق اور مسلم لیگ ن کے اراکین اسمبلی کا شکریہ ادا کرتا ہوں۔

    کرکٹ بورڈ کا آئین منسوخ کیوں کیا گیا:کابینہ کی منظوری کے ساتھ ہی نیا آئین نافذ…

    چودھری پرویزالٰہی نے کہا کہ تمام اراکین اسمبلی کی جانب سے بل کی منظوری سے مثبت اور اچھا پیغام گیا ہے، تمام سرکاری و نجی سکولوں میں ایف اے تک ناظرہ قرآن کریم کی تعلیم لازمی قرار دی گئی ہے، اس ضمن میں صوبائی وزیر سکول ایجوکیشن مراد راس کا شکریہ ادا کرتا ہوں۔

     

    وزیر اعلیٰ پنجاب کا کہنا تھا کہ عمران خان اور ہماری حکومت کے دور میں دین کی سربلندی اور ختم نبوتؐ کے حوالے سے تاریخ ساز قانون سازی ہوئی ہے، اللہ تعالٰی نے دین کی خدمت کی سعادت عمران خان، پی ٹی آئی اور ہمیں دی ہے، اللہ تعالٰی نے ہمیں یہ حکومت محمدؐ کے صدقے عطا کی ہے، اللہ تعالٰی ہی اس کی حفاظت کرے گا، بلاشبہ جو دین کا کام کرتے ہیں اللہ تعالٰی ان کی حفاظت کرتا ہے۔

    چودھری پرویزالٰہی نے کہا کہ دشمن جو مرضی کر لے یہ حکومت قائم رہے گی، تمام مخالفین کو ندامت اٹھانا پڑے گی، انشاء اللہ دین کے دشمن ہمیشہ ناکام رہے ہیں اور رہیں گے، ہم کسی سے نہیں مانگتے، صرف اللہ تعالٰی اور اللہ کے پیارے نبیؐ سے مانگتے ہیں۔

    گورنرپنجاب نے وزیراعلیٰ پنجاب کوڈی نوٹیفائی کردیا

    وزیر اعلیٰ نے کہا کہ دین دار طبقے کی دعا ہے کہ ہم دین کی خدمت کے کام کو جاری رکھیں، انشاءاللہ ہم اور ہماری نسلیں دین کی خدمت کے کام کو جاری و ساری رکھیں گی، عام آدمی کو فری لیگل ایڈ کی فراہمی کے لئے پنجاب پبلک ڈیفنڈر سروس بل کی منظوری بھی تاریخی اقدام ہے۔
    چودھری پرویزالٰہی کا کہنا تھا کہ اس بل کی منظوری سے عام آدمی کو پنجاب حکومت فری لیگل ایڈ دے گی، عام آدمی کو انصاف کی فراہمی یقینی بنائی جا سکے گی، جس سے کم وسائل رکھنے والے افراد کو بہت ریلیف ملے گا اور ایک ہزار ملازمتوں کے نئے مواقع پیدا ہوں گے۔

  • پی آئی اے میں نئےطیاروں کی آمد کا سلسلہ جاری :فضائی سروس میں جدت بھی جاری

    پی آئی اے میں نئےطیاروں کی آمد کا سلسلہ جاری :فضائی سروس میں جدت بھی جاری

    اسلام آباد:پی آئی اے میں نئے طیاروں کی آمد کا سلسلہ جاری :فضائی سروس میں جدت بھی جاری ہے ،اطلاعات کے مطابق پی ائی اے کے بیڑے میں مزید ایک ایئر بس 320 طیارے کی شمولیت ہوئی ہے اور یوں پاکستان ایئرلائنز کے بیڑےمیں اضافہ ہوا ہے

    رواں سال پی آئی اے نے 4 عدد A320 طیارے حاصل کئے اور اس سلسلے کا چوتھا طیارہ بھی ابوظہبی سے اسلام آباد پہنچ گیا ، بہتر كبین کا حامل جدید ساختہ طیارہ پی آئی اے کے بیڑے میں شامل ہوکر مسافروں کو بہتر سفر ی سہولیات فراہم کرے گا، اس جہاز کی شمولیت سے پی آئی اے کے بیڑے میں A320 ساختہ طیاروں کی تعداد 14 ہو گئی ہے ۔

    گورنرپنجاب نے وزیراعلیٰ پنجاب کوڈی نوٹیفائی کردیا

    یاد رہےکہ اس سے پہلے بھی کچھ ایسی ہی اطلاعات تھیں‌ کہ پاکستان انٹرنیشنل ایئر لائن (پی آئی اے) کے بیڑے میں نئے طیاروں کی آمد کا سلسلہ جاری، ہفتہ کو مزید ایک ایئر بس 320 طیارہ بیڑے میں شامل ہو گیا۔

     


    ستمبر میں‌ پی آئی اے کے ترجمان عبداللہ حفیظ خان نے کہا تھاکہ رواں سال پی آئی اے نے 4 عدد A320 طیارے حاصل کئے جس سلسلے کا تیسرا طیارہ شارجہ سے اسلام آباد پہنچ گیا ہے۔

    کرکٹ بورڈ کا آئین منسوخ کیوں کیا گیا:کابینہ کی منظوری کے ساتھ ہی نیا آئین نافذ…

    ترجمان نے کہا کہ بہتر كبین کا حامل جدید ساختہ طیارہ پی آئی اے کے بیڑے میں شامل ہوکر مسافروں کو بہتر سفر ی سہولیات فراہم کرے گا۔ اس سلسلے کا چوتھا اور آخری طیارہ آئندہ چند روز میں وطن پہنچ جائے گا جس سے پی آئی اے کے بیڑے میں A320 ساختہ طیاروں کی تعداد 14 ہو جائے گی ۔

    آج اس 14 ویں طیارے کی پاکستان میں آمد ہوگئی ہے، اور یوں پاکستان کے فضائی سروس میں بھی بہتری آرہی ہے

  • اسمبلیوں کی تحلیل کا فیصلہ حتمی ،عمران خان کےفیصلے پرمکمل عملدرآمد ہوگا۔: پرویزالٰہی

    اسمبلیوں کی تحلیل کا فیصلہ حتمی ،عمران خان کےفیصلے پرمکمل عملدرآمد ہوگا۔: پرویزالٰہی

    لاہور:وزیراعلیٰ پنجاب چودھری پرویزالٰہی نے لاہور ہائی کورٹ کے فیصلے پر ردعمل دیتے ہوئے کہا ہے کہ پنجاب کے عوام کو مبارک ہو، آج عدالت نے گورنر کی آئین شکنی کا راستہ روک دیا، اسمبلیوں کی تحلیل کا فیصلہ حتمی ہے، عمران خان کے فیصلے پر مکمل عملدرآمد ہوگا۔

    اپنے ایک بیان میں وزیراعلیٰ پنجاب چودھری پرویز الٰہی نے کہا کہ رات کے اندھیرے میں منتخب حکومت پر شب خون کی کوشش ناکام ہوگئی ہے، امپورٹڈ حکومت کے سلیکٹڈ گورنر نے آرٹیکل 58(2) بی بحال کرنے کی کوشش کی لیکن اس کا راستہ روک دیا گیا ہے، اسمبلیوں کی تحلیل کا فیصلہ حتمی ہے، عمران خان کے فیصلے پر مکمل عملدرآمد ہو گا۔

    لاہور ہائیکورٹ نے وزیر اعلی پنجاب پرویز الٰہی کو بحال کردیا

    انہوں نے کہا کہ امپورٹڈ حکومت انتخابات سے بھاگنا چاہتی ہے، ہم امپورٹڈ حکومت کو عوام کے کٹہرے میں پیش کریں گے اور حتمی فیصلہ عوام کا ہو گا، گورنر کے خلاف آج صوبائی اسمبلی کی قرارداد اہمیت کی حامل ہے، اس قرارداد کی روشنی میں صدر سے درخواست کر رہے ہیں کہ گورنر کے خلاف مس کنڈکٹ کی کارروائی عمل میں لائی جائے اور انہیں فوری طور پر عہدے سے ہٹایا جائے۔

    ہیکر پھر میدان میں، آڈیوز، ویڈیوز کی برسات پنجاب ،کٹا کھل گیا،پرویز الہی فارغ۔

    یاد اس سے پہلے لاہور ہائیکورٹ نے چودھری پرویز الٰہی کو وزیر اعلیٰ پنجاب کے عہدے پر بحال کر دیا۔تفصیلات کے مطابق گورنر پنجاب کی جانب سے چودھری پرویز الٰہی کو وزارت اعلیٰ کے عہدے سے ڈی نوٹیفائی کرنے کا لاہور ہائیکورٹ نے نوٹیفکیشن معطل کر دیا۔

    گورنرپنجاب نے وزیراعلیٰ پنجاب کوڈی نوٹیفائی کردیا

    لاہور ہائیکورٹ نے اسمبلی نہ توڑنے کے بیان حلفی پر گورنر کا نوٹیفکیشن معطل کیا، عدالت نے گورنر پنجاب بلیغ الرحمان ، اٹارنی جنرل اور دیگر کو نوٹس جاری کر دیا اور سماعت گیارہ جنوری تک معطل کر دی۔لاہور ہائیکورٹ کے پانچ رکنی لارجر بینچ نے دوبارہ سماعت کا آغاز کیا تو بیرسٹر علی ظفر نے پرویز الٰہی کا دستخط شدہ بیان حلفی جمع کرا دیا، مونس الہی بھی کمرہ عدالت میں موجود تھے۔

  • اسلام آباد پولیس کے شہید عدیل حسین کو ‘تمغہ شجاعت’ دینے کا اعلان

    اسلام آباد پولیس کے شہید عدیل حسین کو ‘تمغہ شجاعت’ دینے کا اعلان

    اسلام آباد:وزیر داخلہ رانا ثنا اللہ نے اسلام آباد پولیس کے شہید عدیل حسین کو ” تمغہ شجاعت ” دینے کا اعلان کر دیا۔اطلاعات کے مطابق رانا ثنا اللہ کا کہنا تھا کہ عدیل حسین نے وفاقی دارالحکومت کو دہشت گردی کے بڑے حملے سے بچانے کی کوشش میں جام شہادت نوش کیا، عدیل حسین کی اس عظیم قربانی کا ریاستی سطح پر اعتراف کرتے ہوئے یہ اعزاز عطا کرنے کا فیصلہ ہوا۔

    گوروں کولذیذ ترین کھانوں کا چسکا دینے والےپاکستانی نژاد ’موجد‘ علی احمد وفات پاگئے

    وزیر داخلہ نے کہا کہ شہید عدیل حسین کی بیوہ کو اسلام آباد پولیس میں بھرتی کیا جائے گا، شہید عدیل حسین کی بیوہ کو فوری طور پر مکمل شہدا پیکج دے رہے ہیں، شہداء پیکج کے تحت ایک کروڑ 65 لاکھ نقد ادا کرنے کے علاوہ ایک پلاٹ بھی دیا جا رہا ہے، اس کے علاوہ عدیل حسین شہید کی مدت ملازمت کی تکمیل تک پوری تنخواہ بھی بیوہ کو ادا کی جاتی رہے گی۔

    بینظیربھٹو کی استاد اورکانونٹ جیسز اینڈ میری اسکول کی سابق پرنسپل انتقال کرگئیں

    رانا ثنا اللہ کا کہنا تھا کہ شہدا کی عزت وتکریم اور ان کے اہل خانہ کی دیکھ بھال ریاست کی ذمہ داری ہے، شہید کے بچوں کی تعلیم اور شادی کے اخراجات بھی سرکاری طور پر ادا کئے جائیں گے۔

    رانا ثنااللہ نے کہاکہ شہید کے بچوں کی تعلیم اور شادی کے اخراجات بھی سرکاری طور پر ادا کئے جائیں گےشہدا کی عزت وتکریم اور ان کے اہل خانہ کی دیکھ بھال ریاست کی ذمہ داری ہے:

  • آرمی چیف جنرل عاصم منیرکا وزیرستان کا دورہ:شہدا کی یادگارپرپھولوں کی چادرچڑھائی

    آرمی چیف جنرل عاصم منیرکا وزیرستان کا دورہ:شہدا کی یادگارپرپھولوں کی چادرچڑھائی

    راولپنڈی:آرمی چیف جنرل عاصم منیرکا وزیرستان کا دورہ:شہدا کی یادگارپرپھولوں کی چادرچڑھائی،اطلاعات کے مطابق پاک فوج کے سربراہ آرمی چیف جنرل عاصم منیر نے آج شمالی وزیرستان کا دورہ کیا اور پاک فوج کے افسران اور جوانوں سےملاقات کی اور ان کی خدمات کو سراہا

     

    https://twitter.com/INTELPSF/status/1606300522448683009

    ذرائع کےمطابق اس دوران آرمی چیف جنرل عاصم منیر میران شاہ بھی پہنچے جہاں انہوں نے یادگارشہدا پر پھولوں کی چادر چڑھائی اور شہدائے پاک فوج کے درجات کی بلندی کےلیے دعائیں کیں‌،آرمی چیف نے تربیلا کے علاقے کا بھی دورہ کیا اور علاقے میں سیکورٹی کی صورت حال پر بریفنگ لی

    پاک فوج کے سربراہ عاصم منیر کو علاقے میں دہشت گردوں کےخلاف آپریشن کےحوالےسے بریفنگ دی گئی اور سیکورٹی اداروں کی حکمت عملی سے بھی آگاہ کیا گیا ،پاک فوج کے سربراہ پاک فوج کے افسران اور جوانوں کی قربانیوں کو سرمایہ قوم قرار دیتے ہوئے اسے قوم کی حیات سے تعبیر کیا

     

     

  • ڈینگی مکاؤ پروگرام میں گھوسٹ ورکرزکی بھرتیوں اور خلاف قانون ادائیگیوں کا انکشاف

    ڈینگی مکاؤ پروگرام میں گھوسٹ ورکرزکی بھرتیوں اور خلاف قانون ادائیگیوں کا انکشاف

    لاہور ڈینگی مکاؤ پروگرام میں مبینہ کرپشن، بوگس بھرتیوں، فرضی مہم، بے ضابطگیوں اور مبینہ ہزاروں گھوسٹ ورکرز کو ادائیگیوں کا انکشاف ہوا ہے۔سرکاری دستاویزات کے مطابق 3 سال میں17 ہزار 57 ڈینگی ورکرز بھرتی کیے گئے۔ مذکورہ ورکرز کو ایک ارب کی خلاف قانون ادائیگیاں کی گئیں جبکہ مجموعی طورپرایک ارب 70کروڑ کی ادائیگیاں کی گئی۔

    بینظیربھٹو کی استاد اورکانونٹ جیسز اینڈ میری اسکول کی سابق پرنسپل انتقال کرگئیں

    رپورٹ کے مطابق ورکرز کی بھرتیوں میں قانون پرعمل نہیں کیا گیا جبکہ 70 فیصد ورکرز کو کیش پیمنٹ کی گئی۔ کروڑوں کے کیش کی تقسیم کا ریکارڈ بھی نہ ملنے کا انکشاف ہوا ہے,دستاویزات میں کہا گیا ہے کہ 10 زون زون کے سیمپل سروے میں متعدد ورکرزڈینگی مہم سے بالکل لاعلم نکلے۔ کئی علاقوں میں جعلی ڈینگی مہم دکھائی گئی۔

    ننکانہ:ریسکیو1122کا حالیہ موسمِ سرما اور شدید دھند کی وجہ سے بڑھتے ہوئے حادثا ت کے…

    راوی زون میں 50لاکھ کے 60چیک بوگس نکلے، علامہ اقبال زون میں 30سال میں 29 کروڑ کی خلاف ضابطہ ادائیگیاں کیش میں کی گئیں۔

    اسلام آباد میں سی ٹی ڈی کا آپریشن،ایک ملزم گرفتار،بھاری مقدار میں اسلحہ برآمد

    پاکستان میں ہر سال ڈینگی وائرس کی شدت اور پھیلاؤ میں اضافہ ہوتا جارہا ہے اور اب نئی تحقیق میں خبردار کیا گیا کہ ڈینگی ان علاقوں میں بھی پھیل سکتا ہے جہاں یہ وائرس پہلے نہیں تھا۔ ایک تحقیق کے مطابق گلوبل وارمنگ کے سامنے آنے والے خوفناک اثرات، ماحولیاتی آلودگی میں اضافے اور مستقبل میں مون سون موسم میں تبدیلی کی پیش گوئی کے پیش نظر پاکستان کے ان علاقوں میں بھی ڈینگی وائرس پھیلنے کے خطرات اور خدشات میں اضافہ ہوگیا ہے جن علاقوں میں یہ وائرس پہلے کبھی نہیں پھیلا تھاوہاں بھی اب اس کا پھیلاو جاری ہے اور یہ بھی اطلاعات ہیں کہ یہ وائرس مزید علاقوں میں پھیل رہا ہے