Author: News Editor

دیکھ کر جس کو ٹھہر جائیں مسافر کے قدم
ایسا منظر تو کوئی راہ میں آیا ہی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پورا نام: شبانہ زیدی شبین
قلمی نام: شبین
والد کا نام: سید ظفر زیدی
والدہ کا نام: سیدہ مہرالنساء
شوہر کا نام سید ذاکر حسین زیدی
بچوں کے نام:
۔۔۔۔۔۔۔۔
۔ (1)کنول
۔ (2)ثمر
۔ (3) مظفر
۔ (4)اظفر
۔ (5)حسنین رضا
۔ (6)احسن رضا
آبائی وطن : اوکاڑہ، پاکستان ۔
جائے ولادت: لیہ
تاریخِ ولادت: 10 دسمبر 1988
تعلیم: ایم اے۔ ایم ایڈ
پیشہ: درس و تدریس
آغازِ تحریر:۔ 2005
تصنیفات
۔۔۔۔۔۔
۔ (1)سلگتے کنول۔2008
۔ (2)اک شہر بسا پانی پر۔2013
۔ (3)میں خیال ہوں کسی اور کا
۔ (انتخاب )
۔ (4)موج سبد گل2016
۔ (رثائی شاعری )
۔ (5)نظم کہانی۔2018
۔ ( بچوں کے لیے )
ان کے علاوہ دو ناول
۔۔۔۔۔۔۔۔۔۔
۔1۔ سراب۔۔ 1988
۔2سوشلزم اور عشق بلاخیز ۔ منتظر اشاعت
پذیرائی: پروین شاکر ایوارڈ
شریف اکیڈمی
ایوارڈ:دختر لیہ ٹائٹل ایوارڈ
روش انٹرنیشنل ایوارڈ
اور بےشمار ایوارڈ و اسناد
پتا:۔ صدر گوگیرہ۔اوکاڑہ پنجاب۔پاکستان

غزل
۔۔۔۔۔۔۔۔۔۔۔
کسی کے رونے سے موسم ہرا نہیں ہوتا
دو آنسوؤں سے زمیں کا بھلا نہیں ہوتا
ہماری دوستی اس چاند سے ہو ئی جب سے
کسی اندھیرے اب سے سامنا نہیں ہوتا
ہوائے تازہ کا ہوتا بھی تو گزر کیسے
دریچہ ذہن کا جب تک کھلا نہیں ہوتا
ہوں جس کے اپنے ہی چہرے پہ داغ اور دھبے
وہ دوسروں کے لیے آئینہ نہیں ہوتا
اکیلی شام مہکتی ہے میرے آنگن میں
اب انتظار کسی دوست کا نہیں ہوتا
ہمیں تو جینا ہے خود اپنے ہی اصولوں پر
آمیر شہر کسی کا خدا نہیں ہوتا
خدا ڈبوئے تو پھر کیسے پار اترو گے
خدا سے بڑھ کے کوئی ناخدا نہیں ہوتا
تمھاری یاد بھی اب تھک چکی ہے آ آ کر
شبین ہم سے بھی اب جاگنا نہیں ہوتا

غزل
۔۔۔۔۔۔
اب کے موسم میں کوئی خواب سجایا ہی نہیں
زرد پتوں کو ہواؤں نے گرایا ہی نہیں
دیکھ کر جس کو ٹھہر جائیں مسافر کے قدم
ایسا منظر تو کوئی راہ میں آیا ہی نہیں
کیوں ترے واسطے اس دل میں جگہ ہے ورنہ
کوئی چہرہ مری آنکھوں میں سمایا ہی نہیں
اس نے بھی مانگ لیا آج محبت کا ثبوت
ایک لمحے کے لیے جس کو بھلایا ہی نہیں
مجھ کو تنہائی نے گھیرا ہے کئی بار مگر
اس کی یادوں نے مگر ساتھ نبھایا ہی نہیں
جس کی خوشبو سے مہکتے مرے گھر کے در و بام
وقت نے رنگ کوئی ایسا دکھایا ہی نہیں
روشنی اپنے مقدر کہاں ہوگی شبینؔ
جب دیا ہم نے اندھیروں میں جلایا ہی نہیں

غزل
۔۔۔۔۔۔
رتوں کا لمس شجر میں رہے تو اچھا ہے
مٹھاس بن کے ثمر میں رہے تو اچھا ہے
کہاں سے دل کے علاقے میں آ گئی دنیا
یہ سر کا درد ہے سر میں رہے تو اچھا ہے
مرا قیام ہے گھر میں مسافروں جیسا
یہ گھر بھی راہ گزر میں رہے تو اچھا ہے
میں سن رہی ہوں قیامت کی آہٹوں کو شبینؔ
حیات پھر بھی سفر میں رہے تو اچھا ہے

جب سے اتری ہوں آسمان سے میں
تب سے الجھی ہوں اس جہان سے میں

عارفہ صبح خان

تاریخ پیدائش:10 دسمبر 1970

تحریر و تعارف: آغا نیاز مگسی

پاکستان کی نامور ادیبہ_شاعرہ، اور صحافی ڈاکٹر عارفہ صبح خان 10 دسمبر 1970 میں لاہور میں پیدا ہوئیں ۔ ان کے والد صاحب کا نام محمد ادریس خان اور یوسفزئی پٹھان قبیلے سے تعلق ہے تحریک پاکستان میں انہوں نے بڑا فعال کردار ادا کیا جس کی وجہ سے قائد اعظم محمد علی جناح کے بہت قریب رہے۔ ۔ عارفہ کے دادا سعید جان جج اور پر دادا ایس ایس پی کے عہدے پر فائز رہ چکے ہیں۔ عارفہ صبح خان نے ابتدائی تعلیم فاطمہ جناح گرلز ہائی اسکول لاہور سے اور اعلی تعلیم یونیورسٹی آف ایجوکیشن لاہور سے ادبیات میں ڈاکٹریٹ کی ڈگری حاصل کی۔

عارفہ نے چوتھی جماعت سے نثر نگاری اور شاعری شروع کی لیکن انہوں نے شاعری میں کسی استاد کی شاگردی اختیار نہیں کی اور نہ ہی کسی اصلاح لی لیکن ان کا یہ بھی ماننا ہے کہ شاعری میں استاد ضروری ہے۔ وہ پاکستان میں اردو کی پہلی مزاحیہ خاتون ادیبہ اور صحافی ہونے کا اعزاز رکھتی ہیں ۔ وہ علمی لحاظ سے ڈاکٹر فراق تحسینی اور ڈاکٹر سلیم اختر کو اپنا استاد مانتی ہیں۔ عارفہ نے روزنامہ جنگ سمیت متعدد اخبارات اور رسائل وغیرہ میں کام کیا ہے۔ وہ کرنل محمد خان، شفیق الرحمن ، احمد ندیم قاسمی اورعطاالحق قاسمی کا بڑے احترام کے ساتھ ذکر کرتی ہیں۔ عارفہ کی شادی بہاولپور سے تعلق رکھنے والے ظفر آفتاب کے ساتھ 1995 میں شادی ہوئی اور 1998 میں انہیں ایک بیٹی پیدا ہوئی۔ وہ بیٹی کے پیداطہونے پر بہت خوش ہیںچلیکن انہیں اس بات کا بہت دکھطہے کہ انہیں بیٹے کی اولاد نہیں ہوئی ہے بلکہ ان کو بھائی بھی والدین سے پیدا نہیں ہوا اور مزید یہ کہ عارفہ کی والدہ کا بھی کوئی بھائی پیدا نہیں ہوا یعنی ان کی تین نسلوں میں کوئی بیٹا پیدا نہیں ہوا۔

تصنیفات:
۔۔۔۔۔۔۔
۔ (1)عکس زن
۔ (2)تجاہلِ عارفانہ
۔ (3)شٹ اپ
۔ (4)مابدولت
۔ (5)اماں حوا سے اماں کونسلر تک
۔ (6)کُرکُرے کردار
۔ (7)اب صبح ہو نے کو ہے
۔ (8)اردو تنقید کا اصلی چہرہ
۔ (9)صبح ہوگئی جاناں
۔ (10)عشقِ بلاخیز
۔ (11)ادبی ستارے
۔ (12)کافر ادا
۔ (13)تنقیدیں گرہیں
۔ (14)سیاست دانوں کے سائیڈ ایفیکٹس
اعزازات
۔۔۔۔۔۔۔
۔ (1)پاکستان کی
۔ پہلی مزاح نگار خاتون ہونے کا اعزاز
۔ (2)پاکستان کی پہلی کرائم رپورٹر ہونے کا اعزاز
۔ (3)پاکستان کی پہلی پولیٹیکل لیڈی رپورٹر
۔ (4)صحافت کی شیرنی کا لقب
۔ (صحافت کے امام مجید نظامی نے دیا)
۔ (5)خواتین کی پطرس بخاری کا خطاب
۔ (کرنل محمد خان مرحوم نے دیا)
۔ (6)خان زادی، خان بی بی
۔ اردو ادب کی قلوپطرہ، اعزازات کی ملکہ
۔ ادب کا ستارہ (خطابات)
۔ (7)10 گولڈ مڈلز اور پچاس ایوارڈز
۔ ادبی، صحافتی اور علمی خدمات پر
۔ (8)صدر آل پاکستان ویمن جرنلسٹ فورم
۔ پریس کلب، لاہور
۔ پانچ سال مسلسل صدر رہنے کا اعزاز
۔ (9)صحافت اور ادب میں سب سے زیادہ
۔ گولڈمڈلز اور ایوارڈز لینے کا ریکارڈ
۔ (10)بہترین صحافی ایوارڈ
۔ سات بار مسلسل
۔ (11)ڈرامے سیریلز لکھے
۔ سونے کی چڑیا
۔ نئے راستے
۔ لیڈی رپورٹر کیوں
۔ (12)چار سیاسی پروگراموں کی اینکرنگ
۔ ہاٹ ایشوز
۔ پولیٹیکلز ٹمپریچر
۔ ون ٹو ون
۔ ویمن ایشوز
موبائل:00923008005450

غزل
۔۔۔۔۔
پیار کی راہ جب نکالی تھی
زندگی کس قدر مثالی تھی
تو نے مجھ کو بھری تھی جب چٹکی
میرے گالوں پہ کتنی لالی تھی
گھیر رکھا تھا تیری یادوں نے
سامنے چائے کی پیالی تھی
جان دے کر دیارِ فرقت میں
پیار کی آبرو بچالی تھی
سارے ارماں سمیٹ کر دل میں
ہم نے اک بزم سی سجالی تھی
غمِ دنیا میں خود کو ڈھالا تھا
عمر بھی اپنی لاابالی تھی

غزل
۔۔۔۔۔
تیری یادیں سنبھال لیتی ہوں
دل کا آنگن اُجال لیتی ہوں
شعر کہہ کر غبار اندر کا
میں ہمیشہ نکال لیتی ہوں
اک تری جستجو میں گرتے ہوئے
خود کو اکثر سنبھال لیتی ہوں
کام آتی ہوں بے نواؤں کے
اور دعائے وصال لیتی ہوں
ہجر کی دوپہر میں سر پہ صبحؔ
اس کی یادوں کی شال لیتی ہوں

نظم
۔۔۔۔۔
چلو اتنا ہی کردو
۔۔۔۔۔
ابھی راتوں کی تاریکی
ابھی موسم کا سناٹا
ابھی یہ رینگتے سائے
درو بامِ تمنا پر
کہ جیسے کل مسلط تھے
اسی صورت مسلط ہیں
ابھی تو کچھ نہیں بدلا
عجب اک بے کلی سی ہے
عجب اک ہو کا عالم ہے
میں کیسے دل کو سمجھاؤں، میں کیسے دل کو بہلاؤں
اگر تم نے
نہ آنے کی قسم توڑی نہیں اب تک
چلو اتنا ہی کردو
کہ اس میں کیا برائی ہے
مجھے تم فون پر دل کے
بہلنے اور سنبھلنے کی
کی کوئی صورت بتادینا
تمھارا شکریہ ہوگا