Baaghi TV

Author: News Editor

  • عامر خان اپنے والد کی مالی پریشانیوں کے بارے میں بتاتے ہوئے رو پڑے

    عامر خان اپنے والد کی مالی پریشانیوں کے بارے میں بتاتے ہوئے رو پڑے

    ممبئی: بالی ووڈ کے مشہور اداکار عامر خان اپنے والد طاہر حسین کی مالی پریشانیوں کے بارے میں بتاتے ہوئے کیمرے کے سامنے رو پڑے۔اطلاعات کے مطابق بھارتی ذرائع ابلاغ کے مطابق ایک انٹرویو میں عامر خان اپنے ماضی کے حوالے سے بات کر رہے تھے کہ اس دوران اداکار اپنے والد کی مالی پریشانیوں سے متعلق بتاتے ہوئے رو پڑے۔ انہوں نے بتایا کہ جب میں 10 سال کا تھا اس وقت ہمارے مالی حالات بہت خراب تھے۔

    اداکار نے بتایا کہ ان کے والد نے لاکٹ نامی فلم بنانے کے لیے بہت سے لوگوں سے سود پر قرض لیا تھا اور 8 سال سے زائد کا عرصہ گزرنے کے باوجود وہ وہ فلم نہیں بنا سکے تھے، یہ وہ وقت تھا جب اداکار بیک وقت کئی فلمیں کیا کرتے تھے۔

    اپنے والد کے بارے میں بتاتے ہوئے عامر خان نے بتایا کہ ان کے والد کو بنیادی سہولیات کے لیے بھیک مانگتے دیکھ کر گھر والوں کو بہت پریشانی ہوتی تھی۔ وہ بہت سادہ انسان تھے اور ان کے والد کی بنائی گئیں کچھ فلمیں بہت چلیں لیکن ان کے پاس اتنا پیسہ کبھی نہیں تھا۔

    عامر خان نے بتایا کہ اپنے والد کو مشکل میں دیکھ کر بہت تکلیف ہوتی تھی کیونکہ انہیں ان لوگوں کے فون آتے تھے جن سے انہوں نے پیسے لے رکھے تھے، میرے والد کا فون پر جھگڑا شروع ہو جاتا تھا اور والد کہتے تھے کہ ان کے پاس پیسے نہیں ہیں کیونکہ ان کی فلم پھنس گئی ہے۔

    ماضی کی کہانیاں سناتے ہوئے عامر خان رو پڑے اور کچھ دیر کے لیے انٹرویو چھوڑ کر چلے گئے تاہم کچھ دیر بعد خود کو سنبھال کر دوبارہ انٹرویو شروع کیا۔

  • ایرانی حکومت کا حجاب کی پابندی پر عمل کرانے والی فورس ختم کرنے کا عندیہ

    ایرانی حکومت کا حجاب کی پابندی پر عمل کرانے والی فورس ختم کرنے کا عندیہ

    تہران:ایران کی حکومت نے ملک میں حجاب کی پابندی پر عمل کرانے والی فورس ختم کرنے کا عندیہ دیا ہے۔اطلاعات کے مطابق بین الاقوامی میڈیا رپورٹس کے مطابق ایران میں حالیہ بدامنی میں مبینہ غیر ملکی کردار کے حوالے سے تہران میں منعقدہ تقریب میں ملک پراسیکیوٹر جنرل محمد جعفر منتظری نے خواتین کے حجاب پر عمل کے لئے فورس کر ختم کرنے کا عندیہ دیا۔

    کابل میں پاکستانی سفارتکار پرحملے کا ملزم گرفتار

    محمد جعفر منتظری نے کہا کہ پارلیمان اور عدلیہ دونوں ہی مل کر اس مسئلے پر کام کر رہے ہیں کہ کیا حجاب قانون میں تبدیلی کی ضرورت ہے؟ایرانی پراسیکیوٹر جنرل نے کہا کہ اخلاقی پولیس کا “عدلیہ سے کوئی تعلق نہیں ہے اور اسے اسی جگہ سے بند کیا جارہا ہے جہاں سے اسے ماضی میں شروع کیا گیا تھا۔

    ایران میں اس حوالے سے سرکاری سطح پر کوئی تصدیق یا تردید نہیں کی گئی کہ ”اخلاقی تحفظ“ کو یقینی بنانے والی اس فورس اور اس کی گشتی یونٹوں کو ختم کر دیا گیا ہے یا نہیں اس کے علاوہ محمد جعفر منتظری نے لباس کے حوالے سے ضابطوں کو ختم کرنے والے قانون کے خاتمے سے متعلق بھی کوئی اشارہ نہیں دیا۔

    برادراسلامی ملک افغانستان کےبچوں کی تعلیم وتربیت کےلیےپاکستان ہرممکن تعاون جاری…

    عالمی قوتوں اور بین الااقوامی اداروں نے بھی ایران کی شدید الفاظ میں مذمت کی ہے اور ایران سے مظاہرین پر تشدد کو روکنے اور قانون میں نرمی کا مطالبہ بھی کیا تھا۔دوسری جانب ایران کا مؤقف ہے کہ ہمارے پاس ملک بھر میں تیزی سے پھیلنے والے ان پُرتشدد مظاہروں کو مغربی ممالک کی حمایت حاصل ہونے کے ناقابل تردید ثبوت بھی موجود ہیں۔

    شمالی وزیرستان میں معذوروں کا عالمی دن منایا گیا

    خیال رہے کہ ایران میں حجاب قانون انقلاب کے بعد 1983 سے نافذ العمل ہے جس میں خواتین کے لیے سر اور بالوں کو ڈھانپنے والا اسکارف پہننا لازمی قرار دیا گیا تھا2 ماہ قبل ایران میں مہسا امینی نامی کرد خاتون کی پولیس کی حراست میں ہلاکت کے بعد ملک گیر سطح پر مظاہرے شروع ہوگئے تھے۔اس قانون کے خلاف احتجاج کے دوران اب تک مبینہ طور پر سیکڑوں افراد ہلاک اور زخمی ہو چکے ہیں جب کہ لاتعدا افراد کو جیلوں میں ڈالنے کی اطلاعات ہیں۔

  • راولپنڈی ٹیسٹ میں فتح؛ پاکستان کو مزید 263 رنز درکار، انگلینڈ 8 وکٹیں دور

    راولپنڈی ٹیسٹ میں فتح؛ پاکستان کو مزید 263 رنز درکار، انگلینڈ 8 وکٹیں دور

    راولپنڈی: انگلینڈ نے پاکستان کے خلاف راولپنڈی ٹیسٹ میچ کے چوتھے روز اپنی دوسری اننگز میں 2 وکٹوں کے نقصان پر 80 رنز بنالیے جبکہ میچ جیتے کیلیے مزید 263 رنز درکار ہیں۔

    راولپنڈی کرکٹ اسٹیڈیم میں کھیلے جارہے میچ پاک انگلینڈ سیریز کے پہلے ٹیسٹ کے چوتھے روز دوسری اننگز 7 وکٹوں کے نقصان پر 264 رنز پر ڈکلئیر کردی، قومی ٹیم کو جیت کیلئے 343 رنز کا ہدف دیا۔ قومی ٹیم کے اوپنر عبداللہ شفیق 6، کپتان بابراعظم 4 رنز بناکر پویلین لوٹ گئے جبکہ اظہر علی انگلی میں چوٹ لگنے کے باعث بیٹنگ جاری نہ رکھ سکے۔
    انگلینڈ کی جانب سے دوسری اننگز میں اولی روبنسن اور بین اسٹوکس نے ایک ایک وکٹ حاصل کی۔

    پاکستان کی پوری ٹیم 579 رنز بناکر آل آؤٹ ہوئی، انگلش ٹیم کو 270 رنز کی برتری حاصل ہے۔ انگلش ٹیم کے اوپنر بین ڈکٹ صفر جبکہ اولی پوپ 15، جو روٹ 73، کپتان بین اسٹوکس صفر، ول جیکس 24، ہیری بروکس 87 رنز بناکر آؤٹ ہوئے۔ پاکستان کی جانب سے زاہد محمود، نسیم شاہ اور محمد علی نے 2،2 جبکہ آغا سلمان نے ایک وکٹ حاصل کی۔

    چوتھے روز کے آغاز پر پاکستان نے 499 رنز 7 وکٹوں کے نقصان پر اننگز کا آغاز کیا، پاکستان کی جانب سے آغا سلمان 53، زاہد محمود 17 اور حارث رؤف 12 رنز بناکر پویلین لوٹ گئے۔انگلینڈ کی جانب سے ول جیکس نے 6، جیک لیچ 2 جبکہ اولی روبنسن اور جیمز اینڈرسن نے ایک ایک وکٹ حاصل کی۔

    تیسرا روز
    قومی ٹیم کے اوپنرز عبداللہ شفیق اور امام الحق جبکہ کپتان بابراعظم سنچری مکمل کرنے میں کامیاب ہوگئے۔ کپتان بابراعظم نے ٹیسٹ کرکٹ کی 8 ویں سنچری مکمل کی۔ امام الحق نے 121 ، عبداللہ شفیق 114 ، اظہر علی 27 ، سعود شکیل 37 ، بابراعظم 136، محمد رضوان 29 اور نسیم شاہ نے 15 رنز بنائے۔

    وِل جیکس نے عبداللہ شفیق کو 114 رنز پر آؤٹ کرکے اپنی پہلی ٹیسٹ وکٹ لی۔ امام الحق 121 رنز بنا کر لیچ کی گیند پر رابنسن کے ہاتھوں کیچ آؤٹ ہوگئے۔اظہر علی 27رنز بنا کر جیک لیچ کی گیند پر ایل بی ڈبلیو ہو گئے۔ کھانے کے وقفے تک پاکستان نے 3 وکٹوں کے نقصان پر 298رنز بنالیے۔

    وقفے کے بعد پہلا ٹیسٹ کھیلنے والے سعود شکیل 37 رنز بنا کر کیچ آؤٹ ہوگئے۔ بابر اعظم 136 رنز بنا کر ول جیکس کی گیند پر کیچ آؤٹ ہوگئے۔ محمد رضوان 29رنز بنا کر جیمز اینڈرسن کا شکار بن گئے۔ نسیم شاہ 15 رنز بنا کر وِل جیکس کی گیند پر کیچ آؤٹ ہوئے۔پاکستان نے پہلی اننگز میں 7 وکٹوں کے نقصان پر 499 رنز بنالیے۔ پاکستان کو انگلینڈ کی برتری ختم کرنے کے لئے مزید 158 رنز درکار ہیں اور 3 وکٹیں باقی ہیں۔

    دوسرا روز
    راولپنڈی کرکٹ اسٹیڈیم میں کھیلے جارہے میچ میں دوسرے روز انگلش ٹیم نے کھیل کا آغاز 506 رنز 4 وکٹوں کے نقصان پر کیا، ابتدا میں کپتان بین اسٹوکس 41 رنز بناکر وکٹ گنوا بیٹھے جبکہ لیام لیونگ اسٹون 9 رنز بناسکے۔ ہیری بروک نے 153 رنز کی اننگز کھیلی جبکہ ول جیکس 30، اولی روبنسن 37 اور جیک لیچ 6 رنز بناکر نمایاں رہے۔

    انگلش ٹیم دوسرے روز 26 اوورز میں 151 رنز بنائے جبکہ انکی 6 وکٹیں گریں، پاکستان کی جانب سے زاہد محمود 4، نسیم شاہ 3، محمد علی 2 جبکہ حارث رؤف نے ایک وکٹ حاصل کرنے میں کامیاب ہوئے۔

    پہلا روز
    انگلینڈ کے اوپنرز زیک کرولی اور بین ڈکٹ نے اپنی ٹیم کو جارحانہ آغاز فراہم کیا، دونوں نے پہلی وکٹ کی شراکت میں 233 رنز اسکور کیے، بین ڈکٹ 107 جبکہ زیک کرولی 122 رنز بناکر نمایاں رہے تھے۔ دیگر کھلاڑیوں میں اولی پوپ 108، جو روٹ 23 رنز بناکر نمایاں رہے تھے۔

    قبل ازیں انگلش ٹیم کے کپتان بین اسٹوکس نے ٹاس جیت کر پہلے بیٹنگ کرنے کا فیصلہ کیا۔ انکا کہنا تھا کہ کوشش ہوگی پہلے ابتداء میں بہتر کھیل کا مظاہرہ کرکے پاکستان کو انڈر پریشر لائیں۔ اس موقع پر قومی ٹیم کے کپتان بابراعظم نے کہا تھا کہ اگر ٹاس جیتتے تو پہلے بیٹنگ کرنے کا فیصلہ کرتے۔قومی ٹیم میں انگلیںڈ کے خلاف پہلے ٹیسٹ میں 4 کھلاڑی ڈیبیو کررہے ہیں، جن میں سعود شکیل، حارث رؤف، محمد علی اور زاہد محمود شامل ہیں۔

    پاکستان کا اسکواڈ
    کپتان بابراعظم، عبداللہ شفیق، امام الحق، اظہر علی، سعود شکیل، محمد رضوان، آغا سلمان، نسیم شاہ، حارث رؤف، محمد علی، زاہد، محمود شامل ہیں۔

    انگلینڈ کا اسکواڈ
    کپتان بین اسٹوکس، زیک کرولی، بین ڈکٹ، اولی پوپ، جو روٹ، ہیری بروک، ول جیکس، لیام لیونگ اسٹون، اولی رابنسن، جیک لیچ، جیمز اینڈرسن شامل ہیں۔

  • شادی کی تقریب کے دوران دلہے کے سامنے دلہن کی موت

    شادی کی تقریب کے دوران دلہے کے سامنے دلہن کی موت

    بھارتی ریاست اتر پردیش میں شادی کی تقریب کے دوران جواں سال دلہن کی اسٹیج پر موت واقع ہوگئی۔اطلاعات کے مطابق بھارتی میڈیا کا کہنا ہے کہ اترپردیش کے شہر ملیح آباد کے نواحی گاؤں بھدوانا میں شادی کی تقریب جاری تھی کہ دلہن اسٹیج پر ہی گرگئی، دلہن کو فوری طور پر اسپتال لے جایا گیا جہاں ڈاکٹروں نے اس کی موت کی تصدیق کردی۔

    ملیح آباد پولیس اسٹیشن کے ایس ایچ او سبھاش چندرسروج نے واقعے کی تصدیق کرتے ہوئے کہا کہ انہیں واقعے کا علم سوشل میڈیا کے ذریعے ہوا۔

    سبھاش چندرسروج نے بتایا کہ بھدوانا گاؤں کے رہائشی راجپال کی بیٹی 20 سالہ شیوانگی کی شادی وویک نامی لڑکے سے ہو رہی تھی۔ دلہن نے اسٹیج پر پہنچ کردلہے کو ہار پہنایا اور چند سیکنڈ بعد ہی اسٹیج پرگرپڑی۔ایس ایچ او ملیح آباد نے بتایا کہ ابتدائی طور پر دلہن کی موت طبعی معلوم ہوتی ہے تاہم واقعے کی مزید تفتیش شروع کردی گئی ہے۔

    ادھرمصر کے شہر المنصورہ میں ایک نئی نویلی دلہن سماہ النہاس رخصتی کے دو گھنٹےبعد ہی انتقال کر گئی ۔

    یہ واقعہ المنصورہ شہر میں پیش آیا جہاں اس دلہن کے شوہر کا کہنا ہے کہ شادی کے دوران ہمیں دلہن کمزوری کا شکار لگ رہی تھی کیوں کہ وہ نہ صحیح سے بیٹھ پا رہی تھی نہ ہی وہ کچھ کھا پی رہی تھی یہی ہوا کہ شادی کے کچھ دیر بعد ہی اُس نے سینے میں درد کی شکایت کی جس کے بعد وہ زمین پر گرگئی۔

    اسے فوری قریبی اسپتال لے جایا گیا جہاں ڈاکٹروں نے کچھ دیر بعد ہی موت کی تصدیق کردی اور وجہ دل کا دورہ بتائی۔پولیس کا کہنا ہے کہ دل کے دورے کے باوجود مقتولہ کے انتقال سے متعلق مزید تحقیقات کے لیے رپورٹ کا انتظار ہے

  • اے این ایف کی لاہور، پنجگور اور باچہ خان ایئرپورٹ پر کارروائیاں، منشیات برآمد

    اے این ایف کی لاہور، پنجگور اور باچہ خان ایئرپورٹ پر کارروائیاں، منشیات برآمد

    اسلام آباد:اینٹی نارکوٹکس فورس نے لاہور عبدالمالک انٹرچینج، پنجگور اور باچہ خان ایئرپورٹ پر کارروائیوں کے دوران کروڑوں روپے مالیت کی منشیات برآمد کرکے تین ملزمان کو گرفتار کرلیا۔ذرائع کے مطابق اینٹی نارکوٹکس فورس (اے این ایف) کا منشیات کے خلاف کارروائیوں کا سلسلہ جاری ہے۔

     

    کوئٹہ:لاکھوں روپےکا فراڈ کرنیوالاملزم جدید ٹیکنالوجی کی بدولت پکڑا گیا

    اے این ایف کی ٹیم نے عبدالما لک انٹرچینج کے قریب کارروائی کرتے ہوئے کار سے 64 کلو 800 گرام چرس اور 7 کلو 200 گرام افیون برآمد کرلی، ٹیم نے دو ملزمان کو گرفتار کرلیا جن میں افغان باشندہ بھی شامل ہے۔

    پنجاب میں سود لینےپر10سال کی سزا مقرر کی ہے:پرویز الہیٰ

    ترجمان اے این ایف کے مطابق اے این ایف اور اے ایس ایف کی ٹیموں نے باچہ خان انٹرنیشنل ایئرپورٹ پر مشترکہ کارروائی کرتے ہوئے فلائٹ نمبر EK 637 سے مانچسٹر جانے والے ملزم کے بیگ سے 946 گرام چرس برآمد کرلی، ملزم کو گرفتار کرلیا گیا جو کہ آزاد کشمیر کا رہائشی ہے۔

    کابل میں پاکستانی سفارتکار پرحملے کا ملزم گرفتار

    اسی طرح اے این ایف نے پنجگور میں کارروائی کرتے ہوئے مشکوک اور غیر رجسٹرڈ شدہ موٹر سائیکل سے 10 کلو چرس برآمد کرلی، ملزمان کے خلاف انسدادِ منشیات ایکٹ کے تحت مقدمات درج کرلیا گیا ہے۔

  • بشری بی بی اور فرح گوگی لڑ پڑیں، چوراں نوں پے گئے مور

    بشری بی بی اور فرح گوگی لڑ پڑیں، چوراں نوں پے گئے مور

    لاہور:اس وقت ملک میں‌ جو سیاسی بے چینی ہے اس کےحوالے سے گفتگو کرتے ہوئے سینیئرصحافی مبشرلقمان کا کہنا تھا کہ عمران خان کے ارد گرد رہنے والے آپس میں لڑپڑے ہیں‌، وہ حکومت کے خلاف کیا کریں گے ،ان کا کہنا تھا کہ کچھ نہیں ہوگا اور وہ اس ساری صورت حال سے آگاہ ہیں

    ایک سوال کے جواب میں کہ کیا عمران خان دسمبر کے دوسرے ہفتے میں اسمبلیاں توڑدیں گے توانکا کہنا تھا کہ یہ بھی نہیں ہوگا ، ابھی دس دن پڑے ہوئے ہیں ، عمران خان یوٹرن لے لے گا،انکا کہنا تھا کہ ایک طرف پرویز الٰہی اسلام آباد کے چکرلگا رہا ہے دوسری طرف وہ عمران خان کو سبزباغ دکھا رہا ہے،ان کا مزید کہنا تھا کہ اگرعمران خان یہ چاہتا ہے تو پھر پہلے کے پی اسمبلی توڑ دے ، گلگت بلتستان اور آزاد کشمیر میں اپنی حکومت ختم کردے پھر پنجاب کی طرف ہوجائے،ان کا کہنا تھا کہ عمران خان اسمبلیاں نہیں توڑے گا

    ایک اور سوال کے جواب میں انکا کہنا تھاکہ عمران خان کا یہ کہنا کہ حکومت مذاکرات کےلیے سنجیدہ نہیں‌ ہے ،عمران خان کا یہ دعویٰ درست نہیں ، ان کا یہ بھی کہنا تھاکہ عمران خان خان سے پوچھیں کہ شیخ رشید اور فواد چوہدری تو کئی دنوں سے مذاکرات کی بات کررہےہیں آخر کوئی بات ہے تو وہ مذاکرات کا ڈھنڈورہ پیٹ رہے ہیں اور خان بھی کئی بار کہہ چکا ہےکہ وہ مذاکرات کے ذریعے الیکشن کی تاریخ لینا چاہتے ہیں تواس سے تو واضح ہوگیا کہ عمران خان مذاکرت کے بھی حامی ہیں پھر وہ کیوں کہتےہیں کہ وہ اب مذاکرات نہیں کریں گے، ان کا کہنا تھا کہ انتخابات کا وہ کہہ رہے کہ اگست یا اکتوبر میں ہوں ، یہ بھی حقیقت ہے کہ عمران خان اس وقت سب سے زیادہ مقبول ہیں،

    ان کا ایک سوال کے جواب میں کہنا تھاکہ عمران خان ہی مذاکرات چاہتے ہیں، کیوں کہ عمران خان نے سارے حربے استعمال کرلیے ، لانگ مارچ ، دھرنے اور سب کچھ کرلیا اب مذاکرات ہی تو رہ گئے ہیں اس کے علاوہ کوئی چارہ کار نہیں ، خواجہ سعد بھی یہ کہہ چکے ہیں کہ انتخابات چاہتے ہیں تو وہ وقت پر ہوجائیں گے،انکا یہ بھی کہنا تھا کہ ایک وقت تھا کہ جب پی پی اور ن لیگ نے میثاق جمہوریت کیا حالانکہ ایک دوسرے کے سخت خلاف تھے ، اس کے باوجود اکٹھے ہیں‌،عمران خان بھی کچھ کرسکتے ہیں

    ایک سوال کے جواب میں کہ فرح بی بی اور فرح گوگی کے درمیان مال کی تقسیم پرجھگڑا ہوگیا ہے ،اس کےجواب میں مبشرلقمان نے کہا کہ چوراں نوں پئے گئے چور، ان دونوں نے کبھی ایک دوسرے کا خیال نہیں رکھا ،کس کا خیال رکھیں گی ، ان کا یہ بھی کہنا تھا کہ میں پہلے کہتا تھا کہ یہ سب کچھ نکھر کرسامنے آئے گا اور آگیا ہے

    عمران خان کے ان خدشات کہ جن میں کہا گیا ہے کہ اعظم سواتی کی جان کو خطرہ ہے اور سوال کرنا جمہوری حق ہے تو اس کا جواب دیتے ہوئےمبشرلقمان نے کہا کہ گالی دینا بھی تو ہرکسی کا حق ہے؟ان کا کہنا تھا کہ فوج کے سربراہ کو گالی دینا جمہوری حق ہے ؟فوج کے سربراہ کو چوروں کا سہولت کار کہنا بھی جمہوری حق ہے؟اداروں کو گالیاں دینا اور برابھلا کہنا بھی تو جمہوری حق ہے؟اگراس طرح کوئی بے لگام ہوتا ہے تو پھرآئین پاکستان میں ایسے لوگوں سے نمٹنے کا طریقہ بھی ہے ،

    ایک سوال کے جواب میں کہ کیا اعظم سواتی کو یہ نہیں پتہ تھا کہ اس قسم کا رویہ اختیار کرنے کا نقصان ہوسکتا ہے ، اس کا جواب دیتے ہوئےمبشرلقمان کا کہنا تھا کہ پچھلے چار سے کوئی پکڑا نہیں گیا تھا ، صرف شہبازگل پکڑے گئے ،یہ تو عدالتوں کومعاف نہیں کرتے ، فواد چوہدری نے عدالت سےکہا کہ ہمیں بھاشن نہ دیں آپ اپنا کام کریں‌ ، اس پرعدالتیں خاموش رہیں اور اگران کی جگہ اور کوئی ہوتا تو تب کا اس پر توہین عدالت کے چارجز لگ چکے ہوتے،

    اسد قیصر کے حوالے سے ایک سوال کا جواب دیتے ہوئے کہا کہ سابق آرمی چیف جنرل باجوہ کوایکسٹینشن دے کر غلطی کی تھی، یہ توان کے قائد عمران خان نے ایکسٹینشن دی تھی ، اس حوالے سے مبشرلقمان کا کہنا تھا کہ مجھے خود سابق آرمی چیف جنرل قمرجاوید باجوہ نے بتایا تھا کہ مجھے تو پتہ بھی نہیں‌تھا میں‌نے تو ٹی وی پر دیکھا کہ مجھے ایکسٹیشن دی جارہی ہے

    ان کا یہ بھی کہنا تھا کہ آپ دیکھیں گے کہ عمران خان یہ بھی مان جائے گا ، بس ان کے بارے میں سب جان لیں گے

  • فیفا ورلڈ کپ:امریکہ اور آسٹریلیاباہرجبکہ ارجنٹینا اورنیدرلینڈزکوارٹرفائنل میں پہنچ گئے

    فیفا ورلڈ کپ:امریکہ اور آسٹریلیاباہرجبکہ ارجنٹینا اورنیدرلینڈزکوارٹرفائنل میں پہنچ گئے

    دوحہ :قطر کے احمد بن علی اسٹیڈیم میں فیفا ورلڈکپ 2022 کے راؤنڈ آف 16 کے اہم میچ میں ارجنٹینا نے آسٹریلیا کو 1-2 سے شکست دی۔ میچ کے پہلے ہاف میں ارجنٹینا نے ایک گول کرکے اپنی پوزیشن مضبوط کی ۔ ارجنٹینا کی جانب سے میچ کے 35 ویں منٹ میں کپتان لوینل میسی نے گول کیا، جبکہ میچ کے دوسرے ہاف میں جولین الواریز نے 57 ویں منٹ میں دوسرا گول کرکے اپنی ٹیم کو کامیابی کی طرف لے گئے۔

    پنڈی ٹیسٹ: دوسری اننگز میں انگلینڈ کی بیٹنگ جاری، آدھی ٹیم پویلین لوٹ گئی

    میچ کے دوسرے ہاف میں آسٹریلوی ٹیم نے بہتر کھیل پیش کرنے کی کوشش کی، 77ویں منٹ میں اینزو فرنینڈز نے گول کیا، لیکن میچ ختم ہونے تک انہیں کوئی اور کامیابی نہ مل سکی۔آسٹریلیا سے میچ جیتنے کے بعد کوارٹر فائنل میں ارجنٹینا کا مقابلہ نیدرلینڈز سے ہوگا۔فیفا ورلڈکپ 2022 کے راؤنڈ آف 16 کے ایک اور میچ میں نیدرلینڈز نے امریکہ کو شکست دی۔

    زلمی فاونڈیشن، امریکن قونصلیٹ جنرل لاہور اور پی سی بی کا اشتراک:بڑی کامیابی مل گئی

    قطر کے خلیفہ انٹرنیشنل اسٹیڈیم میں کھیلے گئے اس میچ میں نیدرلینڈز کی جیت کا اسکور1- 3 رہا۔نیدرلینڈز کے میمفس ڈیفے نے 10ویں منٹ میں ہی گول کرکے اپنی ٹیم کی جیت کی بنیاد رکھ دی۔ پہلے ہاف کے اختتامی لمحات میں نیدرلینڈز کی برتری 0-2 کے ساتھ اس وقت مزید مضبوط ہوئی جب ڈیلے بلائینڈ نے گیند کو جال میں پہنچایا۔

    ایف آئی ایچ مینز نیشن ہاکی کپ: جاپان نے پاکستان کو ہرادیا

    دوسرے ہاف میں امریکی ٹیم نےنسبتاً بہتر کھیل پیش کرنے کی کوشش کی جہاں حاجی رائٹ کےشاندار ٹچ نے امریکی ٹیم کا خسارہ 1-2 کردیا ۔اس کے بعد نیدرلینڈز نےجوابی حملہ کرتے ہوئے 81 ویں منٹ میں ایک اور گول کرکے اسکور کو 1- 3 کردیا۔ اسی اسکور پر میچ کا اختتام ہوا جس کے ساتھ ہی نیدرلینڈز نے کوارٹر فائنل کے لیے کوالیفائی کرلیا۔

  • کشمیرمیں بلدیاتی انتخابات کے95فیصد نتائج مکمل:کس جماعت نےکتنی سیٹیں حاصل کیں؟تفصیلات آگئیں

    کشمیرمیں بلدیاتی انتخابات کے95فیصد نتائج مکمل:کس جماعت نےکتنی سیٹیں حاصل کیں؟تفصیلات آگئیں

    مظفرآباد:آزادکشمیر میں بلدیاتی انتخابات کے غیر سرکاری اور غیر حتمی نتائج کے مطابق کشمیر کے ضلع باغ میں پاکستان تحریک انصاف نے میونسپل کارپوریشن کی 15 میں سے 9 نشستیں حاصل کیں جبکہ آزاد امیدواروں نے 4 اور پاکستان پیپلزپارٹی 2 نشستیں جیت سکی۔ جبکہ پونچھ اور حویلی اضلاع میں پی ٹی آئی کو شکست کا سامنا کرنا پڑا۔

    دوسری جانب ضلع باغ میں کُل 28 نشستوں میں سے پی ٹی آئی نے تقریباً 12 نشتیں حاصل کیں جبکہ پاکستان مسلم کانفرنس (ایم سی) نے 4، پاکستان پیپلزپارٹی نے 3 اور پاکستان مسلم لیگ (ن) اور آزاد امیدواروں نے 2، 2 نشتیں حاصل کیں اور کشمیر جمعیت اسلام ایک نشست حاصل کرنے میں کامیاب رہی، اس کے علاوہ 4 نشستوں کے نتائج آنا باقی ہے۔

    سابق وزیر اعلیٰ بلوچستان نواب اسلم رئیسانی جے یو آئی میں شامل

    غیر سرکاری نتائج کے مطابق سدھنوتی ڈسٹرکٹ کونسل کی 19 نشستوں میں سے پاکستان تحریک انصاف نے 11، مسلم لیگ (ن) نے 4، آزاد امیدواروں نے 2 اور کشمیر جمعیت علمائے اسلام نے ایک نشست حاصل کی جبکہ مزید ایک نشست کے نتائج کا اعلان ہونا ابھی باقی ہے۔

    آزاد کشمیر بلدیاتی انتخابات:نتائج آنے کا سلسلہ جاری:حکمران جماعت کوشکست

    ڈسٹرکٹ ہیڈ کوارٹرز میونسپل میں پی ٹی آئی نے 8 میں سے 5 نشستیں حاصل کیں جبکہ آزاد امیدواروں نے 2 اور (ن) لیگ ایک نشست حاصل کرنے میں کامیاب رہی۔

    غیر سرکاری اور غیر حتمی نتائج کے مطابق ضلع حویلیاں میں (ن) لیگ 12 میں سے 6 ضلع کونسل کی نشستیں جیت سکی، پیپلز پارٹی نے 4 اور پی ٹی آئی نے ایک نشست حاصل کی جبکہ ایک نشست کے نتائج واضح نہیں ہوسکے۔

    ضلع پونچھ کے شہر راولاکوٹ میں 22 رکنی میونسپل کارپوریشن میں جموں کشمیر پیپلز پارٹی (جے کے پی پی) 7 نشستیں جیت سکی، اس کےعلاوہ پاکستان پیپلزپارٹی نے 4 ، مسلم لیگ (ن) اور پی ٹی آئی نے 3 ،3 اور آزاد امیدواروں نے5 نشستیں حاصل کیں۔

    کابل میں پاکستانی سفارتکار پرحملے کا ملزم گرفتار

    اس کے علاوہ ضلع پونچھ کے 29 رکنی کونسل میں پی ٹی آئی اور مسلم لیگ (ن) نے 8، 8 نشستیں حاصل کیں، پاکستان پیپلزپارٹی نے 6، جموں کشمیر پیپلز پارٹی (جے کے پی پی) نے5 اور آزاد امیدوار 2 نشستیں جیت سکے۔قبل ازیں حکام نے بتایا تھا کہ پولنگ کے عمل کے دوران تشدد کے واقعات رپورٹ ہوئے جن میں ایک درجن کے قریب لوگ متاثر ہوئے۔

  • کوئٹہ:لاکھوں روپےکا فراڈ کرنیوالاملزم جدید ٹیکنالوجی کی بدولت پکڑا گیا

    کوئٹہ:لاکھوں روپےکا فراڈ کرنیوالاملزم جدید ٹیکنالوجی کی بدولت پکڑا گیا

    کوئٹہ:لاکھوں روپےکا فراڈ کرنیوالاملزم جدید ٹیکنالوجی کی بدولت پکڑا گیا ،اطلاعات کے مطابق کوئٹہ میں لاکھوں روپے کا فراڈ کر کے پنجاب فرار ہونیوالا ملزم جدید ٹیکنالوجی کی بدولت پکڑا گیا ۔ پنجاب پولیس نے سول لائن پولیس تھانہ کوئٹہ کے حوالے کردیا پولیس ذرائع کے مطابق دو سال قبل پرانی بی ایم سی بروری روڈ کوئٹہ کے رہائشی میاں حسن نعیم اورمحسن نعیم مختلف لوگوں سے فراڈ کے ذریعےلاکھو ں روپے ہتھیا کر فیصل آباد فرار ہو گئے ہیں

    شمالی وزیرستان میں سیکورٹی فورسز سے مقابلے میں دہشت گرد کمانڈر محمد نور ہلاک

    پولیس حکام کا کہنا ہے کہ یہ فراڈ کرنے کے بعد جب یہ گروہ فیصل آباد پہنچا تویہ جانکر سول لائن پولیس نے مقدمہ درج کر لیا تھا لیکن ملزمان پنجاب میں روپوش ہونے کے باعث قانون کی گرفت میں نہیں آ سکے تھے گزشتہ دنوں مقدمے میں مطلوب ایک ملزم محسن نعیم مسافرکوچ میں لاہور سے فیصل آباد جانے کیلئے موٹر وے پر سفر کر رہا تھا جب پولیس نے مسافروں کے شناختی کارڈ چیکنگ کی غرض سے سکین کئے تو جدید ٹیکنالوجی کی بدولت معلوم ہوگیا کہ ملزم بلوچستان پولیس کو مطلوب ہے

    کابل میں پاکستانی سفارتکار پرحملے کا ملزم گرفتار

    اطلاعات ہیں‌ کہ اس اطلاع کے بعد موٹر وے پولیس نے اسے گرفتار کرلیا اور سول لائن پولیس کوئٹہ کے اہلکاروں نے پنجاب جا کر ملزم کو باقاعدہ اپنی تحویل میں لے لیاہے اور درج مقدمات کے تحت کارروائی شروع کردی گئی ہے۔

  • پنجاب میں سود لینےپر10سال کی سزا مقرر کی ہے:پرویز الہیٰ

    پنجاب میں سود لینےپر10سال کی سزا مقرر کی ہے:پرویز الہیٰ

    لاہور:پنجاب میں سود لینے پر 10 سال کی سزا مقرر کی ہے،اطلاعات کے مطابق وزیراعلیٰ پنجاب چوہدری پرویز الہیٰ کا کہنا ہے کہ صوبے بھر میں سود کے نظام کے خاتمے کیلئے اقدامات کر رہے ہیں، نجی سطح پر سود لینے پر 10 سال کی سزا مقرر کی گئی ہے۔

    اتوار چار دسمبر کو وزیراعلیٰ پنجاب سے علمائے کرائے نے لاہور میں ملاقات کی۔ ملاقات میں اسلام کے بنیادی اصولوں کی ترویج اور شرعی قوانین کے نفاذ سے متعلق گفتگو کی گئی۔

    پنڈی ٹیسٹ: دوسری اننگز میں انگلینڈ کی بیٹنگ جاری، آدھی ٹیم پویلین لوٹ گئی

    ملاقات میں علمائے کرام نے دین کی خدمت کیلئے کیے گئے اقدامات پر پرویز الہٰی کو خراج تحسین پیش کیا۔

    ملاقات میں گفتگو کرتےہوئے پرویز الہیٰ کا کہنا تھا کہ وزارت اعلیٰ سنبھالنےکےبعد فوراً قرآن بورڈ کو بحال کیا، پنجاب میں طلبہ کیلئے ناظرہ اور ترجمہ قرآن لازمی کردیا گیا ہے۔انہوں نے یہ بھی کہا کہ نجی سطح پر سود لینے پر 10 سال کی سزا مقرر کی گئی ہے، جب کہ عقیدہ ختم نبوت کیلئے قوانین سازی کی گئی ہے۔ اس سلسلے میں پہلی مرتبہ نکاح نامے میں عقیدہ ختم نبوت شامل کیا گیا ہے۔

    سابق وزیر اعلیٰ بلوچستان نواب اسلم رئیسانی جے یو آئی میں شامل

    علمائے کرام کے کردار کو سراہتے ہوئے پرویز الہیٰ کا کہنا تھا کہ علما کی دعاؤں اور برکتوں سے سارے کام سیدھے ہو رہے ہیں۔

    یاد رہے کہ چنددن پہلے پاکستان کے وزیرخزانہ اسحاق ڈار نے اعلان کیا تھا کہ وفاقی شرعی عدالت کی دسمبر2027 تک بینک کاری نظام کو شریعت کے مطابق مکمل طورپرتبدیل کرنے کی ہدایت کے خلاف اسٹیٹ بینک اور نیشنل بینک کی عدالتِ عظمیٰ میں دائرکردہ اپیلیں واپس لے لی جائیں گی۔

    یوم سندھ ثقافت:صوبے بھرمیں رنگا رنگ تقریبات،سندھ کی صدیوں پرانی ثقافت کا مظہربن…

    طویل عرصے سے التوا کا شکاراس اہم کیس میں شرعی عدالت نے اس سال اپریل میں فیصلہ سنایاتھااور قراردیا تھا کہ وفاقی حکومت اور صوبائی حکومتیں متعلقہ قوانین میں ترمیم کریں اوردسمبر 2027 تک ملک میں سُود سے پاک بینک کاری نظام رائج ہونا چاہیے۔

    لیکن اس پر عمل درآمد کے بجائے پاکستان کے بعض کمرشل بینکوں اور مرکزی بینک نے شرعی عدالت کے اس فیصلے ہی کو چیلنج کردیا تھا اور عدالتِ عظمیٰ میں اس پر نظرثانی کی اپیل دائرکردی تھی۔