Author: News Editor

خوشاب:35 کروڑ روپے تاوان کا مطالبہ کرنے والے ملزمان گرفتار،اطلاعات کے مطابق خوشاب پولیس نے باپ اور بیٹے کو اغوا کرکے پینتیس کروڑ روپے تاوان طلب کرنے والے ملزمان کو گرفتار کرلیا۔

پولیس کے مطابق باپ اور بیٹے کو ملزمان نے ایک ماہ قبل راول پنڈی جاتے ہوئے اغوا کیا تھا۔ باپ اور بیٹا دونوں برطانوی شہریت بھی رکھتے ہیں۔ کارروائی کے دوران دونوں کو بحفاظت طریقے سے بازیاب کرالیا گیا۔اغوا کار ملزمان نے باپ بیٹے کو خیبر پختونخوا کے نواحی علاقے جمرود میں چھپا کر رکھا ہوا تھا۔ ملزمان کی جانب سے دونوں کی رہائی کے لیے پينتيس کروڑ روپے تاوان طلب کیا گیا تھا۔

ملزمان نے دونوں کو 29 اگست کو مظفر گڑھ کے علاقے جوہر آباد سے اغوا کیا تھا۔پولیس کی جانب سے اغوا کاروں سے متعلق مکمل تفصیلات جاری نہیں کی گئی ہے۔پولیس حکام کا کہنا ہے کہ ملزمان سے ملنے والے معلومات پر سہولت کاروں کے خلاف کارروائی بھی کی جا رہی ہے اور جلد انہیں بھی گرفتار کرلیا جائے گا۔

ادھرکراچی سے قیمتی موٹرسائیکلیں چھین کر بلوچستان میں فروخت کرنے والے 7 ملزمان گرفتار کرلیے گئے ہیں۔

تفصیلات کے مطابق شھر کراچی سے نئی قیمتی موٹرسائیکلیں چھین کر خضدار بلوچستان میں فروخت کرنے والے گروہ سمیت اسٹریٹ کرائم، موٹرسائیکل لفٹنگ و منشیات فروشی میں ملوث 7 ملزمان تھانہ سعید آباد پولیس نے گرفتار کر لیے ہیں۔

پولیس حکام کا کہنا ہے کہ تھانہ سعید آباد پولیس نے 4 مختلف کاروائیوں میں اسٹریٹ کرائم، موٹر سائیکل لفٹنگ و منشیات فروشی میں ملوث 7 مطلوب ملزمان گرفتار کرلیے ہیں۔

پولیس حکام نے بتایا کہ پہلی کارروائی میں کراچی سے نئی قیمتی موٹرسائیکلیں چھین کر خضدار بلوچستان میں فروخت کرنے والے تین رکنی منظم گروہ کو خفیہ اطلاع پر چھینی گئی موٹرسائیکلیں بلوچستان لے کر جاتے ہوئے حب ریور روڈ سے رنگے ہاتھوں گرفتار کیا۔

دوسری کارروائی میں اسٹریٹ کرائم و موٹرسائیکل لفٹنگ میں ملوث دو ملزمان کو یوسف گوٹھ سے چھاپہ مار کارروائی کے دوران گرفتار کیا۔

کامونکی:ضلع گوجرانوالا کے علاقےکامونکی میں بکری چوری کے شبے میں زمیندار کی جانب سے خاتون سمیت 3 افراد پر تشدد کا واقعہ سامنے آیا ہے۔

مبینہ طور پر بکری چوری کے الزام میں خاتون سمیت 3 افراد پر باری باری الٹا لٹکا کرڈنڈوں سے تشدد کیا گیا، زمیندار کے ڈیرے پر پیش آئے واقعےکی ویڈیو بھی سامنے آگئی ہے۔

پولیس کے مطابق تشددکا واقعہ کچھ روز پرانا ہے، مقدمہ درج کرلیا گیا ہے اور تین ملزمان کو گرفتار بھی کیا گیا ہے، جب کہ مرکزی ملزم اکرام ظفر کی گرفتاری کے لیے چھاپے مارے جا رہے ہیں۔

ادھر ایک دوسرے مجرمانہ واقعہ میں رحیم یار خان میں شوہر نے بیوی، ساس اور سالی کو پیٹرول چھڑک کر آگ لگا دی جس کے نتیجے میں تینوں خواتین جاں بحق ہوگئیں۔پولیس کے مطابق واقعہ گزشتہ روز پیش آیا تھا، ملزم نےکسی تنازع پر طیش میں آکر بیوی، ساس اور سالی پر پیٹرول چھڑک کر آگ لگادی تھی۔

گزشتہ روز جھلسنے سے ملزم کی ساس اور سالی جاں بحق ہوگئی تھیں جب کہ آج ملزم کی بیوی بھی اسپتال میں دم توڑ گئی۔پولیس کے مطابق واقعے کے بعد ملزم موقع سے فرار ہوگیا، مقدمہ درج کرلیا گیا ہے اور ملزم کی تلاش جاری ہے، ملزم کے 2 بھائیوں کو گرفتار بھی کیا گیا ہے۔

پنجاب کے شہر بورے والا کے نواحی گاؤں میں دوران ڈکیتی 2 خواتین کے ساتھ مبینہ زیادتی کا واقعہ پیش آیا ہے۔پولیس کا کہنا ہے کہ 5 ڈاکوؤں نے اسلحے کے زور پر دو خواتین کو زیادتی کا نشانہ بنایا، واقعے کا مقدمہ درج کرلیا گیا ہے۔

پولیس کا کہنا ہے کہ رپورٹ میں ابتدائی طبی معائنے میں خواتین سے زیادتی ثابت ہوئی ہے۔پولیس کا کہنا ہے کہ ڈاکو ہزاروں روپے نقدی اور طلائی زیورات لوٹ کر فرار ہوئے۔

عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو