Author: News Editor

اسلام آباد:شیریں مزاری کی بیٹی ایمان مزاری نے خود کو اپنی والدہ کی حرکت سے علیحدہ کرلیا۔ سوشل میڈیا پر اپنے بیان میں ایمان مزاری نےکہا کہ وہ کسی اورانسان کے قول و فعل کی ذمہ دارنہیں ہیں۔

ایمان مزاری کا کہنا تھا کہ آپ کسی شخص سے پیار اور احترام کرتے ہیں تو اس کی باتوں کے ذمہ دار نہیں ہوسکتے۔شیریں مزاری کا شرمناک اقدام، تضحیک کیلئے مریم کی ٹیمپرڈ تصویر شیئر کردیان کا کہنا تھا کہ ایسے قریبی رشتوں کے ساتھ بنیادی باتوں پر اختلاف، ذاتی طور پر افسوس ناک صورت حال ہوتی ہے۔

خیال رہے کہ پاکستان تحریک انصاف کی رہنما شیریں مزاری نے شرمناک اقدام اٹھاتے ہوئے مسلم لیگ ن کی نائب صدر مریم نواز کی تضحیک کے لیے اپنے سوشل میڈیا پر ان کی ایک ٹیمپرڈ تصویر شیئر کی تھی۔

عمران خان کے وارنٹ گرفتاری جاری ہونےکے بعد شبلی فراز نے ٹوئٹ کیا کہ عمران خان اس وقت اپنے کتے کو کھانا کھلا رہے ہیں، ساتھ عمران خان کی تصویر بھی لگائی۔

تاہم شیریں مزاری نے شبلی فراز کا ٹوئٹ شیئر کیا اور ساتھ مریم نواز کی تضحیک کرنے کے لیے ایک ٹیمپرڈ تصویر بھی لگا دی، ساتھ لکھا کہ جب آپ خوف کے بت توڑ دیں تو حکومت اور اس کی پُتلیاں نچانے والے کامیاب نہیں ہوسکتے، مریم کو رونا بندکر دینا چاہیے۔

کچھ دیر بعد شیریں مزاری نے اپنا ٹوئٹ ڈیلیٹ کردیا اور نئے ٹوئٹ میں لکھا کہ وہ غلط تصویر پوسٹ کرنے پر مریم نواز سے معافی مانگتی ہیں مگرساتھ یہ بھی کہا کہ وہ اپنے تبصرے پرقائم ہیں۔

اسلام آباد:سابق وزیراعظم عمران خان کے خلاف وکلا کے ایک دھڑے نے مظاہروں کا اعلان کیا ہے ، یہی وجہ ہےکہ ڈسٹرکٹ بارنے پاکستان تحریک انصاف کے چیئرمین عمران خان کے رویے کی مذمت اورخاتون جج سے اظہار یکجہتی کیلئے کل مظاہرے کا اعلان کردیا۔

اسلام آباد بارکا کہنا ہے کہ عمران خان نے خاتون جج زیبا چوہدری کی عدالت جاکر معافی مانگنے کا ڈرامہ کیا، بظاہرعمران خان کا یہ عمل درحقیقت معزز جج کوہراساں کرنے کی کوشش تھی۔

اسلام آباد ڈسٹرکٹ بار کی جانب سے عمران خان کے طرز عمل کے خلاف مذمتی قرارداد پیش کی جس کے مطابق ممبران اسلام آباد بارایسوسی ایشن عمران خان کےعدلیہ سے رویے کی مذمت کرتےہیں، عمران خان خاتون جج کی عدالت میں اس دن گئے جب وہ رخصت پر تھیں، عمران خان نے ریڈراوراسٹینو کےسامنےپیش ہو کر انہیں پیغام جج صاحبہ تک پہنچانے کا کہا، انہوں نے اس طرح ایک بار پھر معزز عدالت کی توہین کی۔

بار کا کہنا ہے کہ عمران خان نے جلسے میں معزز جج کی توہین کی اور انہیں دھمکیاں دیں، عمران خان نے اسلام آباد ہائی کورٹ میں آج تک معافی نامہ جمع نہیں کروایا، عمران خان ملک میں ہر آئینی ادارے کی طرح عدلیہ کوبھی اپنی مرضی سے چلانا چاہتے ہیں، ان کا مقصد عدلیہ پر دباؤ ڈال کر اپنے کیسز میں ریلیف لینا ہے۔

قرارداد میں کہا گیا ہے کہ آئینی، سلامتی اورانتظامی اداروں کے خلاف تضحیک اور دھکمی آمیزرویہ کی مذمت کرتے ہیں، اسلام آباد بار قانون کی حکمرانی کےلیے عدلیہ اور تمام اداروں کے شانہ بشانہ کھڑی ہے۔

قرارداد میں مطالبہ کیا گیا ہے کہ ملک میں آئین کی حکمرانی کیلئےعمران خان کےخلاف آئین وقانون کےتحت کارروائی کی جائے،قرارداد ڈسٹرکٹ بار نے خاتون جج سے اظہاریکجہتی کیلئے کل مظاہرے کا بھی اعلان کیا۔

اسلام آباد:وفاقی وزیر اطلاعات مریم اورنگزیب کا عمران خان کے بیان پر ردعمل سامنے آگیا۔تفصیلات کے مطابق مریم اورنگزیب نے سماجی رابطے کی ویب سائٹ ٹویٹر پر اپنے ایک پیغام میں عمران خان کے بیان پر ردعمل دیتے ہوئے کہا کہنے کہا کہ عمران خان کو پتہ ہے کہ اُس کا کھیل ایکسپوز ہوگیا ہے۔

انہوں نے کہا کہ عمران خان اگر شرم ہو تو آڈیو لیکس کے بعد آپ کے جسم سے کپڑے اتر گئے ہیں جبکہ عمران خان کا امپورٹڈ حکومت اور سازش کا ڈرامہ ٹھس ہوگیا ہے۔

عمران خان کو پتہ ہے کہ اُس کا کھیل ایکسپوز ہو گیا ہے عمران خان اگر شرم ہو تو آڈیو لیکس کے بعد آپ کے جسم سے کپڑے اتر گئے ہیں عمران خان کا ایمپورٹڈ حکومت اور سازش کا ڈرامہ ٹھس ہو گیا تم عوام اور ریاست کے مجرم ہو عمران خان تم جیسے جھوٹے سازشی فتنے کو عبرت کا نشان بنانا چاہئیے

— Marriyum Aurangzeb (@Marriyum_A) October 2, 2022

وفاقی وزیر اطلاعات نے یہ بھی کہا کہ عمران خان تم عوام اور ریاست کے مجرم ہو، عمران خان تم جیسے جھوٹے سازشی فتنے کو عبرت کا نشان بنانا چاہیے۔ان کا کہنا تھا کہ عمران خان تم ملک کے خلاف امپورٹڈ سازش ہو اور تم ملک کے خلاف فارن فنٹڈ سازش ہو جس کا مقصد ایٹمی طاقت والے ملک کو کمزرو کرنا ہے۔

مریم اورنگزیب کا یہ بھی کہنا تھا کہ عمران خان فارن ایجنٹ تم ہو، رات کو پاؤں پکڑتے ہو ، روتے ہو چیختے ہو ، معافیاں مانگتے ہو۔انہوں نے کہا کہ تم نے ملک کے مفادات سے کھیلنے کا ڈرامہ کیا جبکہ تم نے قومی سلامتی اور کشمیر سے غداری کی۔

عمران خان تم ملک کے خلاف ایمپورٹد سازش ہو
تم ملک کے خلاف فارن فنٹڈ سازش ہو جس کا مقصد ایٹمی طاقت والے ملک کو کمزرو کرنا ہے
عمران خان جانور تم فارن ایجنٹ تم ہو رات کو پاؤں پکڑتے ہو ، روتے ہو چیختے ہو ، معافیاں مانگتے ہو

— Marriyum Aurangzeb (@Marriyum_A) October 2, 2022

وفاقی وزیر اطلاعات مریم اورنگزیب نے مزید کہا کہ فارن ایجنٹ نے قومی مفاد اور آئین سے غداری کی جبکہ اب ملک کی حقیقی آزادی فارن ایجنٹ اور غدار سے نجات ہے۔

اب ملک کی حقیقی آزادی فارن ایجنٹ اور غدار سے نجات ہے تم نے ملک کے مفادات سے کھیلنے کا ڈرامہ کیا تم نے قومی سلامتی اور کشمیر سے غداری کی فارن ایجنٹ نے قومی مفاد اور آئین سے غداری کی فارن ایجنٹ نے عوام سے غداری کی

— Marriyum Aurangzeb (@Marriyum_A) October 2, 2022

واضح رہے اس سے قبل پاکستان تحریک انصاف (پی ٹی آئی) کے چیئرمین عمران خان نے ٹیکسلا میں پارٹی جلسے سے خطاب کرتے ہوئے کہا کہ پاکستان کو ایسے سیاستدانوں کی ضرورت ہے جن کے ضمیر برائے فروخت نہیں ہوتے۔ان کا کہنا تھا کہ میرے گھر پر تیسری بار پولیس بھیجی گئی، حکمرانوں سن لو، مجھے دھمکیاں دینے کے بجائے جیل میں ڈالو پر پاکستان میں حقیقی تحری کی آزادی چل پڑی ہے، نہ ہمیں تمہارے جیلوں سے ڈر ہے اور نہ ہی نامعلوم فون لاکز سے ڈر لگتا ہے۔

عمران خان نے کہا کہ قوم تیار ہے جیل بھیج کر دکھاؤ، جیل جانے کیلئے میں اور میری قوم تیار ہے، 28 مارچ کو قوم کو مراسلہ دکھایا جس میں سازش واضح تھی، مراسلے میں کہا گیا کہ اگر عمران خان کو ہٹا دیا گیا تو پاکستان کو معاف کر دیں گے۔

اسلام آباد:پاکستان میں متنازعہ ٹرانسجینڈربل کے پیش کیے جانے کے بعد جو صورت حال اس وقت ملک میں قائم ہے اور جو حالات خدشات کا اشارہ کررہے ہیں ، ان خدشات کے حل کےحوالے سے چیئرمین سینیٹ صادق سنجرانی نے ٹرانسجینڈر بل پر تمام مذہبی جماعتوں سے مشاورت کا فیصلہ کیا ہے۔

تفصیلات کے مطابق چیئرمین سینیٹ صادق سنجرانی نے مولانا عبدالغفور حیدری سے ان کی رہائشگاہ پر ملاقات کی اور عمرہ ادائیگی پر انہیں مبارکباد دی۔

ملاقات میں ٹرانسجینڈر بل سے متعلق گفتگو ہوئی اور فیصلہ کیا گیا کہ اس بل پر تمام مذہبی جماعتوں سے مشاورت کی جائے گی۔ ملاقات میں ملکی مجموعی سیاسی و بلوچستان کی صورتحال پر تبادلہ خیال بھی کیا گیا۔

واضح رہے کہ چیئرمین صادق سنجرانی نے دو روز قبل کہا تھا کہ ٹرانسجینڈر بل پر سیاسی جماعتوں نے ترامیم جمع کروائی ہے پیر کو کمیٹی اجلاس ہو گا ہم کوئی ایسا کام نہیں کریں گے جو اسلامی نظام کےخلاف ہو ہم مل بیٹھ کر وہ کام کریں گےجو آئین پاکستان، اسلامی اصولوں پرمبنی ہوگا۔

یاد رہے کہ اس سے پہلے بھی صادق سنجرانی کچھ اس قسم کے ردعمل کا اظہارکرچکے ہیں ، سینیٹ کے چیئرمین صادق سنجرانی نے کہا کہ ٹرانس جینڈر پرسنز (تحفظ حقوق) ایکٹ میں حال ہی میں پیش کی گئی ترامیم پر غور کرنے کے لیے بنائی گئی کمیٹی ضرورت پڑنے پر مذہبی اسکالرز اور اسلامی نظریاتی کونسل سے مشاورت کرے گی۔سنجرانی نے کہا کہ سینیٹ کبھی بھی اسلامی قوانین کے خلاف کچھ نہیں کرے گی۔

سینیٹر مشتاق احمد نے ایکٹ میں ترامیم جمع کرائی ہیں جنہیں اس وقت سینیٹ کمیٹی میں وزن کیا جا رہا ہے۔

اس مسئلے کو غیر ضروری طور پر سیاست کرنے کے خلاف سختی سے مشورہ دیتے ہوئے، انہوں نے زور دیا کہ کسی بھی تنازعہ کی صورت میں، حکومت مشاورت کا راستہ اختیار کرنے کا عزم رکھتی ہے۔