Author: News Editor

سمرقند: وزیراعظم محمد شہبازشریف نے آج سمرقند میں شنگھائی تعاون تنظیم کے سربراہان مملکت کے اجلاس کے موقع پر ایران کے صدر سید ابراہیم رئیسی سے ملاقات کی۔ دونوں رہنماؤں نے دوطرفہ تعلقات کے تمام پہلوؤں پر تبادلہ خیال کیا۔

وزیراعظم نے صدر رئیسی اور ایرانی عوام کا ملک میں بڑے پیمانے پر سیلاب کے دوران پاکستانی قوم کے ساتھ اظہار یکجہتی اور حمایت پر شکریہ ادا کیا۔ وزیر اعظم نے موسمیاتی تبدیلی کی وجہ سے آنے والے سیلاب کے تباہ کن اثرات پر روشنی ڈالی اور اس بات پر زور دیا کہ کم سے کم کاربن کے اخراج کے باوجود پاکستان کو موسمیاتی تبدیلی کے تباہ کن اثرات کا سامنا ہے جس کے لیے وہ ذمہ دار بھی نہیں ہے۔ انہوں نے ان چیلنجوں سے نمٹنے کے لیے ٹھوس بین الاقوامی کارروائی کی اہمیت پر زور دیا جن کا سامنا پاکستان جیسے موسمیاتی اعتبار سے خطرے کی لپیٹ میں ممالک کو کرنا پڑ رہا ہے۔

ملاقات کے دوران دونوں رہنماؤں نے پاک ایران مشترکہ اقتصادی کمیشن کے نتائج کا مثبت جائزہ لیا اور مختلف شعبوں میں دوطرفہ تعلقات کو مزید فروغ دینے پر اتفاق کیا۔ دونوں اطراف نے اقتصادی و تجارتی روابط، توانائی، ثقافت اور عوام سے عوام کے روابط میں تعاون کو مضبوط بنانے کی خواہش کا بھی اعادہ کیا۔

وزیراعظم نے اقتصادی اور توانائی شعبے میں تعاون کو فروغ دینے، بارٹر ٹریڈ کو فعال کرنے، بارڈر مارکیٹس کھولنے اور پاکستانی زائرین کی سہولت کے لیے قریبی دوطرفہ روابط کی ضرورت پر زور دیا۔ اس بات پر اتفاق کیا گیا کہ پاکستان دو طرفہ تجارت اور توانائی کے شعبوں میں تعاون بڑھانے کے اقدامات پر بات چیت کے لیے ایک وفد بھیجے گا۔

وزیراعظم نے صدر رئیسی کو جلد از جلد پاکستان کا دورہ کرنے کی دعوت دی۔ صدر رئیسی نے وزیراعظم کو دورہ ایران کی دعوت دی۔

اسلام آباد:پاکستان الیکٹرانک میڈیا ریگولیٹری اتھارٹی (پیمرا) نے پاکستان کے دو نجی نیوز چینلز آے آر وائی اور بول نیوز کی نشریات تین دن کے لیے معطل کر دیں۔پیمرا کے ترجمان کی جانب سے جاری کردہ بیان میں کہا گیا ہے کہ دونوں چینلز بغیر کسی موثر تاخیری نطام کے نشریات جاری رکھیے ہوئے تھے۔

بیان میں کہا گیا ہے کہ اتھارٹی نے اس سلسلے میں 5 ستمبر 2022 کو احکامات جاری کیے تھے جن کا مقصد اعلی عدلیہ کے فیصلوں اور پیمرا قوانین پر عمل درآمد کرانا تھا۔’ان احکامات کے تحت تمام چینلز کو ہدایات جاری کی گئیں تھیں کہ موثر تاخیری نظام اور ایڈیٹوریل بورڈ کے حوالے سے کی گئی پیشرفت/اقدامات پر اتھارٹی کو آگاہ کیا جائے۔

اتھارٹی ان اقدامات کی تصدیق کے بعد براہ راست یا تاخیر سے نشر کرنے سے متعلق احکامت صادر کرے گی۔ لہذا اس دوران کسی بھی چینل کو براہ راست عوامی تقریبات کی کوریج کی اجازت نہیں ہوگی۔‘یاد رہے کہ دونوں چینلز مسلسل پیمرا قوانین اور احکامات کی خلاف ورزی کر رہے ہیں اور مذکورہ خلاف ورزی پر چینلز کو اظہار وجوہ کے نوٹسز جاری کرتے ہوئے ان چینلز کے چیف ایگزیکٹیو آفیسرز کو ذاتی شنوائی کے لیے بلوایا گیا تاہم وہ اتھارٹی کے سامنے پیش ہونے سے قاصر رہے اور محص اپنا تحریری جواب جمع کرا دیا۔

تحریری جواب کو مدنظر رکھتے ہوئے اور معاملے کی سنگینی کے پیش نظر اتھارٹی نے دونوں چینلز بول اور اے آر وائی کی نشریات تین دن کے لیے معطل کر دیں اور اس سلسلے میں تمام کیبل آپریٹرز کو احکامات جاری کر دیے گئے ہیں۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

راولپنڈی :عوامی مسلم  لیگ کے رہنما شیخ رشید عوامی زمین ہی ہڑپ کر گئے ، حکومت کی طرف سے شیخ رشید کو یہ جگہ خالی کرنے کا ایک بارپھرپیغام بھیجا گیا ہے لیکن شیخ رشید اپنے دعوے پرپکے ہیں اور وہ یہ جگہ خالی کرنےکےلیے تیار نہیں

ذرائع کے مطابق شیخ رشید کواس سلسلے میں کئی بار طلب کیا گیا ہے لیکن وہ ٹال مٹول سے کام لے رہے ہیں اور کسی بھی سرکاری پیغآم کا جواب دینے کے لیے تیار نہیں ہیں‌

اس سلسلے میں اسسٹنٹ ایڈمنستریٹر متروکہ وقف املاک راولپنڈی کی طرف سے چیئرمین متروکہ وقف املاک کے نام ایک خط ارسال کیا گیا ہے جس میں چیئرمین متروکہ وقف املاک سے درخواست کی گئی ہےکہ شیخ رشید نے راولپنڈی میں سرکاری زمینوں پر قبضہ کررکھا ہے اور وہ یہ قبضہ چھوڑنے کےلیے تیار نہیں ہیں ،

چیئرمین متروکہ وقف املاک کے نام خط میں لکھا گیا ہے کہ شیخ رشید کواس معاملے میں وضاحت اور جواب طلبی کےلیے کئی بار طلب کیا گیا ہے لیکن وہ ٹال مٹول سے کام لے رہے ہیں اور وہ لال حویلی سے ملحقہ سرکاری زمین کونہ تو واپس کرنے کے لیے تیار ہیں اور نہ ہی اس زمین کے اس دوران بننے والے واجبات ادا کررہےہیں ،

اسسٹنٹ ایڈمنسٹریڑ کی طرف سے خط میں یہ بھی گزارش کی گئی ہے کہ شیخ رشید نے یہ زمین جعل سازی سے ہتھیائی ہے ، شیخ رشید کی طرف سے معاملے کی چھان بین کےلیے کوئی تعاون نہیں کیا جارہا، اس لیےچیئرمین متروکہ وقف املاک اس سارے معاملے کا نوٹس لیتے ہوئے شیخ رشید کے خلاف ایکشن لیں‌

یہ بھی یاد رہے کہ متروکہ وقف املاک کی طرف سے شیخ رشید احمد کو یہ جگہ جھوڑے یعنی بے دخلی کا نوٹس بھیجا ہے لیکن شیخ رشید قبضہ چھوڑنے کےلیے تیار نہیں ہیں ،

یہ بھی یاد رہے کہ اس سرکاری زمین کے اصل رہائشی، سالوں سے انصاف کے منتظرہیں لیکن شیخ رشید اثرورسوخ استعمال کرکے اس جگہ کو چھوڑنے کے لیے تیار ہی نہیں ہیں

یہ بھی یاد رہے کہ شیخ رشید احمد کو سرکاری زمین خالی کرنے کا حکم پہلی مرتبہ نہیں کیا گیا بلکہ اس سے قبل  2014 میں متروکہ وقف املاک بورڈ نے اراضی الاٹمنٹ منسوخ کرنے کا مقدمہ کیا تھا لیکن شیخ رشید اس وقت سے اپنا اثرورسوخ استعمال کرتے ہوئے اب تک ٹال مٹول سے کام لے رہے ہیں اور یہ کیس ابتک التوا کا شکار ہے

متروکہ وقف املاک کی جائیداد پر قبضوں کے خلاف  2020 میں حکومتی اقتدار کے حلیف ہوتے ہوئی لیکن  دوبارہ نئے سرے سے انکوائری شروع کروا دی، لیکن حقیقت یہ ہےکہ شیخ رشید احمد اس وقت سے غیر حاضر ہیں اور وہ کسی چیز کو تسلیم کرنے کے لیے تیار نہیں ہیں

پہلے کی طرح  آج 15 ستمبر کو ایک بار پھر پیشی پر سوالیہ نشان ہے شیخ رشید طلب کرنےکے باوجود نہیں آئے ، ان حالات میں متاثرہ خاندانوں کا کہنا ہے کہ کیا انہیں اس ملک میں انصاف مل پائے گا ،کیوں کہ ایک شخص اس قدر طاقتور ہے کہ وہ پچھلے کئی سالوں سے کسی کو خاطر میں نہیں لارہا ہے ،اب وہ کس طرح کسی کی بات سننے کے لیے تیار ہوگا یہ بہت مشکل نظرآرہاہے

اس سلسلے میں چیئرمین متروکہ وقف املاک کے نام جو خط لکھا گیا ہے اس مین کہا گیا ہے کہ :

جائیداد نمبر 58 ڈی ملکیتی متروکہ وقف املاک حکومت پاکستان راولپنڈی کی ملکیت ہے ،اور جائیداد ھذا بوہڑبازارراولپنڈی واقع ہے ،بمطابق ریکارڈ جائیداد ھذا 18 سب یونٹ پر مشتمل ہے ،جائیداد مذکورہ بالا کے ایک سب یونٹ ڈیمانڈنمبری 1-1711-1-0191-0 کی کرایہ داری محمد اسمٰعیل ولد حیات بخش کے نام ہے ، سب یونٹ ھذا کے ذمہ دسمبر 2014 تک مبلغ -31093 روپے بقایا جات واجب الادا ہیں ، اس سب یونٹ پر مسمی شیخ رشید ولد شیخ احمد کا ناجائز قبضہ ہے، یعنی کہ مسمی شیخ رشید احمد مذکور سب یونٹ پر ناجائز قابض ہے ، نیز بیان شیخ رشید احمد جو کہ روزنامہ نوائے وقت میں مورخہ 29 -11-2014 کو شائع ہوا ، کہ جائیداد ھذا کے اورپندرہ سب یونٹ رہائشی بھی ہے ، جو کہ سراسرغلط ہے ، بمطابق ریکارڈ جائیداد مذکورہ بالا کے 18 سب یونٹس ہیں ، جن میں سے ایک سب یونٹ پر شیخ رشید احمد نے ناجائز قبضہ کیا ہوا ہے، اور لال حویلی میں شامل کرکے کچن استعمال کررہا ہے، علاوہ ازیں شیخ رشید احمد اپنے بیان روزنامہ نوائے وقت مورخہ 29-11-2-14 میں جائیدادی نمبر C-29 مندر کا ذکر کیا ہے ، جو کہ سراسرغلط ہے ، یہ جائیداد دراصل جائیداد نمبر D- 329 ہے ، اور بمطابق ریکارڈ رقبہ ھذا کے 09 سب یونٹس ہیں اور جائیداد مذکورہ بالا کا ایک رہائشی سب یونٹ و ڈیمانڈ نمبر 1-1711-1-0218-0 رقبہ تعدادی 234 مربع فٹ واقع بوہڑ بازار راولپنڈی ہے ، جوکہ گراونڈ فلور پر واقع ہے ، جس کی کرایہ داری مسمی نزیراحمد ولد بشیر احمد کے نام پر ہے ، بمطابق رپورٹ عملہ فیلڈ سب یونٹ ھذا کے ذمہ دسمبر 2014 تک مبلع 22 ہزار 620 روپے بقایا جات واجب الادا ہیں اور اس سب یونٹ پر مسمی شیخ رشید کا ناجائز قبضہ ہے ، یعنی کی مسمی شیخ رشید احمد مذکورہ نے سب یونٹ پر ناجائز قبضہ کیا ہوا ہے ،

جائیداد نمبری D-329 واقع بوہڑ بازار راولپنڈی بروئے ڈیمانڈ نمبر 1-1711-1-0227-0 ملکیتی متروکہ وقف املاک بورڈ ہے ، اور بمطابق ریکارڈ سب یونٹ کی کرایہ داری مشترکہ طور پر مسماۃ جان پرور دختر فقیر محمد اور مسمی عبد الرحمن ولد حسن کے ناموں پر ہے ، سب یونٹ ھذا کا رقبہ 248 مربع فٹ ہے ، جو کہ فسٹ فلور پر واقع ہے ، اس سب یونٹ کا ایک کمرہ مسمی عبد الرحمن ولد حسن کے قانونی وارثان کے پاس ہے ، جبکہ دوسرا کمرہ جو کہ جان پرور دختر فقیر محمد کے زیرقبضہ وکرایہ میں تھا اس سب یونٹ کے آدھے رقبے یعنی ایک کمرے پر جو کہ تقریبا رقبہ تعدادی 124 مربع فٹ ہے ، سب یونٹ ھذا کے ذمے دسمبر 2014 تک مبلغ 10905 روپے واجب الادا ہیں ، اور سب یونٹ پر شیخ رشید احمد ولد شیخ احمد نے ناجائز قبضہ کیا ہوا ہے ،یعنی کہ ناجائز قابض ہے ، ، جائیداد نمبر D-329 کا ایک سب یونٹ بروئے ڈیمانڈ نمبر1-1711-1-0221-0 واقع بوہڑ بازار راولپنڈی ملکیتی متروکہ وفف املاک ہے ، بمطابق ریکارڈ رقبہ 01 مرلہ 24 مربع فٹ ہے ،جس کی کرایہ داری مسمی غلام محمد ولد محمد اشرف کے نام پر ہے ،سب یونٹ سیکنڈ فلور پر واقع ہے اور سب یونٹ کے ذم مبلغ 2248 روپے دسمبر 2014 تک واجب الادا ہیں ، اور موقع پر مسمی شیخ رشید احمد ولد شیخ احمد ناجائز قابض ہے ،یعنی اس سب یونٹ پر ناجائز قبضہ کیا ہوا ہے،جائیداد نمبری D-329 کا ایک سب یونٹ بروئے ڈیمانڈ نمبر 1-1711-1-0222-0 واقع بوہڑ بازارراولپنڈی ملکیتی متروکہ وقف املاک ہے ، بمطابق ریکارڈ رقبہ 144 مربع فٹ ہے ، جس کی کرایہ داری مسماۃ ولایت جان بیوہ ایوب شاہ کے نام پر ہے ، سب یونٹ سکینڈ فلور پر واقع ہے ، سب یونٹ کے ذمہ مبلغ 18967 روپے دسمبر2014 تک واجب الادا ہیں ،اور موقع پر مسمی شیخ رشید احمد ولد شیخ احمد ناجائز قابض ہے، یعنی کہ سب یونٹ پر ناجائز قبضہ کیا ہوا ہے، جائیداد نمبری D-329 کا ایک سب یونٹ بروئے ڈیمانڈ نمبر 1-1711-1-0226-0 واقع بوہڑ بازار راولپنڈی ملکیتی متروکہ وقف املاک ہے ، بمطابق ریکارڈ رقبہ 05 مرلہ 20 مربع فٹ ہے ،جس کی کرایہ داری مسمی محمد اعظم ولد محمد شفیع کے نام پر ہے ،جوکہ ایک بڑے ہال پر مشتمل ہے،سب یونٹ سیکنڈ فلور پر واقع ہے ،سب یونٹ کے ذمہ مبلغ 36228 روپے دسمبر 2014 تک واجب الادا ہیں ،اور موقع پر مسمی شیخ رشید احمد ولد شیخ احمد ناجائز قابض ہے،یعنی کہ سب یونٹ پر ناجائز قبضہ کیا ہوا ہے،

یہ کہ بیان شیخ رشید احمد ولد شیخ احمد کے میں مندر پرقابض ہوں جو کہ روزنامہ نوائے وقت راولپنڈی اسلام آباد میں مورخہ 29-11-2014 کو شائع ہوا ہے ، اس ضمن میں عرض ہے کہ مندر پر قبضہ کرنا سنگین جرم ہے،چونکہ مندر ہندووں کی مذہبی جگہ ہے ، لٰہذا شیخ رشید احمد ایم این اے اپنے بیان کو مد نظررکھتے ہوئے فورا مندر کا قبضہ متروکہ وقف املاک بورڈ حکومت پاکستان کے حوالے کریں