Author: سعد فاروق

سینیٹ کی قائمہ کمیٹی برائے انفارمیشن ٹیکنالوجی و ٹیلی کمیونیکیشن نے اسپیکٹرم نیلامی میں تاخیر پر گہری تشویش کا اظہار کرتے ہوئے ٹیرف میں اضافے اور بڑھتے ہوئے سائبر فراڈز کے خلاف فوری اصلاحات کا مطالبہ کیا ہے۔

پارلیمنٹ ہاؤس میں چیئرپرسن سینیٹر پلوشہ محمد زئی خان کی صدارت میں اجلاس ہوا جس میں پاکستان کے ڈیجیٹل اور ٹیلی کام سیکٹرز کو درپیش چیلنجز پر تفصیلی غور کیا گیا۔فریکوئنسی الاٹمنٹ بورڈ نے کمیٹی کو بتایا کہ 2021 سے فائیو جی تقاضوں کے مطابق اسپیکٹرم بینڈز دستیاب ہیں لیکن قانونی پیچیدگیوں اور اسٹے آرڈرز کے باعث نیلامی نہیں ہو سکی، جس سے اربوں روپے کا نقصان اور ڈیجیٹل ترقی میں رکاوٹ پیدا ہو رہی ہے۔ وزارت آئی ٹی نے یقین دہانی کرائی کہ نیلامی دسمبر 2025 تک مکمل کر لی جائے گی۔

کمیٹی کو بتایا گیا کہ آڈٹ رپورٹ کے مطابق موبائل کمپنی جیز نے صارفین سے 6.58 ارب روپے زائد وصول کیے اور ہر سہ ماہی میں 15 فیصد تک نرخ بڑھائے جو پی ٹی اے کی منظوری کے بغیر کیا گیا۔ کمیٹی نے سخت تحفظات کا اظہار کرتے ہوئے متعلقہ ریکارڈ طلب کر لیا۔زونگ کے خلاف بھی 6.6 میگا ہرٹز اسپیکٹرم کے مبینہ غیر قانونی استعمال کا کیس زیر بحث آیا۔ کمیٹی نے تاخیری حربوں پر برہمی کا اظہار کرتے ہوئے وزارت قانون کے نمائندے کو آئندہ اجلاس میں طلب کر لیا۔

نیشنل سائبر کرائم انویسٹی گیشن ایجنسی کے مطابق آن لائن فراڈز سالانہ 30 ارب روپے سے تجاوز کر گئے ہیں جن میں جعلی قرض ایپس، غیر قانونی کال سینٹرز، آن لائن جوا اور سوشل میڈیا پر جھوٹی خبریں شامل ہیں۔ایجنسی نے بتایا کہ حالیہ مہینوں میں 63 غیر قانونی کال سینٹرز بند، 450 افراد گرفتار اور 40 ملین روپے کی ریکوری کی گئی۔کمیٹی نے یوفون بورڈ آف ڈائریکٹرز کی تنخواہوں اور مراعات کی تفصیلات نہ دینے پر شدید برہمی کا اظہار کیا اور خبردار کیا کہ معلومات فراہم نہ ہونے پر استحقاق کی تحریک لائی جا سکتی ہے۔

کمیٹی نے شفافیت، تیز عدالتی فیصلوں اور عوامی مفاد کے تحفظ پر زور دیا اور کہا کہ اسپیکٹرم نیلامی، صارفین کے حقوق اور سائبر سیکیورٹی کے معاملات آئندہ اجلاس میں دوبارہ زیر غور آئیں گے۔اجلاس میں سینیٹر انوشہ رحمان، پرویز رشید، ڈاکٹر افنان اللہ خان، ڈاکٹر محمد ہمایوں مہمند، سیف اللہ سرور نیازی، ندیم احمد بھٹو، وزارت آئی ٹی کے اسپیشل سیکریٹری اور دیگر اعلیٰ حکام شریک ہوئے۔

وزیراعلی پنجاب کا مسجد پر اپنی تصویر لگانے کا سخت نوٹس، وضاحت طلب

قومی اسمبلی ،نام لئے بغیر حنیف عباسی خواجہ آصف پر برس پڑے

کوئٹہ دھماکا،دفعہ 144 کے باوجود جلسہ کیوں،دہشت گردوں کی سہولت کاری؟

کوئٹہ دھماکا: شاہوانی اسٹیڈیم کے قریب 4 افراد جاں بحق، 17 زخمی

قومی اسمبلی میں وزیر دفاع خواجہ محمد آصف کے بعد جمعیت علماء اسلام (ف) کے رکن نور عالم خان بھی بیوروکریسی کے خلاف میدان میں آگئے۔

اسمبلی اجلاس سے خطاب کرتے ہوئے نور عالم خان نے کہا کہ سیاستدان زمین پر قبضہ نہیں کرتے بلکہ اصل لینڈ گریبرز پاکستان کی بیوروکریسی ہے۔ اُن کے بقول جب بھی ملک میں سیلاب یا دہشت گردی ہوتی ہے تو بیوروکریسی اس سے فائدہ اٹھا کر مال کماتی ہے اور ملک کو تباہی کی طرف لے گئی ہے۔انہوں نے خیبر پختونخوا کی پی ڈی ایم اے پر بھی کڑی تنقید کرتے ہوئے کہا کہ دریائے سوات میں 16 افراد کو نہ بچایا جا سکا، دریا کے کنارے پر سوسائٹیز بنائی جا رہی ہیں جنہیں روکا جانا چاہیے۔

نور عالم خان نے کہا کہ 18ویں ترمیم نے وفاق کو کمزور اور صوبوں کو ریاستوں میں بدل دیا ہے، صوبے دریا کی زمین پر سوسائٹیز بنا دیتے ہیں لیکن وفاق ان سے باز پرس تک نہیں کرسکتا۔انہوں نے مزید کہا کہ تجاوزات کے خاتمے کا آغاز اسلام آباد سے ہونا چاہیے، نالوں پر قبضے ختم کیے جائیں۔ بھارت آپ کے ساتھ جنگ کر چکا ہے، لیکن اندرونی مسائل نے ہمیں کمزور کردیا ہے۔

بنوں میں ایف سی لائنز پر حملہ، 5 اہلکار شہید، 5 دہشت گرد ہلاک

میرپور خاص:ہنر بھی اس کا، منافع بھی اس کا. دیہی خواتین کی معاشی خودمختاری کا نیا پروگرام

مودی بڑا کمینہ، بارڈر پر ٹینک اور ڈرون پروازیں،انڈین سازش ایکسپوز

بحرین ڈیفنس فورس کے چیف آف اسٹاف نے ایئر ہیڈکوارٹرز اسلام آباد کا دورہ کیا اور پاک فضائیہ کے سربراہ ایئر چیف مارشل ظہیر احمد بابر سدھو سے ملاقات کی۔

ملاقات میں دونوں ممالک کے درمیان عسکری تعلقات کو مزید فروغ دینے، مشترکہ تربیت اور اجتماعی ترقی کے مواقع پر تبادلہ خیال کیا گیا۔ آئی ایس پی آر کے مطابق فریقین نے تعاون کے نئے شعبوں پر بھی غور کیا اور دو طرفہ تعلقات مضبوط بنانے کے عزم کا اعادہ کیا۔ایئر ہیڈکوارٹرز آمد پر پاک فضائیہ کے چاق و چوبند دستے نے مہمان کو گارڈ آف آنر پیش کیا جبکہ ایئر چیف نے پرتپاک استقبال کیا۔

بحرین فضائیہ نے پاک فضائیہ کے بھرپور عملی تجربات سے سیکھنے کی خواہش ظاہر کی اور خود انحصاری کی کاوشوں کو سراہا۔
چیف آف اسٹاف نے نیشنل ایرو اسپیس سائنس اینڈ ٹیکنالوجی پارک، نیشنل آئی ایس آر اینڈ انٹیگریٹڈ ایئر آپریشنز سینٹر اور پاک فضائیہ سائبر کمانڈ کا بھی دورہ کیا۔

وزیر اعظم آزاد کشمیر کی بھارت کو سخت دھمکی، سید علی گیلانی کارنر کا افتتاح

بارشوں کے دوران سندھ میں سیاحتی مقامات پر جانے پر پابندی عائد

اسلام آباد: بارشوں کے بعد مارگلہ ہلز کے متعدد ٹریلز بند

سہ ملکی سیریز: افغانستان کی یو اے ای کو 38 رنز سے شکست

وزیر اعظم آزاد کشمیر چوہدری انوارالحق نے ایک بار پھر بھارت کو سخت تنبیہ کرتے ہوئے کہا ہے کہ اگر مظالم بند نہ ہوئے تو وزیر اعظم آزاد کشمیر چوہدری انوارالحق اور اس بار وہاں مقیم بھی رہیں گے۔

اسلام آباد مانومنٹ پر سید علی گیلانی کارنر کے افتتاح کے موقع پر میڈیا سے گفتگو کرتے ہوئے انہوں نے کہا کہ بابائے حریت سید علی گیلانی نے اپنی پوری زندگی آزادی کی جدوجہد میں گزاری، وہ بارہ سال پابند سلاسل رہے اور بالآخر شہادت کے عظیم مرتبے پر فائز ہوئے۔تقریب میں وزراء حکومت، حریت قیادت، یونیورسل بشپ کونسل کے اراکین، سیاسی و سماجی رہنما اور طلبہ کی بڑی تعداد شریک تھی۔

وزیراعظم نے کہا کہ بھارتی فوج سید علی گیلانی کے جسد خاکی سے بھی خوفزدہ تھی اور ان کی نماز جنازہ ادا نہ کرنے دی۔ آج ان کے نام سے کارنر تشکیل دیا گیا ہے جہاں ان کے زیر استعمال قرآن پاک، جائے نماز اور دیگر اشیاء موجود ہیں۔چوہدری انوارالحق نے کہا کہ “ہم پاکستانی ہیں، پاکستان ہمارا ہے” آج ہر کشمیری کا نعرہ ہے، اور تحریک آزادی کشمیر کو اس کے منطقی انجام تک پہنچا کر سید علی گیلانی کے خواب کو پورا کریں گے۔

انہوں نے آرمی چیف فیلڈ مارشل سید عاصم منیر اور پاکستان کی سیاسی و عسکری قیادت کو خراج تحسین پیش کرتے ہوئے کہا کہ کشمیر کے لیے تین جنگیں لڑی جا چکی ہیں اور اگر ضرورت پڑی تو سات اور لڑی جائیں گی۔تقریب کے اختتام پر پاکستان اور کشمیر کی آزادی کے حق میں فلک شگاف نعرے لگائے گئے اور شہدائے کشمیر و پاک فوج کے لیے خصوصی دعا کی گئی۔

سہ ملکی سیریز: افغانستان کی یو اے ای کو 38 رنز سے شکست

اسلام آباد: بارشوں کے بعد مارگلہ ہلز کے متعدد ٹریلز بند

راشد خان ٹی20 میں سب سے زیادہ وکٹیں لینے والے بولر بن گئے

ایران پر دوبارہ پابندیاں، یورپی کوشش چین اور روس نے مسترد کر دی