Author: سعد فاروق

پاکستان ٹیلی کمیونیکیشن اتھارٹی (پی ٹی اے) نے موبائل ڈیوائسز کے انٹرنیشنل موبائل ایکوپمنٹ آئیڈنٹیٹی (پی ٹی اے کو ہٹا دیا ہے۔

پی ٹی اے کے اعلامیے کے مطابق اس اقدام کا مقصد ڈیوائس کی شناخت، رجسٹریشن، بلاکنگ سسٹم اور مینجمنٹ کو مزید مؤثر بنانا ہے۔ اعلامیے میں کہا گیا کہ اس فیصلے کے بعد پی ٹی اے اور موبائل نیٹ ورک آپریٹرز کو ڈیوائس آئیڈینٹیفکیشن، رجسٹریشن اور بلاکنگ سسٹم (DIRBS) آپریشنز میں بہتری حاصل ہوگی۔پی ٹی اے کے مطابق اس عمل سے صارفین کو موبائل ڈیوائسز کی بروقت رجسٹریشن اور ٹیکسز کی ادائیگی میں بھی سہولت میسر آئے گی۔

اعلامیے میں مزید کہا گیا کہ غیر رجسٹرڈ موبائل فون صرف 60 دن تک ہی نیٹ ورک پر استعمال کیے جا سکیں گے، جبکہ مقررہ وقت میں ٹیکس ادا نہ کرنے کی صورت میں وہ ڈیوائس دوبارہ بلاک کر دی جائے گی۔

ٹرمپ نے بھارت کا دورہ منسوخ کردیا، مودی نے فون کالز ریسیو نہیں کیں

وفاقی حکومت نے سیلاب متاثرین کے لیے بجلی کے بلوں میں ریلیف دینے کا اعلان کر دیا۔

سرکاری خبر رساں ایجنسی کے مطابق وفاقی وزیر توانائی اویس لغاری نے لیسکو ہیڈکوارٹر لاہور میں اجلاس سے خطاب کرتے ہوئے کہا کہ متاثرہ علاقوں میں بجلی صارفین کو خصوصی ریلیف فراہم کیا جائے گا اور بلوں کی ادائیگی کی تاریخ میں توسیع دی جائے گی۔وفاقی وزیر کا کہنا تھا کہ اگر حکومت بجلی بلوں کی مد میں مزید امداد کا اعلان کرے گی تو ڈسکوز متاثرین کے بل بھی معاف کر سکیں گی۔ انہوں نے کہا کہ سیلابی پانی کے باعث بجلی کی بحالی کا عمل متاثر ہوا ہے، تاہم پانی کی سطح کم ہوتے ہی یہ عمل مکمل کر لیا جائے گا۔

اویس لغاری نے بتایا کہ پاکستان میں 3 کروڑ 30 لاکھ صارفین میں سے ایک کروڑ 80 لاکھ بجلی 70 فیصد ڈسکاؤنٹ پر حاصل کر رہے ہیں۔ ان کے مطابق لیسکو کے ملازمین نے ایک دن کی تنخواہ وزیر اعظم کے سیلاب فنڈ میں جمع کروا دی ہے اور ملازمین و صارفین کی سیفٹی پر کوئی سمجھوتہ نہیں کیا جائے گا۔وزیر توانائی نے مزید کہا کہ بہت سے صارفین سولر پینل لگا کر اپنی کھپت 200 یونٹس سے نیچے لے آئے ہیں جس سے بجلی کے بلوں میں واضح کمی آئی ہے۔ ان کے مطابق حکومت کے اقدامات سے بجلی کے نرخوں میں کمی ہوئی ہے، لیکن جو لوگ یہ فرق محسوس نہیں کر رہے ان کی آنکھوں پر پٹی بندھی ہوئی ہے۔

اویس لغاری نے کہا کہ نیٹ میٹرنگ والے نئے آئی پی پیز بننے جا رہے ہیں، لیکن نیٹ میٹرنگ کی وجہ سے 4 روپے فی یونٹ کا بوجھ عوام پر پڑے گا، جسے حکومت نظر انداز نہیں کرے گی۔ انہوں نے بتایا کہ واپڈا کی نجکاری کا عمل شروع ہو چکا ہے اور محکمے میں رائٹ سائزنگ کی جا رہی ہے۔

وزیر آباد، مریم نواز کے دورے کے بعد فلڈ ریلیف کیمپ ختم، متاثرین پریشان

اتحاد ٹاؤن میں کن کن لوگوں کی انویسمنٹ،مبشر لقمان کا مریم نواز سے معصومانہ سوال

ڈپٹی وزیر اعظم و وزیر خارجہ اسحاق ڈار نے تصدیق کی ہے کہ افغانستان نے پاکستان کے سفیر کو ڈرون حملوں کے الزام میں ایک خط (ڈی مارش) جاری کیا ہے۔

اسلام آباد میں پریس بریفنگ کے دوران انہوں نے کہا کہ افغان حکام نے پاکستانی سفیر کو یہ خط دیا ہے، جسے سفارتی زبان میں ڈی مارش کہا جاتا ہے۔ اسحاق ڈار کے مطابق وہ بیرونِ ملک سے واپس آئے ہیں اور معاملے کا جائزہ لے رہے ہیں۔افغان حکام نے الزام عائد کیا ہے کہ ننگرہار اور خوست صوبوں میں مبینہ طور پر پاکستانی ڈرون حملوں کے نتیجے میں کم از کم 3 افراد ہلاک اور 7 زخمی ہوئے، تاہم تاحال افغان حکام نے کوئی شواہد پیش نہیں کیے اور پاکستان کی جانب سے بھی باضابطہ مؤقف سامنے نہیں آیا۔

وزیر خارجہ نے کہا کہ یہ معاملہ تحقیقات کا متقاضی ہے اور فی الحال کچھ کہنا قبل از وقت ہوگا۔ انہوں نے اس سوال کا جواب دینے سے گریز کیا کہ آیا پاکستان ان مبینہ حملوں میں ملوث ہے یا نہیں۔اسحاق ڈار نے واضح کیا کہ پاکستان کی کابل سے صرف ایک ہی درخواست ہے کہ وہ کالعدم تحریک طالبان پاکستان (ٹی ٹی پی) کے خلاف کارروائی کرے اور اپنی سرزمین کو پاکستان میں دہشت گردی کے لیے استعمال نہ ہونے دے۔ ان کا کہنا تھا کہ ہم نے افغان حکام سے کہا ہے کہ یا تو ان عناصر کو سرحد سے ہٹائیں یا پھر ہمارے حوالے کر دیں۔

انہوں نے مزید کہا کہ افغانستان کی ترقی اور استحکام پاکستان کے مفاد میں ہے۔ ازبکستان-افغانستان-پاکستان ریلوے منصوبے کی تکمیل سے پورے خطے کو فائدہ ہوگا اور وسطی ایشیائی ممالک سے براہِ راست روابط قائم ہوں گے۔

وزیر آباد، مریم نواز کے دورے کے بعد فلڈ ریلیف کیمپ ختم، متاثرین پریشان

اتحاد ٹاؤن میں کن کن لوگوں کی انویسمنٹ،مبشر لقمان کا مریم نواز سے معصومانہ سوال

خیبرپختونخوا سے گلگت،پنجاب،ہر سیلاب متاثرہ ضلع میں مرکزی مسلم لیگ نظر آئے گی،تابش قیوم

راولپنڈی کی اڈیالہ جیل میں بانی پی ٹی آئی کے خلاف توشہ خانہ ٹو کیس کی کل ہونے والی سماعت ملتوی کر دی گئی۔

کیس کی سماعت جیل کے اندر ہی مقرر تھی تاہم عدالتی عملے نے وکلاء اور پراسیکیوشن کو آگاہ کر دیا کہ کل کی سماعت نہیں ہو سکے گی۔ذرائع کے مطابق عدالتی عملے نے بانی پی ٹی آئی کے وکلاء کو مطلع کیا جبکہ پراسیکیوشن کو بھی سماعت ملتوی ہونے سے متعلق آگاہ کر دیا گیا ہے۔ خالد یوسف چودھری کے مطابق کیس کی آئندہ سماعت کے بارے میں تفصیلات وکلاء کو کل اسلام آباد جوڈیشل کمپلیکس سے بتائی جائیں گی۔

یاد رہے کہ بانی پی ٹی آئی کے خلاف توشہ خانہ ٹو کیس میں گزشتہ کئی ہفتوں سے سماعتیں اڈیالہ جیل میں ہی کی جا رہی ہیں، تاہم اس مرتبہ کسی نامعلوم وجہ کے باعث مقررہ سماعت ملتوی کر دی گئی۔

ایرانی صدر کا شہباز شریف سے رابطہ، سیلاب متاثرین کیلئے مدد کی پیشکش

دریائے سندھ میں شدید سیلاب کا خطرہ، الرٹ جاری

ایشیائی ترقیاتی بینک کا پاکستان کیلئے 30 لاکھ ڈالر ہنگامی امداد کا اعلان

ایف بی آر نے آن لائن کاروبار کے نئے قواعد و ضوابط جاری کر دیے