Author: سعد فاروق

وزیر دفاع خواجہ آصف نے کہا ہے کہ حالیہ سیلاب میں تباہ ہونے والی سڑکوں اور پلوں کی بنیادی وجہ کرپشن ہے، جو معاشرتی کلچر کا حصہ بن چکی ہے۔

نجی ٹی وی کو انٹرویو میں ان کا کہنا تھا کہ حکومت کے ترقیاتی منصوبوں پر مختص رقم کا صرف 15 سے 20 فیصد خرچ ہوتا ہے جبکہ باقی رقم کرپشن کی نذر ہو جاتی ہے۔خواجہ آصف نے کہا کہ یہ سوال بار بار اٹھایا جاتا ہے کہ پل جلدی کیوں گر جاتے ہیں؟ اس کا سیدھا جواب کرپشن ہے۔ منصوبہ بنانے والے، تجویز دینے والے، تعمیر کرنے والے اور کنٹریکٹر سب پیسہ بنانے میں لگے ہیں، اسی وجہ سے حکومت کا تھوڑا سا پیسہ منصوبوں پر لگتا ہے اور باقی ہضم کر لیا جاتا ہے۔

انہوں نے بتایا کہ گزشتہ 40 برسوں سے یہی سلسلہ چل رہا ہے کہ بجٹ میں رکھی گئی رقم کا صرف ایک چھوٹا حصہ خرچ ہوتا ہے، جس کا نتیجہ یہ نکلتا ہے کہ سڑکیں اور پل بار بار ٹوٹتے ہیں۔وزیر دفاع نے کہا کہ تقسیم سے پہلے بنائے گئے پل اور تعمیرات آج بھی قائم ہیں، لیکن موجودہ دور میں تعمیر ہونے والے پل اور سڑکیں چند سال بھی نہیں ٹک پاتیں۔

انہوں نے افسوس کا اظہار کرتے ہوئے کہا کہ ہمارے کلچر میں رزقِ حلال کی وہ اہمیت نہیں رہی جو بزرگوں کے دور میں تھی، آج ہر شخص دولت کمانے کی دوڑ میں لگا ہوا ہے۔خواجہ آصف نے خبردار کیا کہ یہ کرپشن ہمیں قدرت کے عذاب کی طرف دھکیل رہی ہے اور جب تک عوام کا پیسہ پوری طرح ان کی فلاح پر خرچ نہیں ہوگا، پل اور سڑکیں ٹوٹتے رہیں گے اور قوم کو نقصان ہوتا رہے گا۔

بھارت اور کینیڈا کے تعلقات میں بہتری، نئے ہائی کمشنرز کی تقرری کا اعلان

الیکشن کمیشن کی نئی فہرست، پی ٹی آئی سمیت 4 جماعتیں بغیر سربراہ کے شامل

عثمان خواجہ کی غزہ پر اسرائیلی مظالم رکوانے کی مہم، آسٹریلوی وزیراعظم سے ملاقات

پی ٹی آئی چیئرمین سمیت 18 اراکین کے قائمہ کمیٹیوں سے استعفے

پاکستان تحریک انصاف (پی ٹی آئی) کے چیئرمین بیرسٹر گوہر علی خان نے قومی اسمبلی کی 4 قائمہ کمیٹیوں سے استعفیٰ دے دیا، انہوں نے اپنا استعفیٰ اسپیکر قومی اسمبلی سردار ایاز صادق کے آفس میں جمع کرا دیا۔

پی ٹی آئی چیئرمین سمیت 18 اراکین قومی اسمبلی نے کمیٹیوں سے استعفے اسپیکر آفس میں جمع کرائے۔ بیرسٹر گوہر نے قانون و انصاف، انسانی حقوق، انفارمیشن ٹیکنالوجی (آئی ٹی) اور ہاؤس بزنس ایڈوائزری کمیٹی سے استعفیٰ دیا ہے۔استعفیٰ دینے والوں میں جنید اکبر، عامر ڈوگر، شیخ وقاص اکرم، شہریار آفریدی، آصف خان، فیصل امین گنڈا پور، علی اصغر خان سمیت دیگر اراکین بھی شامل ہیں۔

اس موقع پر بیرسٹر گوہر نے کہا کہ ہم نے بہت کوشش کی کہ سسٹم کا حصہ رہیں اور سسٹم چلے، ہماری 180 نشستیں تھیں، خیبرپختونخوا اور پنجاب میں اکثریت تھی، قومی اسمبلی میں 91 نشستوں کے ساتھ موجود رہے۔انہوں نے کہا کہ ہمارے لوگوں کو شہید کیا گیا، بانی پی ٹی آئی کو ناحق قید کیا گیا لیکن پھر بھی ہم نے کہا کہ بات چیت کی جائے، ابھی بھی دیر نہیں ہوئی۔ ان کا کہنا تھا کہ سیاست میں یہ سب ہوتا ہے، مگر فی الحال کسی سے کوئی مذاکرات نہیں ہو رہے۔

واضح رہے کہ پی ٹی آئی اراکین نے عمران خان کی ہدایت پر پارلیمنٹ کی تمام قائمہ کمیٹیوں سے استعفے دینے کا سلسلہ شروع کر دیا ہے۔

پاکستان ٹیلی کمیونیکیشن اتھارٹی (پی ٹی اے) نے واجبات ادا نہ کرنے پر پانچ ایل ڈی آئی ٹیلی کام کمپنیوں کے لائسنس معطل کرتے ہوئے انہیں آپریشنز بند کرنے کا حکم دے دیا۔

پی ٹی اے کے مطابق نادہندہ کمپنیوں میں ورلڈ کال، وتین ٹیلی کام، وائس کمیونیکیشن، ٹیلی کارڈ اور سرکل نیٹ شامل ہیں۔ کمپنیوں کو ایک ماہ کی مہلت دی گئی تھی لیکن انہوں نے بقایا جات ادا نہیں کیے۔اتھارٹی نے سیلولر موبائل آپریٹرز اور کلاس ویلیو ایڈڈ سروس لائسنس ہولڈرز کو ہدایت کی ہے کہ ان کمپنیوں کو فراہم کی جانے والی سہولیات فوری طور پر بند کر دی جائیں۔

پی ٹی اے کے مطابق وتین ٹیلی کام کے ذمے 6.25 ارب، سرکل نیٹ پر 5.9 ارب، ورلڈ کال پر 5.69 ارب، ٹیلی کارڈ پر 4.07 ارب، ملٹی نیٹ پر 1.41 ارب اور ریڈٹون پر سب سے زیادہ 14.31 ارب روپے واجب الادا ہیں۔حکام کا کہنا ہے کہ نادہندہ ایل ڈی آئی کمپنیوں کے ذمے مجموعی طور پر 24 ارب روپے کی اصل رقم اور 56 ارب روپے لیٹ پیمنٹ سرچارج ہے۔ ان کمپنیوں کے لائسنسوں کی علیحدہ علیحدہ سماعت کے بعد بقایا جات کی ادائیگی یا تجدید سے متعلق کوئی پیش رفت نہ ہوسکی۔

پی ٹی اے نے بتایا کہ کل 13 ایل ڈی آئی کمپنیوں میں سے 4 کے لائسنس 2024 میں تجدید ہوچکے ہیں، 7 کے لائسنس گزشتہ سال ختم ہوگئے، جبکہ 2 کمپنیوں کے لائسنس 2025 اور 2026 میں ختم ہوں گے۔اتھارٹی کے مطابق ایل ڈی آئی کمپنیوں کے ذمے یونیورسل سروس فنڈ کے اے پی سی چارجز بھی کئی سالوں سے واجب الادا ہیں، اس حوالے سے وزارت آئی ٹی کے خط اور عدالتی فیصلے کی روشنی میں کارروائی کی گئی۔

دہشتگردوں کے ساتھ کیسے مذاکرات ہوں؟ سعد رفیق

کیف پر روسی ڈرون اور میزائل حملہ، 19 افراد ہلاک

بھارتی آبی جارحیت،پنجاب میں سیلاب سے تباہی،درجنوں دیہات زیر آب،20 اموات

پنجاب میں تھرمل ڈرونز کی مدد سے 800 افراد ریسکیو

"میرا دل یوں یوں کر رہا ہے” خاتون صحافی کی کشتی میں رپورٹنگ کی ویڈیو وائرل