Author: سعد فاروق

عالمی ثالثی عدالت نے سندھ طاس معاہدے سے متعلق اپنے اہم فیصلے میں پاکستان کے مؤقف کی مکمل تائید کر دی ہے اور واضح کیا ہے کہ بھارت کو معاہدہ معطل کرنے کا کوئی اختیار حاصل نہیں۔

پاکستان نے ثالثی عدالت کے فیصلے کا خیرمقدم کیا ہے، جس میں عدالت نے کہا ہے کہ سندھ طاس معاہدے میں کہیں بھی یکطرفہ معطلی کی کوئی شق موجود نہیں ہے۔سندھ طاس معاہدے کا بغور جائزہ لینے کے بعد، عدالت نے بھارت کے اقدام کو غیرقانونی اور بلاجواز قرار دیا۔

عدالت کے مطابق، ثالثی عدالت کا کردار واضح ہے اور بھارت کا اقدام عدالت کی فیصلہ سازی پر اثر انداز نہیں ہو سکتا.معاہدہ معطل کرنے کی بھارتی کوشش کو معاہدے کی روح اور قانونی بنیادوں کے خلاف قرار دیا گیا۔

پسِ منظر
یاد رہے کہ 23 اپریل 2025 کو جموں و کشمیر کے پہلگام میں حملے کے بعد بھارت نے اچانک سندھ طاس معاہدہ فوری طور پر معطل کرنے کا اعلان کیا تھا، اور 24 اپریل کو پاکستان کو باضابطہ اطلاع دی گئی تھی۔اس پر عالمی ثالثی عدالت نے 16 مئی کو فریقین سے قانونی مؤقف طلب کیا، جس پر پاکستان نے بروقت تحریری مؤقف جمع کروا کر مؤثر دلائل دیے۔

پاکستان کا مؤقف
پاکستان نے اپنے جواب میں کہا کہ بھارت کے یکطرفہ اقدامات، خواہ وہ کسی بھی نوعیت کے ہوں، نہ تو عدالت کے دائرہ اختیار کو متاثر کر سکتے ہیں اور نہ نیوٹرل ایکسپرٹ کی حیثیت کو ختم کر سکتے ہیں۔پاکستانی حکام نے اس فیصلے کو سفارتی اور قانونی محاذ پر ایک بڑی کامیابی قرار دیا ہے اور عالمی برادری پر زور دیا ہے کہ وہ بھارت کو معاہدوں کی پاسداری کا پابند بنائے۔

سوات کا سیلابی ریلہ مالاکنڈ میں داخل، متعدد علاقوں میں تباہی

جنیوا ،کشمیری کمیونٹی کا مودی حکومت کے خلاف شدید احتجاج

محرم الحرام، ملک بھر میں پاک فوج اور سول آرمڈ فورسز تعینات

پاکستان میں سونے کی قیمت میں اچانک بڑی کمی

اسرائیل نےامداد کی آڑ میں فلسطینیوں پر حملے تیز کر دیے، 549 جاں بحق

جنیوا میں مقیم کشمیری کمیونٹی کی جانب سے مودی حکومت اور بھارتی قبضے کے خلاف شدید احتجاجی مظاہرہ کیا گیا، جس میں 300 سے زائد کشمیریوں نے شرکت کی۔

مظاہرین نے اقوام متحدہ کے دفتر کے سامنے جمع ہو کر بھارت کے زیرِ قبضہ جموں و کشمیر میں جاری انسانی حقوق کی سنگین خلاف ورزیوں پر شدید مذمت کا اظہار کیا۔مظاہرین نے اپنے نعروں اور پلے کارڈز کے ذریعے بھارتی مظالم کے خلاف آواز بلند کی اور آبادیاتی تبدیلیوں پر گہری تشویش ظاہر کی.مظاہرین کی جانب سے آر ایس ایس کی انتہا پسندانہ سوچ اور مودی سرکار کے ایجنڈے کو تنقید کا نشانہ بنایا گیا.

کشمیری کمیونٹی نے بھارتی وزیراعظم نریندر مودی، وزیر داخلہ اور قومی سلامتی مشیر کے اشتعال انگیز بیانات کی شدید مذمت کی،مظاہرین نے اقوام متحدہ سے مطالبہ کیا کہ بھارت کو کشمیری عوام کے خلاف جرائم پر جوابدہ بنایا جائے۔ مظاہرین نے سیاسی قیدیوں کی رہائی، طبی سہولیات کی فراہمی اور انسانی حقوق کی بحالی پر بھی زور دیا۔

کشمیری رہنماؤں نے عالمی برادری سے اپیل کی کہ وہ بھارت کے جارحانہ اقدامات اور مقبوضہ کشمیر میں غیر قانونی اقدامات کے خلاف فوری اور مؤثر کارروائی کرے۔

پاکستان میں سونے کی قیمت میں اچانک بڑی کمی

اسرائیل نےامداد کی آڑ میں فلسطینیوں پر حملے تیز کر دیے، 549 جاں بحق

اسرائیل نے عالمی امدادی اداروں کو غزہ میں کام سے روک کر خودساختہ تنظیم "غزہ ہیومینیٹیرین فاؤنڈیشن” قائم کر دی ہے، جس کے ذریعے فلسطینیوں کے خلاف ٹارگٹڈ آپریشن جاری ہے۔

فلسطینیوں نے بتایا ہے کہ اس فاؤنڈیشن کے تحت دی جانے والی امداد کے بہانے اسرائیلی فوج نہ صرف قتل و اغوا میں ملوث ہے بلکہ متعدد فلسطینیوں کو لاپتہ بھی کر رہی ہے۔فلسطینی میڈیا رپورٹس کے مطابق، غزہ میں جاری امدادی کارروائیوں کی آڑ میں اسرائیل کی جانب سے 549 فلسطینی شہید اور 4066 افراد زخمی ہو چکے ہیں، جب کہ 39 افراد اب تک لاپتہ ہیں۔

رپورٹس میں کہا گیا ہے کہ غذائی اشیاء اور پانی کی شدید قلت پیدا کر کے فلسطینیوں کو مجبور کیا جا رہا ہے کہ وہ امداد حاصل کریں، اور اسی لمحے انہیں نشانہ بنایا جاتا ہے۔فلسطینی بچوں نے بھی انکشاف کیا ہے کہ انہوں نے اپنی آنکھوں سے دیکھا ہے کہ کئی افراد امداد لیتے وقت اسرائیلی فائرنگ کا نشانہ بنے۔

ادھر اسرائیلی میڈیا نے دعویٰ کیا ہے کہ غزہ میں جاری جنگ اگلے دو ہفتوں میں ختم ہو سکتی ہے، تاہم فلسطینی ذرائع کا کہنا ہے کہ "غزہ ہیومینیٹیرین فاؤنڈیشن” درحقیقت اسرائیلی فوج کی ایک حکمت عملی ہے جس کے تحت غزہ میں انسانی حقوق کی شدید خلاف ورزیاں کی جا رہی ہیں۔

انسانی حقوق کی تنظیموں نے اس پیش رفت پر تشویش کا اظہار کرتے ہوئے غیر جانبدار بین الاقوامی امدادی اداروں کو فوری بحال کرنے کا مطالبہ کیا ہے۔

سانحہ سوات،سول سوسائٹی کی جانب سے ذمہ داران کیخلاف مقدمہ کی درخواست

روسی وزیر خارجہ سرگئی لاوروف نے کہا ہے کہ روس اس بات کا خواہاں ہے کہ ایران بین الاقوامی ایٹمی توانائی ایجنسی (آئی اے ای اے) کے ساتھ اپنا تعاون جاری رکھے۔

عالمی خبر رساں ادارے کے مطابق، سرگئی لاوروف نے ایک پریس کانفرنس میں کہا کہ ہم اس بات میں دلچسپی رکھتے ہیں کہ ایران کا آئی اے ای اے کے ساتھ تعاون جاری رہے۔ان کا یہ بیان ایسے وقت سامنے آیا ہے جب ایران کی پارلیمنٹ نے امریکا اور اسرائیل کی جانب سے جوہری تنصیبات پر حملوں کے بعد ایک بل منظور کیا ہے، جس کے تحت ایران کو آئی اے ای اے سے تعاون معطل کرنے کی اجازت دی گئی ہے۔

ایرانی پارلیمنٹ کی منظوری کے بعد یہ بل نگہبان شوریٰ نے بھی منظور کر لیا، جس سے ایران کا عالمی جوہری توانائی ایجنسی سے باضابطہ تعاون معطل کرنے کا راستہ ہموار ہو گیا ہے۔روس، جس کے ایران کے ساتھ اسٹریٹجک تعلقات قائم ہیں، نے امریکی اور اسرائیلی حملوں کی مذمت کرتے ہوئے کہا ہے کہ ایران کو پرامن جوہری توانائی کے استعمال کا مکمل حق حاصل ہے۔

سرگئی لاوروف نے ایرانی پارلیمنٹ کے فیصلے کو مشاورتی قرار دیتے ہوئے کہا کہ ایرانی پارلیمنٹ کو عملی اختیارات حاصل نہیں، لہٰذا اس کا فیصلہ مشاورتی نوعیت رکھتا ہے۔”ہم چاہتے ہیں کہ دنیا ایران کے سپریم لیڈر کا احترام کرے، جنہوں نے کئی بار واضح کیا ہے کہ ایران کا ایٹمی ہتھیار بنانے کا نہ ارادہ تھا، نہ ہے، اور نہ ہوگا۔”

تجزیہ کاروں کی جانب سے روس کی جانب سے یہ بیان عالمی برادری میں ایران کے ایٹمی پروگرام سے متعلق بڑھتی ہوئی تشویش کے تناظر میں امن و تعاون کی حمایت کے طور پر دیکھا جا رہا ہے۔

ایس سی او اجلاس کے دوران خواجہ آصف کی ایرانی ہم منصب سے ملاقات

پنجاب پبلک سروس کمیشن نے پی ایم ایس 2023 کے نتائج کا اعلان کر دیا

افغان شہری کی چاقو سے حملے کی کوشش، پولیس کی فائرنگ سے ہلاک