Author: سعد فاروق

پاکستان نے بھارت کے وزیر اعظم کی جانب سے مقبوضہ جموں و کشمیر سے متعلق دیے گئے بے بنیاد اور گمراہ کن بیانات کو سختی سے مسترد کر دیا ہے۔

واضح رہے کہ بھارتی وزیر اعظم نریندر مودی اسٹرٹیجک ریلوے لائن منصوبے کے افتتاح کے لیے مقبوضہ کشمیر پہنچے تھے۔بھارتی میڈیا کے مطابق اس موقع پر نریندر مودی نے کہا تھا کہ پاکستان نے پہلگام میں ’انسانیت اور کشمیریت‘ پر حملہ کیا تھا۔دفتر خارجہ کی جانب سے جاری بیان میں ترجمان نے کہا کہ ایسے بیانات ایک منظم منصوبے کا حصہ ہیں جن کا مقصد مقبوضہ علاقے میں جاری انسانی حقوق کی سنگین اور مسلسل خلاف ورزیوں سے عالمی توجہ ہٹانا ہے۔

دفتر خارجہ نے مزید کہا کہ ہمیں اس پر گہری تشویش ہے کہ بھارتی وزیر اعظم نے ایک بار پھر پہلگام حملے میں پاکستان کو ملوث قرار دیا، جبکہ اس حوالے سے کوئی قابل اعتماد ثبوت فراہم نہیں کیا گیا۔ یاد رہے کہ 22 اپریل 2025 کو ہونے والے حملے میں 26 سیاح ہلاک ہوئے تھے۔

ترجمان نے کہا کہ جموں و کشمیر بین الاقوامی سطح پر تسلیم شدہ متنازعہ علاقہ ہے، جس کی حتمی حیثیت اقوام متحدہ کی سلامتی کونسل کی قراردادوں اور کشمیری عوام کی مرضی کے مطابق طے کی جانی ہے۔ کوئی بھی بیان بازی اس حقیقت کو تبدیل نہیں کر سکتی۔

وزارت خارجہ نے کہا کہ مقبوضہ جموں و کشمیر میں ترقی سے متعلق بھارتی دعوے بے بنیاد ہیں، جب کہ وہاں فوجی محاصرہ، بنیادی آزادیوں کی خلاف ورزیاں، بلا جواز گرفتاریاں، اور بین الاقوامی قوانین خصوصاً چوتھے جنیوا کنونشن کی خلاف ورزی کرتے ہوئے آبادیاتی تبدیلی کی منظم کوششیں جاری ہیں۔

ترجمان دفتر خارجہ نے کہا کہ پاکستان کشمیری عوام کی ان کے جائز حقوق اور وقار کے لیے اصولی حمایت جاری رکھے گا۔ ہم عالمی برادری، اقوام متحدہ اور انسانی حقوق کی تنظیموں سے مطالبہ کرتے ہیں کہ وہ بھارت کو اس کے جابرانہ اقدامات پر جوابدہ بنائیں۔

انہوں نے کہا کہ عالمی برادری اس بات کو یقینی بنائے کہ کشمیری عوام کو اقوام متحدہ کی قراردادوں کے تحت اپنے ناقابل تنسیخ حقِ خودارادیت کے استعمال کی اجازت دی جائے۔

خواجہ سعد رفیق کی طبیعت اچانک ناساز، اسپتال منتقل

سینئر صحافی اور ایسوسی ایٹڈ پریس کی افغانستان اور پاکستان کے لیے نیوز ڈائریکٹر کیتھی گینن نے کہا ہے کہ افغان علاقے میں شدت پسند گروہوں کی موجودگی خطے کی سیکیورٹی کے لیے سنگین خطرہ ہے۔

انسٹیٹیوٹ آف ریجنل اسٹیڈیز (آئی آر ایس) کے تحت اسلام آباد میں منعقدہ تقریب ’جیوپولیٹیکل شفٹس اینڈ سیکیورٹی چینلجز‘ سے خطاب کرتے ہوئے کیتھی گینن نے کہا کہ ممکن ہے کہ افغانستان یہ نہ چاہتا ہو کہ شدت پسند گروہ اُس کی زمین استعمال کریں، لیکن اس کے باوجود وہ گروہ وہاں اب بھی موجود ہیں۔یاد رہے کہ کیتھی گینن 2014 میں افغانستان میں رپورٹنگ کے دوران زخمی ہوئی تھیں۔

پریس ریلیز کے مطابق کیتھی گینن نے پاکستان اور افغانستان کے درمیان اعتماد کی بحالی کی ضرورت پر زور دیا۔ انہوں نے دونوں ممالک کے تعلقات میں حالیہ مثبت پیش رفت کو سراہتے ہوئے کہا کہ پاکستان کو افغانستان کے ساتھ برابری اور شراکت داری کی بنیاد پر آگے بڑھنا ہوگا۔انہوں نے اس بات پر بھی زور دیا کہ اسلام آباد کو اپنے اندرونی سیکیورٹی چیلنجز سے نمٹنے کے لیے تمام دہشت گرد تنظیموں کے خلاف ایک مؤثر اور طویل مدتی حکمت عملی اپنانی ہوگی۔

کیتھی گینن کا کہنا تھا کہ چین کے افغانستان میں قدرتی وسائل پر اثر و رسوخ کی وجہ سے افغانستان اب بھی امریکی پالیسی سازوں کی نظر میں اہمیت رکھتا ہے۔اسی موقع پر پاکستان کے سابق نمائندہ خصوصی برائے افغانستان آصف درانی نے کہا کہ پاکستان اور افغانستان ’جڑواں بھائیوں‘ کی مانند ہیں، جو ہمیشہ ایک دوسرے کی مدد کو تیار رہتے ہیں۔ انہوں نے کہا کہ افغانستان کی سی پیک میں شمولیت دونوں ممالک کے سفارتی روابط میں بہتری کی علامت ہے۔

آصف درانی نے مزید کہا کہ پاکستان، افغانستان اور چین کے حالیہ سہ فریقی مذاکرات میں دہشت گردی کے خاتمے پر اتفاق ہوا، اور سیکیورٹی و قانون نافذ کرنے والے اداروں کے درمیان تعاون جاری رکھنے پر بھی اتفاق کیا گیا۔پریس ریلیز کے مطابق دونوں ملکوں کے درمیان سفارتی تعلقات میں بہتری کے بعد پاکستان میں دہشت گرد حملوں میں نمایاں کمی دیکھنے کو ملی ہے۔

تقریب سے خطاب کرتے ہوئے آئی آر ایس کے صدر جوہر سلیم نے کہا کہ تمام چیلنجوں کے باوجود، خطے کی جغرافیائی سیاست اور مشترکہ مفادات نے دونوں ممالک کو دوبارہ قریب کیا ہے اور تعاون پر مجبور کیا ہے۔آئی آر ایس کے افغانستان پروگرام کے سربراہ آرش خان نے کہا کہ اگرچہ طالبان تنظیمی ڈھانچے، خواتین کی تعلیم اور بنیادی حقوق کے حوالے سے عالمی مطالبات کو تسلیم نہیں کر رہے، لیکن اس کے باوجود وہ چین، روس، پاکستان اور اقوام متحدہ سمیت دیگر ممالک کے ساتھ سفارتی تعلقات بہتر بنانے میں کامیاب ہو رہے ہیں۔

آرش خان نے مزید کہا کہ افغان عبوری حکومت نے حالیہ دنوں میں کالعدم تحریک طالبان پاکستان (ٹی ٹی پی) کے خلاف عملی اقدامات کیے ہیں۔پاکستان کے سابق سفیر برائے افغانستان ابرار حسین نے تقریب میں کہا کہ اس وقت پاکستان کی اولین ترجیح افغانستان میں پائیدار امن اور استحکام کا قیام ہے۔

خواجہ سعد رفیق کی طبیعت اچانک ناساز، اسپتال منتقل

بلال بن ثاقب کی اہم امریکی سیاستدانوں اور ماہرین معیشت سے ملاقا تیں

چیف الیکشن کمشنر کی تقرری کے سلسلے میں اپوزیشن لیڈر عمر ایوب نے پارلیمانی کمیٹی کے لیے 6 نام تجویز کر دیے ہیں۔

پاکستان تحریک انصاف (پی ٹی آئی) کے رہنما اور قومی اسمبلی میں اپوزیشن لیڈر عمر ایوب نے اس حوالے سے اسپیکر قومی اسمبلی کو خط ارسال کیا ہے۔ خط میں چیف الیکشن کمشنر کی مدت مکمل ہونے پر آئینی طریقہ کار کے مطابق پارلیمانی کمیٹی کی تشکیل کا مطالبہ کیا گیا ہے۔

اپوزیشن کی جانب سے پارلیمانی کمیٹی کے لیے تجویز کردہ ارکان میں قومی اسمبلی سے اسد قیصر، گوہر علی، حمید رضا اور لطیف کھوسہ جبکہ سینیٹ سے شبلی فراز اور علامہ راجہ ناصر شامل ہیں۔عمر ایوب نے اپنے خط میں 15 جنوری کو لکھے گئے ایک سابقہ خط کا حوالہ دیتے ہوئے اس پر عملدرآمد کی ضرورت پر زور دیا۔ انہوں نے کہا کہ سندھ اور بلوچستان سے الیکشن کمیشن کے ارکان کی تقرری بھی ناگزیر ہو چکی ہے۔

اپوزیشن لیڈر نے آئین کے آرٹیکل 213(2B) کے تحت تقرری کے عمل کا آغاز کرنے کی درخواست کی ہے۔

اقوام متحدہ کیلئے کام کرنے والی افغان خواتین کو دھمکیاں، گھروں سے کام کرنے کی اجازت

سندھ طاس سے چھیڑ چھاڑ ہوئی تو شملہ معاہدہ بھی زیر غور ہوگا،خواجہ آصف

برطانیہ کا اسرائیلی کارروائیوں پر سخت ردعمل،غزہ کی صورتحال ناقابل برداشت ہے

ناصرہ المعروف اداکارہ رانی بیگم ،تحریر :راحین راجپوت