Author: سعد فاروق

پاکستان ایسوسی ایشن دبئی (پی اے ڈی) نے متحدہ عرب امارات (یو اے ای) کا دنیا کا سب سے بڑا ہاتھوں کے نشانات پر مشتمل جھنڈا تیار کرکے گنیز ورلڈ ریکارڈ قائم کیا ہے۔

باغی ٹی وی کے مطابق یہ ریکارڈ "ہینڈز آف یونٹی” مہم کے تحت ایک ماہ کی مدت میں مکمل کیا گیا، جس میں 23 اسکولوں اور جامعات کے طلبہ و طالبات اور 39 مقامات پر موجود شرکاء نے بھرپور حصہ لیا۔گنیز ورلڈ ریکارڈز کے نمائندے نے دبئی کے پاکستان آڈیٹوریم میں منعقدہ ایک خصوصی تقریب میں اس ریکارڈ کی باضابطہ تصدیق کی۔یہ جھنڈا 24 ہزار 514 ہاتھوں کے نشانات پر مشتمل ہے، جن میں 100 سے زائد قومیتوں کے افراد نے شرکت کی۔

تقریب میں پاکستان کے سفیر برائے یو اے ای فیصل نیاز ترمذی، قونصل جنرل حسین محمد سمیت 250 سے زائد معزز مہمانوں نے شرکت کی۔یہ شاندار کارنامہ پاکستان ایسوسی ایشن دبئی، ایمریٹس لوز پاکستان اور فنکارہ روباب زہرہ کے اشتراک سے ممکن ہوا۔1960 کی دہائی میں قائم ہونے والی پی اے ڈی، متحدہ عرب امارات میں مقیم پاکستانی کمیونٹی کی فلاح و بہبود، ثقافت کے فروغ اور ترقی کے لیے کام کر رہی ہے۔

واضح رہے کہ یہ اقدام نہ صرف پاکستانی کمیونٹی کی یو اے ای سے وابستگی کا اظہار ہے بلکہ بین الاقوامی اتحاد اور ہم آہنگی کی ایک خوبصورت مثال بھی ہے۔”ہینڈز آف یونٹی” مہم نے یہ ثابت کیا کہ مختلف قومیتوں اور ثقافتوں سے تعلق رکھنے والے افراد ایک مقصد کے لیے متحد ہو کر نمایاں کامیابی حاصل کر سکتے ہیں۔

لندن کے علاقے برینٹ میں ایک افسوسناک واقعے میں آتشزدگی کے باعث برٹش پاکستانی خاندان کے چار افراد جاں بحق ہو گئے۔

برطانوی ذرائع ابلاغ کے مطابق پولیس نے واقعے کو مشتبہ قرار دیتے ہوئے ایک شخص کو قتل کے شبے میں گرفتار کر لیا ہے۔ آتشزدگی کے نتیجے میں جاں بحق ہونے والوں میں 43 سالہ خاتون، ان کی 15 سالہ بیٹی، 8 سالہ بیٹا اور 4 سالہ بیٹا شامل ہیں۔ تین منزلہ رہائش گاہ مکمل طور پر تباہ ہو گئی۔واقعے کے وقت گھر میں موجود ایک 70 سالہ بزرگ خاتون اور ایک نوجوان لڑکی زخمی ہوئیں، جنہیں فوری طور پر اسپتال منتقل کر دیا گیا ہے، جہاں ان کا علاج جاری ہے۔

میٹروپولیٹن پولیس کے ترجمان کے مطابق جائے وقوعہ سے 41 سالہ ایک شخص کو قتل کے شبے میں حراست میں لیا گیا ہے، اور اس سے تفتیش کی جا رہی ہے۔عینی شاہدین کا کہنا ہے کہ متاثرہ خاندان تقریباً دو دہائی قبل پاکستان سے برطانیہ منتقل ہوا تھا، اور مقامی کمیونٹی میں اچھی ساکھ رکھتا تھا۔

پولیس اور فائر بریگیڈ حکام نے واقعے کی مکمل تحقیقات کا آغاز کر دیا ہے تاکہ آگ لگنے کی اصل وجوہات اور اس میں انسانی ہاتھ کے امکان کو واضح کیا جا سکے۔

پی ایس ایل 10: فائنل میں پاک بحریہ کو زبردست خراجِ تحسین پیش کیا جائے گا

ایکس (سابق ٹوئٹر) کی سروس ایک بار پھر تعطل کا شکار، صارفین پریشان

شام کے عبوری صدر احمد الشرع اچانک ترکی کے دورے پر پہنچ گئے

مقبوضہ کشمیر میں آپریشن بنیان مرصوص کے پوسٹرز لگ گئے

امریکی صدر ڈونلڈ ٹرمپ نے ویسٹ پوائنٹ کے کیڈٹس سے خطاب کرتے ہوئے امریکی فوج کو دنیا کی سب سے طاقتور فوج بنانے کا کریڈٹ خود کو دیا۔

باغی ٹی وی کے مطابق نیویارک کے مشی اسٹیڈیم میں منعقدہ کانووکیشن تقریب میں صدر ٹرمپ نے کیڈٹس کو تعلیمی و جسمانی کامیابیوں پر مبارکباد دی اور کہا کہ اب آپ انسانی تاریخ کی سب سے باوقار اور مشہور فوجی اکیڈمی سے فارغ التحصیل ہو رہے ہیں، اور جلد ہی دنیا کی سب سے طاقتور فوج کے افسران میں شامل ہو جائیں گے۔

انہوں نے دعویٰ کیا کہ میں نے امریکی فوج کو دوبارہ منظم کیا، پہلے دورِ حکومت میں اسے جدید تقاضوں سے ہم آہنگ کیا، اور اب ہماری افواج پہلے سے کہیں زیادہ مضبوط اور جدید ہیں۔”صدر ٹرمپ نے مزید کہا کہ امریکا کا نیا سنہری دور شروع ہونے کو ہے۔ فوج کو جدید ہتھیاروں سے لیس کیا جا رہا ہے تاکہ دنیا میں اپنی برتری قائم رکھی جا سکے۔

خطاب کے دوران صدر ٹرمپ نے کیڈٹ "کرس ورڈوگو” کو سٹیج پر بلایا اور اسے ایک مثالی کیڈٹ قرار دیا۔ انہوں نے بتایا کہ کرس نے جنوری کی ایک انتہائی سرد رات میں 18.5 میل طویل مارچ صرف دو گھنٹے 30 منٹ میں مکمل کیا، جو عزم اور تربیت کا منہ بولتا ثبوت ہے۔

اپنی گفتگو میں صدر ٹرمپ نے قطر، سعودی عرب اور متحدہ عرب امارات کے حالیہ دورے کا بھی ذکر کیا اور کہا کہ وہاں کے رہنماؤں سے ملاقاتیں انتہائی مثبت رہیں، جنہوں نے علاقائی سیکیورٹی کے لیے امریکی کردار کو سراہا۔

پی ایس ایل 10: فائنل میں پاک بحریہ کو زبردست خراجِ تحسین پیش کیا جائے گا

دہشت گردی کے خلاف عزمِ راسخ ، تحریر:جان محمد رمضان

شام کے عبوری صدر احمد الشرع اچانک ترکی کے دورے پر پہنچ گئے

شام کے عبوری صدر احمد الشرع اچانک ترکی کے دورے پر پہنچ گئے