Author: سعد فاروق

مقبوضہ کشمیر میں بھارتی فوج کی ریاستی دہشتگردی کا سلسلہ جاری ہے، جہاں ضلع کشتواڑ میں جاری نام نہاد سرچ آپریشن کے دوران مزید دو کشمیری نوجوانوں کو شہید کر دیا گیا، جس سے ایک ماہ میں شہید ہونے والے نوجوانوں کی تعداد 7 ہو گئی ہے۔

کشمیر میڈیا سروس کے مطابق بھارتی قابض فورسز نے ضلع کشتواڑ کے مختلف علاقوں میں داخلی و خارجی راستے بند کرکے سرچ آپریشن شروع کیا۔ اس دوران ایک گھر پر اندھا دھند فائرنگ کی گئی اور دو نوجوانوں کو حراست میں لے لیا گیا۔کچھ دیر بعد ان نوجوانوں کی گولیوں سے چھلنی اور تشدد زدہ لاشیں قریبی علاقے سے برآمد ہوئیں، جنہیں پولیس کے حوالے کر دیا گیا۔ عینی شاہدین اور علاقہ مکینوں نے الزام عائد کیا ہے کہ نوجوانوں کو ماورائے عدالت قتل کیا گیا ہے۔

بھارتی فوج کے ترجمان نے واقعے کی ذمہ داری سے انکار کرتے ہوئے دعویٰ کیا کہ نوجوان مسلح تھے اور جھڑپ کے دوران مارے گئے، جس میں ایک فوجی اہلکار بھی ہلاک ہوا۔ تاہم علاقہ مکینوں نے اس دعوے کو مسترد کرتے ہوئے اسے بے بنیاد قرار دیا اور لاشیں لواحقین کے حوالے کرنے کا مطالبہ کیا ہے۔

واضح رہے کہ یہ واقعہ رواں ماہ مقبوضہ کشمیر میں پیش آنے والا تیسرا بڑا ماورائے عدالت قتل ہے۔ انسانی حقوق کی تنظیموں اور کشمیری قیادت کی جانب سے بھارتی فوج کی ان کارروائیوں کی شدید مذمت کی جا رہی ہے، جنہیں نسل کشی اور انسانی حقوق کی سنگین خلاف ورزی قرار دیا جا رہا ہے۔

ڈہرکی: گلاب شاہ کالونی میں زہریلا پانی,شہریوں کی زندگیاں خطرے سے دوچار

امریکا کا کردار تھا، مگر جنگ بندی براہ راست طے پائی: بھارتی وزیر خارجہ

امریکا: سی آئی اے ہیڈکوارٹرز کے باہر مشتبہ شخص پر فائرنگ، داخلی راستہ بند

مودی جی خالی تقریریں بند کریں، قوم کو جواب دیں، راہول گاندھی

بھارتی وزیر خارجہ ڈاکٹر ایس جے شنکر نے ایک انٹرویو میں اس بات کا اعتراف کیا ہے کہ حالیہ پاک بھارت کشیدگی کم کرنے میں امریکا نے فعال کردار ادا کیا، تاہم جنگ بندی کا فیصلہ پاکستان اور بھارت نے براہ راست مذاکرات کے ذریعے کیا۔

باغی ٹی وی کے مطابق ایک انٹرویو کے دوران جب جے شنکر نے یہ کہا کہ پاکستان اور بھارت کے درمیان رابطے کے لیے "ہاٹ لائن” موجود ہے، تو ان سے پوچھا گیا کہ پھر امریکا کا کیا کردار تھا؟ اس پر بھارتی وزیر خارجہ نے جواب دیا کہ امریکا پاکستان اور بھارت دونوں سے رابطے میں تھا۔ انہوں نے مزید بتایا کہ نائب امریکی صدر جے ڈی وینس نے بھارتی وزیر اعظم نریندر مودی سے رابطہ کیا جبکہ امریکی وزیر خارجہ مارکو روبیو نے جے شنکر سے براہ راست گفتگو کی۔ اسی طرح امریکی حکام پاکستان کے حکام سے بھی مسلسل رابطے میں رہے۔

جے شنکر نے واضح کیا کہ امریکا اکیلا ملک نہیں تھا جو ثالثی کی کوشش کر رہا تھا، بلکہ متعدد ممالک نے بھی مداخلت کی اور دونوں ممالک سے رابطے کر کے کشیدگی کم کرانے کی کوششیں کیں۔ ان کے مطابق، "یہ فطری ہے کہ جب دو ممالک کسی تنازع میں الجھے ہوں تو دنیا کے دوسرے ممالک اپنی تشویش کا اظہار کرتے ہیں۔ انہوں نے اس بات پر زور دیا کہ جنگ بندی پاکستان اور بھارت کے درمیان براہ راست طے پائی، نہ کہ کسی تیسرے فریق کی ثالثی سے۔

واضح رہے کہ جے شنکر کے اس اعتراف نے بھارتی حکومت کے اس مؤقف پر بھی سوال اٹھا دیے ہیں، جس میں وہ حالیہ جنگ بندی کو مکمل طور پر بھارت کی داخلی حکمت عملی قرار دیتی رہی ہے۔

امریکا: سی آئی اے ہیڈکوارٹرز کے باہر مشتبہ شخص پر فائرنگ، داخلی راستہ بند

مودی جی خالی تقریریں بند کریں، قوم کو جواب دیں، راہول گاندھی

گوگل کروم اور فائرفاکس کے ذریعے سائبر حملے کا خدشہ، ایڈوائزری جاری

امریکا کی خفیہ ایجنسی سی آئی اے کے ہیڈکوارٹرز کے باہر پیش آنے والے سیکیورٹی واقعے میں ایک مشتبہ شخص کو نشانہ بنایا گیا۔

امریکی میڈیا کے مطابق ریاست ورجینیا میں واقع سی آئی اے ہیڈکوارٹرز کے باہر آج صبح ایک سیکیورٹی گارڈ نے مشتبہ شخص پر فائرنگ کی۔سی آئی اے کے ترجمان نے واقعے کی تصدیق کرتے ہوئے کہا ہے کہ مشتبہ شخص کو حراست میں لے لیا گیا ہے اور قانون نافذ کرنے والے ادارے اس سیکیورٹی واقعے کی تحقیقات کر رہے ہیں۔ تاہم ترجمان نے فائرنگ کی تصدیق یا تردید نہیں کی۔

ترجمان کے مطابق ہیڈکوارٹرز کا مرکزی دروازہ تاحکمِ ثانی بند کر دیا گیا ہے اور ملازمین کو ہدایت کی گئی ہے کہ وہ متبادل راستے استعمال کریں۔تاحال یہ واضح نہیں ہو سکا کہ مشتبہ شخص کا ارادہ کیا تھا اور وہ کس مقصد سے ہیڈکوارٹرز کے قریب موجود تھا۔ امریکی سیکیورٹی ادارے واقعے کی تمام پہلوؤں سے چھان بین کر رہے ہیں۔

مودی جی خالی تقریریں بند کریں، قوم کو جواب دیں، راہول گاندھی
گوگل کروم اور فائرفاکس کے ذریعے سائبر حملے کا خدشہ، ایڈوائزری جاری

بھارت کی کانگریس پارٹی کے مرکزی رہنما اور لوک سبھا میں اپوزیشن لیڈر راہول گاندھی نے وزیر اعظم نریندر مودی پر کڑی تنقید کرتے ہوئے کہا ہے کہ "مودی جی، کھوکھلی تقریریں کرنا بند کریں۔

باغی ٹی وی کے مطابق سوشل میڈیا پلیٹ فارم "ایکس” (سابق ٹوئٹر) پر جاری ایک بیان میں راہول گاندھی نے بھارتی وزیر اعظم کو تین سخت سوالات کا جواب دینے کا مطالبہ کیا۔راہول گاندھی نے سوال کیا کہ آپ نے پاکستان کے دہشت گردی پر بیان کو سچ کیوں مانا؟،آپ نے ڈونلڈ ٹرمپ کے سامنے جھک کر بھارتی مفادات کیوں قربان کیے؟ ،آپ کا خون صرف کیمروں کے سامنے ہی کیوں جوش مارتا ہے؟

راہول گاندھی نے دعویٰ کیا کہ مودی جی نے بھارت کی عزت پر سمجھوتہ کیا ہے اور صرف میڈیا کے سامنے سخت باتیں کرتے ہیں، لیکن عالمی سطح پر کمزور موقف اختیار کرتے ہیں۔ انہوں نے یہ بھی کہا کہ "آپ نے بھارت کی عزت کا سودا کیا۔”واضح رہے کہ یہ بیان اس وقت سامنے آیا ہے جب بی جے پی حکومت کی جانب سے پاک بھارت کشیدگی کے دوران "آپریشن سندور” کے بعد اچانک سیز فائر کا اعلان کیا گیا۔ کانگریس نے ابتدائی طور پر فوجی کارروائی کی حمایت کی، مگر سیز فائر کے بعد اپوزیشن نے حکومت پر شدید تنقید شروع کر دی ہے۔

کانگریس نے یہ الزام بھی عائد کیا ہے کہ بھارتی حکومت سفارتی وفود کو بیرون ملک بھیج کر عوام کی توجہ اصل مسائل سے ہٹانا چاہتی ہے، جسے انہوں نے "ویپنز آف ماس ڈسٹریکشن” یعنی توجہ ہٹانے کے ہتھیار قرار دیا۔راہول گاندھی اور کانگریس کی جانب سے مطالبہ کیا گیا ہے کہ مودی حکومت فوری طور پر پارلیمنٹ کا خصوصی اجلاس طلب کرے اور امریکی صدر ٹرمپ کے پاک بھارت سیز فائر میں کردار کے دعوے پر قوم کو وضاحت دے۔

گوگل کروم اور فائرفاکس کے ذریعے سائبر حملے کا خدشہ، ایڈوائزری جاری