Author: سعد فاروق

پاکستان ٹیلی کمیونیکیشن اتھارٹی (پی ٹی اے) نے نیشنل سائبر کرائم انویسٹی گیشن ایجنسی کے ساتھ مل کر آئی ایم ای آئی ٹیمپرنگ اور کلون شدہ موبائل فونز کی فروخت میں ملوث عناصر کے خلاف کریک ڈاؤن تیز کر دیا ہے۔

ترجمان پی ٹی اے کے مطابق زونل آفس ایبٹ آباد نے این سی سی آئی اے کے تعاون سے مانسہرہ میں لاری اڈہ اور صوفی ہوٹل کے قریب واقع موبائل فون مرمت کی دکانوں پر چھاپے مارے۔ کارروائی کے دوران آئی ایم ای آئی تبدیل کرنے میں استعمال ہونے والے کمپیوٹرز اور مخصوص سافٹ ویئرز قبضے میں لے لیے گئے جبکہ موقع پر موجود 6 افراد کو گرفتار کر کے مزید کارروائی کے لیے این سی سی آئی اےکے حوالے کر دیا گیا۔

پی ٹی اے کا کہنا ہے کہ آئی ایم ای آئی کی غیرقانونی ٹیمپرنگ اور کلون شدہ موبائل فونز کی ترسیل قومی سلامتی اور عوامی تحفظ کے لیے خطرہ ہے، کیونکہ یہ جرائم پیشہ عناصر کو فائدہ پہنچانے کا ذریعہ بنتے ہیں، جن میں سائبر کرائم، اغواء، مالی دھوکا دہی اور دیگر سنگین جرائم شامل ہیں۔اعلامیے میں عوام سے اپیل کی گئی ہے کہ وہ ایسی مشکوک سرگرمیوں کی فوری اطلاع دیں تاکہ قانون نافذ کرنے والے ادارے مؤثر کارروائی کر سکیں۔ پی ٹی اے نے خبردار کیا ہے کہ قانون کی خلاف ورزی پر سخت قانونی اقدامات کیے جائیں گے۔

لاہور قلندرز کا اسلام آباد یونائیٹڈ کو جیت کے لیے 203 رنز کا ہدف

ملک بھر میں سونے کی قیمتوں میں بڑا اضافہ

ہارورڈ یونیورسٹی میں غیر ملکی طلبا پر پابندی، چین کا شدید ردعمل

وفاقی وزیر منصوبہ بندی احسن اقبال کی زیر صدارت سینٹرل ڈیولپمنٹ ورکنگ پارٹی (سی ڈی ڈبلیو پی) کا اجلاس منعقد ہوا، جس میں 104 ارب روپے مالیت کے ترقیاتی منصوبوں کی منظوری دی گئی۔

وزارت منصوبہ بندی کے جاری کردہ اعلامیے کے مطابق اجلاس میں 96 ارب روپے کے 3 بڑے منصوبے قومی اقتصادی کونسل (ایکنک) کو بھجوا دیے گئے ہیں، جبکہ 8 ارب روپے مالیت کے 4 منصوبے سی ڈی ڈبلیو پی نے خود منظور کر لیے۔اعلامیے کے مطابق صنعت و تجارت کے 2 منصوبے بھی منظور کیے گئے، جن میں "1000 سلائی یونٹس فیز 2” شامل ہے جس کی لاگت 1.95 ارب روپے ہوگی۔ اس کے علاوہ ایس ایم ای فیسیلیٹیشن سینٹرز کی زمین کی خریداری کے لیے 1.25 ارب روپے مختص کیے گئے ہیں۔

ایک اہم پیش رفت میں، پاکستان کی پہلی قمری گاڑی منصوبے کے لیے 2.53 ارب روپے جبکہ انسان بردار خلائی مشن منصوبے کے لیے 2.24 ارب روپے کی منظوری دی گئی ہے، جو ملکی خلائی ترقی کے لیے ایک سنگ میل ثابت ہوں گے۔مزید برآں، سندھ میں سڑکوں کے بڑے منصوبے بھی ایکنک کو ارسال کیے گئے ہیں، جن میں سانگھڑ تا روہڑی سڑک کی تعمیر پر 36.91 ارب روپے اور روہڑی تا گڈو بیراج نئی سڑک کے منصوبے شامل ہیں۔ مہران ہائی وے کو نواب شاہ تا راجن پور دو رویہ بنانے کا 41 ارب روپے کا منصوبہ بھی ایکنک کو بھیجا گیا ہے۔

اجلاس کے دوران وزیر منصوبہ بندی احسن اقبال نے تمام منصوبوں کی لاگت کو مارکیٹ ریٹس کے مطابق رکھنے کی ہدایت دی تاکہ وسائل کا مؤثر استعمال یقینی بنایا جا سکے۔

وفاقی بجٹ اب 10 جون کو پیش کیا جائے گا، آئی ایم ایف سے مذاکرات جاری

23 اور 24 مئی کو آندھی، گرد آلود ہوائیں، گرج چمک کے ساتھ بارش کی پیش گوئی

وفاقی وزیر برائے مذہبی امور سردار یوسف نے کہا ہے کہ پرائیویٹ ٹور آپریٹرز کی غفلت اور تاخیر کی وجہ سے ہزاروں پاکستانی اس سال حج پر جانے سے محروم رہ جائیں گے۔

باغی ٹی وی کے مطابق اسلام آباد میں پریس کانفرنس کرتے ہوئے انہوں نے نجی شعبے کی کارکردگی پر شدید تحفظات کا اظہار کیا۔انہوں نے بتایا کہ پاکستان کو اس سال ایک لاکھ 79 ہزار حجاج کا کوٹہ ملا تھا، جسے برابر سرکاری اور نجی شعبے میں تقسیم کیا گیا۔ سرکاری اسکیم کے تحت تمام امور وزارت مذہبی امور خود انجام دیتی ہے، جبکہ نجی شعبے کو بھی بروقت انتظامات کرنا تھے، جو کہ نہ ہو سکے۔

وزیر مذہبی امور کے مطابق، سعودی حکومت نے نجی شعبے کو 14 فروری تک 25 فیصد رقم جمع کروانے کی ہدایت کی تھی، جس میں بعد ازاں ایک ہفتے کی مزید مہلت دی گئی، لیکن اس مہلت کو بھی نظر انداز کر دیا گیا۔ جب وزارت کو اس کوتاہی کا علم ہوا تو سعودی حکام سے مزید مہلت کی درخواست کی گئی، تاہم سعودی پالیسی بین الاقوامی نوعیت کی ہوتی ہے جس میں نرمی ممکن نہ تھی۔

انہوں نے بتایا کہ حکومت کی کوششوں سے نجی شعبے کو 10 ہزار کا نیا کوٹہ دیا گیا ہے، اور اس سال نجی شعبے سے مجموعی طور پر 25 ہزار 698 عازمین حج پر جا سکیں گے۔وزیر نے مزید بتایا کہ وزیراعظم کی ہدایت پر قائم انکوائری کمیٹی تحقیقات کر رہی ہے، اور سفارشات کی روشنی میں غفلت کے مرتکب افراد کے خلاف سخت کارروائی کی جائے گی۔

سردار یوسف کے مطابق 31 مئی تک حج پروازیں جاری رہیں گی۔ سرکاری کوٹے کے تحت جانے والے عازمین عزیزیہ میں رہائش پذیر ہوں گے۔ انہوں نے کہا کہ تمام حجاج کو یکساں سہولتیں فراہم کرنے کیلئے متعلقہ کمپنیوں کو مکمل انتظامات کرنے کی ہدایات جاری کر دی گئی ہیں۔

وفاقی بجٹ اب 10 جون کو پیش کیا جائے گا، آئی ایم ایف سے مذاکرات جاری

23 اور 24 مئی کو آندھی، گرد آلود ہوائیں، گرج چمک کے ساتھ بارش کی پیش گوئی

وزارت خزانہ کے ترجمان کے مطابق وفاقی بجٹ 2025-2024 کی پیشی کی تاریخ تبدیل کر دی گئی ہے، اور اب یہ بجٹ 10 جون کو قومی اسمبلی میں پیش کیا جائے گا۔

باغی ٹی وی کے مطابق اس سے قبل بجٹ 2 جون کو پیش کیے جانے کا امکان تھا۔ترجمان کے مطابق اس تبدیلی کا مقصد بجٹ کی تیاری کو مکمل اور جامع بنانا ہے، تاکہ تمام مالی امور کو بہتر انداز میں حتمی شکل دی جا سکے۔ذرائع کے مطابق وفاقی بجٹ کی تیاری کے سلسلے میں پاکستان اور بین الاقوامی مالیاتی فنڈ (آئی ایم ایف) کے درمیان مذاکرات جاری ہیں، اور امکان ظاہر کیا جا رہا ہے کہ آج یہ مذاکرات مکمل ہو سکتے ہیں۔

ذرائع کا کہنا ہے کہ مذاکرات میں صنعتوں پر ٹیکسوں کی شرح میں کمی کی تجاویز پر بھی پیشرفت کا امکان ہے، جبکہ نئے مالی سال کے لیے دفاعی بجٹ میں ممکنہ اضافے پر بھی بات چیت جاری ہے۔ اس کے ساتھ ساتھ حکومتی اخراجات میں کمی سے متعلق ورکنگ بھی فائنل کیے جانے کا امکان ہے۔ذرائع نے مزید بتایا کہ حکومت تنخواہ دار طبقے پر ٹیکس بوجھ کم کرنے کے لیے کوشاں ہے، اور صنعتی شعبے پر ٹیکسوں میں کمی کی تجاویز بھی پیش کی گئی ہیں۔ ٹیکس آمدن اور نان ٹیکس آمدن میں اضافہ کرنے کی حکمت عملی بھی زیر غور ہے۔

زرعی آمدن پر ٹیکس وصولی کے نئے فریم ورک پر بھی مذاکرات میں غور کیا جا رہا ہے۔ پاکستان نے صوبوں کی آمدن میں اضافہ کرنے سے متعلق پلان بھی آئی ایم ایف کو پیش کر دیا ہے۔واضح رہے کہ آئی ایم ایف وفد کی پاکستانی قیادت سے ملاقاتوں کے مثبت نتائج کی توقع ہے۔ وفد نے وزیراعظم، صدر اور نائب وزیراعظم سے بھی ملاقاتیں کی ہیں، جبکہ اسلام آباد میں معاشی ٹیم کے ساتھ مذاکرات گزشتہ پانچ روز سے جاری ہیں۔ امکان ظاہر کیا جا رہا ہے کہ یہ مذاکرات ماہ جون تک جاری رہ سکتے ہیں۔

منفرد اداکار محمد سعید خان المعروف رنگیلا .تحریر : راحین راجپوت

ورک فرام ہوم .تحریر:عائشہ ندیم

ٹیکس چوری قطعاً قابل قبول نہیں،وزیراعظم سے چیمبر آف کامرس کے صدور سے ملاقات