Author: سعد فاروق

امریکی ریاست کیلیفورنیا کے شہر پام اسپرنگز میں ہفتے کے روز ایک تولیدی صحت مرکز کے قریب زور دار بم دھماکے کے نتیجے میں ایک شخص ہلاک اور کم از کم چار افراد زخمی ہو گئے۔

باغی ٹی وی کے مطابق امریکی وفاقی تحقیقاتی ادارے (ایف بی آئی) نے اس واقعے کو "دہشت گردی کی کارروائی” قرار دیا ہے۔ ایف بی آئی لاس اینجلس فیلڈ آفس کے اسسٹنٹ ڈائریکٹر کے مطابق دھماکہ ایک گاڑی کے قریب ہوا، جو مکمل طور پر تباہ ہو گئی۔ دھماکے میں ہلاک ہونے والا شخص اسی گاڑی کے نزدیک موجود تھا۔

حکام کا کہنا ہے کہ یہ واقعہ کسی اتفاق کا نتیجہ نہیں بلکہ ایک دانستہ اور منصوبہ بند دہشت گرد حملہ تھا۔ تحقیقات جاری ہیں تاکہ یہ تعین کیا جا سکے کہ یہ کارروائی داخلی دہشت گردی کے زمرے میں آتی ہے یا اس کے پیچھے کوئی بین الاقوامی نیٹ ورک کارفرما ہے۔

دھماکے کے نتیجے میں قریبی عمارتوں کو بھی شدید نقصان پہنچا، جن میں بعض کو بری طرح متاثر قرار دیا گیا ہے۔ زخمیوں کو فوری طور پر مقامی اسپتال منتقل کر دیا گیا، جہاں ان کا علاج جاری ہے۔تحقیقات میں ایف بی آئی کے ساتھ دیگر وفاقی و ریاستی ادارے بھی شامل ہیں، اور جائے وقوعہ کو مکمل طور پر سیل کر دیا گیا ہے۔

پی سی بی کا سینٹرل کنٹریکٹ 2025-26،کیٹیگریز میں ممکنہ رد و بدل

جنگی ناکامی کے بعد بھارتی حکومت کی بوکھلاہٹ، پاکستانی حمایت پر درجنوں افراد گرفتار

حالیہ پاک بھارت کشیدگی اور جنگ میں شکست کے بعد بھارتی حکومت شدید دباؤ کا شکار دکھائی دے رہی ہے، جس کا اندازہ ملک میں اظہار رائے کی آزادی پر کریک ڈاؤن سے لگایا جا سکتا ہے۔

باغی ٹی وی کے مطابق بھارتی پولیس نے ’آپریشن سندور‘ کے خلاف بیان دینے پر اشوکا یونیورسٹی کے ایسوسی ایٹ پروفیسر ڈاکٹر علی خان محمودآباد کو دہلی میں ان کے گھر سے گرفتار کر لیا۔بھارتی میڈیا کے مطابق پروفیسر علی خان کے خلاف بھارتیہ جنتا پارٹی (بی جے پی) کی یوتھ ونگ کے جنرل سیکریٹری یوگیش جھتری نے ریاست ہریانہ کے ضلع سونی پت میں شکایت درج کرائی، جس پر مقدمہ بھی قائم کر دیا گیا ہے۔ ان پر بغاوت، فرقہ وارانہ نفرت پھیلانے، مذہبی عقائد کی توہین اور تخریبی سرگرمیوں پر اکسانے جیسے سنگین الزامات عائد کیے گئے ہیں۔

ڈاکٹر علی خان نے 8 مئی کو ایک سوشل میڈیا پوسٹ میں بھارتی فوج کی نمائندہ کرنل صوفیہ قریشی کی تعریف کرنے والوں کے "دوہرے معیار” پر سوال اٹھاتے ہوئے لکھا تھا کہ ایسے افراد کو بھی اسی زور سے اُن شہریوں کے تحفظ کا مطالبہ کرنا چاہیے جو ہجوم کے تشدد اور حکومتی نفرت انگیزی کا شکار بنے۔ انہوں نے یہ بھی کہا کہ اگر علامتی اقدامات زمینی حقائق میں تبدیلی نہ لائیں تو وہ محض منافقت بن کر رہ جاتے ہیں۔ان کے بیان پر ہریانہ اسٹیٹ کمیشن برائے خواتین نے نوٹس لیتے ہوئے الزام عائد کیا کہ یہ تبصرہ بھارتی مسلح افواج کی توہین اور فرقہ وارانہ ہم آہنگی کو نقصان پہنچانے کے مترادف ہے۔

پروفیسر علی خان کی گرفتاری کے علاوہ، بھارتی پولیس نے پنجاب، ہریانہ اور دہلی میں ایک بڑے کریک ڈاؤن کے دوران یوٹیوبرز، ولاگرز اور طلباء سمیت کم از کم 30 افراد کو بھی گرفتار کیا ہے۔ ان میں نمایاں نام ٹریول ولاگر جیوَتی ملہوترا اور دیویندر سنگھ کے ہیں۔ جیوَتی ملہوترا، جو ’ٹریول وِد جو‘ نامی یوٹیوب چینل چلاتی ہیں، پر الزام ہے کہ انہوں نے پاکستان کے سفر کی ویڈیوز شیئر کیں اور مبینہ طور پر حساس معلومات پاکستانی حکام کو فراہم کیں۔ انہیں آفیشل سیکریٹس ایکٹ 1923 کے تحت گرفتار کیا گیا ہے۔

گرفتار ہونے والے 25 افراد پر الزام ہے کہ انہوں نے حالیہ جنگ کے دوران سوشل میڈیا پر پاکستان کی حمایت میں مواد شیئر کیا۔ ان الزامات کی بنیاد پر حکومت نے کارروائی کی ہے، جو بین الاقوامی سطح پر انسانی حقوق کی تنظیموں اور آزادیِ اظہار کے اداروں کے لیے باعث تشویش ہو سکتی ہے۔

یاد رہے کہ 22 اپریل کو مقبوضہ کشمیر میں بھارت کے مبینہ فالس فلیگ آپریشن کے بعد خطے میں پاک بھارت کشیدگی میں شدید اضافہ ہوا تھا۔ 6 اور 7 مئی کی درمیانی شب بھارت نے پاکستان پر فضائی حملوں کا آغاز کیا، جس کے جواب میں پاکستان نے بھارتی فضائیہ کے 5 طیارے مار گرائے۔ 10 مئی کو پاکستان نے ’آپریشن بنیان مرصوص‘ کے تحت بھارت کے 26 فوجی اہداف کو نشانہ بنایا، جس کے بعد امریکی صدر ڈونلڈ ٹرمپ کی مداخلت پر جنگ بندی پر اتفاق ہوا۔

واضح رہے کہ بھارت میں اس وقت آزادی اظہار کو سخت پابندیوں کا سامنا ہے، اور ملکی میڈیا پر بھی جنگ کے دوران پروپیگنڈا اور جھوٹے دعوؤں کا غلبہ رہا، جس کی عالمی اداروں نے بھی تصدیق کی ہے۔

کراچی: وزیراعلیٰ سندھ کی میزبانی میں وفاقی وزراء اور صنعت کاروں کا اہم اجلاس

لاہور: اپووا کی شاندارتقریب، آپریشن بنیان مرصوص کی فتح کا جشن اور نئے قائد کا انتخاب

بھارت:عمارت میں آگ لگنے سے بچوں سمیت 17 افراد ہلاک